ବାଣପୁର: “ସମ୍ବାଦ ଆମ ଓଡ଼ିଶା” ସହିତ ଭେଟେଶ୍ବର ଗ୍ରାମ ପଞ୍ଚାୟତ ଏବଂ ଶାଳିଆ ପ୍ରେସ କ୍ଲବର ମିଳିତ ଆନୁକୁଲ୍ୟରେ ଖୋର୍ଦ୍ଧା ଜିଲ୍ଲା ବାଣପୁର ବ୍ଲକର ଭେଟେଶ୍ବର ଗ୍ରାମ ପଞ୍ଚାୟତ କାର୍ଯ୍ୟାଳୟ ପରିସରରେ ଆଜି ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଆମନ୍ତ୍ରିତ ଅତିଥି ଭାବେ ବାଣପୁର ଵ୍ଲକ ଅଧ୍ୟକ୍ଷ ଅମରେନ୍ଦ୍ର ରଣସିଂହ, ଉପାଧ୍ୟକ୍ଷା ରୀନା ଦେଇ, ଭେଟେଶ୍ବର ସରପଞ୍ଚ ସାବିତ୍ରୀ ଭୋଳ, ପୂର୍ବତନ ସରପଞ୍ଚ ତଥା ପଞ୍ଚାୟତ ପ୍ରତିନିଧି ଜିତେନ୍ଦ୍ର କୁମାର ଭୋଳ, ସମାଜସେବୀ ମାଧବ ପ୍ରଧାନ, ଶାଳିଆ ପ୍ରେସ କ୍ଲବର ସଭାପତି ଅଜିତ କୁମାର ସାହୁ ଯୋଗ ଦେଇ ଏହାକୁ ଆନୁଷ୍ଠାନିକ ଉଦଘାଟନ କରିଥିଲେ।
ଏହି ଅବସରରେ ଉପରୋକ୍ତ ଆମନ୍ତ୍ରିତ ଅତିଥି ମାନଙ୍କ ସହିତ ରକ୍ତଦାତାଙ୍କୁ ଉତ୍ସାହିତ କରିବା ପାଇଁ ଉପସ୍ଥିତ ଥିବା ଶାଳିଆ ପ୍ରେସ କ୍ଲବର ଉପଦେଷ୍ଟା ଅରୁଣ କୁମାର ପଣ୍ଡା, ସମାଜ ସେବୀ ଭି. କାମେଶ୍ବର ଆଚାରୀଙ୍କୁ ଏହି ଅବସରରେ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା। ପ୍ରଥମେ ଭେଟେଶ୍ବରର ପୂର୍ବତନ ସରପଞ୍ଚ ଜିତେନ୍ଦ୍ର କୁମାର ଭୋଳ ନିଜେ ରକ୍ତ ଦାନ କରି ଅନ୍ୟ ମାନଙ୍କୁ ଉତ୍ସାହିତ କରିଥିଲେ।
ଏହି ଶିବିରରେ ଖୋର୍ଦ୍ଧା ରକ୍ତ ଭଣ୍ଡାର ପକ୍ଷରୁ ଡ଼ାକ୍ତର ସୁନନ୍ଦା ରାଣୀ ମିଶ୍ର, ବରିଷ୍ଠ ଲାବ ଟେକନିସିଆନ ଅରୁଣ କୁମାର ସାହୁ, ଏଲ .ଟି ତଥା ଝୁନୁଲତା ସାହୁ ଓ ସୁକାନ୍ତ ସାମନ୍ତସିଂହାର, କାଉନସେଲର ଲକ୍ଷ୍ମୀ ପ୍ରିୟା ପ୍ରଧାନ ଉପସ୍ଥିତ ରହି ରକ୍ତ ସଂଗ୍ରହ ସହିତ ରେଡକ୍ରସ ତରଫରୁ ପ୍ରମାଣପତ୍ର ଓ ଗ୍ରୁପି° କାର୍ଡ ତଥା ସମ୍ବାଦ ଆମ ଓଡ଼ିଶା ପ୍ରଦତ୍ତ ପ୍ରମାଣପତ୍ର ରକ୍ତଦାତାଙ୍କୁ ବଣ୍ଟନ କରିଥିଲେ।
ବାଣପୁର ଵ୍ଲକ ସମ୍ବାଦ ପ୍ରତିନିଧି ଶିଵଶକ୍ତି ସାସମଲ ଓ ନାଚୁଣୀ ସମ୍ବାଦ ପ୍ରତିନିଧି ପ୍ରଦୋଷ କୁମାର ଦାସଙ୍କ ମିଳିତ ନେତୃତ୍ବରେ ଆୟୋଜିତ ଏହି ଶିବିରରେ ମୋଟ ୩୧ ୟୁନିଟ ରକ୍ତ ସଂଗ୍ରହ ସହିତ ବିରଳ “ଓ” ନେଗେଟିଭ ରକ୍ତ ସଂଗ୍ରହ ହୋଇଥିଲା।