ବାଣପୁର: ପବିତ୍ର ରଥଯାତ୍ରା ଅବସରରେ ଆଜି ଖୋର୍ଦ୍ଧା ଜିଲ୍ଲା ବାଣପୁର ବଜାରରେ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ଏବଂ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ର ମିଳିତ ଆନୁକୂଲ୍ୟରେ ରଥଯାତ୍ରା ସେବା କାର୍ଯ୍ୟ ଅନୁଷ୍ଠିତ ହୋଇଯାଇଛି। ଶ୍ରୀ ଶ୍ରୀ ରଙ୍କନାଥ ଦେବଙ୍କ ରଥଯାତ୍ରା ଉପଲକ୍ଷେ ବାଣପୁର ବଜାର ସାହିରେ ଉକ୍ତ ସେବାକାର୍ଯ୍ୟର ଆୟୋଜନ କରାଯାଇଥିଲା। ଉଭୟ ସଂଗଠନ ପକ୍ଷରୁ ଭକ୍ତମାନଙ୍କୁ ଲେମ୍ବୁ ପଣା ଓ ପାନୀୟ ଜଳ ବିତରଣ କରାଯାଇଥିବା ବେଳେ ସ୍ୱଛତାର ଧ୍ୟାନ ମଧ୍ୟ ରଖାଯାଇଥିଲା ଏବଂ ଭକ୍ତଙ୍କୁ ସଚେତନ କରାଯାଇଥିଲା।
ପ୍ରତିକୂଳ ପାଗ ସତ୍ବେ ଶହ ଶହ ଭକ୍ତ ଉକ୍ତ ରଥଯାତ୍ରାରେ ସାମିଲ ହୋଇଥିବାବେଳେ ସମସ୍ତେ ଆଗ୍ରହର ସହ ଲେମ୍ବୁ ପଣା ପାନ କରିଥିଲେ।
ଉକ୍ତ କାର୍ଯ୍ୟକ୍ରମରେ ଆରଏସଏସ ବାଣପୁର ଖଣ୍ଡ କାର୍ଯ୍ୟବାହ ପ୍ରଶାନ୍ତ ସୁପକାର, ଖଣ୍ଡ ପ୍ରଚାର ପ୍ରମୁଖ ସୀତାରାମ ଅଗ୍ରୱାଲ, ଶକ୍ତିପ୍ରସାଦ ମିଶ୍ର, କୀର୍ତ୍ତିରଞ୍ଜନ ଖୁଣ୍ଟିଆ,ଦେବଶ୍ରିତ ପ୍ରଧାନ,ରୁପେଶ ସେନାପତି ଏବଂ ଅନ୍ୟ ସ୍ୱୟଂସେବକ ଓ ବିଦ୍ୟାର୍ଥୀ ପରିଷଦର କାର୍ଯ୍ୟକର୍ତାମାନେ ସାମିଲ ହୋଇଥିଲେ।