ନୂଆଦିଲ୍ଲୀ: ବଲିଉଡ ଅଭିନେତ୍ରୀ ନେହା ଧୁପିଆ ଏବଂ ଅଭିନେତା ଅଙ୍ଗଦ ବେଦୀଙ୍କ ଘରେ ପୁଣି ଖୁସି ଆସିଛି। ନେହା ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି। ନେହା ଜୁଲାଇ ମାସରେ ତାଙ୍କର ଦ୍ୱିତୀୟ ଗର୍ଭ ବିଷୟରେ ଘୋଷଣା କରିଥିଲେ ଏବଂ ବର୍ତ୍ତମାନ ସେ ପୁଣି ଏକ ମାଆ ହୋଇଛନ୍ତି। ଅଙ୍ଗଦ ବେଦୀ ପ୍ରଶଂସକଙ୍କ ସହ ଦ୍ୱିତୀୟ ଥର ପିତା ହେବାର ଆନନ୍ଦ ବାଣ୍ଟିଛନ୍ତି। ନେହାଙ୍କ ସହ ଏକ ଚିତ୍ର ପୋଷ୍ଟ କରି ଅଙ୍ଗଦ ବେଦୀ ପ୍ରଶଂସକଙ୍କୁ ଖୁସି ବ୍ୟକ୍ତ କରିଛନ୍ତି। ନେହା ବିବାହ ପୂର୍ବରୁ ଗର୍ଭବତୀ ଥିଲେ, ସେତେବେଳେ ଲୋକମାନେ ଆହୁରି ଆଶ୍ଚର୍ଯ୍ୟ ହୋଇଥିଲେ। ତଥାପି, ଆଶ୍ଚର୍ଯ୍ୟଜନକ ଗର୍ଭଧାରଣ ଏବଂ ଶୀଘ୍ର ବିବାହ ପରେ ମଧ୍ୟ ସୁଖୀ ଦାମ୍ପତ୍ୟ ଜୀବନଯାପନ ପ୍ରକୃତରେ ମିଠା ଅଟେ। କିନ୍ତୁ ଆପଣ ଜାଣନ୍ତି କି ସେମାନଙ୍କ ସୁଖୀ ଦାମ୍ପତ୍ୟ ଜୀବନର ରହସ୍ୟ ଏହି ଶବ୍ଦରେ ଲୁଚି ରହିଛି? ଏବଂ ଅନେକ ସ୍ୱାମୀ ଏହି ଶବ୍ଦଗୁଡ଼ିକୁ ଅନୁସରଣ…
Author: Samikhsya Bureau
ସ୍ୱାସ୍ଥ୍ୟ ଟିପ୍ସ: କନ୍ନଡ ଚଳଚ୍ଚିତ୍ରର ସୁପରଷ୍ଟାର ତଥା ଅନେକ ହିଟ୍ ଫିଲ୍ମ ଦେଇ ଲୋକଙ୍କ ହୃଦୟକୁ ଛୁଇଁଥିବା ପୂନୀତ ରାଜକୁମାର ଶୁକ୍ରବାର ଦିନ ହୃଦଘାତରେ ମୃତ୍ୟୁ ବରଣ କରିଛନ୍ତି। ସେ ମାତ୍ର ୪୬ ବର୍ଷ ବୟସରେ ଦୁନିଆରୂ ବିଦାୟ ନେଇଛନ୍ତି। ୪୬ ବର୍ଷ ବୟସରେ ଜଣେ ଫିଟ୍ ବ୍ୟକ୍ତି କିପରି ହୃଦଘାତ ଭଳି ରୋଗରେ ମୃତ୍ୟୁବରଣ କରିପାରିବ, ଏହା ସମସ୍ତଙ୍କୁ ଚକିତ କରିଛି। ଏହାପୂର୍ବରୁ ହୃଦଘାତ ଯୋଗୁଁ ସିଦ୍ଧାର୍ଥ ଶୁକ୍ଲାଙ୍କ ମୃତ୍ୟୁ ଖବର ମଧ୍ୟ ସମସ୍ତଙ୍କୁ ଚକିତ କରିଥିଲା। ଲୋକମାନେ ଭାବୁଛନ୍ତି ଯେ, ଯଦି ଜଣେ ଫିଟ୍ ବ୍ୟକ୍ତି ଏତେ କମ ବୟସରେ ଦୁନିଆ ଛାଡି ପାରିବେ, ତେବେ ଯେଉଁମାନେ ସେମାନଙ୍କ ସ୍ୱାସ୍ଥ୍ୟ ପ୍ରତି ସଚେତନ ନୁହଁନ୍ତି କିମ୍ବା କୌଣସି ଶାରୀରିକ ବ୍ୟାୟାମ କରନ୍ତି ନାହିଁ ସେମାନଙ୍କ ସହିତ କ’ଣ ହେବ? ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, ଏସୀୟ ହାର୍ଟ ଇନଷ୍ଟିଚ୍ୟୁଟର ଭିସି ତଥା ଏମଡି ଡକ୍ଟର ରମାକାନ୍ତ ପଣ୍ଡା କହିଛନ୍ତି…
ନୂଆଦିଲ୍ଲୀ: ଟି-୨୦ ବିଶ୍ଵକପରେ ଏପର୍ଯ୍ୟନ୍ତ ଭାରତ କେବଳ ଗୋଟିଏ ମ୍ୟାଚ୍ ଖେଳିଛି। ଏହି ମ୍ୟାଚରେ ହାରିବା ପରଠାରୁ ଅନେକ କ୍ରିକେଟ୍ ସମୀକ୍ଷକଙ୍କ ଭାରତୀୟ ଦଳକୁ ନେଇ ଭବିଷ୍ୟବାଣୀ କରିଛନ୍ତି। କେଉଁ ଦଳ ରହିବ ଆଉ କେଉଁ ଦଳ ବାଦ ପଡିବ, ତାହାକୁ ନେଇ ସମୀକ୍ଷକ ମାନେ ବିଶ୍ୱକପ ପ୍ରିୟ ତାଲିକା ଜାରି କରିଛନ୍ତି। ଏହି କ୍ରମରେ ପୂର୍ବତନ କ୍ରିକେଟର ଆକାଶ ଚୋପ୍ରାଙ୍କ ନାମ ମଧ୍ୟ ଯୋଡି ହୋଇଛି। ନିକଟରେ ଆକାଶ ଚୋପ୍ରା ନିଜ ଟ୍ୱିଟରେ ଇଂଲଣ୍ଡ ଏବଂ ପାକିସ୍ତାନକୁ ଫାଇନାଲର ପ୍ରତିଦ୍ୱନ୍ଦ୍ୱୀ ବୋଲି ବର୍ଣ୍ଣନା କରିଛନ୍ତି। ସେ ବିଶ୍ଵକପ ପରବର୍ତ୍ତୀ ପର୍ଯ୍ୟାୟ ଦୌଡରୁ ଭାରତକୁ ବାଦ ଦେଇଛନ୍ତି। ଫଳରେ ପ୍ରଶଂସକମାନେ ଭାରତକୁ ଫାଇନାଲ ଦୌଡରୁ ଦୂରେଇ ରଖିବାରେ ରାଗିଛନ୍ତି ଏବଂ ସୋସିଆଲ ମିଡିଆରେ ଆକାଶ ଚୋପ୍ରାଙ୍କ ବିରୋଧରେ ଅନେକ ପ୍ରତିକ୍ରିୟା ରଖିଛନ୍ତି। ବାସ୍ତବରେ ଗ୍ରୁପ୍ -୧ ରେ ଇଂଲଣ୍ଡ ଶୀର୍ଷରେ ଅଛି। ଇଂଲଣ୍ଡ ଏପର୍ଯ୍ୟନ୍ତ ସେମାନଙ୍କର ତିନୋଟି ଗ୍ରୁପ୍ ମ୍ୟାଚ୍ ଜିତିଛି।…
ଭୁବନେଶ୍ବର: ପୂର୍ବତଟ ରେଳପଥର ମହାପ୍ରବନ୍ଧକ ବିଦ୍ୟା ଭୂଷଣ ଆଜି ରେଳ ସଦନ ଠାରେ ଅଧିକାରୀ ଏବଂ କର୍ମଚାରୀମାନଙ୍କୁ ଜାତିର ଏକତା, ଅଖଣ୍ଡତା ଏବଂ ସୁରକ୍ଷା ରକ୍ଷା ପାଇଁ ଉତ୍ସର୍ଗୀକୃତ ହେବା ଏବଂ ରାଷ୍ଟ୍ରିୟ ଏକତା ଦିବସରେ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଦର୍ଶନ ଏବଂ କର୍ମ ଉପରେ କାର୍ଯ୍ୟ କରିବା ପାଇଁ ଶପଥ ପାଠ କରାଇଛନ୍ତି। ଏହା ପରେ ବିଦ୍ୟା ଭୂଷଣ ରେଳପଥର କର୍ମଚାରୀ ଓ ଅଧିକାରୀ ମାନଙ୍କ ଦ୍ୱାରା ଆୟୋଜିତ ସାଇକେଲ ଓ ମଟର ସାଇକେଲ ରାଲି “ରନ୍ ଫର୍ ୟୁନିଟି” କୁ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ମହାପ୍ରବନ୍ଧକଂକ ନେତୃତ୍ୱରେ ପୂର୍ବତଟ ରେଳପଥର ଅଧିକାରୀ ଏବଂ କର୍ମଚାରୀମାନେ ମଧ୍ୟ ମୁଖ୍ୟାଳୟ ରେଳସଦନ ଠାରେ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏକତା ଦିବସ ସମାରୋହରେ ଅତିରିକ୍ତ ମହାପ୍ରବନ୍ଧକ ସୁଧୀର କୁମାର ଏବଂ ସମସ୍ତ ପ୍ରମୁଖ ବିଭାଗୀୟ ଅଧିକାରୀମାନେ ମଧ୍ୟ ଅଂଶଗ୍ରହଣ କରିଥିଲେ।…
କାବୁଲ: ଆଫଗାନିସ୍ତାନ ଦଖଲ କରିବା ପରେ ତାଲିବାନର ଅତ୍ୟାଚାର କମିନାହିଁ। ସମ୍ପ୍ରତି ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏକ ବିବାହ ଉତ୍ସବରେ ତାଲିବାନ ଯୋଦ୍ଧାମାନେ ୧୩ ଜଣଙ୍କୁ ହତ୍ୟା କରିଛନ୍ତି। ଏହି ସଦ୍ୟତମ ମାମଲା ଆଫଗାନିସ୍ତାନର ନଙ୍ଗରହାର ପ୍ରଦେଶରୁ ଆସିଛି। ଆଫଗାନିସ୍ତାନର ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ ତାଙ୍କ ସୋସିଆଲ ମିଡିଆ ମାଧ୍ୟମରେ ଏହି ସୂଚନା ଦେଇଛନ୍ତି। ଅମ୍ରୁଲ୍ଲା ସାଲେହ ଟ୍ୱିଟରରେ ଲେଖିଛନ୍ତି ଯେ, ‘ନଙ୍ଗହରହର ଏକ ବିବାହ ଭୋଜିରେ ସଙ୍ଗୀତ ବଜାଇବା ବେଳେ ତାଲିବାନ ଯୋଦ୍ଧାମାନେ ୧୩ ଜଣଙ୍କୁ ହତ୍ୟା କରିଥିଲେ। ଆମେ ନିନ୍ଦା କରି ଆମର କ୍ରୋଧ ପ୍ରକାଶ କରିପାରିବୁ ନାହିଁ। ୨୫ ବର୍ଷ ଧରି ପାକିସ୍ତାନ ସେମାନଙ୍କ ଆଫଗାନିସ୍ତାନ ସଂସ୍କୃତିକୁ ନଷ୍ଟ କରିବାକୁ ଏବଂ ଆମ ମାଟି ଦଖଲ କରିଏକ କଟ୍ଟର ଶାସନ ପ୍ରତିଷ୍ଠା କରିବାକୁ ଆଇଏସଆଇ ତାଲିମ ଦେଇଥିଲା। ଯେଉଁମାନେ ବର୍ତ୍ତମାନ ସେମାନଙ୍କର କାର୍ଯ୍ୟ କରୁଛନ୍ତି। ତାଲିବାନର ନିର୍ଦ୍ଦୟ ନିୟମ ଅଧିକ ଦିନ ରହିବ…
ଭୁବନେଶ୍ବର: ରାଜ୍ୟରେ ପ୍ରଥମରୁ ସପ୍ତମ ଶ୍ରେଣୀ ପିଲାଙ୍କ ସ୍କୁଲ ଖୋଲିବା ନେଇ ଆଲୋଚନା ଆରମ୍ଭ ହୋଇଯାଇଛି। ଦୀପାବଳି ଛୁଟି ପରେ ପ୍ରାଥମିକ ସ୍କୁଲ ଖୋଲିବା ପାଇଁ ଆଲୋଚନା ଆରମ୍ଭ ହୋଇଛି। କରୋନାର ତୃତୀୟ ତରଙ୍ଗର ସମ୍ଭାବନା କମ ଥିବାରୁ ପ୍ରାଥମିକ ବିଦ୍ୟାଳୟ ଖୋଲିବା ନେଇ ରାଜ୍ୟ ସରକାର ନିଷ୍ପତ୍ତି ନେଇପାରନ୍ତି। ବିଦ୍ୟାଳୟଗୁଡିକ ପର୍ଯ୍ୟାୟକ୍ରମେ ଖୋଲାଯାଇପାରେ। ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଆଲୋଚନା ହେଉଛି। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ସ୍କୁଲ ଖୋଲାଯିବା ନିଷ୍ପତ୍ତି ହେବ। ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ସୂଚନା ଦେଇଛନ୍ତି। ବର୍ତ୍ତମାନ ରାଜ୍ୟରେ ଅଷ୍ଟମରୁ ଦ୍ଵାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ଖୋଲାଯାଇଛି।
ଭୁବନେଶ୍ବର: ମନ୍ତ୍ରୀ ପ୍ରତାପ ଜେନା ଫୁଲବାଣୀ ଗସ୍ତରେ ଯାଇଛନ୍ତି। କିନ୍ତୁ ଏହି ଗସ୍ତ ବେଳେ ମନ୍ତ୍ରୀ ପ୍ରତାପ ଜେନା ଅସୁସ୍ଥ ହୋଇପଡିଥିବା ସୂଚନା ମିଳିଛି। ତାଙ୍କୁ ଫୁଲବାଣୀ ସର୍କିଟ ହାଉସରେ ଏକ ସ୍ଵତନ୍ତ୍ର ଡାକ୍ତରୀ ଦଳ ପ୍ରାଥମିକ ଚିକିତ୍ସା କରୁଥିବା ଜଣାପଡିଛି। ମନ୍ତ୍ରୀଙ୍କୁ ଭୁବନେଶ୍ଵର ଏୟାର ଲିଫ୍ଟିଂ କରାଯିବା ନେଇ ସୂଚନା ରହିଛି। ନିମ୍ନ ରକ୍ତଚାପ ଏବଂ ନିଶ୍ଵାସ ନେବାରେ ମନ୍ତ୍ରୀଙ୍କ କଷ୍ଟ ହେଉଥିବା କୁହାଯାଉଛି। ଫୁଲବାଣୀ ମୁଖ୍ୟ ଚିକିତ୍ସାଳୟ ଏଡିଏମଓ ଅଭୟ ପଟ୍ଟନାୟକ ଏନେଇ ସୂଚନା ଦେଇଛନ୍ତି।
ଭୁବନେଶ୍ବର: ରାଜ୍ୟରେ ଦର ଦାମ ବୃଦ୍ଧି ପ୍ରତିବାଦରେ ବିଜୁ ଜନତା ଦଳ ଆନ୍ଦୋଳନକୁ ଓହ୍ଲାଇଛି। ଆଜି ବିଜୁ ଜନତା ଦଳ ଦର ଦାମ ବୃଦ୍ଧି ପ୍ରତିବାଦରେ ରାଜଭବନ ସମ୍ମୁଖରେ ଆନ୍ଦୋଳନ କରୁଛି। ପେଟ୍ରୋଲ-ଡିଜେଲ ଏବଂ ଇନ୍ଧନ ଗ୍ୟାସ ଦରର ବୃଦ୍ଧିକୁ ନେଇ ବିଜୁ ଜନତା ଦଳ ରାସ୍ତାକୁ ଓହ୍ଲାଇଛି। ନଭେମ୍ବର ପହିଲାରୁ ରାଜ୍ୟର ୧୪୭ ନିର୍ବାଚନମଣ୍ଡଳୀରେ ଆନ୍ଦୋଳନ କରାଯିବ ବୋଲି ବିଜେଡ଼ି ଘୋଷଣା କରିଛି। ଆସନ୍ତାକାଲି ମହିଳା ବିଜେଡ଼ି ମଧ୍ୟ ରାସ୍ତାକୁ ଓହ୍ଳାଇବ। ସେମାନେ ଗ୍ୟାସ ଦର ବୃଦ୍ଧି ପ୍ରତିବାଦରେ କେନ୍ଦ୍ର ସରକାର ବିରୋଧରେ ଆନ୍ଦୋଳନ କରିବେ। ସେହିଭଳି ଆସନ୍ତା ୫ ତାରିଖରେ ରାଜ୍ୟର ସବୁ ପେଟ୍ରୋଲ ପମ୍ପ ସମ୍ମୁଖରେ ଛାତ୍ର ବିଜେଡ଼ି ମଧ୍ୟ ବିରୋଧ ପ୍ରଦର୍ଶନ କରିବ।
ଭୁବନେଶ୍ବର: ଆଜି କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀ ଅଜୟ ମିଶ୍ର ଓଡିଶା ଗସ୍ତରେ ଆସିଛନ୍ତି। ଲକ୍ଷ୍ମୀପୁର ଖେରିରେ ଚାଷୀ ହତ୍ୟା ଘଟଣାରେ ତାଙ୍କ ପୁଅଙ୍କୁ ନେଇ ସେ ବିବାଦୀୟ ହୋଇପଡିଛନ୍ତି। କେନ୍ଦ୍ରମନ୍ତ୍ରୀଙ୍କ ଓଡିଶା ଗସ୍ତକୁ କଂଗ୍ରେସ ବିରୋଧ କରିବ ବୋଲି ଘୋଷଣା କରିଥିଲା। ଏହି ପ୍ରରିପ୍ରେକ୍ଷୀରେ ଭୁବନେଶ୍ଵର ବିମାନବନ୍ଦର ଛକ ଠାରେ ଗୃହରାଷ୍ଟ୍ର ମନ୍ତ୍ରୀଙ୍କୁ କଂଗ୍ରେସ ପକ୍ଷରୁ ବିରୋଧ କରାଯାଇଛି। ଚାଷୀ ହତ୍ୟା ଘଟଣାକୁ ବିରୋଧ କରି କେନ୍ଦ୍ରମନ୍ତ୍ରୀଙ୍କ ଉପରକୁ କଂଗ୍ରେସ କର୍ମୀମାନେ ଅଣ୍ଡା ଆଉ କାଳି ମାଡ କରିଛନ୍ତି। ସେଠାରେ କେନ୍ଦ୍ର ମନ୍ତ୍ରୀଙ୍କୁ କଳା ପତାକା ଦେଖାଇ କଂଗ୍ରେସ ବିରୋଧ କରିଛି। ବିରୋଧ କରୂଥିବା ଶତାଧିକ କଂଗ୍ରେସ କର୍ମୀଙ୍କୁ ପୋଲିସ ଅଟକ ରଖିଛି। ଉଲ୍ଲେଖ ଯୋଗ୍ୟ ଯେ, ଏକ କାର୍ଯ୍ୟକ୍ରମରେ ଯୋଗଦେବା ପାଇଁ କେନ୍ଦ୍ରମନ୍ତ୍ରୀ ଓଡିଶା ଆସିଛନ୍ତି। କେନ୍ଦ୍ରମନ୍ତ୍ରୀ ଭୁବନେଶ୍ବରରୁ କଟକ ମୁଣ୍ଡୁଳି ଗସ୍ତରେ ଯିବେ। ସେଠାରେ ଥିବା ସିଆଇଏସଏଫର ୧୮୦ ମ୍ୟାନ ବାରକ ଉଦଘାଟନ କରିବାର କାର୍ଯ୍ୟକ୍ରମ ରହିଛି।
ଖୋର୍ଦ୍ଧା: ଜଟଣୀସ୍ଥିତ ସେଞ୍ଚୁରିଆନ ବିଶ୍ୱବିଦ୍ୟାଳୟର ସିଏଫଓଙ୍କୁ ପୋଲିସ ଅଟକ ରଖିଛି। କୋଲକୋତାରୁ ସେଞ୍ଚୁରିଆନ ବିଶ୍ୱବିଦ୍ୟାଳୟର ସିଏଫଓ ହିମାଂଶୁ ଶେଖର କବିଙ୍କୁ ଜଟଣୀ ପୋଲିସ କାବୁ କରିଛି। ସେଞ୍ଚୁରିଆନ ବିଶ୍ୱବିଦ୍ୟାଳୟରୁ ଟଙ୍କା ହଡପ କରିଥିବା ନେଇ ତାଙ୍କ ଉପରେ ଅଭିଯୋଗ ହୋଇଥିଲା। ସେ ବିଶ୍ୱବିଦ୍ୟାଳୟରୁ ୧ କୋଟି ୩ ଲକ୍ଷ ଟଙ୍କା ହଡପ କରିଥିବା ଅଭିଯୋଗ ହୋଇଥିଲା। ଅଭିଯୋଗ ପରେ ସେ ଗତ ଡିସେମ୍ବର ମାସରୁ ଫେରାର ହୋଇଯାଇଥିଲେ। ହେଲେ ଯୋଜନାବଦ୍ଧ ଭାବେ ହିମାଂଶୁଙ୍କୁ ଜଟଣୀ ପୋଲିସ ଅଟକ ରଖିଛି।
ନୂଆଦିଲ୍ଲୀ: ପଶ୍ଚିମବଙ୍ଗର ମମତା ବାନାର୍ଜୀ ସରକାରରେ ଦୁଇଥର ମନ୍ତ୍ରୀ ଥିବା ରାଜୀବ ବାନାର୍ଜୀ ଆଜି ବିଜେପି ଛାଡି ତୃଣମୂଳ କଂଗ୍ରେସକୁ ଫେରିପାରନ୍ତି। ସେ ଟିଏମସି ସାଧାରଣ ସମ୍ପାଦକ ତଥା ମମତା ବାନାର୍ଜୀଙ୍କ ଭଣଜା ଅଭିଷେକ ବାନାର୍ଜୀଙ୍କ ତ୍ରିପୁରାରେ ହେବାକୁ ଥିବା ବୈଠକରେ ତୃଣମୂଳ କଂଗ୍ରେସରେ ଯୋଗ ଦେଇପାରନ୍ତି। ବାନାର୍ଜୀ ଚଳିତ ବର୍ଷ ପ୍ରାରମ୍ଭରେ ମନ୍ତ୍ରୀ ପଦରୁ ଇସ୍ତଫା ଦେଇ ବିଜେପିରେ ଯୋଗ ଦେଇଥିଲେ।
ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୧୨ ହଜାର ୮୩୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪୪୬ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୪୨ ଲକ୍ଷ ୭୩ ହଜାର ୩୦୦ ରେ ପହଞ୍ଚିଛି। ତେବେ ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୫୮ ହଜାର ୧୮୬ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୩୬ ଲକ୍ଷ ୫୫ ହଜାର ୮୪୨ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୧ ଲକ୍ଷ ୫୯ ହଜାର ୨୭୨ ଆକ୍ଟିଭ୍ କେସ୍ ରହିଛି।
ଭୁବନେଶ୍ବର: ଆଜି ରାଜ୍ୟରେ ୪୮୮ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୦-୧୮ ବର୍ଷର ୭୭ ଜଣ ଅଛନ୍ତି। ସେହିପରି ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୨୮୫ ଜଣ ଏବଂ ସ୍ଥାନୀୟ ସଂକ୍ରମିତ ୨୦୩ ଜଣ ଅଛନ୍ତି। ତେବେ ବିଭିନ୍ନ ଜିଲ୍ଲାର ଯେଉଁ ସ୍ଥିତି ରହିଛି ତାହା ହେଲା… – ଅନୁଗୁଳ ଜିଲ୍ଲାରୁ- ୧ – ବାଲେଶ୍ୱର ଜିଲ୍ଲାରୁ – ୫ – ଭଦ୍ରକ ଜିଲ୍ଲାରୁ – ୩ – କଟକ ଜିଲ୍ଲାରୁ – ୫୪ – ଦେବଗଡ଼ ଜିଲ୍ଲାରୁ – ୨ – ଢେଙ୍କାନାଳ ଜିଲ୍ଲାରୁ – ୫ – ଗଜପତି ଜିଲ୍ଲାରୁ- ୫ – ଗଞ୍ଜାମ ଜିଲ୍ଲାରୁ- ୮ – ଜଗତସିଂହପୁର ଜିଲ୍ଲାରୁ – ୯ – ଯାଜପୁର ଜିଲ୍ଲାରୁ – ୯ – ଝାରସୁଗୁଡ଼ା ଜିଲ୍ଲାରୁ – ୩ – କଳାହାଣ୍ଡି ଜିଲ୍ଲାରୁ – ୨ – କେନ୍ଦ୍ରାପଡ଼ା ଜିଲ୍ଲାରୁ – ୮ -…
ମେଷ: ଘର ବାହାରେ ସୁଖ ଏବଂ ଶାନ୍ତି ରହିବ | ଜୀବନସାଥୀ ଉପରେ ପାରସ୍ପରିକ ସହଯୋଗ ରହିବ | ତତ୍ପରତା ଯୋଗୁଁ ଧନ ନଷ୍ଟ ହୋଇପାରେ | ବ୍ୟବସାୟ ବୃଦ୍ଧି ପାଇବ | ଚାକିରିରେ ଶାନ୍ତି ରହିବ | ବିନିଯୋଗ ଲାଭଦାୟକ ହେବ | କାମ ସରିଯିବ | ଆଇନଗତ ପ୍ରତିବନ୍ଧକ ହଟାଇବା ପରେ ପରିସ୍ଥିତି ଅନୁକୂଳ ହେବ। ମନର ଅସ୍ଥିରତାକୁ ନିୟନ୍ତ୍ରଣ କରନ୍ତୁ| ବୃଷ: ବ୍ୟବସାୟ ଭଲରେ ଚାଲିବ | ସ୍ଥିର ସମ୍ପତ୍ତି କ୍ରୟ ଏବଂ ବିକ୍ରୟ ଏକ ବଡ଼ ଲାଭ ଦେଇପାରେ | ଠିକ ସମୟରେ ଅଂଶୀଦାରମାନଙ୍କ ସହଯୋଗ ପାଇ ଖୁସି ହେବେ | ଚାକିରିରେ ଆପଣ ଅଧସ୍ତନଙ୍କ ସମର୍ଥନ ପାଇବେ | ପ୍ରତିଦ୍ୱନ୍ଦ୍ୱିତା ହେବ | ଆୟ ବୃଦ୍ଧି ପାଇବ | ଆଘାତ ଏବଂ ରୋଗ ବାଧା ଦେଇପାରେ | ଅନ୍ୟମାନଙ୍କ କାର୍ଯ୍ୟରେ ହସ୍ତକ୍ଷେପ କରନ୍ତୁ ନାହିଁ| ମିଥୁନ: ସାଙ୍ଗମାନଙ୍କ ସହିତ ସମୟ ଭଲ ହେବ |…
ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲାରେ ଖୋଲିଲା ପ୍ରଥମ ମିଲେଟ୍ ଶକ୍ତି ଟିଫିନ୍ ସେଣ୍ଟର। ଓଡ଼ିଶା ପୁଷ୍ଟିଶସ୍ୟ ମିଶନ ଏବଂ ମିଶନଶକ୍ତି ବିଭାଗ ଆନୁକୂଲ୍ୟରେ ରାଜଗାଙ୍ଗପୁରଠାରେ ଶନିବାର ଦିନ ଏହି ଟିଫିନ୍ ସେଣ୍ଟର ଖୋଲିଛି। ସ୍ଥାନୀୟ ଡାକୁୱା ମହିଳା ସ୍ୱୟଂ ସହାୟକ ଗୋଷ୍ଠୀକୁ ଏହାର ପରିଚାଳନା ଦାୟିତ୍ୱ ଦିଆଯାଇଛି। ମିଶନଶକ୍ତି ମା’ମାନେ ପୁଷ୍ଟିଶସ୍ୟରୁ ବିଭିନ୍ନ ସୁଆଦିଆ ଖାଦ୍ୟ ପ୍ରସ୍ତୁତ କରିବା ସହ ଏହାକୁ ବିକ୍ରି କରି ଭଲ ଦି’ ପଇସା ରୋଜଗାର କରିପାରିବେ। ମିଲେଟ୍ ଶକ୍ତି ଟିଫିନ୍ ସେଣ୍ଟର ଖୋଲିବା ଅବସରରେ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନେ ପୁଷ୍ଟିଶସ୍ୟରୁ ଇଡଲି, ବରା, ପକଡ଼ି, ପୁରି, ଗୁଲାବଜାମୁନ୍, ଖିରି ଆଦି ଖାଦ୍ୟ ପ୍ରସ୍ତୁତ କରିଥିଲେ। ଏହି ଖାଦ୍ୟକୁ ସ୍ଥାନୀୟ ଜନସାଧାରଣ ଏବଂ ଉପସ୍ଥିତ ଅତିଥିମାନ ପ୍ରଶଂସା କରିଥିଲେ। ରାଜଗାଙ୍ଗପୁର ଭଳି ଜିଲ୍ଲାର ବିଭିନ୍ନ ସ୍ଥାନରେ ୮୧ଟି ମିଲେଟ୍ ଶକ୍ତି ଟିଫିନ୍ ସେଣ୍ଟର ଏବଂ ମିଲେଟ୍ ଆଉଟଲେଟ୍ ଖୋଲିବାକୁ ପ୍ରଶାସନ ଲକ୍ଷ୍ୟ ରଖିଛି। ଏହାର ପରିଚାଳନା…
ନୂଆଦିଲ୍ଲୀ: ଆଉ ଅଳ୍ପଦିନ ପରେ ଆସିବ ଦୀପାବଳି। ସେଦିନ ସଂଧ୍ୟାରେ ଘରେ ଘରେ ଦୀପ ଜଳି ଉଠିବ। ସାଧାରଣତଃ ଦୀପାବଳି ଦିନ ମା ଲକ୍ଷ୍ମୀଙ୍କୁ ପୂଜା କରାଯାଇଥାଏ। କାରଣ ବିଶ୍ବାସ ରହିଛି ଯେ, ଦୀପାବଳିରେ ମା ଲକ୍ଷ୍ମୀ ବେଶ୍ ପ୍ରସନ୍ନ ହୋଇଥାନ୍ତି। ହେଲେ ଅନେକ ଜାଣି ନ ଥାନ୍ତି ଯେ, ପୂଜା ବିଧିରେ ସାମାନ୍ୟ ଭୁଲ ହେଲେ ମା ଲକ୍ଷ୍ମୀ ରୋଷ କରନ୍ତି। କାରଣ ମା ଲକ୍ଷ୍ମୀ ଯେତେବେଳେ ରାଗନ୍ତି ତାଙ୍କର ସର୍ବନାଶ କରି ଦିଅନ୍ତି। ଏପରିକି ପ୍ରଭୁ ଜଗନ୍ନାଥଙ୍କୁ ମଧ୍ୟ ଭିକାରୀ କରିଦେଇଥିଲେ। ସେଥିପାଇଁ ଲକ୍ଷ୍ମୀ ପୂଜା ବିଧିରେ ବିଶେଷ ଧ୍ୟାନ ଦେବାର ଆବଶ୍ୟକତା ରହିଛି। ଏହି ପାଞ୍ଚୋଟି ବିଷୟର ଦିଅନ୍ତୁ ଧ୍ୟାନ 1-ମା ଲକ୍ଷ୍ମୀଙ୍କ ପୂଜା କରିବା ସମୟରେ କେବେ ବି ତୁଳସୀ ଲଗାନ୍ତୁ ନାହିଁ। କାରଣ ବିଷ୍ଣୁଙ୍କର ଅତି ପ୍ରିୟ ହେଉଛି ତୁଳସୀ ପତ୍ର। ହେଲେ ଏହାକୁ ମା ଲକ୍ଷ୍ମୀ ସହଜରେ ଗ୍ରହଣ କରନ୍ତି ନାହିଁ। ସେଥିପାଇଁ…
ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ)ର ଆଉଟରିଚ ପ୍ରୋଗ୍ରାମ ଅନ୍ତର୍ଗତ ନୂତନ ଭାବେ ଗଠିତ ସୋଆ ଅନୁବାଦ କେନ୍ଦ୍ରର ପ୍ରଥମ ବୈଠକ ଶନିବାର ଅନୁଷ୍ଠିତ ହୋଇଯାଇଛି। ଇଞ୍ଜିନିଅରିଂ ପାଠ୍ୟ ପୁସ୍ତକର ଓଡ଼ିଆ ଅନୁବାଦ ନିମନ୍ତେ ଏକ ସୁସଂଗଠିତ ପରିଭାଷା ଆବଶ୍ୟକ ଯେଉଁଥିରେ ବିଜ୍ଞାନ ଓ ବୈଷୟିକ ଶିକ୍ଷା ନିମନ୍ତେ ଉପଯୋଗୀ ଓଡ଼ିଆ ପ୍ରତିଶବ୍ଦ ବ୍ୟବହୃତ ହୋଇପାରିବ। ଏହି ବୈଠକରେ ଓଡ଼ିଆରେ ବିଜ୍ଞାନ ଲେଖୁଥିବା ବିଶିଷ୍ଟ ବ୍ୟକ୍ତିମାନେ ଯୋଗଦେଇ ସେମାନଙ୍କର ସୁଚିନ୍ତିତ ମତାମତ ବ୍ୟକ୍ତ କରିଥିଲେ। ଗ୍ଲୋଶ।ରିର ପୃଷ୍ଠଭୂମି, ଏହାକୁ ପ୍ରସ୍ତୁତ କରିବାରେ ସମସ୍ୟା ଓ ଏହାର ଇତିହାସ ସମ୍ବନ୍ଧରେ ସ୍ଲାଇଡ଼ ମାଧ୍ୟମରେ ବକ୍ତବ୍ୟ ରଖିଥିଲେ ଡ଼ଃ ନିଖିଳ ମୋହନ ପଟନାୟକ। ଏହି ବୈଠକରେ ମୃଦୁଳା ମିଶ୍ର, ବିଜୟ କେତନ ପଟନାୟକ, ବିଜୟ କୁମାର ପରିଡା, ମାନସୀ ଗୋସ୍ୱାମୀ, ବ୍ରହ୍ମାନନ୍ଦ ସ୍ୱାଇଁ ଓ ମାୟାଧର ସ୍ୱାଇଁ ପ୍ରମୁଖ ଉପସ୍ଥିତ ଥିଲେ। ଏକ ଇ- ଗ୍ଲୋଶ।ରି ଆରମ୍ଭ କରାଯିବା ସହ ପ୍ରକାଶିତ ପରିଭାଷା ପୁସ୍ତକର…
ରୋମ: ଆଜି ଜି-୨୦ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମେରିକାର ରାଷ୍ଟ୍ରପତି ଜୋ ବିଡେନ ଏବଂ ଅନ୍ୟ ବିଶ୍ୱ ନେତାଙ୍କ ସହ ଆଲୋଚନା କରିଛନ୍ତି। ପ୍ରଧାନମନ୍ତ୍ରୀ ମୋଦି ଭାରତରେ ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମଓ) ଦ୍ୱାରା ଟ୍ୱିଟ୍ କରିଥିବା ଫଟୋରେ ବିଡେନ, ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍, ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ ଏବଂ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କୁ ଭେଟିଥିବାର ଦେଖିବାକୁ ମିଳିଛି। ପିଏମଓ ଏକ ଟୁଇଟ୍ରେ ଲେଖିଛି ଯେ, ରୋମରେ ହେବାକୁ ଥିବା ଜି-୨୦ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅନେକ ନେତାଙ୍କ ସହ କଥାବାର୍ତ୍ତା କରିଛନ୍ତି। ଚିତ୍ରଗୁଡ଼ିକରେ ମୋଦୀ ବିଡେନଙ୍କ ସହ ବୁଲୁଥିବାର ନଜର ଆସିଛନ୍ତି। ଯେଉଁଥିରେ ଦେଖାଯାଏ ସେମାନେ ହାଲୁକା କଥା ହେଉଛନ୍ତି। ଉଭୟ ନେତାଙ୍କୁ ଖୁସିର ମନୋଭାବରେ ଦେଖିବାକୁ ମିଳେ। ସେପ୍ଟେମ୍ବର ୨୪ ତାରିଖରେ ହ୍ୱାଇଟ ହାଉସରେ ବିଡେନ ମୋଦୀଙ୍କୁ ଭେଟିଥିଲେ, ଯାହା ତାଙ୍କର ପ୍ରଥମ ବ୍ୟକ୍ତିଗତ ବୈଠକ ଥିଲା। ଅନ୍ୟ ଚିତ୍ରରେ,…
ସୀତାରାମ ଅଗ୍ରୱାଲ ଚିଲିକା: ଆଜି ପୂର୍ବାହ୍ନରେ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲୁଗାଁ ଓ ବାଣପୁର ଅଞ୍ଚଳରେ ଖାଦ୍ୟ ଓ ସୁରକ୍ଷା ବିଭାଗ ପକ୍ଷରୁ ବିଭିନ୍ନ ହୋଟେଲ୍ ଏବଂ ଢାବା ଉପରେ ଅତର୍କିତ ଚଢାଉ କରାଯାଇଛି। ଉକ୍ତ ଚଢ଼ାଉରେ ଖାଦ୍ୟ ଓ ସୁରକ୍ଷା ବିଭାଗର ଡେଜିଗନେଟେଡ୍ ଅଧିକାରୀ ସତ୍ୟଜିତ୍ ପଟେଲଙ୍କ ସହ ଏକ ତିନି ଜଣିଆ ଟିମ ସାମିଲ ଥିଲେ। ବାଲୁଗାଁ ଏବଂ ବାଣପୁର ଅଞ୍ଚଳରେ ବେପାର ବାଣିଜ୍ୟ ସାଙ୍ଗକୁ ଅନେକ ପର୍ଯ୍ୟଟନ ସ୍ଥଳୀ ରହିଥିବା ବେଳେ ଚିଲିକା ମାଛ, ଚିଙ୍ଗୁଡି, କଙ୍କଡା ପାଇଁ ବେଶ୍ ପ୍ରସିଦ୍ଧ ଲାଭ କରିଛି। ମାତ୍ର ହୋଟେଲ ହେଉ ଅବା ଢ଼ାବାମାନଙ୍କ ପାଇଁ ଆଜି ଜାତୀୟ ସ୍ତର ଅବା ଆନ୍ତର୍ଜାତୀୟ ସ୍ତରରେ ଚିଲିକା ନାଁ ମାଟିରେ ମିଶିଯିବାକୁ ବସିଲାଣି। ନିମ୍ନ ମାନର ଖାଦ୍ୟ ତଥା ଅପମିଶ୍ରଣ ଖାଦ୍ୟପେୟ ଯୋଗୁଁ ବିଦେଶାଗତ ଅତିଥି ସହ ସ୍ଥାନୀୟ ଜନତା ମଧ୍ୟ ଅସନ୍ତୋଷ ପ୍ରକାଶ କରୁଛନ୍ତି। ଏ ନେଇ ଗତ କିଛିଦିନ…
ଭୁବନେଶ୍ବର: ରେଳ ବୋର୍ଡ ସଦସ୍ୟ (ଅପରେସନ୍ସ ଏବଂ ବିଜିନେସ୍ ଡେଭଲପମେଣ୍ଟ) ସଞ୍ଜୟ କୁମାର ମହାନ୍ତି ଆଜି ରେଳ ପରିଚାଳନା କାର୍ଯ୍ୟ ଏବଂ ବ୍ୟବସାୟ ବିକାଶକୁ ନେଇ ପୂର୍ବ ତଟ ରେଳପଥର କାର୍ଯ୍ୟଦକ୍ଷତା ସମ୍ବନ୍ଧରେ ରେଳବାଇ ଅଧିକାରୀ ମାନଙ୍କ ସହିତ ସମୀକ୍ଷା କରିଛନ୍ତି। ପଣ୍ୟ ପରିବହନରେ ଉନ୍ନତି ଆଣିବା ପାଇଁ ଶ୍ରୀ ମହାନ୍ତି କେନ୍ଦ୍ର ଏବଂ ରାଜ୍ୟ ସରକାରଙ୍କ ବିଭିନ୍ନ ସଂସ୍ଥା ଏବଂ ଶିଳ୍ପ, ବନ୍ଦର ଓ କର୍ପୋରେଟ୍ ଏଜେନ୍ସି ମାନଙ୍କ ମଧ୍ୟରେ ମିଳିତ ସହଯୋଗ ଏବଂ ପାରସ୍ପରିକ ବୁଝାମଣା ଉପରେ ଗୁରୁତ୍ୱାରୋପ କରିଛନ୍ତି। ଏହା ଉଭୟ ରେଳବାଇ ର ବିଭିନ୍ନ ଷ୍ଟେକ୍ ହୋଲ୍ଡର ଏବଂ ରେଳବାଇକୁ ଉପକୃତ କରିବ। ରେଳ ଲାଇନ ସମ୍ପ୍ରସାରଣ ସହିତ ଦୋହରୀକରଣ ଓ ତୃତୀୟ ଲାଇନ କାର୍ଯ୍ୟ ଗୁଡିକୁ ତ୍ୱରାନ୍ୱିତ କରିବାପାଇଁ ସେ ଗୁରୁତ୍ୱାରୋପ କରିଥିଲେ। ପରିବହନରେ ରେଳବାଇର ଅଂଶ ବୃଦ୍ଧି ପାଇଁ ରେଳବାଇକୁ ଶିଳ୍ପ ଏବଂ ବାଣିଜ୍ୟର ନିକଟତର କରିବା ପାଇଁ ବ୍ୟବସାୟ ବିକାଶ ୟୁନିଟ୍…
ଭୁବନେଶ୍ବର: ପୂର୍ବ ତଟ ରେଳପଥ ପରିସୀମା ମଧ୍ୟରେ ୦୯ ଯୋଡ଼ା ସ୍ୱତନ୍ତ୍ର ଟ୍ରେନର ଅଣସଂରକ୍ଷିତ କୋଚରେ ଅଣସଂରକ୍ଷିତ ଟିକେଟ୍ ଦ୍ୱାରା ଯାତ୍ରା ଉପଲବ୍ଧ କରାଇବାପାଇଁ ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି। ନଭେମ୍ବର ମାସ ପହିଲା ଠାରୁ ପୂର୍ବ ତଟ ରେଳପଥ ଛଅ ଯୋଡ଼ା ସ୍ୱତନ୍ତ୍ର ଟ୍ରେନ ରେ ଥିବା ସମ୍ପୂର୍ଣ ସଂରକ୍ଷିତ କୋଚ ମାନଙ୍କ ମଧ୍ୟରୁ ପ୍ରତ୍ୟକ ତିନିଟି ଲେଖା କୋଚକୁ ଅଣସଂରକ୍ଷିତ କରାଯାଇଛି ଏବଂ ଏହା ସହିତ ଗାର୍ଡ ତଥା ଲଗେଜ ଭ୍ୟାନ କୋଚ ଗୁଡିକୁ ମଧ୍ୟ ଅଣସଂରକ୍ଷିତ ଯାତ୍ରା ପାଇଁ ଉପଲବ୍ଧ କରାଯାଇଅଛି। ଏହି ଟ୍ରେନ୍ ଗୁଡିକରେ ଅଣସଂରକ୍ଷିତ ମେଲ୍/ଏକ୍ସପ୍ରେସ୍ ଭଡା ଆଦାୟ ହେବ। ଏହି ଟ୍ରେନ୍ ଗୁଡିକ ହେଲା… ୦୧- ୦୮୩୦୧/୦୮୩୦୨ ସମ୍ବଲପୁର-ରାୟାଗଡା-ସମ୍ବଲପୁର ବିଶେଷ ଟ୍ରେନ। ୦୨- ୦୮୫୬୯/୦୮୫୭୦ ଭୁବନେଶ୍ୱର-ବିଶାଖାପାଟନମ୍-ଭୁବନେଶ୍ୱର ଇଣ୍ଟର ସିଟି ବିଶେଷ ଟ୍ରେନ। ୦୩- ୦୮୪୧୭/୦୮୪୧୮ ପୁରୀ-ଗୁଣୁପୁର-ପୁରୀ ବିଶେଷ ଟ୍ରେନ। ୦୪- ୦୮୪୯୩/୦୮୪୯୪ ଭୁବନେଶ୍ୱର-ବଲାଙ୍ଗୀର-ଭୁବନେଶ୍ୱର ଇଣ୍ଟର ସିଟି ବିଶେଷ ଟ୍ରେନ। ୦୫- ୦୮୫୦୭/୦୮୫୦୮ ବିଶାଖାପାଟନମ୍-ରାୟାଗଡା-ବିଶାଖାପାଟନମ୍…