ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ରାଜ୍ୟରେ ସ୍ବାସ୍ଥ୍ୟ ସେବାକୁ ଅଧିକ ଦକ୍ଷ ଓ କ୍ରିୟାଶୀଳ କରିବାପାଇଁ ୧୧,୦୦୬ଟି ନୂତନ ନର୍ସିଂ ଅଫିସର ପଦବୀ ସୃଷ୍ଟି କରାଯାଇଛି। ଏହି ପଦବୀ ଗୁଡିକ ରାଜ୍ୟର ସମସ୍ତ ଜିଲ୍ଲାର ମୁଖ୍ୟ ଚିକିତ୍ସାଳୟ ସହିତ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର, ମାତୃ ଓ ଶିଶୁ ଚିକିତ୍ସା କେନ୍ଦ୍ର ତଥା ବିଭିନ୍ନ ମେଡିକାଲ କଲେଜରେ ପୂରଣ କରାଯିବ। ଏହିସବୁ ପଦବୀ ଗୁଡିକ ଦୁଇଟି ପର୍ଯ୍ୟାୟରେ ପୂରଣ କରାଯିବ। ଓଡିଶା ନର୍ସିଂ ସେବା ନିୟାମାବଳୀ ୨୦୧୯ ଅନୁଯାୟୀ ଏହି ପଦବୀ ଗୁଡିକ ପୂରଣ କରାଯିବ। ଏହି ନୂତନ ପଦବୀ ଗୁଡିକ ମଧ୍ୟରୁ ଜିଲ୍ଲାର ମୁଖ୍ୟ ଚିକିତ୍ସାଳୟ ଗୁଡିକରେ ୮୭୪ଟି ପଦବୀ, ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରଗୁଡିକରେ ୫୪୦୦ଟି ଏବଂ ମାତୃ ଓ ଶିଶୁ ଚିକିତ୍ସା କେନ୍ଦ୍ର ଗୁଡିକରେ ୨୬୫୯ଟି ପଦବୀ ସୃଷ୍ଟି କରାଯାଇଛି । ଏହିପରି ଜିଲ୍ଲାସ୍ତରରେ ସମୁଦାୟ ୮୯୩୩ଟି ପଦବୀ ସୃଷ୍ଟି କରାଯାଇଛି। ଏହାବ୍ୟତୀତ ରାଜ୍ୟର ବିଭିନ୍ନ ମେଡିକାଲ କଲେଜ…
Author: Samikhsya Bureau
କନ୍ଦର୍ପ ବେହେରା ରେଢାଖୋଲ: ରେଢାଖୋଲ ସବ୍ଡିଭିଜନ ଚାରମାଳ ଥାନା ବ୍ରାହ୍ମଣୀ ଗ୍ରାମରେ ଏକ ଘର ପୋଡିଘଟଣାରେ ଫେରାର ଥିବା ଜଣେ ଅଭିଯୁକ୍ତକୁ ପୋଲିସ୍ ଗିରଫ କରି କୋର୍ଟ ଚାଲାଣ କରିଥିବା ଜଣା ପଡିଛି। ପୋଲିସ୍ ସୂତ୍ରରୁ ପ୍ରକାଶ ଯେ, ଗତ ମାର୍ଚ୍ଚ ମାସ ୨୭ ତାରିଖରେ ଚାରମାଳ ଥାନା ବ୍ରାହ୍ମଣୀ (ଖସୁଆ) ଗ୍ରାମରେ ଏକ ଘର ପୋଡି ଘଟଣା ଘଟିଥିଲା। ହେଲେ ଏହି ଘଟଣାରେ ଚାରମାଳ ପୋଲିସ୍ ୨ ଜଣଙ୍କୁ ଗିରଫ କରିଥିବା ବେଳେ ଜଣେ ଫେରାର୍ ଥିଲା। ଚାରମାଳ ଥାନା କେସ୍ ନଂ ୩୯/୨୦୨୧ ରେ ଏକ ମାମଲା ରୁଜୁ କରିଥିଲା ଚାରାମାଳ ପୋଲିସ୍। କୋଭିଡ୍ ପରୀକ୍ଷା ପାଇଁ ଚାରମାଳ ଡାକ୍ତରଖାନାକୁ ନିଆଯାଉଥିବା ବେଳେ ଜଣେ ପରିସ୍ରା ଯିବା ବାହାନାରେ ପୋଲିସ୍ କୁ ଚକ୍ମା ଦେଇ ଫେରାର୍ ହେବାରେ ସକ୍ଷମ ହୋଇଥିଲା। ଆଜି ସେଇ ଫେରାର୍ ଅଭିଯୁକ୍ତକୁ ଚାରମାଳ ପୋଲିସ୍ ଗିରଫ କରିବାରେ ସଫଳ ହୋଇଛି। ଗିରଫ ଅଭିଯୁକ୍ତ ବ୍ରାହ୍ମଣୀ…
କନ୍ଦର୍ପ ବେହେରା ରେଢାଖୋଲ: ଆଜି ସକାଳ ୯.୩୦ ମିନିଟରେ ରେଢାଖୋଲ ଥାନା ଶୁଣ୍ଢିମୁଣ୍ଡା ରେଲେଓ ଓଭର ବ୍ରିଜ୍ ନିକଟରେ ଦୁଇଟି ବାଇକ୍ ମୁହାଁ ମୁହିଁ ଧକ୍କା ହେବା ଫଳରେ ୩ ଜଣ ଗୁରୁତର ହୋଇ ଥିବା ଖବର ହସ୍ତଗତ ହୋଇଛି। ୨ ଜଣ ରେଢାଖୋଲ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ଜଣଙ୍କୁ ବୁର୍ଲା ସ୍ଥାନାନ୍ତର କରାଯାଇଥିବା ଜଣା ପଡିଛି। ପ୍ରକାଶ ଯେ, ରେଢାଖୋଲ ଶୁଣ୍ଢିମୁଣ୍ଡା ଗ୍ରାମର ମାନସ ମହାନନ୍ଦ , ବଂଟି ନାୟକ , ଶୁସେନ୍ ଦୀପ ଗୋଟିଏ ବାଇକରେ ଶୁଣ୍ଢିମୁଣ୍ଡାରୁ ବଉଦ୍ ଯାଉଥିବା ବେଳେ ସାମ୍ନା ପଟୁ ଆସୁଥିବା ବଉଦ ର ଟିଙ୍କୁ ନାୟକ ସହିତ ମୁହାଁ ମୁହିଁ ଧକ୍କା ହୋଇଥିଲା। ଘଟଣା ସ୍ଥଳରେ ୩ ଜଣ ଆହତ ହୋଇଥିଲେ। ସେମାନଙ୍କୁ ରେଢାଖୋଲ ଡାକ୍ତରଖାନାରେ ଚିକିତ୍ସା ପାଇଁ ଭର୍ତି କରାଯାଇଥିଲା। ଘଟଣା ସ୍ଥଳରେ ପୋଲିସ୍ ପହଂଚି ତଦନ୍ତ କରିଥିବା ଜଣା ପଡିଛିା
ସୀତାରାମ ଅଗ୍ରୱାଲ ବାଣପୁର: ପାରିବାରିକ କଳହରୁ ଦମ୍ପତି ବିଷ ପିଇଥିବା ଅଭିଯୋଗ ହୋଇଛି। ଏଥିରେ ସ୍ତ୍ରୀ ସୁସ୍ଥ ହୋଇଯାଇଥିବା ବେଳେ ସ୍ୱାମୀଙ୍କର ମୃତ୍ୟୁ ହୋଇଛି। ଗତକାଲି ବାଣପୁର ଥାନା ଅନ୍ତର୍ଗତ ଅଲାଇଡିହ ଗ୍ରାମର ଏକ ଦମ୍ପତିଙ୍କ ପାରିବାରିକ କଳହ ଯୋଗୁଁ ଉଭୟ ବିଷ ପିଇ ଦେଇଥିଲେ। ଉଭୟଙ୍କୁ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିବାସ୍ଥଳେ ସ୍ତ୍ରୀ ସୁସ୍ଥ ହୋଇଯାଇଥିବାବେଳେ ସ୍ୱାମୀ ନିହାର ରଞ୍ଜନ ଜେନା (୪୦) ଙ୍କର ସ୍ୱାସ୍ଥ୍ୟ ଅବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ତୁରନ୍ତ ଭୁବନେଶ୍ୱର ସ୍ଥାନାନ୍ତରିତ କରାଯାଇଥିଲା। ତେବେ ବାଟରେ ସ୍ୱାସ୍ଥ୍ୟବସ୍ଥା ଗମ୍ଭୀର ହେବାରୁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ତାଙ୍କୁ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସା ଅବସ୍ଥାରେ ନିହାରଙ୍କର ମୃତ୍ୟୁ ଘଟିଥିଲା। ଏ ନେଇ ଡାକ୍ତର ଖୋର୍ଦ୍ଧା ଟାଉନ ଥାନାକୁ ସୂଚନା ଦେବା ପରେ ମୃତକଙ୍କ ଶବକୁ ଖୋର୍ଦ୍ଧା ଟାଉନ ଥାନା ପୋଲିସ ଜବତ କରି ୫୯/୨୧ ରେ ଏକ ଅପମୃତ୍ୟୁ ମାମଲା ରୁଜୁକରି ଆଜି ଶବ ବ୍ୟବଚ୍ଛେଦ…
ଭୁବନେଶ୍ବର: ଆଜି ରାଜ୍ୟରୁ ଆଉ ୧ ହଜାର ୩ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି। ଆଜି ସର୍ବାଧିକ ଖୋର୍ଦ୍ଧାରୁ ୩୭୪, କଟକରୁ ୧୩୭, ବାଲେଶ୍ବରରୁ ୫୯, ପୁରୀରୁ ୪୮, କେନ୍ଦ୍ରାପଡାରୁ ୩୯, ଯାଜପୁରରୁ ୩୩, ଜଗତସିଂହପୁରରୁ ୨୯, ଅନୁଗୁଳରୁ ୨୩, ନୟାଗଡରୁ ୨୩, ସମ୍ବଲପୁରରୁ ୨୦, କେନ୍ଦୁଝରରୁ ୧୨, ଭଦ୍ରକରୁ ୧୦, ଢେଙ୍କାନାଳରୁ ୧୦, ଝାରସୁଗୁଡାରୁ ୯, ରାୟଗଡାରୁ ୯, କନ୍ଧମାଳରୁ ୮, ମାଲକାନାଗିରିରୁ ୮, ଗଞ୍ଜାମରୁ ୫, କଳାହାଣ୍ଡିରୁ ୫, ବଲାଙ୍ଗୀରିରୁ ୪, ଗଜାପତିରୁ ୪, ନବରଙ୍ଗପୁରରୁ ୪, ସୁନ୍ଦରଗଡରୁ ୪, ବରଗଡରୁ ୩, କୋରାପୁଟରୁ ୩, ନୂଆପଡାରୁ ୩, ସୋନପୁରରୁ ୩, ଦେବଗଡରୁ ୨, ବୌଦ୍ଧରୁ ୧ ଏବଂ ଏବଂ ଷ୍ଟେଟ ପୁଲରୁ ୮୧ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୯ ଲକ୍ଷ…
ମାଙ୍ଗାଲୁରୁ: ଏକ ମିଥ୍ୟା ଅଭିଯୋଗରେ କର୍ଣ୍ଣାଟକର ହରିଶ ବଙ୍ଗେରାଙ୍କୁ ସାଉଦୀ ଆରବ ଜେଲରେ ୧୯ ମାସ ବିତାଇବାକୁ ପଡିଥିଲା। ସାଉଦି ଆରବର କ୍ରାଉନ୍ ପ୍ରିନ୍ସ ଏବଂ ମକ୍କାର ପବିତ୍ର ଦେଶ ବିରୁଦ୍ଧରେ ଆପତ୍ତିଜନକ ମନ୍ତବ୍ୟ ଦେଇଥିବା ନେଇ ହରିଶଙ୍କ ଉପରେ ମିଥ୍ୟା ଅଭିଯୋଗ ହୋଇଥିଲା। ଉଦୁପି ପୋଲିସ ଏବଂ କେନ୍ଦ୍ର ମନ୍ତ୍ରୀ ଶୋଭା କରନ୍ଦଲାଜେଙ୍କ ଉଦ୍ୟମ ଯୋଗୁଁ ତାଙ୍କୁ ସାଉଦୀ ଆରବ କାରାଗାରରୁ ମୁକ୍ତ କରାଯିବା ସହ ଭାରତକୁ ଫେରାଇ ଅଣାଯାଇଛି। ଉଲ୍ଲେଖ ଯୋଗ୍ୟ ଯେ, କିଛି ଖଳ ପ୍ରକୃତିର ଲୋକ ବଙ୍ଗରାଙ୍କ ନାମରେ ସୋସିଆଲ ମିଡିଆରେ ଏକ ନକଲି ଆକାଉଣ୍ଟ ସୃଷ୍ଟି କରି ଆପତ୍ତିଜନକ ପୋଷ୍ଟ କରିଥିଲେ। ଏହା ପରେ ଉଦୁପି ଜିଲ୍ଲାର କୋଟେଶ୍ୱରର ବାସିନ୍ଦା ବଙ୍ଗେରାଙ୍କୁ ଡିସେମ୍ବର ୨୦୧୯ ମସିହାରେ ଏହି ଆପତ୍ତିଜନକ ପୋଷ୍ଟ ଯୋଗୁଁ ଗିରଫ କରାଯାଇଥିଲା। ଅଗଷ୍ଟ ୧୭ ତାରିଖରେ ତାଙ୍କୁ ସାଉଦି ଜେଲରୁ ମୁକ୍ତ କରାଯାଇଥିଲା। ଗତକାଲି ସେ ତାଙ୍କ ଘରକୁ ଫେରିଥିଲେ।
Raksha Bandhan: ଚଳିତ ବର୍ଷର ରାକ୍ଷୀ ପୂର୍ଣ୍ଣିମା ଆସନ୍ତା ୨୨ ଅଗଷ୍ଟରେ ପାଳନ ହେବ। ସାଧାରଣତଃ ଶ୍ରାବଣ ପୂର୍ଣ୍ଣିମାକୁ ରାକ୍ଷୀ ପୂର୍ଣ୍ଣିମା ଭାବେ ପାଳନ କରାଯାଇଥାଏ। ଏକ ପରଂପରା ରହିଛି ଏହି ଦିନ ଭାଇ ହାତରେ ଭଉଣି ରାଖି ବନ୍ଧିଲେ ତାହାର ସବୁବେଳେ ମଙ୍ଗଳ ହୋଇଥାଏ। ସେଥିପାଇଁ ଏହାକୁ ରାଖି ପୂର୍ଣ୍ଣିମା ବୋଲି କୁହାଯାଇଥାଏ। ତେବେ ଏହି ରାଖି ପୂର୍ଣ୍ଣିମାରେ କେତେକ ବିଷୟ ଉପରେ ଧ୍ୟାନ ଦେବାର ଆବଶ୍ୟକତା ରହିଛି। ସେଗୁଡିକ ହେଲା ୧- ଭାଇ ହାତରେ କେବେ ବି କଳା ରଂଗର ରାଖି ବାନ୍ଧନ୍ତୁ ନାହିଁ। କାରଣ କଳା ରଂଗ ଭାଇ ଭଉଣୀ ସଂପର୍କ ଭିତରେ ବାଧା ସୃଷ୍ଟି କରିଥାଏ। ୨- କେବେ ବି ଭଦ୍ରା କାଳରେ ରାଖି ବାନ୍ଧନ୍ତୁ ନାହିଁ। ଭଦ୍ରାକାଳରେ ରାହୁଙ୍କର ଆଧିପତ୍ୟ ବେଶୀ ମାତ୍ରାରେ ରହିଥାଏ। ଏହି ଭଦ୍ରାକାଳ ସେଦିନ ସକାଳ ୬ ଟା ୩୦ ମିନଟ ପର୍ଯ୍ୟନ୍ତ ରହୁଛି। ଅର୍ଥାତ ଏହା ପରେ ଭାଇ…
ଭୁବନେଶ୍ୱର: ୧୭ତମ ‘କିଟ୍’ ଓ ‘କିସ୍’ ବିଶ୍ୱବିଦ୍ୟାଳୟ ସମାବର୍ତ୍ତନ ଉତ୍ସବ ୨୦୨୧ବର୍ଷ ପାଇଁ ସମାପନ ହୋଇଯାଇଛି। ଏଥିରେ କିଟ୍ ବିଶ୍ୱବିଦ୍ୟାଳୟ ତରଫରୁ ପ୍ରତ୍ୟେକ ବିଭାଗରେ ସର୍ବାଚ୍ଚ ନମ୍ବର ରଖିଥିବା କୃତୀଛାତ୍ରଛାତ୍ରୀମାନଙ୍କୁ ସ୍ୱର୍ଣ୍ଣ ଓ ରୌପ୍ୟ ମେଡ଼ାଲ ପ୍ରଦାନ କରାଯାଇଛି। ପ୍ରକାଶଥାଉକି, ଏଲ୍.ଏଲ୍.ଏମ୍ (ସ୍କୁଲ୍ ଅଫ୍ ଲ)ରେ ରାଜମଣି ମହାନ୍ତି ସର୍ବୋଚ୍ଚ ନମ୍ବର ରଖିଥିବାରୁ ସମାବର୍ତ୍ତନ ଉତ୍ସବରେ ରାଜମଣିଙ୍କୁ ସ୍ୱର୍ଣ୍ଣପଦକ (ମେଡ଼ାଲ) ଅର୍ଥାତ୍ ଚାନ୍ସେଲର ଗୋଲ୍ଡ଼ ମେଡ଼ାଲ ଓ ସାର୍ଟିଫିକେଟ ପ୍ରଦାନ କରାଯାଇଛି। ଉକ୍ତ ସ୍ୱର୍ଣ୍ଣ ପଦକ ଚାନ୍ସଲରଙ୍କ ଠାରୁ ପ୍ରାପ୍ତ ଏବଂ ପ୍ରୋ.ଭି.ସି. ସସ୍ମିତା ସାମନ୍ତ ସାର୍ଟିଫିକେଟ ପ୍ରଦାନ କରିଛନ୍ତି। ଶ୍ରୀ ମହାନ୍ତି ବି.ଏସ୍.ସି.ଏଲ୍.ଏଲ୍.ବି.ରେ ଟପ୍ପର ହୋଇ ଭାଇସ୍ ଚାନ୍ସେଲର ସିଲ୍ଭର (ରୌପ୍ୟ) ପଦକ ୨୦୨୦ ମସିହାରେ ପାଇଥିଲେ। ୧୦ଟି ଯାକ ସେମଷ୍ଟରେ ସର୍ବୋଚ୍ଚ ନମ୍ବର ରଖି ଟପ୍ପର ହୋଇଥିଲେ। ସର୍ବଭାରତୀୟ ମୋର୍ଟ କୋର୍ଟ ପରୀକ୍ଷାରେ କେରଳ, ତ୍ରିବେନ୍ଦ୍ରମଠାରେ ପ୍ରଥମ ହୋଇ କେରଳ ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତିଙ୍କ ଠାରୁ ମେଡ଼ାଲ…
ନୂଆଦିଲ୍ଲୀ: ଆଜିକାଲି ଲୋକମାନେ କେବଳ ଆଖି, କେଶ କିମ୍ବା ହାତ ପ୍ରତି ଧ୍ୟାନ ଦିଅନ୍ତି ନାହିଁ, ବରଂ ସେମାନଙ୍କ ଓଠର ମଧ୍ୟ ଯତ୍ନ ନିଅନ୍ତି। ଏଭଳି ପରିସ୍ଥିତିରେ ଏକ ସାଧାରଣ ସମସ୍ୟା ସମସ୍ତଙ୍କ ଦ୍ୱାରା ଦେଖାଯାଏ। ଆଜିକାଲି ଲୋକଙ୍କଠାରେ କଳା ରଙ୍ଗର ଓଠର ସମସ୍ୟା ଦେଖାଯାଏ। ଓଠ ଗୋଲାପୀ ନଥିଲେ ଲୋକମାନେ ଚିନ୍ତିତ ହୁଅନ୍ତି। ସେମାନେ ଭାବନ୍ତି ଯେ, କଣ ଉପାୟ ଅଛି, ଯାହାଦ୍ଵାରା ସେମାନଙ୍କର ସମସ୍ୟାର ସମାଧାନ ହେବ। ଆସନ୍ତୁ ସେହି ଟିପ୍ସ ବିଷୟରେ ଜାଣିବା: ୧- ଆପଲ୍ ସାଇଡର୍ ଭିନେଗାର ବ୍ୟବହାର କରନ୍ତୁ: ଓଠକୁ ଗୋଲାପୀ କରିବା ପାଇଁ, ଅଳ୍ପ ବୁନ୍ଦା ଆପଲ୍ ଭିନେଗାରକୁ ପାଣିରେ ମିଶାଇ ପ୍ରତିଦିନ ଓଠରେ ଲଗାନ୍ତୁ, ଏହା ଆପଣଙ୍କ ଓଠକୁ ଗୋଲାପୀ କରିଦେବ। ୨- ଲେମ୍ବୁ, ଆଳୁ ବ୍ୟବହାର କରନ୍ତୁ: ଆପଣ ପ୍ରତିଦିନ ରାତିରେ ଓଠରେ ଲେମ୍ବୁ, ଆଳୁ ଏବଂ ବିଲାତି ରସ ଲଗାନ୍ତୁ ଏବଂ ସକାଳେ ଉଠିବା ପରେ ଏହାକୁ ଧୋଇ…
ନୂଆଦିଲ୍ଲୀ: ଧନତେରସ ଏବଂ ଦୀପାବଳିରେ ଆପଣ ଏପରି କିଛି ପଦକ୍ଷେପ ଗ୍ରହଣ କରିପାରିବେ, ଯାହା ଦ୍ଵାରା ଆପଣ ମାତା ଲକ୍ଷ୍ମୀଙ୍କ ଆଶୀର୍ବାଦ ଲାଭ କରିପାରିବେ। ପ୍ରଥମ ସମାଧାନ ହେଉଛି ପରିଷ୍କାର ପରିଚ୍ଛନ୍ନତା। ଯେଉଁଠାରେ ଘରେ ପରିଷ୍କାରତା ଅଛି, ଲକ୍ଷ୍ମୀ ସ୍ୱୟଂଚାଳିତ ଭାବରେ ସେଠାରେ ରୁହନ୍ତି। ସକାଳ ଓ ସନ୍ଧ୍ୟାରେ ଘରକୁ ସୁଗନ୍ଧିତ କରିବା ପାଇଁ, କିଛି ସୁଗନ୍ଧିତ ଜିନିଷ ଜଳାନ୍ତୁ। ଲକ୍ଷ୍ମୀ ପ୍ରାପ୍ତି କରିବାର ତୃତୀୟ ଉପାୟ ହେଉଛି ଶାନ୍ତି ବଜାୟ ରଖିବା ଏବଂ ଘରେ ପ୍ରେମ ସୃଷ୍ଟି କରିବା। ଲକ୍ଷ୍ମୀଙ୍କ ପ୍ରାପ୍ତିର ଚତୁର୍ଥ ପ୍ରତିକାର ହେଉଛି ଯେ ଧନତେରସର ସୂର୍ଯ୍ୟୋଦୟ ଠାରୁ ଆରମ୍ଭ କରି ରାତି ପର୍ଯ୍ୟନ୍ତ, ପ୍ରତିଦିନ ୧୧ ଥର ‘ଓମ୍ ଲକ୍ଷ୍ମୟେ ନମଃ’ ଜପ କରନ୍ତୁ। ଜପ କରିବାର ମାଳ କମଲଗଟ୍ଟେର ହେବା ଉଚିତ ଏବଂ ଜପ କରିବା ସମୟରେ ଅନ୍ୟ କୌଣସି କାମ କରନ୍ତୁ ନାହିଁ। ପଞ୍ଚମ ତଥା ଶେଷ ସମାଧାନ ହେଉଛି ଅଷ୍ଟମୀ ଦିନ…
ନୂଆଦିଲ୍ଲୀ: ତାଲିବାନ ସମର୍ଥକଙ୍କୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଟାର୍ଗେଟ କରିଛନ୍ତି। ବିଧାନସଭାରେ ଭାଷଣ ଦେଇ ସେ ମହିଳା ଏବଂ ଶିଶୁଙ୍କ ବିରୋଧରେ ତାଲିବାନର ଅତ୍ୟାଚାର ବିଷୟରେ ମଧ୍ୟ କହିଛନ୍ତି। କିଛି ଲୋକ ଲଜ୍ଜାଜନକ ଭାବେ ତାଲିବାନକୁ ସମର୍ଥନ କରୁଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି। ସେହିଭଳି ଲୋକମାନଙ୍କୁ ଏକ୍ସପୋଜ କରିବା ଆବଶ୍ୟକ ବୋଲି ସେ କହିଛନ୍ତି। ଯୋଗୀ ଆଦିତ୍ୟନାଥ କହିଛନ୍ତି ଯେ, କିଛି ଲୋକ ତାଲିବାନକୁ ସମର୍ଥନ କରୁଛନ୍ତି। ସେଠାରେ ଥିବା ମହିଳା ଏବଂ ଶିଶୁମାନଙ୍କ ପ୍ରତି ନିଷ୍ଠୁରତା କରାଯାଉଥିବା ବେଳେ କିଛି ଲୋକ ଲଜ୍ଜାଜନକ ଭାବରେ ତାଲିବାନକୁ ସମର୍ଥନ କରୁଛନ୍ତି। ସେମାନଙ୍କର ମୁଖା ଖୋଲିବା ଉଚିତ୍।
ଭୁବନେଶ୍ବର, ପୁଣି ଥରେ ବିବାଦ ଘେରକୁ ଆସିଛନ୍ତି କଟକର ବିଜେଡି ସାଂସଦ ଭର୍ତ୍ତୁହରି ମହତାବ। ତେବେ ଏଥର ବିବାଦ କୌଣସି ରାଜନୈତିକ ନୁହେଁ, ସଂପୂର୍ଣ୍ଣ ପାରିବାରିକ। ସାଂସଦଙ୍କ ବିରୋଧରେ ତାଙ୍କ ପୁତ୍ର ବଧୁ ଆଣିଛନ୍ତି ଗୁରୁତର ଅଭିଯୋଗ। ତାହା ହେଲା ଯେ, ସାଂସଦ କୁଆଡେ ବୋହୁଙ୍କୁ ଯୌତୁକ ନିର୍ଯ୍ୟାତନା ଦେଉଥିଲେ। ସେ ନେଇ ବୋହୁ ସାକ୍ଷୀ ମହତାବ ଭୋପାଳର ଏକ ଥାନାରେ ମାମଲା ଋଜୁ କରିଛନ୍ତି। ସାକ୍ଷା ତିନିଜଣଙ୍କ ନାମ ମାମଲାରେ ଉଲ୍ଲେଖ କରିଛନ୍ତି। ସେମାନେ ହେଲେ ଶଶୂର ଭର୍ତ୍ତୁହରି ମହତାବ, ଶାଶୁ ମହାଶ୍ବେତା ମହତାବ ଏବଂ ସ୍ବାମୀ ଲୋକରଂଜନ ମହତାବ। ଏମାନଙ୍କ ନାମରେ ସଂପୃକ୍ତ ଥାନାରେ ମାମଲା ରେଜେଷ୍ଟ୍ରି ହୋଇଥିବାର ଜଣାପଡିଛି। 2016 ମସିହାରେ ଭୋପାଳର ସାକ୍ଷୀଙ୍କୁ ଭର୍ତ୍ତୁହରିଙ୍କ ପୁତ୍ର ଲୋକରଂଜନଙ୍କୁ ବିବାହ କରିଥିଲେ। ବିବାହରେ ପ୍ରାୟ ଅଢେଇ କୋଟି ଟଙ୍କାର ସୁନାଗହଣା ଏବଂ ଅନ୍ୟାନ୍ୟ ସାମଗ୍ରୀ ପ୍ରଦାନ କରାଯାଇଛି। ହେଲେ ଘରେ ତାଙ୍କୁ ଚାକରାଣୀ ପରି ବ୍ୟବହାର କରାଯାଉଛି…
ନୂଆଦିଲ୍ଲୀ: ଉଭୟ ଡୋଜ ନେବା ପରେ ମଧ୍ୟ ଦେଶରେ କରୋନା ସଂକ୍ରମଣ ମାମଲା ସାମ୍ନାକୁ ଆସିଛି। ସୂଚନାନୁସାରେ, ଦ୍ଵିତୀୟ ମାତ୍ରା ପରେ ମୋଟ ବ୍ରେକଥ୍ରୁ ସଂକ୍ରମଣର ୪୬% କେରଳରୁ ଆସିଛି। କେରଳରେ ପ୍ରାୟ ୮୦ ହଜାର ବ୍ରେକଥ୍ରୁ ସଂକ୍ରମଣ (ଟିକା ନେବା ପରେ ସଂକ୍ରମଣ) ରିପୋର୍ଟ ହୋଇଛି। ଏଥିରେ, ପ୍ରାୟ ୪୦ ହଜାର ଦ୍ୱିତୀୟ ଡୋଜ୍ ପରେ ବ୍ରେକଥ୍ରୁ ସଂକ୍ରମଣ ଅଟେ। ଦ୍ୱିତୀୟ ଡୋଜ୍ ପରେ ଦେଶରେ ୮୭ ହଜାରରୁ ଅଧିକ ବ୍ରେକଥ୍ରୁ ସଂକ୍ରମଣର ରିପୋର୍ଟ ହୋଇଥିବା ଜଣାଯାଇଛି। ଦ୍ୱିତୀୟ ଡୋଜ ପରେ କେରଳ ସମୁଦାୟ ସଂକ୍ରମଣର ୪୬% ଅଟେ। ଅବଶିଷ୍ଟ ୫୪% ଦେଶର ବିଭିନ୍ନ ସ୍ଥାନରୁ ରିପୋର୍ଟ କରାଯାଇଛି। ସ୍ୱାସ୍ଥ୍ୟ ମନ୍ତ୍ରଣାଳୟର ସବୁଠାରୁ ବଡ ଚିନ୍ତା ହେଉଛି ଯେ, କେରଳର ଦ୍ୱିତୀୟ ମାତ୍ରା ପରେ ଏତେ ସଂଖ୍ୟକ ବ୍ରେକଥ୍ରୁ ସଂକ୍ରମଣର କାରଣ କ’ଣ? କେରଳର ୱାୟାନାଡରେ ପ୍ରାୟ ୧୦୦% ଟୀକାକରଣ (ବୈଧ ଜନସଂଖ୍ୟା), କିନ୍ତୁ ସେଠାରେ ମଧ୍ୟ ସଂକ୍ରମଣ ଘଟଣା…
ନୂଆଦିଲ୍ଲୀ: ସୁନା ଋଣ ଏକ ସୁରକ୍ଷିତ ଋଣ ଅଟେ। ଯେଉଁଠାରେ ଆପଣ ସୁନା, ଅଳଙ୍କାର କିମ୍ବା କୌଣସି ଜିନିଷ ରଖି ଋଣ ନିଅନ୍ତି। ବ୍ୟକ୍ତିଗତ ଋଣ ତୁଳନାରେ ସୁନା ଋଣ ଅଧିକ ଉପଯୁକ୍ତ ବିବେଚନା କରାଯାଏ। କାରଣ ଏହାର ସୁଧ ହାର ବହୁତ କମ୍ ଅଟେ। ଆପଣ ବାର୍ଷିକ ୧୧-୧୨ ପ୍ରତିଶତ ସୁଧ ହାରରେ ସୁନା ଋଣ ନେଇପାରିବେ। ଯେତେବେଳେ କି ବ୍ୟକ୍ତିଗତ ଋଣ ୧୪-୨୨ପ୍ରତିଶତ ସୁଧ ହାରରେ ନିଆଯାଏ। ସୁନା ଋଣରେ କୃଷକମାନଙ୍କୁ ମଧ୍ୟ ଅଧିକ ଅଗ୍ରାଧିକାର ଦିଆଯାଏ ଏବଂ କୃଷକମାନେ ଏହାକୁ ୮ ପ୍ରତିଶତ ସୁଧରେ ପାଇଥା’ନ୍ତି। ବିଶେଷ କଥା ହେଉଛି ଯଦିଓ ଆପଣଙ୍କର ସିବିଲ (CIBIL) ସ୍କୋର କମ୍, ଆପଣ ସହଜରେ ଏକ ସୁନା ଋଣ ନେଇପାରିବେ। ଏହି ଋଣ ପାଇଁ ଆୟ ପ୍ରମାଣପତ୍ର ପ୍ରଦାନ କରିବା ଆବଶ୍ୟକ ନୁହେଁ। କିନ୍ତୁ ଆପଣ ଜାଣନ୍ତି କି ଯଦି ଆପଣ ସୁନା ଋଣ ପରିଶୋଧ କରିବାରେ ସକ୍ଷମ ନୁହଁନ୍ତି…
ନୂଆଦିଲ୍ଲୀ: ଆଫଗାନିସ୍ତାନକୁ ତାଲିବାନ ନିଜ ଅଧୀନକୁ ନେଇଛି। ଏହି ପ୍ରସଙ୍ଗରେ ଭାରତରେ ରାଜନୀତି ଆରମ୍ଭ ହୋଇଯାଇଛି। ଭାରତର ପ୍ରସିଦ୍ଧ କବି ମୁନାୱର ରାଣା ତାଲିବାନ ବିଷୟରେ ଏକ ବିବାଦୀୟ ବିବୃତ୍ତି ଦେଇଛନ୍ତି। ମୁନାୱାର୍ ରାଣା କହିଛନ୍ତି ଯେ, ଆଫଗାନିସ୍ତାନରେ ଯେଉଁ କ୍ରୁରତା ହେଉଛି, ଆମ ଦେଶରେ ତାହାଠାରୁ ଅଧିକ। ସେ ତାଲିବାନକୁ ସମର୍ଥନ କରି କହିଛନ୍ତି ଯେ, ଏହା ବିଷୟରେ ମତାମତ ଦେବା ଉପରେ ଅତ୍ୟନ୍ତ ତତ୍ପରତା ଦେଖାଦେଇଛି। ରାଣା କହିଛନ୍ତି ଯେ, ୨୦ ବର୍ଷ ମଧ୍ୟରେ ଅନେକ ଦେଶର ସୈନ୍ୟବାହିନୀ ତାଲିବାନ ଉପରେ ବୋମା ଫିଙ୍ଗିଛନ୍ତି, ଆଜି ଯାହା ଘଟୁଛି ତାହା ହେଉଛି ପ୍ରତିଶୋଧର କାର୍ଯ୍ୟ। କେବଳ ସେହି ଲୋକମାନେ ଯେଉଁମାନେ ଆଫଗାନିସ୍ତାନ ସରକାରଙ୍କ ଅତି ନିକଟତର ଅଟନ୍ତି ସେମାନେ ଆଫଗାନିସ୍ତାନରେ ପଳାୟନ କରୁଛନ୍ତି।
ଭୁବନେଶ୍ୱର: ପୂର୍ବତନ ଯୁବ କଂଗ୍ରେସ ସଭାପତି ସଂଗ୍ରାମ ଜେନାଙ୍କ ପରଲୋକ। ମାତ୍ର ୪୪ ବର୍ଷ ବୟସରେ ସଂଗ୍ରାମଙ୍କ ପରଲୋକ ହୋଇଛି। କୋଭିଡ୍ ଆକ୍ରାନ୍ତ ହୋଇ ହାଇଦ୍ରାବାଦରେ ଚିକିତ୍ସିତ ହେଉଥିଲେ। ପରଲୋକ ନେଇ ସୂଚନା ଦେଲେ ତାଙ୍କ ସାନ ଭାଇ ମନୋଜ ଜେନା। ପୂର୍ବତନ ମନ୍ତ୍ରୀ ଜୟଦେବ ଜେନାଙ୍କ ପୁଅ ହେଉଛନ୍ତି ସଂଗ୍ରାମ ଜେନା। ସମସ୍ତେ ଶ୍ରଦ୍ଧାରେ ତାଙ୍କୁ ବାପି ବୋଲି ସମ୍ବୋଧିତ କରନ୍ତି। ତାଙ୍କର ମୃତ୍ୟୁ କଂଗ୍ରେସ ପାଇଁ ଏକ ଅପୂରଣୀୟ କ୍ଷତି। ତାଙ୍କର ମୃତ୍ୟୁରେ ଛାତ୍ର ଓ ଯୁବ ଗୋଷ୍ଠୀ ମହଲରେ ଶୋକର ଛାୟା ଖେଳିଯାଇଛି। ସେ ଅନେକ ଦିନ ପୂର୍ବରୁ କରୋନାରେ ଆକ୍ରାନ୍ତ ହୋଇ ଚିକିତ୍ସିତ ହେଉଥିଲେ। ପରେ ସ୍ୱାସ୍ଥ୍ୟାବସ୍ଥା ବିଗିଡିବାରୁ ତାଙ୍କୁ ଇକ୍ମୋ ଚିକିତ୍ସା ପାଇଁ ହାଇଦ୍ରାବାଦ ନିଆଯାଇଥିଲା। ସେ ୮୪ ଦିନ ହେବ ଇକ୍ମୋ ଚିକିତ୍ସାରେ ଚିକିତ୍ସିତ ହେଉଥିଲେ। ତା’ପୂର୍ବରୁ ଓଡ଼ିଶାରେ ୩ ସପ୍ତାହରୁ ଅଧିକ ଦିନ ଧରି ଏକ ଘରୋଇ ହସ୍ପିଟାଲ୍ରେ ତାଙ୍କୁ ଭେଣ୍ଟିଲେଟରରେ…
କୋଲକାତା, ଆଜି କୋଲକତା ଉଚ୍ଚ ନ୍ୟାୟଳୟ ଏକ ବଡ ରାୟ ପ୍ରକାଶ କରିଛନ୍ତି। ତାହା ହେଲା ପଶ୍ଚିମବଂଗରେ ନିର୍ବାଚନ ପରେ ହୋଇଥିବା ହିଂସାକାଣ୍ଡ ଓ ଧର୍ଷଣ ଉପରେ ସିବିଆଇ ତଦନ୍ତ କରିବ। ଏ ନେଇ ଆଜି ଉଚ୍ଚ ନ୍ୟାୟାଳୟ ଏହି ନିର୍ଦ୍ଦେଶ ଦେଇଛନ୍ତି। ରାୟରେ କୁହାଯାଇଛି ଯେ, ଏହି ତଦନ୍ତ ଚଳିତ ବର୍ଷ ମେ ମାସ ପରଠାରୁ ହୋଇଥିବା ହତ୍ୟାକାଣ୍ଡ, ଧର୍ଷଣ ଏବଂ ମହିଳାଙ୍କ ଉପରେ ଅତ୍ୟାଚାର ଉପରେ ତଦନ୍ତ କରିବ। ଏହି ତଦନ୍ତ ହାଇକୋର୍ଟ ତତ୍ବାବଧାନରେ ହେବ ବୋଲି ନିର୍ଦ୍ଦେଶ ଜାରୀ କରାଯାଇଛି। ଆଜି କୋର୍ଟର ପାଞ୍ଚ ଜଣିଆ ବେଞ୍ଚ ଏହାର ଶୁଣାଣି କରି ଏହି ରାୟ ପ୍ରଦାନ କରିଛନ୍ତି।
ସୀତାରାମ ଅଗ୍ରୱାଲ ବାଣପୁର: ଗତକାଲି ରାତ୍ରିରେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ସାନସିରେଇପୁର ଗ୍ରାମର ଜଣେ ଯୁବକ ବିଷ ପିଇ ଆତ୍ମହତ୍ୟା କରିଥିବାର ଅଭିଯୋଗ ହୋଇଛି। ଅଭିଯୋଗ ମୁତାବକ ସାନସିରେଇପୁର ଗ୍ରାମର ସୁଶାନ୍ତ ବେହେରା (୨୦) କୌଣସି କାରଣ ବଶତଃ ଗତକାଲି ରାତିରେ ବିଷ ପିଇଦେଇଥିଲେ। ପରିବାର ଲୋକ ସଙ୍ଗେସଙ୍ଗେ ରାତି ପ୍ରାୟ ୧୦.୩୦ ଘଟିକା ସମୟରେ ସୁଶାନ୍ତଙ୍କୁ ବାଣପୁର ମେଡିକାଲରେ ଭର୍ତ୍ତି କରିଥିଲେ। ତେବେ ସୁଶାନ୍ତ ବିଷ ପିଇବାସହ ପ୍ରଚୁର ମଦ ମଧ୍ୟ ପିଇଥିଲେ। ଫଳରେ ଡାକ୍ତର ତାଙ୍କ ପେଟ ସଫା କରି ଗୁରୁତର ଅବସ୍ଥାରେ ତାଙ୍କୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲ ସ୍ଥାନାନ୍ତରିତ କରିଦେଇଥିଲେ। ବାଟରେ ଗଲା ବେଳକୁ ଟାଙ୍ଗୀ ନିକଟରେ ଅବସ୍ଥା ଅଣାୟତ୍ତ ହେବାରୁ ସୁଶାନ୍ତଙ୍କୁ ପରିବାର ଲୋକେ ଟାଙ୍ଗୀ ମେଡିକାଲରେ ଭର୍ତ୍ତି କରିଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରି ଟାଙ୍ଗୀ ପୋଲିସକୁ ସୂଚନା ଦେଇଥିଲେ। ଟାଙ୍ଗୀ ପୋଲିସ ଡାକ୍ତରଖାନାରେ ପହଞ୍ଚି ଶବ…
ନୂଆଦିଲ୍ଲୀ: ତାଲିବାନ ଭାରତ ବିରୋଧରେ ନିଜର ପ୍ରକୃତ ରୂପ ଦେଖାଇବାକୁ ଆରମ୍ଭ କରିଦେଇଛି। ତାଲିବାନ ଭାରତରୁ ଆମଦାନୀ ଏବଂ ରପ୍ତାନି ଉପରେ ପ୍ରତିବନ୍ଧକ ଲଗାଇଛି। ଫେଡେରେସନ୍ ଅଫ୍ ଇଣ୍ଡିଆନ୍ ରପ୍ତାନି ସଂଗଠନ ଅନୁଯାୟୀ ତାଲିବାନ ପାକିସ୍ତାନକୁ ଗମନାଗମନ ମାର୍ଗ ଦେଇ ସମସ୍ତ ମାଲ ପରିବହନକୁ ବନ୍ଦ କରି ଦେଇଛି। ଯାହାର ପ୍ରଭାବ ଦିଲ୍ଲୀ ସମେତ ଦେଶର ଅନେକ ସହରରେ ଦୃଶ୍ୟମାନ ହେଉଛି। ଶୁଖିଲା ଫଳର ମୂଲ୍ୟରେ ବହୁତ ବୃଦ୍ଧି ଘଟିଛି। ଦିଲ୍ଲୀର ବୃହତ୍ତମ ଶୁଖିଲା ଫଳ ବଜାର ଖାରି ବାବଲିରେ ଶୁଖିଲା ଫଳ ୨୦ ପ୍ରତିଶତ ପର୍ଯ୍ୟନ୍ତ ମହଙ୍ଗା ହୋଇଛି। ଗୋଟିଏ ସପ୍ତାହ ମଧ୍ୟରେ ଭାରତରେ ଶୁଖିଲା ଫଳର ମୂଲ୍ୟ କିଲୋଗ୍ରାମ ପିଛା ୨୦୦-୨୫୦ ଟଙ୍କା ବୃଦ୍ଧି ପାଇଛି। ପିସ୍ତା, ବାଦାମ, ଡିମ୍ବିରି ପରି ଅନେକ ଶୁଖିଲା ଫଳ ଆଫଗାନିସ୍ତାନରୁ ଭାରତକୁ ଆସିଥାଏ। ବ୍ୟବସାୟୀମାନେ କହିଛନ୍ତି ଯେ ୧୫-୨୦ ଦିନ ହେଲା କୌଣସି ଦ୍ରବ୍ୟ ଭାରତକୁ ଆସୁନାହିଁ, ଯେଉଁ କାରଣରୁ ବଜାରରେ…
ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୩୬ ହଜାର ୪୦୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୫୩୦ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୨୩ ଲକ୍ଷ ୨୨ ହଜାର ୨୫୮ ରେ ପହଞ୍ଚିଛି। ସେହିପରି ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୩୩ ହଜାର ୪୯ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୧୫ ଲକ୍ଷ ୨୫ ହଜାର ୮୦ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୩ ଲକ୍ଷ ୬୪ ହଜାର ୧୨୯ ଆକ୍ଟିଭ୍ କେସ୍ ରହିଛି।
ଭୁବନେଶ୍ବର: ଆଜି ରାଜ୍ୟରେ ଆଉ ୬୮ ଜଣ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି। ଆଜିର ୬୮ ଜଣ ମୃତକଙ୍କୁ ମିଶାଇ ରାଜ୍ୟରେ ମୋଟ ମୃତକଙ୍କ ସଂଖ୍ୟା ୭ ହଜାର ୧୫୪ ରେ ପହଞ୍ଚିଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଦେଇଛି। ଆଜି କଟକ ଜିଲ୍ଲାରୁ ସର୍ବାଧିକ ୧୮ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ଜଗତସିଂହପୁରା ଜିଲ୍ଲାରୁ ୧୦ ଜଣ, ଖୋର୍ଦ୍ଧା ଜିଲ୍ଲାରୁ ୭ ଜଣ, ଢେଙ୍କାନାଳ ଜିଲ୍ଲାରୁ ୬ ଜଣ, ଭଦ୍ରକ, ମୟୂରଭଞ୍ଜ ଜିଲ୍ଲାରୁ ୫ ଜଣ ଲେଖାଏଁ ଏବଂ ଅନୁଗୁଳ ଜିଲ୍ଲାରୁ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ସେହିଭଳି ବାଲେଶ୍ଵର, ଯାଜପୁର, କେନ୍ଦ୍ରପଡା ଜିଲ୍ଲାରୁ ୩ ଜଣ ଲେଖାଏଁ, ଗଞ୍ଜାମ ଜିଲ୍ଲାରୁ ୨ ଜଣ, ନୟାଗଡ ଓ ସୁନ୍ଦରଗଡ ଜିଲ୍ଲାରୁ ଜଣେ ଲେଖାଏଁ ଆକ୍ରାନ୍ତଙ୍କ ମୃତ୍ୟୁ ହୋଇଛି। ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୯୮ ହଜାର ୧୮୭ କୁ ବୃଦ୍ଧି…