ବାଣପୁର: ଶୁକ୍ରବାର ଦିନ ଗୋଦାବରୀଶ ମହାବିଦ୍ୟାଳୟରେ ଶକ୍ତିଶ୍ରୀ ସଶକ୍ତିକରଣ କୋଷ ପକ୍ଷରୁ ଲିଙ୍ଗ ଭିତ୍ତିକ ହିଂସା ଉପରେ ଓରିଏଣ୍ଟିଏସନ ତଥା ସେମିନାର ଅନୁଷ୍ଠିତ ହୋଇଯାଇଛି। କଲେଜ ଅଧ୍ୟକ୍ଷ ଡକ୍ଟର ସୁର ପ୍ରତାପ ନରେନ୍ଦ୍ର ସିଂହ ବର୍ମାଙ୍କ ଅଧ୍ୟକ୍ଷତାରେ ଉକ୍ତ ସେମିନାର ଅନୁଷ୍ଠିତ ହୋଇଛି।
ମହିଳା ସଶକ୍ତିକରଣ, ସୁରକ୍ଷା ଓ ଲିଙ୍ଗ ସମାନତା ସମ୍ପର୍କରେ ଛାତ୍ରୀମାନଙ୍କୁ ସଚେତନ କରିବା ଉଦ୍ଧେଶ୍ୟରେ ଶକ୍ତିଶ୍ରୀ ସଶକ୍ତିକରଣ କୋଷ ପକ୍ଷରୁ “ଲିଙ୍ଗ ଭିତ୍ତିକ ହିଂସା “(Gender Based Violence) ଉପରେ ଓରିଏଣ୍ଟସନ ସହ ସେମିନାର ହୋଇଥିଲା।
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବାଣପୁରସ୍ଥିତ ନେହେରୁ ସେବା ସଂଘର ସେକ୍ରେଟାରୀ ସରୋଜିନୀ ଦାଶ ଯୋଗ ଦେଇଥିଲେ। କଲେଜର ଅଧ୍ୟକ୍ଷ ଡକ୍ଟର ସୁର ପ୍ରତାପ ନରେନ୍ଦ୍ର ସିଂହ ବର୍ମା, ପ୍ରଶାସନିକ ମୁଖ୍ୟ ଆଦିତ୍ୟ ସାରଥୀ ବେଦମତା, ଶକ୍ତିଶ୍ରୀ ସଂଯୋଜିକା ମାନସ୍ପିତା ପାଳ ଓ କଲେଜର ଅନେକ ଅଧ୍ୟାପକ, ଅଧ୍ୟାପିକାମାନେ ଏହି ସେମିନାରରେ ଯୋଗ ଦେଇ ମହିଳାଙ୍କ ଅଧିକାର, ଆଇନ ଗତ ସୁରକ୍ଷା ଓ ଲିଙ୍ଗ ଭିତ୍ତିକ ହିଂସାର ସାମାଜିକ ଓ ମାନସିକ ପ୍ରଭାବ ବିଷୟରେ ବିସ୍ତୃତ ଆଲୋଚନା କରିଥିଲେ।
ଶକ୍ତିଶ୍ରୀ ସାଥି ସ୍ମୃତି ସମ୍ବର୍ଦ୍ଧନା L. G. B. T. Q ରିସର୍ଚ୍ଚ ଉପରେ ଗଭୀର ଆଲୋକପାତ କରିଥିଲେ। ଏହି ସଭାରେ ୧୩୦ ରୁ ଉର୍ଦ୍ଧ୍ଵ ଛାତ୍ରଛାତ୍ରୀ ଉପସ୍ଥିତ ରହି ପ୍ତଶ୍ନ ଉତ୍ତର କାର୍ଯ୍ୟକ୍ରମକୁ ସଫଳ କରିଥିଲେ। ସଂଯୋଜନାଙ୍କ ତଥ୍ୟବଧାନରେ କାର୍ଯ୍ୟକ୍ରମଟି ସୁଚାରୁରୂପେ ପରିଚାଳିତ ହୋଇଶେଷରେ କୋଷର ସଭ୍ୟା ଶୁଭଶ୍ରୀ ସୁବୁଦ୍ଧି ଧନ୍ୟବାଦ ଅର୍ପଣ ସହ କାର୍ଯ୍ୟକ୍ରମର ସମାପନ ଘୋଷଣା କରାଯାଇଥିଲା।