Author: Samikhsya Bureau

ଭୁବନେଶ୍ୱର: ରାଷ୍ଟ୍ରାୟତ ନବରତ୍ନ ଉଦ୍ୟୋଗ ନ୍ୟାସନାଲ୍ ଆଲୁମିନିୟମ୍ କମ୍ପାନୀ ଲିମିଟେଡ୍ (ନାଲକୋ)କୁ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମେଟାଲ୍ସ (ଆଇଆଇଏମ୍) ଦ୍ୱାରା ନନ୍-ଫେରସ୍ ଶ୍ରେଷ୍ଠ ପ୍ରଦର୍ଶନ ପୁରସ୍କାର ୨୦୨୦-୨୧ ପ୍ରଦାନ କରାଯାଇଛି। ଆଭାସୀ ମାଧ୍ୟମରେ ଅନୁଷ୍ଠିତ ଆଇଆଇଏମ୍ ର ୭୫ ତମ ବାର୍ଷିକ ବୈଷୟିକ ବୈଠକରେ ଏହି ପୁରସ୍କାର ନାଲକୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀଧର ପାତ୍ରଙ୍କୁ ପ୍ରଦାନ କରାଯାଇଥିଲା। ଉଲ୍ଲେଖଯୋଗ୍ୟ ଯେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମେଟାଲ୍ସର ନନ୍-ଫେରସ୍ ଡିଭିଜନ୍ ନନ୍-ଫେରସ୍ ସେକ୍ଟରରେ ଗୁଣବତ୍ତା ନିୟନ୍ତ୍ରଣ ଦିଗକୁ ଉତ୍ସାହିତ ତଥା ସ୍ୱୀକୃତି ପ୍ରଦାନ କରିବା ପାଇଁ ୨୦୦୨ ଠାରୁ ଏହି ଜାତୀୟ ଗୁଣବତ୍ତା ପ୍ରତିଯୋଗିତା ଆୟୋଜନ କରିଆସୁଛି।

ନୂଆଦିଲ୍ଲୀ: ଭଗବାନ ବିର୍ସା ମୁଣ୍ଡାଙ୍କ ଜୟନ୍ତୀକୁ ଜନଜାତୀୟ ଗୌରବ ଦିବସ ଭାବେ ପାଳନ କରିବା ଲାଗି ଭାରତ ସରକାର ଘୋଷଣା କରିଛନ୍ତି। ଏହି ଉପଲକ୍ଷେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନଭେମ୍ବର ୧୫ ତାରିଖ ପୂର୍ବାହ୍ନ ୯ ଟା ୪୫ ମିନିଟ୍ ସମୟରେ ଭିଡିଓ କନଫରେନ୍ସିଂ ମାଧ୍ୟମରେ ରାଞ୍ଚି ଠାରେ ଭଗବାନ ବିର୍ସା ମୁଣ୍ଡା ସ୍ମୃତି ଉଦ୍ୟାନ ସହ ସ୍ୱାଧୀନତା ସଂଗ୍ରାମୀ ସଂଗ୍ରହାଳୟର ଉଦଘାଟନ କରିବେ। ପ୍ରଧାନମନ୍ତ୍ରୀ ସର୍ବଦା ଜନଜାତି ସମୁଦାୟଙ୍କ ମୂଲ୍ୟବାନ ଯୋଗଦାନ ବିଶେଷ କରି ଭାରତୀୟ ସ୍ୱାଧୀନତା ସଂଗ୍ରାମରେ ସେମାନଙ୍କର ବିଶେଷ ଭୂମିକା ଉପରେ ଗୁରୁତ୍ୱାରୋପ କରିଆସିଛନ୍ତି। ୨୦୧୬ ରେ ନିଜର ସ୍ୱାଧୀନତା ଦିବସ ଅଭିଭାଷଣରେ ପ୍ରଧାନମନ୍ତ୍ରୀ ଭାରତର ସ୍ୱାଧୀନତା ସଂଗ୍ରାମରେ ଜନଜାତି ସ୍ୱାଧୀନତା ସଂଗ୍ରାମୀମାନଙ୍କର ଭୂମିକା ଉପରେ ଜୋର ଦେଇଥିଲେ ଏବଂ ସାହସୀ ଜନଜାତି ସ୍ୱାଧୀନତା ସଂଗ୍ରାମୀମାନଙ୍କର ସ୍ମୃତିରେ ସଂଗ୍ରହାଳୟ ନିର୍ମାଣ କରିବା ଲାଗି ପରିକଳ୍ପନା କରିଥିଲେ। ଯାହାଫଳରେ ପରବର୍ତ୍ତୀ ପିଢ଼ି ଦେଶ ପାଇଁ ସେମାନଙ୍କର ବଳିଦାନ ବିଷୟରେ…

ଭୁବନେଶ୍ବର: ରାଜ୍ୟରେ ଚାଲିଛି ସ୍କୁଲ ରୂପାନ୍ତର ପର୍ବ। ୫-ଟି ରୂପାନ୍ତରିତ ସ୍କୁଲ କାର୍ଯ୍ୟକ୍ରମରେ ପ୍ରଥମ ପର୍ଯ୍ୟାୟରେ ରାଜ୍ୟର ୩୦ଟି ଜିଲ୍ଲାର ୧୦୭୫ଟି ରୂପାନ୍ତରିତ ସ୍କୁଲର ଲୋକାର୍ପଣ ଚାଲିଛି। ସାତ ଦିନର ଏହି କାର୍ଯ୍ୟକ୍ରମରେ ଆଜି ଦ୍ବିତୀୟ ଦିନ ଶିଶୁ ଦିବସରେ ବୌଦ, ସୋନପୁର, ଭଦ୍ରକ ଓ କେନ୍ଦୁଝର ଆଦି ୪ଟି ଜିଲ୍ଲାର ୧୩୮ଟି ରୂପାନ୍ତର ସ୍କୁଲକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଲୋକାର୍ପିତ କରିଛନ୍ତି। କେବଳ କେନ୍ଦୁଝର ରେ ଶହେ ରୂପାନ୍ତରିତ ସ୍କୁଲ ଲୋକାର୍ପିତ ହୋଇଛି । ପ୍ରଥମ ଦିନରେ ୫ଟି ଜିଲ୍ଲାର ୧୪୨ଟି ରୂପାନ୍ତରିତ ସ୍କୁଲ ଲୋକାର୍ପିତ ହୋଇଥିଲା। ଆଜି ସୁଦ୍ଧା ୩୩୦ଟି ରୂପାନ୍ତରିତ ସ୍କୁଲ ଛାତ୍ରଛାତ୍ରୀ ମାନଙ୍କ ଉଦ୍ଦେଶ୍ୟରେ ଲୋକାର୍ପିତ ହୋଇଛି। ଏଥିରେ ହିଞ୍ଜିଳି ଓ ଶେରଗଡର ୫୦ଟି ସ୍କୁଲ ମଧ୍ୟ ସାମିଲ। ଆଜି ଲୋକାର୍ପିତ ହୋଇଥିବା ୧୩୮ଟି ସ୍କୁଲ ମଧ୍ୟରୁ ବୌଦର୧୦ଟି, ସୋନପୁର .୧୧ଟି, ଭଦ୍ରକର ୧୭ ଟି, ଓ କେନ୍ଦୁଝରର ୧୦୦ଟି ସ୍କୁଲ ରହିଛି। ଏହି…

ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: ପ୍ରତିଟି ଶିଶୁ ସମାଜରେ ପ୍ରସ୍ଫୁଟିତ ହେବାକୁ ଥିବା ଗୋଟେ ଗୋଟେ ନବ କଳିକା। ଯେଉଁ ମାନଙ୍କୁ ଦରକାର ଟିକେ ସ୍ନେହ, ଆଦର ଓ ଉତ୍ସାହ। ସେହି ଶିଶୁ ମାନଙ୍କର ଅନ୍ତର୍ନିହିତ ପ୍ରତିଭାର ବିକାଶ ଦିଗରେ ସୁରଭି ଏକ ଉଲ୍ଲେଖନୀୟ କାର୍ଯ୍ୟକ୍ରମ ବୋଲି ଜିଲ୍ଳା ସ୍ତରୀୟ ସୁରଭି କାର୍ଯ୍ୟକ୍ରମରେ କଳାହାଣ୍ଡି ଜିଲ୍ଲାପାଳ ମତବ୍ୟକ୍ତ କରିଛନ୍ତି। ସ୍ଥାନୀୟ ବ୍ରଜମୋହନ ହାଇସ୍କୁଲ ପରିସରରେ ଜିଲ୍ଲାସ୍ତରୀୟ ଶିଶୁ ମହୋତ୍ସବ ସୁରଭି ୨୦୨୧ ଆୟୋଜିତ ହୋଇଯାଇଛି। ଜିଲ୍ଲା ଶିକ୍ଷା ଅଧିକାରୀ ସୁଶାନ୍ତ କୁମାର ଚୋପଦାରଙ୍କ ଅଧ୍ୟକ୍ଷତାରେ ଆୟୋଜିତ ଉଦ୍ଘାଟନୀ ସମାରୋହରେ ମୁଖ୍ୟ ଅତିଥି ଭାବେ କଳାହାଣ୍ଡି ଜିଲ୍ଲାପାଳ ଡ. ଗାଭାଲି ପରାଗ ହର୍ଷଦ, ସମ୍ମାନିତ ଅତିଥି ପିଡ଼ି,ଡିଆରଡିଏ ସୋମେଶ ଉପାଧ୍ୟାୟ, ଏଡିଇଓ ଟେମଲାଲ ଦୁବେ, ବିଏମ ହାଇସ୍କୁଲ ପ୍ରଧାନ ଶିକ୍ଷକ ଷଷ୍ଠୀ ଝାଙ୍କର ପ୍ରମୁଖ ମଞ୍ଚାସୀନ ଥିଲେ। ଏ ହି ଅବସରରେ ଜିଲ୍ଲାର ୧୩ଟି ବ୍ଲକରୁ ଛାତ୍ରଛାତ୍ରୀ ମାନେ ଆୟୋଜିତ ପ୍ରତିଯୋଗିତାରେ ଭାଗ…

ନୂଆଦିଲ୍ଲୀ: ପିଲିଭୀତ ଜିଲ୍ଲାର ବରଖେଡା ଅଞ୍ଚଳରେ ପାଠ ପଢିବାକୁ ଯାଇଥିବା ୧୬ ବର୍ଷର ଛାତ୍ରୀଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣାରେ ପୋଲିସ ୬ ଜଣଙ୍କୁ ପଚରାଉଚରା କରୁଛି। ପୋଲିସ ଅଧୀକ୍ଷକ ଦୀନେଶ କୁମାର ପି କହିଛନ୍ତି ଯେ, ବରଖେଡା ପୋଲିସ ଷ୍ଟେସନ ଅଞ୍ଚଳର ଛାତ୍ରୀଜଣଙ୍କ ଶନିବାର ଦିନ ସକାଳେ ପାଠ ପଢିବା ପାଇଁ ଘରୁ ବାହାରିଥିଲେ। ଯେତେବେଳେ ସେ ସନ୍ଧ୍ୟା ପର୍ଯ୍ୟନ୍ତ ଫେରି ନଥିଲେ, ପରିବାର ସଦସ୍ୟ ପୋଲିସ ନିକଟରେ ଅଭିଯୋଗ କରିଥିଲେ ଏବଂ ତାଙ୍କୁ ଅପହରଣ କରିବାର ସମ୍ଭାବନା ବ୍ୟକ୍ତ କରିଥିଲେ। ଖୋଜାଖୋଜି ବେଳେ ବିଳମ୍ବିତ ରାତିରେ ଗାଁ ନିକଟରେ ଅବସ୍ଥିତ ଏକ ଆଖୁ କ୍ଷେତରେ ପୋଲିସ ନାବାଳିକାଙ୍କ ମୃତଦେହ ଜବତ କରିଥିଲା। ତେବେ ନାବାଳିକା ଜଣଙ୍କୁ ଗଣଦୁଷ୍କର୍ମ ଓ ହତ୍ୟା କରାଯାଇଥିବା ସନ୍ଦେହ କରାଯାଉଛି। ପୋଲିସ ଦିଆଯାଇଥିବା ଅଭିଯୋଗରେ ପରିବାର ସଦସ୍ୟ ଅଭିଯୋଗ କରିଛନ୍ତି ଯେ, ଝିଅର ଦେହରେ ଅନେକ ସ୍ଥାନରେ ଆଘାତ ଲାଗିଛି। ତାଙ୍କ ପାଟିରେ ଏକ…

ନୂଆଦିଲ୍ଲୀ: ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଗସ୍ତ ପୂର୍ବରୁ ଭାରତକୁ S-400 କ୍ଷେପଣାସ୍ତ୍ର ବିତରଣ ଆରମ୍ଭ ହୋଇଛି। ଯଦିଓ ଭାରତ ଆନୁଷ୍ଠାନିକ ଭାବେ ଏହି ବିତରଣ ଘୋଷଣା କରିନାହିଁ, ତଥାପି S-400 ମିସାଇଲ ସିଷ୍ଟମ ତିଆରି କରୁଥିବା କମ୍ପାନୀର ନିର୍ଦ୍ଦେଶକଙ୍କ ଉଦ୍ଦେଶ୍ୟରେ ଋଷର ସରକାରୀ ଗଣମାଧ୍ୟମ ଏହି ସୂଚନାକୁ ସାର୍ବଜନୀନ କରିଛନ୍ତି। ଡିସେମ୍ବରରେ ରାଷ୍ଟ୍ରପତି ପୁଟିନଙ୍କ ଭାରତ ଗସ୍ତ: ନିକଟରେ ଭାରତୀୟ ବାୟୁସେନାର ମୁଖ୍ୟ, ବାୟୁସେନା ମାର୍ଶଲ ଭି.ଆର ଚୌଧୁରୀ ମଧ୍ୟ କହିଛନ୍ତି ଯେ, ଚଳିତ ବର୍ଷ ଶେଷ ସୁଦ୍ଧା ଭାରତ ଋଷରୁ S-400 ମିସାଇଲ ସିଷ୍ଟମ ପାଇବା ଆରମ୍ଭ କରିବ। ଆସନ୍ତା ମାସ ଅର୍ଥାତ୍ ଡିସେମ୍ବରରେ ଋଷର ରାଷ୍ଟ୍ରପତି ପୁଟିନ୍ ତାଙ୍କ ସରକାରୀ ଗସ୍ତରେ ଭାରତ ଆସୁଛନ୍ତି। ଏହି ସମୟ ମଧ୍ୟରେ ସେ ଦୁଇ ଦେଶର ସାମରିକ ସମ୍ପର୍କକୁ ମଜବୁତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହିତ ବାର୍ଷିକ ବୈଠକରେ ଅଂଶଗ୍ରହଣ କରିବେ। ତେବେ ଭାରତ ଏପରି ଏକ…

ସୀତାରାମ ଅଗ୍ରୱାଲ ବାଣପୁର: ଆଜି ଅପରାହ୍ନରେ ଖୋର୍ଦ୍ଧା ଜିଲ୍ଲା ବାଣପୁର ଓକିଲ ସଂଘର ୪୨ ତମ ବାର୍ଷିକ ଉତ୍ସବ ସ୍ଥାନୀୟ କୋର୍ଟ ପରିସର ମଧ୍ୟରେ କରୋନା ଗାଇଡଲାଇନକୁ ଅବଲମ୍ବନ କରି ନିରାଡ଼ମ୍ବର ଭାବେ ପାଳିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଚିଲିକା ବିଚାର ବିଭଗୀୟ ଅଦାଲତର କନିଷ୍ଠ ଦେୱାନୀ ବିଚାରପତି ବିକାଶ ଗୋଏଲ ଯୋଗଦେଇଥିବାବେଳେ ସମ୍ମାନିତ ଅତିଥି ଭାବେ ସଂଘର ବରିଷ୍ଠ ଆଇନଜୀବୀ ତଥା ପ୍ରତିଷ୍ଠାତା ସଭାପତି ସତ୍ୟନାରାୟଣ ମହାପାତ୍ର ଯୋଗଦେଇଥିଲେ। ଉକ୍ତ ସଭାରେ ବାଣପୁର ଓକିଲ ସଂଘର ସଭାପତି ପ୍ରଭାତ କୁମାର ପଟ୍ଟଯୋଶୀ ସଭାପତିତ୍ୱ କରିଥିବା ବେଳେ ସଂଘର ସମ୍ପାଦକ ଜଗନ୍ନାଥ ଭୋଳ ବାର୍ଷିକ ବିବରଣୀ ପାଠ କରିଥିଲେ। ଅତିଥିମାନେ ପ୍ରଥମେ ବାଣପୁରର ଅଧିଷ୍ଠାତ୍ରୀ ଦେବି ମା’ ଭଗବତୀଙ୍କ ପଟ୍ଟଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହ ପ୍ରଦୀପ ପ୍ରଜ୍ବଳନ କରିବାପରେ ସଭା କାର୍ଯ୍ୟ ଆରମ୍ଭ ହୋଇଥିଲା। ଉକ୍ତ ଉତ୍ସବ କେବଳ ଆଇନଜୀବୀ ସଭ୍ୟମାନଙ୍କ ମଧ୍ୟରେ ସୀମିତ ରହିଥିବାବେଳେ…

ନୂଆଦିଲ୍ଲୀ: ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ଏବଂ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ମୁଖ୍ୟଙ୍କ କାର୍ଯ୍ୟକାଳ ୫ ବର୍ଷକୁ କେନ୍ଦ୍ର ସରକାର ବୃଦ୍ଧି କରିଛି। ଏହାର ଅର୍ଥ ହେଉଛି ଯେ ବର୍ତ୍ତମାନ ଇଡି ଏବଂ ସିବିଆଇର ନିର୍ଦ୍ଦେଶକ ପଦରେ ଥିବା କୌଣସି ଅଧିକାରୀ ୫ ବର୍ଷ ସେବା କରିବାକୁ ସମର୍ଥ ହେବେ। ଏକ ଅଧ୍ୟାଦେଶ ଜରିଆରେ କେନ୍ଦ୍ର ସରକାର ଉଭୟ ଏଜେନ୍ସିର ମୁଖ୍ୟଙ୍କ କାର୍ଯ୍ୟକାଳ ବୃଦ୍ଧି କରିଛି। ସୂଚନାଯୋଗ୍ୟ ଯେ, ବର୍ତ୍ତମାନ ଏନଫୋର୍ସମେଣ୍ଟ ନିର୍ଦ୍ଦେଶାଳୟର ନିର୍ଦ୍ଦେଶକ ହେଉଛନ୍ତି ସଞ୍ଜୟ ମିଶ୍ର। ତାଙ୍କର କାର୍ଯ୍ୟକାଳ ଏହି ସପ୍ତାହରେ ଶେଷ ହେଉଥିଲା। କିନ୍ତୁ ବର୍ତ୍ତମାନ ଏହି ନିୟମ ପରେ ସରକାର ଚାହିଁଲେ ତାଙ୍କ କାର୍ଯ୍ୟକାଳକୁ ଆହୁରି ଦୁଇ ବର୍ଷ ବଢାଇ ପାରିବେ। ତେବେ ସଞ୍ଜୟ ମିଶ୍ରଙ୍କ ସମ୍ପର୍କରେ ଏପର୍ଯ୍ୟନ୍ତ କୌଣସି ନିର୍ଦ୍ଦେଶ ଜାରି କରାଯାଇ ନାହିଁ। ବର୍ତ୍ତମାନ, ଉଭୟ କେନ୍ଦ୍ରୀୟ ଅନୁସନ୍ଧାନକାରୀ ସଂସ୍ଥାର ନିର୍ଦ୍ଦେଶକଙ୍କ କାର୍ଯ୍ୟକାଳ ଦୁଇ ବର୍ଷ ରହିଛି।

କନ୍ଦର୍ପ ବେହେରା ରେଢ଼ାଖୋଲ: ନାକ୍ଟିଦେଉଳ ଵ୍ଲକ୍ ଅନ୍ତର୍ଗତ ମହୁକୁଦ ଗ୍ରାମ ମଙ୍ଗଳ ଯୁଵକ ସଙ୍ଘ ଆନୁକୂଲ୍ୟରେ ଶିଶୁମେଳା, ଵିଶିଷ୍ଠ ଯୁଵ ସଙ୍ଗଠକ ସ୍ଵର୍ଗତ ରୋମାନ୍ଚ ସାହୁ ଙ୍କ ଉଦ୍ଦେଶ୍ୟରେ ସ୍ମୃତି ସଭା ଓ ସ୍ମରଣିକା ଉନ୍ମୋଚନ ସମାରୋହ ଅନୁଷ୍ଠିତ ହୋଇଯାଇଛି। ନୃସିଂହ ଚରଣ ବିଶ୍ବାଳଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ରେଢାଖୋଲ ଵିଧାୟକ ରୋହିତ ପୂଝାରୀ, ମୁଖ୍ୟ ବକ୍ତା ଭାଵରେ ଡ଼ାକ୍ତର ଅମୂଲ୍ୟ ରତ୍ନ ମହନ୍ତ, ସମ୍ମାନୀତ ଅତିଥି ଭାବରେ ସୁଦର୍ଶନ ସାହୁ, ସରପଞ୍ଚ ଵୀରେନ ପ୍ରଧାନ, ଵ୍ଲକ୍ ଚେୟାରମ୍ୟାନ ମନ୍ଦାକିନୀ ରାଉଳ ଓ ରଘୁନାଥ ପ୍ରଧାନ ଯୋଗ ଦେଇ ସ୍ଵର୍ଗତ ରୋମାନ୍ଚ ସାହୁ ଙ୍କ ର ଜୀବନ ଓ ଭୂମିକା ସମ୍ପର୍କରେ ଆଲୋକପାତ କରିଥିଲେ। ଏହି ଅଵସର ରେ ସ୍ମରଣିକା ସ୍ମୃତି ରେ ସ୍ମୃତି ରେ ରୋମାନ୍ଚ ଉନ୍ମୋଚିତ ହୋଇଥିଲା। ଉଚ୍ଚଶିକ୍ଷା ରେ ସଫଳତା ପାଇଁ ଵିଶ୍ଵଜିତ ବିଶ୍ବାଳ ଙ୍କୁ ସମ୍ମାନୀତ କରାଯାଇଥିଲା। ସ୍ବର୍ଗତ ରୋମାନ୍ଚ ଙ୍କ…

ନୂଆଦିଲ୍ଲୀ: ଜୀବନରେ ସଫଳତା ପାଇବା ପାଇଁ, ପ୍ରତ୍ୟେକ ବ୍ୟକ୍ତିଙ୍କର ନିଜସ୍ୱ ପଦ୍ଧତି ଅଛି। ଯାହା ଦ୍ଵାରା ସେ କେବଳ ନିଜ କାର୍ଯ୍ୟକୁ ଭଲ କରିବାରେ ସକ୍ଷମ ନୁହଁନ୍ତି ବରଂ ସେ ମଧ୍ୟ ଏପରି ସଫଳତା ଅର୍ଜନ କରନ୍ତି, ଯାହା ଅନ୍ୟମାନଙ୍କୁ ଆଶ୍ଚର୍ଯ୍ୟ କରିଥାଏ। ଆସନ୍ତୁ ଜାଣିବା ଏହିପରି କିଛି ଗୁରୁତ୍ୱପୂର୍ଣ୍ଣ ଉତ୍ସ। ୧. ଲକ୍ଷ୍ୟ ବିଷୟରେ ନିଜକୁ ପ୍ରଶ୍ନ ପଚାରନ୍ତୁ: ସବୁବେଳେ ଲକ୍ଷ୍ୟ ମଧ୍ୟରେ ଆସୁଥିବା ବାଧାବିଘ୍ନ ସହିତ ଲଢିବା ପାଇଁ ଆପଣଙ୍କର ଦକ୍ଷତା ବୃଦ୍ଧି କରିବାକୁ ପଡିବ। ଯେତେବେଳେ ଥକିଯିବେ, ଭାଙ୍ଗିଯିବେ, ସେତେବେଳେ କେବଳ ନିଜକୁ ପଚରାଯାଇଥିବା କିଛି ପ୍ରଶ୍ନ ପୁନର୍ବାର ଲଢେଇ କରିବାକୁ ଶକ୍ତି ଦେବ। ୨- ନିରନ୍ତର ପ୍ରୟାସ ସଫଳତା ସ୍ଥିର କରିବ: ଯେକୌଣସି କ୍ଷେତ୍ରରେ ସଫଳତା ପାଇଁ ପ୍ରୟାସ ନିରନ୍ତର ହେବା ଆବଶ୍ୟକ। ଯଦି ପ୍ରୟାସ ବନ୍ଦ ହୁଏ, ସଫଳତାର ସିଡ଼ି ବହୁ ପଛରେ ରାହିଯାଏ। ଯେଉଁମାନଙ୍କର କୌଣସି ଏକ ଲକ୍ଷ୍ୟ ଅଛି ଏବଂ ଏହାକୁ…

ସ୍ୱାସ୍ଥ୍ୟ ଟିପ୍ସ: ଆପଲ୍ ସାଇଡର୍ ଭିନେଗାର ଏକ ଲୋକପ୍ରିୟ ଘରୋଇ ଉପଚାର। ଏହାର ଅନେକ ଚମତ୍କାର ଗୁଣ ଅଛି, ଯାହା ସ୍ୱାସ୍ଥ୍ୟ ପାଇଁ ଲାଭଦାୟକ। ଏଥିରେ ଆଣ୍ଟିମାଇକ୍ରୋବାୟଲ୍ ଏବଂ ଆଣ୍ଟିଅକ୍ସିଡାଣ୍ଟ ଗୁଣ ମଧ୍ୟ ରହିଥାଏ। କେବଳ ଏତିକି ନୁହେଁ, ଏହାକୁ ପିଇବା ଓଜନ ହ୍ରାସ କରିବା, କୋଲେଷ୍ଟ୍ରଲ କମାଇବା ଏବଂ ମଧୁମେହର ଲକ୍ଷଣରେ ସୁଧାର ଆଣିବା ପାଇଁ ଅତ୍ୟନ୍ତ ଲାଭଦାୟକ ଅଟେ। ଆପଲ୍ ସାଇଡର୍ ଭିନେଗାରର ଅନେକ ଗୁଣ ପରେ, ଲୋକମାନେ ଜାଣିବାକୁ ଚାହାଁନ୍ତି ଦିନର କେଉଁ ସମୟରେ ସେମାନେ ଏହାକୁ ପିଇବା ଉଚିତ୍। ଓଜନ ହ୍ରାସ କରିବାକୁ ଅନେକ ଲୋକ ଏହାକୁ ପ୍ରତିଦିନ ଖାଇଥା’ନ୍ତି, ତେଣୁ ଏଠାରେ ଆମେ ଆପଣଙ୍କୁ କହିବୁ କିପରି ଓଜନ ହ୍ରାସ କରିବା ପାଇଁ ଆପଲ୍ ସାଇଡର୍ ଭିନେଗାର ଖାଇବେ। ସକାଳେ ଆପଲ୍ ଭିନେଗାର ପିଇବାର ଲାଭ: ଅନେକ ଲୋକ ପ୍ରଶ୍ନର ଉତ୍ତର ଜାଣିବାକୁ ଚାହାଁନ୍ତି ଯେ, ରାତିରେ କିମ୍ବା ଦିନରେ କେବେ ଆପଲ୍ ଭିନେଗାର…

ନୂଆଦିଲ୍ଲୀ: ଆଜିକାଲି ମଧୁମେହ ଏକ ସାଧାରଣ ରୋଗରେ ପରିଣତ ହୋଇଛି। ପ୍ରତିବର୍ଷ ନଭେମ୍ବର ୧୪ ତାରିଖରେ ବିଶ୍ୱ ମଧୁମେହ ଦିବସ ପାଳନ କରାଯାଏ। ବିଶ୍ୱ ସ୍ୱାସ୍ଥ୍ୟ ସଂଗଠନର ତଥ୍ୟ ଅନୁଯାୟୀ ପ୍ରତିବର୍ଷ ୪ ନିୟୁତ ରୋଗୀ ମଧୁମେହରେ ମୃତ୍ୟୁ ବରଣ କରନ୍ତି। ଏହି ରୋଗର ସବୁଠାରୁ ବଡ କାରଣ ହେଉଛି ଖରାପ ଏବଂ ପରିବର୍ତ୍ତିତ ଜୀବନଶୈଳୀ। ଏହି ରୋଗ ବିଷୟରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଲୋକମାନଙ୍କୁ ଏହି ରୋଗ ବିଷୟରେ ସୂଚନା ଦେବା ପାଇଁ ପ୍ରତିବର୍ଷ ବିଶ୍ୱ ଡାଇବେଟିସ୍ ଦିବସ ପାଳନ କରାଯାଏ। ବିଶ୍ୱ ମଧୁମେହ ଦିବସର ଇତିହାସ: ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ, ୨୦୧୪ ପରଠାରୁ ପ୍ରାୟ ୪୨୨ ନିୟୁତ ଲୋକ ମଧୁମେହ ରୋଗରେ ଆକ୍ରାନ୍ତ ହୋଇଛନ୍ତି। ୧୯୯୧ ମସିହାରେ ଏହି ଦିବସକୁ ପାଳନ କରାଯାଉଛି। ଲୋକଙ୍କ ମଧ୍ୟରେ ମଧୁମେହ ବିଷୟରେ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ଆନ୍ତର୍ଜାତୀୟ ଡାଇବେଟିସ୍ ଫେଡେରେସନ୍ ଏବଂ ବିଶ୍ୱ…

ନୂଆଦିଲ୍ଲୀ/ଭୁବନେଶ୍ଵର: ସାରା ଦେଶର ଜନଜାତି ସମୁଦାୟଙ୍କ ପାଇଁ ‘ଭଗବାନ’ ମାନ୍ୟତା ପାଇଥିବା ଶହୀଦ ବିର୍ସା ମୁଣ୍ଡାଙ୍କ ଜୟନ୍ତୀ ନଭେମ୍ବର ୧୫ ତାରିଖକୁ ଭାରତ ସରକାର ‘ଜନଜାତି ଗୌରବ ଦିବସ’ ଭାବେ ପାଳନ କରିବା ଲାଗି ଘୋଷଣା କରିଛନ୍ତି। ସାରା ଦେଶ ବିର୍ସା ମୁଣ୍ଡାଙ୍କ ଜୟନ୍ତୀ ପାଳନ କରୁଥିବା ସମୟରେ, ଦେଶର ବିଭିନ୍ନ କୋଣ ଅନୁକୋଣରେ ଅତ୍ୟାଚାରୀ ବ୍ରିଟିଶ ଶାସନ ବିରୋଧରେ ସାହସର ସହିତ ସଂଗ୍ରାମ କରି ନିଜର ପ୍ରାଣବଳୀ ଦେଇଥିବା ବହୁ ଆଦିବାସୀ ନେତା ଓ ସଂଗ୍ରାମୀମାନଙ୍କର ମଧ୍ୟ ସ୍ମୃତିଚାରଣ କରାଯାଉଛି। ବିର୍ସା ମୁଣ୍ଡାଙ୍କ ଜୟନ୍ତୀକୁ ଜନଜାତି ଗୌରବ ଦିବସ ଭାବେ ପାଳନ କରିବା ଲାଗି ଘୋଷଣା କରାଯିବା ଏହି ପୂଜନୀୟ ଆଦିବାସୀ ନେତାଙ୍କ ପ୍ରତି ଏକ ଶ୍ରଦ୍ଧାଞ୍ଜଳି। ଏହା ମଧ୍ୟ ଦେଶର ସାଂସ୍କୃତିକ ଐତିହ୍ୟର ସଂରକ୍ଷଣ ଏବଂ ପରାକ୍ରମ, ଆତିଥେୟ ଓ ଜାତୀୟ ଗୌରବ ଭଳି ଭାରତୀୟ ମୂଲ୍ୟବୋଧର ପ୍ରୋତ୍ସାହନ ଦିଗରେ ଜନଜାତି ସମୁଦାୟଙ୍କ ଯୋଗଦାନକୁ ମାନ୍ୟତା ପ୍ରଦାନ କରିଥାଏ।…

ନୂଆଦିଲ୍ଲୀ: ଆସନ୍ତା ବର୍ଷ ପଞ୍ଜାବରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହାକୁ ନେଇ ବଲିଉଡର ଲୋକପ୍ରିୟ ଅଭିନେତା ସୋନୁ ସୁଦଙ୍କ ବିଷୟରେ ଏକ ବଡ ଖବର ଶୁଣିବାକୁ ମିଳିଛି, ଯିଏ କରୋନା ସମୟରେ ଲୋକଙ୍କୁ ସାହାଯ୍ୟ କରିଥିଲେ। ପଞ୍ଜାବ ବିଧାନସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ସୋନୁ ସୁଦ ମନା କରି ଦେଇଛନ୍ତି। ତେବେ ତାଙ୍କ ଭଉଣୀ ମାଲବିକା ସୁଦ ସଚ୍ଚର ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବେ। ହେଲେ କେଉଁ ଦଳରୁ ଏବଂ କେଉଁ ଆସନରୁ ମାଲବିକା ପ୍ରତିଦ୍ୱନ୍ଦ୍ୱିତା କରିବେ, ତାହା ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ। ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ମାଲବିକାଙ୍କ ନିଷ୍ପତ୍ତି ପରେ ଏବେ କଳ୍ପନାଜଳ୍ପନା ଆରମ୍ଭ ହୋଇଛି। କିଛି ଦିନ ପୂର୍ବରୁ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂଙ୍କ ସହ ମାଲବିକାଙ୍କ ଚିତ୍ର ମଧ୍ୟ ଭାଇରାଲ ହୋଇଥିଲା। ଏହି ଚିତ୍ରରେ ତାଙ୍କ ଅଭିନେତା ଭାଇ ସୋନୁ ସୁଦଙ୍କ ସହ ମାଲାବିକା ଥିଲେ। ନିକଟରେ କ୍ୟାପଟେନ ଅମରିନ୍ଦର ସିଂ କଂଗ୍ରେସରୁ ଇସ୍ତଫା…

ଭୁବନେଶ୍ବର:  ଆଜି ସକାଳ ପାଗ କୋହୋଲିଆ ଥିଲେ ମଧ୍ୟ ଭୁବନେଶ୍ବରରେ ଆୟୋଜିତ ହୋଇଛି ସାଇକ୍ଲୋଥୋନ। ଯାହାର ବାର୍ତ୍ତା ହେଉଛି କ୍ଲିନ, ଗ୍ରୀନ, ଲିଭେବୁଲ। ଅର୍ଥାତ ସ୍ବଚ୍ଛ, ସବୁଜ, ସ୍ବାସ୍ଥ୍ୟ। ଏହାକୁ ଆୟୋଜନ କରିଛନ୍ତି ଭୁବନେଶ୍ବର ସ୍ମାଟ ସିଟି ଲିମିଟେଡ। ଏହି ଶୋଭାଯାତ୍ରାରେ 70 ଜଣ ସାଇକେଲ ଆରୋହୀ ଯୋଗଦାନ କରିଥିଲେ। ସକାଳୁ ସେମାନେ କିଟ ଛକରୁ ଶୋଭାଯାତ୍ରା ଆରମ୍ଭ କରି ଶିଖରଚଣ୍ଡୀ ପର୍ଯ୍ୟନ୍ତ ଯାଇଥିଲେ।

ସୀତାରାମ ଅଗ୍ରୱାଲ ଟାଙ୍ଗୀ: ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ରାମେଶ୍ୱର ଛକ ନିକଟରୁ ଆଜି ସକାଳେ ଏକ ମାଂସ ବୋଝେଇ କଣ୍ଟେନର ଜବତ କରିଛି ନିରାକାରପୁର ପୋଲିସ। ଉକ୍ତ କଣ୍ଟେନରରେ ୫ ଟନ ମାଂସ ଥିବା ଅନୁମାନ କରାଯାଉଛି। ସୂଚନା ମୁତାବକ ଆଜି ସକାଳେ ରାମେଶ୍ୱର ଛକରେ ଉକ୍ତ ମାଂସ ବୋଝେଇ ଟ୍ରକକୁ ଘେରାଉ କରି ଅଟକ ରଖିଥିଲେ ସ୍ଥାନୀୟ ଅଞ୍ଚଳବାସୀ। ତେବେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେବା ଆଶଙ୍କାରେ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକଙ୍କ ନିର୍ଦ୍ଦେଶକ୍ରମେ ନିରାକାରପୁର ଆଇଆଇସି ଗୀତାଞ୍ଜଳି ନାୟକ ଉକ୍ତ କଣ୍ଟେନରକୁ ଜବତ କରିବା ସହ ତିନି ଜଣଙ୍କୁ ଅଟକ ରଖିଛନ୍ତି। ଅଟକ ତିନିଜଣ ଅଭିଯୁକ୍ତ ହେଲେ ସଂଜ ରାଠୋର, ମିଆଁଲାଲ ପିଣ୍ଡାରୀ, ଚନ୍ଦୁ ଲତାଫ୍। ତେବେ ଗୁଜବ ହେଉଛି ଯେ, ଖୋର୍ଦ୍ଧାରୁ ହାଇଦ୍ରାବାଦକୁ ଉକ୍ତ କଣ୍ଟେନରରେ ଗୋମାଂସ ଚାଲାଣ ହେଉଥିବାବେଳେ ବଜରଙ୍ଗ ଦଳର କାର୍ଯ୍ୟକର୍ତ୍ତା ମାନେ…

ମୁମ୍ବାଇ: ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ ତାଙ୍କ ସ୍ୱାମୀ ରାଜ କୁନ୍ଦ୍ରାଙ୍କ ବିରୋଧରେ ଠକେଇ ମାମଲା ରୁଜୁ ହୋଇଛି। ସୂତ୍ରରୁ ପ୍ରକାଶ ଯେ, ନିତିନ ବାରାଇ ନାମକ ଅଭିଯୋଗକାରୀ ବାନ୍ଦ୍ରା ପୋଲିସ ନିକଟରେ ଅଭିଯୋଗ କରିଛନ୍ତି। ଜୁଲାଇ ୨୦୧୪ ରୁ ବର୍ତ୍ତମାନ ପର୍ଯ୍ୟନ୍ତ ଏମ/ଏସଏଫଏଲ ପ୍ରାଇଭେଟ କମ୍ପାନୀର ନିର୍ଦ୍ଦେଶକ ଶିଳ୍ପା ଶେଟ୍ଟୀ, ରାଜ କୁନ୍ଦ୍ରା, କାଶୀଫ ଖାନ, ଦର୍ଷିତ ଶାହା ଏବଂ ସେମାନଙ୍କ ସହଯୋଗୀମାନେ ବରାଇଙ୍କ ସହ ଧୋକା କରିଛନ୍ତି। ଅଭିଯୋଗ ମୁତାବକ ଏମ/ଏସଏଫଏଲ କମ୍ପାନୀର ଫ୍ରାଞ୍ଚାଇଜ୍ ନେଇ ପୁଣେର କୋରେଗାଓଁ ଅଞ୍ଚଳରେ ଏକ ସ୍ପା ଏବଂ ଜିମ୍ ଖୋଲିଲେ, ଏହା ବହୁତ ଲାଭଦାୟକ ହେବ ବୋଲି ବରାଇଙ୍କୁ କୁହାଯାଇଥିଲା। ଏହା ପରେ ବାରାଇଙ୍କୁ ୧ କୋଟି ୫୯ ଲକ୍ଷ ୨୭ ହଜାର ଟଙ୍କା ବିନିଯୋଗ କରିବାକୁ ପ୍ରସ୍ତୁତ କରାଯାଇଥିଲା। ଯାହା ପରେ ଅଭିଯୁକ୍ତମାନେ ବାରାଇଙ୍କ ଟଙ୍କାକୁ ସେମାନଙ୍କ ଲାଭ ପାଇଁ ବ୍ୟବହାର କରିଥିଲେ…

ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୧୧ ହଜାର ୨୭୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୮୫ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୪୪ ଲକ୍ଷ ୧୨ ହଜାର ୯୪୧ ରେ ପହଞ୍ଚିଛି। ତେବେ ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୬୨ ହଜାର ୩୭୪ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୩୮ ଲକ୍ଷ ୩୭ ହଜାର ୮୫୯ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୧ ଲକ୍ଷ ୩୫ ହଜାର ୯୧୮ ଆକ୍ଟିଭ୍‌ କେସ୍ ରହିଛି।

ନୂଆଦିଲ୍ଲୀ: ଆଜି ସ୍ବାଧୀନ ଭାରତ ପରେ ଦେଶର ଶାସନ ଦାୟିତ୍ୱ ଗ୍ରହଣ କରିଥିବା ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁଙ୍କ ଜନ୍ମ ବାର୍ଷିକୀ। ଦେଶ ଏହାର ପ୍ରଥମ ପ୍ରଧାନମନ୍ତ୍ରୀଙ୍କୁ ସ୍ମରଣ କରିଛି। ପ୍ରଧାନମନ୍ତ୍ରୀ ମୋଦୀ ଟୁଇଟ୍ କରି ଦେଶର ପ୍ରଥମ ପ୍ରଧାନମନ୍ତ୍ରୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ଟ୍ୱିଟରେ ଲେଖିଛନ୍ତି ଯେ ଦେଶର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହର ଲାଲ ନେହେରୁ ଜୀଙ୍କୁ ତାଙ୍କ ଜନ୍ମ ବାର୍ଷିକୀରେ ମୋର ବିନମ୍ର ଶ୍ରଦ୍ଧାଞ୍ଜଳି। ପଣ୍ଡିତ ଜବାହରଲାଲ ନେହେରୁଙ୍କ ଜନ୍ମ ବାର୍ଷିକୀରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଦିଲ୍ଲୀର ଶାନ୍ତି ବନରେ ପହଞ୍ଚି ତାଙ୍କ ସମାଧୀରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ଭୁବନେଶ୍ବର:  ଆଜି ରାଜ୍ୟରେ ୨୬୨ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୦-୧୮ ବର୍ଷର ୪୨ ଜଣ ଅଛନ୍ତି। ସେହିପରି ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୧୫୩ ଜଣ ଏବଂ ସ୍ଥାନୀୟ ସଂକ୍ରମିତ ୧୦୯  ଜଣ ଅଛନ୍ତି। ତେବେ ବିଭିନ୍ନ ଜିଲ୍ଲାର ଯେଉଁ ସ୍ଥିତି ରହିଛି ତାହା ହେଲା… ବାଲେଶ୍ୱର ଜିଲ୍ଲାରୁ – ୧୨ ବରଗଡ ଜିଲ୍ଲାରୁ- ୧ ଭଦ୍ରକ ଜିଲ୍ଲାରୁ – ୫ ବଲାଙ୍ଗୀରି ଜିଲ୍ଲାରୁ- ୧ କଟକ ଜିଲ୍ଲାରୁ – ୨୧ ଦେବଗଡ ଜିଲ୍ଲାରୁ- ୩ ଢେଙ୍କାନାଳ ଜିଲ୍ଲାରୁ – ୫ ଗଞ୍ଜାମ ଜିଲ୍ଲାରୁ- ୨ ଜଗତସିଂହପୁର ଜିଲ୍ଲାରୁ – ୩ ଯାଜପୁର ଜିଲ୍ଲାରୁ – ୬ ଝାରସୁଗୁଡା ଜିଲ୍ଲାରୁ- ୨ କେନ୍ଦ୍ରାପଡ଼ା ଜିଲ୍ଲାରୁ – ୮ ଖୋର୍ଦ୍ଧାରୁ- ୧୩୨ ମାଲକାନଗିରି ଜିଲ୍ଲାରୁ- ୧ ମୟୁରଭଞ୍ଜ ଜିଲ୍ଲାରୁ – ୫ ନୟାଗଡ଼ ଜିଲ୍ଲାରୁ – ୨ ପୁରୀ ଜିଲ୍ଲାରୁ – ୧ ରାୟଗଡା ଜିଲ୍ଲାରୁ- ୧…

ନୂଆଦିଲ୍ଲୀ: ସ୍ବାଧୀନ ଭାରତ ପରେ ଦେଶର ଶାସନ ଦାୟିତ୍ୱ ଗ୍ରହଣ କରିଥିବା ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁଙ୍କ ଆଜି ଜନ୍ମ ବାର୍ଷିକୀ। ଦେଶର ସ୍ବାଧୀନତା ପରେ, 15 ଅଗଷ୍ଟ 1947 ରେ, ସେ ଭାରତର ପ୍ରଥମ ପ୍ରଧାନମନ୍ତ୍ରୀ ହୋଇଥିଲେ। ଭାରତରେ 1964 ପୂର୍ବରୁ ଅର୍ଥାତ ନେହେରୁଙ୍କ ମୃତ୍ୟୁ ପୂର୍ବରୁ 20 ନଭେମ୍ବରରେ ଶିଶୁ ଦିବସ ପାଳନ କରାଯାଇଥିଲା, କିନ୍ତୁ ତାଙ୍କ ମୃତ୍ୟୁ ପରେ ତାଙ୍କ ଜନ୍ମଦିନ ଅର୍ଥାତ୍ 14 ନଭେମ୍ବରକୁ ଶିଶୁ ଦିବସ ଭାବରେ ପାଳନ କରିବାକୁ ନିଷ୍ପତ୍ତି ନିଆଗଲା। ନେହେରୁ 15 ବର୍ଷ ବୟସରେ ଇଂଲଣ୍ଡ ଯାଇଥିଲେ ଏବଂ ହାରୋରେ ଦୁଇ ବର୍ଷ ରହିବା ପରେ କେମ୍ବ୍ରିଜ ବିଶ୍ୱବିଦ୍ୟାଳୟରେ ଆଡମିଶନ ନେଇଥିଲେ, ଯେଉଁଠାରୁ ସେ ପ୍ରାକୃତିକ ବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିଥିଲେ। 1912 ମସିହାରେ ଭାରତ ଫେରିବା ପରେ ସେ ସିଧା ରାଜନୀତିରେ ଯୋଗ ଦେଇଥିଲେ। 1912 ମସିହାରେ ସେ ପ୍ରତିନିଧୀ ଭାବରେ ବାଙ୍କିପୁର ସମ୍ମିଳନୀରେ ଅଂଶଗ୍ରହଣ…