Author: Samikhsya Bureau

ଭୁବନେଶ୍ବର: ପୂର୍ବତଟ ରେଳପଥ ୧ ଅକ୍ଟୋବର ୨୦୨୫ ରୁ ସ୍ୱଚ୍ଛତା ପଖୱାଡା ଆରମ୍ଭ କରିଛି। ଏହି ଦୁଇ ସପ୍ତାହୀୟ ସ୍ୱଚ୍ଛତା ଅଭିଯାନ ମାଧ୍ୟମରେ ରେଳପଥ ତାହାର ସମସ୍ତ କ୍ଷେତ୍ରରେ ପରିଷ୍କାରତା ଏବଂ ସ୍ୱାସ୍ଥ୍ୟକର ପରିବେଶ ସୃଷ୍ଟି ପାଇଁ ଅଟଳ ପ୍ରତିବଦ୍ଧତାକୁ ପୁନର୍ବାର ସ୍ଥିର କରିଛି। ଏହି ଅବସରରେ ପୂର୍ବତଟ ରେଳପଥର ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲ ଅଧିକାରୀ ଏବଂ କର୍ମଚାରୀଙ୍କୁ ସ୍ୱଚ୍ଛତା ଶପଥ ପାଠ କରାଇଥିଲେ। ସେ ବ୍ୟକ୍ତିଗତ ଦାୟିତ୍ୱର ଗୁରୁତ୍ୱକୁ ଉଲ୍ଲେଖ କରିଥିଲେ ଏବଂ ସମସ୍ତଙ୍କୁ ସ୍ୱଚ୍ଛତା ବଜାୟ ରଖିବା ସହିତ ସାଧାରଣ ଲୋକଙ୍କୁ ସଚେତନ କରିବା ପାଇଁ ପ୍ରେରିତ କରିଥିଲେ। ସମସ୍ତ ଡିଭିଜନରେ ଏକାସାଥିରେ ଏହି ଅଭିଯାନ ଆରମ୍ଭ ହୋଇଥିଲା। ଷ୍ଟେସନ, ଟ୍ରେନ୍, କାର୍ଯ୍ୟାଳୟ, ୱାର୍କଶପ୍, ଡିପୋ, ହସ୍ପିଟାଲ ଓ କର୍ମଚାରୀ ଆବାସଗୁଡିକରେ ବ୍ୟାପକ ସ୍ୱଚ୍ଛତା କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହାର ଲକ୍ଷ୍ୟ ସାମୂହିକ ସଚେତନତା ବୃଦ୍ଧି କରି ସ୍ୱଚ୍ଛ ଓ ସବୁଜ ଭାରତ ଗଠନରେ ସାମୁଦାୟିକ ଭାଗିଦାରୀକୁ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବାୟୋମେଡିକାଲ୍ ରିସର୍ଚ୍ଚ କ୍ୟାରିଅର୍ ପ୍ରୋଗ୍ରାମ୍ (ବିଆରସିପି), ତୃତୀୟ ପର୍ଯ୍ୟାୟ ଜାରି ରଖିବାକୁ ଅନୁମୋଦନ କରିଛନ୍ତି। ଏହି କାର୍ଯ୍ୟକ୍ରମ ବାୟୋଟେକ୍ନୋଲୋଜି ବିଭାଗ (ଡିବିଟି) ଏବଂ ୱେଲକମ୍ ଟ୍ରଷ୍ଟ (ଡବ୍ଲୁଟି), ୟୁକେ ଏବଂ ଏସପିଭି, ଇଣ୍ଡିଆ ଆଲାଏନ୍ସ ମଧ୍ୟରେ ତୃତୀୟ ପର୍ଯ୍ୟାୟ (୨୦୨୫-୨୬ ରୁ ୨୦୩୦-୩୧) ପାଇଁ ସହଭାଗୀତାରେ କାର୍ଯ୍ୟକାରୀ କରାଯାଉଛି, ଏବଂ ଆହୁରି ଛଅ ବର୍ଷ (୨୦୩୧-୩୨ ରୁ ୨୦୩୭-୩୮) ପାଇଁ ସେବା ଫେଲୋସିପ୍ ଏବଂ ଅନୁଦାନ ୨୦୩୦-୩୧ ପର୍ଯ୍ୟନ୍ତ ମଞ୍ଜୁର କରାଯାଇଛି, ଯାହାର ମୋଟ ମୂଲ୍ୟ ୧୫୦୦ କୋଟି ଟଙ୍କା ହେବ, ଯେଉଁଥିରେ ଡିବିଟି ଏବଂ ଡବ୍ଲୁଟି, ୟୁକେ ଯଥାକ୍ରମେ ୧୦୦୦ କୋଟି ଏବଂ ୫୦୦ କୋଟି ଟଙ୍କା ଯୋଗଦାନ କରିବେ। ବାୟୋଟେକ୍ନୋଲୋଜି ବିଭାଗ (ଡିବିଟି), ଦକ୍ଷତା ଏବଂ ନବସୃଜନକୁ ପ୍ରୋତ୍ସାହିତ କରିବା ପାଇଁ ବିକଶିତ ଭାରତ ଲକ୍ଷ୍ୟ ସହିତ ଯୋଡ଼ି ହୋଇ ବାୟୋମେଡିକାଲ୍ ରିସର୍ଚ୍ଚ କ୍ୟାରିୟର ପ୍ରୋଗ୍ରାମ…

ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ ଗତ ସପ୍ତାହରେ ସ୍ୱଦେଶୀ ପ୍ଲାଟଫର୍ମ ଏବଂ ସେବାଗୁଡ଼ିକର ବ୍ୟବହାର ଦିଗରେ ଏକ ଗୁରୁତ୍ୱପୂର୍ଣ୍ଣ ପ୍ରୟାସ ଆରମ୍ଭ କରିଛନ୍ତି । ଗତ ସପ୍ତାହରେ ଶ୍ରୀ ବୈଷ୍ଣବ ଏପରି ଏକ ପରିବର୍ତ୍ତନ ସମ୍ପର୍କରେ ଘୋଷଣା କରିଥିଲେ। ମନ୍ତ୍ରୀ ଶ୍ରୀ ବୈଷ୍ଣବ ଗତ ସପ୍ତାହରୁ ହିଁ କ୍ୟାବିନେଟ୍ ଏବଂ ଅନ୍ୟାନ୍ୟ ଗଣମାଧ୍ୟମ ସୂଚନା ଉପସ୍ଥାପନା କରିବା ପାଇଁ ସ୍ୱଦେଶୀ ପ୍ଲାଟଫର୍ମ ‘ଜୋହୋ ଶୋ’ ବ୍ୟବହାର କରିବା ଆରମ୍ଭ କରିଥିଲେ। ଆଜି ପୁଣିଥରେ ‘ଜୋହୋ ଶୋ’ ବ୍ୟବହାର କରି ପ୍ରସ୍ତୁତ ହୋଇଥିବା କ୍ୟାବିନେଟ୍ ନିଷ୍ପତ୍ତି ସଂକ୍ରାନ୍ତ ସୂଚନା ଉପସ୍ଥାପନାରେ ସେ ମ୍ୟାପ୍‌ ମାଇଁ ଇଣ୍ଡିଆ ଦ୍ୱାରା ପ୍ରସ୍ତୁତ ମ୍ୟାପଲ୍ସ ନାମକ ଏକ ମାନଚିତ୍ର ବା ମ୍ୟାପ୍‌ ବ୍ୟବହାର କରିଥିଲେ । ମ୍ୟାପଲ୍ସ ହେଉଛି ମ୍ୟାପମାଇଇଣ୍ଡିଆ ଦ୍ୱାରା ବିକଶିତ ଏକ ସ୍ୱଦେଶୀ ଡିଜିଟାଲ୍ ମାନଚିତ୍ର ଏବଂ ନାଭିଗେସନ୍ ପ୍ରଯୁକ୍ତିବିଦ୍ୟା ପ୍ଲାଟଫର୍ମ। ⁠ଏହା ଭାରତୀୟଙ୍କ ମାଲିକାନାରେ ଭାରତରେ…

ଭୁବନେଶ୍ବର: ଆଜି କଟକର ବିଭିନ୍ନ ପୂଜା ମଣ୍ଡପ ଦର୍ଶନ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ଆଜି ସଂଧ୍ୟାରେ ମୁଖ୍ୟମନ୍ତ୍ରୀ କଟକର ପ୍ରସିଦ୍ଧ ମେଢ ଦର୍ଶନ କରିବା ସହିତ ମାଙ୍କ ନିକଟରେ ପ୍ରାର୍ଥନା କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ପୂଜା ମଣ୍ଡପ କର୍ମକର୍ତ୍ତାଙ୍କ ସହିତ ଆଲୋଚନା ମଧ୍ୟ କରିଛନ୍ତି। ଏ ନେଇ ମୁଖ୍ୟମନ୍ତ୍ରୀ ତାଙ୍କ ସାମାଜିକ ଗଣମାଧ୍ୟମରେ ଲେଖା ମଧ୍ୟ ପୋଷ୍ଟ କରିଛନ୍ତି। ଏଥିରେ ସେ ଲେଖିଛନ୍ତି ଯେ, କଟକ ସହର ଭାଇଚାରାର ସହର । ଏଠାରେ ସମସ୍ତଙ୍କ ସହଯୋଗରେ ଦୁର୍ଗା ପୂଜା ଆମ ସଂସ୍କୃତି ଏବଂ ଓଡ଼ିଆ ଅସ୍ମିତାର ଅନନ୍ୟ ନିଦର୍ଶନ । କଟକର ଦୁର୍ଗା ପୂଜାରେ ସାମିଲ ହେବା ଏକ ଦିବ୍ୟ ଅନୁଭବ । ସମସ୍ତଙ୍କ ଉପରେ ମା’ ଦୁର୍ଗାଙ୍କ କୃପା ରହିଥାଉ।

ଭୁବନେଶ୍ବର: ଓଡିଆ ଚଳଚ୍ଚିତ୍ରରେ ଭିନ୍ନ କିଛି କାମ କରିବାକୁ ଅଛି। ସେଥିପାଇଁ ମୁଁ କଳିଙ୍ଗ ଟିଭିରୁ ଇସ୍ତଫା ଦେଲି ବୋଲି କହିଛନ୍ତି ପ୍ରଖ୍ୟାତ ସିନେ ନିର୍ଦ୍ଦେଶକ ଶ୍ରୀ ହିମାଂଶୁ ଖଟୁଆ। ‘ଦ ସମୀକ୍ଷା’ କୁ ଏକ ସାକ୍ଷାତକାର ଦେଇ ସେ କହିଛନ୍ତି ଯେ, କେବଳ କଳିଙ୍ଗ ଟିଭି ନୁହେଁ ମୁଁ କିଟ୍ ର ସମସ୍ତ ପଦପଦବୀରୁ ମଧ୍ୟ ଇସ୍ତଫା ଦେଇଛି। ଏ ନେଇ ମାସେ ପୂର୍ବରୁ ଉଚ୍ଚ କର୍ତ୍ତୁପକ୍ଷଙ୍କୁ ଇସ୍ତଫା ପତ୍ର ପଠାଇ ଥିଲି ବୋଲି ସେ କହିଛନ୍ତି। ନିୟମ ଅନୁସାରେ ମାସେ ପର୍ଯ୍ୟନ୍ତ ନୋଟିସ ପିରିୟଡରେ କାମ କଲି। ମୋତେ ବହିସ୍କାର କରାଗଲା ବୋଲି ବିଭିନ୍ନ ଗଣମାଧ୍ୟମରେ ତଥା ସାମାଜିକ ଗଣମାଧ୍ୟମରେ ଯାହା ପ୍ରକାଶ ପାଇଛି ତାହା ଭୁଲ ବୋଲି ଶ୍ରୀ ଖଟୁଆ କହିଛନ୍ତି। ସେ କହିଛନ୍ତି ଯେ, କିଟ୍ ଓ କିସ ପ୍ରତିଷ୍ଠାତା ଡ ଅଚ୍ୟୁତ ସାମନ୍ତଙ୍କ ସହିତ ମୋର ସଂପର୍କ ଭଲ ଅଛି। ମୋତେ ଡ. ସାମନ୍ତ…

ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ଘୋଷଣା କରିଛନ୍ତି ଯେ ଚଳିତ ବର୍ଷ ଛଟ ପୂଜା ଯମୁନା ନଦୀର ଉଭୟ କୂଳରେ ପାଳନ କରାଯିବ। ରାଜଧାନୀରେ ଛଟ ଉତ୍ସବ ପ୍ରସ୍ତୁତି ପାଇଁ ଦିଲ୍ଲୀ ସଚିବାଳୟରେ ଏକ ଉଚ୍ଚସ୍ତରୀୟ ବୈଠକର ଅଧ୍ୟକ୍ଷତା କରିବା ପରେ ସେ ଏହା ଘୋଷଣା କରିଛନ୍ତି। ମୁଖ୍ୟମନ୍ତ୍ରୀ ଗୁପ୍ତା କହିଛନ୍ତି ଯେ ଭକ୍ତମାନେ ଯେପରି କୌଣସି ଅସୁବିଧା ବିନା ପୂଜା କରିପାରିବେ ସେଥିପାଇଁ ସ୍ୱତନ୍ତ୍ର ବ୍ୟବସ୍ଥା କରାଯିବ। ଦିଲ୍ଲୀରେ ଛଟ ପାଳନ କରୁଥିବା ପୂର୍ବାଞ୍ଚଳ ବାସିନ୍ଦାଙ୍କ ବର୍ଦ୍ଧିତ ଜନସଂଖ୍ୟା ଉପରେ ଆଲୋକପାତ କରି ସେ କହିଛନ୍ତି ଯେ ଉତ୍ତରରେ ପଲ୍ଲାରୁ ଦକ୍ଷିଣରେ ଓଖଲା ପର୍ଯ୍ୟନ୍ତ ଯମୁନା ନଦୀର ଉଭୟ କୂଳରେ ଭକ୍ତମାନଙ୍କ ପାଇଁ ସମ୍ପୂର୍ଣ୍ଣ ସୁବିଧା ସହିତ ପୂଜା ଆୟୋଜନ କରାଯିବ। Bihar Gets 7 New Trains, Including 3 Amrit Bharat Express

Bathukamma Festival: ତେଲେଙ୍ଗାନାରେ ରାଜ୍ୟ ସରକାରଙ୍କ ଦ୍ୱାରା ଆୟୋଜିତ ବାଥୁକାମ୍ମା ମହୋତ୍ସବର ସମାରୋହ ଗତକାଲି ସନ୍ଧ୍ୟାରେ ଦୁଇଟି ନୂତନ ଗିନିଜ୍ ବିଶ୍ୱ ରେକର୍ଡ ସ୍ଥାପନ କରିଛି। ହାଇଦ୍ରାବାଦର ସାରୁରନଗର ଷ୍ଟାଡିୟମରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହାର ସର୍ବବୃହତ ବାଥୁକାମ୍ମା ପୁଷ୍ପ ସାଜସଜ୍ଜା ପାଇଁ ଦୁଇଟି ବିଶ୍ୱ ରେକର୍ଡ ପାଇଛି। ପ୍ରାୟ ସାତ ଟନ୍ ଫୁଲ ଏବଂ ୬୩.୧୧ ଫୁଟ ଉଚ୍ଚତା ଏବଂ ୧୧ ଫୁଟ ଚଉଡାରେ ନିର୍ମାଣ ହୋଇଛି ଏହାର ତୋରଣ। ବାଥୁକାମ୍ମା ନିର୍ମାଣରେ ପ୍ରାୟ ୩୦୦ ଜଣ ଶ୍ରମିକ କାର୍ଯ୍ୟ କରିଥିଲେ। ସେମାନେ ଧାତୁ ବାଉଁଶ ଏବଂ ଫୁଲ ସାହାଯ୍ୟରେ ଏହାକୁ ତିଆରି କରିଥିଲେ ଏବଂ ଏହା ସମ୍ପୂର୍ଣ୍ଣ ହେବାକୁ ୭୨ ଘଣ୍ଟା ସମୟ ଲାଗିଥିଲା। ଏହାପରେ ୧୩୫୪ ଜଣ ମହିଳାଙ୍କ ଦ୍ବାରା ଫୁଲରେ ସଜାଯାଇଥିଲା। ଏତେ ସଂଖ୍ୟକ ମହିଳା ଏକ ସୁନ୍ଦର କାର‌୍ୟ୍ୟ ପାଇଁ ନିୟୋଜିତ ହୋଇଥିବାରୁ ଏହା ଦ୍ୱିତୀୟ ରେକର୍ଡ ହାସଲ କରିଛି। ଗିନିଜ୍ ବିଶ୍ୱ…

Durga Puja 2025: ଶେଷରେ ପ୍ରତୀକ୍ଷାର ଅନ୍ତ ଘଟିଛି। ଧରାପୃଷ୍ଟରେ ଆର୍ବିଭାବ ହୋଇଛନ୍ତି ଜଗଦଜନନୀ ମା ଦୁର୍ଗା। ସାରା ଓଡିଶାରେ ଉତ୍ସବର ମାହୋଲ। ରଂଗୀନ ଆଲୁଅରେ ଝଲସୀ ଉଠିଛି ସାରା ସହର। ହରିବୋଲ ହୁଳହୁଳିରେ ଫାଟି ପଡୁଛି ଗାଁରୁ ସହର। ଗତକାଲିଠାରୁ ଆରମ୍ଭ ହୋଇଛି ମଣ୍ଡପରେ ଦୁର୍ଗା ପୂଜା। ସୁଉଚ୍ଚ ତୋରଣ ସହିତ ସୁନ୍ଦର ପ୍ରତିମୂର୍ତ୍ତି ବେଶ ଆକର୍ଷଣୀୟ ହୋଇପଡିଛି। ଏଥର ଭୁବନେଶ୍ବରରେ ନିର୍ମାଣ ହୋଇଛି ୧୯୩ ମଣ୍ଡପ। ସେଥି ମଧ୍ୟରୁ ୨୪ ପେଣ୍ଡାଲରେ ସୁନା, ରୁପା ଗହଣା ରେ ମାଙ୍କୁ ସଜାଯାଇଛି। ଏସବୁ ଦେଖିବା ପାଇଁ ସଂଧ୍ୟାରେ ଲୋକଙ୍କର ପ୍ରବଳ ଭିଡ ପରିଲକ୍ଷିତ ହୋଇଛି। ଭିଡକୁ ନିୟନ୍ତ୍ରଣ କରିବା ପାଇଁ ରାଜଧାନୀରେ ୬୧ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି। ସେହିପରି ସେଣ୍ଟ୍ରାଲ ଫୋର୍ସ ୩ ପ୍ଲାଟୁନ ସହ ଆଣ୍ଟି ଟେରର ପାଇଁ ସ୍ପେଶାଲ ଟାକ୍ଟିକାଲ ୟୁନିଟ୍‌ ଓ ୨୦ ପ୍ଲାଟୁନ ହୋମଗାର୍ଡ ମୁତୟନ କରାଯାଇଛି। ତେବେ ଯେଉଁ ମଣ୍ଡପରେ ସୁନାରୂପା…

ଭୁବନେଶ୍ୱର :- ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ରୂପେ ବରିଷ୍ଠ କଂଗ୍ରେସ ନେତା ପ୍ରକାଶ ଜେନାଙ୍କ ନାମ ଘୋଷଣା ହେବା ପରେ ତାଙ୍କ ସମର୍ଥକଙ୍କ ମଧ୍ୟରେ ଖୁସୀ ଏବଂ ଉତ୍ସାହ ଖେଳି ଯାଇଛି । ଗଣମାଧ୍ୟମକୁ ନିଜ ପ୍ରତିକ୍ରିୟାରେ ଶ୍ରୀ ଜେନା ଜାତୀୟ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ, ଲୋକସଭା ବିରୋଧୀ ଦଳ ନେତା ରାହୁଳ ଗାନ୍ଧୀ, ପୂର୍ବତନ ଏଆଇସିସି ଅଧ୍ୟକ୍ଷା ତଥା ସାଂସଦ ସୋନିଆ ଗାନ୍ଧୀ, ସାଂସଦ ପ୍ରିୟଙ୍କା ଗାନ୍ଧୀ ଏବଂ ପିସିସି ସଭାପତି ଭକ୍ତ ଚରଣ ଦାସଙ୍କୁ ଏହି ଗୁରୁ ଦାୟିତ୍ୱ ପାଇଁ ଧନ୍ୟବାଦ ଅର୍ପଣ କରିବା ସହ କୃତଜ୍ଞତା ଜ୍ଞାପନ କରିଛନ୍ତି। ସେ କହିଛନ୍ତି, ରାହୁଳ ଗାନ୍ଧୀଙ୍କ ଭୋଟ ଚୋରୀ ପର୍ଦାଫାଶ ହେବା ପରେ ପ୍ରଧାନମନ୍ତ୍ରୀଙ୍କ ମୁହଁ କଳା କାଠ ହୋଇ ଗଲାଣି । ଭୋଟ ଚୋରୀ କରି କେମିତି ବିଜେପି କ୍ଷମାତାସୀନ ହୋଇଛି ଏହି ପ୍ରସଙ୍ଗକୁ ନେଇ ଆମେ ଲୋକଙ୍କ ପାଖକୁ ଯିବୁ ଏବଂ ଏହାକୁ ଏକ…

ଭୁବନେଶ୍ବର: କେନ୍ଦୁଝର ଘଟଗାଁ ଠାରେ ଥିବା ମା ତାରିଣୀ ମନ୍ଦିର ପରିସରର ପାରିପାର୍ଶ୍ଵିକ ବିକାଶ ଉପରେ ଓଡ଼ିଶା ସରକାର ଗୁରୁତ୍ୱାରୋପ କରିଛନ୍ତି । ମା ତାରିଣୀ ମନ୍ଦିର ପରିସରର ପାରିପାର୍ଶ୍ବିକ ବିକାଶ ଦ୍ବାରା ଭକ୍ତମାନଙ୍କ ଦୀର୍ଘ ଦିନର ଦାବି ପୂରଣ ହେବ। ଏହି ବିକାଶର ଫଳସ୍ବରୂପ ସ୍ଥାନୀୟ ଅଞ୍ଚଳର ସାମଗ୍ରିକ ଅର୍ଥନୈତିକ ବିକାଶ ହେବ । ରାଜ୍ୟ କ୍ୟାବିନେଟ୍‌ ଏଥିପାଇଁ ୧୪୬ କୋଟି ଟଙ୍କା ମୂଲ୍ୟର ସର୍ବନିମ୍ନ ଟେଣ୍ଡର (ଜି.ଏସ୍.ଟିକୁ ବାଦ୍ ଦେଇ) ମେସର୍ସ ଦିଲ୍ଲୀପ Construction ପ୍ରାଇଭେଟ୍ ଲିମିଟେଡ୍ ସପକ୍ଷରେ ଅନୁମୋଦନ କରିଛନ୍ତି । ୫୯.୨୦୬ ଏକର ପରିମିତ ଅଞ୍ଚଳରେ ଏହି ବିକାଶ କାର୍ଯ୍ୟ ୨୪ ମାସ ଭିତରେ ସଂମ୍ପୂର୍ଣ୍ଣ କରିବାକୁ ଧାର୍ଯ୍ୟ କରାଯାଇଛି। ଏହି ବିକାଶ କାର୍ଯ୍ୟ ପାଇଁ ସମୁଦାୟ ୨୨୬ କୋଟି ଟଙ୍କା ଖର୍ଚ୍ଚ କରାଯିବ । ଭକ୍ତଙ୍କ ସୁବିଧା ପାଇଁ ନିମ୍ନ ଲିଖିତ କାର୍ଯ୍ୟ ଗୁଡିକ କରାଯିବ। – ୨୧୬ ଶଯ୍ୟା ବିଶିଷ୍ଟ ଯାତ୍ରୀ ନିବାସ…

ଭୁବନେଶ୍ବର: ଗୋଦାବରୀଶ ଆଦର୍ଶ ବିଦ୍ୟାଳୟ (GAV) ଯୋଜନାରେ ଆଦର୍ଶ ବିଦ୍ୟାଳୟ ବିକାଶ ପାଇଁ ଓଡିଶା ସରକାର ଅନୁମୋଦନ କରିଛନ୍ତି। ଗୋଦାବରୀଶ ଆଦର୍ଶ ବିଦ୍ୟାଳୟ (GAV) ଯୋଜନା ର ଲକ୍ଷ୍ୟ ହେଉଛି ଶିକ୍ଷା ଅଧିକାର (RTE) ଆଇନ, 2009 ର ଉଦ୍ଦେଶ୍ୟ ସହିତ ସମନ୍ୱୟ ରକ୍ଷା କରିବା ସହ ଅନ୍ତର୍ଭୁକ୍ତି ଶିକ୍ଷା ଓ ଗୁଣାତ୍ମକ ଶିକ୍ଷାକୁ ଗୁରୁତ୍ୱାରୋପ କରି ଗ୍ରାମ ପଞ୍ଚାୟତ ସ୍ତରରେ ଆଦର୍ଶ ବିଦ୍ୟାଳୟ ପ୍ରତିଷ୍ଠା କରିବା। ସୁଦୃଢ଼ ଭିତ୍ତିଭୂମି, ଅଭିନବ ଶିକ୍ଷାଗତ ଅଭ୍ୟାସ ଗ୍ରହଣ ଏବଂ ଗୋଷ୍ଠୀ ସମୁଦାୟର ସକ୍ରିୟ ସମ୍ପୃକ୍ତି ମାଧ୍ୟମରେ, ଏହି ଯୋଜନା ଶିକ୍ଷା ପ୍ରତି ସମାନ ପ୍ରବେଶ ଏବଂ ଛାତ୍ର ସମୁଦାୟର ସାମଗ୍ରିକ ବିକାଶକୁ ସୁନିଶ୍ଚିତ କରେ । ଏହି ପଦକ୍ଷେପ ଜାତୀୟ ଶିକ୍ଷା ନୀତି (NEP) 2020 ଏବଂ ନିପୁଣ (NIPUN) ଓଡ଼ିଶାର ଦୃଷ୍ଟିକୋଣ ସହିତ ସମନ୍ଵୟ ରକ୍ଷା କରି ସାମାଜିକ ଏବଂ ଶିକ୍ଷାଗତ ଭାବରେ ପିଲାମାନଙ୍କୁ ସଶକ୍ତ କରିବା ପାଇଁ ମୌଳିକ ସାକ୍ଷରତା…

ଭୁବନେଶ୍ବର: ରାଜ୍ୟରେ ଶିଳ୍ପ ଓ ବ୍ୟବସାୟ କରିବାର ସହଜତାକୁ ଉନ୍ନତ କରିବା ଏବଂ ଅଧିକ ଆର୍ଥିକ କାର୍ଯ୍ୟକଳାପ ସୃଷ୍ଟି କରିବା ପାଇଁ କ୍ୟାବିନେଟ, ଓଡ଼ିଶା ଦୋକାନ ଓ ବାଣିଜ୍ୟିକ ପ୍ରତିଷ୍ଠାନ ଆଇନ, ୧୯୫୬ ରେ ଓ କାରଖାନା ଆଇନ, ୧୯୪୮ରେ ନିମ୍ନଲିଖିତ ସଂଶୋଧନ ପ୍ରସ୍ତାବ ଗୁଡିକ ମଞ୍ଜୁର କରିଛନ୍ତି । ୧. ଓଡିଶା ଦୋକାନ ଏବଂ ବାଣିଜ୍ୟିକ ପ୍ରତିଷ୍ଠାନ ଆଇନ, ୧୯୫୬ ର ବ୍ୟବସ୍ଥାଗୁଡ଼ିକ ୨୦ କିମ୍ୱା ତଦୁର୍ଦ୍ଧ୍ୱ କର୍ମଚାରୀଙ୍କୁ ନିୟୋଜିତ କରିଥିବା ଦୋକାନ ଓ ବାଣିଜ୍ୟିକ ପ୍ରତିଷ୍ଠାନ ପାଇଁ ଲାଗୁ ହେବ, ପରନ୍ତୁ ସମସ୍ତ ଦୋକାନ ଏବଂ ବାଣିଜ୍ୟିକ ପ୍ରତିଷ୍ଠାନରେ ନିୟୋଜିତ କର୍ମଚାରୀଙ୍କ ସଂଖ୍ୟା ନିର୍ବିଶେଷରେ ଓଡିଆ ସାଇନ ବୋର୍ଡ ପ୍ରଦର୍ଶନ କରିବାକୁ ପଡିବ । ୨. ଦୈନିକ କାର୍ଯ୍ୟ ନିର୍ଘଣ୍ଟ ୯ ଘଣ୍ଟାରୁ ୧୦ ଘଣ୍ଟାକୁ ବୃଦ୍ଧି । ୩. ଏକ ପ୍ରତିଷ୍ଠାନରେ କର୍ମଚାରୀଙ୍କ କାର୍ଯ୍ୟପାଳି ଅତି କମରେ ଅଧଘଣ୍ଟାର ବ୍ୟବଧାନ ବିନା ନିରନ୍ତର ୬ ଘଣ୍ଟାରୁ ଅଧିକ…

ଭୁବନେଶ୍ବର: ଭାରତୀୟ ରିଜର୍ଭ ବ୍ୟାଙ୍କ (RBI)ର ଡେପୁଟି ଗଭର୍ଣ୍ଣର ଭାବରେ ନିଯୁକ୍ତି ପାଇଛନ୍ତି ଜଣେ ଓଡିଆ। ସେ ହେଲେ ଶ୍ରୀ ଶିରୀଶ ଚନ୍ଦ୍ର ମୁର୍ମୁ। ସେ ବର୍ତ୍ତମାନ RBI ର କାର୍ଯ୍ୟନିର୍ବାହୀ ନିର୍ଦ୍ଦେଶକ ଅଛନ୍ତି। ତାଙ୍କର ନିଯୁକ୍ତିକୁ ଆଜି କ୍ୟାବିନେଟ ନିଯୁକ୍ତି କମିଟ ଅନୁମେଦନ କରିଛି। ସେ ଆସନ୍ତା ଅକ୍ଟୋବର ନଅ ତାରିଖରେ ଏହି ଦାୟିତ୍ବ ଗ୍ରହଣ କରିବେ। ବର୍ତ୍ତମାନ ଡେପୁଟି ଗଭର୍ଣ୍ଣର ଭାବେ କାର୍ଯ୍ୟ କରୁଛନ୍ତି ରାଜେଶ୍ବର ରାଓ। ତାଙ୍କର କାର୍ଯ୍ୟକାଳ ଅକ୍ଟୋବର ଆଠ ତାରିଖରେ ଶେଷ ହେଉଛି। ମୟୁରଭଂଜ ଜିଲ୍ଲା ବେତନଟୀ ବାସିନ୍ଦା ହେଉଛନ୍ତି ଶିରୀଶ ଚନ୍ଦ୍ର ମୁର୍ମୁ। ତାଙ୍କ ନିଯୁକ୍ତି ଘୋଷଣା ପରେ ବିଭିନ୍ନ ମହଲରେ ତାଙ୍କୁ ସ୍ବାଗତ କରାଯାଇଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅଭିନନ୍ଦନ ଜଣାଇ ଲେଖିଛନ୍ତି ଯେ, ଭାରତୀୟ ରିଜର୍ଭ ବ୍ୟାଙ୍କ (RBI)ର ଡେପୁଟି ଗଭର୍ଣ୍ଣର ଭାବରେ ନିଯୁକ୍ତି ପାଇଥିବାରୁ ଶ୍ରୀ ଶିରୀଶ ଚନ୍ଦ୍ର ମୁର୍ମୁଙ୍କୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା । ଜଣେ…

The Samikhsya Desk: କନ୍ୟାକୁ ମନଲାଖି ଭଲ ବର ମିଳିବା ଏବଂ ବରକୁ ଜଣେ ଭଲ କନ୍ୟା ମିଳିବା ବର୍ତ୍ତମାନ କଷ୍ଟକର। ହେଲେ ବର୍ତ୍ତମାନ ଯୁଗରେ ବିଭିନ୍ନ ଆପ ତଥା ମ୍ୟାରେଜ ବ୍ୟୁରୋ ମାଧ୍ୟମରେ ଏହି କାର୍ଯ୍ୟର ସମାଧାନ ହୋଇପାରୁଛି। ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଜଣେ କନ୍ୟା ନିଜର ବିବାହ ପାଇଁ ରାସ୍ତାରେ ବହୁ ହୋଡିଂ ଲଗାଇ ବିଜ୍ଞାପନ ଦେଇଛନ୍ତି। ଏ କଥା ଆପଣ କେବେ ଶୁଣି ନ ଥିବେ। ହେଲେ କଥାଟି ସତ। ଜଣେ ଭଲ ବରଟିଏ ପାଇବା ପାଇଁ କନ୍ୟା ରାସ୍ତାରେ ବଡ ବଡ ହୋର୍ଡିଂ ମାରି ବିଜ୍ଞାପନ ଦେଇଛନ୍ତି। ନ୍ୟୁର୍କ ପୋଷ୍ଟ ଖବରକାଗଜ ଅନୁସାରେ ଆମେରିକା କାଲିଫର୍ଣ୍ଣିଆ ସହରର ଜଣେ 42 ବର୍ଷିୟ ଝିଅ ନିଜର ମନଲାଖି ବରଟିଏ ପାଇବା ପାଇଁ ସହରର ପ୍ରମୁଖ ସ୍ଥାନମାନଙ୍କରେ ହୋର୍ଡିଂ ଲଗାଇଛନ୍ତି। ସେହି ଝିଅର ନାମ ହେଉଛି ଲିସା କାଟାଲୋନା। ସେ ଆମେରିକାରେ ପୋଷାକ ବ୍ୟବସାୟ…

ଭୁବନେଶ୍ୱର: ନୂଆପଡା ଦଖଲ ରଣନୀତି ସମ୍ପର୍କରେ ଗଣମାଧ୍ୟମର ପ୍ରଶ୍ନର ଉତ୍ତର ରଖି ପିସିସି ସଭାପତି ଶ୍ରୀ ଭକ୍ତ ଚରଣ ଦାସ ନୂଆପଡାରେ ଯାହା କଲେ ବି ବିଜେପି ଜିତିପାରିବ ନାହିଁ ବୋଲି ଦୃଢୋକ୍ତି ପ୍ରକାଶ କରିଥିଲେ । ଖୁବ୍ ଶୀଘ୍ର ହଜାର ହଜାର ଲୋକ କଂଗ୍ରେସ ରେ ଯୋଗ ଦେବାକୁ ଯାଉଛନ୍ତି। । ଘାସିରାମ ମାଝୀ ନୂଆପଡା ମାଟିର ପୁଅ। ମାଟିର ମଣିଷ ଘାସିରାମ ମାଝୀ ହିଁ ଜିତିବ ଏବଂ ସେଥିନେଇ ମତଦାନର ଶେଷ ଏକ ସପ୍ତାହ ପାଦରେ ଚାଲି ଭୋଟ  ଭିକ୍ଷା କରିବେ ବୋଲି  ଶ୍ରୀ ଦାସ ପ୍ରକାଶ କରିଛନ୍ତି।  ବିଜେପି ଓ ବିଜେଡି କେତେ ଶହ କୋଟି ଖର୍ଚ୍ଚ କରିବେ ପ୍ରସ୍ତୁତ ରହନ୍ତୁ ବୋଲି ସେ ଆହ୍ୱାନ ଦେଇଥିଲେ। ନୂଆପଡା ଉପନିର୍ବାଚନ ପାଇଁ କଂଗ୍ରେସ ୱାର ରୁମ କାର୍ଯ୍ୟ ଆରମ୍ଭ ହୋଇଗଲାଣି। ୬ ଟି ଯୋନ ରେ ୬ ଟି କମିଟି ହୋଇସାରିଲାଣି। ଆସନ୍ତା ୫ କିମ୍ବା ୬ ତାରିଖ…

ଟିଭିକେ ବିଜୟ ରାଲିରେ ଦଳାଚକଟା : କରୁରରେ ଏକ ରାଜନୈତିକ ରାଲିରେ ହୋଇଥିବା ଦୁଃଖଦ ଦଳାଚକଟା ଘଟଣାର ତଦନ୍ତ ପାଇଁ ତାମିଲନାଡୁ ସରକାର ଜଣିକିଆ ତଦନ୍ତ କମିଟ ଗଠନ କରିଛନ୍ତି। ପୂର୍ବତନ ହାଇକୋର୍ଟ ବିଚାରପତି ଅରୁଣା ଜଗଦୀସନଙ୍କ ଅଧ୍ୟକ୍ଷତାରେ ଏକ ସଦସ୍ୟ ବିଶିଷ୍ଟ ତଦନ୍ତ କମିଶନ ଗଠନ କରିଛନ୍ତି। ଗତକାଲି ଅଭିନେତାରୁ ରାଜନେତା ହୋଇଥିବା ଏବଂ ଦଳର ପ୍ରତିଷ୍ଠାତା ବିଜୟଙ୍କୁ ସ୍ୱାଗତ କରିବା ପାଇଁ ତାମିଲଗା ଭେଟ୍ରି କାଝାଗମ (ଟିଭିକେ) ଦ୍ୱାରା ଆୟୋଜିତ ଏକ ବିଶାଳ ସମାବେଶ ସମୟରେ ଦଳାଚକଟା ଘଟଣା ଘଟିଥିଲା। ଯେଉଁଥିରେ 40 ଜଣଙ୍କର ମୃତ୍ୟୁ ହୋଇଛି। ଡାକ୍ତରୀ ଶିକ୍ଷା ନିର୍ଦ୍ଦେଶକଙ୍କ ଅନୁଯାୟୀ, ବର୍ତ୍ତମାନ 80 ଜଣ ବ୍ୟକ୍ତି ବିଭିନ୍ନ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ସମସ୍ତ ମୃତ ପୀଡିତଙ୍କ ଚିହ୍ନଟ ପ୍ରକ୍ରିୟା ସମାପ୍ତ ହୋଇଛି ଏବଂ ସେମାନଙ୍କ ପାର୍ଥିବ ଶରୀର ସେମାନଙ୍କ ପରିବାରକୁ ହସ୍ତାନ୍ତର କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଧାନମନ୍ତ୍ରୀଙ୍କ ଜାତୀୟ ରିଲିଫ ପାଣ୍ଠିରୁ ପ୍ରତ୍ୟେକ ମୃତକଙ୍କ ନିକଟତମ…

ଭୁବନେଶ୍ବର: କେତେବେଳେ ରାତି ଅଧରେ କେତେବେଳେ ଛୁଟିରେ ସରକାରୀ କାମ କରି ବେଶ ଚର୍ଚ୍ଚାରେ ଅଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ଠିକ ସେହିପରି ଆଜି ପୂଜା ଓ ରବିବାର ଛୁଟି ଥିବା ବେଳେ ଲୋକସେବା ଭବନରେ କାର୍ଯ୍ୟ କରୁଛନ୍ତି ମୁଖ୍ୟମନ୍ତ୍ରୀ। ନିଜ ମୁଖ୍ୟମନ୍ତ୍ରୀ କାର୍ଯ୍ୟାଳୟର ବରିଷ୍ଠ ଅଧିକାରୀଙ୍କ ସହିତ ସେ କେତେକ ଫାଇଲରେ ଦସ୍ତଖତ କରିଥିବାର ଜଣାପଡିଛି। ତେବେ ଏ ନେଇ ଖୋଦ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ସାମାଜିକ ଗଣମାଧ୍ୟମରେ ସୂଚନା ପ୍ରଦାନ କରାଯାଇଛି। ସେଥିରେ ଲେଖାଯାଇଛି ଯେ, “ସେବା ହିଁ ସଂକଳ୍ପ: ଲୋକଙ୍କ ପାଇଁ ଅବିରତ କାର୍ଯ୍ୟରତ ଲୋକଙ୍କ ମୁଖ୍ୟମନ୍ତ୍ରୀ ଲୋକଙ୍କ ସୁବିଧା ପାଇଁ ପୂଜା ଛୁଟିରେ ସରକାରୀ କାର୍ଯ୍ୟ କରିବା ସହିତ ମୁଖ୍ୟଶାସନ ସଚିବ ଓ ଅନ୍ୟ ବରିଷ୍ଠ ଅଧିକାରୀଙ୍କ ସହ ବିଭିନ୍ନ ବିକାଶମୂଳକ ଯୋଜନା ସମ୍ପର୍କରେ ଆଲୋଚନା କରିଛନ୍ତି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ।” Flipkart Announces ‘Shubh Muhurat Deals’ With Astrotalk

ଭୁବନେଶ୍ବର: ରାଜ୍ୟର ଅନ୍ୟତମ ଓଡିଆ ନ୍ୟୁଜ ଚ୍ୟାନେଲ କଳିଙ୍ଗ ଟିଭିରେ ହଲଚଲ। କାରଣ ଏହି ଟିଭିରେ ଯିଏ ମୁଖ୍ୟ ଭାବରେ କାର୍ଯ୍ୟ କରୁଥିଲେ, ଶେଷରେ ତାଙ୍କୁ ବିଦା ହେବାକୁ ପଡିଛି। ସେ ହେଉଛନ୍ତି ଚ୍ୟାନେଲ ସିଇଓ ହିମାଂଶୁ ଖଟୁଆ। ଚ୍ୟାନେଲ ବୋର୍ଡ ବୈଠକରେ ତାଙ୍କୁ ବିତାଡିତ କରାଇଛି ବୋଲି ଘୋଷଣା କରାଯାଇଛି। ଶ୍ରୀ ଖଟୁଆ ଚ୍ୟାନେଲ ପ୍ରତିଷ୍ଠା ଦିନରୁ କାର୍ଯ୍ୟ କରୁଥିଲେ। ମୁଖ୍ୟତଃ ସେ ଓଡିଆ ଚଳଚିତ୍ର ଜଗତର ପ୍ରମୁଖ ବ୍ୟକ୍ତିତ୍ବ ହୋଇଥିଲେ ମଧ୍ୟ ନ୍ୟୁଜ ମିଡିଆ ଉପରେ କିଛି ଜ୍ଞାନ ନ ଥିଲା। ତଥାପି ତାଙ୍କୁ ଚ୍ୟାନେଲ ମୁଖ୍ୟ ଭାବେ ଅବସ୍ଥାପିତ କରାଯାଇଥିଲା। ଚ୍ୟାନେଲ ବର୍ତ୍ତମାନ 10 ବର୍ଷ ଉପରେ ହୋଇଯାଇଥିଲେ ମଧ୍ୟ ତାଙ୍କ ଦ୍ବାରା କୌଣସି ଉନ୍ନତି ହୋଇପାରିଲା ନାହିଁ, ବରଂ ଦିନକୁ ଦିନ ବ୍ୟୟଭାର ଅଧିକ ହେବାରେ ଲାଗିଲା। ଏହାକୁ ନେଇ କୁଆଡେ କିଟ ଓ କିସ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ଅସନ୍ତୁଷ୍ଠ ହୋଇପଡିଲେ। ନୟାପଲ୍ଲୀ…

ଭୁବନେଶ୍ବର: ନୂଆପଡା ନିର୍ବାଚନ ମଣ୍ଡଳୀରେ ଉପନିର୍ବାଚନ ହେବ। ହେଲେ କେବ ହେବ ତାହା ଘୋଷଣା କରାଯାଇ ନାହିଁ। କିନ୍ତୁ ସେହି ଉପନିର୍ବାଚନରେ କେଉଁଦଳରୁ କିଏ ପ୍ରାର୍ଥୀ ହେବ ସେ ନେଇ ଆଶା ଆଶଙ୍କା ଲାଗିରହିଛି। ବିଜେଡି ତରଫରୁ ରାଜେନ୍ଦ୍ର ଢୋଲକିଆଙ୍କ ପୁତ୍ର ଜୟ ଢୋଲକିଆ ପ୍ରାର୍ଥୀ ହେବେ। ଏ ନେଇ ବିଜେଡି ସୁପ୍ରିମୋ ନବୀନ ପଟ୍ଟନାୟକ କୁଆଡେ ତାଙ୍କୁ ସବୁଡ ସଙ୍କେତ ଦେଇସାରିଲେଣି। ସେହିପରି କଂଗ୍ରେସରୁ ଘାସିରାମ ମାଝୀ ଛିଡା ହେବାର ସମ୍ଭାବନା ରହିଛି। ଏପରି ପରିସ୍ଥିତିରେ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ଏକ ବିବୃତି ଦେଶ ଚର୍ଚ୍ଚାକୁ ଆସିଛି। ତାହା ହେଲା ଯେ, ବିଜେପି ନୂଆପଡାରେ ଜିତିବ। ଆଜି ଏକ ସାକ୍ଷାତକାରରେ ସାମଲ କହିଛନ୍ତି ଯେ, ନୂଆପଡା ଲୋକେ ଚାହୁଁଛନ୍ତି ସେଠାରେ ବିଜେପି ଆସୁ। ସେହି ଅଞ୍ଚଳର ଯେପରି ବିକାଶ ହେବାକଥା ତାହା ହୋଇପାରି ନାହିଁ। ସେଠାରେ ବିଜେପି ଆସିବ ଆମେ ଯଶ୍ବସୀ ହେବୁ ବୋଲି କହିଛନ୍ତି। ତେବେ…

ଭୁବନେଶ୍ବର: ଓଏଏସ ପାଇବା ଏକ ଭାଗ୍ୟର କଥା ବୋଲି କୁହାଯାଏ। କାରଣ ଏହି ପଦବୀ ପାଇବା ପାଇଁ ସମସ୍ତେ ବହୁ ଚେଷ୍ଠା କରିଥାନ୍ତି। ହେଲେ ସମସ୍ତେ ଏଥିରେ କୃତ କାର୍ଯ୍ୟ ହୋଇପାରନ୍ତି ନାହିଁ। ତେବେ ଯେଉଁମାନେ କୃତକାର୍ଯ୍ୟ ହୁଅନ୍ତି ସେମାନଙ୍କ ପରିବାର ବର୍ଗଙ୍କ ଛାତି କୁଣ୍ଢେ ମୋଟ ହୋଇଯାଏ। କେବଳ ପରିବାର ନୁହେଁ ବନ୍ଧୁବାନ୍ଧବ ସମସ୍ତେ ତାଙ୍କୁ ନେଇ ଗର୍ବ କରନ୍ତି। ହେଲେ ଗୋଟିଏ ଘରୁ ଯେତେବେଳେ ତିନିଜଣ ଓଏଏସ ପାଆନ୍ତି ସେତେବେଳେ କଣ ହେବ। ଏହିପରି ଏକ ଗର୍ବର କଥା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲାର ସୀମାରେ ଥିବା ଶ୍ରୀରାମ ଗ୍ରାମ। ଏହି ଗ୍ରାମର ସୌରଭ ରଂଜନ ବାଗ୍ ଚଳିତ ଥର ଓଏଏସ ହାସଲ କରିଛନ୍ତି। ସେ ୩୦୯ ରାଙ୍କ ରଖି ଉତିର୍ଣ୍ଣ ହୋଇଛନ୍ତି। ତେବେ ତା ପୂର୍ବରୁ ତାଙ୍କ ଭଉଣୀ ଦୀପ୍ତିରେଖା ବାଗ ଗତ ବର୍ଷ ଓଏଏସ ପାଇଛନ୍ତି। ସେ ୧୭୮ ରାଙ୍କ ପାଇଁ ବର୍ତ୍ତମାନ ଓଡିଶା ସରକାରଙ୍କ…

ନୂଆଦିଲ୍ଲୀ: ଆମ ଦେଶରେ ଅଛି ଏପରି ଗାଁ, ଯେଉଁ ଗାଁର ପ୍ରତି ପରିବାରରୁ ଜଣେ ନିଶ୍ଚିତ ଭାବେ ଭାରତର ସେନା ବାହିନୀରେ ଯୋଗ ଦେଇଛନ୍ତି। ସେଥିପାଇଁ ଏହି ଗାଁକୁ କୁହାଯାଇଛି ସୈନିକ ଗାଁ। ଏବେ ନୁହେଁ ବହୁ ବର୍ଷରୁ ଏହି ଗାଁ ର ଯୁବକ ସୈନ୍ୟ ବାହିନୀରେ ଯୋଗ ଦେଇଛନ୍ତି। ଆଉ ଅନେକ ମଧ୍ୟ ସେ ସମୟରେ ବିଶ୍ବ ଯୁଦ୍ଧରେ ମଧ୍ୟ ପ୍ରାଣ ହରାଇଛନ୍ତି। ଏପରି ଗୋଟିଏ ଐତିହାସିକ ଗାଁ ହେଉଛି ଉତ୍ତର ପ୍ରଦେଶ ଗାଜିପୁରରୁ 40 କିଲୋମିଟର ଦୂରରେ ଥିବା ଗାହମାର ଗ୍ରାମ। ଏହି ଗ୍ରାମକୁ ଲାଗି ରହିଛି ଗୋଟିଏ ଛୋଟ ଷ୍ଟେସନ ଯାହା ଦୀନଦୟାଲ ଉପଧ୍ୟାୟ ଜଙ୍କସନ ବା ମୋଗଲସରାଇ ଜଙ୍କସନ ର ଅଳ୍ପ ଦୂରରେ ରହିଛି। ତେବେ ଏହି ଗ୍ରାମ କେବଳ ସୈନିକ ପାଇଁ ନୁହେଁ ଏହା ବର୍ତ୍ତମାନ ଏସିଆର ଏକ ବଡ ଗାଁ ଭାବେ ମାନ୍ୟତା ପାଇଛି। କାରଣ ଏହି ଗାଁ ର ବର୍ତ୍ତମାନ ଲୋକ…