ଚିଲିକା: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ଉପଲକ୍ଷେ ପାଳନ କରାଯାଉଥିବା “ସେବା ପକ୍ଷ” ପରିପ୍ରେକ୍ଷୀରେ ଆଜି ଚ଼ିଲିକା ନିର୍ବାଚ଼ନ ମଣ୍ଡଳୀ ସ୍ଥିତ ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଆୟୋଜିତ “ସ୍ୱଚ୍ଛତା ହିଁ ସେବା-୨୦୨୫” ଅର୍ନ୍ତଗତ ସାମୂହିକ ସଫେଇ ଓ ଜଳ ସ୍ବଚ୍ଛତା କାର୍ଯ୍ୟକ୍ରମରେ ଓଡ଼ିଶା ସରକାରଙ୍କ ମାନ୍ୟବର ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚ଼ନ୍ଦନ ସାମିଲ୍ ହୋଇ ଚିଲିକା କୂଳ ସମେତ କଲେଜ୍ ରୋଡ଼ ଇତ୍ୟାଦି ସ୍ଥାନ ମାନଙ୍କରେ ସ୍ଥାନୀୟ ଜନସାଧାରଣ, ଯୁବବର୍ଗ ଏବଂ ଦଳୀୟ ନେତୃବୃନ୍ଦଙ୍କ ସହ ମିଶି ସଫେଇ କାର୍ଯ୍ୟ କରିଥିଲେ।
ଚିଲିକା କୂଳରେ ଜନଗହଳି ଅଞ୍ଚଳରେ ସ୍ୱଚ୍ଛତା ରକ୍ଷା ପାଇଁ ବିକ୍ରେତା ଓ ଯାତ୍ରୀଙ୍କୁ ସଚେତନ କରାଯାଇଥିଲା।ଏକ ସୁସ୍ଥ ସମାଜ ଗଠନ ପାଇଁ ସ୍ଵଚ୍ଛତା ନିହାତି ଜରୁରୀ।
ଏହି କାର୍ଯ୍ୟକ୍ରମ ଅବସରରେ ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷାଶ୍ରୀମତୀ ସୁକାନ୍ତି ପାଇକରାୟ, ବାଣପୁର ବ୍ଲକ ଅଧ୍ୟକ୍ଷ ଅମରେନ୍ଦ୍ର ରଣସିଂହ, ଚ଼ିଲିକା ବ୍ଲକ ଅଧ୍ୟକ୍ଷା ଜ୍ୟୋସ୍ନା ବେହେରା, ଉପାଧ୍ୟକ୍ଷ ଅରୁଣ ପଟ୍ଟନାୟକ, ବାଲୁଗାଁ ନଗର ମଣ୍ଡଳ ଭାଜପା ସଭାପତି ସନ୍ତୋଷ ପାଇକରାୟ, କାଉନସିଲର ବୃନ୍ଦ, ଦଳୀୟ ନେତୃବୃନ୍ଦ, ଜନସାଧାରଣ ମାନେ ଉପସ୍ଥିତ ଥିଲେ।