Author: Samikhsya Bureau

ସମୀକ୍ଷା ବ୍ୟୁରୋ ଭୁବନେଶ୍ବର : ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାବେଳେ ଏନେଇ ଉଭୟ କେନ୍ଦ୍ର ଓ ରାଜ୍ୟ ସରକାର କରୋନା ମୁକାବିଲା ପାଇଁ ସତର୍କତା ଓ ସଚେତନତା ଅବଲମ୍ବନ କରାଯାଉଛି । ଓଡ଼ିଶାରେ ପ୍ରଥମ କରୋନା ରୋଗୀ ଭୁବନେଶ୍ବରରୁ ଚିହ୍ନଟ ହେବା ପରେ ରାଜ୍ୟ ସରକାର ବେଶ୍‌ ସତର୍କ ହୋଇପଡିଛନ୍ତି । ସ୍କୁଲ, କଲେଜ, ମଲ୍‌ ବନ୍ଦ କରାଯିବା ସହ ଏବେ କଳ କାରଖାନା ଓ ଆଇଟି ସଂସ୍ଥା ପାଇଁ ଗାଇଡ୍‌ ଲାଇନ୍‌ ଜାରି କରାଯାଇଛି । କଳ କାରଖାନାରେ କାର୍ଯ୍ୟ କରୁଥିବା କର୍ମଚାରୀମାନଙ୍କ ପାଇଁ କରୋନା ସଂକ୍ରମଣ ରୋକିବା ପାଇଁ ଜାରି ହେଲା ଗାଇଡ୍‌ ଲାଇନ୍‌ । ଫ୍ୟାକ୍ଟ୍ରି ଆଣ୍ଡ ବଏଲର୍‌ ନିର୍ଦ୍ଦେଶକଙ୍କ ପକ୍ଷରୁ ଗାଇଡ୍‌ଲାଇନ୍‌ ଜାରି କରାଯାଇଛି । କର୍ମଚାରୀଙ୍କ ପାଇଁ ସାବୁନ୍‌ ଓ ହ୍ୟାଣ୍ଡଓ୍ବାସ୍‌ ବ୍ୟବସ୍ଥା କରିବାକୁ ନିର୍ଦ୍ଦେଶ ରହିଛି । କୌଣସି କର୍ମଚାରୀ ଅସୁସ୍ଥ ଅନୁଭବ କରୁଥିଲେ ଘରେ ରହିବାକୁ ପରାମର୍ଶ ।…

ସମୀକ୍ଷା ବ୍ୟୁରୋ ପୁରୀ : ଆସନ୍ତାକାଲି ୟେସ୍ ବ୍ୟାଙ୍କରେ ରହିଥିବା ମହାପ୍ରଭୁ ଜଗନ୍ନାଥଙ୍କ 545 କୋଟି ଟଙ୍କାକୁ ଉଠାଇ ଅଣାଯିବ। ଏନେଇ ଶ୍ରୀମନ୍ଦିର ଉନ୍ନୟନ ପ୍ରଶାସକ ଅଜୟ କୁମାର ଜେନା ସୂଚନା ଦେଇଛନ୍ତି ।  ୟେସ୍‌ ବ୍ୟାଙ୍କରୁ ଟଙ୍କା ଉଠାଇ କୌଣସି ଏକ ଜାତୀୟକରଣ ବ୍ୟାଙ୍କରେ ରଖାଯିବ। ଇ-ଟ୍ରାନ୍ସଫର ମାଧ୍ୟମରେ ଟଙ୍କା ଫେରିବ ବୋଲି ସୂଚନା ରହିଛି । ୟେସ୍ ବ୍ୟାଙ୍କ ଦେବାଳିଆ ପରିସ୍ଥିତିକୁ ଆସିଯାଇଥିବାରୁ ଖାତାଧାରୀମାନେ ବ୍ୟାଙ୍କରୁ ଟଙ୍କା ଉଠାଣ କରିବାରେ ନେଇ ରୋକ୍ ଲଗାଯାଇଥିଲା। ଏହାପରେ ୟେସ୍ ବ୍ୟାଙ୍କରେ ରଖାଯାଇଥିବା ଜଗନ୍ନାଥଙ୍କ 545 କୋଟି ଟଙ୍କା ଫେରିବ କି ନାହିଁ ତାକୁ ନେଇ ପ୍ରଶ୍ନ ଉଠିଥିଲା। ଗତବର୍ଷ ମାର୍ଚ୍ଚ 19 ତାରିଖରେ ଶ୍ରୀଜଗନ୍ନାଥଙ୍କ ଟଙ୍କା ୟେସ୍ ବ୍ୟାଙ୍କରେ ଜମା କରାଯାଇଥିଲା। ତେଣୁ ଆସନ୍ତାକାଲି ମାଚ୍ୟୁରିଟି ପୂରୁଥିବାରୁ ଟଙ୍କା ଉଠିବ ବୋଲି ଜଣାଯାଇଛି। ଜଗନ୍ନାଥଙ୍କ ଟଙ୍କାକୁ ନେଇ ରାଜ୍ୟରେ ତୁମ୍ବି ତୋଫାନ ଦେଖାଯାଇଥିବାବେଳେ ଏହାକୁ ନେଇ ବିରୋଧୀ ସରକାରଙ୍କୁ ଘେରିଥିଲେ…

ମୁମ୍ବାଇ: ମହାମାରୀ କରୋନା ଭାରତରେ ଦ୍ରୁତ ଗତିରେ କାୟା ବିସ୍ତାର କରୁଛି। ଏପର୍ଯ୍ୟନ୍ତ ଦେଶରେ 147ଟି ମାମଲା ଦେଖିବାକୁ ମିଳିଛି। କରୋନା ଭାଇରସ ଯୋଗୁଁ ଶରୀରର ରୋଗ ପ୍ରତିରୋଧକ ଶକ୍ତି ଉପରେ ପ୍ରଭାବ ପଡୁଛି । ଭାରତରେ ଆୟୁର୍ବେଦିକ ପରମ୍ପରା ଅନ୍ତର୍ଗତ ତୁଲସୀ ଓ ନିମ୍ବ ପତ୍ରର ବ୍ୟବହାର ସର୍ବଦା ରୋଗ ପାଇଁ କରାଯାଇଥାଏ। କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ଚାଲିଥିବାବେଳେ ଏବେ ମୁମ୍ବାଇଠାରେ ନିମ୍ବ ଓ ତୁଳସୀ ପତ୍ରର ବ୍ୟବହାର ବେଶ୍‌ ବଢିଯାଇଛି । ଏଥିପାଇଁ ନିମ୍ବ ଓ ତୁଳସୀ ପତ୍ରର ଦାମ ମଧ୍ୟ ଅହେତୁକ ଭାବରେ ବୃଦ୍ଧି ହୋଇଛି । ଲୋକେ ଏହି ପତ୍ରକୁ ଚ’ ତଥା କାଢା ପ୍ରସ୍ତୁତିରେ ବ୍ୟବହାର କରୁଛନ୍ତି। ମୁମ୍ବାଇର ଦାଦର ନିକଟସ୍ଥ ଏକ ଫୁଲ ବଜାରରେ ତୁଳସୀ ପତ୍ର 15ରୁ 20 ଟଙ୍କାରେ ମିଳୁଥିବାବେଳେ ଏବେ ଏହା 40ଟଙ୍କାରେ ପହଞ୍ଚିଛି।  ଲୋକେ କରୋନାକୁ ଡରି ଏହି ପତ୍ରଗୁଡିକୁ କିଣୁଥିବାର ଦୋକାନୀ କହିଛନ୍ତି। ଅପରପକ୍ଷେ…

ରମେଶ ମହାନ୍ତି ଜଗତସିଂହପୁର: ଗତକାଲି ଜିଲ୍ଲାପାଳଙ୍କ କାର୍ଯ୍ୟାଳୟର ସଦ୍‌ଭାବନା ସଭାଗୃହ ଠାରେ ଜିଲ୍ଲାସ୍ତରୀୟ ଗ୍ରୀଷ୍ମ ପ୍ରବାହ ମୁକାବିଲା ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଅଛି। ଏହି ବୈଠକରେ ଅଧ୍ୟକ୍ଷତା କରି ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର କହିଲେ ସମ୍ଭାବ୍ୟ ଗ୍ରୀଷ୍ମ ପ୍ରବାହର ସଫଳ ମୁକାବିଲା କରିବା ନିମନ୍ତେ ବିଭାଗୀୟ ଅଧିକାରୀମାନେ ଆଶୁ ପଦକ୍ଷେପ ଗ୍ରହଣ କରିବେ। ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଜିଲ୍ଲା ମୁଖ୍ୟ ଚିକିତ୍ସାଳୟ, ଗ୍ରାମୀଣ ଜଳ ଓ ପରିମଳ ଡିଭିଜନ, ପ୍ରାଣୀ ସଂପଦ ବିଭାଗରେ ନିୟନ୍ତ୍ରଣ କକ୍ଷ କାର୍ଯ୍ୟ କରିବା ସହିତ ବ୍ଲକ ସ୍ତରରେ ୨୪ ଘଣିଆ ନିୟନ୍ତ୍ରଣ କକ୍ଷ ଖୋଲା ରହିବ। ବୈଠକର ବିବରଣୀରୁ ଜିଲ୍ଲାରେ ୧୪୨୫୯ ନଳକୂପ ମଧ୍ୟରୁ ୧୪୨୫୨ ଟି କାର୍ଯ୍ୟକ୍ଷମ ରହିଛି ବୋଲି ଜଣାପଡିଛି। ଜିଲ୍ଲାରେ ବାଲିକୁଦା,ଏରସମା ଓ କୁଜଙ୍ଗ ବ୍ଲକର ୪୬ଟି ଗ୍ରାମରେ ପାନୀୟ ଜଳର ସ୍ୱଳ୍ପତାକୁ ଦୃଷ୍ଟିରେ ରଖି ଟ୍ୟାଙ୍କର ମାଧ୍ୟମରେ ପାନୀୟ ଜଳ ଯୋଗାଇ ଦିଆଯାଉଛି। ଜିଲ୍ଲାରେ…

ନୂଆଦିଲ୍ଲୀ : କରୋନା ସାରା ବିଶ୍ବରେ କୋକୁଆ ଭୟ ସୃଷ୍ଟି କରିଚାଲିଥିବାବେଳେ ଭାରତରେ ମଧ୍ୟ ଏହା ବ୍ୟାପିବାରେ ଲାଗିଛି। ଭାରତରେ ସର୍ବମୋଟ ୧୪୭ଜଣ ଆକ୍ରାନ୍ତଙ୍କ ଚିହ୍ନଟ ହୋଇଥିବାବେଳେ ଏଥିରେ ୩ ଜଣଙ୍କର ମୃତ୍ୟୁ ହୋଇଛି। ଏହି ରୋଗରୁ ଭଲ ହୋଇଥିବା ରୋଗୀଙ୍କ ସଂଖ୍ୟା ରହିଛି ୧୪। ଭାରତରେ ଏହାକୁ ମହାମାରୀ ଘୋଷଣା କରିବା ସହିତ ଉଭୟ କେନ୍ଦ୍ର ଓ ରାଜ୍ୟସରକାର ମାନେ ସତର୍କତା ଅବଲମ୍ବନ କରିବା ସହିତ ବେଶ୍‌ କଡା ପଦକ୍ଷେପ ସବୁ ଗ୍ରହଣ କରୁଛନ୍ତି। କରୋନାକୁ ଭୟଭୀତ ନ ହୋଇ ସତର୍କ ରହୁନ୍ତୁ ତଥା ଅନ୍ୟକୁ ସତର୍କ କରାନ୍ତୁ। ସରକାରଙ୍କ ତରଫରୁ ଜାରି ହୋଇଥିବା ନିର୍ଦ୍ଦେଶାବଳୀକୁ ପାଳନ କରି ଆମେ କରୋନା ସଂକ୍ରମଣରୁ ବର୍ତ୍ତିପାରିବା। ଭୟ ନ କରି ଗୁଜବ ସୃଷ୍ଟି ନ କରି ଏହି ରୋଗ ପ୍ରତି ସତର୍କ ରହିବା ଆଜିର ଦିନର ସବୁଠାରୁ ବଡ଼ ଆବଶ୍ୟକତା। ତେବେ ଆସନ୍ତୁ ଜାଣିବା ଭାରତର ସର୍ବମୋଟ କୋରାନା ଆକ୍ରାନ୍ତଙ୍କ…

ନୂଆଦିଲ୍ଲୀ : ସାରା ବିଶ୍ବରେ କରୋନା ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି। ଚୀନ୍‌ରୁ ବୁହାନ ସହରରୁ ଏହା ବ୍ୟାପି ଆଜି ବିଶ୍ବର ୧୬୬ଟି ଦେଶରେ ପହଞ୍ଚିଛି। ଚୀନ୍‌ ପରେ ଏହା ଇଟାଲୀ, ଇରାନ୍‌ ଓ ସ୍ବେନ୍‌ର ବିଶେଷ ଭାବରେ ବ୍ୟାପି ଚାଲିଛି। ଏହି ରୋଗରେ ସାରା ବିଶ୍ବରେ ମୃତକଙ୍କ ସଂଖ୍ୟା ୭,୯୮୯ ରହିଛି। ସାରା ବିଶ୍ବରେ ଏଥିରେ ଆକ୍ରାନ୍ତଙ୍କ ସଂଖ୍ୟା ୧,୯୮,୭୧୨ରହିଥିବାବେଳେ ଏହି ରୋଗରୁ ସୁସ୍ଥ ହୋଇଥିବା ରୋଗୀଙ୍କ ସଂଖ୍ୟା ରହିଛି ୮୨,୭୭୯। ତେବେ କରୋନାକୁ ନେଇ ମନରେ ଉଠୁଥିବା ଡର ଓ ଭୟକୁ ଦୂର କରି ଏହି ରୋଗଠାରୁ ସତର୍କ ରୁହନ୍ତୁ। ସତର୍କତା ଓ ସଚେତନତା ହିଁ ଏହି ରୋଗ କବଳରୁ ଆମକୁ ଦୂରେଇ ରଖିପାରିବ। ସମୀକ୍ଷା ତରଫରୁ ପ୍ରସ୍ତୁତ କରୋନା ଅପଡେଟ୍‌ :

ସମୀକ୍ଷା ବ୍ୟୁରୋ ଭୁବନେଶ୍ବର : କରୋନା ପାଇଁ ହାଟ ଉପରେ କଟକଣା ଲଗାଇଲା ବିଏମ୍‌ସି। ଭୁବନେଶ୍ବର ଅଞ୍ଚଳରେ ରହିଥିବା ସମସ୍ତ ହାଟଗୁଡିକ ଉପରେ ଲାଗିଲା କଟକଣା। ୟୁନିଟ୍‌ 1 ହାଟ, ୟୁନିଟ 2 ମାର୍କେଟ, ସହିଦ ନଗର ମାର୍କେଟ,  ରୁଚିକା ଡେଲି ମାର୍କେଟ, ଓଲ୍‌ଡ ଟାଉନ୍‌ ଡେଲି ମାର୍କେଟ୍‌, ଇନ୍ଦ୍ରଧନୁ ଡେଲି ମାର୍କେଟ୍‌  ଓ ଡମଣା ମାର୍କେଟ୍‌ ଆଦି ପାଇଁ କଟକଣା ଜାରି ହୋଇଛି। ସକାଳ 6ଟାରୁ ହାଟ ଖୋଲାଯାଇ ସନ୍ଧ୍ୟା 6ଟା ପର୍ଯ୍ୟନ୍ତ ଚାଲିବ। ଏହି କଟକଣା ମାର୍ଚ୍ଚ 31 ଯାଏଁ ଲାଗି  ରହିବ। ସନ୍ଧ୍ୟା ସମୟରେ ପ୍ରବଳ ଭିଡ ହେଉଥିବାରୁ ଏପରି ପଦକ୍ଷେପ ନିଆଯାଇଛି । ସେହିପରି ଅନ୍ୟ ହାଟଗୁଡିକର ସ୍ଥିତି ଜଣାଇବାକୁ ଜୋନାଲ ଡିସିକୁ ନିର୍ଦ୍ଦେଶ ଦିଆଯାଇଛି । ଆବଶ୍ୟକ ହେଲେ ଅନ୍ୟ ହାଟଗୁଡିକୁ ମଧ୍ୟ ବନ୍ଦ କରାଯିବ।

ହେମାଙ୍ଗ ପ୍ରସାଦ ରଉଳ ବ୍ରହ୍ମପୁର:  ଗତକାଲି ଅନୁଷ୍ଠିତ ଯୁକ୍ତ ୨ ବିଜ୍ଞାନ ସ୍ରୋତର ରସାୟନ ବିଜ୍ଞାନ ପରୀକ୍ଷାରେ ଦକ୍ଷିଣାଞ୍ଚଳର ବିଭିନ୍ନ କେନ୍ଦ୍ରରେ ଅସଦ୍‌ ଉପାୟ ଅବଲମ୍ବନ ଅଭିଯୋଗରେ ୩୭ ଜଣ ପରୀକ୍ଷାର୍ଥୀ ଜୋନାଲ୍ ସ୍କ୍ୱାର୍ଡ଼ ହାତର ଧରାପଡ଼ିଛନ୍ତି । ଗଂଜାମ ଜିଲ୍ଲା ଖଲିକୋଟ ଉଚ୍ଚ ମାଧ୍ୟମିକ ବିଦ୍ୟାଳୟ ପରୀକ୍ଷା କେନ୍ଦ୍ରରେ ପ୍ରଶ୍ନପତ୍ରର କେତେକ ସ୍ଥାନରେ ଠିକ୍ ଚିହ୍ନ ମାରି ନୀଳକଣ୍ଠନଗର ସରସ୍ୱତୀ ବିଦ୍ୟାମନ୍ଦିର ଉଚ୍ଚ ମାଧ୍ୟମିକ ବିଦ୍ୟାଳୟରେ ଜଣେ ପରୀକ୍ଷାର୍ଥୀ କପି ଅଭିଯୁକ୍ତ ହୋଇଥିବାବେଳେ ମାଲକାନାଗିରି ଜିଲ୍ଲା କାଲିମେଳା ସ୍ଥିତ ଗୋପବନ୍ଧୁ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ କେନ୍ଦ୍ରରେ ସତ୍ୟନାରାୟଣଆବାସିକ ଉଚ୍ଚ ମାଧ୍ୟମିକ ବିଦ୍ୟାଳୟର ଜଣେ ଓ ବାଲିମେଳା ସ୍ଥିତ ବାଲିମେଳା ବିଜ୍ଞାନ ଓ ବୈଷୟିକ ଉଚ୍ଚ ମାଧ୍ୟମିକ ବିଦ୍ୟାଳୟ କେନ୍ଦ୍ରରେ ସେହି ବିଦ୍ୟାଳୟର ଜଣେ ପରୀକ୍ଷାର୍ଥୀ କପି ଅଭିଯୁକ୍ତ ସେହି ବିଦ୍ୟାଳୟର ଜଣେ ପରୀକ୍ଷାର୍ଥୀ କପି ଅଭିଯୁକ୍ତ ହୋଇଛନ୍ତି । ନବରଙ୍ଗପୁର ଜିଲ୍ଲାର ବେଲଗାଁ ସ୍ଥିତ ସରକାରୀ ଏସ୍‌ଏସ୍‌ଡ଼ି ଉଚ୍ଚ…

ରଞ୍ଜିତ୍‌ ପଣ୍ଡା କୁଜଙ୍ଗ:  ଗତ 16 ତାରିଖ ରାତିରେ କାଳିଆପାଟ ଗ୍ରାମରେ ପୈତୃକ ସମ୍ପତ୍ତି ବଣ୍ଟନ ସମୟରେ ବିବାଦ ସମାଧାନ ନହେବାରୁ ଜନୈକ ବ୍ୟକ୍ତି ଆତ୍ମହତ୍ୟା କରିଥିବା ଜଣାପଡ଼ିଛି । ତେବେ  ସେ ଆତ୍ମହତ୍ୟା କରିନାହାନ୍ତି ବରଂ ତାଙ୍କୁ ଖାଦ୍ୟରେ ବିଷ ଦିଆଯାଇ ହତ୍ୟା କରାଯାଇଛି ବୋଲି ମୃତକ ପତ୍ନୀ ଥାନାରେ ଅଭିଯୋଗ କରିଛନ୍ତି । ଏହି ଘଟଣାରେ ମୃତକ ପରିବାର ପକ୍ଷରୁ  ଗତକାଲି ମୃତଦେହକୁ ରଖାଯାଇ ରାସ୍ତା ଅବରୋଧ କରାଯାଇଥିଲା। ଘଟଣାସ୍ଥଳରେ ସ୍ଥାନୀୟ ପୁଲିସ ଏବଂ ପ୍ରଶାସନିକ ଅଧିକାରୀମାନେ ପହଂଚି ବିଭିନ୍ନ ପ୍ରତିଶୃତି ପ୍ରଦାନ କରିବାପରେ ରାସ୍ତାରୋକ ପ୍ରତ୍ୟାହାର କରାଯାଇଥିଲା । ଅଭିଯୋଗରୁ ପ୍ରକାଶଯେ,କୁଜଙ୍ଗଥାନା କାଳିଆପାଟ ଗ୍ରାମରେ ସ୍ୱର୍ଗତ ଭରତ ଓଝାଙ୍କ ପୁଅ ମାନଙ୍କ ମଧ୍ୟରେ ପୈତୃକ ସମ୍ପତ୍ତି ଭାଗବଂଟାକୁ କେନ୍ଦ୍ରକରି ବିବାଦ ଲାଗି ରହିଥିଲା । 16 ତାରିଖ ସନ୍ଧ୍ୟା ସମୟରେ ସରଳା ଓଝା, ନୀରଞ୍ଜନ ଓଝା, କରୁଣା ଓଝା, ଶାନ୍ତିଲତା ଓଝା, ମାଳତୀ ଓଝା ସ୍ଥାନୀୟ ଭଦ୍ରଲୋକଙ୍କ…

ନୂଆଦିଲ୍ଲୀ : ସାର ଦେଶରେ କରୋନା ରୋଗୀଙ୍କ ସଂଖ୍ୟା ବଢୁଥିବାବେଳେ ଏବେ ଭାରତରେ ସର୍ବମୋଟ 147ଜଣ ଏହି ରୋଗରେ ଆକ୍ରାନ୍ତ ବୋଲି ସୂଚନା ମିଳିଛି । କରୋନା ପାଇଁ ସରକାର ବେଶ୍‌ ସତର୍କତା ମୂଳକ ପଦକ୍ଷେପ ଗ୍ରହଣ କରୁଛନ୍ତି । ମୋଦି ସରକାରରେ ମନ୍ତ୍ରୀ ଥିବା ତଥା ଭାରତୀୟ ଜନତା ପାର୍ଟିର ସାଂସଦ ସୁରେଶ ପ୍ରଭୁ ନିଜ ଆଇସୋଲେଟ୍‌ କରିଛନ୍ତି । ଏହା ପୂର୍ବରୁ କେନ୍ଦ୍ରୀୟ ସଂସଦୀୟ କାର୍ଯ୍ୟ ରାଜ୍ୟ ମନ୍ତ୍ରୀ ବି. ମୂରଲୀଧରନ ମଧ୍ୟ ନିଜକୁ ହୋମ୍‌ କ୍ବାରେଣ୍ଟାଇନ୍‌ ରଖିଥିଲେ । ସୂଚନାଯୋଗ୍ୟ, ଯେ, ବିଜେପି ସାଂସଦ ସୁରେଶ ପ୍ରଭୁ ମାର୍ଚ୍ଚ 10 ତାରିଖରେ ସାଉଦି ଆରବ ଯାଇଥିଲେ । ଏହା ପରେ ଭାରତ ପ୍ରତ୍ୟାବର୍ତ୍ତନ କରି କରୋନା ଯାଞ୍ଚ କରିଥିଲେ । ରିପୋର୍ଟ ନେଗେଟିଭ୍‌ ଆସିବା ପରେ ବି ନିଜକୁ 14 ଦିନ ପର୍ଯ୍ୟନ୍ତ ଆଇସୋଲେସନ୍‌ରେ ରଖିଛନ୍ତି ସୁରେଶ ପ୍ରଭୁ । କରୋନା ଭାଇରସକୁ ନେଇ ସାଧାରଣରେ ମଧ୍ୟ…

ସମୀକ୍ଷା ବ୍ୟୁରୋ ଭୁବନେଶ୍ବର :  ଆଜି ନନ୍ଦନକାନନକୁ ଆସିଛନ୍ତି ନୂଆ ଅତିଥି।  ବିଳାସପୁର ଚିଡିଆଖାନାରୁ ନନ୍ଦନକାନନ ଆସିଛନ୍ତି 4ଟି ସିଂହ ଓ ଦୁଇଟି କୋକିଶିଆଳି। ଏହା ବଦଳରେ ଦୁଇଟି ଜଳହସ୍ତୀ ଦେବେ ନନ୍ଦନକାନନ କର୍ତ୍ତୃପକ୍ଷ। ବର୍ତ୍ତମାନ ନନ୍ଦନକାନନରେ ସିଂହ ସଂଖ୍ୟା 15କୁ ବୃଦ୍ଧି ପାଇଥିବାବେଳେ କୋକିଶିଆଳି ସଂଖ୍ୟା 4କୁ ବୃଦ୍ଧି ପାଇଛି। ଅପରପକ୍ଷରେ  ନନ୍ଦନକାନନରରେ 16 ବର୍ଷୀୟା କଲରାପତରିଆ ବାଘ ‘ସୁରଜ’ର ମୃତ୍ୟୁ ହୋଇଛି । ବୟସାଧିକ ଏବଂ ଅସୁସ୍ଥ କାରଣରୁ ସୁରଜର ମୃତ୍ୟୁ ହୋଇଥିବାର ସୂଚନା ଦେଇଛନ୍ତି କର୍ତ୍ତୃପକ୍ଷ । 2004 ମସିହାରେ ଭଞ୍ଜନଗରରୁ ଉଦ୍ଧାର ହୋଇଥିଲା ଏହି କଲରାପତରିଆ ବାଘ । ¾ ମାସ ହୋଇଥିବା ବେବଳେ ତାଙ୍କୁ ଉଦ୍ଧାର କରାଯାଇ ନନ୍ଦନକାନନକୁ ଅଣାଯାଇଥିଲା । ସୂରଜର ମୃତ୍ୟୁ ପରେ ଏବେ ନନ୍ଦନକାନରେ ଆଉ 5ଟି କଲରାପତରିଆ ବାଘ ରହିଛନ୍ତି ।

ନୂଆଦିଲ୍ଲୀ : କରୋନାକୁ ନେଇ ଏବେ ସାରା ବିଶ୍ବ ଚିନ୍ତିତ ଥିବାବେଳେ ଭାରତରେ ମଧ୍ୟ ରୋଗୀଙ୍କ ସଂଖ୍ୟା ବଢିବାରେ ଲାଗିଛି । ଆଜି 10ଟି ନୂତନ ମାମଲା ସାମ୍ନାକୁ ଆସିଛି । ଭାରତରେ ମୋଟ କରୋନ ପୀଡ଼ିତଙ୍କ ସଂଖ୍ୟା 147ରେ ପହଞ୍ଚିଛି ।  ସେହିପରି ପ୍ରଥମ ଥର ପାଇଁ ଭାରତୀୟ ସେନାବାହିନୀରୁ ଏପରି ମାମଲା ସାମ୍ନାକୁ ଆସିଛି। ଲଦାଖରେ ଭାରତୀୟ ସେନାର ଜଣେ ଯବାନ କରୋନା ଭାଇରସ୍‌ରେ ଆକ୍ରାନ୍ତ ହୋଇଥିବାର ସୂଚନା ମିଳିଛି। ତାଙ୍କୁ ଲଦାଖର ଏକ ଡାକ୍ତରଖାନାରେ ଏକ ବିଚ୍ଛିନ୍ନ ୱାର୍ଡରେ ରଖାଯାଇଛି ବୋଲି ସେନାର ସୂତ୍ରରୁ ପ୍ରକାଶ। ସେ ଓ ତାଙ୍କ ପିତା ନିକଟରେ ଇରାନ ଯାତ୍ରା କରିଥିବାର ସୂଚନା ରହିଛି । ସମ୍ପୃକ୍ତ ଯବାନଙ୍କର ପିତା ମଧ୍ୟ କରୋନାରେ ଆକ୍ରାନ୍ତ ହୋଇଥିବାର ସୂଚନା ରହିଛି। ଉଭୟଙ୍କୁ ହସ୍ପିଟାଲରେ ରଖି ଚିକିତ୍ସା କରାଯାଉଥିବାବେଳେ ତାଙ୍କ ପରିବାରକୁ ଲଦାଖରେ କ୍ବାରେଣ୍ଟାଇନରେ ରଖାଯାଇଛି।

ଭୁବନେଶ୍ୱର: କରୋନା ସତର୍କତା ପାଇଁ ମାର୍ଚ୍ଚ 31 ଯାଏଁ ଡ୍ରାଇଭିଂ ଲାଇସେନ୍ସ ଟେଷ୍ଟ ସ୍ଥଗିତ ରଖିଛନ୍ତି ସରକାର। ମାର୍ଚ୍ଚ 18ରୁ 31 ତାରିଖ ମଧ୍ୟରେ ହେବାକୁ ଥିବା ଡ୍ରାଇଭିଂ ଲାଇସେନ୍ସ ଟେଷ୍ଟକୁ ସ୍ଥଗିତ ରଖାଯାଇଛି। ଆଞ୍ଚଳକି ପରିବହନ କାର୍ଯ୍ୟାଳୟରେ ଲୋକ ଗହଳିକୁ ବାରଣ କରିବା ଲାଗି ଡିଏଲ୍‌ ଟେଷ୍ଟ ସ୍ଥଗିତ ରଖିଛନ୍ତି ସରକାର। ଏନେଇ ସମସ୍ତ ଆରଟିଓଙ୍କୁ ରାଜ୍ୟ ପରିବହନ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି। ଅପରପକ୍ଷରେ କରୋନା ପାଇଁ ବ୍ରେଥ୍ ଆନାଲାଇଜର୍ ଟେଷ୍ଟ ଉପରେ  ମଧ୍ୟ  ସରକାର ରୋକ୍‌ ଲଗାଇଛନ୍ତି। କରୋନା ସଂକ୍ରମଣ ରୋକିବା ପାଇଁ ବ୍ରେଥ୍‌ ଆନାଲାଇଜର୍‌ ଟେଷ୍ଟକୁ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି। କରୋନା ପାଇଁ ରାଜ୍ୟ ସରକାର ଯଥେଷ୍ଟ ସତର୍କତା ସହିତ କଡା ପଦକ୍ଷେପମାନ ଗ୍ରହଣ କରୁଛନ୍ତି । ସୂଚନାଯୋଗ୍ୟ, ଭୁବନେଶ୍ବରଠାରେ ପ୍ରଥମ କରୋନା ରୋଗୀ ଚିହ୍ନଟ କରାଯାଇଛି।

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: ଗତକିଛି ଦିନ ହେଲା ବୈଦ୍ୟନାଥପୁର ଥାନା ଅଂଚଳରେ ଚୋରଙ୍କ ପ୍ର୍ରାଦୁର୍ଭାବ ଦେଖିବାକୁ ମିଳିଛି । ଗତକିଛି ଦିନ ତଳେ ସହରର ଜଣେ ସାମ୍ବାଦିକଙ୍କ ଏକ ବାଇକ୍‌ଟି ଚୋରି ହୋଇଥିବାବେଳେ ଲାଞ୍ଜିପଲ୍ଲି ଅଂଚଳରେ ଚୋରମାନେ  ଘରମାନଙ୍କୁ ଟାର୍ଗେଟ କରି ଚୋରି କରୁଛନ୍ତି । ଆଜି ଜନୈକ ବୃଦ୍ଧଙ୍କ ଗାଡ଼ି ଡ଼ିକି ଭାଙ୍ଗି ଟଙ୍କା ଲୁଟ୍ କରିଛନ୍ତି ଦୁବୃର୍ତ୍ତମାନେ । ସୂଚନାଯୋଗ୍ୟ ଯେ ସୁବଷ ଚନ୍ଦ୍ର ପଟ୍ଟନାୟକ ନାମକ ବୃଦ୍ଧି ନିଜ ଗାଡ଼ିଟିକୁ କମାପଲ୍ଲୀ ଭେଣ୍ଡିଂ ଜୋନ୍ ନିକଟରେ ଥିବା ସାଉଥ୍‌କୋ ୟୁଟିଲିଟି କାଉଣ୍ଟର ଆଗରେ ପାର୍କିଂ କରି କୌଣସି କାମରେ ଯାଇଥିଲେ । ଆସିବା ପରେ ଦେଖିଥିଲେ ତାଙ୍କ ଡ଼ିକି ଭାଙ୍ଗିଯିବା ସହ ସେଥିରେ ଥିବା ୪୮ହଜାର ୨ଶହ ଟଙ୍କାକୁ କୌଣସି ଦୁବୃର୍ତ୍ତ ନେଇଯାଇଛି । ଏନେଇ ସେ ବୈଦ୍ୟନାଥପୁର ଥାନାରେ ଅଭିଯୋଗ କରିବା ପରେ ପୋଲିସ୍ ଘଟଣାର ଅନୁସନ୍ଧାନ ଜାରି ରଖିଛି ।

କେଦାର ମିଶ୍ର ମଇ ମାସ ୧୯୯୮ରେ ଯେତେବେଳେ ଓଡିଶାରୁ ରାଜ୍ୟସଭା ସଦସ୍ୟ ଭାବରେ ସୁପ୍ରିମ କୋର୍ଟର ପୂର୍ବତନ ବିଚାରପତି ରଙ୍ଗନାଥ ମିଶ୍ରଙ୍କୁ କଂଗ୍ରେସ ଦଳ ପଠାଇଲା, ସେତେବେଳେ ତାକୁ ନେଇ ସାରା ଓଡିଶାର ଗଣମାଧ୍ୟମ ଏକ ସ୍ଵରରେ ପ୍ରଶ୍ନ ପଚାରିଥିଲେ ଯେ, ଏହା ଜଷ୍ଟିସ ମିଶ୍ରଙ୍କର ପଦୋନ୍ନତି ନା ଆଦର୍ଶଗତ ଅଧୋଗତି। ବାସ୍ତବରେ ରାଜ୍ୟସଭା ଯିବା ପୂର୍ବରୁ ସୁପ୍ରିମ କୋର୍ଟର ପ୍ରଥମ ଓଡିଆ ମୁଖ୍ୟ ବିଚାରପତି ଏବଂ ପ୍ରଥମ ମାନବାଧିକାର କମିଶନ ଅଧ୍ୟକ୍ଷ ଭାବରେ ଜଷ୍ଟିସ ମିଶ୍ରଙ୍କର ଭାବମୂର୍ତ୍ତି ବେଶ ଉଜ୍ଜଳ ରହିଥିଲା। ଯଦିଓ ୧୯୮୪  ଦିଲ୍ଲୀ ଶିଖ ଦଙ୍ଗାର ଅନୁସନ୍ଧାନ ରେ ତାଙ୍କର ସରକାର ସପକ୍ଷବାଦୀ ରିପୋର୍ଟ ତାଙ୍କୁ ଜାତୀୟ ସ୍ତରରେ ନିନ୍ଦିତ କରିଥିଲା, ତଥାପି ଓଡିଶାରେ ତାଙ୍କର ଏକ ଭିନ୍ନ ପରିଚୟ ୧୯୯୮ ପର୍ୟନ୍ତ ରହିଥିଲା। ୧୯୯୮ରେ କଂଗ୍ରେସ ଟିକଟରେ ନିର୍ବାଚିତ ହେବା ପରେ ଜଷ୍ଟିସ ମିଶ୍ର ଓଡିଶାର ସାମାଜିକ ଜୀବନରେ ତାଙ୍କର ପୂର୍ବ ପରିଚୟ ହରାଇ ବସିଥିଲେ। ତାଙ୍କୁ…

ଗୁଜୁରାଟ, ବରୋଦା ଜିଲ୍ଲାର ଜିଲ୍ଲାପାଳଙ୍କ ୱାର୍ଡ ତଦାରଖ ନେଇ ବର୍ତ୍ତମାନ ଚାରିଆଡେ ଚର୍ଚ୍ଚା ଚାଲିଛି। ବିଭିନ୍ନ ସମୟରେ ସେ ଭିନ୍ନ ଭିନ୍ନ ପଦକ୍ଷେପ ନେଇ ଚର୍ଚ୍ଚାରେ ରହିଆସିଛନ୍ତି। ବର୍ତ୍ତମାନ କୋରୋନା ଭାଇରସ ନେଇ ଚାରିଆଡେ ଆତଙ୍କ ଖେଳିଯାଇଥିବା ବେଳେ ବରୋଦା ଜିଲ୍ଲାପାଳ ଶାଳିନୀ ଅଗ୍ରୱାଲାଙ୍କ କାମକୁ ନେଇ ସମସ୍ତେ ପ୍ରଶଂସା କରିବାରେ ଲାଗିଛନ୍ତି। ଶାଳିନୀ ବରୋଦାରେ ଥିବା ଏସଏସଜି ହସପିଟାଲ ଯାଇ ସେଠାରେ କରାଯାଇଥିବା ସ୍ବତନ୍ତ୍ର ଆଇସୋଲେସନ ୱାର୍ଡ ତଦାରଖ କରିଥିଲେ। ହସପିଟାଲ ସୁପରିଟେଣ୍ଡେନଣ୍ଟଙ୍କୁ କଣ କଣ ବ୍ୟବସ୍ଥା ହୋଇଛି ତାହା ଟିକିନିଖି ପଚାରି ବୁଝିଥିଲେ। ସେଠାରେ ହସିପାଟଲ କର୍ତ୍ତୁପକ୍ଷଙ୍କୁ ତୁରନ୍ତ ଥଣ୍ଡାକାସ ପାଇଁ ଏକ ସ୍ବତନ୍ତ୍ର ଚିକିତ୍ସା ବ୍ୟବସ୍ଥା କରିବା ପାଇଁ ନିର୍ଦ୍ଦେଶ ଦେଇଥିଲେ। ସେହିପରି ଜିଲ୍ଲାପାଳ ଡାକ୍ତରମାନେ ବ୍ୟବହାର କରିବାକୁ ଥିବା ସ୍ବତନ୍ତ୍ର ପୋଷାକର ସ୍ଥିତି ମଧ୍ୟ ପରିଖିଥିଲେ। କୋରୋନା ପ୍ରତିରୋଧ ନେଇ ଶାଳିନୀ ପୁରା ଜିଲ୍ଲା ପ୍ରଶାସନକୁ କାମରେ ଲଗାଇ ଦେଇଛନ୍ତି। ବର୍ତ୍ତମାନ ଗୁଜୁରାଟରେ ଏକ ଶହ…

ନୂଆଦିଲ୍ଲୀ, କରୋନା ଭୂତାଣୁ ସଂକ୍ରମଣ ନିରାକରଣ ଓ ନିବାରଣ ଲାଗି ଆଜି ବିଭିନ୍ନ ମନ୍ତ୍ରଣାଳୟ ଓ ବିଭାଗର ଅଧିକାରୀମାନଙ୍କୁ ନେଇ କ୍ୟାବିନେଟ ସଚିବ ଏକ ଜରୁରୀ ବୈଠକ ବସିଥିଲା। ଏହି ବୈଠକରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସାମାଜିକ ସମାବେଶ ନିଷେଧ ଲାଗି ଜାରି ହୋଇଥିବା ନିର୍ଦ୍ଦେଶକୁ ପ୍ରଭାବୀ ଢ଼ଙ୍ଗରେ କାର୍ଯ୍ୟକାରୀ କରିବା ଉପରେ ସେ ଗୁରୁତ୍ୱାରୋପ କରାଯାଇଥିଲା। ସାମାଜିକ ଦୂରତା ରକ୍ଷା କରିବା ଦ୍ୱାରା ରୋଗ ସଂକ୍ରମଣକୁ ନିବାରଣ କରିହେବ ବୋଲି ସମସ୍ତେ ମତ ବ୍ୟକ୍ତ କରିଥିଲେ । ସେହିପରି ବିଭିନ୍ନ ରାଜ୍ୟରେ ପୃଥକୀକରଣ ସୁବିଧା, ଡାକ୍ତରଖାନା ପରିଚାଳନା ଓ ସଚେତନତା ଅଭିଯାନର ମଧ୍ୟ ସମୀକ୍ଷା କରାଯାଇଥିଲା। ରାଜ୍ୟ ଓ କେନ୍ଦ୍ର ସରକାରଙ୍କ ମଧ୍ୟରେ ସମନ୍ୱୟ ରକ୍ଷା କରିବା ଲାଗି ୩୦ଜଣ ନୋଡାଲ ଅଧିକାରୀଙ୍କୁ ନିଯୁକ୍ତି ଦିଆଯାଇଛି। ଭାରତ ସରକାରଙ୍କ ଠାରୁ ରାଜ୍ୟଗୁଡିକ କୌଣସି ପ୍ରକାର ସହାୟତା ଆବଶ୍ୟକ କରୁଥିଲେ ଯୁଗ୍ମ ସଚିବ ସ୍ତରର ଏହି ଅଧିକାରୀମାନେ…

ନୂଆଦିଲ୍ଲୀ : କୋରୋନା ଭାଇରସ୍‌ ପ୍ରଭାବରେ କ୍ରୀଡା ସର୍ବାଧିକ ପ୍ରଭାବିତ ହୋଇଛି । ପ୍ରଥମେ ଆଇପିଏଲ୍‌ ଏବଂ ଅନ୍ୟାନ୍ୟ କ୍ରିକେଟ୍‌ ଶୃଙ୍ଖଳା ସ୍ଥଗିତ ରହିଥିବା ବେଳେ ବର୍ତ୍ତମାନ ଏହାର ପ୍ରଭାବ ଟେନିସ୍‌ ଉପରେ ପଡିଛି । ଟେନିସ୍‌ର ମହାକୁମ୍ଭ ଫ୍ରେଞ୍ଚ ଓପନ୍‌କୁ ପ୍ରାୟ ତିନି ମାସ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି । ମେ 24ରୁ ଜୁନ୍‌ 7 ତାରିଖ ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବାକୁ ଥିବା ବେଳେ ଏହାକୁ ସେପ୍ଟେମ୍ବର ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି । ଆୟୋଜକଙ୍କ ପକ୍ଷରୁ ଟ୍ବିଟ୍‌ କରାଯାଇ ପରିବର୍ତ୍ତିତ ତାରିଖ ଘୋଷଣା କରାଯାଇଛି । ବର୍ତ୍ତମାନ ଏହି ଟୁର୍ଣ୍ଣାମେଣ୍ଟ ସେପ୍ଟେମ୍ବର 20ରୁ ଅକ୍ଟୋବର 4 ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ଏହି ନୂତନ ଘୋଷଣା ପରେ ଟେନିସ୍‌ ଖେଳାଳିଙ୍କ ମଧ୍ୟରେ ଆଶଙ୍କା ଦେଖାଦେଇଛି । ଏହି କାର୍ଯ୍ୟସୂଚୀ ଅନୁଯାୟୀ ୟୁଏସ୍‌ ଓପନ୍‌ର ମାତ୍ର ଏକ ସପ୍ତାହ ପରେ ଏହି ଟୁର୍ଣ୍ଣାମେଣ୍ଟ ଆୟୋଜିତ ହେବାକୁ ଯାଉଛି…

କୋଲକାତା : ଗୋମୂତ୍ରରେ ଆରୋଗ୍ୟ ହେଉଛି କୋରୋନା ଭାଇରସ୍‌ । ଏପରି ଗୁଜବ ସୃଷ୍ଟି କରି ଗିରଫ ହୋଇଛନ୍ତି ପଶ୍ଚିମବଙ୍ଗର ଯୁବକ । କୋରୋନା ଭାଇରସ୍‌ରୁ ଆରୋଗ୍ୟ ପାଇଁ ରସୁଣ, ତୁଳସୀ ପତ୍ରର ବ୍ୟବହାର ପରି ଗୁଜବ ସୋସିଆଲ ମିଡିଆରେ ଭାଇରାଲ୍‌ ହେଉଥିବା ବେଳେ କଲିକତାର ହୁଗୁଳୀ ଜିଲ୍ଲାରେ ଗୋମୂତ୍ରର ଗୁଜବ ଦେଖିବାକୁ ମିଳିଛି । ଅଭିଯୁକ୍ତ ଜଣକ ହେଉଛନ୍ତି ହୁଗୁଳୀ ଜିଲ୍ଲାର ମାମୁଦ ଅଲ୍ଲୀ । ନିଜ ସାଙ୍ଗ ମାନଙ୍କୁ ହଇରାଣ କରିବା ପାଇଁ ଅଲ୍ଲୀ ଏହି ଗୁଜବ ପ୍ରଚାର କରିଥିଲେ । ପୋଲିସ୍‌ ମାମୁଦ ଅଲ୍ଲୀଙ୍କୁ ଗିରଫ କରିବା ପରେ ସେ ସାଧାରଣ ଲୋକଙ୍କୁ ନୁହେଁ ବରଂ ନିଜ ସାଙ୍ଗ ମାନଙ୍କ ପାଇଁ କରିଥିଲେ ବୋଲି ପ୍ରକାଶ କରିଛନ୍ତି । ସେ ସଂଖ୍ୟାଲଘୁ ସମ୍ପ୍ରଦାୟର ହୋଇଥିବାରୁ ତାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ବୋଲି ମାମୁଦ ପ୍ରକାଶ କରିଛନ୍ତି । (ଏଜେନ୍ସି)

ସମୀକ୍ଷା ବ୍ୟୁରୋ ଭୁବନେଶ୍ବର : କୋରୋନା ଭାଇରସ୍‌କୁ ନେଇ ଗୁଜବ ପ୍ରଚାର କରିବା ଅଭିଯୋଗରେ 4 ଜଣ ଯୁବକଙ୍କୁ ଗିରଫ କରାଯାଇଛି । ଏହି 4 ଯୁବକଙ୍କ ପରିଚୟ ଗୋପନ ରଖାଯାଇଥିବା ବେଳେ ଏମାନେ କୋରୋନା ଭାଇରସ୍‌ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାମରେ ମିଥ୍ୟା ଅପପ୍ରଚାର କରୁଥିଲେ । ଚାରି ଯୁବକ ବିଭିନ୍ନ ସୋସିଆଲ ମିଡିଆ ପ୍ଲାଟ୍‌ଫର୍ମରେ କୋରୋନା ଭାଇରସ୍‌ ସମ୍ପର୍କରେ ଗୁଜବ ପ୍ରଚାର କରୁଥିଲେ । କେନ୍ଦ୍ରାପଡା ଟାଉନ୍‌ ଥାନା ପୋଲିସ୍‌ ଏହି 4 ଯୁବକଙ୍କୁ ଗିରଫ କରିଛି ।

ପାଟନା : ଦେଶରେ କୋରୋନା ଭାଇରସ୍‌ର ବର୍ଦ୍ଧିତ ପ୍ରଭାବକୁ ରୋକିବା ପାଇଁ ବିଭିନ୍ନ ପଦକ୍ଷେପ ନେଉଛନ୍ତି । ବିହାର ସରକାରଙ୍କ ପକ୍ଷରୁ ହୋଟେଲ ପାଟଳୀପୁତ୍ରକୁ ଏକ 200 ଶଯ୍ୟା ବିଶିଷ୍ଟ ହସ୍ପିଟାଲରେ ପରିଣତ କରାଯାଇଛି । ମଙ୍ଗଳବାର ଦିନ ବିହାର ସରକାରଙ୍କ ପକ୍ଷରୁ ଏହା ସ୍ପଷ୍ଟ କରାଯାଇଛି । ଭାରତର 7ଟି ରାଜ୍ୟ କୋରୋନା ଦ୍ବାରା ଗଭୀର ଭାବରେ ପ୍ରଭାବିତ ହୋଇଥିବା ବେଳେ ଏହି ରାଜ୍ୟରୁ ଆସୁଥିବା ସମସ୍ତ ବ୍ୟକ୍ତିଙ୍କୁ ଏହି 200 ଶଯ୍ୟା ବିଶିଷ୍ଟ ହସ୍ପିଟାଲରେ ରଖାଯିବ । ବିଗତ ଏକ ବର୍ଷ ଧରି ହୋଟେଲ ପାାଟଳୀପୁତ୍ର ବନ୍ଦ ରହିଥିବା ବେଳେ ସୋମବାର ମୁଖ୍ୟମନ୍ତ୍ରୀ ନୀତିଶ କୁମାର କୋରୋନା ଚିକିତ୍ସାରେ ଏହାର ବ୍ୟବହାର କରିବାର ପ୍ରସ୍ତାବ ଦେଇଥିଲେ । ହୋଟେଲ୍‌କୁ ସଫା କରାଯିବା ପରେ 48 ଶଯ୍ୟାକୁ ସମ୍ପୂର୍ଣ୍ଣ ଆଇସୋଲେସନ୍‌ ଶଯ୍ୟା ଭାବରେ ରଖାଯାଇଛି । (ଏଜେନ୍ସି)