ବାଣପୁର: ଗୋଦାବରୀଶ ମହାବିଦ୍ୟାଳୟରେ ୮୦ତମ ସ୍ୱାଧୀନତା ଦିବସ ଓ଼ ହରଘର ତ୍ରିରଙ୍ଗା ଶୋଭାଯାତ୍ରା ମହାସମାରୋହରେ ପାଳିତ ହୋଇଯାଇଛି। ଅଧ୍ୟକ୍ଷ ଡ଼ଃ ସୁରପ୍ରତାପ ନରେନ୍ଦ୍ରସିଂ ବର୍ମା ମୁଖ୍ୟ ଅତିଥିଭାବେ ତ୍ରିରଙ୍ଗା ପତାକା ଉତ୍ତୋଳନକରି ଉପସ୍ଥିତ ଥିବା ଶିକ୍ଷକ ଅଣ ଶିକ୍ଷକ କର୍ମଚାରୀ, ଏନ. ସି. ସି. କ୍ୟାଡେଟ, ରୋଭର ରେଞ୍ଜର, ଏନ. ସ. ସ., ରେଡ଼କ୍ରସ ସ୍ବେଛାସେବୀ ଓ଼ ଅନ୍ୟାନ୍ୟ ଛାତ୍ର ଛାତ୍ରୀ ମାନଙ୍କୁ କଷ୍ଟ ଉପଲବ୍ଧ ସ୍ୱାଧୀନତାର ଗୁରୁତ୍ୱ ଓ଼ ସ୍ୱାଧୀନତା ସଂଗ୍ରାମୀଙ୍କ ଅନାବିଳ ତ୍ୟାଗ ବିଷୟରେ ଆଲୋକପାତକରି, ନିଜ ନିଜ କର୍ତ୍ତବ୍ୟ ସମ୍ପାଦିତକରି ଦେଶର ସୁନାମ ରଖିବାକୁ ଆହ୍ୱାନ ଦେଇଥିଲେ।
କୃତି ଛାତ୍ର ଛାତ୍ରୀଙ୍କୁ ପୁରସ୍କାର ବିତରଣ କରାଯିବା ପରେ ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସଂଯୋଜକ ଶ୍ରୀଯୁକ୍ତ ଆଦିତ୍ୟ ସାରଥୀ ବେଦମତ୍ତା ଧନ୍ୟବାଦ ଅର୍ପଣ କରିବା ପରେ ପରେ ହର ଘର ତ୍ରିରଙ୍ଗା ଶୋଭାଯାତ୍ରାରେ ଛାତ୍ର ଛାତ୍ରୀ ମାନେ ସ୍ଲୋଗାନ ଦେଇ ପଦଯାତ୍ରା କରିଥିଲେ।