ରଞ୍ଜିତ ପଣ୍ଡା
କୁଜଙ୍ଗ: ଗୁରୁବାର ସନ୍ଧ୍ୟାରେ କୁଜଙ୍ଗରେ ତୁହାକୁ ତୁହା ବର୍ଷା ସହ ପ୍ରାୟ ୫୦ କିମି ବେଗରେ ପବନ ବହିଛି। ଏହି ସମୟରେ ବିଜୁଳି ସହ ବର୍ଷା ପବନରେ ବହୁ ଅଂଚଳରେ ଗଛ ମଧ୍ୟ ଉପୁଡି ପଡିଛି। କୁଜଙ୍ଗ ତହସିଲର କିଛି କର୍ମଚାରୀ କାମ ସାରି ବାଇକ୍ ଯୋଗେ ଫେରୁଥିବା ବେଳେ କଟକ-ପାରାଦ୍ୱୀପ ରାସ୍ତାରେ ଗଛ ପଡି ଆହତ ହୋଇଥିବା ସୂଚନା ମିଳିଛି। କୁଜଙ୍ଗ ତହସିଲର ବରିଷ୍ଠ କ୍ଲର୍କ ଲାଲା ଅମରେନ୍ଦ୍ର ରାୟ, କିରାଣୀ ବନବିହାରୀ ପ୍ରଧାନ, ଗୁରୁ ପ୍ରସାଦ ରାଉତ ବାଇକରେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି। ଗଛର ଡାଳ ପଡି ଲାଲା ଅମରେନ୍ଦ୍ର ରାୟଙ୍କ ହାତ ଭାଙ୍ଗି ଯାଇଥିବା ବେଳେ ବନବିହାରୀ ପ୍ରଧାନ ଗୁରୁତର ହୋଇଥିବା ଜଣାପଡିଛି। ଏହି ଅବସରରେ ଅନ୍ୟ ଜଣେ କର୍ମଚାରୀ ଗୁରୁ ପ୍ରସାଦ ରାଉତଙ୍କ ଆଗରେ ମଧ୍ୟ ଗଛର ଡାଳ ପଡି ଯିବାରୁ ସେ ମଧ୍ୟ ଆହତ ହୋଇଛନ୍ତି। ବର୍ଷା ସତ୍ତ୍ୱେ ଆହତଙ୍କୁ ସ୍ଥାନୀୟ ଲୋକେ ଉଦ୍ଧାର କରି କୁଜଙ୍ଗ ମେଡିକାଲ ଭର୍ତ୍ତି କରାଇଥିଲେ।
