ଉତ୍ତରପ୍ରଦେଶ,29/11: ଭାରତର ସାମରିକ ଶକ୍ତି ପ୍ରଦର୍ଶନ ପାଇଁ ଲକ୍ଷ୍ନୌରେ ଆୟୋଜିତ ହେବାକୁ ଥିବା ପ୍ରତିରକ୍ଷା ପ୍ରଦର୍ଶନୀ ପାଇଁ ବଳି ପଡିବେ 63799ଟି ନୂଆ ପୁରୁଣା ଗଛ। ତୁରନ୍ତ ଏହି ଗଛ କାଟି ସଫା କରିବା ପାଇଁ ଲକ୍ଷ୍ମୌ ଉନ୍ନୟନ କର୍ତ୍ତୁପକ୍ଷ ଲକ୍ଷ୍ନୌ ନଗର ନିଗମକୁ ଏକ ଚିଠି ଲେଖି ନିର୍ଦ୍ଦେଶ ଦେଇଛନ୍ତି। ଏହି ପ୍ରଦର୍ଶନୀ ଆସନ୍ତା ଫେବୃୟାରୀରେ ହେବାକୁ ଥିବାରୁ ଜାନୁୟାରୀ 15 ତାରିଖ ସୁଦ୍ଧା ସବୁ ଗଛ କାଟି ଖାଲି ସ୍ଥାନକୁ ହିନ୍ଦୁସ୍ଥାନ ଏରୋନେଟିକ୍ସ ଲିମିଟେଡକୁ ହସ୍ତାନ୍ତର କରିବାକୁ ନିର୍ଦ୍ଦେଶ ଦିଆଯାଇଛି। ଏପରି ଚିଠିକୁ ନେଇ ଉତ୍ତର ପ୍ରଦେଶ ପରିବେଶବିତଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି। କାରଣ ତିନିବର୍ଷ ତଳେ ଲକ୍ଷ୍ନୌ ନଗର ନିଗମ 59 ଲକ୍ଷ ଟଙ୍କା ଖର୍ଚ୍ଚ କରି ଗୋମତୀ ନଦୀ ତଟ ଏବଂ ଏହାର ଆଖପାଖ ଅଞ୍ଚଳରେ ଚାରା ରୋପଣ କରିଥିଲେ। ଏଥିସହିତ ସେଠାରେ ପ୍ରାଚୀନ କାଳରୁ ବହୁ ବଡ ବଡ ଗଛ ମଧ୍ୟ ରହିଛି।…
Author: Samikhsya Bureau
ସମୀକ୍ଷା ବ୍ୟୁରୋ ବାଣପୁର,୨୯/୧୧: ବାଣପୁରରେ ଆରଟିଓ କ୍ୟାମ୍ପ ସ୍ଥାପନ ପାଇଁ ଖୋର୍ଦ୍ଧା ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି।୧୩ ନମ୍ବର ଜୋନର ଜିଲ୍ଲା ପରିଷଦ ସଦସ୍ୟ ଅମରେନ୍ଦ୍ର ରଣସିଂହ ଏନେଇ ଖୋର୍ଦ୍ଧା ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି। କେନ୍ଦ୍ର ସରକାରଙ୍କ ପକ୍ଷରୁ ନୂତନ ମୋଟର ଯାନ ଆଇନ୍ ସେପ୍ଟମ୍ବର ୧ ତାରିଖରେ ଲାଗୁ କରାଯାଇଥିଲା। ଏହି ଆଇନ୍ ବଳରେ ପୋଲିସ ଚେକିଂରେ ସାଧାରଣ ଜନତା ଅସୁବିଧାର ସମ୍ମୁଖୀନ ହେବା ଫଳରେ ରାଜ୍ୟ ସରକାରଙ୍କ ପକ୍ଷରୁ ତିନି ମାସର ମହଲତ ପ୍ରଦାନ କରାଯାଇଥିଲା। ଏତଦବ୍ୟତୀତ ରାଜ୍ୟର ପ୍ରତି ବ୍ଲକରେ ଅସ୍ଥାୟୀ ଆରଟିଓ କ୍ୟାମ୍ପ ସ୍ଥାପନର ପ୍ରତିଶ୍ରୁତି ଦିଆଯାଇଥିଲା। ଏହି ସମସ୍ତ କ୍ୟାମ୍ପରେ ଡ୍ରାଇଭିଂ ଲାଇସେନ୍ସ ଏବଂ ଅନ୍ୟ ସୁବିଧା ପ୍ରଦାନର ବ୍ୟବସ୍ଥା ରହିବା ନେଇ ଘୋଷଣା କରାଯାଇଥିଲା। ସରକାରଙ୍କ ପକ୍ଷରୁ ଦିଆଯାଇଥିବା ପ୍ରଥମ ଅବଧି ଶେଷ ହେବା ସହିତ ପୁନର୍ବାର ତିନି ମାସର ମହଲତ ପ୍ରଦାନ କରାଗଲାଣି ମାତ୍ର ବର୍ତ୍ତମାନ ସୁଦ୍ଧା ବାଣପୁରରେ…
ନୂଆଦିଲ୍ଲୀ,29/11: ବିଜେପି ସାଂସଦ ସାଧ୍ବୀ ପ୍ରଜ୍ଞାଙ୍କ ବିବାଦୀୟ ଗୋଡ୍ସେ ବୟାନକୁ ନେଇ ବାଚସ୍ପତି ଓମ୍ ବିର୍ଲା ସର୍ବଦଳୀୟ ବୈଠକ ଡାକିଥିଲେ । ଏହି ବୈଠକରେ ସମସ୍ତ ସାଂସଦ ପ୍ରଜ୍ଞାଙ୍କ ନିଃସର୍ତ୍ତ କ୍ଷମାପ୍ରାର୍ଥନା ଦାବି କରିଛନ୍ତି । ଗଡ୍ସେଙ୍କୁ ଦେଶଭକ୍ତ ବୋଲି ମତ ଦେବା ପରେ ଶୁକ୍ରବାର ଲୋକସଭାରେ କ୍ଷମା ପ୍ରାର୍ଥନା କରିଥିଲେ । ମାତ୍ର ତାଙ୍କ ବୟାନକୁ ଭିନ୍ନ ଢଙ୍ଗରେ ଉପସ୍ଥାପନ କରାଯାଇଛି ବୋଲି ମଧ୍ୟ ସେ ଅଭିଯୋଗ କରିଥିଲେ । ଏହି କ୍ଷମାପ୍ରାର୍ଥନାକୁ ବିରୋଧୀ ଦଳ ପକ୍ଷରୁ ପ୍ରତ୍ୟାଖ୍ୟାନ କରାଯିବା ସହିତ ନିଃସର୍ତ୍ତ କ୍ଷମା ପ୍ରାର୍ଥନା ଦାବି କରିଥିଲେ ।
ମୁମ୍ବାଇ,29/11 : ମାର୍ଭେଲ୍ ସିନେମାଟିକ୍ ୟୁନିଭର୍ସ (ଏମ୍ସିୟୁ)ର ଆସନ୍ତା ଚଳଚିତ୍ର ବ୍ଲାକ୍ ଓ୍ବିଡୋ ଆସନ୍ତା 1 ମେ 2020ରେ ରିଲିଜ୍ ହେବାକୁ ଯାଉଛି । ରିଲିଜ୍ ହେବାକୁ ସମୟ ବାକିଥିଲେ ମଧ୍ୟ ଏହି ଫିଲ୍ମର ଟ୍ରେଲର ରିଲିଜ୍ ତାରିଖ ଘୋଷଣା କରାଯାଇଛି । ଏହି ଫିଲ୍ମର କାହାଣୀ କ୍ୟାପ୍ଟେନ୍ ଆମେରିକା: ସିଭିଲଓ୍ବାର ଏବଂ ଆଭେଞ୍ଜର୍ସ :ଇନ୍ଫିନିଟି ଓ୍ବାର ସମୟ ମଧ୍ୟରେ ରହିଛି । ଫିଲ୍ମରେ ନତାଶା ରମାନୋଫ ଭୂମିକାରେ ସ୍କାର୍ଲେଟ୍ ଜୋହାନ୍ସନ୍ ନଜର ଆସୁଛନ୍ତି । ଆସନ୍ତା ଡିସେମ୍ବର 3 ତାରିଖରେ ଫିଲ୍ମର ଟ୍ରେଲର ରିଲିଜ୍ ହେବାକୁ ଯାଉଛି । ଋଷୋ ବ୍ରଦର୍ସ ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି ।
ନୂଆଦିଲ୍ଲୀ,୨୯/୧୧: ଅର୍ଥନୈତିକ ମାନ୍ଦାବସ୍ଥା ମଧ୍ୟରେ ସରକାରଙ୍କ ପକ୍ଷରୁ ବିଭିନ୍ନ ଶିଳ୍ପର ଉତ୍ପାଦନ ସମ୍ପର୍କିତ ରିପୋର୍ଟ ପ୍ରକାଶ ପାଇଛି। ଅକ୍ଟୋବର ମାସରେ ଅର୍ଥନୈତିକ ମାନ୍ଦାବସ୍ଥା ସମ୍ପର୍କିତ ସରକାରୀ ରିପୋର୍ଟ ପ୍ରକାଶ ପାଇଛି। ୮ଟି ମୁଖ୍ୟଶିଳ୍ପର ଉତ୍ପାଦନରେ ହାରାହାରି ୫.୮ ପ୍ରତିଶତ ହ୍ରାସ ପାଇଥିବା ବେଳେ ୬ଟି ଶିଳ୍ପର ପ୍ରଦର୍ଶନ ଦୟନୀୟ ରହିଛି। କୋଇଲା ଶିଳ୍ପ ଉତ୍ପାଦନରେ ୧୭.୬ ପ୍ରତିଶତ ହ୍ରାସ ପାଇଥିବା ବେଳେ, ଅଶୋଧିତ ତୈଳ ଉତ୍ପାଦନରେ ୫.୧ ପ୍ରତିଶତ ହ୍ରାସ ପାଇଛି। ପ୍ରାକୃତିକ ଗ୍ୟାସ୍ ଉତ୍ପାଦନରେ ୫.୭ ପ୍ରତିଶତ ହ୍ରାସ ପାଇଛି। ସିମେଣ୍ଟ ଉତ୍ପାଦନ(-୭.୭), ଷ୍ଟିଲ୍(-୧.୬) ଏବଂ ବିଦ୍ୟୁତ୍(-୧୨.୪) ଉତ୍ପାଦନ ହାର ନକରାତ୍ମକ ରହିଛି। ଅକ୍ଟୋବରରେ କେବଳ ସାର ଉତ୍ପାଦନରେ ୧୧.୮ ପ୍ରତିଶତର ଅଭିବୃଦ୍ଧି ଘଟିଛି। ବିଶୋଧନ କ୍ଷେତ୍ରରେ ୦.୪ ପ୍ରତିଶତର ହ୍ରାସ ଘଟିଛି ଯାହାକି ଗତବର୍ଷ ଅକ୍ଟୋବରରେ ୧.୩ ପ୍ରତିଶତ ରହିଥିଲା। ୨୦୧୮ରେ ୮ଟି ମୁଖ୍ୟଶିଳ୍ପର ଉତ୍ପାଦନ ୪.୮ ପ୍ରତିଶତର ଅଭିବୃଦ୍ଧି ଘଟିଥିଲା। ଏପ୍ରିଲ୍-ଅକ୍ଟୋବର ମଧ୍ୟରେ ଅଭିବୃଦ୍ଧି ହାର ୦.୨…
୫ ବର୍ଷ ହେଲା ନିଯୁକ୍ତି ନାହିଁ। ୧୭ ହଜାର ANM ବେକାର ବସିଥିବା ଅଭିଯୋଗ
ସମୀକ୍ଷା ବ୍ୟୁରୋ ସମ୍ବଲପୁର,29/11: ଯାତ୍ରା ପାର୍ଟି ଟ୍ରକ୍ ଓଲଟି ୧୩ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୭ ଜଣଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ରହିଛି। ଆଜି ଏପରି ମର୍ମନ୍ତୁଦ ସଡ଼କ ଦୁର୍ଘଟଣା ୬୫ ନମ୍ୱର ପୁରୁଣା କଟକ-ସମ୍ବଲପୁର ରାସ୍ତାରେ ଘଟିଛି। କଟକ-ସମ୍ବଲପୁର ରାସ୍ତାର କନ୍ତୋଲ ବାରବାଟି ପୋଖରୀ ନିକଟରେ ଟ୍ରକ୍ ସମ୍ମୁଖକୁ ଏକ ବାଇକ ଚାଲି ଆସିଥିଲା। ଏହା ଦେଖି ଟ୍ରକ୍ ଚାଳକ ହଠାତ ବ୍ରେକ ମାରିଥିଲେ। ଫଳରେ ଟ୍ରକ୍ଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଟ୍ରକ୍ରେ ଥିବା ଯାତ୍ରା ପାର୍ଟିର ୧୩ ଜଣ କର୍ମଚାରୀ ଆହତ ହୋଇଛନ୍ତି। ସମସ୍ତଙ୍କୁ ଆଠଗଡ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ସେମାନଙ୍କ ମଧ୍ୟରୁ ୭ ଜଣ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବା ଜଣାପଡ଼ିଛି। ସେମାନଙ୍କ ମଧ୍ୟରୁ କେତେକଙ୍କୁ କଟକ ବଡ଼ ମେଡିକାଲ୍କୁ ସ୍ଥାନାନ୍ତରିତ କରାଯାଇଛି।
ମୁମ୍ବାଇ,29/11: ଶପଥ ଗ୍ରହଣ କରିଥିବା ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେ ଆସନ୍ତା କାଲି ସଂଖ୍ୟାଗରିଷ୍ଠତାର ପ୍ରମାଣ ଦେବେ । ଶନିବାର ଅପରାହ୍ନ 2ଟା ସୁଦ୍ଧା ଉଦ୍ଧବ ସଂଖ୍ୟା ଗରିଷ୍ଠତାର ପ୍ରମାଣ ଦେବାପାଇଁ ରାଜ୍ୟପାଳ ଉଦ୍ଧବଙ୍କୁ କହିଥିବା ବେଳେ ଏନ୍ସିପି ନେତା ଦିଲ୍ଲୀପ ଓ୍ବାଲ୍ସେ ପାଟିଲଙ୍କୁ ଅସ୍ଥାୟୀ ବାଚସ୍ପତି ଭାବରେ ଘୋଷଣା କରାଯାଇଛି । ପୂର୍ବରୁ ଏନ୍ସିପି ନେତା ଅବ୍ଦୁଲ ସତ୍ତାର ମଧ୍ୟ ଶନିବାର ଫ୍ଲୋର ଟେଷ୍ଟ ସମ୍ପର୍କରେ ସୂଚନା ପ୍ରଦାନ କରିଥିଲେ । ମେଣ୍ଟ ପ୍ରାରମ୍ଭରୁ ମହା ଅଘାଡି ବିକାଶ ନିକଟରେ 162 ବିଧାୟକଙ୍କ ସମର୍ଥନ ରହିଥିବା ବେଳେ ବର୍ତ୍ତମାନ ଏହା 170କୁ ବୃଦ୍ଧି ପାଇଛି ବୋଲି ସତ୍ତାର କହିଛନ୍ତି । ମନୋହର ଯୋଶୀ ଏବଂ ନାରାୟଣ ରାଣେଙ୍କ ପରେ ତୃତୀୟ ଶିବସେନା ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ଉଦ୍ଧବ ଠାକ୍ରେ । ଉଲ୍ଲେଖଯୋଗ୍ୟ ଯେ, ଠାକ୍ରେ ପରିବାରର ପ୍ରଥମ ବ୍ୟକ୍ତି ଭାବରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହୋଇଛନ୍ତି ଉଦ୍ଧବ ।
ନୂଆଦିଲ୍ଲୀ,୨୯/୧୧: ଭାରତ ଗସ୍ତରେ ରହିଥିବା ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷା ପ୍ରଧାନମନ୍ତ୍ରୀଙ୍କୁ ଭେଟିଛନ୍ତି । ତିନିଦିନିଆ ଭାରତ ଗସ୍ତରେ ରହିଥିବା ଶ୍ରୀଲଙ୍କା ରାଷ୍ଟ୍ରପତି ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି । ନିଜର ପ୍ରଥମ ବିଦେଶ ଗସ୍ତରେ ଆସିଥିବା ଗୋଟାବାୟା ରାଷ୍ଟ୍ରପତି ଭବନରେ ରାମନାଥ କୋବିନ୍ଦଙ୍କୁ ଭେଟିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଥିଲେ । ମୋଦିଙ୍କ ସହିତ ଏହି ଭେଟ ସମୟରେ ଦ୍ବିପାକ୍ଷିକ ସମ୍ପର୍କ ଏବଂ ଭାରତ ମହାସାଗରରେ ଚୀନ୍ର ଉପସ୍ଥିତି ସମ୍ପର୍କରେ ଆଲୋଚନା ହୋଇଥିଲା । ଶ୍ରୀଲଙ୍କା ରାଷ୍ଟ୍ରପତିଙ୍କ ସହିତ ଆଲୋଚନା ପରେ ଆର୍ଥିକ ଅଭିବୃଦ୍ଧି ପାଇଁ ଭାରତ ପକ୍ଷରୁ ୪୦୦ ମିଲିୟନ୍ ଡଲାର ପ୍ରଦାନ କରାଯିବ । ଏହି ଅର୍ଥ ଜରିଆରେ ୧୪ ହଜାର ବାସଗୃହ ନିର୍ମାଣ କରାଯିବା ସହିତ ସୌର ପ୍ରକଳ୍ପରେ ୧୦୦ ମିଲିୟନ୍ ଡଲାର ଖର୍ଚ୍ଚ କରାଯିବ ବୋଲି ଜଣାପଡିଛି । (ଏଜେନ୍ସି)
ମୁମ୍ବାଇ,29/11: ରିଲାଏନ୍ସ ଇଣ୍ଡଷ୍ଟ୍ରୀର ଚେୟାରମ୍ୟାନ୍ ମୁକେଶ ଅମ୍ବାନୀ ଫୋବର୍ସ ଧନୀ ତାଲିକାର ନବମ ସ୍ଥାନରେ ରହିଛନ୍ତି । 2019ରେ ପୂର୍ବରୁ ପ୍ରକାଶିତ ତାଲିକାରେ ଅମ୍ବାନୀ 13 ତମ ସ୍ଥାନରେ ରହିଥିଲେ । ଗୁରୁବାର ପ୍ରଥମ ଭାରତୀୟ କମ୍ପାନୀ ଭାବରେ ରିଲାଏନ୍ସ ଇଣ୍ଡଷ୍ଟ୍ରୀ 10 ଲକ୍ଷ କୋଟିର ବ୍ୟବସାୟ କରିବା ପରେ ମୁକେଶ ଅମ୍ବାନୀଙ୍କୁ ଏହି ତାଲିକାରେ ସ୍ଥାନ ମିଳିଛି । ଶୁକ୍ରବାର ପ୍ରକାଶିତ ସୂଚନା ଅନୁଯାୟୀ ଅମ୍ବାନୀଙ୍କ ସମୁଦାୟ ସମ୍ପତ୍ତିର ପରିମାଣ 60.8 ମିଲିୟନ୍ ଡଲାର ରହିଛି । ଆମାଜନ୍ ମୁଖ୍ୟ ଜେଫ୍ ବେଜୋସ୍ 113 ବିଲିୟନ୍ ଡଲାର ସହିତ ଏହି ତାଲିକାର ପ୍ରଥମ ସ୍ଥାନରେ ରହିଛନ୍ତି ।
ବାଲୁଗାଁ, ୨୯/୧୧: (ସମୀକ୍ଷା ବ୍ୟୁରୋ) : ବାଲୁଗାଁ ବାଇପାସ୍ ରୋଡ୍ ସୁବୁଦ୍ଧିପାଟଣା ଛକ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏହି ରାସ୍ତାରେ ଜଣେ ବାଳିକା ତା‘ମାଆକୁ ସାଇକେଲରେ ବସାଇ ଯାଉଥିବାବେଳେ ଏକ ଛତିଶଗଡର ଚାରିଚକିଆ ଯାନ ଧକ୍କା ଦେଇଛି। ସୂଚନାରୁ ପ୍ରକାଶ ଯେ, ଭୁବେନଶ୍ବରରୁ ବ୍ରହ୍ମପୁର ଯାଉଥିବା ସିଜି୦୭ବି ଏସ୍-୫୭୧୩ ନମ୍ବରର ଏହି କାର୍ଟି ବେପରୁଆ ଗାଡ଼ି ଚଳାଉଥବାରୁ ଜନୈକ ମା’-ଝିଅଙ୍କୁ ପଛପଟୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ମା’ ଓ ଝିଅ ଉଭୟ ଗୁରୁତର ହୋଇପଡିଥିଲେ। ଗୁରୁତର ଅବସ୍ଥାରେ ଦୁହିଁକୁ ସମାଜ ଆଇନାର ପ୍ରତିନିଧି ତଥା ସାମ୍ବାଦିକ ମନୋରଞ୍ଜନ ବେହେରା ଉଦ୍ଧାର କରି ନିକଟସ୍ଥ ସ୍ବାସ୍ଥ୍ୟକେନ୍ଦ୍ରକୁ ନେବା ସହିତ ଗାଡ଼ି ଓ ଚାଳକଙ୍କୁ ଅଟକ ରଖି ପୋଲିସ୍ ଜିମା ଦେଇଥିଲେ। ଦୁର୍ଘଟଣାରେ ପୀଡ଼ିତା ଦୁହିଁଙ୍କ ଅବସ୍ଥା ବେଶ୍ ଉଦ୍ବେଗଜନକ ରହିଥିବାରୁ ତାଙ୍କୁ ଭୁବନେଶ୍ବର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ତେବେ ଭୁବନେଶ୍ବର ହସପିଟାଲ୍କୁ ନେବା ରାସ୍ତାରେ ହିଁ ମା’ର…
ନୂଆଦିଲ୍ଲୀ,29/11: ଲୋକସଭାରେ ବିଜେପି ସାଂସଦ ସାଧ୍ବୀ ପ୍ରଜ୍ଞା କ୍ଷମାପ୍ରାର୍ଥନା କରିଛନ୍ତି । ନାଥୁରାମ ଗୋଡ୍ସେଙ୍କୁ ଦେଶଭକ୍ତ ବୋଲି ଅଭିହିତ କରିବା ପରେ ସାଂସଦରେ ହଙ୍ଗାମା ହେବା ପରେ ଶୁକ୍ରବାର ସାଧ୍ବୀ କ୍ଷମାପ୍ରାର୍ଥନା କରିଛନ୍ତି । ଦେଶପ୍ରତି ଗାନ୍ଧୀଙ୍କ ଅବଦାନକୁ ମୁଁ ସଦାଦର୍ବଦା ସମ୍ମାନ କରିଛି ଏବଂ ଯଦି ମୋ ମନ୍ତବ୍ୟ ଦ୍ବାରା କେହି ଆଘାତ ପାଇଛନ୍ତି ସେଥି ନିମନ୍ତେ ମୁଁ କ୍ଷମାପ୍ରାର୍ଥନା କରୁଛି । ପ୍ରଜ୍ଞାଙ୍କ କ୍ଷମାପ୍ରାର୍ଥନା ସମୟରେ ବିରୋଧୀ ଦଳଙ୍କ ପକ୍ଷରୁ ନାରାବାଜି କରାଯାଇଥିଲା । ଗଡସେ ଡାଉନ୍ ଡାଉନ୍ ଏବଂ ମହାତ୍ମା ଗାନ୍ଧୀ ଅମର ରହେ ନାରା ଦେଇଥିଲେ ବିରୋଧୀ । ଏହାପରେ ପ୍ରଜ୍ଞା କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ଆକ୍ରମଣ କରିଥିଲେ । ପ୍ରଜ୍ଞା ରାହୁଲଙ୍କ ନାମ ନନେଇ କହିଥିଲେ ଜଣେ ସାଂସଦ ତାଙ୍କୁ ବାରମ୍ବାର ଆତଙ୍କବାଦୀ ବୋଲି ସମ୍ବୋଧନ କରିଛନ୍ତି । ତାଙ୍କ ବିରୋଧର ଗୋଟିଏ ମଧ୍ୟ ମାମଲା ପ୍ରମାଣିତ ହୋଇନଥିବା ବେଳେ ଏହି ମନ୍ତବ୍ୟ…
ପାନାଜୀ,29/11 : ଗୋଆ ଫରଓ୍ବାର୍ଡ ପାର୍ଟିର ମୁଖ୍ୟ ତଥା ପୂର୍ବତନ ଗୋଆ ଉପ ମୁଖ୍ୟମନ୍ତ୍ରୀ ବିଜୟ ସରଦେଶାଇ ସରକାର ଗଠନ ପାଇଁ ବିରୋଧୀ ଦଳଙ୍କୁ ଆହ୍ବାନ ଦେଇଛନ୍ତି । ମହାରାଷ୍ଟ୍ରରେ ବିରୋଧୀ ଦଳଙ୍କ ପରି ଏକତ୍ର ହୋଇ ଗୋଆରେ ସରକାର ଗଠନ କରିବା ଉଚିତ୍ ବୋଲି ସରଦେଶାଇ କହିଛନ୍ତି । ମହାରାଷ୍ଟ୍ରରେ ମହା ବିକାଶ ଅଘାଡି ଗଠନ ହେବା ପରେ ଶିବସେନା ସାଂସଦ ସଞ୍ଜୟ ରାଉତଙ୍କୁ ଭେଟିବା ପରେ ସରଦେଶାଇ ଏହି ମତ ଦେଇଛନ୍ତି । ମହାରାଷ୍ଟ୍ରର ବିକାଶ ପାଇଁ ଯେପରି ବିପରୀତ ଚିନ୍ତାଧାରା ସମ୍ପନ୍ନ ଦଳ ଶିବସେନା,ଏନ୍ସିପି ଏବଂ କଂଗ୍ରେସ ଏକତ୍ର ହୋଇ ବିଜେପିକୁ କ୍ଷମତାରୁ ଦୂରେଇବାରେ ସମର୍ଥ ହେଲେ, ସେହିପରି ଭାବରେ ଗୋଆରେ ସମସ୍ତ ବିରୋଧୀ ଦଳ ଏକତ୍ର ହୋଇ ବିଜେପିକୁ କ୍ଷମତାରୁ ଦୂରେଇ ରଖିବା ଉଚିତ୍ ବୋଲି ସରଦେଶାଇ ଟ୍ବିଟ୍ କରିଛନ୍ତି ।
ନାଗପୁର,29/11: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିସ୍ଙ୍କୁ କୋର୍ଟଙ୍କ ପକ୍ଷରୁ ନୋଟିସ୍ ପ୍ରଦାନ କରାଯାଇଛି । ନିର୍ବାଚନ ପୂର୍ବରୁ ସତ୍ୟପାଠରେ ଫଡନବିସ୍ ନିଜର ଅପରାଧିକ ମାମଲା ସମ୍ପର୍କରେ ତଥ୍ୟ ଲୁଚାଇଥିଲେ । ମୁଖ୍ୟମନ୍ତ୍ରୀ ଭାବରେ ଉଦ୍ଧବ ଠାକ୍ରେଙ୍କ ଶପଥ ଗ୍ରହଣର ଏକ ଦିନ ପରେ ଫଡନବିସ୍ଙ୍କ ଘରେ ନୋଟିସ୍ ପହଞ୍ଚିଛି । ସଦର ପୋଲିସ୍ ଷ୍ଟେସନ୍ ପକ୍ଷରୁ ଫଡନବିସ୍ଙ୍କୁ ଏହି ନୋଟିସ୍ ମିଳିଛି । ନାଗପୁରର ବିଧାୟକ ରହିଥିବା ଫଡନବିସ୍ଙ୍କ ବିରୋଧରେ 1996 ଏବଂ 1998ରେ ଦୁଇଟି ମାମଲା ଜାରି କରାଯାଇଥିଲା । ମାତ୍ର ଫଡନବିସ୍ ଏହି ତଥ୍ୟକୁ ଲୁଚାଇଥିଲେ । ଜନୈକ ଓକିଲ ସତୀଶ ଉକେଙ୍କ ପକ୍ଷରୁ ଦାୟର କରାଯାଇଥିବା ମାମଲାରେ ଫଡନବିସ୍ଙ୍କୁ ଏହି ନୋଟିସ୍ ମିଳିଛି ।
ମୁମ୍ବାଇ, ୨୯/୧୧: ମହାରାଷ୍ଟ୍ରରେ ସରକାର ଗଢିବା ପରେ ଏବେ ଶିବସେନାର ନଜର ବିଜେପି ଶାସିତ ଗୋଆ ଉପରେ ରହିଛି। ଶିବସେନାର ନେତା ସଞ୍ଜୟ ରାଉତ କହିଛନ୍ତି ଯେ, ମହାରାଷ୍ଟ୍ରରେ ରାଜନୀତି ଶେଷ ହୋଇଛି। ଏବେ ଆମ ନଜର ଗୋଆ ରାଜନୀତି ଉପରେ ରହିଛି । ଏବେ ଆମେ ପୂରା ଦେଶରେ ଅଣ ବିଜେପି ମୋର୍ଚ୍ଚା ନିର୍ମାଣ କରିବାକୁ ଚାହୁଁଛି । ଯାହାର ଆରମ୍ଭ ମହାରାଷ୍ଟ୍ରରୁ ଆରମ୍ଭ ହୋଇଛି । ଏବେ ଆମର ଧ୍ୟାନ ଗୋଆ ଉପରେ ରହିଛି । ସଞ୍ଜୟ ରାଉତ କହିଛନ୍ତି ଯେ, ଆମେ ତିନି ବିଧାୟକଙ୍କ ସହ ଗୋଆ ଫରଓ୍ବାର୍ଡ ପାର୍ଟିର ଅଧ୍ୟକ୍ଷ ଓ ପୂର୍ବ ମୁଖ୍ୟମନ୍ତ୍ରୀ ବିଜୟ ସରଦେଶାଇ, ଶିବସେନା ସହ ମେଣ୍ଟ କରୁଛି । ଏବେ ଗୋଆରେ ଏକ ନୂତନ ରାଜନୈତିକ ମୋର୍ଚ୍ଚା ଗୋଆରେ ଆସୁଛି, ଯେମିତି ମହାରାଷ୍ଟ୍ରରେ ହୋଇଛି । ବହୁତ ଶୀଘ୍ର ଗୋଆରେ ମଧ୍ୟ ଆପଣମାନଙ୍କୁ ଏକ ଚମତ୍କାର ଦେଖିବାକୁ ମିଳିବ ।…