ସୀତାରାମ ଅଗ୍ରୱାଲ
ବାଲୁଗାଁ: ଖୋର୍ଦ୍ଧା ବନଖଣ୍ଡ ଅଧିନସ୍ଥ ବାଲୁଗାଁ ବନାଞ୍ଚଳ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଆଜି ଅପରାହ୍ନରୁ ଧାରଣାରତ ଅଛନ୍ତି ଦାମିଆ ବରବରା ଅଞ୍ଚଳର କିଛି ଆଦିବାସୀ ଗ୍ରାମବାସୀ। ସେମାନଙ୍କ ଅଭିଯୋଗ ହେଲା ଯେ, ବନବିଭାଗର କର୍ମଚାରୀ ମାନେ ଦାମିଆ ବରବରା ଅଞ୍ଚଳର ଦେବରାଜ ଶବର ନାମକ ବ୍ୟକ୍ତିଙ୍କୁ ଗତକାଲି ଠାରୁ ଅଟକ ରଖିଛନ୍ତି। ଉକ୍ତ ଅଟକ ବେଆଇନ ଏବଂ କଣ ପାଇଁ ତାଙ୍କୁ ଅଟକ ରଖାଯାଇଛି ବୋଲି ଦେବରାଜଙ୍କ ପତ୍ନୀ ସୁମତି ଶବର ବନବିଭାଗକୁ ପ୍ରଶ୍ନ କରିବା ସହ ତାଙ୍କ ସ୍ୱାମୀଙ୍କୁ ଯଥାଶୀଘ୍ର ଅଟକମୁକ୍ତ କରାଯାଉ ବୋଲି ଦାବି କରିଛନ୍ତି।
ତେବେ ଏ ନେଇ ବାଲୁଗାଁ ବନାଞ୍ଚଳ ଅଧିକାରୀ ପ୍ରତାପ ମହାନ୍ତିଙ୍କୁ ଯୋଗାଯୋଗ କରାଯିବାରୁ ଦେବରାଜ ଚୁଲିଝିଙ୍କା ସରଂକ୍ଷିତ ଜଙ୍ଗଲ ଅଞ୍ଚଳରୁ ବେଆଇନ ଭାବେ କାଠ କାଟିବା ସହ ସରକାରୀ ଜଙ୍ଗଲ ଅବରୋଧ କରିଥିବାରୁ ତାଙ୍କୁ ଗିରଫ କରାଯାଇଛି ଏବଂ ବର୍ତ୍ତମାନ ଉକ୍ତ ପ୍ରକ୍ରିୟା ଜାରି ରହିଥିବାର କହିଛନ୍ତି।
