ସୀତାରାମ ଅଗ୍ରୱାଲ
ଚିଲିକା: ଭାରତୀୟ ଡାକ ବିଭାଗ, ଭୁବନେଶ୍ୱର ଡାକ ମଣ୍ଡଳ ଏବଂ ସୁନାଖଳା ଶାଖା ଡାକଘର ଆନୁକୁଲ୍ୟରେ ଆଜି ସ୍ଥାନୀୟ ସୁନାଖଳା ଠାରେ ଡ଼ାକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ଭୁବନେଶ୍ଵର ଡାକ ମଣ୍ଡଳର ବରିଷ୍ଠ ଡାକ ଅଧିକ୍ଷକ ବସନ୍ତ କୁମାର ପଣ୍ଡା, ସମ୍ମାନିତ ବକ୍ତା ଭାବେ ବାଲୁଗାଁ ଡାକ ଉପମଣ୍ଡଳ ଡାକ ନିରୀକ୍ଷକ ପ୍ରକାଶ କୁମାର ଜେନା, ଇଣ୍ଡିଆ ପୋଷ୍ଟ ପେମେଣ୍ଟ ବ୍ୟାଙ୍କ ର ପ୍ରବନ୍ଧକ ଶ୍ରୀମନ୍ତିକା ପ୍ରିୟଦର୍ଶିନୀ, ନାଚୁଣୀ ସରପଞ୍ଚ ସ୍ବପ୍ନାଞ୍ଜଳି ପଲେଇ, ସୁନାଖଳା ସରକାରୀ ଉପ୍ରା ସ୍କୁଲ ର ପ୍ରଧାନ ଶିକ୍ଷକ ଶିକ୍ଷକ ଦାମୋଦର ନାୟକ , ଶିକ୍ଷାବିତ୍ ପ୍ରଦୋଷ କୁମାର ଦାସ ଯୋଗ ଦେଇ ବକ୍ତବ୍ୟ ରଖିଥିଲେ।
ନାଚୁଣୀ ଶାଖା ଡାକଘର ଡାକପାଳ ହୁସନାରା ଵେଗମ୍ ସଭା ସ°ଚାଳନ କରିଥିଲେ। କାର୍ଯ୍ୟକ୍ରମ ସଞ୍ଚାଳନରେ ବାଲୁଗାଁ ଡାକ ବିଭାଗ ଓଭରସିଅର ପ୍ରଶାନ୍ତ କୁମାର ପାଇକରାୟ ଓ ଦୀପ୍ତି ରଞ୍ଜନ ପାଇକରାୟଙ୍କ ସହ ସୁନାଖଳା ଶାଖା ଡାକଘର ଡାକପାଳ ସୌମିତ୍ରୀ ରାଉତରାୟ, ହରିକୁଣ୍ଡ ଵରଡିହ ବିପିଏମ ଖଗେଶ୍ବର ବାରିକ, ଵଉଳାଵନ୍ଧ ଵିପିଏମ ଲକ୍ଷ୍ମୀ କାନ୍ତ ଘଡେ଼ଇ, ସଲପଡିହ ଵିପିଏମ ଦୁର୍ଗା ପ୍ରସାଦ ଜେନା, ନିମେଇ ଚରଣ ଦାସ ଙ୍କ ସମେତ ସ୍ଥାନୀୟ ବିଭିନ୍ନ ଶାଖା ଡାକ ଘର କର୍ମଚାରୀ ଏଥିରେ ଉପସ୍ଥିତ ରହି ସହଯୋଗ କରିଥିଲେ।
ଏଥିରେ ସୁନାଖଳା,କହ୍ନେଇପୁର, ଜୀଵନଦେଇପୁର ଆଦି ଗ୍ରାମର ମହିଳା ସ୍ବୟଂ ସହାୟକ ଗୋଷ୍ଠୀ ମହିଳା, ଆଶା ଓ ଅଙ୍ଗନବାଡ଼ି କର୍ମୀ ଓ ସହାୟିକା ଓ ବରିଷ୍ଠ ମହିଳାମାନେ ଯୋଗ ଦେଇଥିଲେ। ଭାରତ ସରକାରଙ୍କ ଡାକ ବିଭାଗ ପ୍ରଣୀତ ଅନେକ ଜନକଲ୍ୟାଣକାରୀ ଯୋଜନା ତଥା ଡ଼ାକ ଵୀମା, ସ°ଚୟ ଯୋଜନା, ପରିବାର ସୁରକ୍ଷା ଯୋଜନା ସମେତ ସୁକନ୍ୟା ଯୋଜନା ଆଦି ବିଭିନ୍ନ ଜନକଲ୍ୟାଣ ଯୋଜନା ଗୁଡ଼ିକର ଏଠାରେ ବ୍ୟାଖ୍ୟା କରାଯାଇ ଉପସ୍ଥିତ ମହିଳା ଓ ସ୍ଥାନୀୟ ଅଞ୍ଚଳବାସୀ ଙ୍କୁ ଅବଗତ କରାଯାଇ ଏହାର ଲାଭ ଉଠାଇବାକୁ ବିଭାଗୀୟ ପଦାଧିକାରୀ ମାନେ ବିଶେଷ ଅନୁରୋଧ ରଖିଥିଲେ।
ସୂଚନାଯୋଗ୍ୟ, ଡାକ ବିଭାଗ ପ୍ରଣୀତ ବିଭିନ୍ନ ଲୋକାଭିମୁଖୀ ଯୋଜନାର ରୂପରେଖ ଏଠାରେ ଆଲୋଚନା ହୋଇ ମତବିନିମୟ ହେବା ସହ ସ୍ଥାନୀୟ ଗ୍ରାମାଞ୍ଚଳରେ ରହିଥିବା ବିଭିନ୍ନ ଡାକଘର ମାନଙ୍କ ମାଧ୍ୟମରେ ସଚେତନତା ସୃଷ୍ଟି କରାଯାଉଛି।ଏହାର ସଫଳ ରୁପାୟନ ଓ ଲୋକାଭିମୁଖୀ କରାଇବା ଲକ୍ଷ୍ୟ ରେ ପ୍ରତ୍ୟେକ ଗ୍ରାମରେ ଏବେ ଡାକ ସଚେତନତା କାର୍ଯ୍ୟକ୍ରମ ବିଭାଗୀୟ ସ୍ତରରେ ଜାରି ରହିଛି।
