Tag: accident

ସମୀକ୍ଷା ବ୍ୟୁରୋ

ବାଲେଶ୍ବର : ଆଜି ଭୋର ସମୟରେ ବାଲେଶ୍ବର ରାସ୍ତାରେ ଏକ ଅଭାବନୀୟ ଘଟଣା ଘଟିଛି। ବାଲେଶ୍ବର ଏନ୍‌ଏଚ-60 ଫୁଲାଡି ନିକଟରେ ଭୋରରୁ ଏକ ସଡକ ଦୁର୍ଘଟଣା ଘଟିଛି । ଏଥିରେ ଜଣକର ମୃତ୍ୟୁ ହୋଇଥିବାବେଳେ ଆଉ ଜଣେ ଗୁରୁତର ହୋଇଛନ୍ତି । ରାସ୍ତାରେ ଛିଡା ହୋଇଥିବା ଟ୍ରକକୁ ଏକ କାର୍‌ ପିଟିବାରୁ ଡ୍ରାଇଭର ଜଣକର ମୃତ୍ୟୁ ହୋଇଛି । କାର୍‌ରେ ଥିବା ଅନ୍ୟ ଜଣେ ଗୁରୁତର ହୋଇ ବାଲେଶ୍ବର ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି ହୋଇଛନ୍ତି।

ସମୀକ୍ଷା ବ୍ୟୁରୋ

ଖୋର୍ଦ୍ଧା: କରୋନା ସହ ମୁକାବିଲା କରିବା ପାଇଁ ସାରା ଦେଶରେ ଲକ୍‌ ଡାଉନ୍‌ ଜାରି ରହିଛି । ରାସ୍ତା ଘାଟ ଶୂନ୍‌ଶାନ ରହୁଥିବାବେଳେ ବି ଦୁର୍ଘଟଣା ପରି ଘଟଣା ଦେଖିବାକୁ ମିଳିଛି । ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅଞ୍ଚଳରେ ଏକ ସଡକ ଦୁର୍ଘଟଣା ଘଟିଯାଇଛି । ଏଥିରେ ଦୁଇଜଣଙ୍କର ମୃତ୍ୟୁ ହୋଇଛି ।

ମିଳିଥିବା ସୂଚନା ଅନୁସାରେ ବାଇକ୍‌କୁ ଧକ୍କା ଦେଇ ଟ୍ରକ୍‌ ସହ ଏକ କାର୍‌ ପିଟି ହୋଇଯାଇଛି   ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଛି। ନିରାକାରପୁର ଥାନା ରାମେଶ୍ବର ପେଟ୍ରୋଲ୍‌ ପମ୍ଫ ପାଖରେ ଏହି ଦୁର୍ଘଟଣା ଘଟିଛି। ଘଟଣାସ୍ଥଳରେ କାର୍‌ ଓ ବାଇକ ଚାଳକଙ୍କ ମୃତ୍ୟୁ ହୋଇଥିବାବେଳେ ମୃତକଙ୍କ ପରିଚୟ ମିଳିପାରିନାହିଁ ।

କନ୍ଦର୍ପ ବେହେରା

ରେଢାଖୋଲ: ଏକ ଅଜଣା ଗାଡ଼ି ଧକ୍କାରେ ଜନୈକ ଯୁବକର ମୃତ୍ୟୁ ହୋଇଥିବାର ସୂଚନା ମିଳିଛି। ରେଢାଖୋଲ ଥାନା ଲୁହାପଙ୍କ ଗ୍ରାମପଞ୍ଚାୟତର କୁସୁମେଖାଳ ଗ୍ରାମର ପଚିଶ ବର୍ଷୀୟ କଳ୍ପତରୁ ବେହେରା (କାଳିଆ) କୌଣସି ଏକ କାମରେ କିଶୋର ନଗର ଯାଇଥିଲେ। ସେଠାରୁ କାମ ସାରି ସନ୍ଧ୍ୟା 7ଟାରେ ଘରକୁ ଫେରୁଥିବାବେଳେ ଲୁହାପଙ୍କ ନିକଟସ୍ଥ ଜାତୀୟ ରାଜପଥ 55ର କୁଟାସିଂଙ୍ଗା ଗ୍ରାମ ନିକଟରେ ଅଜଣା ଗାଡ଼ି ଧକ୍କା ଦେଇ ଫେରାର ହୋଇଯାଇଛି। ଘଟଣାସ୍ଥଳରେ କଳ୍ପତରୁଙ୍କ ମୃତ୍ୟୁ ହୋଇଯାଇଛି।

ଗାଡି ଧକ୍କାରେ ଅନ୍ତଃବୁଜୁଳା ବାହାରି ପଡିବା ସହ ମୁଣ୍ଡରେ ଗଭୀର ଆଘାତ ଲାଗି ପ୍ରବଳ ରକ୍ତସ୍ରାବ ହୋଇ ତାଙ୍କର ମୃତ୍ୟୁ ଘଟିଛି। କୁଟାସିଙ୍ଗାର ମାହେଶ୍ବର ହୋଟେଲ ପାଖରେ ଏହି ଘଟଣାଟି ଘଟିଛି। ତେବେ କେଉଁଭଳି ସ୍ଥିତିରେ ଗାଡି ଧକ୍କା କରିଛି ସେ ସମ୍ପର୍କରେ ଜଣାପଡିନାହିଁ। ସେହିପରି ଏହି ଘଟଣାର କେହି ପ୍ରତ୍ୟକ୍ଷଦର୍ଶୀ ନଥିବାରୁ ଧକ୍କା ଦେଇଥିବା ଗାଡିକୁ ପୋଲିସ୍‌ ଧରିବାରେ ସକ୍ଷମ ହୋଇପାରିନାହିଁ।

ସମୀକ୍ଷା ବ୍ୟୁରୋ

ଭଦ୍ରକ : ଜଣେ ଯୁବକ ଉଦ୍ଧାର ପାଇଁ ଆକୁଳ ଚିତ୍କାର କରୁଥିବାବେଳେ  ସେଠାରେ ଉପସ୍ଥିତ ଥିବା ଲୋକେ ଉଦ୍ଧାର ନ କରି ଶୁଟିଂରେ ବ୍ୟସ୍ତ ରହି ଅମାନବିକତାର ପରିଚୟ ଦେଇଛନ୍ତି। ଆଜିର ସମୟରେ ମୋବାଇଲ୍‌ରେ ଭିଡିଓ ସୁଟିଂ କରିବାକୁ ଏକ ଫ୍ୟାଶନ୍‌ ଭାବେ ଗ୍ରହଣ କରିଥିବା ଏହି ଲୋକମାନଙ୍କ ପାଖରେ ମାନବିକତା ପୂରାପୂରି ମରି ସାରିଲାଣି। ଏହିପରି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି ଭଦ୍ରକଠାରେ।

ଭଦ୍ରକ ୧୬ ନମ୍ବର ଏନ୍‌ଏଚ୍‌ ସାହାପୁର ନିକଟରେ ଏକ ଦୁର୍ଘଟଣା ଘଟିଥିଲା। ଏହି ଦୁର୍ଘଟଣାରେ  ଜଣେ ଯୁବକ ଗଭୀର ଆହତ ହୋଇ ଉଦ୍ଧାର ପାଇଁ ଆକୁଳ ଚିତ୍କାର କରୁଥିବା ସତ୍ତ୍ବେ ଯୁବକଙ୍କୁ ସାହାଯ୍ୟ କରିବା ପରିବର୍ତ୍ତେ ମୋବାଇଲ୍‌ରେ ଫଟୋ ଓ  ଶୁଟିଂରେ କରିବାରେ ବ୍ୟସ୍ତ ରହି ନିଜ ଅମାନବିକତାର ପ୍ରମାଣ ଦେଇଛନ୍ତି କିଛି ଲୋକେ।

ମିଳିଥିବା ସୂଚନା ଅନୁସାରେ, ଭଦ୍ରକ ୧୬ ନମ୍ବର ଏନଏଚ୍‌ ସାହାପୁରଠାରେ ବାଇକ୍‌ରେ ଯାଉଥିବା ଦୁଇ ଜଣଙ୍କୁ ଧକ୍କା ଦେଇଥିଲା ଟ୍ରକ। ଏହି ଧକ୍କାରେ ଜଣେ ଛିଟିକି ପଡିଥିବାବେଳେ ଅନ୍ୟ ଜଣଙ୍କ ଅଣ୍ଟାରେ ଚଢିଯାଇଥିଲା ଟ୍ରକ। ଅଣ୍ଟାରେ ଚଢି ଯାଇଥିବା ଯୁବକ ଜଣକ ଉଦ୍ଧାର ପାଇଁ ଆକୁଳ ଚିତ୍କାର କରିଥିଲେ। ତାଙ୍କ ଚିତ୍କାର ଶୁଣି  ଉପସ୍ଥିତ ଥିବା ଲୋକେ ଉଦ୍ଧାର ନ କରି ମୋବାଇଲ୍‌ ସୁଟିଂରେ ବ୍ୟସ୍ତ ଥିଲେ। ଗୁରୁତର ଯୁବକଙ୍କୁ ଉଦ୍ଧାର ନ କରି ମୋବାଇଲ୍‌ରେ ସୁଟିଂରେ ବ୍ୟସ୍ତ ରହିଥିଲେ ଲୋକେ। ମେଡ଼ିକାଲ ଯିବାରେ ବିଳମ୍ବ ହେତୁ ଯୁବକଙ୍କ ଶୋଚନୀୟ ମୃତ୍ୟୁ ଘଟିଛି। ଖବର ପାଇ ପୋଲିସ୍‌ ପହଞ୍ଚି ଯୁବକଙ୍କୁ ମେଡ଼ିକାଲ ନେଇଥିଲା। କିନ୍ତୁ ମେଡ଼ିକାଲ ଯିବାରେ ବିଳମ୍ବ ହେତୁ ଯୁବକଙ୍କ ଶୋଚନୀୟ ମୃତ୍ୟୁ ଘଟିଛି। ମେଡ଼ିକାଲରେ ପହଞ୍ଚିବା ବେଳକୁ ଅତ୍ୟଧିକ ରକ୍ତସ୍ରାବ ଯୋଗୁଁ ତାଙ୍କର ମୃତ୍ୟୁ ଘଟିଛି।

ଦୁର୍ଘଟଣାରେ ଶିକାର ହୋଇଥିବା ବ୍ୟକ୍ତିଙ୍କୁ ସାହାଯ୍ୟ କଲେ ସରକାରଙ୍କ  ତରଫରୁ ପୁରସ୍କାର ରାଶି ମିଳିବା ସହିତ ସେମାନଙ୍କୁ କୌଣସି ପ୍ରକାରର ଆଇନ ଜାଲର ସମ୍ମୁଖୀନ ହେବାକୁ ପଡିବ ନାହିଁ ବୋଲି ସରକାରୀ ନିର୍ଦ୍ଦେଶ ରହିଥିଲେ ମଧ୍ୟ ଉପସ୍ଥିତ ଲୋକମାନଙ୍କର ଏପରି ସ୍ବାର୍ଥପର ମନୋଭାବକୁ ସତରେ ଅମାନବୀୟ ।

କନ୍ଦର୍ପ ବେହେରା
ରେଢାଖୋଲ: ଅନୁଗୋଳରୁ ସମ୍ବଲପୁର ଯାଉଥିବା ଗରୁଡ ବସ୍ ସହ ସମ୍ବଲପୁରରୁ କଟକ ଆସୁଥିବା ଡାଲି ବୋଝଇ ଟ୍ରକ୍ ସହ ମୁହାଁ ମୁହିଁ ଧକ୍କା ହେବାଫଳରେ ୧୦ ଜଣ ଆହତ ହୋଇଥିବା ଖବର ହସ୍ତଗତ ହୋଇଛି।

ପ୍ରକାଶ ଯେ, ଗତକାଲି ୬ ଘ. ସମୟରେ ଅନୁଗୋଳରୁ ସମ୍ବଲପୁର ଯାଉଥିବା ଯାତ୍ରୀବାହୀ ଗରୁଡ ବସ୍ ମୋଚିବାହାଳ ନିକଟରେ ସମ୍ବଲପୁରରୁ କଟକ ଅଭିମୁଖେ ଆସୁଥିବା ଡାଲି ବୋଝେଇ ଟ୍ରକ ସହ ଧକ୍କା ହୋଇଥିଲା। ଏହି ଦୁର୍ଘଟଣାରେ ବସ୍ ଯାତ୍ରୀ ୧୬ ଜଣ ହୋଇଛନ୍ତି। ୧୦ ଜଣ ଆହତଙ୍କୁ ୨ ଟି ଆମ୍ବୁଲାନସରେ ବୁର୍ଲା ଡାକ୍ତରଖାନାକୁ ପଠାଯାଇଥିବା ବେଳେ ୩ ଜଣଙ୍କୁ ଚାରମାଳ ଏବଂ ଆଉ ୩ ଜଣଙ୍କୁ ରେଢାଖୋଲ ଡାକ୍ତରଖାନାକୁ ପଠାଯାଇଛି ବୋଲି ଚାରମାଳ ପୋଲିସ୍ ସୂତ୍ରରୁ ପ୍ରକାଶ।

ସମୀକ୍ଷା ବ୍ୟୁରୋ

ଚାନ୍ଦବାଲି : ଚାନ୍ଦବାଲି ନିକଟରେ ବିଦ୍ୟୁତ ତାର ଛିଣ୍ଡି ପଡ଼ିବାରୁ ଜଳି ଗଲା ବାଇକ୍‌ । ଅଳ୍ପକେ ବର୍ତ୍ତିଯାଇଛନ୍ତି ଦାଦା-ପୁତୁରା, ସାମାନ୍ୟ ଆହତ ହୋଇଛନ୍ତି । ଧାମରା ଥାନା ଗୁଆଁଳ ନିକଟରେ ଏହି ଦୁର୍ଘଟଣା ଘଟିଛି । ନିକଟସ୍ଥ ବଜାରକୁ ଯାଉଥିବାବେଳେ ବିଦ୍ୟୁତ ଖୁଣ୍ଟରୁ ଛିଣ୍ଡି ପଡିଥିଲା ତାର । ଗତକାଲି ବ୍ରହ୍ମପୁରରେ ବସରେ ୧୧କେଭି ତାର ଲାଗି ବସ୍‌ଟି ଜଳିଯାଇଥିବାବେଳେ 10 ଜଣଙ୍କ ମୃତ୍ୟୁ ହୋଇଛି । ଏଥିରେ 35ରୁ ଉର୍ଦ୍ଧ୍ଵ ଲୋକ ଗୁରୁତର ହୋଇଛନ୍ତି। ସେମାନଙ୍କ ମଧ୍ୟରୁ ସାତଜଣ କଟକ ଏସ୍‌ସିବିରେ ଚିକିତ୍ସିତ ହେଉଥିବାବେଳେ ଜଣଙ୍କ ଅବସ୍ଥା ସଂକଟାପନ୍ନ ରହିଛି।