Author: Samikhsya Bureau

ଅହମ୍ମଦାବାଦ: ଆଜି ନରେନ୍ଦ୍ର ମୋଦୀ ଷ୍ଟାଡିୟମରେ ଚାଲିଥିବା ତୃତୀୟ ଟେଷ୍ଟରେ ଦ୍ଵିତୀୟ ଦିବସ ଖେଳ ଜାରି ରହିଛି। ପ୍ରଥମ ପାଳିରେ ଇଂଲଣ୍ଡ ସମସ୍ତ ୱିକେଟ ହରାଇ ୧୧୨ ରନ ସଂଗ୍ରହ କରିଥିଲା। ଭାରତ ଗତକାଲିର ଅସମାପ୍ତ ଖେଳ ୩ ଟି ୱିକେଟରେ ୯୯ ରନରୁ ଖେଳ ଆଜି ଆରମ୍ଭ କରି ଆଜି ମାତ୍ର ଦଳୀୟ ସ୍କୋରରେ ୪୬ ରନ ଯୋଡି ସମସ୍ତ ୱିକେଟ ହରାଇଥିଲା। ଭାରତ ପ୍ରଥମ ପାଳିରେ ସମସ୍ତ ୱିକେଟ ହରାଇ ୧୪୫ ରନ କରିବାରେ ସକ୍ଷମ ହୋଇଥିଲା। ତେଣୁ ବିରାଟ ବାହିନୀ ଇଂଲଣ୍ଡ ଦଳ ଠାରୁ ପ୍ରଥମ ପାଳିରେ ୩୩ ରନରେ ଅଗ୍ରଣୀ ଥିଲା। ତେବେ ଭ୍ରମଣକାରୀ ଦଳ ଆଜି ଦ୍ଵିତୀୟ ଇନିଂସ ଖେଳ ଆରମ୍ଭ କରିଥିଲେ ମଧ୍ୟ ପ୍ରଥମ ପାଳି ଭଳି କୌଣସି ବ୍ୟଟ୍ସମ୍ୟାନ ଲମ୍ବା ପାଳି ଖେଳିବାରେ ସକ୍ଷମ ହୋଇପାରିନାହାନ୍ତି। ରୁଟଙ୍କ ଦଳ ମାତ୍ର ୮୧ ରନରେ ସମସ୍ତ ୱିକେଟ ହରାଇ ଭାରତୀୟ ଦଳକୁ ୪୯…

ଭୁବନେଶ୍ବର: ଆଜି ରାଜଧାନୀ ଭୁବନେଶ୍ବରରୁ ୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଜିର ୯ ଆକ୍ରାନ୍ତଙ୍କ ମଧ୍ୟରୁ ୩ ଜଣ କ୍ଵାରେଣ୍ଟିନରୁ ଚିହ୍ନଟ ହୋଇଥିବା ବେଳେ ୬ ଜଣ ସ୍ଥାନୀୟ ଆକ୍ରାନ୍ତ। ଆଜିର ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରର ମୋଟ ଆକ୍ରାନ୍ତଙ୍କ ସଂଖ୍ୟା ୩୧ ହଜାର ୯୭୧ କୁ ବୃଦ୍ଧି ହୋଇଛି। ସେହିପରି ଆଜି ଭୁବନେଶ୍ବରରୁ ୬ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ଏହି ସୁସ୍ଥ ଆକ୍ରାନ୍ତକୁ ମିଶାଇ ମୋଟ ୩୧ ହଜାର ୬୨୭ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା ବେଳେ ୭୫ ଜଣ ସକ୍ରିୟ ଆକ୍ରାନ୍ତ ଚିକିତ୍ସିତ ହେଉଛନ୍ତି ଏବଂ  ୨୪୮ ଜଣ କରୋନାରେ ମୃତ୍ୟୁବରଣ କରିଛନ୍ତି।

ନୂଆଦିଲ୍ଲୀ/ଲଣ୍ଡନ: ଭାରତୀୟ ଏଜେନ୍ସିଙ୍କୁ ଆଜି ବଡ ସଫଳତା ମିଳିଛି। ପଞ୍ଜାବ ନ୍ୟାସନାଲ ବ୍ୟାଙ୍କ ଠକେଇର ମୁଖ୍ୟ ଅଭିଯୁକ୍ତ ନୀରବ ମୋଦୀ ଏବେ ଭାରତ ଆସିବ। ଲଣ୍ଡନର ଏକ ଅଦାଲତ ନୀରବ ମୋଦୀକୁ ଭାରତ ପ୍ରତ୍ୟର୍ପଣ ପାଇଁ ମଞ୍ଜୁରୀ ଦେଇଛନ୍ତି। ଅଦାଲତର ଏହି ଶୁଣାଣୀର ଚିଠି ଲଣ୍ଡନର ଗୃହ କାର୍ଯ୍ଯାଳାୟକୁ ପଠାଯିବ। ଏହାପରେ ଗୃହ କାର୍ଯ୍ଯାଳୟ ପାଖରେ ୨୮ ଦିନର ସମୟ ରହିବ। ଯେଉଁଥିରେ ଗୃହ ସଚିବ ହସ୍ତାକ୍ଷର କରିବେ। ଏହି ୨୮ ଦିନ ଭିତରେ ନୀରବ ମୋଦୀକୁ ଭାରତ ଆଣିବା ପ୍ରକ୍ରିୟା ଶେଷ ହୋଇଯିବ। କିନ୍ତୁ ନୀରବ ମୋଦୀ ପାଖରେ ଆଉ ତିନୋଟି ବିକଳ୍ପ ରହିଛି, ଯେଉଁଥିରେ ସେ ଏଥିରୁ ରକ୍ଷା ପାଇପାରିବ। ପ୍ରଥମ ବିକଳ୍ପ ହେଉଛି ସେ ସ୍ଥାନୀୟ ଅଦାଲତର ଶୁଣାଣୀ ବିରୋଧରେ ଉଚ୍ଚ ନ୍ୟାୟଳୟକୁ ଯାଇପାରିବ। ଯଦି ସେଠାରୁ ନୀରବ ମୋଦୀ ହାରି ଯାଏ, ତେବେ ସେ ସୁପ୍ରିମକୋର୍ଟକୁ ମଧ୍ୟ ଯାଇପାରିବ। ଯଦି ସେଥିରୁ ମଧ୍ୟ ବିଫଳ ହୁଏ,…

ତିରିଭୂନ୍ତପୁରମ, କେରଳ ଗସ୍ତରେ ଥିବା କଂଗ୍ରେସ ସାଂସଦ ରାହୁଳ ଗାନ୍ଧୀ ସମୁଦ୍ର ଭିତରକୁ ଲମ୍ପ ପ୍ରଦାନ କରିଛନ୍ତି। ଗତକାଲି ସେ ଏବଂ ତାଙ୍କ ସାଥୀରେ କେତେକ ମତ୍ସ୍ୟଜୀବୀ ମଧ୍ୟ ଗଭୀର ସମୁଦ୍ର ଭିତରକୁ ଲମ୍ବ ପ୍ରଦାନ କରିଥିଲେ। ତେବେ ଏହାର କିଛି କାରଣ ନ ଥିଲା। କେରଳ ନିର୍ବାଚନ ଆଗକୁ ଥିବାରୁ ରାହୁଳ ଗାନ୍ଧୀ ସେଠାକୁ ପ୍ରଚାରରେ ଯାଇଥିଲେ। ରାହୁଳ ଗାନ୍ଧୀ ସ୍ଥାନୀୟ ମତ୍ସ୍ୟଜୀବୀଙ୍କ ମନ ହରଣ କରିବା ପାଇଁ ସେ ସେମାନଙ୍କ ସହିତ ସମୁଦ୍ର ରେ ପହଁରିଥିଲେ। କେରଳର କୋଲାମ ଜିଲ୍ଲାର ଥାନାଙ୍ଗାସାରୀ ବେଳାଭୂମିରେ ରାହୁଳ ପହଁରିଥିଲେ। ସେ ପ୍ରାୟ 10 ମିନିଟ ଧରି ସମୁଦ୍ର ଭିତରେ ପହଁରିଥିଲେ।

ଭୁବନେଶ୍ୱର, ଓଡ଼ିଶା ବିଧାନସଭାର ଦୈନନ୍ଦିନ ବୈଠକରେ ସୂଚନା ପ୍ରଯୁକ୍ତି ବିଦ୍ୟାର ଉପଯୋଗ କରାଯାଇ ଏହାକୁ ଇ-ବିଧାନସଭାରେ ପରିଣତ କରିବାକୁ ପଦକ୍ଷେପ ଆରମ୍ଭ ହୋଇଯାଇଛି । ଚଳିତ ବର୍ଷ ବଜେଟକୁ ମଧ୍ୟ ଅର୍ଥମନ୍ତ୍ରୀ ବିନା କାଗଜପତ୍ରରେ ବିଧାନସଭାରେ ଆଗତ କରିଛନ୍ତି । କମ୍ପୁଟର ଏବଂ ସୂଚନା ପ୍ରଯୁକ୍ତି ବିଦ୍ୟାର ବ୍ୟାପକ ଉପଯୋଗ ହୋଇ ସୁଚାରୁରୂପେ ବିଧାନସଭାର କାର୍ଯ୍ୟବଳୀ ପରିଚାଳନା ହେବ। ଏଥି ନିମିତ୍ତ ଅନ୍ୟାନ୍ୟ ଆନୁଷଙ୍ଗିକ ପଦକ୍ଷେପ ଉପରେ ସୁପାରିଶ କରିବା ପାଇଁ ନୂଆଦିଲ୍ଲୀ ସ୍ଥିତ ପାର୍ଲାମେଣ୍ଟ ହାଉସ୍ ଠାରେ ଓଡ଼ିଶା, ଉତ୍ତରାଖଣ୍ଡ, ତେଲେଙ୍ଗାନା, ଆସାମ ଏବଂ ପଣ୍ଡିଚେରୀ ବାଚସ୍ପତିଙ୍କୁ ନେଇ ଏକ ସମ୍ମିଳନୀ ଫେବୃୟାରୀ ୨୫ ତାରିଖ ଦିନ ଅନୁଷ୍ଠିତ ହେଉଛି । ଏଥିରେ ଯୋଗ ଦେବା ପାଇଁ ଓଡ଼ିଶା ବିଧାନସଭା ବାଚସ୍ପତି ଡ଼ଃ. ସୂର୍ଯ୍ୟ ନାରାୟଣ ପାତ୍ର ଆଜି ବିମାନ ଯୋଗେ ନୂଆଦିଲ୍ଲୀ ଯାତ୍ରା କରିଛନ୍ତି । ପ୍ରକାଶଯୋଗ୍ୟ ଯେ ଷୋଡ଼ଶ ବିଧାନସଭାର ଚଳିତ ଷଷ୍ଠ ଅଧିବେଶନକୁ ବାଚସ୍ପତି ଡ଼ଃ.…

କନ୍ଦର୍ପ ବେହେରା ରେଢାଖୋଲ: ଆଜି ସକାଳ ପାଖାପାଖି ୧୧.୩୦ ଘଟିକା ସମୟରେ ରେଢାଖୋଲ ଥାନା ତଣ୍ଡାବିରା ଗ୍ରାମର ଜଣେ ବୃଦ୍ଧ ଡଇଁଚା ବଜାରକୁ ଆସୁଥିବା ବେଳେ ଅଜଣା ବାଇକ୍ ଧକ୍କାରେ ଗୁରୁତର ହୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ଖବର ହସ୍ତଗତ ହୋଇଛି। ପ୍ରକାଶ ଯେ, ରେଢାଖୋଲ ଥାନା ଡଇଁଚା ପଂଚାୟତର ତଣ୍ଡାବିରା ଗ୍ରାମର ବ୍ରଜ ବିହାରୀ ସାହୁ(୭୦) ନାମକ ବୃଦ୍ଧ ବ୍ୟକ୍ତି ନିକଟସ୍ଥ ଡଇଁଚା ଗ୍ରାମର ସାପ୍ତାହିକ ବଜାରକୁ କୌଣସି ଜିନିଷ କିଣିବାକୁ ନିଜର ସାଇକେଲ୍ ରେ ଯାଉଥିଲେ। ତଣ୍ଡାବିରା ରୁ ଡଇଁଚା ଆସୁଥିବା ବାଟରେ ପଛପଟୁ ଅଜଣା ବାଇକ୍ ଧକ୍କା ଦେଇଥିଲା। ଘଟଣା ସ୍ଥଳରେ ସେ ପଡିଯାଇଥିଲେ। ତୁରନ୍ତ ତାଙ୍କୁ ଡଇଁଚାରେ ପ୍ରାଥମିକ ଚିକିତ୍ସା କରାଯାଇ ପରେ ଆମ୍ବୁଲାନସ୍ ଯୋଗେ ରେଢାଖୋଲ ଡାକ୍ତରଖାନାକୁ ନିଆଯାଇଥିଲା। ବର୍ତ୍ତମାନ ତାଙ୍କ ଦେହ ସୁସ୍ଥ ଥିବା ଜଣାପଡିଛି। ବାଇକ୍ ଚାଳକ ଫେରାର୍ ହେବାରେ ସକ୍ଷମ ହୋଇଛି।

ନୂଆଦିଲ୍ଲୀ: ଆଜି କେନ୍ଦ୍ର ସରକାର ପକ୍ଷରୁ ଓଟିଟି ଓ ସାମାଜିକ ଗଣମାଧ୍ୟମ ପାଇଁ ଗାଇଡଲାଇନ ଜାରି କରାଯାଇଛି। କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ର ସରକାରଙ୍କ ଗାଇଡ ଲାଇନ ଉପରେ ସୂଚନା ଦେଇଛନ୍ତି। ସେ ଏହି ଅବସରରେ କହିଛନ୍ତି ଯେ, ଦେଶରେ ସାମାଜିକ ଗଣମାଧ୍ୟମକୁ ଅପବ୍ଯବହାର କରାଯାଉଛି। ଏହି ମାଧ୍ୟମରେ ଅନେକ ଆପତ୍ତିଜନକ ଫଟୋ ଏବଂ ଭିଡିଓ ଆସୁଛି। ଯାହାକୁ ଗ୍ରହଣ କରିବା ସମ୍ଭବ ନୁହେଁ। ସୀମାପାରରୁ ମଧ୍ୟ ଦେଶରେ ଅଶାନ୍ତ ସୃଷ୍ଟି କରିବା ପାଇଁ ଏହାକୁ ବ୍ୟବହାର କରାଯାଉଥିବା ଦେଖିବାକୁ ମିଳୁଛି। ଏସବୁ ଦୂର କରିବା ପାଇଁ ଗାଇଡଲାଇନ ଜାରି କରାଯାଉଛି। ସବୁ ସର୍ଭିସ ପ୍ରୋଭାଇଡରଙ୍କୁ ଅଭିଯୋଗ ସେଲ ରଖିବା ଆବଶ୍ୟକ। କୌଣସି ଅଭିଯୋଗ ଆସିଲେ ୨୪ ଘଣ୍ଟା ମଧ୍ୟରେ ଏହାକୁ ଗ୍ରହଣ କରିବା ସହ ୧୫ ଦିନ ଭିତରେ ଏହାର ସମାଧାନ କରିବାକୁ ପଡିବ। କୌଣସି ସନ୍ଦିଗ୍ଧ ଟୁଇଟ କିମ୍ବା ମେସେଜ ଆସିଲେ ସୃଷ୍ଟିକର୍ତ୍ତାର ତଥ୍ୟ…

ନୂଆଦିଲ୍ଲୀ: ଭାରତୀୟ ରେଳବାଇ ପକ୍ଷରୁ ଟ୍ରେନ ଯାତ୍ରୀଙ୍କୁ ଝଟକା ଲାଗିଛି। ରେଳବାଇ ଦ୍ଵାରା ଜାରି ହୋଇଥିବା ସୂଚନା ଅନୁସାରେ ଟ୍ରେନ ଟିକେଟର ଦାମକୁ ବୃଦ୍ଧି କରାଯାଇଛି। କମ ଦୂରତା ବିଶିଷ୍ଟ ଟ୍ରେନ ଟିକେଟର ଦାମକୁ ବୃଦ୍ଧି କରାଯାଇଛି। କରୋନା ମାହାମାରୀର ସଂକ୍ରମଣକୁ ରୋକିବା ପାଇଁ ଟ୍ରେନ ଟିକେଟର ଦାମ ବଢାଇଥିବାର କାରଣ କୁହାଯାଉଛି। ଯାହାଫଳରେ ଟ୍ରେନରେ କମ ସଂଖ୍ୟକ ଯାତ୍ରୀ ଯାତ୍ରା କରିପାରିବେ। ୩୦-୪୦ କିଲୋମିଟର ଦୂରତା ଯାତ୍ରା କରୁଥିବା ଯାତ୍ରୀଙ୍କ ଉପରେ ଏହି ବର୍ଦ୍ଧିତ ଦାମର ପ୍ରଭାବ ପଡିବ। ତେବେ କମ ଦୂରତା ଯାତ୍ରା କରୁଥିବା ଯାତ୍ରୀଙ୍କୁ ଏବେ ମେଲ/ଏକ୍ସପ୍ରେସର ଭଡ଼ା ଦେବାକୁ ପଡିବ।

କନ୍ଦର୍ପ ବେହେରା ରେଢାଖୋଲ: ବିବାହ ଏକ ପବିତ୍ର ବନ୍ଧନ। ସାତ ପୁରୁଷକୁ ସାକ୍ଷୀ ରକ୍ଷୀ ବିବାହ ବନ୍ଧନରେ ବାନ୍ଧି ହୋଇଥାନ୍ତି ବର କନ୍ୟା। ବିବାହର କିଛି ମାସ ସୁଖ ସ୍ୱାଚ୍ଛନ୍ଦରେ ଦିନ ବିତାଇବାର ସମୟ ଥିଲେ ମଧ୍ୟ ସଦ୍ୟ ବିବାହିତ ଯୁବକ ଜଣଙ୍କ ବିବାହର ୧୦ ଦିନ ନ ପୁରୁଣୁ ବେକରେ ରଶି ଦେଇ ଆତ୍ମହତ୍ୟା ଭଳି ଏକ ଚରମ ପନ୍ଥାକୁ ଆପଣେଇ ନେବା ସମସ୍ତଙ୍କୁ ଚକିତ କରିଛି। ଘଟଣା ଘଟିଛି ନାକଟିଦେଉଳ ଥାନା ଜାମୁଯୋରୀ ଗ୍ରାମରେ। ପୋଲିସ୍ ସୂତ୍ରରୁ ପ୍ରକାଶ ଯେ, ନାକଟିଦେଉଳ ଥାନା ଜାମୁଝୋରୀ ଗ୍ରାମର କବି ମାଝୀଙ୍କର ଏକ ମାତ୍ର ପୁତ୍ର ଦାମୋଦର ମାଝୀ (୨୮) ଚଳିତ ମାସ ୧୭ ତାରିଖରେ ସେ ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ନିକଟସ୍ଥ ମାମୁରିଆ ଗ୍ରାମରେ ଦମୟନ୍ତି ନାମକ ଝିଅକୁ ବିବାହ କରିଥିଲେ। କିଛି ଦିନ ଆନନ୍ଦ ଉଲ୍ଲାସରେ ବୈବାହିକ ଜୀବନ ବିତାଇଥିଲେ ନବ ଦମ୍ପତି ଦାମୋଦର ଓ ଦମୟନ୍ତି।…

ରମେଶ ମହାନ୍ତି ଜଗତସିଂହପୁର: ଜିଲ୍ଲାମୁଖ୍ୟ କୃଷି ଅଧିକାରୀଙ୍କ କାର୍ଯ୍ୟାଳୟ ପରିସରରେ ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାର ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ରଙ୍କ ଦ୍ୱାରା ବୁଧବାର ପୂର୍ବାହ୍ନରେ ଶୁଭାରମ୍ଭ ହୋଇଯାଇଛି। ଜିଲ୍ଲାପାଳ ଶ୍ରୀ ମହାପାତ୍ର ପତାକା ହଲାଇ ଏହି ଭ୍ରାମ୍ୟମାଣ ପରୀକ୍ଷାଗାର ଗାଡିର ଶୁଭ ଉଦଘାଟନ କରି କହିଲେ ଜଗତସିଂହପୁର ଜିଲ୍ଲା ଏକ କୃଷି ଭିତ୍ତିକ ଜିଲ୍ଲା, ଜିଲ୍ଲାର ଅଧିକାଂଶ ଲୋକ କୃଷି ଉପରେ ନିର୍ଭର କରନ୍ତି। ଓଡିଶା ସରକାର ଓ ପାରାଦ୍ୱୀପ ଫସଫେଟସ୍ ଲିମିଟେଡ୍ ର ମିଳିତ ସହାୟତାରେ ଆରମ୍ଭ ହୋଇଥିବା ଏହି ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାର ଜିଲ୍ଲାର କୃଷକ ମାନଙ୍କୁ ବହୁଳ ଭାବରେ ସହାୟତା ପ୍ରଦାନ କରିବ। ଚାଷୀମାନଙ୍କର ଅଭାବ ଅସୁବିଧା ଓ ଗୁଣବତା ପରୀକ୍ଷା ପାଇଁ ଏହା ସହାୟକ ହେବ। ଏହି ଉଦଘାଟନୀ ଉତ୍ସବରେ ଜିଲ୍ଲାମୁଖ୍ୟ କୃଷି ଅଧିକାରୀ ରବି ନାରାୟଣ ମହାପାତ୍ର ଯୋଗଦେଇ କହିଲେ ଏହି ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାରରେ ମାଟିରେ ଥିବା ଜୈବିକ, ଅଙ୍ଗାର, ସହଜ ଲବ୍ଧ…

ଭୁବନେଶ୍ବର: ଆଜି ରାଜ୍ୟରେ ୮୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍‌ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍‌ କେନ୍ଦ୍ରରୁ ୫୩ ଜଣ ଚିହ୍ନଟ ହୋଇଥିବାବେଳେ ୩୬ ଟି ଲୋକାଲ କେସ୍‌ ରହିଛି। ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୩୬ ହଜାର ୯୨୪ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୩ ଲକ୍ଷ ୩୪ ହଜାର ୩୩୩ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୬୨୩ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୧୯୧୪ କୁ ବୃଦ୍ଧି ହୋଇଛି। ଆଜି ରାଜ୍ୟର ୧୯ ଟି ଜିଲ୍ଲାରୁ ମୋଟ୍‌ ୮୯ ଜଣ ଚିହ୍ନଟ ହୋଇଛନ୍ତି। ଆଜି ସର୍ବାଧିକ ସମ୍ବଲପୁର ଜିଲ୍ଲାରୁ ୧୪, ଅନୁଗୁଳ ଜିଲ୍ଲାରୁ ୨, ବାଲେଶ୍ଵର ଜିଲ୍ଲାରୁ ୯, ବରଗଡ ଜିଲ୍ଲାରୁ ୬, ବଲାଙ୍ଗୀରି ଜିଲ୍ଲାରୁ ୬,…

ନୂଆଦିଲ୍ଲୀ, ସାଧାରଣତଃ ବିରିୟାନୀ ଖାଇବାକୁ ସମସ୍ତଙ୍କୁ ଭଲ ଲାଗିଥାଏ। କାରଣ ସରୁ ଚାଉଳ ସହିତ ମାଂସ ଏକାଠି ରନ୍ଧାଯାଇଥିବାରୁ ଏହା ପାଟିକି ସ୍ବାଦ ଲାଗିଥାଏ। ଏଥିସହିତ ଏହା ସାଥୀରେ ଭଳିକି ଭଳି ଚଟଣୀ ମଧ୍ୟ ପାଟିର ଲାଳକୁ ବୁହାଇ ଦେଇଥାଏ। ସେଥିପାଇଁ ଏହାର ଦାମ ଏକ ଶହରୁ ଟଙ୍କାରୁ ଆରମ୍ଭ ହୋଇ ସାତଶହ ଟଙ୍କା ପର୍ଯ୍ୟନ୍ତ ବିକ୍ରି ହୋଇଥାଏ। ବେଶୀ ହେଲେ ଗୋଟିଏ ପ୍ଲେଟ ବିରିୟାନୀ ଦାମ ହଜାର ଟଙ୍କା ହେବ। ହେଲେ ଆପଣ କେବେ ଭାବିଛନ୍ତି କି ଗୋଟିଏ ବିରିୟାନୀ ପ୍ଲେଟର ଦାମ 20 ହଜାର ଟଙ୍କା ହେବ। ନା ଏହା କେହି ବି ଭାବି ନ ଥିବେ। ହେଲେ ଦୁବାଇର ବମ୍ବେ ବାରୋ ରେସ୍ତୋରାଁ ରେ  ପୃଥିବୀର ସବୁଠାରୁ ମହଙ୍ଗା ବିରିୟାନୀ ବିକ୍ରି ହେଉଛି। ଏହି ବିରିୟାନୀର ନାମ ହେଉଛି ରୟାଲ ଗୋଲ୍ଡ ବିରିୟାନୀ। ଯାହାର ଦାମ ଭାରତୀୟ ମୁଦ୍ରାରେ ପ୍ରାୟ 20 ହଜାର ଟଙ୍କା। ଏହି ବିରିୟାନୀ…

ଭୁବନେଶ୍ବର: କଂଗ୍ରେସ ଭବନରେ ଆଜି ଦଳର ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ହୋଇଛି। କଂଗ୍ରେସର ସାଧାରଣ ପରିଷଦ ବୈଠକ ସମୟରେ ଦୁଇଗୋଷ୍ଠୀ ମଧ୍ୟରେ ହତାହତି ହୋଇଛନ୍ତି। ବରିଷ୍ଠ ନେତାଙ୍କ ସମ୍ମୁଖରେ ଏଭଳି ଅପ୍ରତିକର ପରିସ୍ଥିତି ସୃଷ୍ଟି ହୋଇଛି। ଓବିସି ସେଲର ଅଧ୍ୟକ୍ଷ ବିଷ୍ଣୁ ଚରଣ ବାରିକଙ୍କ ବିରୋଧରେ ସ୍ଲୋଗାନ ଦେଇ ଗୋଟିଏ ଗୋଷ୍ଠୀ ହୋହାଲ୍ଲା କରିଥିଲେ। ସରକାରୀ ଦଳ ତଥା ବିଜେଡ଼ି ସହିତ ବିଷ୍ଣୁ ଭିତିରି ସମ୍ପର୍କ ରଖିଛନ୍ତି ବୋଲି ଅଭିଯୋଗ କରାଯାଇ ଠେଲା ପେଲା ହୋଇଛି।

କୋରାପୁଟ, କୋଟିଆକୁ ନେଇ ବିବାଦ ଚାଲିଥିବା ବେଳେ ବର୍ତ୍ତମାନ ରାଜ୍ୟ ସରକାର ଏହାର ଉନ୍ନତି ଦିଗରେ ପଦକ୍ଷେପ ଆରମ୍ଭ କରିଛନ୍ତି। ଏଥିରେ କୋଟିଆ ପଞ୍ଚାୟତର ସ୍ବାସ୍ଥ୍ୟ ସେବାକୁ ଗୁରୁତ୍ବ ଦିଆଯାଇଛି। ସେହି ଅନୁସାରେ ସ୍ବାସ୍ଥ୍ୟ ବିଭାଗର ଏକ ଟିମ କୋଟିଆରେ ପହଁଚି ସର୍ଭେ ଆରମ୍ଭ କରିଛନ୍ତି। ଏଥିରେ ସେହି ଅଞ୍ଚଳରେ ଲୋକମାନଙ୍କର ସ୍ବାସ୍ଥ୍ୟ କିପରି ରହିଛି ତାହା ଉପରେ ସର୍ଭେ କରାଯିବ। ଏଥିରେ ସ୍ବାସ୍ଥ୍ୟ କର୍ମି, ଅଙ୍ଗନବାଡି ଓ ଆଶା କର୍ମି ଘରକୁ ଘର ବୁଲି ଏହି ସ୍ବାସ୍ଥ୍ୟ ସର୍ଭେ କରିବେ। ଏହାପରେ ଏକ ବିସ୍ତୁତ ରିପୋର୍ଟ ପ୍ରସ୍ତୁତ କରି ସ୍ବାସ୍ଥ୍ୟ ବିଭାଗକୁ ଦିଆଯିବ। ସେହି ରିପୋର୍ଟକୁ ଆଧାର କରି ସ୍ବାସ୍ଥ୍ୟ ସେବା ଯୋଗାଇ ଦିଆଯିବ ବୋଲି ନିଷ୍ପତି କରାଯାଇଛି।

ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: ସମ୍ବଲପୁର ଇଷ୍ଟ କୋଷ୍ଟ ରେଳ ମଣ୍ଡଳ ଦ୍ୱାରା କ୍ରମାଗତ ଭାବେ ପ୍ରୟାସ କରାଯିବା ପରେ ବାଂଳାଦେଶକୁ କପା ରପ୍ତାନୀ ଆରମ୍ଭ କରାଯାଇଛି। ଜୁନାଗଡ-ରୋଡ ରେଳ ଷ୍ଟେସନରୁ ୪୨ ଗୋଟୀ ମାଳ ବୋଝେଇ ରେଳ ୱାଗନ ରେ ୨୪୭୧ ଟନ କପା ବୋଝେଇ କରାଯାଇଥିବା ରେଳ ବିଭାଗରୁ ଜଣାପଡିଛି। ଜୁନାଗଡ–ରୋଡ ଷ୍ଟେସନରୁ ବାଂଳାଦେଶର ବେଣାପୋଳକୁ କଫା ଯାଉଥିବା ପ୍ରକାଶ। ରେଳ ମାଧ୍ୟମରେ ମାଧ୍ୟମରେ ଦେଶ ଭିତରେ ଏବଂ ବିଦେଶ କୁ କୃଷିଜାତ ସାମଗ୍ରୀ ପରିବହନ ରପ୍ତାନୀ ସବୁଠାରୁ ଶୀଘ୍ର ଓ ସୁରକ୍ଷିତ ହେବା ସହିତ ଏହା ଦ୍ୱାରା ଏଥି ସହିତ ଜଡିତ ସମସ୍ତେ ଲାଭବାନ ହୋଇପାରିବେ ବୋଲି ସମ୍ବଲପୁର ରେଳ ମଣ୍ଡଳ ପ୍ରବନ୍ଧକ ପ୍ରଦୀପ କୁମାର ଏକ ପ୍ରେସ ବିଜ୍ଞପ୍ତିରେ ପ୍ରକାଶ କରିଛନ୍ତି। ଏଥିସହିତ ପ୍ରବନ୍ଧକବାଂଲାଦେଶକୁ ଦୂରଗାମୀ ରେଳ ବ୍ୟବସ୍ଥାରେ ଟ୍ରାଫିକ ର ସଫଳତା ପାଇଁ ସମସ୍ତ ରେଳ ଅଧିକାରୀ ଓ କର୍ମଚାରୀଙ୍କୁ ଭ୍ରୂୟସୀ ପ୍ରଶଂସା କରିଛନ୍ତି।…

ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୧୬ ହଜାର ୭୩୮ ନୂଆ କରୋନା ପଜିଟିଭ ଚିହ୍ନଟ ହୋଇଥିବାବେଳେ ୧୩୮ ଜଣଙ୍କ ମୃତ୍ୟୁ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୧କୋଟି ୧୦ ଲକ୍ଷ ୪୬ ହଜାର ୯୧୪ ରେ ପହଞ୍ଚିଛି। ସେହିପରି ଦେଶରେ କରୋନା ଜନିତ ମୃତ୍ୟୁ ସଂଖ୍ୟା ୧ ଲକ୍ଷ ୫୬ ହଜାର ୭୦୫ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୧ କୋଟି ୭ ଲକ୍ଷ ୩୮ ହଜାର ୫୦୧ ରେ ପହଁଞ୍ଚିଛି। ସେହିପରି ଦେଶରେ କରୋନାର ଆକ୍ଟିଭ୍‌ କେସ୍‌ ୨ ଲକ୍ଷ ତଳକୁ ଖସିଛି। ଦେଶରେ କରୋନାରୁ ୧ ଲକ୍ଷ ୫୧ ହଜାର ୭୦୮ ଆକ୍ଟିଭ୍‌ କେସ୍ ରହିଛି।

ରମେଶ ମହାନ୍ତି ଜଗତସିଂହପୁର: ବୁଧବାର ସଂଧ୍ୟାରେ ତିର୍ତ୍ତୋଲ ବ୍ଳକ ଅନ୍ତର୍ଗତ କଟକ-ପାରାଦ୍ୱୀପ ରାସ୍ତାରେ ଦୃତ ଗତିରେ ଆସୁଥିବା ଏକ ଇନୋଭା କାର ଧକ୍କାରେ ୮ବର୍ଷୀୟ ପୁଅର ମୃତ୍ୟୁ ହୋଇଥିବା ବେଳେ ଅଳ୍ପକେ ବର୍ତ୍ତି ଯାଇଥିଲେ ବାପା ମା। ସୂଚନାନୁଯାୟୀ କୋଟକଣା ବଜାର ନିକଟସ୍ଥ ଆଦିବାସୀ ସାହିରେ ବସବାସ କରୁଥିବା ସୁର ସିଂ ଓ ତାଙ୍କର ପତ୍ନୀ ମୁଲ ମଜୁରୀ କାମ ସାରି ଅଟୋରେ ଆସି କୋଟକଣା ବଜାରରେ ଓହ୍ଲାଇଥିଲେ। ପରେ ନିଜର ୮ବର୍ଷର ପୁଅ ରାହୁଲ ସିଂ (ଗଉରା )କୁ ସାଥିରେ ଧରି କଟକ-ପାରାଦ୍ବୀପ ରାସ୍ତା ପାର୍ ହେଉଥିବା ବେଳେ ଦୃତ ଗତିରେ ଆସୁଥିବା ଏକ ଧଳା ରଙ୍ଗର ଇନୋଭା ଗାଡ଼ି ଗଉରାକୁ ଧକ୍କା ଦେଇ ଘଟଣା ସ୍ଥଳରୁ ଫେରାର୍ ହୋଇଯାଇଥିଲା। ଯଥାଶୀଘ୍ର ଗଉରାକୁ ୧୦୮ ଆମ୍ବୁଲାନ୍ସ ଜରିଆରେ ଜଗତସିଂହପୁର ମୁଖ୍ୟ ଡାକ୍ତରଖାନାକୁ ନିଆଯାଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡିଛି। ଏନେଇ ଉତ୍ୟକ୍ତ ଲୋକେ ଆଜି…

ଭୁବନେଶ୍ବର, ଭାରତୀୟ ଦାୟିତ୍ୱପୂର୍ଣ୍ଣ ପର୍ଯ୍ୟଟନ ପୁରସ୍କାରର ଷଷ୍ଠ ସଂସ୍କରଣରେ ଓଡିଶା ପର୍ଯ୍ୟଟନକୁ “ଶ୍ରେଷ୍ଠ ଭବିଷ୍ୟତ ଅଗ୍ରଗାମୀ ରାଜ୍ୟ” ପାଇଁ ରୌପ୍ୟ ପୁରସ୍କାର ମିଳିଛି । କୋଣାର୍କର ଇକୋ ରିଟ୍ରେଟରେ ଆୟୋଜିତ 6th Indian Responsible Tourism Awards ଏହି ପୁରସ୍କାର ମିଳିଛି। ଏହି ପୁରସ୍କାର ପର୍ଯ୍ୟଟନ ମନ୍ତ୍ରୀ ଗ୍ରହଣ କରି କହିଛନ୍ତି ଯେ, ଦାୟିତ୍ୱପୂର୍ଣ୍ଣ ପର୍ଯ୍ୟଟନକୁ ପ୍ରୋତ୍ସାହିତ କରିବାରେ ଓଡିଶାର ଅବଦାନ ଭଲ ଭାବରେ ପ୍ରତିଷ୍ଠିତ ହୋଇଛି । ସମ୍ପ୍ରଦାୟ ଦ୍ୱାରା ପରିଚାଳିତ ପ୍ରକୃତି ଶିବିରଗୁଡିକର ଆମର ପ୍ରକୃତି ପର୍ଯ୍ୟଟନ ମଡେଲ୍ ୨୦୧୬ ଠାରୁ ଗ୍ରାମାଞ୍ଚଳର ଲୋକଙ୍କୁ ବିକଳ୍ପ ଏବଂ ସ୍ଥାୟୀ ଜୀବିକା ସହିତ ସଶକ୍ତ କରିଛି । ସାଇକ୍ଲୋଥନ୍ ଏବଂ ମହାମାରୀ ଭଳି ବିଶୃଙ୍ଖଳିତ ଘଟଣାଗୁଡ଼ିକ ବିରୁଦ୍ଧରେ ଅଧିକ ସ୍ଥିରତା ପାଇଁ ଓଡିଶାର ପର୍ଯ୍ୟଟନ ଏବଂ ଆତିଥ୍ୟ ଭିତ୍ତିଭୂମି ବିକାଶ ଠାରୁ ଆରମ୍ଭ କରି ନୂତନ ପର୍ଯ୍ୟଟନ ଦ୍ରବ୍ୟର ଦାୟିତ୍ୱପୂର୍ଣ୍ଣ ଡିଜାଇନ୍ ସୁନିଶ୍ଚିତ କରିବା ପର୍ଯ୍ୟନ୍ତ ଆମେ ଆମର ମନ୍ତ୍ର…

ନୂଆଦିଲ୍ଲୀ, ଆଚାର୍ଯ୍ୟ ଚାଣକ୍ୟ ତାଙ୍କ ଚାଣକ୍ୟ ନୀତିରେ ମଣିଷ କିପରି ସୁଖରେ ରହିବ ସେଥିପାଇଁ ସେ ପାଞ୍ଚୋଟି ଉପାୟ ଉଲ୍ଲେଖ କରିଛନ୍ତି। ଏଥିରେ ସାବଧାନ ରହିବା ସହିତ ଶିଷ୍ଟାଚାର ମଧ୍ୟ ଜଡିତ ରହିଛି। ଜାଣନ୍ତୁ ସେହି ପାଞ୍ଚୋଟି ଜିନିଷ କଣ 1-ଜମି, ଘର, ଅସ୍ଥାବର ସଂପତ୍ତି କାରବାର ବେଳେ ସାବଧାନ ରହିବେ। ଲାଜ ନ କରି ଖୋଲାଖୋଲି ଭାବେ ଆଇନି ମୁତିବିକ କାମ କରନ୍ତୁ। ନଚେତ ପଛରେ ସାରା ଜୀବନ ପସ୍ତାଇବେ। 2-ଟଙ୍କା କାରବାର କରିବା ବେଳେ ତାହା ଭଲ ଭାବରେ ଗଣତି କରି ନିଅନ୍ତୁ। ଲାଜରେ କିମ୍ବା ସମ୍ମାନ ଦେଖେଇ ହେବା ପାଇଁ ପକେଟରେ ଭର୍ତ୍ତି କରି ପଳାନ୍ତୁ ନାହିଁ। ପରେ ଭୁଲ ରହିଲେ ବନ୍ଧୁତା ମଧ୍ୟରେ ବିଭେଦ ସୃଷ୍ଟି ହେବା ନିଶ୍ଚିତ। 3-ବିଦ୍ୟା ଅଧ୍ୟୟନ ସମୟରେ କୌଣସି ବିଷୟ ବୁଝି ନ ପାରିଲେ ତାହାକୁ ବାରମ୍ବାର ପଚାରି ବୁଝନ୍ତୁ। ଲାଜରେ ନ ପଚାରିଲେ ତାହା କାଳକାଳ ପାଇଁ ଅବୁଝା…

ନୂଆଦିଲ୍ଲୀ, ଜ୍ୟୋତିଷ ଶାସ୍ତ୍ରରେ ଗୁରୁପୁଷ୍ୟ ଯୋଗର ବିଶେଷ ମହତ୍ତ୍ୱ ରହିଛି । ଏହି ବର୍ଷ, ଏହି ବିଶେଷ ଯୋଗ 25 ଫେବୃଆରୀ 2021 ରେ ଗୁରୁପୁଷ୍ୟ ଯୋଗରେ ପରିଣତ ହେଉଛି । ଜ୍ୟୋତିଷ ଶାସ୍ତ୍ରରେ ଥିବା 27 ନକ୍ଷତ୍ରଙ୍କ ମଧ୍ୟରେ ପୁଷ୍ୟ ନକ୍ଷତ୍ର ଅତ୍ୟନ୍ତ ସ୍ୱତନ୍ତ୍ର ବୋଲି ବିବେଚନା କରାଯାଏ । ପୁଷ୍ୟ ଯୋଗକୁ ନକ୍ଷତ୍ରର ରାଜା କୁହାଯାଏ । ଗୁରୁବାର ଦିନ ଯୋଗ ହେତୁ ଏହାକୁ ଗୁରୁ ପୁଷ୍ୟ ଯୋଗ କୁହାଯାଏ । ଜ୍ୟୋତିଷ ଶାସ୍ତ୍ର ଅନୁଯାୟୀ ଗୁରୁ ପୁଷ୍ୟ ଯୋଗର ଦିନ କିଣାକିଣି ଏବଂ ପୂଜା ପାଇଁ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ଏହି ଦିନ, ତ୍ରୟୋଦଶୀ ତିଥି ଆରମ୍ଭ ହେବା ପରେ ମାଘ ଶୁକ୍ଲ ପକ୍ଷ ସନ୍ଧ୍ୟା ପର୍ଯ୍ୟନ୍ତ ରହିବ । ଜ୍ୟୋତିଷଙ୍କ ଅନୁଯାୟୀ, କର୍କଟ ରାଶିରେ ଚନ୍ଦ୍ର ଦିନରାତି ସଂଚାର କରିବେ। କୁମ୍ଭ ଉପରେ ସୂର୍ଯ୍ୟ ରହିବେ । ଗଣ୍ଡମୁଳ ନକ୍ଷତ୍ର ଯୋଗୁଁ ଫେବୃଆରୀ…

ମେଷ: – ଆଜି ଟିକିଏ ଅଧିକ ଚେଷ୍ଟା କରନ୍ତୁ । ଆଜି ଭାଗ୍ୟ ନିଶ୍ଚିତ ଭାବରେ ଆପଣଙ୍କୁ ସମର୍ଥନ କରିବ, କାରଣ ଏହା ଆପଣଙ୍କର ଦିନ । ଆଜି ଆପଣଙ୍କୁ ଅଫିସରେ କିଛି କାମ କରିବାକୁ ପଡିପାରେ, ଯାହାକୁ ଆପଣ ଦୀର୍ଘ ସମୟ ଧରି ଏଡ଼ାଇବାକୁ ଚେଷ୍ଟା କରୁଥିଲେ । ଶୁଣିଥିବା କଥାକୁ ଅନ୍ଧ ଭାବରେ ବିଶ୍ବାସ କରନ୍ତୁ ନାହିଁ ଏବଂ ସେମାନଙ୍କର ସତ୍ୟକୁ ଭଲ ଭାବରେ ପରୀକ୍ଷା କରନ୍ତୁ । ଆପଣ ଆଜି ବିବାହିତ ଜୀବନର ପ୍ରକୃତ ଜୀବନର ସ୍ୱାଦ ପାଇପାରିବେ । ବୃଷ: – ଆପଣଙ୍କର ପରିବାର ପାଇଁ ଖୁସିକୁ ବଳିଦାନ ଦେବ । କିନ୍ତୁ ପ୍ରତିବଦଳରେ କିଛି ଆଶା କରିବା ଉଚିତ୍ ନୁହେଁ । କଥାବାର୍ତ୍ତା ଏବଂ ଆର୍ଥିକ କାରବାରରେ ସତର୍କତା ଅବଲମ୍ବନ କରିବା ଆବଶ୍ୟକ । ଆପଣଙ୍କର ଅଧିକାଂଶ ସମୟ ସାଙ୍ଗ ଏବଂ ପରିବାର ସହିତ ବିତାଇବ। ଆଜି ଆନନ୍ଦ ଅନୁଭବ କରିବ ।  ଆପଣଙ୍କର…