ଭୁବନେଶ୍ବର, ଗତ ଗୁରୁବାର ଦିନ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କ ଜନ୍ମଦିନରେ କୋଭିଡ19 ଆଇନ ଉଲ୍ଲଘଂନ ହୋଇଛି। ଏହିପରି ଅଭିଯୋଗ କରିଛନ୍ତି ଗୃହମନ୍ତ୍ରୀ ଦିବ୍ୟଶଙ୍କର ମିଶ୍ର। ସେ କେନ୍ଦ୍ର ଗୃହରାଜ୍ୟ ମନ୍ତ୍ରୀ ନିତ୍ୟାନନ୍ଦ ରାଇଙ୍କୁ ଏକ ଚିଠି ଲେଖି ଅଭିଯୋଗ କରିଛନ୍ତି। କେନ୍ଦ୍ର ସରକାର ତୁରନ୍ତ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ବୋଲି ଦିବ୍ୟଶଙ୍କର ଲେଖିଛନ୍ତି। ଚିଠି ସହିତ ସେ ଏକ ଭିଡିଓ ମଧ୍ୟ ପଠାଇଛନ୍ତି। ଏଥିରେ ଉଲ୍ଲେଖ କରିଛନ୍ତି ଭୁବନେଶ୍ବର ସାଂସଦ ତାଙ୍କ ଜନ୍ମଦିନ ପାର୍ଟିରେ ବହୁ ମହିଳାଙ୍କ ସମାଗମ ହୋଇଥିଲା। ଏଥିରେ କେହି ହେଲେ ମାସ୍କ ପରିଧାନ କରି ନ ଥିଲେ। ଏକାଠି ସମସ୍ତେ ନାଚ କରିବା ସହ କେକ ଖାଇଥିଲେ। ଏହା କୋଭିଡ19 ଆଇନର ଉଲ୍ଲଘଂନ କରୁଛି। କେବେଳ ସେହି ଗୋଟିଏ ନୁହେଁ, ଏହିପରି ସେହି ସାଂସଦ ବାରମ୍ବାର କୋଭିଡ19 ଆଇନ ଉଲ୍ଲଘଂନ କରିବାରେ ଲଗିଛି। ସେ ନେଇ ପୂର୍ବରୁ ଗୃହ ବିଭାଗକୁ ପଦକ୍ଷେପ ନେବା…
Author: Samikhsya Bureau
ସୀତାରାମ ଅଗ୍ରଓ୍ବାଲ ଚିଲିକା : ଆଜି ସନ୍ଧ୍ୟାବେଳେ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ନାଚୁଣୀ ବାଇପାସ୍ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି । ଯେଉଁଥିରେ ଦୁଇଜଣ ଗୁରୁତର ଆହତ ହୋଇ ଟାଙ୍ଗୀ ମେଡିକାଲରେ ଭର୍ତ୍ତି ହୋଇଛନ୍ତି । ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟା 5 ଘଟିକାରେ ଏକ ପଲସର ମୋଟର ସାଇକେଲରେ ଦୁଇ ଜଣ ଆରୋହୀ ନାଚୁଣୀ ବାଇପାସ୍ ନିକଟ ପେଟ୍ରୋଲ୍ ପମ୍ପ ସାମ୍ନାରେ ରାସ୍ତା ପାର୍ କରି ବିପରୀତ ଦିଗକୁ ଯାଉଥିବାବେଳେ ଦ୍ରୁତଗତିରେ ଆସୁଥିବା ଏକ ଇନଭୋ ଗାଡି ଧକ୍କା ଦେଇଥିଲା । ଫଳରେ ବାଇକ୍ ଆରୋହୀ ଓ ସହଯୋଗୀ ଛିଟିକ୍ ରାସ୍ତାର ଅପରପାଶ୍ବରେ ପଡିଥିବାବେଳେ ଗୁରୁତର ଆହତ ହୋଇଥିଲେ । ଏହି ଦୁର୍ଘଟଣାରେ ମୋଟର ସାଇକେଲ୍ଟି ସମ୍ପୂର୍ଣ୍ଣ ରୂପେ ଭାଙ୍ଗିରୁଜି ଯାଇଛି । ଦୁଇ ଗୁରୁତରଙ୍କ ମଧ୍ୟରେ ବାଇକ ଆରୋହୀ ଜଣକ ବାଣପୁର ବ୍ଲକ ଓଡଗାଁର ନବକିଶୋର ସେଠୀ ଏବଂ ତାଙ୍କ ସାଥୀରେ ଥିବା ବ୍ୟକ୍ତିଜଣକ…
ମୋରଦାବାଦ : ନାରୀ ମଙ୍ଗଳ କେନ୍ଦ୍ରରୁ ଏକ ଅନନ୍ୟ ଭାଗବଣ୍ଟାର ଖବର ମିଳିଛି। ଦୁଇ ସ୍ତ୍ରୀଙ୍କ ମଧ୍ୟରେ ସ୍ବାମୀଙ୍କର କେବଳ ସମ୍ପତ୍ତି ନୁହେଁ ସମୟକୁ ମଧ୍ୟ ବଣ୍ଟାଯାଇଛି । ଏହି ଭାଗବଣ୍ଟାରେସ୍ବାମୀ ଜଣକ ସହମତି ଜଣାଇଛନ୍ତି । ମିଳିଥିବା ସୂଚନା ଅନୁସାରେ ମୁଗଲାପୁରା ଥାନା ଅଞ୍ଚଳରେ ରହୁଥିବା ନୌଶାଦ ଅଲ୍ଲୀ ଦିଲ୍ଲୀର ଜଣେ ବ୍ୟବସାୟୀ । ପ୍ରଥମ ପତ୍ନୀ ମୁମୁତାଜଙ୍କ ଔରସରୁ ସାତୋଟି ସନ୍ତାନ ଥିବାବେଳେ ନୌଶାଦ ରୁହୀ ନାମକ ଜଣେ ମହିଳାଙ୍କୁ ବିବାହ କରିଥିଲେ । ସେହିପରି ନୌଶାଦ ଓ ରୁହୀଙ୍କ ଔରସରୁ ମଧ୍ୟ ଜଣେ ସନ୍ତାନ ରହିଛି । ପ୍ରଥମ ପତ୍ନୀଙ୍କୁ ସ୍ବାମୀଙ୍କର ଦ୍ବିତୀୟ ବିବାହ କଥା ଜଣାପଡିବାର ପରେ ସମ୍ପତ୍ତି ପାଇଁ ବିବାଦ ଆରମ୍ଭ ହୋଇଥିଲା । ଏହି ବିବାଦ ଏତେ ତୀବ୍ରତର ହେଲା ଯେ, ପରିଶେଷରେ ଏହି ଘଟଣା ପୋଲିସ୍ ସାମ୍ନାକୁ ଆସିଲା । ମାମଲାର ଗମ୍ଭୀରତା ବୁଝି ବରିଷ୍ଠ ପୋଲିସ ଅଧୀକ୍ଷକ ଏହି ଘଟଣାକୁ…
ଭୁବନେଶ୍ବର : କରୋନାର ଭୟର ବାତାବରଣ ଭିତରେ ଆଶାର ସଂଚାର କରିଛନ୍ତି ୮୬ ବର୍ଷୀୟା ମହିଳା । ମହିଳା ଜଣକ କରୋନା ସଂକ୍ରମଣରୁ ସୁସ୍ଥ ହୋଇଛନ୍ତି । ସମ୍ କୋଭିଡ ହସ୍ପିଟାଲ୍ରୁ ସୁସ୍ଥ ହୋଇ ଘରକୁ ଫେରିଥିବା ଏହି ବୟୋଜ୍ୟେଷ୍ଠା ମହିଳା ସତ୍ୟଭାମା ଦାସ । କରୋନା ସଂକ୍ରମିତ ହେବା ପରେ ଗତ ସେପ୍ଟେମ୍ବର ୨୯ ତାରିଖରେ ସେ ସମ୍ କୋଭିଡ ହସ୍ପିଟାଲ୍ରେ ଭର୍ତ୍ତି ହୋଇଥିଲେ । ତୁରନ୍ତ ତାଙ୍କର ଚିକିତ୍ସା ଆରମ୍ଭ କରାଯାଇଥିଲା । ତାଙ୍କର ଡାଇବେଟିସ୍, ବ୍ଲଡପ୍ରେସର୍, ଶ୍ୱାସ ଓ ଗ୍ୟାସ୍ଜନିତ ସମସ୍ୟା ମଧ୍ୟ ରହିଥିଲା । ଏପରିକି ତାଙ୍କ ବାମ ଗୋଡଟି ଭାଙ୍ଗି ଥିବାରୁ ପୂର୍ବରୁ ସେ ଶଯ୍ୟାଶାୟୀ ଥିଲେ । ଏଭଳି ଅବସ୍ଥାରେ କରୋନା ସଂକ୍ରମିତ ହୋଇ ଚିକିତ୍ସା ନିମନ୍ତେ ହସ୍ପିଟାଲ୍ରେ ଭର୍ତି ହୋଇଥିବା ସତ୍ୟଭାମାଙ୍କର ଅତି ଯତ୍ନ ଓ ନିଷ୍ଠାର ସହ ଚିକିତ୍ସା ଓ ସେବା କରିଥିଲେ ହସ୍ପିଟାଲ୍ର ଡାକ୍ତର ଓ ନର୍ସମାନେ ।…
ଭୁବନେଶ୍ବର : ଆଜି ରାଜଧାନୀ ଭୁବନେଶ୍ବରରୁ 316ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ନୂତନ 316 କରୋନା ଆକ୍ରାନ୍ତଙ୍କ ମଧ୍ୟରେ 84 ଜଣ କ୍ବାରେଣ୍ଟାଇନ୍ରୁ ଚିହ୍ନଟ ହୋଇଥିବାବେଳେ 232 ଜଣ ଲୋକାଲ କଣ୍ଟାକ୍ଟ କେସ୍ ରହିଛି । ବରମୁଣ୍ଡାରୁ 15ଜଣ ଚିହ୍ନଟ ହୋଇଥିବାବେଳେ ପଟିଆରୁ 12ଜଣ, ଡୁମୁଡୁମାରୁ 10 ଜଣ, ବିଜେବି ନଗରରୁ 9ଜଣ, ସତ୍ୟନଗର ଓ ଖଣ୍ଡଗିରିରୁ 8 ଜଣ ଲେଖାଏଁ ଆକ୍ରାନ୍ତ ରହିଛନ୍ତି । ୟୁନିଟ୍ 9ରୁ 4ଜଣ ଚିହ୍ନଟ ହୋଇଛନ୍ତି । ସେହିପରି ଆଜି 326 ଜଣ ସୁସ୍ଥ ହୋଇଛନ୍ତି । ନୂତନ 316 ଆକ୍ରାନ୍ତଙ୍କୁ ମିଶାଇ ରାଜଧାନୀ ଭୁବନେଶ୍ବରରେ ମୋଟ ସଂକ୍ରମିତଙ୍କ ସଂଖ୍ୟା 24 ହଜାର 853ରେ ପହଞ୍ଚିଛି । ସେହିପରି ଏବେ ସୁଦ୍ଧା 21 ହଜାର 214ଜଣ ସୁସ୍ଥ ହୋଇଥିବାବେଳେ 111ଜଣଙ୍କର ମୃତ୍ୟୁ ହୋଇଛି । ଭୁବନଶ୍ବର ମହାନଗରରେ ଏବେବି 3 ହଜାର 507ଜଣ ସକ୍ରିୟ ଆକ୍ରାନ୍ତ ରହିଛନ୍ତି । https://twitter.com/bmcbbsr/status/1314515351481184256?s=20
ମୁମ୍ବାଇ : ଅକ୍ଷୟ କୁମାରଙ୍କ ବହୁ ପ୍ରତିକ୍ଷୀତ ଫିଲ୍ମ ‘ଲକ୍ଷ୍ମୀ ବମ୍ବ’ର ଟ୍ରେଲର ରିଲିଜ ହୋଇଛି। ତିନି ମିନିଟ୍ 40 ସେକେଣ୍ଡର ଅବଧି ଥିବା ଏହି ଟ୍ରେଲରରେ ହରର ଓ ଥ୍ରୀଲର ସହିତ ପାଇବେ କମେଡିର ତଡ୍କା ରହିଛି । ରାଘବ ଲରେନ୍ସଙ୍କ ନିର୍ଦ୍ଦେଶନାରେ ନିର୍ମିତ ଏହି କମେଡି ହରର ଫିଲ୍ମ ତାମିଲ ଫିଲ୍ମ ‘ମୁନ୍ନି:୨ କଞ୍ଚନାର ରିମେକ। ଫିଲ୍ମରେ ଅକ୍ଷୟ କୁମାରଙ୍କ ସହିତ କିଆରା ଆଡଭାନୀ ମୁଖ୍ୟ ଭୂମିକାରେ ନଜର ଆସିବେ। ପ୍ରଥମ ଥର ପାଇଁ ଅକ୍ଷୟ ଏହି ଫିଲ୍ମରେ ଜଣେ କିନ୍ନର ଭୂମିକାରେ ନଜର ଆସିବେ । ଏହି ଫିଲ୍ମରେ ଅକ୍ଷୟ, କିଆରାଙ୍କ ବ୍ୟତୀତ ଆୟେଶା ରାଜ ମିଶ୍ର, ତୁଷାର କପୁର୍, ତରୁଣ ଅରେରା, ଅଶ୍ବିନୀ କଲେକର୍, ମନୁ ଋଷି, ରାଜେଶ ଶର୍ମା ପ୍ରମୁଖ ଅଭିନୟ କରିଛନ୍ତି । ଫିଲ୍ମଟି ଡିଜ୍ନୀ ହଟଷ୍ଟାରରେ ନଭେମ୍ବର 9 ତାରିଖରେ ରିଲିଜ୍ ହେବ । ଫିଲ୍ମକୁ ନେଇ ନିର୍ମାତା ବେଶ୍ ଆଶାବାଦୀ…
ନୂଆଦିଲ୍ଲୀ : 2020 ମସିହା ପାଇଁ ନୋବେଲ୍ ଶାନ୍ତି ପୁରସ୍କାର ଘୋଷଣା ହୋଇଛି । ଶାନ୍ତି କ୍ଷେତ୍ରରେ 2020 ମସିହା ପାଇଁ ଓ୍ବାର୍ଲ୍ଡ ଫୁଡ୍ ପ୍ରୋଗ୍ରାମକୁ ନୋବେଲ୍ ଶାନ୍ତି ପୁରସ୍କାର ମିଳିବ । କ୍ଷୁଧା ବିରୋଧରେ ଲଢେଇ ଓ କ୍ଷୁଧାମୁକ୍ତି ପାଇଁ ଓ୍ବାର୍ଲ୍ଡ ଫୁଡ୍ ପ୍ରୋଗ୍ରାମକୁ ଶାନ୍ତିପୁରସ୍କାର ଦିଆଯିବା ନେଇ ଘୋଷଣା କରାଯାଇଛି । ସଂଯୁକ୍ତ ରାଷ୍ଟ୍ର ସଙ୍ଗଠନର ଓ୍ବାର୍ଲ୍ଡ ଫୁଡ୍ ପ୍ରୋଗ୍ରାମ୍ ଦୁନିଆର ଭିନ୍ନ ଭିନ୍ନ ସ୍ଥାନରେ କ୍ଷୁଧାର୍ତ୍ତକୁ ଖାଦ୍ୟ ଯୋଗାଇଥାଏ । କ୍ଷୁଧା ଓ ଖାଦ୍ୟ ସୁରକ୍ଷାକୁ ଗୁରୁତ୍ବ ଦେଉଥିବାରୁ ଓ୍ବାର୍ଲ୍ଡ ଫୁଡ୍ ପ୍ରୋଗ୍ରାମକୁ ଏହି ସମ୍ମାନଜନକ ପୁରସ୍କାର ମିଳୁଛି । ସୂଚନାଯୋଗ୍ୟ, ନୋବେଲ୍ ଫାଉଣ୍ଡେସନ୍ ଦ୍ବାରା ଏହି ଆଓ୍ବାର୍ଡ ପ୍ରଦାନ କରାଯାଇଥାଏ। ସ୍ବିଡେନ୍ର ବୈଜ୍ଞାନିକ ଆଲଫ୍ରଡ୍ ବର୍ଣ୍ଣାଡ୍ ନୋବେଲ୍ଙ୍କ ସ୍ମୃତିରେ ଏହି ପୁରସ୍କାର ପ୍ରଦାନ କରାଯାଇଥାଏ । ଆଲଫ୍ରଡ୍ ନୋବେଲ୍ଙ୍କ ମୃତ୍ୟୁ ପୂର୍ବରୁ ନିଜ ସମ୍ପତ୍ତିର ଏକ ବଡ ଅଂଶ ଏହି ଟ୍ରଷ୍ଟ ପାଇଁ ସୁରକ୍ଷିତ ରଖାଯାଇଛି…
ସୀତାରାମ ଅଗ୍ରଓ୍ବାଲ ଚିଲିକା : ଆଜି ମଧ୍ୟାହ୍ନରେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ନାଚୁଣୀ ନିକଟସ୍ଥ ହରିକୁଣ୍ଡ ବରଡିଠାରେ ଏକ ସଡକ ଦୁର୍ଘଟଣା ଘଟିଯାଇଅଛି । ମିଳିଥିବା ସୂଚନା ଅନୁଯାୟୀ, ଆଜି ମଧ୍ୟାହ୍ନରେ ନାଚୁଣୀ ଜୀବନଦେଇପୁର ଗ୍ରାମର 45 ବର୍ଷୀୟ ପବିତ୍ର ବାରିକ ନିଜ ମୋଟର ସାଇକେଲ (ଓଡି -33-ଡି-3709) ରେ ଜଣେ ସହଯୋଗୀଙ୍କ ବସାଇ ବାଲୁଗାଁ ଅଭିମୁଖେ ଯାଉଥିଲେ। ଏହି ସମୟରେ ହରିକୁଣ୍ଡ ବରଡି ଛକ ନିକଟରେ ପଛପଟୁ ଆସୁଥିବା ଏକ ଟ୍ରକ୍ (ଏପି-16-ଟିଜେ-5499)ଟି ମୋଟର ସାଇକେଲ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ବାଇକ ଆରୋହୀ ଓ ସହଯୋଗୀ ଛିଟ୍କି କି ରାସ୍ତା ଉପରେ ପଡିଯାଇଥିବାବେଳେ ବାଇକ୍ଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଏହି ଦୁର୍ଘଟଣାରେ ଗୁରୁତର ଆହତ ହୋଇଥିବା ଦୁଇଜଣଙ୍କୁ ସ୍ଥାନୀୟ ଲୋକେ 108 ଆମ୍ବୁଲାନ୍ସ ଜରିଆରେ ବାଲୁଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଥିଲେ । ଗୁରୁତରଙ୍କୁ ଉଦ୍ଧାର କାର୍ଯ୍ୟରେ ଗଙ୍ଗାଧରପୁର ଅଗ୍ନିଶମ ବିଭାଗ…
ଭୁବନେଶ୍ବର : ଆସନ୍ତା 12 ତାରିଖରେ ଏକକ ପିଜି ପ୍ରବେଶିକା ପରୀକ୍ଷା ଅନୁଷ୍ଠିତ ହେବ । 12 ତାରିଖରୁ 22 ତାରିଖ ମଧ୍ୟରେବିଭିନ୍ନ ବିଶ୍ବବିଦ୍ୟାଳୟ ଓ ମହାବିଦ୍ୟାଳୟରେ ହେବ ପରୀକ୍ଷା। 26ଟି ପରୀକ୍ଷା କେନ୍ଦ୍ରରେ 62 ହଜାର 189 ପରୀକ୍ଷାର୍ଥୀ ପରୀକ୍ଷା ଦେବେ। ପ୍ରତ୍ୟେକ ଦିନ ତିନୋଟି ପର୍ଯ୍ୟାୟରେ ପରୀକ୍ଷା ଅନୁଷ୍ଠିତ ହେବ । ତେବେ ୭ ନଭେମ୍ବରରେ ପ୍ରକାଶ ପାଇବ ମେରିଟ ପୂଜା ଛୁଟି ପରେ ସ୍କୁଲ ଓ କଲେଜ ଖୋଲିଲେ ପାଠ ପଢ଼ା ହେବ ବୋଲି ସୂଚନା ମିଳିଛି । ଆକ୍ରାନ୍ତ ପରୀକ୍ଷାର୍ଥୀଙ୍କ ପାଇଁ ସ୍ୱତନ୍ତ୍ର ଆଇସୋଲେସନ ରୁମ୍ ର ବ୍ୟବସ୍ଥା କରାଯାଇଛି। ଚଳିତଥର 83ଟି ଷ୍ଟ୍ରିମରେ ନାମଲେଖା ହେଉଛି । 14 ହଜାର 700 ସିଟ୍ ପାଇଁ ଆବେଦନ କରିଛନ୍ତି 62 ହଜାର 200 ଛାତ୍ରଛାତ୍ରୀ । 26ଟି ସେଣ୍ଟରରେ ଛାତ୍ରଛାତ୍ରୀମାନେ ପରୀକ୍ଷା ଦେବେ । ନଭେମ୍ବର 7ରେ ମେରିଟ୍ ଲିଷ୍ଟ ବାହାରିବ ବୋଲି ସୂଚନା ଦେଇଛନ୍ତି…
ଉତ୍ତରପ୍ରଦେଶ : ଉତ୍ତରପ୍ରଦେଶ ବାନ୍ଧାର ଏକ ଅଜବ ଘଟଣା ସାମ୍ନାକୁ ଆସିଛି । ଅବୈଧ ସମ୍ପର୍କକୁ ନେଇ ଜଣେ ବ୍ୟକ୍ତି ନିଜ ପତ୍ନୀଙ୍କ ସହ ଝଗଡା କରିଥିଲେ । ଝଗଡା ପରେ ସ୍ବାମୀ ଜଣକ ଧାରୁଆ ହତିଆରାରେ ସ୍ତ୍ରୀଙ୍କ ବେକ କାଟି ଦେଇଛନ୍ତି । ଏହା ପରେ ସ୍ତ୍ରୀର କଟାମୁଣ୍ଡ ନେଇ କୋତବାଲୀ ପୋଲିସ ନିକଟରେ ଆତ୍ମସମର୍ପଣ କରିଛି। ପୋଲିସ୍ର କହିବାନୁସାରେ କଟା ମୁଣ୍ଡ ନେଇ ସ୍ବାମୀ ବଜାର ଦେଇ ଥାନାରେ ପହଞ୍ଚିଥିଲା । ଏହି ଅବସରରେ ରାସ୍ତାରେ ସମ୍ପୃକ୍ତ ବ୍ୟକ୍ତିଙ୍କ ଦେଖି ଲୋକେମାନେ ମଧ୍ୟ ଆତଙ୍କିତ ହୋଇଯାଇଥିଲେ । ବ୍ୟକ୍ତିଜଣକ ଗୋଟିଏ ହାତରେ କଟାମୁଣ୍ଡ ଓ ହାତରେ ଧାରୁଆ ଅସ୍ତ୍ର ନେଇ ଯାଉଥିବା ସମୟରେ କେହି ଏହାର ଭିଡିଓ ବନାଇ ସୋସିଆଲ ମିଡିଆରେ ପୋଷ୍ଟ କରିଦେଇଥିଲେ । ଏହି ଭିଡିଓଟି ବେଶ୍ ଭାଇରାଲ୍ ହୋଇଛି । ମିଳିଥିବା ସୂଚନା ଅନୁସାରେ ଶୁକବ୍ରାର ସାଢେ ସାତଟା ସମୟରେ ଏହି ଘଟଣାଟି ଘଟିଛି…
ନ୍ୟୁୟର୍କ, ଯେଉଁମାନେ ଗୁରୁତର କୋଭିଡ -୧୯ରୁ ଆରୋଗ୍ୟ ଲାଭ କରିଛନ୍ତି ସେମାନଙ୍କ ଦେହରେ ଦୀର୍ଘମାସ ପର୍ଯ୍ୟନ୍ତ ପ୍ରତିକ୍ରିୟା ପରିଲକ୍ଷିତ ହେଉଛି। ସେଥିପାଇଁ ଗୁରୁତର କୋଭିଡ19ରୁ ଆରୋଗ୍ୟ ଲାଭ କରିଥିବା ରୋଗୀମାନେ ଚାରିମାସ ପାଇଁ ସତର୍କ ରହିବା ଆବଶ୍ୟକ। ଏହି ତଥ୍ୟ ପ୍ରକାଶ କରିଛି ନ୍ୟୁୟର୍କର ସାଇନ୍ସ ଇମ୍ୟୁନୋଲୋଜି ପତ୍ରିକା। ଏହି ପତ୍ରିକା ତରଫରୁ ଗବେଷଣା କରି କୁହାଯାଇଛି କରୋନା ଭାଇରସ ଥରେ ଶରୀର ଭିତରେ ପ୍ରବେଶ କଲେ ତାହା ଅନ୍ତତଃ ପକ୍ଷେ ଚାରିମାସ ପର୍ଯ୍ୟନ୍ତ ପାର୍ଶ ପ୍ରତିକ୍ରିୟା ରଖିଥାଏ। ଏହି ଗବେଷଣା ଦଳ କୋଭିଡ19 ରେ ଗୁରୁତର ଆକ୍ରାନ୍ତ ହୋଇଥିବା ୩୪୩ ରୋଗୀଙ୍କଠାରୁ ରକ୍ତ ନମୁନା ନେଇ ଏହି ପରୀକ୍ଷା କରିଥିଲେ। ରୋଗର ଲକ୍ଷଣ ଦେଖାଯିବା ପରଠାରୁ ଚାରିମାସ ପର୍ଯ୍ୟନ୍ତ ଏହି ରୋଗୀଙ୍କଠାରୁ ରକ୍ତ ନମୂନା ନିଆଯାଇଥିଲା। ସେଥିରୁ ସେମାନେ ଅବଗତ ହୋଇଥିଲେ ଯେ, 14 ଦିନ ପରେ ରୋଗୀକୁ ଛାଡି ଦିଆଯାଉଥିଲେ ମଧ୍ୟ ରୋଗୀର ଦେହରେ 4 ମାସ ପର୍ଯ୍ୟନ୍ତ…
ଭୁବନେଶ୍ବର : ରାଜ୍ୟରେ ଆଉ 17 କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ 4 ଜଣ କରୋନା ଆକ୍ରାନ୍ତଙ୍କର ମୃତ୍ୟୁ ହୋଇଥିବାବେଳେ ବାଲେଶ୍ବରରୁ ତିନି ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ସେହିପରି ପୁରୀ, ମୟୂରଭଞ୍ଜ ବାଲେଶ୍ବର ଜିଲ୍ଲାରୁ 2 ଜଣ ଲେଖାଏଁ ଆକ୍ରାନ୍ତଙ୍କର ମୃତ୍ୟୁ ହୋଇଥିବାବେଳେ ମାଲକାନଗିରି, କଳାହାଣ୍ଡି ନୟାଗଡ, ସୁବର୍ଣ୍ଣପୁର,ବରଗଡ କନ୍ଧମାଳ ଜିଲ୍ଲାରୁ ଜଣେ ଲେଖାଏଁ ଆକ୍ରାନ୍ତଙ୍କର ମୃତ୍ୟୁ ହୋଇଛି। ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା 991କୁ ବୃଦ୍ଧି ହୋଇଛି । ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ୍ ଯୋଗେ ସୂଚନା ଦିଆଯାଇଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ 4 ଆକ୍ରାନ୍ତଙ୍କର ମୃତ୍ୟୁ ହୋଇଛି । ଖୋର୍ଦ୍ଧା ଜିଲ୍ଲାରୁ ଦୁଇ ମୃତକଙ୍କ ବୟସ 64 ଓ 50ବର୍ଷ ରହିଥିବାର ସୂଚନା ରହିଛି । ସେହିପରି ଭୁବନେଶ୍ବରରୁ ଦୁଇ ମୃତକଙ୍କ ମଧ୍ୟରେ ଜଣେ 75 ବର୍ଷୀୟା ମହିଳା…
ମୁମ୍ବାଇ : ଭଜନ ସମ୍ରାଟ ଅନୁପ ଜଲୋଟା ଓ ମଡେଲ୍ ଜସଲିନ୍ ମଥାରୁଙ୍କୁ ନେଇ ବି-ଟାଉନ୍ରେ ବେଶ୍ ଚର୍ଚ୍ଚା ହୋଇଥିଲା । ବିଗ୍ବସ୍ 12ରେ ଯେତେବଳେ ଦୁହେଁ ପ୍ରତିଯୋଗୀ ଭାବେ ନଜର ଆସିଥିଲେ ତାଙ୍କୁ ନେଇ ବେଶ୍ ଚର୍ଚ୍ଚା ସୃଷ୍ଟି ହୋଇଥିଲା । ଉଭୟ ପାର୍ଟନର୍ ଭାବେ ଶୋ’କୁ ଆସିଥିଲେ । ଦୁହିଁଙ୍କ ପ୍ରେମ କାହାଣୀ ବେଶ୍ ଚର୍ଚ୍ଚିତ ଥିଲା । ତେବେ ବିଗ୍ ବସ୍ ଘରୁ ଆସିବା ପରେ ଦୁହେଁ କେବଳ ଗୁରୁ ଶିଷ୍ୟ ବୋଲି କହିଥିଲେ । କିନ୍ତୁ ନିକଟରେ ଅନୁପ୍ ଜଲୋଟା ଓ ଜସଲିନ୍ଙ୍କ ବିବାହ ଫଟୋ ଏବେ ସୋସିଆଲ ମିଡିଆରେ ଭାଇରାଲ୍ ହୋଇଛି । ଏହାକୁ ଦେଖି ଲୋକେ ବେଶ୍ ଆଶ୍ଚର୍ଯ୍ୟ ହୋଇଛନ୍ତି । ଏହି ଫଟୋରେ ଅନୁପ୍ ଜଲୋଟା ବର ବେଶରେ ରହିଛନ୍ତି । ଶେରଓ୍ବାନୀ ପିନ୍ଧିବା ସହ ମୁଣ୍ଡରେ ପଗଡି ବାନ୍ଧିଛନ୍ତି । ସେହିପରି ଜସଲିନ୍ ମଥାରୁ ବ୍ରାଇଡଲ ଲୁକ୍ରେ ବେଶ୍ ଆକର୍ଷଣୀୟା…
ଭୁବନେଶ୍ବର : ରାଜ୍ୟରେ ଆଜି 2ହଜାର 697କରୋନା ଆକ୍ରାନ୍ତ ଚିହ୍ନଟ ହୋଇଛି । ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍ କେନ୍ଦ୍ରରୁ 1576ଜଣ ଚିହ୍ନଟ ହୋଇଥିବାବେଳେ 1121ଟି ଲୋକାଲ କେସ୍ ରହିଛି । ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା 2 ଲକ୍ଷ 46ହଜାର839କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି 2 ଲକ୍ଷ 16 ହଜାର 984ଜଣ । ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି 28ହଜାର881ଜଣ। ରାଜ୍ୟରେ କରୋନା ଯୋଗୁଁ ମୃତ୍ୟବରଣ କରିଛନ୍ତି 974ଜଣ । ସେହିପରି 53 ଜଣ କରୋନାରେ ଆକ୍ରାନ୍ତ ଥିଲେ ସୁଦ୍ଧା ଅନ୍ୟ ରୋଗରେ ମୃତ୍ୟୁବରଣ କରିଥିବାର ସୂଚନା ରହିଛି । ଆଜି ରାଜ୍ୟର 30ଟି ଜିଲ୍ଲାରୁ ମୋଟ୍ 2ହଜାର 697ଜଣ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ 482ଜଣ ଚିହ୍ନଟ ହୋଇଥିବାବେଳେ ଅନୁଗୁଳୁରୁ 107, ବାଲେଶ୍ବରରୁ…
ଭୁବନେଶ୍ବର, ସମୟ ଥିଲା ଯେତେବେଳେ ଜାତୀୟ ନ୍ୟୁଜ ଚ୍ୟାନେଲଗୁଡିକର ଖବର ଉପରେ ଦର୍ଶକଙ୍କର ପ୍ରଗାଢ ବିଶ୍ବାସ ରହିଥିଲା। କାରଣ ହେଲା ସେତେବେଳେ ଦର୍ଶକଙ୍କ ସାମନାକୁ ଏକ ଖବର ଆଣିବାକୁ ହେଲେ ବହୁ ପରୀକ୍ଷା ନିରୀକ୍ଷା ପରେ ପ୍ରସାରଣ କରାଯାଉଥିଲା। ଫଳରେ ଭାରତୀୟ ଦର୍ଶକଙ୍କର ନ୍ୟୁଜ ଚ୍ୟାନେଲରେ ଖବର ଦେଖିବାକୁ ଆଗ୍ରହ ସୃଷ୍ଟି ହେଉଥିଲା। ହେଲେ ବିଗତ କିଛି ବର୍ଷ ଧରି ଖବର ପ୍ରସାରଣ ନାମରେ ଯେପରି ଚ୍ୟାନେଲଗୁଡିକରେ ଭାଣ୍ଡାମୀ ଚାଲିଛି ତାହା ଅନେକ ଦର୍ଶକଙ୍କୁ ଅସ୍ତବ୍ୟସ୍ତ କରି ପକାଇଲାଣି। ଏହି ଭାଣ୍ଡାମୀ ଭିତରେ ବର୍ତ୍ତମାନ ନ୍ୟୁଜ ଚ୍ୟାନେଲର ଟିଆରପି ଟ୍ୟାମ୍ପରିଂ ଖୁଲାସା ଆଉ ଏକ ନୂଆ ଅଧ୍ୟାୟ ଯୋଡି ହୋଇଛି। ନିଜ ଚ୍ୟାନେଲର ଲୋକପ୍ରିୟତା ବା ଟିଆରପି ବଢାଇବା ପାଇଁ ଭାରତର ନାମକରା ନ୍ୟୁଜ ଚ୍ୟାନେଲ ରିପ୍ଲବିକ ଟିଭି ପଇସା ଖର୍ଚ୍ଚ କରିଛି। ଏହା କହିଛନ୍ତି ଖୋଦ୍ ମୁମ୍ବାଇ ପୋଲିସ କମିଶନର ପରମବୀର ସିଂ। ଏକ ସାମ୍ବାଦିକ ସମ୍ମିଳନୀ କରି ସେ…
ଭୁବନେଶ୍ବର : ବାଲେଶ୍ବର ସଦର ଓ ତିର୍ତ୍ତୋଲର ଉପନିର୍ବାଚନ ପାଇଁ ବିଗୁଲ୍ ବାଜି ସାରିଛି । ରାଜ୍ୟର 2ଟି ଉପନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇଛି । ନଭେମ୍ବର 3ରେ ଭୋଟ୍ ଗ୍ରହଣ ଅନୁଷ୍ଠିତ ହେବ । 10ରେ ଭୋଟ୍ ଗଣତି ହେବ । ତେବେ ଆଜିଠାରୁନାମାଙ୍କନ ପତ୍ର ଦାଖଲ ହେବ । 16 ତାରିଖ ନାମାଙ୍କନର ଶେଷ ତାରିଖ ରହିଥିବାବେଳେ ପୂର୍ବାହ୍ନ 11ଟାରୁ ଅପରାହ୍ନ 3ଟା ଭିତରେ ପ୍ରାର୍ଥୀପତ୍ର ଦାଖଲ ନିର୍ଦ୍ଦେଶ ରହିଛି । ସେହିପରି 17ରେ ପ୍ରାର୍ଥୀପତ୍ର ଯାଞ୍ଚ ହେବ 19ରେ ପ୍ରାର୍ଥୀପତ୍ର ପ୍ରତ୍ୟାହାରର ଶେଷ ତାରିଖ ରହିଛି । କୋଭିଡ୍ କଟକଣା ଭିତରେ ନିର୍ବାଚନ ଅନୁଷ୍ଠିତ ହେବ ।
ନୂଆଦିଲ୍ଲୀ : କେନ୍ଦ୍ରମନ୍ତ୍ରୀ ତଥା ଏଲ୍ଜେପି ନେତା ରାମବିଳାସ ପାଶଓ୍ବାନଙ୍କ ଗତକାଲି ଦେହାନ୍ତ ହୋଇଛି । ମୃତ୍ୟୁବେଳକୁ ତାଙ୍କୁ 74ବର୍ଷ ବୟସ ହୋଇଥିଲା। ଆଜି ତାଙ୍କର ଅନ୍ତିମ ସଂସ୍କାର କରାଯିବ । ଏଥିପାଇଁ ତାଙ୍କ ପାର୍ଥିବ ଶରୀରକୁ ପାଟନା ନିଆଯିବ । ତା’ପୂର୍ବରୁ ପାଶଓ୍ବାନଙ୍କ ଶେଷ ଦର୍ଶନ ପାଇଁ 12 ଜନପଥରେ ତାଙ୍କ ପାର୍ଥିବ ଶରୀରକୁ ରଖାଯାଇଥିଲା । ଏଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାଷ୍ଟ୍ରପତି ରାମନାଥ କୋବିନ୍ଦ, ବିଜେପି ଅଧ୍ୟକ୍ଷ ଜେପ୍ପି ନଡ୍ଡାଙ୍କ କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ, ଗିରିରାଜ ସିଂ, ଡା. ହର୍ଷବର୍ଦ୍ଧନ ପରି ବହୁ ନେତା ଓ ମନ୍ତ୍ରୀ ତାଙ୍କର ଶେଷ ଦର୍ଶନ କରିଛନ୍ତି । ଅସୁସ୍ଥତା କାରଣରୁ ରାମବିଳାସ ଦିଲ୍ଲୀର ଏକ ହସ୍ପିଟାଲରେ ଚିକିତ୍ସିତ ହେଉଥିଲେ। ଚିକିତ୍ସାଧୀନ ଅବସ୍ଥାରେ ସେଠାରେ ଗୁରୁବାର ମୃତ୍ୟୁ ହୋଇଥିଲା।
ନୂଆଦିଲ୍ଲୀ: ଗତ 24 ଘଣ୍ଟାରେ ଦେଶରେ 70 ହଜାର 496ଜଣ ନୂତନ ସଂକ୍ରମିତ ଚିହ୍ନଟ ହୋଇଥିବାବେଳେ 964 ଜଣଙ୍କର ମୃତ୍ୟୁ ହୋଇଛି। ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା 69 ଲକ୍ଷ 6 ହଜାର 152ରେ ପହଞ୍ଚିଛି। 8 ଲକ୍ଷ 93 ହଜାର 592 ସକ୍ରିୟ ମାମଲା ରହିଛି। ସେହିପରି ଦେଶରେ ସୁସ୍ଥ ହୋଇଛନ୍ତି 59 ଲକ୍ଷ 06 ହଜାର 069 ଜଣ । ସେହିପରି ଦେଶରେ ମୋଟ୍ କରୋନା ଜନିତ ମୃତ୍ୟୁ ସଂଖ୍ୟା 1ଲକ୍ଷ 6 ହଜାର 490ରେ ପହଞ୍ଚିଛି। କରୋନା ଯୋଗୁଁ ମହାରାଷ୍ଟ୍ର ସବୁଠୁ ଅଧିକ ପ୍ରଭାବିତ ହୋଇଛି । ତେବେ ଦେଶରେ ସୁସ୍ଥଙ୍କ ହାର ବଢିବାରେ ଲାଗିଛି ।
କେନ୍ଦୁଝର: ଟ୍ରେନ୍ ମରାମତି କାମ ତଦାରଖ କରୁଥିବାବେଳେ ଟ୍ରେନ୍ ଟ୍ରାକ୍ ସୁପରଭାଇଜରଙ୍କ ଦୁଃଖଦ ମୃତ୍ୟୁହୋଇଛି। ମିଳିଥିବା ସୂଚନା ଅନୁସାରେ ଦୁଇ ଟ୍ରେନ୍ ମଧ୍ୟରେ ଫସି ଟ୍ରାକ୍ ସୁପରଭାଇଜରଙ୍କ ଦୁଃଖଦ ମୃତ୍ୟୁ ହୋଇଛି। ସୀତାବାଞ୍ଜି ଷ୍ଟେସନ ନିକଟରେ ୨ ଟ୍ରେନ୍ ମଧ୍ୟରେ ସୁପରଭାଇଜର୍ ଫସି ଯାଇଛନ୍ତି। ସୁପରଭାଇଜରଙ୍କୁ କିଛି ବାଟ ଟ୍ରେନ୍ ଘୋଷାଡି ନେବାରୁ ଘଟଣାସ୍ଥଳରେ ମୃତ୍ୟୁ ହୋଇଛି।
ଖୋର୍ଦ୍ଧା: ଆଜି ସକାଳୁ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ମଳିପଡ଼ା ଠାରୁ ଦଲକ ମୁଖ୍ୟ ରାସ୍ତା ଗୋଡିଝର ନିକଟରେ ଏକ ମାଇ ହାତୀର ମୃତ୍ୟୁ ଘଟିଛି। ହାତୀଟିର ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଁଚି ତଦନ୍ତ ଜାରି ରଖିଛନ୍ତି। ଓ.ୟୁ.ଏ.ଟି ର ଏକ ଡାକ୍ତରୀ ଦଳ ଆସି ହାତୀର ଶବ ବ୍ୟବଚ୍ଛେଦ କରିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ଖୋର୍ଦ୍ଧା ଏ.ସି.ଏଫ.ଓ ଶ୍ରୀ ଗୌର ଗୋପାଳ ସୂଚନା ଦେଇଛନ୍ତି। ସୂଚନା ଥାଉ କି ଦୀର୍ଘ ଏକମାସ ଧରି ଖୋର୍ଦ୍ଧା ବନଖଣ୍ଡ ଅଞ୍ଚଳରେ ପ୍ରାୟ ୪୦ ରୁ ଉର୍ଦ୍ଧ୍ଵ ହାତୀ ଦୁଇ ତିନି ଭାଗରେ ବିଭକ୍ତ ହୋଇ ଧାନ ଫସଲ ନଷ୍ଟ କରିବା ସହିତ ଲୋକମାନଙ୍କ ଧନ ଜୀବନ ନଷ୍ଟ କରିଥିବାର ଜଣା ପଡ଼ିଛି। ଜଙ୍ଗଲ ମଧ୍ୟକୁ ହାତୀ ମାନଙ୍କୁ ଘଉଡେଇବାରେ ବନ ବିଭାଗ ସଂପୂର୍ଣ୍ଣ ଫେଲ ମାରିଛି ବୋଲି ସ୍ଥାନୀୟ ଲୋକେ ଅଭିଯୋଗ…
ରମେଶ ମହାନ୍ତି ଜଗତସିଂହପୁର: ତିର୍ତ୍ତୋଲ ବିଧାନସଭା ନିର୍ବାଚନମଣ୍ଡଳୀର ସମସ୍ତ ବରିଷ୍ଠ ନାଗରିକ(୮୦ ବର୍ଷରୁ ଉର୍ଦ୍ଧ୍ୱ), ଶାରୀରିକ ଭିନ୍ନକ୍ଷମ ଏବଂ କୋଭିଡ୍-୧୯ ଦ୍ୱାରା ସଂକ୍ରମିତ ଓ ସଂକ୍ରମଣ ସନ୍ଦେହରେ ଥିବା (ସ୍ୱୀକୃତି ପ୍ରାପ୍ତ ସ୍ୱାସ୍ଥ୍ୟ ଅଧିକାରୀଙ୍କ ଠାରୁ ପ୍ରମାଣପତ୍ର ପାଇଥିବା) ଭୋଟଦାତା ଯେଉଁମାନଙ୍କର ଭୋଟର ତାଲିକାରେ ନାମଥିବ ସେମାନଙ୍କ ପାଇଁ ପୋଷ୍ଟାଲ୍ ବାଲାଟ ପେପର ମାଧ୍ୟମରେ ଭୋଟ୍ ଦେବାର ବ୍ୟବସ୍ଥା କରାଯାଇଛି। ସେମାନେ ନିର୍ଭୟରେ ପୋଷ୍ଟାଲ ବାଲାଟ ପେପର ମାଧ୍ୟମରେ ନିଜର ମତଦାନ ସାବ୍ୟସ୍ତ କରିପାରିବେ। ଏହି ପରିପ୍ରେକ୍ଷୀରେ ପ୍ରତି ବୁଥରେ ବୁଥ୍ ସ୍ତରୀୟ ଅଧିକାରୀ ମାନେ ନିୟୋଜିତ ହୋଇଛନ୍ତି। ବୁଥ୍ ସ୍ତରୀୟ ଅଧିକାରୀମାନେ ଉପରୋକ୍ତ ବର୍ଗର ମତଦାତା ମାନଙ୍କୁ ସିଧାସଳଖ ଯୋଗାଯୋଗ କରି ସେମାନଙ୍କର ସହମତି ଗ୍ରହଣ କରିବେ। ଥରେ ପୋଷ୍ଟାଲ ବାଲାଟ ପେପର ମାଧ୍ୟମରେ ମତଦାନ କରିବାକୁ ସହମତି ପ୍ରଦାନ କରିସାରିଥିଲେ ଭୋଟଦାତା ଆଉ ବୁଥକୁ ଯାଇ ମତଦାନ କରିପାରିବେ ନାହିଁ। ଉପରୋକ୍ତ ବର୍ଗର ମତଦାତା ମାନେ ସେମାନଙ୍କର ଘରେ…