Tag: ହତ୍ୟା

ଲକ୍ଷ୍ନୌ: ଲକ୍ଷ୍ନୌର କେସରବାଗ କୋର୍ଟ ଭିତରେ ଗ୍ୟାଙ୍ଗଷ୍ଟର ସଞ୍ଜୀବ ମହେଶ୍ୱରୀ ଜୀଭାଙ୍କୁ ଗୁଳି କରି ହତ୍ୟା କରାଯାଇଛି। ଆକ୍ରମଣକାରୀ ଜଣେ ଓକିଲଙ୍କ ପୋଷାକରେ ଥିଲେ। ସଞ୍ଜୀବ ମହେଶ୍ୱରୀ ମୁଖତାର୍ ଅନସାରୀଙ୍କ ଘନିଷ୍ଠ ଥିଲେ। ସେ ବ୍ରହ୍ମଦତ୍ତ ଦ୍ୱିବେଦୀ ହତ୍ୟା ମାମଲାରେ ଜଣେ ଅଭିଯୁକ୍ତ ଥିଲେ। ସଞ୍ଜୀବଙ୍କୁ କୋର୍ଟ ହାଜର ହେବା ପାଇଁ ଅଣାଯାଇଥିଲା। ଗୁଳି ବିନିମୟରେ ଚାରିରୁ ପାଞ୍ଚ ଜଣ ଆହତ ହୋଇଥିବା ଖବର ମଧ୍ୟ ରହିଛି।

ବିହାର : ବିହାରର ସୁପୋଲ୍‌ଠାରେ ଏକ ବଧୂହତ୍ୟା ମାମଲା ସାମ୍ନାକୁ ଆସିଛି । ବୋହୂ ଜଣକ ମାଛ ତରକାରୀ ନ କରିପାରିବାରୁ ଶାଶୁଘର ଲୋକେ ତାଙ୍କର ହତ୍ୟା କରିଛନ୍ତି । ହତ୍ୟା କରିବା ପରେ ବୋହୂର ମୃତଦେହକୁ ଗ୍ରାମର ନିକଟରେ  ଥିବା ନାଳରେ ଭସାଇଦେଇଛନ୍ତି ।

ବୋହୂର ବାପଘର ପରିବାରକୁ ତାଙ୍କ ସମ୍ପର୍କରେ କୌଣସି ସୂଚନା ନ ମିଳିବା ପରେ ସେ ଏସଂକ୍ରାନ୍ତରେ ପୋଲିସ୍‌ରେ ଅଭିଯୋଗ କରିଥିଲେ । ପୋଲିସ୍‌ ଲୋକଙ୍କସୂଚନା ପାଇଁ ମହିଳାଙ୍କ ମୃତଦେହକୁ ଜବତ କରି ତଦନ୍ତ ଆଣମ୍ଭ କରିଛି । ଏହାପରେ ମହିଳାଙ୍କ ସ୍ବାମୀଙ୍କ ସମେତ ଶାଶୁଘରର ଅନ୍ୟ ସଦସ୍ୟଙ୍କ ବିରୋଧରେ ମାମଲା ରୁଜୁ କରିଛି ।

ମିଳିଥିବା ସୂଚନା ଅନୁସାରେ ରତନାପୁର ଥାନା ଅଞ୍ଚଳରେ କୋସୀର ପୂର୍ବର ଢାଁଢା ଗ୍ରାମ ନିକଟରେ କୋସୀ ନଦୀରୁ ଏକ ବସ୍ତାରେ ମହିଳାଙ୍କ ମୃତଦେହ ମିଳିଥିଲା । ଗ୍ରାମବାସୀଙ୍କ ସୂଚନା କ୍ରମେ ପୋଲିସ୍‌ ମୃତଦେହକୁ ଜବତ କରି ପୋଷ୍ଟମର୍ଟମ୍‌ କରିଥିଲେ । ଏହାପରେ ଘଟଣା ଉପରକୁ ପରଦା ଉଠିଥିଲା ।

2020 ମାର୍ଚ୍ଚ ମାସରେ ମହିଳାଙ୍କ ବିବାହ ହୋଇଥିବାବେଳେ ସାମାନ୍ୟ କାରଣରୁ ଶାଶୁଘର ଲୋକେ ବୋହୂର ହତ୍ୟା କରିଛନ୍ତି । ତେବେ ମହିଳାଙ୍କ ବାପଘର ମହିଳାଙ୍କ ସମ୍ପର୍କରେ କୌଣସି ସୂଚନା ନ ପାଇବା ପରେ ପୋଲିସ୍‌ର ସାହାଯ୍ୟ ନେଇଥିଲେ । ପ୍ରଥେମ ମହିଳାଙ୍କ ବାପଘର ଲୋକେ ମହିଳାଙ୍କ ନିଖୋଜ ନେଇ ଥାନାରେ ଏତଲା ଦେଇଥିଲେ । ମହିଳାଙ୍କ ମୃତଦେହ ମିଳିବା ପରେ ମହିଳାଙ୍କ ସ୍ବାମୀ ଓ ଶଶୁରଙ୍କୁ ପୋଲିସ୍‌ ଗିରଫ କରିଛି । ମହିଳାଙ୍କ ହତ୍ୟା ସମ୍ପର୍କରେ ତାଙ୍କ ସ୍ବାମୀଙ୍କୁ ପଚାରିବାରୁ ସେ କହିଥିଲେ ଯେ ତାଙ୍କ ସ୍ତ୍ରୀ ମାଛ ରୋଷେଇ କରିପାରିନଥିଲେ । ଏହାକୁ ନେଇ ବିବାଦ ହୋଇଥିଲା । ବିବାଦ ଏତେ ଉଗ୍ର ରୂପ ଧାରଣ କରିଥିଲା ଯେ, ରାଗରେ ସ୍ବାମୀ ଜଣକ ମହିଳାଙ୍କର ହତ୍ୟା କରିଦେଇଥିଲେ। ତେବେ ଏହି ଘଟଣାରେ ଅଭିଯୁକ୍ତ ସ୍ବାମୀ ସୁନୀଲ୍‌ଙ୍କୁ ତାଙ୍କ ମା’ ଓ ବାପା ସହଯୋଗ କରିଥିଲେ । (ଏଜେନ୍ସି)

ଲକ୍ଷ୍ନୌ :  ହାଥରସ୍‌ ଘଟଣା ମନରୁ ନ ଲିଭୁଣୁ ଆଉ ଏକ ବୀଭତ୍ସ ହତ୍ୟାକାଣ୍ଡ ଘଟିଛି। ଉତ୍ତର ପ୍ରଦେଶରେ ଆଉ ଏକ ଭୟାନକ ଏବଂ ବୀଭତ୍ସ ଗଣଦୁଷ୍କର୍ମ ଏବଂ ହତ୍ୟା ହୋଇଛି । ନିଜର ପୁରୁଷ ବନ୍ଧୁଙ୍କୁ ଭେଟି ନପାରିବାରୁ ନାବାଳିକାଙ୍କୁ ଗଣଦୁଷ୍କର୍ମ ପରେ ହତ୍ୟା କରାଯାଇଛି ।  ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌରୁ 30 କିମି ଦୂର ବାରବାଙ୍କିରେ ଘଟିଛି । 17ବର୍ଷୀୟ ନାବାଳିକାକୁ ପରିବାର ଲୋକ ପୁରୁଷବନ୍ଧୁଙ୍କ ସହ ମିଶିବାକୁ ଦେଇନଥିଲେ । ଏଥିରେ ଉତକ୍ଷିପ୍ତ ପୁରୁଷ ବନ୍ଧୁ ନିଜର ଆଉ ଜଣେ ସାଙ୍ଗଙ୍କ ସହିତ ମିଶି ଯୁବତୀଙ୍କୁ ଦୁଷ୍କର୍ମ ପରେ ହତ୍ୟା କରିଥିଲେ ।

ଯୁବତୀ ଜଣକ ନିଖୋଜ ଥିବା ନେଇ ପରିବାର ଲୋକଙ୍କ ପକ୍ଷରୁ ଅଭିଯୋଗ କରାଯିବା ପରେ ଯୁବକଙ୍କୁ ପଚରା ଉଚୁରା କରିଥିଲା ପୋଲିସ । ଯୁବତୀଙ୍କୁ ଦୁଷ୍କର୍ମ ଏବଂ ହତ୍ୟା ପରେ ଏକ କେନାଲରେ ଫୋପାଡି ଦେଇଥିଲେ ଦୁଇ ଯୁବକ । ଉଭୟ ଅଭିଯୁକ୍ତଙ୍କ ବିରୋଧରେ ଗଣଦୁଷ୍କର୍ମ ହତ୍ୟା ମାମଲା ଦାୟର କରିଛି ପୋଲିସ । (ଏଜେନ୍ସି)

କୌଶମ୍ବୀ: ଉତ୍ତରପ୍ରଦେଶର କୌଶମ୍ବୀ ଜିଲ୍ଲାର ସିରାଥୁ ଅଞ୍ଚଳରେ ଥିବା ଭଡା ଘରେ ଜଣେ ମହିଳା ଏବଂ ତାଙ୍କ ନାବାଳିକା ଝିଅଙ୍କୁ ହତ୍ୟା କରାଯାଇଥିବା ଦେଖିବାକୁ ମିଳିଛି। ମୃତକଙ୍କ ନାମ ସରିତା (୨୮) ଏବଂ ତାଙ୍କ ଝିଅ ତନୁ (୭)।

ଅତିରିକ୍ତ ପୋଲିସ ଅଧୀକ୍ଷକ ସମର ବାହାଦୂର ଗଣମାଧ୍ୟମକୁ କହିଛନ୍ତି, ଗତକାଲି ବିଳମ୍ବିତ ରାତିରେ ମୃତଙ୍କାଙ୍କ ସ୍ଵାମୀ ମୋହିତ ସାହୁ ଘରକୁ ଫେରିଥିଲେ। ଏବଂ ସେ ଘରେ ତାଙ୍କ ସ୍ତ୍ରୀ ଏବଂ ଝିଅର ମୃତ ଦେହ ଦେଖିଥିଲେ। ମୋହିତ ହତ୍ୟା ସନ୍ଦେହ କରି ପୋଲିସକୁ ସୂଚନା ଦେବାରୁ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିଥିଲା। ମୋହିତ ଜଣେ ଡିଜେ ବ୍ୟବସାୟ। ସେ ଏକ ନୂତନ ଘର ନିର୍ମାଣ କରି ଭଡା ଘରରୁ ନୂତନ ଘରକୁ ସ୍ଥାନାନ୍ତର କରିବାକୁ ଯୋଜନା କରିଥିଲେ।

ଫୋରେନସିକ୍ ବିଶେଷଜ୍ଞଙ୍କ ସହ ବରିଷ୍ଠ ପୋଲିସ୍ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ମୃତଦେହ ପୋଷ୍ଟ ମର୍ଟମ ପରୀକ୍ଷା ପାଇଁ ପଠାଯାଇଛି। ପୋଲିସ କହିଛି ଯେ ସେମାନେ ଏହି ଅଞ୍ଚଳରେ ସ୍ଥାପିତ ସିସିଟିଭି କ୍ୟାମେରାର ଫୁଟେଜ ସ୍କାନ କରୁଛନ୍ତି। (ଏଜେନ୍ସି)

ଜିନ୍ଦ : ହରିୟାଣାର ଜିଲ୍ଲା ଜିନ୍ଦ ଜିଲ୍ଲାରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏହି ଜିଲ୍ଲାର ଦିଡ୍‌ଓ୍ବାଡା ଗ୍ରାମରେ ଜଣଷ ପିତା ତାନ୍ତ୍ରିକର କଥାରେ 5 ବର୍ଷରେ ନିଜର 5ଟି ସନ୍ତାନର ହତା କରିଛି । ଜୁଲାଇ 17 ତାରିଖରେ ଏହି ଗ୍ରାମରୁ ଦୁଇ ଝିଅ ଗାଏବ ହୋଇଥିଲେ । ଏହା ପରେ ଘଟଣାଟି ସାମ୍ନାକୁ ଆସିଥିଲା । ଅଭିଯୁକ୍ତ ଜଣକ ଏହି ଗ୍ରାମର ଜୁମ୍ମା ବୋଲି ସୂଚନା ରହିଛି । ଜୁମ୍ମା ଜଣେ ତାନ୍ତ୍ରିକର କଥାରେ ଏପରି ବୀଭତ୍ସ କାଣ୍ଡ ଘଟାଇଥିବାର ଜଣାପଡିଛି । ମରିଥିବା ସମସ୍ତ ସନ୍ତାନଙ୍କର ବୟସ 11 ବର୍ଷରୁ କମ୍‌ ରହିଛି । ଏଥିରେ ତିନିଜଣ ଝିଅ ଓ ଦୁଇ ଜଣ ପୁଅ ରହିଛନ୍ତି । ପୂରା ମାମଲା ସାମ୍ନାକୁ ଆସିବା ପରେ ବ୍ୟକ୍ତି ଜଣକ ପଞ୍ଚାୟତ ସାମ୍ନାରେ ଅପରାଧ ସ୍ବୀକାର କରି  କ୍ଷମା ପ୍ରାର୍ଥନା କରିଛନ୍ତି । ତେବେ ପୋଲିସ୍‌ ଅଭିଯୁକ୍ତ ଗିରଫ କରି ଏହି ଘଟଣାରେ ଆଉ କିଏ କିଏ ସାମିଲ୍‌ ରହିଛନ୍ତି ତାହା ନେଇ ତଦନ୍ତ ଆରମ୍ଭ କରୁଛି । (ଏଜେନ୍ସି)

ମଣ୍ଡଲା : ମଧ୍ୟପ୍ରଦେଶରୁ ଏକ ଭୟଙ୍କର ଘଟଣା ସାମ୍ନାକୁ ଆସିଛି । ଏଠାରେ ଏକ ପରିବାରର 6 ଜଣ ସଦସ୍ୟଙ୍କୁ ତଲଓ୍ବାଲରରେ କାଟି ନିମର୍ମ ଭାବରେ ହତ୍ୟା କରାଯାଇଛି । ଏହି ଘଟଣା ପରେ ଗ୍ରାମବାସୀମାନେ ବାଡି ଦ୍ବାରା ଅଭିଯୁକ୍ତଙ୍କୁ ଆକ୍ରମଣ କରିଥିଲେ । ଦୁଇ ଅଭିଯୁକ୍ତଙ୍କ ମଧ୍ୟରୁ ଜଣଙ୍କର ମାର୍‌ପିଟ୍‌ରେ ମୃତ୍ୟୁ ହୋଇଥିବାର ସୂଚନା ରହିଛି।

ମିଳିଥିବା ସୂଚନା ଅନୁସାରେ ମଣ୍ଡଲା ଜିଲ୍ଲା ବୀଜାଣ୍ଡାଣ୍ଡି ଥାନା ଅଞ୍ଚଳର ମନେରୀ ଚୌକିଠାରେ 6 ଜଣଙ୍କ ହତ୍ୟା ମାମଲା ସାମ୍ନାକୁ ଆସିଥିଲା । ସୋନି ପରିବାରର ଦୁଇ  ପରିବାର ସଦସ୍ୟଙ୍କ ମଧ୍ୟରେ ସମ୍ପତ୍ତି ବିବାଦ ନେଇ ଏହି ଘଟଣା ଘଟିଥିବାର ସୂଚନା ରହିଛି ।

ଦୁଇ ପରିବାର ମଧ୍ୟରୁ ଜଣେ ଅନ୍ୟ ପରିବାର ଉପରେ ଧାରୁଆ ଅସ୍ତ୍ରରେ ଆକ୍ରମଣ କରି ମୃତ୍ୟୁର ଘାଟରେ ପହଞ୍ଚାଇଛନ୍ତି । ମୃତକ ରାଜେନ୍ଦ୍ର ସୋନି ବିଜେପି  ଜଣେ ବରିଷ୍ଠ ନେତା ବୋଲି ସୂଚନା ରହିଛି । ଏହି ହତ୍ୟାକାଣ୍ଡରେ ପରିବାରର 6 ସଦସ୍ୟଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଦୁଇଟି ଶିଶୁ ମଧ୍ୟ ସାମିଲ୍‌ ରହିଛନ୍ତି। ଏହା ପରେ ଦୁଇ ଅଭିଯୁକ୍ତଙ୍କ ମଧ୍ୟରୁ ଜଣଙ୍କୁ ଗ୍ରାମବାସୀମାନେ ପିଟି ପିଟି ହତ୍ୟା କରିଦେଇଛନ୍ତି ।

ସମ୍ପତ୍ତି ପାଇଁ ଦୀର୍ଘ ଦିନ ବିବାଦ ଆଜି ଚରମ ରୂପ ନେଇଛି । ମୃତକ ରାଜେନ୍ଦ୍ର ସୋନି ବିଜେପିର ନେତା ଥିବାବେଳେ ତାଙ୍କର ବ୍ୟବସାୟ ରହିଥିଲା । ଦୋକାନରେ ଅଭିଯୁକ୍ତମାନେ ତାଙ୍କ ଉପରେ ଆକ୍ରମଣ କରିଥିଲେ, ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିବାବେଳେ ତାଙ୍କ ପରିବାରର ଅନ୍ୟ 5 ସଦସ୍ୟଙ୍କୁ ମଧ୍ୟ ଅଭିଯୁକ୍ତମାନେ ହତ୍ୟା କରିଥିଲେ । ଏହି ଆକ୍ରମଣରେ ଜଣେ 10 ବର୍ଷର ଶିଶୁ ସମେତ 7 ବର୍ଷର ଶିଶୁ ମଧ୍ୟ ମୃତ୍ୟୁବରଣ କରିଛି । ତେବେ ଏହି ହତ୍ୟାକାଣ୍ଡ ପରେ ଗ୍ରାମବାସୀଙ୍କ ଆକ୍ରୋଶର ଶିକାର ହୋଇଥିଲେ ଦୁଇ ଅଭିଯୁକ୍ତ । ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଫେରାର୍‌ ହେଉଥିବା ସମୟରେ ପୋଲିସ୍‌ ଗୁଳିର ଶିକାର ହୋଇ ଗିରଫ ହୋଇଛି । (ଏଜେନ୍ସି)