ବାଲୁଗାଁ: ବାଲୁଗାଁ ଗୋପବନ୍ଧୁନଗରସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ଏକବିଂଶ ତମ ବାର୍ଷିକ ଉତ୍ସବ ପାଳିତ ହୋଇଯାଇଅଛି। ଶିକ୍ଷାକେନ୍ଦ୍ର ପରିଚାଳନା କମିଟିର ସଭାପତି ଅଧ୍ୟାପକ ରମାକାନ୍ତ ନନ୍ଦଙ୍କ ସଭାପତିତ୍ବରେ ଅନୁଷ୍ଠିତ ଏହି ଉତ୍ସବରେ ଖୋର୍ଦ୍ଧା ଜିଲ୍ଲା ଶ୍ରୀଅରବିନ୍ଦ ପାଠଚକ୍ର ସଂଗଠନର ଆବାହକ ଇଞ୍ଜିନିୟର ସୂର୍ଯ୍ୟକାନ୍ତ ମହାରଣା ମୁଖ୍ୟ ଅତିଥି, ଶ୍ରୀଅରବିନ୍ଦ ପୂର୍ଣାଙ୍ଗ ଶିକ୍ଷାକେନ୍ଦ୍ର ବଉଳାବନ୍ଧର ଅଧ୍ୟକ୍ଷ ରାଘବ କୁମାର ରଣା, ଶ୍ରୀଅରବିନ୍ଦ ପୂର୍ଣାଙ୍ଗ ଶିକ୍ଷାକେନ୍ଦ୍ର ନାଚୁଣୀର ବରିଷ୍ଠ ଶିକ୍ଷକ ସୁରେନ୍ଦ୍ର ନାଥ ଜେନା ସମ୍ମାନିତ ଅତିଥି ଭାବେ ଯୋଗଦେଇ ଛାତ୍ର ଛାତ୍ରୀ ଓ ଅଭିଭାବକ ମାନଙ୍କୁ ଉଦ୍ବୋଧନ ଦେଇଥିଲେ।
ମୁଖ୍ୟ ଅତିଥି ଶ୍ରୀଯୁକ୍ତ ମହାରଣା ତାଙ୍କ ବକ୍ତବ୍ୟରେ ସେ ଶିକ୍ଷାଲାଭ କରିଥିବା ଶ୍ରୀଅରବିନ୍ଦ ପୂର୍ଣାଙ୍ଗ ଶିକ୍ଷାକେନ୍ଦ୍ର, କାଳୁପଡାଘାଟର ଅନୁଭୂତିର ଅବତାରଣା କରି ପୂର୍ଣାଙ୍ଗ ଶିକ୍ଷାକେନ୍ଦ୍ର କିପରି ଏକ ପୂର୍ଣ୍ଣାଙ୍ଗ ମଣିଷ ତିଆରି କରିବାରେ ସାହାଯ୍ଯ କରେ ତାହା ଉପସ୍ଥାପନ କରିଥିଲେ। ଏବଂ ପୂର୍ଣାଙ୍ଗ ଶିକ୍ଷାକେନ୍ଦ୍ର ରେ ଅଧ୍ୟୟନ କରିବା ଏକ ଭାଗ୍ଯର କଥା ବୋଲି ପ୍ରକାଶ କରିଥିଲେ।
ସମ୍ମାନିତ ଅତିଥି ଶ୍ରୀଯୁକ୍ତ ଜେନା ଓ ଶ୍ରୀଯୁକ୍ତ ରଣା ଶ୍ରୀଅରବିନ୍ଦ ଓ ଶ୍ରୀମାଙ୍କ ପ୍ରବର୍ତ୍ତିତ ପୂର୍ଣାଙ୍ଗ ଶିକ୍ଷା ଭବିଷ୍ୟତ ର ମଣିଷ ତିଆରି କରିବା ନିମିତ୍ତ ଏକ ମହତ୍ତ୍ୱପୂର୍ଣ୍ଣ ଭୂମିକା ଗ୍ରହଣ କରେ ଓ ଜାତୀୟ ଶିକ୍ଷାନୀତି ୨୦୨୦ କିପରି ଭାବେ ପ୍ରଭାବିତ ତାହା ବର୍ଣ୍ଣନା କରିଥିଲେ। ଶିକ୍ଷାକେନ୍ଦ୍ରର ଅଧ୍ୟକ୍ଷ ପ୍ରଦୀପ କୁମାର ମହାପାତ୍ର ବାର୍ଷିକ ବିବରଣୀ ଉପସ୍ଥାପନ କରିଥିଲେ। ସମ୍ପାଦକ ଡଃ କୈଳାସ ଚନ୍ଦ୍ର ମହାରଣା ଙ୍କ ସଂଯୋଜନାରେ ଅନୁଷ୍ଠିତ ଏହି ଉତ୍ସବରେ ବିଶିଷ୍ଟ ଅତିଥି ଭାବେ ଯୋଗଦେଇ ଥିଲେ ସଞ୍ଜୟ କୁମାର ମହାପାତ୍ର। ସଭାପତି ଶ୍ରୀ ନନ୍ଦ ପୂର୍ଣ୍ଣାଙ୍ଗ ଶିକ୍ଷା ସମ୍ପର୍କରେ ଆଲୋଚନା କରିଥିଲେ।
ଶେଷରେ ଛାତ୍ରଛାତ୍ରୀ ମାନେ ମନୋଜ୍ଞ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ପ୍ରକାଶ କୁମାର ମହାପାତ୍ର, ସୁଶାନ୍ତ ପାଇକରାୟ, ଶିକ୍ଷା କେନ୍ଦ୍ରର ଶିକ୍ଷକ ଶିକ୍ଷୟତ୍ରୀ ଏଥିରେ ସହଯୋଗ କରିଥିଲେ। ଶିକ୍ଷାକେନ୍ଦ୍ରର ଶିକ୍ଷକ ସର୍ବେଶ୍ଵର, ଦିବ୍ୟ ରଞ୍ଜନ, ସଦାଶିବ, ଅଞ୍ଜୁ, ସଂଗୀତା, ରଶ୍ମିତା, ମଞ୍ଜୁ, ପଦ୍ମା, ଅନି, ଟିକିନା, ଇତିଶ୍ରୀ, ଶୁଭଶ୍ରୀ ରାମଚନ୍ଦ୍ର ପ୍ରଧାନ ସହଯୋଗ କରିଥିଲେ। ବିଭିନ୍ନ ବିଭାଗରେ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ବିତରଣ କରାଯାଇଥିଲା।