ଭୁବନେଶ୍ୱର: ଭୁବନେଶ୍ୱରସ୍ଥିତ ଆଦିବାସୀ ପ୍ରଦର୍ଶନୀ ପଡ଼ିଆରେ ମାର୍ଚ୍ଚ ୧୩ ତାରିଖରୁ ଆରମ୍ଭ ହୋଇଥିବା ଜାତୀୟ ଜନଜାତି କଳାବସ୍ତୁ ପ୍ରଦର୍ଶନୀ-୨୦୨୩ ଆଜି ଉଦ୍ଯାପିତ ହୋଇଯାଇଛି। ଏହି ଜାତୀୟ ଜନଜାତି କଳାବସ୍ତୁ ପ୍ରଦର୍ଶନୀରେ ଭାରତର ବିଭିନ୍ନ ରାଜ୍ୟ ଯଥା ଆନ୍ଧ୍ରପ୍ରଦେଶ, ଅରୁଣାଚଳ ପ୍ରଦେଶ, ଛତିଶଗଡ଼, ଗୁଜୁରାଟ, ଝାରଖଣ୍ଡ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ରାଜସ୍ଥାନ, ତାମିଲନାଡ଼ୁ, ତେଲେଙ୍ଗାନା, ଉତ୍ତରାଖଣ୍ଡ, ଉତ୍ତରପ୍ରଦେଶ ସମେତ ଓଡ଼ିଶାରୁ ଜନଜାତି କଳାବସ୍ତୁ କାରିଗରମାନେ ସେମାନଙ୍କ ପାରମ୍ପରିକ କଳାବସ୍ତୁ ପ୍ରଦର୍ଶନ କରି ବିିକି୍ରବଟା କରିଥିଲେ। ଏହି ପ୍ରଦର୍ଶନୀ ସର୍ବଭାରତୀୟ ସ୍ତରର ଜନଜାତି ସମୂହଙ୍କର କଳାବସ୍ତୁକୁ କେବଳ ବିକ୍ରୟ କରିବା ପାଇଁ ଉଦ୍ଦିଷ୍ଟ ନଥିଲା ପରନ୍ତୁ ବିଭିନ୍ନ ଜନଜାତିଙ୍କ କଳାକୁଶଳତାକୁ ଚିହ୍ନିବା, ସେମାନଙ୍କୁ ଗୋଟିଏ ମଞ୍ଚରେ ଯୋଡ଼ିବା ତଥା କଳାକୌଶଳର ଭାବଗତ ଓ କୌଶଳଗତ ଜ୍ଞାନର ଆଦାନପ୍ରଦାନ କରିବା ମଧ୍ୟ ଅନ୍ୟତମ ପ୍ରମୁଖ ଉଦ୍ଦେଶ୍ୟ ଥିଲା। ଜନଜାତି କାରିଗରମାନେ ଗୋଟିଏ ମଞ୍ଚରେ ଏକତ୍ରିତ ହୋଇ ସେମାନଙ୍କ ଦ୍ୱାରା ପ୍ରସ୍ତୁତ କଳାବସ୍ତୁକୁ ବିକ୍ରୟ କରିବା ସହ…
Author: Samikhsya Bureau
କନ୍ଦର୍ପ ବେହେରା ରେଢାଖୋଲ: ରେଢାଖୋଲ ସବଡିଭିଜନର ନାକଟି୍ଦେଉଳ ବ୍ଲକ୍ର ବିଭିନ୍ନ ଗ୍ରାମ ଗଞେଇ ଚାଷ ପାଇଁ ବେଶ୍ ପରିଚିତ ଥିବା ବେଳେ ଅତୀତରେ ଏଇ ଚାଷ କରୁଥିବା ଚାଷୀ ତଥା ଚୋରା ବେପାରୀମାନଙ୍କୁ ପୋଲିସ୍ ତଥା ଅବକାରୀ ବିଭାଗ ଗିରଫ କରିଥିଲା। ବାରମ୍ବାର ଜନସଚେତନତା ସହ ଯେଉଁ ମାନେ ଏହି ଚାଷରେ ସଂପୃକ୍ତି ସେମାନଙ୍କୁ ଗିରଫ କରିବା ଫଳରେ ଗଞେଇ ଚାଷରୁ ଲୋକମାନେ ଅପସରି ଯାଇ ଥିବା ବେଳେ ପୁଣି ଏହି ବ୍ଲକ୍ର ଡଇଁଚା ପଂଚାୟତ ଗୋପାଳପୁର ଗ୍ରାମରେ ପ୍ରଥମ ଥର ପାଇଁ ଅଫିମ୍ ଚାଷ ହୋଇଥିବା ଜଣା ପଡିଛି। ଆଜି ଅବକାରୀ ବିଭାଗ , ପୋଲିସ୍ , ରାଜସ୍ୱ ତଥା ବନବିଭାଗ ମିଳିତ ଚଢଉ କରି ୧ କୋଟି ଟଙ୍କାର ଅଫିମ ଗଛ ନଷ୍ଟ କରାଯାଇଥିବା ବେଳେ ୨ ଜଣଙ୍କୁ ଅଟକ ରଖାଯାଇଥିବା ଜଣା ପଡିଛି। ଖବରରୁ ଜଣାପଡିଛି ଯେ, ନାକଟିଦେଉଳ ବ୍ଲକ୍ ଡଇଁଚା ପଂଚାୟତର ବଣପାହାଡ ଘେରା ଆଦିବାସୀ…
ଢାକା: ଆଜି ବାଂଲାଦେଶରେ ଏକ ଭୟଙ୍କର ବସ୍ ଦୁର୍ଘଟଣା ଘଟି ୧୭ ଜଣଙ୍କର ମୃତ୍ୟୁ ହୋଇଥିବାବେଳେ ୩୦ ଜଣ ଆହତ ହୋଇଥିବା ଖବର ମିଳିଛି। କିଛି ଆହତଙ୍କ ଅବସ୍ଥା ଗୁରୁତର ଥିବା କୁହାଯାଉଛି। ଏଭଳି ପରିସ୍ଥିତିରେ ମୃତ୍ୟୁ ସଂଖ୍ୟା ବଢିବାବାର ସମ୍ଭାବନା ରହିଛି। ଆହତମାନଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ବସର ଉଚ୍ଚ ଗତି ଏବଂ ଚକ ଫାଟିଯିବା କାରଣରୁ ଏହି ଦୁର୍ଘଟଣା ଘଟିଛି। ଉଚ୍ଚ ବେଗରେ ଥିବାରୁ ବସ୍ ନିୟନ୍ତ୍ରଣ ହରାଇ ଖାଲରେ ପଡ଼ିଯାଇଥିଲା। ଏହି ଦୁର୍ଘଟଣା ବାଂଲାଦେଶର ମଦାରିପୁର ଅଞ୍ଚଳରେ ଘଟିଛି। ପୋଲିସର ସୂଚନାନୁସାରେ, ଏମାଦ ଟ୍ରାନ୍ସପୋର୍ଟ ଦ୍ୱାରା ପରିଚାଳିତ ଢକା ଅଭିମୁଖେ ବସ୍ ସକାଳ ପ୍ରାୟ ୭.୩୦ ସମୟରେ ମଦାରିପୁରର ଏକ ଏକ୍ସପ୍ରେସୱେରେ ନିୟନ୍ତ୍ରଣ ବାହାରକୁ ଯାଇଥିଲା। ମଦାରିପୁର ପୋଲିସ ଅଧୀକ୍ଷକ ମହମ୍ମଦ ମାସୁଦ ଆଲାମ କହିଛନ୍ତି ଯେ, ଆହତମାନଙ୍କୁ ବିଭିନ୍ନ ଡାକ୍ତରଖାନାରେ ଭର୍ତ୍ତି କରାଯାଇଛି।
ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ)ରେ ଶନିବାର ଆରମ୍ଭ ହୋଇଛି ‘ସୋଆ ସ୍ପୋର୍ଟ୍ସ ମିଟ୍ -୨୦୨୩’। ପ୍ରଥମ ଥର ପାଇଁ ଆରମ୍ଭ ହୋଇଥିବା ଏହି ୪ ଦିନିଆ କ୍ରୀଡା କାର୍ଯ୍ୟକ୍ରମରେ ସୋଆ ବ୍ୟତୀତ ଓଡିଶା ମୋଟ୍ ୭ ଟି ବିଶ୍ୱବିଦ୍ୟାଳୟର ଛାତ୍ରଛାତ୍ରୀ ମାନେ ଯୋଗ ଦେଇଛନ୍ତି। ଏଥିରେ ବାସ୍କେଟ୍ ବଲ୍ , ଟେନିସ୍ , ଭଲିବଲ, କ୍ରିକେଟ୍ ଓ ଇ- ସ୍ପୋର୍ଟ୍ସ ଏହି ୫ଟି ଖେଳକୁ ଉଭୟ ପୁରୁଷ ଓ ମହିଳା ବର୍ଗ ପାଇଁ ରଖାଯାଇଥିବା ବେଳେ ବିଜେତା ଟିମ୍ ପାଇଁ ପୁରସ୍କାର ରାଶିି ୩.୫ ଲକ୍ଷ ଟଙ୍କା ରଖାଯାଇଛି। ଏହି କାର୍ଯ୍ୟକ୍ରମରେ ସୋଆ କୁଳପତି ପ୍ରଫେସର ବିଜୟ କୁମାର ସାହୁ ଏବଂ ସୋଆ ର ପ୍ରୋ-ଭାଇସ୍ ଚାନ୍ସେଲର ତଥା ରେଜିଷ୍ଟ୍ରାର ପ୍ରଫେସର ବିଭୂତି ଭୂଷଣ ପ୍ରଧାନ ଯୋଗ ଦେଇ ଖେଳାଳି ମାନଙ୍କୁ ଶୁଭେଚ୍ଛା ଜଣାଇବା ସହିତ କ୍ରୀଡା ର ମହତ୍ୱ ବିଷୟରେ କହିଥିଲେ। ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍ ଏଜୁକେସନ୍ ଆଣ୍ଡ…
ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଗୋଦାବରୀଶ ମହାବିଦ୍ୟାଳୟ ଷାଠିଏ ବର୍ଷ ଅବସରରେ ହୀରକ ଜୟନ୍ତୀ ପାଳନ କରିବାକୁ ଯାଉଥିବା ବେଳେ ଦୀର୍ଘବର୍ଷ ଧରି ପୁରାତନ ଛାତ୍ରଛାତ୍ରୀ କମିଟି ଗଠନ ହୋଇପାରିନଥିଲା। ନୂତନ ଭାବେ ବିନାୟକ ହୋତା କଲେଜର ଅଧ୍ୟକ୍ଷ ପଦ ସମ୍ଭାଳିବା ପରେ ପୁରାତନ ଛାତ୍ରଛାତ୍ରୀ ମାନଙ୍କର କମିଟି ଗଠନ କରି ଗ୍ରାଣ୍ଡ ଆଲୁମନି ମିଟ କାର୍ଯ୍ୟକ୍ରମ ଆୟୋଜନ ପାଇଁ ଅଣ୍ଟା ଭିଡ଼ିଛନ୍ତି। ଗତ କିଛଦିନ ପୂର୍ବେ ପୁରାତନ ଛାତ୍ର ସଂଘର କାର୍ଯ୍ୟକାରୀ କମିଟିର କର୍ମକର୍ତ୍ତା ଚୟନ ହୋଇଥିବା ବେଳେ ପୂର୍ବତନ ମନ୍ତ୍ରୀ ଦେବେନ୍ଦ୍ର ନାଥ ମାନସିଂହ ଉକ୍ତ କମିଟିର ସଭାପତି ଭାବେ ମନୋନୀତ ହୋଇଥିଲେ। ତେବେ ଆଜି କଲେଜ ଅଧ୍ୟୟନ କକ୍ଷରେ ସଭାପତିଙ୍କ ଆବାହାନ କ୍ରମେ ପ୍ରଥମଥର କାର୍ଯ୍ୟକାରୀ କମିଟିର ବୈଠକ ଆହୁତ ହୋଇଥିଲା। ସଂଗଠନକୁ ରେଜିଷ୍ଟ୍ରେସନ କରିବା, ଉଚ୍ଚ ପଦ ପଦବୀରେ ଥିବା ପୁରାତନ ଛାତ୍ରଛାତ୍ରୀଙ୍କୁ ଚିହ୍ନଟ କରିବା, ସମସ୍ତ ପୁରାତନ ଛାତ୍ରଛାତ୍ରୀଙ୍କୁ ସଂଗଠନରେ ସାମିଲ…
ନୂଆଦିଲ୍ଲୀ: ଭାରତ ଗସ୍ତରେ ଥିବା ଅଷ୍ଟ୍ରେଲିଆ ଦଳ ଦିନିକିଆ ସିରିଜର ଦ୍ୱିତୀୟ ମ୍ୟାଚରେ ଟିମ୍ ଇଣ୍ଡିଆକୁ ୧୦ ୱିକେଟରେ ପରାସ୍ତ କରିଛି। ଏହି ମ୍ୟାଚ୍ ବିଶାଖାପାଟନମର ୱାଏସ ରାଜା ରେଡି ଷ୍ଟାଡିୟମରେ ଖେଳାଯାଇଥିଲା। ଏହି ମ୍ୟାଚ୍ରେ ଟିମ୍ ଇଣ୍ଡିଆ ପ୍ରଥମେ ବ୍ୟାଟିଂ କରି ୨୬ ଓଭରରେ ମାତ୍ର ୧୧୭ କରିପାରିଥିଲା। ଏହାର ଜବାବରେ ଅଷ୍ଟ୍ରେଲିଆ ମାତ୍ର ୧୧ ଓଭରରେ ଲକ୍ଷ୍ୟ ହାସଲ କରିଥିଲା। ଟିମ୍ ଇଣ୍ଡିଆ ପାଇଁ ଏହା କ୍ରମାଗତ ଚତୁର୍ଥ ବର୍ଷ ଥିଲା, ଯେତେବେଳେ ଦଳକୁ ୧୦ ୱିକେଟ୍ ରେ ପରାଜୟର ସମ୍ମୁଖୀନ ହେବାକୁ ପଡିଥିଲା। ୨୦୨୨ ମସିହାରେ ଖେଳାଯାଇଥିବା ଟି-୨୦ ବିଶ୍ୱକପ୍ର ସେମିଫାଇନାଲରେ ଇଂଲଣ୍ଡ ବିପକ୍ଷରେ ଭାରତୀୟ ଦଳ ପୂର୍ବରୁ ୧୦ ୱିକେଟ୍ ରେ ହାରିଥିଲା। ଏଥି ସହିତ ୨୦୨୧ ମସିହାରେ ଟି-୨୦ ବିଶ୍ୱକପ ଲିଗ୍ ମ୍ୟାଚରେ ପାକିସ୍ତାନ ବିପକ୍ଷରେ ୧୦ ୱିକେଟ୍ ପରାଜୟର ସମ୍ମୁଖୀନ ହେବାକୁ ପଡିଥିଲା ଏବଂ ୨୦୨୦ ରେ ଅଷ୍ଟ୍ରେଲିଆ ପ୍ରଥମ ଥର ପାଇଁ…
ନୂଆଦିଲ୍ଲୀ: ସୁପ୍ରିମକୋର୍ଟର ପୂର୍ବତନ ପ୍ରଧାନ ବିଚାରପତି ଏସ୍ ଏ ବୋବଡେ ଶନିବାର ଦିନ କହିଛନ୍ତି ଯେ, ମୁଖ୍ୟ ବିଚାରପତି ଭାବରେ କାର୍ଯ୍ୟ କରିବା ଏକ ବଡ ଦାୟିତ୍ଵ ଅଟେ। ସେ କହିଛନ୍ତି ଯେ, ‘ସୁପ୍ରିମକୋର୍ଟର ସିଜେଆଇ ହେବା ଏକ ଗୁରୁତ୍ୱପୂର୍ଣ୍ଣ ଦାୟିତ୍ଵ ଅଟେ। କୋର୍ଟରେ ବହୁ ପ୍ରତିଯୋଗିତା ଅଛି। ସମସ୍ତେ ନିଜ ମାମଲାରେ ଜିତିବାକୁ ଚାହାଁନ୍ତି। ଇଣ୍ଡିଆ ଟୁଡେ କନକ୍ଲେଭରେ ଅଂଶଗ୍ରହଣ କରୁଥିବାବେଳେ ଜଷ୍ଟିସ ଏସ ଏ ବୋବଡେ ଖୋଲାଖୋଲି ଭାବେ ନିଜର ମତାମତ ରଖିଥିଲେ। ସୁପ୍ରିମକୋର୍ଟଙ୍କ ନିଷ୍ପତ୍ତି ଉପରେ ରାଜନୀତିର ପ୍ରଭାବ ସମ୍ପର୍କରେ ସେ କହିଥିଲେ ଯେ, ରାଜନୀତି ଶବ୍ଦ କାହା ସହିତ ଜଡିତ ହୋଇପାରେ। ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ସମ୍ପର୍କରେ ସେ କହିଥିଲେ ଯେ, ‘ରାଫାଲ କ୍ଷେତ୍ରରେ ରାଜନୈତିକ କିଛି ନାହିଁ, ଏହା ଏକ ପ୍ରତିରକ୍ଷା ଚୁକ୍ତି’। ସ୍ୱାଧୀନତା ପୂର୍ବରୁ ଅଯୋଧ୍ୟା ପ୍ରସଙ୍ଗ ଚାଲିଥିଲା। ଏହା ମଧ୍ୟରୁ କୌଣସିଟି ରାଜନୈତିକ ନଥିଲା, କେବଳ ସତ୍ୟତା ଥିଲା ଯେ, ରାଜନେତାମାନେ…
ଭୁବନେଶ୍ବର: ଟାଟା ପାୱାର ବିରୋଧରେ ଆସନ୍ତାକାଲି ଭୁବନେଶ୍ବରରେ ଗର୍ଜନ କରିବ ନବ ନିର୍ମାଣ କୃଷକ ସଂଗଠନ। ସୋମବାର ସକାଳ 11 ଟାରେ ଏକ ବିଶାଳ ଶୋଭାଯାତ୍ରା ବାହାରି ପିଏମଜି ଛକ ଆଡିକୁ ଯିବ। ସେଠାରେ ବିକ୍ଷୋଭକାରୀ ବିଧାନସଭା ଘେରାଉ କରିବେ। ଏ ନେଇ ସଂଗଠନ ପକ୍ଷରୁ ସୂଚନା ଦିଆଯାଇଛି। ମୁଖ୍ୟତଃ ଟାଟା ପାୱାର ରାଜ୍ୟର ଶକ୍ତି ବିତରଣ ହାତକୁ ନେବା ପରେ କୃଷକ ତଥା ବିଦ୍ୟୁତ ଗ୍ରାହକଙ୍କୁ ହଇରାଣ କରିବାରେ ଲାଗିଛି। ସେଥିପାଇଁ ଟାଟା ପାୱାର ଫେରିଯିବା ନେଇ ଆନ୍ଦୋଳନ କରାଯିବ। ସେହିପରି ସଂଗଠନର ପୂର୍ବ ଦାବୀ କୃଷକଙ୍କୁ ପ୍ରାଇସ, ପ୍ରେଷ୍ଟିଜ ଓ ପେନସନ ଦାବୀ ମଧ୍ୟ ରହିବ। ନିକଟରେ ଡ୍ରାଇଭର ସଂଘ ବିଧାନସଭା ଘେରାଉ କରି ପୋଲିସକୁ ଲହୁଲୁହାଣ କରିଦେଇଥିଲେ। ତାହାକୁ ନଜରରେ ରଖି ବର୍ତ୍ତମାନ କୃଷକ ସଂଗଠନ ପାଇଁ ପୋଲିସ ତରଫରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି।
ଭୁବନେଶ୍ବର: ବିଜୁ ଜନତା ଦଳର ପୁଣି ଏକ ବିଜୟ ଘଟିଛି। ଏଥର ଦଳ ସମସ୍ତ ସମବାୟ ସଂସ୍ଥାର ଅଧ୍ୟକ୍ଷ ପଦ ହାତେଇ ନେଇଛି। ନିକଟରେ ଅନୁଷ୍ଠିତ ସମବାୟ ନିର୍ବାଚନରେ ଦଳ ଏହି ସଫଳତା ହାସଲ କରିପାରିଛି। ଜାଣନ୍ତୁ କେଉଁ ସମବାୟ ସଂସ୍ଥାର କିଏ ସେ ହେଲା ଅଧ୍ୟକ୍ଷ.. ତେବେ ଏ ନେଇ ଖୁସି ପ୍ରକଟ କରିଛନ୍ତି ସମବାୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ। ସେ କହିଛନ୍ତି ଯେ, ଆମ ସରକାର ସମବାୟ ସଂସ୍ଥାକୁ ସଶକ୍ତ କରିବାକୁ ସବୁବେଳେ ଉଦ୍ୟମ ଜାରୀ ରଖିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭିଜନ ଅନୁସାରେ ଏହି ସଂସ୍ଥାଗୁଡିକର ବେଶ ଉନ୍ନତି ହେବ।
ଭୁବନେଶ୍ବର: ଖୁବ ଶିଘ୍ର ଆଇଏଏସ ସ୍ତରରେ ହେବ ବଡ ଧରଣର ଅଦଳବଦଳ। ସେ ନେଇ ସାଧାରଣ ପ୍ରଶାସନ ତରଫରୁ ଚାଲିଛି ବଡ ପ୍ରସ୍ତୁତି। ଓଡିଶାର ନୂଆ ମୁଖ୍ୟ ଶାସନ ସଚିବ ଭାବେ ପ୍ରଦୀପ ଜେନା ଦାୟିତ୍ବ ନେବା ପରେ ସେ ଏହି ପରିବର୍ତ୍ତନ କରିବେ। ସୁତ୍ର ଅନୁସାରେ ପ୍ରଥମେ ସେ ସଚିବାଳୟର ବରିଷ୍ଠ ଅଧିକାରୀଙ୍କ ବିଭାଗ ଅଦଳ ବଦଳ କରିବେ। ଏଥିରେ ବିଭିନ୍ନ ବିଭାଗର ନିର୍ଦ୍ଦେଶକଠାରୁ ଆରମ୍ଭ କରି ପ୍ରମୁଖ ଶାସନ ସଚିବଙ୍କ ପର୍ଯ୍ୟନ୍ତ ଏହି ବଦଳ କରାଯିବ। ଏହାପରେ ଜିଲ୍ଲା ସ୍ତରରେ ମଧ୍ୟ ବଡ ଅଦଳବଦଳ କରାଯିବ। ବିଭିନ୍ନ ଜିଲ୍ଲାର ଜିଲ୍ଲାପାଳ ବିରୋଧରେ ଅଭିଯୋଗ ଆସିବାରେ ଲାଗିଛି। ସେଥିପାଇଁ ସେ ଅପାରଗ ଜିଲ୍ଲାପାଳଙ୍କୁ ବଦଳି କରିବେ ବୋଲି ଜଣାପଡିଛି। ବର୍ତ୍ତମାନ ସାଧାରଣ ପ୍ରଶାସନ ବିଭାଗ ତରଫରୁ ଏହି ପ୍ରସ୍ତୁତି କରାଯାଉଛି। ଖୁବ ଶିଘ୍ର ଏହି ଅଦଳବଦଳର ଘୋଷଣା କରାଯିବ।
ସ୍ୱାସ୍ଥ୍ୟ ଟିପ୍ସ: ଆଜିର ସମୟରେ ପ୍ରାୟ ୧୦ଜଣଙ୍କ ଭିତରେ ତିନିଜଣ ମୋଟାପଣର ଶିକାର ହେଉଛନ୍ତି। ଏହି ମୋଟାପଣରୁ ମୁକ୍ତ ପାଇବା ଜିମ୍ର ସାହାରା ନେଉଛନ୍ତି। ଏହା ସହିତ କଠିନ୍ ଡାଏଟ୍, ମେଡିସିନ୍ ଇତ୍ୟାଦିର ମଧ୍ୟ ସାହାଯ୍ୟ ନେବାକୁ ପଡିଛି। ତେବେ ଏହି ମୋଟାପାରୁ ମୁକ୍ତି ପାଇଁ ଓ୍ବାର୍କ ଆଉଟ୍ କରିବା ସହିତ ହେଲ୍ଦୀ ଡାଏଟ୍ ବହୁତ ଜରୁରୀ। ଏପରି କିଛି ଫଳ ରହିଛି, ଯାହା ବହୁତ ଶୀଘ୍ର ଓଜନ କମ କରିବାରେ ସାହାଯ୍ୟ କରିଥାଏ। ସେହି ଫଳଗୁଡ଼ିକ ମଧ୍ୟରେ ରହିଛି– ତରଭୁଜ– ତରଭୁଜ କମ୍ କ୍ୟାଲୋରୀ ହେବା ସହିତ ଏଥିରେ ଅଧିକମାତ୍ରାରେ ଫାଇବର, ପୋଟାସିୟମ୍, ଆଇରନ୍ ଓ ଭିଟାମିନ୍ – ଏ, ସି ଓ ବି ପ୍ରଚୁର ପରିମାଣରେ ରହିଥାଏ। ଏହି ଶରୀରରୁ ବିଷାକ୍ତ ତତ୍ତ୍ବକୁ ବାହାରକୁ କାଢିବାରେ ବହୁତ ସାହାଯ୍ୟ କରିଥାଏ। ଏହା ସହିତ ତରଭୁଜ୍ରେ ପ୍ରଚୁର ପରିମାଣରେ ପାଣି ଥାଏ। ଯାହା ଶରୀରରେ ପାଣିର ଅଭାବକୁ ପୂରଣ କରିବା…
ସୁବାସ କୁମାର ତାରଣିଆଁ କେଉଁ ଅନାଦି କାଳରୁ ମନୁଷ୍ୟ ଓ ପଶୁପକ୍ଷୀମାନଙ୍କ ମଧ୍ୟରେ ରହିଆସିଛି ନିବିଡ଼ ସମ୍ପର୍କ। ପଶୁପକ୍ଷୀ ହେଲେ ବି ଏମାନଙ୍କ ବୁଝିବାର ଶକ୍ତି ମଣିଷଙ୍କଠାରୁ କୌଣସି ଗୁଣରେ କମ୍ ନୁହଁ। ଏଥିପାଇଁ ଲୋକମାନେ ଘରେ କୁକୁର, ବିଲେଇ, ଶୁଆ, ଶାରୀ ଆଦି ପୋଷୁଥିଲେ। ଏହି ପଶୁପକ୍ଷୀମାନଙ୍କୁ ପରିବାରର ଜଣେ ସଦସ୍ୟ ଭାବେ ଗ୍ରହଣ କରିବା, ସେମାନଙ୍କ ସହିତ ଉତ୍ତମ ଆଚରଣ ଓ ଉଚ୍ଚାରଣ କରିବା ଦ୍ୱାରା ଖୁବ୍ କମ୍ ଦିନରେ ସେମାନେ ଅତି ଆପଣାର ପାଲଟିଯାଆନ୍ତି ଏବଂ ମଣିଷର ସୁଖ ଦୁଃଖରେ ଭାଗୀ ହୁଅନ୍ତି। ଏବେ କିନ୍ତୁ ସମୟ ବଦଳିଯାଇଛି। ବଳଦଙ୍କ ବଂଶ ଧୀରେ ଧୀରେ ଲୋପ ପାଇବାକୁ ବସିଲାଣି। ଷଣ୍ଢଟିଏ ବୟସ ହୋଇଗଲାଣି। ଚରି ବୁଲିବାକୁ ଆଉ ସକ୍ଷମ ନାହିଁ। ଖାଦ୍ୟ ଅନ୍ୱେଷଣରେ ଯାହା ବାଡ଼ି ବଗିଚାରେ ପଶୁଛି, ସେ ମାର ମାର, ଧରଧର କରୁଛି। ମାଡ଼ ଭୟରେ ତଥା ଖାଦ୍ୟ ଅନ୍ୱେଷଣରେ ଗାଁ ଛାଡ଼ି ନିକଟସ୍ଥ…
ନୂଆଦିଲ୍ଲୀ: ଆଫ୍ରିକୀୟ ଦେଶରେ ସାମରିକ ଶକ୍ତିକୁ ବଢାଇବା ପାଇଁ ଭାରତ ଏହାର ନୀତି ଉପରେ ପଦକ୍ଷେପ ନେବା ଆରମ୍ଭ କରିଛି। ଆଫ୍ରିକାରେ ଚୀନ୍ର ରଣନୈତିକ ପ୍ରଭାବକୁ ହ୍ରାସ କରିବା ପାଇଁ ଏକ ପଦକ୍ଷେପ ଭାବରେ ଭାରତୀୟ ସେନା ଚଳିତ ମାସରେ ମହାରାଷ୍ଟ୍ରର ପୁଣେରେ ଆଫ୍ରିକୀୟ ଦେଶମାନଙ୍କ ସହ ସାମରିକ ଅଭ୍ୟାସ କରିବ। ଏହା ସହିତ ଆଫ୍ରିକୀୟ ଦେଶର ସେନା ମୁଖ୍ୟମାନଙ୍କର ଏକ କନକ୍ଲେଭ ମଧ୍ୟ ଆୟୋଜିତ ହେବ। ଶୁକ୍ରବାର ଦିନ ସୂଚନା ପ୍ରଦାନ କରି ଭାରତୀୟ ସେନାର ବରିଷ୍ଠ ଅଧିକାରୀମାନେ କହିଛନ୍ତି ଯେ, ନଅ ଆଫ୍ରିକୀୟ ଦେଶ ସହିତ ୧୦ ଦିନିଆ AFINDEX ଅଭ୍ୟାସ ଚଳିତ ମାସ ୨୧ ତାରିଖରୁ ଆରମ୍ଭ ହେବ। ଏହି ସାମରିକ ଅଭ୍ୟାସରେ ଇଥିଓପିଆ, ଘାନା, କେନିଆ, ଲେସୋଥୋ, ନାଇଜର, ସେଶଲ୍ସ, ତାଞ୍ଜାନିଆ, ୟୁଗାଣ୍ଡା ଏବଂ ଜାମ୍ବିଆ ଅଂଶଗ୍ରହଣ କରିବେ। ସେନା ପକ୍ଷରୁ କୁହାଯାଇଛି ଯେ, ଅନ୍ୟ ୧୧ ଟି ଆଫ୍ରିକୀୟ ଦେଶ ଏହି ସାମରିକ ଅଭ୍ୟାସରେ…
ନୂଆଦିଲ୍ଲୀ: ଦିଲ୍ଲୀର କଷ୍ଟମ ଏୟାର ଇଣ୍ଟେଲିଜେଣ୍ଟ ୟୁନିଟ୍ ଦିଲ୍ଲୀ ବିମାନବନ୍ଦରରେ ଦୁଇ କିଲୋଗ୍ରାମରୁ ଅଧିକ ଚୋରା ସୁନା ଆଣିଥିବା ଦୁଇ ଜଣଙ୍କୁ ଗିରଫ କରିଛି। ଦୁଇ କିଲୋଗ୍ରାମ ସୁନା ମଧ୍ୟ ଜବତ କରାଯାଇଛି। ବଜାରରେ ଏହି ସୁନା ମୂଲ୍ୟ ଏକ କୋଟିରୁ ଅଧିକ ବୋଲି କୁହାଯାଉଛି। ଏହି ମାମଲା ମାର୍ଚ୍ଚ ୧୫ ତାରିଖର ଅଟେ। ଏକ ଗୁପ୍ତ ସୂଚନା ଆଧାରରେ ଏୟାର କଷ୍ଟମ୍ସ ଆଇଜି ବିମାନବନ୍ଦର ଟର୍ମିନାଲ୍ -୩ ରେ ଦୁଇ ଜଣ ଭାରତୀୟ ଯାତ୍ରୀଙ୍କୁ ଅଟକାଇ ଯାତ୍ରୀଙ୍କ ପୁଙ୍ଖାନୁପୁଙ୍ଖ ଯାଞ୍ଚ ପରେ ୨ କିଲୋଗ୍ରାମରୁ ଅଧିକ ସୁନା ଜବତ କରିଥିଲା। ସେ କହିଛନ୍ତି ଯେ, ଯାତ୍ରୀମାନେ ଦୁବାଇରୁ ଦିଲ୍ଲୀକୁ ବିମାନ ଆସିଥିଲେ।
ନୂଆଦିଲ୍ଲୀ: ଲୋକଙ୍କ ମଧ୍ୟରେ ବ୍ରଣ ସମସ୍ୟା ଅତି ସାଧାରଣ ଅଟେ। ବ୍ରଣ ଆମ ଚେହେରାର ସୌନ୍ଦର୍ଯ୍ଯକୁ ନଷ୍ଟ କରିଥାଏ। ସାଧାରଣତଃ ତେଲିଆ ଚର୍ମ ଥିବା ଲୋକଙ୍କ ପାଇଁ ଏହା ଅଧିକ। ଏହାଦ୍ବାରା ଚର୍ମରେ ପୋଡାଜଳା ଏବଂ ଯନ୍ତ୍ରଣା ମଧ୍ୟ ହୁଏ। ଅଧିକାଂଶ ଲୋକ ବ୍ରଣ କମ କରିବା ପାଇଁ ଚର୍ମ ଯତ୍ନ ଉତ୍ପାଦ ବ୍ୟବହାର କରନ୍ତି, କିନ୍ତୁ ସେଥିରେ ଥିବା ରାସାୟନିକ ପଦାର୍ଥ ବେଳେବେଳେ ଲାଭ ବଦଳରେ ସେମାନଙ୍କର ପାର୍ଶ୍ୱ ପ୍ରତିକ୍ରିୟା ଯୋଗୁଁ କ୍ଷତି ପହଞ୍ଚାଇଥାଏ। ଏପରି ପରିସ୍ଥିତିରେ, ଆପଣ କେବଳ ଘରୋଇ ଉପଚାର କରି ଏହି ସମସ୍ୟାରୁ ମୁକ୍ତି ପାଇପାରିବେ। ରୋଷେଇ ଘରେ ଏକ ସୁସ୍ଥ ଡାଏଟ୍ କରି ଆପଣ ବ୍ରଣକୁ ବିଦାୟ ଦେଇପାରିବେ। ୧- କଖାରୁ ମଞ୍ଜି: କଖାରୁ ମଞ୍ଜିରେ ଭିଟାମିନ୍ ଇ ଏବଂ ଜିଙ୍କ ଥାଏ ଯାହା ଚର୍ମକୁ ଡିଟକ୍ସ କରିବାରେ ସାହାଯ୍ୟ କରିଥାଏ। ଏହା ବ୍ରଣ ଏବଂ ଆମର ମୃତ ଚର୍ମକୁ ଦୂର କରିବାରେ ମଧ୍ୟ ସହାୟକ…
ସୀତାରାମ ଅଗ୍ରୱାଲ ବାଣପୁର: କିଛିଦିନ ତଳେ ବାଣପୁର ବ୍ଲକ ଅଧ୍ୟକ୍ଷ ଅମରେନ୍ଦ୍ର ରଣସିଂହଙ୍କ ଏକ ଘଟଣାକୁ ନେଇ ଚିଲିକା ରାଜନୀତିରେ ବେଶ ଚର୍ଚ୍ଚା ଲାଗି ରହିଛି। ତାହା ହେଲା ଚିଲିକାର ପୂର୍ବତନ ବିଧାୟକ ରଘୁନାଥ ସାହୁଙ୍କୁ ସେ ନିଜ ବ୍ଲକ ଅଫିସଙ୍କୁ ସ୍ବାଗତ କରି ପାଛୋଟି ନେଉଛନ୍ତି। ଏହି ଘଟଣାକୁ ନେଇ ବିଭିନ୍ନ ମହଲରେ ସନ୍ଦେହ ପ୍ରକାଶ ପାଇବାରେ ଲାଗିଛି। ଖେଳ କଣ ବୋଲି ପ୍ରଶ୍ନ ଉଠିଛି। ପ୍ରକୃତରେ ଦେଖିବାକୁ ଗଲେ କୌଣସି ପୂର୍ବତନ ବିଧାୟକଙ୍କୁ ସ୍ବାଗତ କରିବା କିଛି ଭୁଲ କଥା ନୁହେଁ। ହେଲେ ଗତବର୍ଷ ସେହି ବ୍ଲକ ଅଧ୍ୟକ୍ଷଙ୍କୁ ନେଇ ପଲଟନ ପଡିଆରେ ବିଜେଡି ବିଜେପି ମଧ୍ୟରେ ଯେଉଁ ମାଡିପିଟି ହୋଇଥିଲା ତାହା ସାରା ଓଡିଶାରେ ଚାଞ୍ଚଲ୍ୟ ଖେଳାଇ ଦେଇଛି। ଏପରି ଘଟଣା ପରେ ବିଜେଡି ନେତା ରଘୁଙ୍କୁ ବିଜେପି ନେତା ସ୍ବାଗତ କରିବା ବାଣପୁରବାସୀ ଭିନ୍ନ ଦୃଷ୍ଟିରେ ଦେଖିଛନ୍ତି। ଅନ୍ୟପକ୍ଷରେ ରଘୁ ସାହୁ ବର୍ତ୍ତମାନ କୌଣସି ସରକାରୀ…
କୋଲକାତା: ଆଗାମୀ ଦିନରେ ବିରୋଧୀ ମେଣ୍ଟ ଗଠନକୁ ନେଇ ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ ଏକ ବଡ ବୟାନ ଦେଇଛନ୍ତି। ଶନିବାର ସେ କହିଛନ୍ତି ଯେ, ୨୦୨୪ ଲୋକସଭା ନିର୍ବାଚନରେ ଭାରତୀୟ ଜନତା ପାର୍ଟି ବିରୋଧରେ ଲଢେଇରେ ଆଞ୍ଚଳିକ ଦଳଗୁଡ଼ିକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ। ତେବେ ଏହି ପ୍ରସ୍ତାବିତ ବିରୋଧୀ ସାମ୍ମୁଖ୍ୟରେ କଂଗ୍ରେସର ଭୂମିକା ଉପରେ ଯାଦବ କହିଛନ୍ତି ଯେ, ଏ ବିଷୟରେ ପୁରାତନ ଦଳ ନିଷ୍ପତ୍ତି ନେବ। ଯାଦବ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ, ବିରୋଧୀ ମେଣ୍ଟ ବା ସାମ୍ମୁଖ୍ୟ ଗଠନ ପାଇଁ ଉଦ୍ୟମ ଚାଲିଛି। ବିହାର ମୁଖ୍ୟମନ୍ତ୍ରୀ ନୀତୀଶ କୁମାର, ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଏହାକୁ ନେଇ ଚେଷ୍ଟା ଜାରି ରଖିଛନ୍ତି। ମୁଁ ନିଶ୍ଚିତ ଯେ ଆଗାମୀ ଦିନରେ ଏକ ବିରୋଧୀ ମେଣ୍ଟ ଗଠନ ହେବ, ଯାହା ବିଜେପି ବିରୋଧରେ ଲଢେଇ କରିବ।…
ନୂଆଦିଲ୍ଲୀ: ଆଜି ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଏକଦିବସୀୟ ମ୍ୟାଚରେ କେଏଲ ରାହୁଲ ତାଙ୍କ ନାମରେ ଏକ ବିଶେଷ ସଫଳତା ପଞ୍ଜିକରଣ କରିପାରନ୍ତି। ସେ ଦିନିକିଆ କ୍ରିକେଟ୍ ରେ ୨ ହଜାର ରନ୍ ପୂରଣ କରିବାରେ ଦ୍ୱିତୀୟ ଦ୍ରୁତତମ ଭାରତୀୟ ହୋଇପାରନ୍ତି। ଏହି ପ୍ରସଙ୍ଗରେ ଶିଖର ଧାୱନ ପ୍ରଥମ ସ୍ଥାନରେ ଅଛନ୍ତି। ଶିଖର ମାତ୍ର ୪୮ ଟି ଇନିଂସରେ ଦୁଇ ହଜାର ଦିନିକିଆ ରନ୍ ସ୍କୋର କରିଥିଲେ। କେଏଲ ରାହୁଲ ଏପର୍ଯ୍ୟନ୍ତ ୫୨ ଟି ଦିନିକିଆ ଖେଳିଛନ୍ତି। ଏଠାରେ ସେ ୫୦ ଇନିଂସରେ ୧୯୪୫ ରନ୍ ସଂଗ୍ରହ କରିଛନ୍ତି। ଅର୍ଥାତ୍ ସେ ଦୁଇ ହଜାର ରନ୍ ଠାରୁ ମାତ୍ର ୫୫ ରନ୍ ଦୂରରେ ଅଛନ୍ତି। ଗତ ମ୍ୟାଚ୍ରେ କେ.ଏଲ୍ ରାହୁଲ ଯେଉଁଭଳି ବ୍ୟାଟିଂ କରିଥିଲେ, ଏହି ସଫଳତା ହାସଲ କରିବା ତାଙ୍କ ପାଇଁ କଷ୍ଟସାଧ୍ୟ ନୁହେଁ। ପ୍ରକାଶ ଯେ, ଗତ ଦିନିକିଆ ମ୍ୟାଚରେ କେ.ଏଲ୍ ରାହୁଲ ୭୫ ରନର…
ନୂଆଦିଲ୍ଲୀ: ୱାରିସ୍ ପଞ୍ଜାବ ଦେ ମୁଖ୍ୟ ଅମୃତପାଲ ସିଂଙ୍କ ବିରୋଧରେ ପଞ୍ଜାବ ପୋଲିସର କାର୍ଯ୍ୟାନୁଷ୍ଠାନ ଚାଲିଛି। ତାଙ୍କୁ ପଳାତକ ଘୋଷିତ କରାଯାଇଛି। ପୁରା ପଞ୍ଜାବରେ ପୋଲିସ ପ୍ରଶାସନକୁ ସତର୍କ ମୋଡରେ ରଖାଯାଇଛି। ଏଥି ସହିତ ପଞ୍ଜାବ ପୋଲିସ ଏବଂ କେନ୍ଦ୍ରୀୟ ଏଜେନ୍ସିମାନେ ସୋସିଆଲ ମିଡିଆରେ ପାକିସ୍ତାନରୁ ପଠାଯାଇଥିବା ମିଥ୍ୟା ତଥ୍ୟକୁ ବିଶ୍ୱାସ ନକରିବାକୁ ଲୋକଙ୍କୁ ନିବେଦନ କରିଛନ୍ତି। ନକଲି ଆଇଡି ସହିତ ପାକିସ୍ତାନରେ ବସିଥିବା ଖାଲିସ୍ତାନୀ ପଞ୍ଜାବର ଲୋକଙ୍କୁ ଏଭଳି ପୋଷ୍ଟ ସହ ବିଭ୍ରାନ୍ତ କରିବାକୁ ଚେଷ୍ଟା କରୁଛନ୍ତି। ପଞ୍ଜାବ ସରକାର ପୁନର୍ବାର ସ୍ପଷ୍ଟ କରିଛନ୍ତି ଯେ, ଅମୃତପାଲ ସିଂଙ୍କୁ ଏପର୍ଯ୍ୟନ୍ତ ଗିରଫ କରାଯାଇ ନାହିଁ। ବର୍ତ୍ତମାନ ରାଜ୍ୟରେ ପରିସ୍ଥିତି ସ୍ୱାଭାବିକ। ଇଣ୍ଟରନେଟ୍ ଏବଂ ସରକାରୀ ବସ୍ ସେବା ବନ୍ଦ: ଅମୃତପାଲ ସିଂଙ୍କ ଗିରଫଦାରୀ ସମ୍ପର୍କରେ ପୋଲିସ ସର୍ଚ୍ଚ ଅପରେସନ ଆରମ୍ଭ କରିଥିବାବେଳେ। ଅନ୍ୟପକ୍ଷରେ ଶନିବାର ସନ୍ଧ୍ୟା ଠାରୁ ରବିବାର ୧୨ ଟା ପର୍ଯ୍ୟନ୍ତ ଇଣ୍ଟରନେଟ୍ ସେବା ମଧ୍ୟ ବନ୍ଦ କରାଯାଇଛି।…
ଭୁବନେଶ୍ବର: ଲୋକପ୍ରିୟ ଡିଜେ ଆଜେକ୍ସ ଓରଫ ଅକ୍ଷୟ କୁମାରଙ୍କ ସନ୍ଦେହ ଜନକ ଭାବେ ମୃତ୍ୟୁ ଘଟିଛି। ଭୁବନେଶ୍ୱର ଖାରବେଳ ନଗର ଘରୁ ତାଙ୍କର ଝୁଲନ୍ତା ମୃତ ଦେହ ଉଦ୍ଧାର କରାଯାଇଛି। ତାଙ୍କର ଶବକୁ ପୋଲିସ ଉଦ୍ଧାର କରି ପୋଷ୍ଟମର୍ଟମ କରିବା ପାଇଁ ହସପିଟାଲକୁ ପଠାଇଛନ୍ତି। ସେ ଘରେ ଏକ ବେଡସିଟରେ ଝୁଲି ପଡିଥିବାର ଜଣାପଡିଛି। ତେବେ ସେ କାହିଁକି ଏପରି କଲେ ତାହାକୁ ନେଇ ସନ୍ଦେହ ସୃଷ୍ଟି ହୋଇଛି। ତେବେ ତାଙ୍କ ପରିବାର ଲୋକେ ଏହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଅଭିଯୋଗ କରିଛନ୍ତି।
ସୀତାରାମ ଅଗ୍ରୱାଲ ବାଣପୁର: ଓଡ଼ିଶାର ପ୍ରଖ୍ୟାତ କବି, ଗାଳ୍ପିକ, ଔପନ୍ୟାସିକ, ଗୀତିକାର ତପନ ପଟ୍ଟନାୟକଙ୍କ ବିୟୋଗରେ ଚିଲିକା ସାହିତ୍ୟ ସମାଜ ତରଫରୁ ଶୋକସଭା ଅନୁଷ୍ଠିତ ହୋଇଯାଇଛି। ସାହିତ୍ୟ ସମାଜର ସଭାପତି ବାଳମୁକୁନ୍ଦ ଦାସଙ୍କ ସଭାପତିତ୍ଵରେ ଶ୍ରୀରଙ୍କନାଥ ମନ୍ଦିର ପ୍ରାଙ୍ଗଣରେ ଏହି ସଭା କରାଯାଇଛି। ଏଥିରେ ଗାଳ୍ପିକ ଶିବ ମିଶ୍ର, କବି ପୁରୁଷୋତ୍ତମ ମହାପାତ୍ର, ଓମ୍ ପ୍ରକାଶ ଅଗ୍ରୱ୍ୱାଲ, ଡ଼ଃ କୈଳାସ ମହାରଣା, ଡଃ ଲକ୍ଷ୍ମୀ ଧରସୁବୁଦ୍ଧି, ଲକ୍ଷ୍ମୀ ପ୍ରସାଦ ମିଶ୍ର, ମଦନ ମୋହନ ମହାପାତ୍ର, ଆନନ୍ଦ ଚନ୍ଦ୍ରସେନାପତି, ଦିଗମ୍ବର ବିଶ୍ଵାଳ, ଶିଶିର ଦାସ,ବୈରାଗୀ ବଳ ପ୍ରମୁଖ ଯୋଗ ଦେଇ ଦିବଂଗତ ଆତ୍ମାର ସଦ୍ ଗତି କାମନା ପୂର୍ବକ ଦୁଇ ମିନିଟ ନୀରବ ପ୍ରାର୍ଥନା ସହ ସ୍କୃତି ଚାରଣ କରି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଶ୍ରୀରଙ୍କ ନାଥଙ୍କ ଚରଣାରବିନ୍ଦରେ ପ୍ରଦୀପ ପ୍ରଜ୍ଵଳନ କରାଯାଇ ତାଙ୍କପ୍ରିୟ କାଳଜୟୀ ଭଜନ” ମୁଁ ଆସିଛି ଦେଖି ତୋ କଳା ବଦନକୁ “ଆବୃତ୍ତି କରାଯାଇଥିଲା। ଶେଷରେ…