Author: Samikhsya Bureau

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ପୋଲସରା ବିଡ଼ିଓ ଭାବେ କୁରେଶ ଚନ୍ଦ୍ର ଯାନୀ ଯୋଗଦେଇଛନ୍ତି। ଏହା ପୂର୍ବରୁ ସେ ଗଜପତି ଜିଲ୍ଲା ନୁଆଗଡ ତହସିଲଦାର ଭାବେ କାର୍ଯ୍ୟ କରୁଥିଲେ। ପ୍ରକାଶ ଥାଉକି ଦୀର୍ଘ ଦିନ ହେଲା ଖାଲି ପଡିଥିବା ବିଡ଼ିଓ ପଦବୀରେ ଧର୍ମରାଜ୍ ପରିଡା ଭାରପ୍ରାପ୍ତ ବିଡ଼ିଓ ଭାବେ କାର୍ଯ୍ୟ କରୁଥିଲେ। ବର୍ତ୍ତମାନ ନୂତନ ବିଡ଼ିଓ ଭାବେ ଯୋଗ ଦେବା ପରେ ଅଞ୍ଚଳର ଉନ୍ନତି ଦିଗରେ କାମ କରିବା ପାଇଁ ସଙ୍କଳ୍ପବଦ୍ଧ ବିବୃତ୍ତି ପ୍ରଦାନ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ତହସିଲ କାର୍ଯ୍ୟାଳୟରେ ନୁତନ ତହସିଲଦାର ଭାବେ ସପନ କୁମାର ସାହୁ ଯୋଗଦେଇଛନ୍ତି। ପୁର୍ବରୁ ସେ ଦେବଗଡ଼ ଜିଲ୍ଲାରେ ଡେପୁଟି କଲେକ୍ଟର ଭାବେ କାର୍ଯ୍ୟ କରୁଥିଲେ। ସୁଚନା ଥାଉକି ପୁର୍ବରୁ କାର୍ଯ୍ୟରତ ତହସିଲଦାର କଲ୍ୟାଣୀ ସଙ୍ଘମିତ୍ରାଙ୍କ ର ରାୟଗଡ଼ା ଉପଜିଲ୍ଲାପାଳ ଭାବେ ବଦଳି ହେବା ପରେ ଏହି ଆସନ ଖାଲି ଥିଲା। ବର୍ତ୍ତମାନ ନୂତନ ତହସିଲଦାର ଭାବେ ଯୋଗ ଦେବା ପରେ ସପନ କୁମାର ସାହୁ ତୃଣମୁଳ ସ୍ତରରେ ଥିବା ବିଭିନ୍ନ ସମସ୍ୟାର ସମାଧାନ ପାଇଁ ଜନସାଧାରଣଙ୍କ ସହଯୋଗ କାମନା କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ବୁଗୁଡ଼ା ଥାନା ଅନ୍ତର୍ଗତ କରଚୁଲି ଗ୍ରାମ ରେ ପୁର୍ବ ଶତ୍ରୁତାକୁ କେନ୍ଦ୍ରକରି ଜଣେ ଯୁବକକୁ ସଂଘବଦ୍ଧ ଭାବେ ଆକ୍ରମଣ କରି ହତ୍ୟା କରାଯାଇଥିବା ଜଣାପଡ଼ିଛି। ପରିବାର ଲୋକଙ୍କ ଠାରୁ ଅଭିଯୋଗ ପାଇ ପୋଲିସ ୩ ଜଣଙ୍କୁ ଥାନାରେ ରଖି ପଚରାଉଚରା କରୁଛି। ସୁଚନା ଅନୁଯାୟୀ, ମୃତ ଯୁବକ ଜଣକ ସୁଶାନ୍ତ ପାତ୍ର ଓ ତାଙ୍କ ଘର କରଚୁଲି ଗ୍ରାମରେ। କିଛି ଲୋକଙ୍କ ସହ ତାଙ୍କର ପ୍ରଥମେ ବଚସା ହୋଇଥିଲା ଓ ପରେ କିଛି ଲୋକ ବିଭିନ୍ନ ମାରଣାସ୍ତ୍ର ରେ ସଂଘବଦ୍ଧ ଭାବେ ଆକ୍ରମଣ କରିଥିଲେ। ରକ୍ତ ଜୁଡୁବୁଡୁ ଅବସ୍ଥାରେ କରଚୁଲି କିରାମ୍ବା ରାସ୍ତାରେ ତାଙ୍କୁ ଛାଡ଼ି ଚାଲିଯାଇଥିଲେ। ପରିବାର ଲୋକେ ଖବର ପାଇ ପୋଲିସକୁ ଜଣାଇଥିଲେ ଓ ପରିବାର ଲୋକଙ୍କ ସହ ମିଶି ପୋଲିସ ଘଟଣାସ୍ଥଳରେ ପହଞ୍ଚି ସୁଶାନ୍ତକୁ ଉଦ୍ଧାର କରି ଚିକିତ୍ସା ପାଇଁ ବୁଗୁଡ଼ା ଡ଼ାକ୍ତରଖାନାରେ ଭର୍ତ୍ତି କରିଥିଲେ। କିନ୍ତୁ ସେଠାରେ…

ଭୁବନେଶ୍ଵର: ବର୍ତ୍ତମାନ ଆଇସିସି କ୍ରିକେଟ ବିଶ୍ୱକପ୍ ୨୦୨୩ ଜାରି ରହିଛି। ଭାରତ ଏହି କ୍ରିକେଟ ମହାକୁମ୍ଭର ଆୟୋଜନ କରୁଛି। ତେବେ ଏଇ କ୍ରିକେଟ୍ କୁ ନେଇ ଚର୍ଚ୍ଚାରେ ଆସିଥିବା ଭୁବନେଶ୍ବରର ଯୁବ ସଂଗ୍ରହାକ ସମରଞ୍ଜନଙ୍କ ଦ୍ଵାରା ସଂଗ୍ରହ କରାଯାଇଥିବା ୨୦୦୦ ମସିହା ରୁ ବିଭିନ୍ନ ଦେଶ ସହ ଖେଳା ଯାଇଥିବା ଆନ୍ତର୍ଜାତିକ ଟିକେଟ, ଡାକଟିକଟ ରେ ସଚିନ୍ ତେନ୍ଦୁଲକର, ସିକେ ନାଇଡୁ, ବିଜୟ ମର୍ଚାଣ୍ଟ, ଦେଓଧର, ଭିନୁ ମଙ୍କଡ଼, ରଞ୍ଜିତ ସିଂହ ଭଳି ଖେଳାଳିଙ୍କ ଡାକଟିକଟ ସ୍ଥାନ ପାଇଛି। ତା’ସହିତ ମଧ୍ୟ ଡାକ ବିଭାଗଦ୍ବାରା ସ୍ଵତନ୍ତ୍ର ଲଫାପା, ଫାଷ୍ଟଡେ ଲଫାପାରେ ୧୯୭୧ ମସିହା କ୍ରିକେଟ୍ ବିଜୟ, ଚାମ୍ପିଅନ ଟ୍ରଫି ୨୦୦୬, ସଚିନ୍ ତେନ୍ଦୁଲକରଙ୍କ ୨୦୦ତମ ମ୍ୟାଚର କଭର, ଆଇସିସି ଟି-୨୦ ବିଶ୍ଵକପ୍ ସହିତ ବିଭିନ୍ନ ଖେଳାଳି ଯେପରିକି ଧୋନି, ରୋହିତ ଶର୍ମା, ବିରାଟ କୋହଲି, ଅନିଲ କୁମ୍ୱଲେଙ୍କ ଚିତ୍ର ଥିବା ଡାକ କଭର ସ୍ଥାନ ପାଇଛି। ଦିଆସିଲି ଖୋଳରେ ମଧ୍ୟ କ୍ରିକେଟ୍…

ୱାଶିଂଟନ୍: ଇସ୍ରାଏଲ୍-ହମାସ୍ ଯୁଦ୍ଧ ମଧ୍ୟରେ ଆମେରିକାର ସେନା ପୂର୍ବ ସିରିଆର ଦୁଇଟି ସାମରିକ ଠିକଣା ଉପରେ ଆକ୍ରମଣ କରିଛି। ଗୁରୁବାର ଏହି ବିଷୟରେ ସୂଚନା ଦେଇ ଆମେରିକାର ପ୍ରତିରକ୍ଷା ସଚିବ ଲଏଡ ଅଷ୍ଟିନ କହିଛନ୍ତି ଯେ, ଏହି ବେସଗୁଡିକ ଇରାନର ଇସଲାମିକ ରିଭୋଲ୍ୟୁସନାରୀ ଗାର୍ଡ କର୍ପସ ଏବଂ ଏହାର ଅନୁବନ୍ଧିତ ଗୋଷ୍ଠୀ ଦ୍ୱାରା ବ୍ୟବହାର କରାଯାଉଛି। ସେ ଏକ ବିବୃତ୍ତିରେ କହିଛନ୍ତି ଯେ, ଅକ୍ଟୋବର ୧୭ ତାରିଖରୁ ଇରାନ ସମର୍ଥିତ ମିଲିସିଆ ଗୋଷ୍ଠୀ ଦ୍ଵାରା ଇରାକ ଏବଂ ସିରିଆରେ ଆମେରିକାର କର୍ମଚାରୀଙ୍କ ବିରୋଧରେ ଚାଲିଥିବା ତଥା ଅଧିକାଂଶ ଅସଫଳ ଆକ୍ରମଣର ଜବାବ। ଅଷ୍ଟିନ କହିଛନ୍ତି ଯେ, ଏହି ଆକ୍ରମଣରେ ଜଣେ ଆମେରିକୀୟ କଣ୍ଟ୍ରାକ୍ଟରଙ୍କର ମୃତ୍ୟୁ ଘଟିଥିଲା ​​ଏବଂ ୨୧ ଜଣ ଆମେରିକୀୟ ସୈନିକ ସାମାନ୍ୟ ଆହତ ହୋଇଥିଲେ, କିନ୍ତୁ ସମସ୍ତେ ଡ୍ୟୁଟିକୁ ଫେରିଛନ୍ତି। ଆମେରିକାର ପ୍ରତିରକ୍ଷା ସଚିବ କହିଛନ୍ତି ଯେ, ଆମେରିକା ଏଭଳି ଆକ୍ରମଣକୁ ବରଦାସ୍ତ କରିବ ନାହିଁ ଏବଂ ନିଜର,…

ମୁମ୍ବାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମହାରାଷ୍ଟ୍ରର ଶିରିଡିସ୍ଥିତ ନୀଲୱାଣ୍ଡେ ଡ୍ୟାମର ଜଳ ପୂଜନ କରିଛନ୍ତି। ଶ୍ରୀ ମୋଦୀ ଡ୍ୟାମ୍ ପରିଦର୍ଶନ କରି କେନାଲ ପାଣି ଛାଡିଥିଲେ। ପ୍ରଧାନମନ୍ତ୍ରୀ ଟ୍ବିଟରରେ କହିଛନ୍ତି ଯେ, ନୀଲୱାଣ୍ଡେ ଡ୍ୟାମର ଜଳ ପୂଜନ ହେଉଛି ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ ଯାହା ଏକ ଲମ୍ବା ପ୍ରତୀକ୍ଷାର ଅନ୍ତ ଘଟାଇଛି। ଜନସାଧାରଣଙ୍କ ଉନ୍ନତି ପାଇଁ ଜଳଶକ୍ତିର ଉପଯୋଗ କରିବା ପାଇଁ ଏହା ଆମର ଅତୁଟ ପ୍ରତିବଦ୍ଧତାକୁ ମଧ୍ୟ ଦର୍ଶାଉଛି।

ନୂଆଦିଲ୍ଲୀ: ଆଜି ବିଶ୍ୱକପ୍ ରେ ପାକିସ୍ତାନ ଦଳ ଦକ୍ଷିଣ ଆଫ୍ରିକାକୁ ଭେଟିବ। ସେମାନଙ୍କ ପାଇଁ ଏହି ମ୍ୟାଚ୍ ‘କର ବା ମର’ର ଯୁଦ୍ଧ ପରି ହେବ। ବାସ୍ତବରେ ପାକିସ୍ତାନ ଦଳ ଏପର୍ଯ୍ୟନ୍ତ ଏହି ବିଶ୍ୱକପ୍‌ରେ ପାଞ୍ଚଟି ମ୍ୟାଚ୍‌ ମଧ୍ୟରୁ ତିନୋଟି ହାରିଛି। ଯଦି ସେମାନେ ଏଠାରୁ ଆଉ କିଛି ମ୍ୟାଚ୍ ହାରିଯା’ନ୍ତି, ତେବେ ସେମିଫାଇନାଲକୁ ଯିବା ରାସ୍ତା ପ୍ରାୟ ବନ୍ଦ ହୋଇଯିବ। ଅର୍ଥାତ୍ ବିଶ୍ୱକପ୍‌ର ପରବର୍ତ୍ତୀ ପର୍ଯ୍ୟାୟରେ ପହଞ୍ଚିବା ପାଇଁ ବାବର ଦଳକୁ ଯେକୌଣସି ମୂଲ୍ୟରେ ବାକି ଚାରିଟି ମ୍ୟାଚ୍ ଜିତିବାକୁ ପଡିବ। ବର୍ତ୍ତମାନ ପାଇଁ ପାକିସ୍ତାନ ଦଳକୁ ଦକ୍ଷିଣ ଆଫ୍ରିକାକୁ ପରାସ୍ତ କରିବାକୁ ପଡ଼ିବ। ଏହି ଆହ୍ଵାନ ପାକିସ୍ତାନ ପାଇଁ ଅତ୍ୟନ୍ତ କଠିନ ହେବ। ଏହାର କାରଣ ହେଉଛି ଏହି ବିଶ୍ୱକପରେ ଭାରତ ପରେ ଦ୍ୱିତୀୟ ଶକ୍ତିଶାଳୀ ଦଳ ଭାବରେ ପ୍ରୋଟିସ୍ ଦଳ ଉଭା ହୋଇଛି। ପ୍ରୋଟିସ୍ ଦଳ ଏହାର ପାଞ୍ଚଟି ମ୍ୟାଚ୍ ମଧ୍ୟରୁ ଚାରିଟି ଜିତିଛି। ଏହି ଦଳ…

ଭୁବନେଶ୍ବର: ଆଜି ରାଜ୍ୟପାଳ ପ୍ରଫେସର ଗଣେଷୀଲାଲ ଓଡିଶାରୁ ବିଦାୟ ନେବେ। ରାଜ୍ୟପାଳ ଭାବେ ଆଜି ହେଉଛି ତାଙ୍କର ଶେଷଦିନ। ଏହି ଉପଲକ୍ଷେ ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଣେଷୀଲାଲଙ୍କୁ ସାକ୍ଷାତ କରିଥିଲେ। ତାଙ୍କର ଦୀର୍ଘ ତଥା ନିରାମୟ ଜୀବନ କାମନା କରିଥିଲେ। ସେହିପରି ଗତକାଲି ରାଜଭବନ କର୍ମଚାରୀମାନେ ରାଜ୍ୟପାଳ ପ୍ରଫେସର ଗଣେଷୀଲାଲଙ୍କୁ ବିଦାୟ ସମ୍ବର୍ଦ୍ଧନା ଦେଇଥିଲେ। ସମସ୍ତ କର୍ମଚାରୀ ରାଜ୍ୟପାଳଙ୍କ ବ୍ୟବହାର ତଥା ଶାସନ ପ୍ରଣାଳୀକୁ ବେଶ ପ୍ରଶଂସା କରିଥିଲେ। ଆଜି କେତେକ ବିଶିଷ୍ଠ ବ୍ୟକ୍ତି ରାଜ୍ୟପାଳଙ୍କୁ ସାକ୍ଷାତ କରି ବିଦାୟ ସମ୍ବର୍ଦ୍ଧନା ପ୍ରଦାନ କରିବେ। ବିଦାୟ ସମୟରେ ପ୍ରଫେସରଗଣେଷୀଲାଲ କହିଛନ୍ତି ଯେ, ଓଡିଶାରେ ମୋର ପୁର୍ନଜନ୍ମ ହୋଇଛି। ଓଡିଶା ଲୋକଙ୍କର ଭଲପାଇବା ମୁଁ କେବେ ଭୁଲିପାରିବି ନାହିଁ। ଦୁନିଆରେ ଆପଣ ଚାରିଆଡେ ବୁଲନ୍ତୁ, ହେଲେ ପୁରୀ ପରି ଭଲପାଇବା କେଉଁଠି ମିଳିବ ନାହିଁ। ମେ’ ୨୯ ତାରିଖ ୨୦୧୮ରେ ଓଡ଼ିଶାର ରାଜ୍ୟପାଳ ଭାବେ ଯୋଗଦେଇଥିଲେ ପ୍ରଫେସର ଗଣେଷୀଲାଲ। ଓଡିଶ।ର ନୂଆ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମଧ୍ୟପ୍ରଦେଶ ଗସ୍ତରେ ଯିବେ। ଅପରାହ୍ଣ ପ୍ରାୟ ୧.୪୫ ମିନିଟରେ ପ୍ରଧାନମନ୍ତ୍ରୀ ସତନା ଜିଲ୍ଲାର ଚିତ୍ରକୂଟରେ ପହଂଚି ଶ୍ରୀ ସଦଗୁରୁ ସେବା ସଂଘ ଟ୍ରଷ୍ଟ ଠାରେ କେତେକ କାର୍ଯ୍ୟକ୍ରମରେଯୋଗଦେବେ। ସେ ରଘୁବୀର ମନ୍ଦିରରେ ପୂଜାର୍ଚ୍ଚନା ସହ ଦର୍ଶନ କରିବାପରେ ଶ୍ରୀରାମ ସଂସ୍କୃତ ମହାବିଦ୍ୟାଳୟ ଯାଇ ଦିବଂଗତ ଶ୍ରୀ ଅରବିନ୍ଦ ଭାଇମଫତଲାଲଙ୍କ ସମାଧିରେ ପୁଷ୍ପମାଲ୍ୟ ଅର୍ପଣ କରିବେ। ପରେ ପରେ ସେମଧ୍ୟ ଜାନକୀକୁଣ୍ଡ ଚିକିତ୍ସାଳୟର ନୂତନ ଶାଖାକୁ ଉଦଘାଟନ କରିବେ। ପ୍ରଧାନମନ୍ତ୍ରୀ ମଧ୍ୟ ସ୍ୱର୍ଗତ ଅରବିନ୍ଦ ଭାଇ ମଫତଲାଲଙ୍କ ଜନ୍ମ ଶତବାର୍ଷିକୀସମାରୋହ ଜନସାଧାରଣ କାର୍ଯ୍ୟକ୍ରମରେ ଯୋଗଦେବେ। ଶ୍ରୀ ସଦଗୁରୁସେବା ସଂଘ ଟ୍ରଷ୍ଟ ପରମପୂଜ୍ୟ ରଣଛୋଡ଼ଦାସଜୀ ମହାରାଜାଙ୍କ ଦ୍ୱାରା୧୯୬୮ରେ ପ୍ରତିଷ୍ଠା କରାଯାଇଥିଲା। ଶ୍ରୀ ଅରବିନ୍ଦ ଭାଇ ମଫତଲାଲପରମପୂଜ୍ୟ ରଣଛୋଡ଼ଦାସଜୀ ମହାରାଜଙ୍କ ଦ୍ୱାରା ବିଶେଷ ଭାବେଅନୁପ୍ରାଣିତ ହୋଇ ଟ୍ରଷ୍ଟ ସ୍ଥାପନା ପାଇଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣକରିଥିଲେ। ଶ୍ରୀ ଅରବିନ୍ଦ ଭାଇ ମଫତଲାଲ ସ୍ୱାଧୀନତ୍ତୋର ଭାରତବର୍ଷରେ ଜଣେଅଗ୍ରଣୀ ଉଦ୍ୟୋଗପତି ଥିଲେ ଓ…

ନୂଆଦିଲ୍ଲୀ: 2023 ବିଶ୍ୱକପର 25 ତମ ମ୍ୟାଚରେ ଶ୍ରୀଲଙ୍କା ଏକପାଖିଆ ଭାବେ ଇଂଲଣ୍ଡକୁ 8 ୱିକେଟରେ ପରାସ୍ତ କରିଛି। ଶ୍ରୀଲଙ୍କାର ଏହି ବିଜୟ ପରେ ପଏଣ୍ଟ ଟେବୁଲରେ ଏକ ବଡ ପରିବର୍ତ୍ତନ ଦେଖିବାକୁ ମିଳିଛି। ଶ୍ରୀଲଙ୍କା ଏହି ବିଜୟ ପରେ ଇଂଲଣ୍ଡର ସେମିଫାଇନାଲ ରାସ୍ତା ଏବେ କଷ୍ଟ ହୋଇପଡିଛି ଏବଂ ଏହା ସହିତ ପାକିସ୍ତାନର ସମସ୍ୟା ମଧ୍ୟ ବଢାଇଦେଇଛି। ଏହି ବିଜୟ ପରେ ଶ୍ରୀଲଙ୍କା ଟେବୁଲରେ ପଞ୍ଚମ ସ୍ଥାନକୁ ଆସିଛି ଏବଂ ହାରିଥିବା ଇଂଲଣ୍ଡ ନବମ ସ୍ଥାନକୁ ଖସି ଆସିଛି। ପ୍ରଥମ ତିନୋଟି ମ୍ୟାଚ୍ ହାରିଯିବା ପରେ ଶ୍ରୀଲଙ୍କା ପାଇଁ ଏହା କ୍ରମାଗତ ଦ୍ୱିତୀୟ ବିଜୟ ହୋଇଛି। ଏହି ବିଜୟ ସହିତ ଶ୍ରୀଲଙ୍କା 4 ପଏଣ୍ଟ ଏବଂ ନେଟ୍ ରନ୍ ହାର -0.205 ସହିତ ପଞ୍ଚମ ସ୍ଥାନକୁ ଉନ୍ନୀତ ହୋଇଛି, ଯେଉଁଠାରେ ପାକିସ୍ତାନ ପୂର୍ବରୁ ଥିଲା। ବର୍ତ୍ତମାନ ଶ୍ରୀଲଙ୍କାର ବିଜୟ ପରେ 4 ପଏଣ୍ଟ ପାଇ ପାକିସ୍ତାନ ଖରାପ ରନ୍ ହାର…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆଦିଲ୍ଲୀସ୍ଥିତ ପ୍ରଗତି ମୈଦାନର ଭାରତ ମଣ୍ଡପମ ଠାରେ ଭାରତୀୟ ମୋବାଇଲ କଂଗ୍ରେସ 2023ର ସପ୍ତମ ସଂସ୍କରଣକୁ ଅକ୍ଟୋବର 27, 2023 ଦିନ ପୂର୍ବାହ୍ନ 9.45 ମିନିଟରେ ଉଦଘାଟନ କରିବେ। ଏହି ଅବସରରେ ପ୍ରଧାନମନ୍ତ୍ରୀ 100ଟି ୫-ଜି ୟୁଜିକେସ ଲାବ୍ ପାଇଁ ଦେଶବ୍ୟାପୀ ଶିକ୍ଷାନୁଷ୍ଠାନଗୁଡ଼ିକୁ ପୁରସ୍କୃତ କରିବେ। ଏହି ପରୀକ୍ଷାଗାରଗୁଡ଼ିକ 100 5-ଜି ଲାବ୍ ଇନିସିଏଟିଭ୍ ଅଧୀନରେ ବିକଶିତ ହୋଇଛି। ‘100 5-ଜି ଲାବ୍ ଇନିସିଏଟିଭ’ ୫5-ଜି ପ୍ରଯୁକ୍ତିବିଦ୍ୟା ସହ ସଂଶ୍ଳିଷ୍ଟ ବିଷୟକୁ ବୁଝିବା ଓ 5-ଜି ପ୍ରୟୋଗ ଦ୍ବାରା ବିଭିନ୍ନ ପଦ୍ଧତିର ଦେଶ ଓ ଦେଶ ବାହାରେ ପ୍ରୟୋଗ ଆବଶ୍ୟକତା ପୂରଣ ନିମନ୍ତେ ଉଦ୍ଦିଷ୍ଟ। ଏହି ଅନନ୍ୟ ପଦକ୍ଷେପ ଯୋଗୁ ଶିକ୍ଷା, କୃଷି, ସ୍ବାସ୍ଥ୍ୟ, ଶକ୍ତି, ପରିବହନ ଇତ୍ୟାଦି ସାମାଜିକ ଓ ଅର୍ଥନୀତିକ କ୍ଷେତ୍ରରେ ନବୋନ୍ମେଷ ଆଣିବା ସହ ଦେଶକୁ 5-ଜି ପ୍ରଯୁକ୍ତିବିଦ୍ୟା ପ୍ରୟୋଗ କରି ଅଗ୍ରଣୀ କରାଇବ। ଏହା ମଧ୍ୟ ଦେଶକୁ ଆଗାମୀ 6-ଜି…

ନୂଆଦିଲ୍ଲୀ: ନିର୍ବାଚନ ଆୟୋଗ ଗୁରୁବାର ଦିନ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀଙ୍କ ନିକଟକୁ ନୋଟିସ ପଠାଇଛନ୍ତି। ଅକ୍ଟୋବର ୩୦ ତାରିଖ ସନ୍ଧ୍ୟା ସୁଦ୍ଧା ନୋଟିସ୍ ର ଜବାବ ଦେବାକୁ ଆୟୋଗ ପ୍ରିୟଙ୍କା ଗାନ୍ଧୀଙ୍କୁ କହିଛନ୍ତି। ବାସ୍ତବରେ ପ୍ରିୟଙ୍କା ଗାନ୍ଧୀ ରାଜସ୍ଥାନର ଦୌସାଠାରେ କହିଥିଲେ ଯେ, ଯେତେବେଳେ ପ୍ରଧାନମନ୍ତ୍ରୀ ମୋଦୀ ମନ୍ଦିରକୁ ଦେଇଥିବା ଦାନର ଲିଫାପା ଖୋଲାଯାଇଥିଲା ସେତେବେଳେ ସେଥିରେ ମାତ୍ର ୨୧ ଟଙ୍କା ମିଳିଥିଲା। ଏ ସମ୍ପର୍କରେ ନିର୍ବାଚନ ଆୟୋଗରେ ପ୍ରିୟଙ୍କା ଗାନ୍ଧୀଙ୍କ ବିରୋଧରେ ବିଜେପି ଅଭିଯୋଗ କରିଥିଲା। ତାଙ୍କ (ପ୍ରିୟଙ୍କା ଗାନ୍ଧୀ) ଭାଷଣର ଭିଡିଓ ମଧ୍ୟ ଏଥିରେ ଅନ୍ତର୍ଭୁକ୍ତ କରାଯାଇଥିଲା। କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ରାମ ମେଘୱାଲ କହିଛନ୍ତି ଯେ, ଆମେ ନିର୍ବାଚନ ଆୟୋଗଙ୍କୁ କହିଛୁ ଯେ ଅକ୍ଟୋବର 20 ରେ କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଏକ ଅଭିଭାଷଣ ଦେଇଛନ୍ତି ଏବଂ ଆଚରଣ ବିଧି ଉଲ୍ଲଂଘନ କରିଛନ୍ତି। ସେ ପ୍ରଶ୍ନ କରିଛନ୍ତି ଯେ, ପ୍ରିୟଙ୍କା ଗାନ୍ଧୀ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଗୋଆର ମଡ଼ଗାଓ ସ୍ଥିତ ପଣ୍ଡିତ ଜବାହରଲାଲ ନେହରୁ ଷ୍ଟାଡିୟମରେ ୩୭ତମ ଜାତୀୟ କ୍ରୀଡ଼ାକୁ ଉଦଘାଟନ କରିଛନ୍ତି। ଅକ୍ଟୋବର ୨୬ରୁ ନଭେମ୍ବର ୯ ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଏହି କ୍ରୀଡ଼ାରେ ଦେଶର ୧୦,୦୦୦ରୁ ଅଧିକ କ୍ରୀଡ଼ାବିତ୍‌ ଅଂଶଗ୍ରହଣ କରିବେ, ଯେଉଁମାନେ ୨୮ଟି କ୍ରୀଡ଼ାଙ୍ଗନରେ ୪୩ରୁ ଅଧିକ କ୍ରୀଡ଼ା ବର୍ଗରେ ଭାଗ ନେବେ। ସମାରୋହକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ଭାରତୀୟ କ୍ରୀଡ଼ାର ମହାକୁମ୍ଭର ଯାତ୍ରା ଗୋଆରେ ପହଞ୍ଚିଛି ଏବଂ ପରିବେଶ ରଙ୍ଗ, ତରଙ୍ଗ, ଉତ୍ସାହ ଏବଂ ଦୁଃସାହସିକତାରେ ପରିପୂର୍ଣ୍ଣ । “ଗୋଆର ଆଭା ଭଳି କିଛି ନାହିଁ”, ଶ୍ରୀ ମୋଦୀ ଜୋର ଦେଇ କହିଥିଲେ । ସେ ଗୋଆବାସୀଙ୍କୁ ଅଭିନନ୍ଦନ ଜଣାଇବା ସହ ୩୭ତମ ଜାତୀୟ କ୍ରୀଡ଼ା ପାଇଁ ଶୁଭେଚ୍ଛା ଜଣାଇଥିଲେ। ଦେଶର କ୍ରୀଡ଼ା କ୍ଷେତ୍ରରେ ଗୋଆର ଅବଦାନ ଉପରେ ପ୍ରଧାନମନ୍ତ୍ରୀ​ ଆଲୋକପାତ କରିଥିଲେ ଏବଂ ଫୁଟବଲ ପ୍ରତି ଗୋଆର ଭଲପାଇବା…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାରାଷ୍ଟ୍ରର ଶିରିଡି, ଅହମ୍ମଦନଗର ଠାରେ ସ୍ୱାସ୍ଥ୍ୟ, ରେଳ, ସଡ଼କ, ତୈଳ ଏବଂ ଗ୍ୟାସ ଭଳି କ୍ଷେତ୍ରରେ ପ୍ରାୟ ୭୫୦୦ କୋଟି ଟଙ୍କାର ଏକାଧିକ ଉନ୍ନୟନ ମୂଳକ ପ୍ରକଳ୍ପ ଗୁଡିକର ଉଦଘାଟନ କରିଛନ୍ତି ଏବଂ ଶିଳାନ୍ୟାସ କରିଛନ୍ତି । ଏକାଧିକ ଉନ୍ନୟନ ମୂଳକ ପ୍ରକଳ୍ପ ମଧ୍ୟରେ ଅହମ୍ମଦନଗର ସିଭିଲ ହସ୍ପିଟାଲରେ ଥିବା ଆୟୁଷ ହସ୍ପିଟାଲ୍‌, କୁର୍ଦୁୱାଡି – ଲାଟୁର ରୋଡ୍ ରେଳ ସେକ୍ସନର ବିଦ୍ୟୁତିକରଣ (୧୮୬ କିଲୋମିଟର); ଜଳଗାଓଁରୁ ଭୁସାବଲକୁ ସଂଯୋଗ କରୁଥିବା ତୃତୀୟ ଓ ଚତୁର୍ଥ ରେଳ ଲାଇନ (୨୪.୪୬ କିଲୋମିଟର); ଜାତୀୟ ରାଜପଥ – ୧୬୬ (ପ୍ୟାକେଜ – ୧) ର ସାଙ୍ଗଲିରୁ ବୋରଗାଓଁ ସେକ୍ସନକୁ ଚାରି ଲେନ୍ କରିବା; ଏବଂ ଇଣ୍ଡିଆନ ଅଏଲ କର୍ପୋରେସନ ଲିମିଟେଡର ମନମାଡ  ଟର୍ମିନାଲରେ ଅତିରିକ୍ତ ସୁବିଧା ଇତ୍ୟାଦି ଅନ୍ତର୍ଭୁକ୍ତ । ସେ ଅହମ୍ମଦନଗର ସିଭିଲ ହସ୍ପିଟାଲରେ ମାତୃ ଓ ଶିଶୁ ସ୍ୱାସ୍ଥ୍ୟ ଶାଖାର ଶିଳାନ୍ୟାସ କରିଥିଲେ ।…

ମେଷ ରାଶି- ଆଜି ଧାଁ ଧପଡ ଅଧିକ ହେବ। ଖରାପ ଖବର ମିଳିପାରେ। କଥାଭାଷାରେ ନିୟନ୍ତ୍ରଣ ରଖନ୍ତୁ। ଦୁଷ୍ଟ ଲୋକମାନେ କ୍ଷତି ଘଟାଇ ପାରନ୍ତି। ସମାଜରେ ଆପଣ କାର୍ଯ୍ୟକଳାପକୁ ସମାଲୋଚନା କରାଯିବ। ସେଠାରେ ରାଜ୍ୟ ସମର୍ଥନ ରହିବ ଏବଂ ଏହି ଅଞ୍ଚଳର ଲୋକଙ୍କ ସହ ସମ୍ପର୍କ ବୃଦ୍ଧି ପାଇବ। ବକ୍ତବ୍ୟରେ ସଂଯମତା ରଖନ୍ତୁ। ବୃଷ ରାଶି- କଠିନ ପରିଶ୍ରମ କଲେ ସଫଳ ହେବେ। ଆପଣଙ୍କ କାର୍ଯ୍ୟକୁ ପ୍ରଶଂସା କରାଯିବ। ଲାଭ ସୁଯୋଗ ଆସିବ। ଅପବ୍ୟବହାର ହୋଇଥିବା ଅର୍ଥ ମିଳିବ। ଛାତ୍ରମାନେ ପ୍ରତିଯୋଗିତାରେ ସଫଳତା ପାଇବେ। ବ୍ୟବସାୟ ଭଲ କରିବ। କାର୍ଯ୍ୟ ନିଷ୍ପତ୍ତିକୁ ଅତି ଶାନ୍ତ ଭାବରେ ବିଚାର କରିବା ଶୁଭ ଅଟେ। ମିଥୁନ ରାଶି- ପୁରୁଣା ବନ୍ଧୁ ଏବଂ ସମ୍ପର୍କୀୟଙ୍କୁ ଭେଟିବେ। ଆପଣ ଉତ୍ସାହଜନକ ସୂଚନା ପାଇବେ। ଗର୍ବିତ ହେବେ। ଚାକିରିରେ ଇଚ୍ଛାକୃତ ପଦୋନ୍ନତି ପାଇବେ। ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ। ବନ୍ଦ ହୋଇ ପଡିଥିବା ଟଙ୍କା ମିଳିବ। ବ୍ୟବସାୟରେ ନୂତନ ଚୁକ୍ତିନାମା ହେବ। ଅପରିଚିତ…

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋଷାଣୀ ନୁଆ ଗାଁ ଥାନା ଅନ୍ତର୍ଗତ ଢାମଣା ସାହିର ଶଙ୍କର୍ଷଣ ସାହୁ ନାମକ ଜଣେ ଯୁବକ ପୋକ୍ସ ଆଇନ୍ ଅନୁଯାୟୀ ଗିରଫ ହୋଇଛନ୍ତି। ଉକ୍ତ ଥାନା ଅଞ୍ଚଳର ଜଣେ ମହିଳା ଗୋଷାଣୀ ନୁଆ ଗାଁ ଥାନାରେ ଅଭିଯୋଗ କରିଛନ୍ତି ଯେ, ଗତ ୬ ମାସ ହେଲା ଅଭିଯୁକ୍ତ ଶଙ୍କର୍ଷଣ ରାସ୍ତାରେ ଯାଉଥିବା ବେଳେ ତାଙ୍କ ଝିଅକୁ ଅଶ୍ରାଭ୍ୟ ଭାଷାରେ ଗାଳିଗୁଲଜ କରିବା ସହ ଟଣାଓଟରା ଓ ହତ୍ୟାର ଧମକ ଦେଉଛନ୍ତି। ଯାହା ଫଳରେ ସେ ନିଜକୁ ଅସୁରକ୍ଷିତ ମନେ କରି ଆଇନ୍ ର ଆଶ୍ରୟ ନେଇଛନ୍ତି। ପୋଲିସ ଏତଲା ଗ୍ରହଣ କରି କେଶ୍ ନଂ ୩୨୬ ଅନୁଯାୟୀ ମାମଲା ରୁଜୁ କରି ବିଭିନ୍ନ ଦଫାରେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲାର ଗଞ୍ଜାମ ତହସିଲ ରାଜସ୍ୱ କାର୍ଯ୍ୟାଳୟରେ କୁଞ୍ଜବିହାରୀ ବଡ଼ଜେନା ନୁତନ ତହସିଲଦାର ଭାବେ ଯୋଗ ଦେଇଛନ୍ତି। ସେ ଏହା ପୁର୍ବରୁ ଖୋର୍ଦ୍ଧା ଜିଲ୍ଲା ବାଣପୁର ତହସିଲଦାର ଭାବେ କାର୍ଯ୍ୟ କରୁଥିଲେ ଓ ଗଞ୍ଜାମ ତହସିଲଦାର ଭାବେ ଯୋଗ ଦେବା ପରେ ଅଞ୍ଚଳର ଜନସାଧାରଣଙ୍କର ତୃଣମୂଳ ସ୍ତରରେ ଥିବା ସମସ୍ୟାର ସମାଧାନ ପାଇଁ ଅଞ୍ଚଳବାସୀଙ୍କ ସହଯୋଗ କାମନା କରିଛନ୍ତି।

ଟାଙ୍ଗୀ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲରେ ଆଜି ନୂତନ ତହସିଲଦାର ଭାବେ କାର୍ଯ୍ୟରେ ଯୋଗଦେଇଛନ୍ତି ବରିଷ୍ଠ ଓଏଏସ ଅଧିକାରିଣୀ ମିତାଲି ପାତ୍ର। ଶ୍ରୀମତୀ ପାତ୍ର ୨୦୧୧ ବ୍ୟାଚ ଓଏଏସ ଅଧିକାରିଣୀ ଏବଂ ବରିଷ୍ଠ ପାହ୍ୟାକୁ ପଦୋନ୍ନତି ପାଇବା ସହ ଏହା ପୁର୍ବରୁ ସେ ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟରେ ଡେପୁଟି ଜିଲ୍ଲାପାଳ ଭାବେ କାର୍ଯ୍ୟରତ ଥିଲେ। ସେଠାରେ ବହୁ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ବହନ କରି ଜିଲ୍ଲାର ଉନ୍ନତି ଦିଗରେ ଏକାଧିକ କାର୍ଯ୍ୟ କରିଛନ୍ତି ଶ୍ରୀମତୀ ପାତ୍ର। ତେବେ ନିକଟରେ ତାଙ୍କ ବଦଳି ଟାଙ୍ଗୀ ତହସିଲଦାର ଭାବେ ହୋଇଥିବା ବେଳେ ଆଜି କାର୍ଯ୍ୟାଭାର ଗ୍ରହଣ କରିଛନ୍ତି ଶ୍ରୀମତୀ ପାତ୍ର। ଟାଙ୍ଗୀ ଖୋର୍ଦ୍ଧା ଜିଲ୍ଲାର ଏକ ଗୁରୁତ୍ୱପୂର୍ଣ୍ଣ ତହସିଲ ହେବା ସହ ଲଘୁ ଖଣିଜ ଦ୍ରବ୍ୟରେ ପରିପୂର୍ଣ୍ଣ। ତେଣୁ ବେଆଇନ ଲଘୁ ଖଣିଜ ଦ୍ରବ୍ୟ ଚୋରାଚାଲାଣ ରୋକିବା ନୂତନ ତହସିଲଦାରଙ୍କ ପାଇଁ ଚ୍ୟାଲେଞ୍ଜ ରହିବ।

ନୂଆଦିଲ୍ଲୀ: ସ୍ୱଚ୍ଛତାକୁ ଦୈନନ୍ଦିନ ଅଭ୍ୟାସ ଭାବରେ ଗ୍ରହଣ କରିବା ପାଇଁ ସରକାରଙ୍କ ନିରନ୍ତର ପ୍ରୟାସର ଏକ ଅଂଶ ଭାବରେ ରକ୍ଷା ମନ୍ତ୍ରୀ ରାଜନାଥ ସିଂ ଅକ୍ଟୋବର ୨୬, ୨୦୨୩ରେ ନୂଆଦିଲ୍ଲୀର ସାଉଥ୍ ବ୍ଲକରେ ପ୍ରତିରକ୍ଷା ମନ୍ତ୍ରଣାଳୟ ସଚିବାଳୟରେ ସ୍ୱଚ୍ଛତା ଯାଞ୍ଚ୍ କରିଥିଲେ। ପ୍ରତିରକ୍ଷା ମନ୍ତ୍ରୀ କର୍ମଚାରୀମାନଙ୍କ ସହ ଆଲୋଚନା କରି କର୍ମକ୍ଷେତ୍ରରେ ଅତ୍ୟନ୍ତ ସ୍ୱଚ୍ଛତା ବଜାୟ ରଖିବା ପାଇଁ ପ୍ରତି ସପ୍ତାହରେ କିଛି ଘଣ୍ଟା ଶ୍ରମଦାନ କରିବାକୁ ସେମାନଙ୍କୁ ବ୍ୟକ୍ତିଗତ ଭାବେ ଅନୁରୋଧ କରିଥିଲେ। ସ୍ୱଚ୍ଛ ଓ ଶୃଙ୍ଖଳିତ କର୍ମକ୍ଷେତ୍ର ଦ୍ୱାରା ଉତ୍ପାଦକତା ବୃଦ୍ଧି ପାଇଥାଏ ବୋଲି ସେ ଗୁରୁତ୍ୱାରୋପ କରିଥିଲେ। ସେ ସ୍ୱଚ୍ଛତା ବୀରମାନଙ୍କୁ ମଧ୍ୟ ସମ୍ବର୍ଦ୍ଧିତ କରିଥିଲେ, ଯେଉଁମାନଙ୍କର ଅକ୍ଳାନ୍ତ ପ୍ରୟାସ ଏମଓଡିରେ ସ୍ୱଚ୍ଛତା ଅଭିଯାନର ସଫଳ ପରିଚାଳନାରେ ସହାୟକ ହୋଇଛି। ଏହି ମନ୍ତ୍ରଣାଳୟ ସର୍ବଭାରତୀୟ ସ୍ୱଚ୍ଛତା ଅଭିଯାନ ସହିତ ସ୍ୱତନ୍ତ୍ର ଅଭିଯାନ ୩.୦ର ଚତୁର୍ଥ ତଥା ଅନ୍ତିମ ସପ୍ତାହରେ ରହିଛି। ଉପଲବ୍ଧ ସମ୍ବଳର ଲାଭଦାୟକ ଉପଯୋଗ ଏବଂ…

ନୂଆଦିଲ୍ଲୀ: ଆରବ ଦେଶ କତରରେ ଆଜି ୮ ଜଣ ଭାରତୀୟଙ୍କୁ ମୃତ୍ୟୁଦଣ୍ଡ ଦିଆଯାଇଛି। ଏହି ସମସ୍ତ ଅଧିକାରୀଙ୍କୁ ଗୁପ୍ତଚର ଅଭିଯୋଗରେ ଦଣ୍ଡିତ କରାଯାଇଛି। ଆଠ ମାସ ପୂର୍ବେ ଗୁପ୍ତଚର ଅଭିଯୋଗରେ କତରରେ ୮ ଜଣ ପୂର୍ବତନ ଭାରତୀୟ ନୌସେନା ଅଧିକାରୀଙ୍କୁ ଗିରଫ କରାଯାଇଥିଲା। ଏହି ଗିରଫ ଗତ ବର୍ଷ ସେପ୍ଟେମ୍ବରରେ ହୋଇଥିଲା। ଏହି ପରିପ୍ରେକ୍ଷୀରେ ଭାରତୀୟ ବୈଦେଶିକ ମନ୍ତ୍ରଣାଳୟ ଏକ ବିବୃତ୍ତି ଜାରି କରି କହିଛି ଯେ ମୃତ୍ୟୁଦଣ୍ଡର ନିଷ୍ପତ୍ତିକୁ ନେଇ ଆମେ ଆଶ୍ଚର୍ଯ୍ୟ ହୋଇଛୁ। ଏକ ବିସ୍ତୃତ ନିଷ୍ପତ୍ତି ଅପେକ୍ଷା କରାଯାଇଛି। ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ, ଆମେ ପରିବାର ସଦସ୍ୟ ଏବଂ ଆଇନ ଦଳ ସହ ଯୋଗାଯୋଗରେ ଅଛୁ ଏବଂ ସମସ୍ତ ଆଇନଗତ ବିକଳ୍ପ ଅନୁସନ୍ଧାନ କରୁଛୁ। ଆମେ ଏହି ବିଷୟକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମନେ କରୁଛୁ ଏବଂ ଏହା ଉପରେ ତୀକ୍ଷ୍ଣ ନଜର ରଖିଛୁ। ସମସ୍ତ କନସୁଲର ଏବଂ ଆଇନଗତ ସହାୟତା ପ୍ରଦାନ ଜାରି ରଖିବ।…

ନୂଆଦିଲ୍ଲୀ: ଜାତୀୟ ଶିକ୍ଷା ନୀତିର କାର୍ଯ୍ୟକାରିତା ପାଇଁ ମା’ ଗଙ୍ଗା କୂଳରେ କାଶୀର ଶିକ୍ଷା ସମାଗମରୁ ଆରମ୍ଭ ହୋଇ ମା’ ନର୍ମଦାଙ୍କ ପାଦଦେଶରେ ଆୟୋଜିତ ଆଜିର ଜୋନ୍ ସମ୍ମିଳନୀ ପର୍ଯ୍ୟନ୍ତ ପ୍ରସ୍ତୁତ ହୋଇଥିବା ପାରସ୍ପରିକ ଆଭିମୁଖ୍ୟ, ରୋଡମ୍ୟାପ୍ ଏବଂ ରଣନୀତି ଭାରତର ଉଜ୍ଜ୍ୱଳ ଭବିଷ୍ୟତ ଗଢ଼ିବାରେ ନିର୍ଣ୍ଣାୟକ ଭୂମିକା ଗ୍ରହଣ କରିବ ବୋଲି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ  ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଆଜି ଗୁଜୁରାଟର କେଭାଡିଆ ଠାରେ ‘ପଶ୍ଚିମାଞ୍ଚଳ କୁଳପତି ସମ୍ମିଳନୀ’ରେ ଯୋଗ ଦେଇ ଶ୍ରୀ ପ୍ରଧାନ ଏହା କହିଛନ୍ତି।  ଗୁଣାତ୍ମକ ଶିକ୍ଷା, ଶିକ୍ଷାରେ ଦକ୍ଷତା ଇକୋସିଷ୍ଟମ, ଶିକ୍ଷାରେ ଗବେଷଣା, ନବସୃଜନ ଏବଂ ଉଦ୍ୟମିତା, ଭାରତ ଜ୍ଞାନ ପରମ୍ପରା ଓ ଶିକ୍ଷାର ଆନ୍ତର୍ଜାତିକରଣ ଭଳି ବିଭିନ୍ନ ପ୍ରାଥମିକତା କ୍ଷେତ୍ର ଉପରେ ଏହି ଜୋନାଲ୍ ସମ୍ମିଳନୀ ବିଚାରବିମର୍ଶ କରୁଥିବାରୁ ଖୁସି ବ୍ୟକ୍ତ କରିଛନ୍ତି କେନ୍ଦ୍ରମନ୍ତ୍ରୀ। ସେ କହିଛନ୍ତି ଭାରତୀୟ ଭାଷା, ଭାରତୀୟ ଜ୍ଞାନ ପରମ୍ପରା, ଦକ୍ଷତା ଏବଂ…