Categories
ଅପରାଧ ଆଜିର ଖବର ରାଜ୍ୟ ଖବର

ବଡ ଧରଣର ଜୁଆ ଆଡ୍ଡା ଉପରେ ଚଢାଉ: ୬ ଗିରଫ, ୧୩ ଟି ବାଇକ ଓ ୫୬ ହଜାରରୁ ଉର୍ଦ୍ଧ୍ଵ ଟଙ୍କା ଜବତ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଏସପି ଙ୍କ ନିର୍ଦ୍ଦେଶନାରେ କୋଦଳା ଓ ବେଗୁନିଆପଡ଼ା ଥାନା ପୋଲିସ୍ ବେଗୁନିଆ ପଡ଼ା ନିକଟସ୍ଥ ତିରିଡା କାଜୁ ଜଙ୍ଗଲରେ ଏକ ବଡ଼ ଧରଣର ଜୁଆ ଆଡ୍ଡା ଉପରେ ଚଢ଼ଉ କରିଛି।

ଏହି ଚଢାଉ ବେଳେ କିଛି ଜୁଆଡି ଘଟଣାସ୍ଥଳରୁ ଛତ୍ରଭଙ୍ଗ କରିଥିବା ବେଳେ ୬ ଜଣ ଜୁଆଡି, ୧୩ ଟି ମୋଟରସାଇକେଲ, ୬ ଟି ମୋବାଇଲ ଫୋନ ଓ ନଗଦ ୫୬ ହଜାର ଟଙ୍କାରୁ ଅଧିକ ପୋଲିସ ଜବତ୍ କରିଛି। ବେଗୁନିଆପଡ଼ା ଥାନାରେ ଏତଲା ରୁଜୁ ହୋଇଛି ଓ ଅନ୍ୟାନ୍ୟ ଜୁଆଡି ମାନଙ୍କ ଉପରେ ଅନୁସନ୍ଧାନ ଚାଲିଛି ବୋଲି ପୋଲିସ ପ୍ରକାଶ କରିଛି।

ଏହି ସବୁ ଜୁଆଡି ନିକଟସ୍ଥ ପୁରୁଷୋତ୍ତମପୁର, କୋଦଳା, ଖଲିକୋଟ ଓ ଆଖପାଖ ଅଞ୍ଚଳର ବୋଲି ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବଡ ଧରଣର ଡକାୟତି ଉଦ୍ୟମକୁ ପଣ୍ଡ କଲା ବୁଗୁଡ଼ା ଥାନା ପୋଲିସ: ୫ ଗିରଫ, ମାରଣାସ୍ତ୍ର ଜବତ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଆଜି ଭୋର୍ ସକାଳୁ ବିଶ୍ୱସ୍ତ ସୂତ୍ରରୁ ଖବର ପାଇ ବୁଗୁଡ଼ା ଥାନା ଅଧିକାରୀ ଚିତ୍ତରଞ୍ଜନ ବେହେରାଙ୍କ ନିର୍ଦ୍ଦେଶକ୍ରମେ ବାଲିପଦର ଫାଣ୍ଡି ଅଧିକାରୀ ସମୀର କୁମାର ବେହେରା ନିକଟସ୍ଥ ପୋଚାଲୁଣ୍ଡି ଗାଁ ଛକରେ ଅଚାନକ ଚଢ଼ାଉ କରି ଏକ ବଡ ଧରଣର ଡକାୟତି ଉଦ୍ୟମକୁ ପଣ୍ଡ କରିଛନ୍ତି। ଘଟଣାସ୍ଥଳରୁ ୫ ଜଣ ଡକାୟତ ଯଥା କୁନା ବାରିକ, ନାରାୟଣ ବେହେରା, ସନିଆ ନାଇକ, ହାଡ଼ୁ ରଣା ଓ ଆନ୍ଧ୍ରପ୍ରଦେଶ ଶ୍ରୀକାକୁଲମ ଜିଲ୍ଲା ପାଲାସା ଥାନା ଅନ୍ତର୍ଗତ ନେହେରୁ ନଗର ଅଞ୍ଚଳର ତିରୁମାଲା ପାତ୍ରକୁ ପୋଲିସ ଉଠାଇ ଆଣି ଏତଲା ନଂ ୪୪୭/୨୩ ଅନୁଯାୟୀ ମାମଲା ରୁଜୁ କରି କୋର୍ଟ ଚାଲାଣ କରିଛି।

ଏତଦବ୍ୟତୀତ ଘଟଣାସ୍ଥଳରୁ ୩ଟି ପିସ୍ତଲ୍,୧୦ ଟି ଜୀବନ୍ତ ଗୁଳି, ଗୋଟିଏ ଭୁଜାଲି, ଦୁଇଟି ମୋଟରସାଇକେଲ, ୬ ଟି ମୋବାଇଲ ଫୋନ,୧୩୦ ଗ୍ରାମ ସୁନା, ନଗଦ ଏକ ଲକ୍ଷ ୨୨ ହଜାର ଟଙ୍କା ସମେତ ଏକ ପ୍ୟାକେଟ୍ ମରିଚ ଗୁଣ୍ଡ ପୋଲିସ ଜବତ କରିଛି। ଅଭିଯୁକ୍ତ କୁନା ବାରିକ ନାମରେ ଆଗରୁ ୧୪ ଟି ମକଦ୍ଦମା ବିଭିନ୍ନ ଥାନାରେ ରହିଛି ବୋଲି ଗଞ୍ଜାମ ଜିଲ୍ଲା ଅତିରିକ୍ତ ଏସପି ପ୍ରଫୁଲ୍ଲ କୁମାର ବଡ଼ଜେନା ସାମ୍ବାଦିକ ସମ୍ମିଳନୀରେ କହିଛନ୍ତି।

ସୁଚନା ଯୋଗ୍ୟ ଯେ, ଏହି ଅଭିଯୁକ୍ତ ମାନେ ପୁର୍ବରୁ ମୟୁରଭଞ୍ଜ ଜିଲ୍ଲା ଶୁଳିଆପଦା ଥାନା ଅଞ୍ଚଳରେ ଏକ ସୁନା ଚୋରି ଘଟଣାରେ ସମ୍ପୃକ୍ତ ଅଛନ୍ତି ବୋଲି ଅତିରିକ୍ତ ଏସପି ସୁଚନା ପ୍ରଦାନ କରିଛନ୍ତି। ଆଜିର ସାମ୍ବାଦିକ ସମ୍ମିଳନୀରେ ଥାନା ଅଧିକାରୀ ଚିତ୍ତରଞ୍ଜନ ବେହେରା ଓ ବାଲିପଦର ଫାଣ୍ଡି ଅଧିକାରୀ ସମୀର କୁମାର ବେହେରାଙ୍କ ସମେତ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ଶ୍ରଦ୍ଧାଳୁଙ୍କୁ ଦୁର୍ବ୍ୟବହାର ମାମଲା: ଗିରଫ ହେଲେ ଲିଙ୍ଗରାଜ ମନ୍ଦିରର ୪ ସେବାୟତ

ଭୁବନେଶ୍ଵର: ଆଜି ଲିଙ୍ଗରାଜ ମନ୍ଦିରର ୪ ଜଣ ସେବାୟତଙ୍କୁ ପୋଲିସ ଗିରଫ କରିଛି। ଶ୍ରଦ୍ଧାଳୁଙ୍କୁ ଦୁର୍ବ୍ୟବହାର ମାମଲାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ବାହାର ରାଜ୍ୟର ଶ୍ରଦ୍ଧାଳୁଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିବା ନେଇ ଏହି ୪ ଜଣଙ୍କ ନାମରେ ଅଭିଯୋଗ ହୋଇଥିଲା। ପୂର୍ବରୁ ମଧ୍ୟ ଏମାନଙ୍କ ନାମରେ ଥାନାରେ ଅଭିଯୋଗ ରହିଛି। ମନମୋହନ ମହାପାତ୍ର, ବୀର ବେହେରା, କୃପାସିନ୍ଧୁ ମହାପାତ୍ର ଏବଂ ପ୍ରକାଶ ବଟୁ ଗିରଫ ହୋଇଥିବା ଜଣାପଡିଛି।  ଡିସିପି ପ୍ରତୀକ ସିଂହ ଏନେଇ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଦୁଇ ଏଟିଏମ୍ ଲୁଟେରା ଗିରଫ: ୧୨ ଟି କାର୍ଡ ଓ ନଗଦ ୯୨ ହଜାର ଜବତ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ରମ୍ଭା ଥାନା ପୋଲିସ ଦୁଇ ଏଟିଏମ୍ ଲୁଟେରାକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଲୁଟେରା ଦୁଇ ଜଣ ଯୁବକ ମଧ୍ୟରେ ଜଣେ ଚମାଖଣ୍ଡି ଥାନା ଅନ୍ତର୍ଗତ ଶୀତାରାମପୁର ଗ୍ରାମର ହରିହର ରେଡି ଓ ଲକ୍ଷ୍ମୀପୁର ଗ୍ରାମର ରଘୁନାଥ ରେଡି ବୋଲି ଜଣାପଡିଛି। ଉଭୟଙ୍କ ନିକଟରୁ ୧୨ ଟି ଏ ଟି ଏମ୍ କାର୍ଡ ଓ ନଗଦ ୯୨ ହଜାର ଟଙ୍କା ପୋଲିସ ଜବତ କରିଛନ୍ତି।

ଏହି ଦୁଇ ଲୁଟେରା ବେଲଗୁଣ୍ଠା ଓ ପୁରୀ ଜିଲ୍ଲା କ୍ରୁଷ୍ଣପ୍ରସାଦ ଅଞ୍ଚଳରେ ଏ ଟି ଏମ୍ କାର୍ଡ ବଦଳାଇ ଟଙ୍କା ଲୁଟି ଚାଲିଥିଲେ। ଘଟଣା ବିଷୟରେ ପୋଲିସ ନିକଟରେ ରମ୍ଭା ଅଞ୍ଚଳରୁ ଦୁଇଟି ଓ ବେଲଗୁଣ୍ଠା ଅଞ୍ଚଳରୁ ଗୋଟିଏ ଅଭିଯୋଗ ପାଇ ଅନୁସନ୍ଧାନ ଚଳାଇ ଉକ୍ତ ଦୁଇ ଲୁଟେରା କୁ ଗିରଫ କରିବାରେ ସଫଳ ହୋଇଛନ୍ତି। ଅଭିଯୁକ୍ତ ହରିହର ନାମରେ ପୁର୍ବରୁ ବିଭିନ୍ନ ଥାନାରେ ମକଦ୍ଦମା ଥିବା ପୋଲିସ କହିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଚୋରୀ ମାମଲାରେ ୪ ଯୁବକ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଗାୟତ୍ରୀ ବିହାରରେ ଗତ ୩୧ ତାରିଖରେ ଘଟିଥିବା ଚୋରି ଘଟଣାରେ ବିଭିନ୍ନ ସ୍ଥାନରେ ଚଢାଉ କରାଯାଇଛି। ଏହି ମାମଲାରେ ୪ ଜଣ ଯୁବକଙ୍କୁ ପୋଲିସ ଗିରଫ କରିବାରେ ସଫଳ ହୋଇଛି।

ଘଟଣାରୁ ପ୍ରକାଶ ଯେ, ଗାୟତ୍ରୀ ବିହାରର ସୁଶାନ୍ତ ମିଶ୍ର ନିଜର ଉପର ଘରେ ଶୋଇଥିବା ବେଳେ ତଳ ଘରେ କେହି ନଥିବା ସୁଯୋଗ ନେଇ କିଛି ନଗଦ ଟଙ୍କା, ସୁନା ଓ ରୂପା ଅଳଂକାର ଚୋରି ହୋଇଥିବା ବଡ଼ବଜାର ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୋଲିସ ଅନୁସନ୍ଧାନ ଚଳାଇ ଶଙ୍କର ପରିଡା, ଆକାଶ ପଣ୍ଡା, ବାବୁ ସାହୁ ଓ ରାଜା ପାତ୍ର ନାମକ ୪ ଜଣ ଯୁବକଙ୍କୁ କାବୁ କରି ସେମାନଙ୍କ ଠାରୁ ନଗଦ ୨ ହଜାର ଟଙ୍କା, କିଛି ରୁପା ଅଳଙ୍କାର ଜବତ କରିବା ସହ ଉକ୍ତ ଯୁବକମାନଙ୍କୁ ଗିରଫ କରି କୋର୍ଟ ଚାଲାଣ କରିଛି।

Categories
ଆଞ୍ଚଳିକ

ଜମିରେ ପାଣି ମଡାକୁ କେନ୍ଦ୍ର କରି ଗଣ୍ଡଗୋଳ, ୩ ଆହତ ଓ ୩ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବୁଗୁଡ଼ା ଥାନା ଅନ୍ତର୍ଗତ ଘୋଳପୁର ଗ୍ରାମରେ ଜମିରେ ପାଣି ମଡାକୁ କେନ୍ଦ୍ର କରି ଗଣ୍ଡଗୋଳ ଘଟି ଦୁଇ ପରିବାରର ୩ ଜଣ ଆହତ ହୋଇଛନ୍ତି।

ଘଟଣାରୁ ପ୍ରକାଶ ଯେ, ଅଶ୍ଵିନୀ ବାରିକ ଓ ଧନେଶ୍ଵର ପ୍ରଧାନଙ୍କ ଜମି ପାଖାପାଖି ରହିଛି। ଇତ୍ୟବସରରେ ଚାଷ କାର୍ଯ୍ୟ ପାଇଁ ଜମିରେ ପାଣି ମଡାକୁ ଉଭୟଙ୍କ ମଧ୍ୟରେ ବଚସା ହୋଇଥିଲା ଓ ପରବର୍ତ୍ତୀ ସମୟରେ ଆକ୍ରମଣ ଓ ପ୍ରତିଆକ୍ରମଣ ଘଟି ଅଶ୍ଵିନୀ ବାରିକ, ବସନ୍ତ ବାରିକ ଓ ଧନେଶ୍ଵର ପ୍ରଧାନ ଗୁରୁତର ଆହତ ହୋଇଥିଲେ।

ଏହି ଭଳି ପରିସ୍ଥିତିରେ ଉଭୟ ଥାନାରେ ଅଭିଯୋଗ କରିଥିଲେ ଓ ଅଭିଯୋଗକୁ ଭିତ୍ତି କରି ପୋଲିସ ଉଭୟ ପକ୍ଷଙ୍କ ଏତଲା ଗ୍ରହଣ କରି ୩୮୪/୨୩ ଓ ୩୮୫/୨୩ ପ୍ରକାରେ ଅଶ୍ଵିନୀ, ବସନ୍ତ ଓ ଧନେଶ୍ଵରକୁ ଗିରଫ କରି କୋର୍ଟ ଚାଲାଣ କରିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ପୋଲିସ ଓ ବୋହୁଙ୍କୁ ଆକ୍ରମଣ ଅଭିଯୋଗରେ ୬ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଷାଣୀ ନୁଆଁଗାଁ ଥାନା ଅନ୍ତର୍ଗତ ଚାଞ୍ଚଡାପଡିଆ ବିଶ୍ଵନାଥ ନଗରରେ ନମିତା ପାତ୍ର ନାମକ ଜଣେ ବୋହୁକୁ ଶ୍ଵଶୁର ଘର ଲୋକ ଶାରୀରିକ, ମାନସିକ ଓ ଯୌତୁକ ନିର୍ଯାତନା ଅଭିଯୋଗ ହୋଇଥିଲା। ଏନେଇ ମହିଳା ଥାନାରେ କେଶ୍ ନଂ ୭୮/୨୩ ଅନୁଯାୟୀ ଏକ ମକଦ୍ଦମା ରୁଜୁ ହୋଇଥିଲା। ଏହି ପରିପ୍ରେକ୍ଷୀରେ ମହିଳା ଥାନା ପୋଲିସ ଉଭୟ ପରିବାରକୁ ଡ଼ାକି ବୁଝାମଣା କରିବା ପାଇଁ ଚେଷ୍ଟା କରିଥିଲେ। କିନ୍ତୁ ବୁଝାମଣା ଫଳପ୍ରଦ ନହେବାରୁ ବୋହୁର ଯୌତୁକ ସାମଗ୍ରୀ ଜବତ କରିବା ପାଇଁ ଏସ୍ ଆଇ ଝୁନୁବାଳା ଶାସମଲଙ୍କ ନେତୃତ୍ଵରେ ଏକ ଟିମ୍ ବିଶ୍ଵନାଥ ନଗର ସ୍ଥିତ ଶ୍ବଶୁର ଘରେ ପହଞ୍ଚିଥିଲେ।

ଶ୍ଵଶୁର ଘର ଲୋକ ବୋହୂ ନମିତାକୁ ଦେଖି ଅତର୍କିତ ଆକ୍ରମଣ କରି ନିର୍ଧୁମ ପିଟି ନିକଟସ୍ଥ ନାଳରେ ପକାଇ ଦେଇଥିଲେ। ଏହି ସମୟରେ ପୋଲିସ ଅଟକାଇବାରୁ ଅଭିଯୁକ୍ତ ଗୋବିନ୍ଦ ପାତ୍ର, ଘନ ପାତ୍ର, ଲକ୍ଷ୍ମୀ ପାତ୍ର ଶିବ ପାତ୍ର ଓ ଡମ୍ବି ପାତ୍ର ମହିଳା ଏସ୍ ଆଇ ଝୁନୁବାଳା ଶାସମଲଙ୍କ ସମେତ ଅନ୍ୟ ପୋଲିସ କର୍ମଚାରୀଙ୍କୁ ଠେଙ୍ଗାରେ ଆକ୍ରମଣ କରିଥିଲେ।

କୌଶଳ କ୍ରମେ ବୋହୂ ନମିତାଙ୍କୁ ପୋଲିସ ଗୋଷାଣୀ ନୁଆଁଗାଁ ଥାନାକୁ ଆଣିବାରେ ସକ୍ଷମ ହୋଇଥିଲେ। ଏନେଇ କେଶ୍ ନଂ ୧୪୨/୨୩ ଅନୁଯାୟୀ ମାମଲା ରୁଜୁ କରି ପୋଲିସ ଉକ୍ତ ସମସ୍ତ ପରିବାରର ଲୋକଙ୍କ ସହ ଜଣେ ବାଳକକୁ ଗିରଫ କରିଛି।

Categories
ଅପରାଧ ଆଜିର ଖବର ଧର୍ମ ରାଜ୍ୟ ଖବର

ପ୍ରସିଦ୍ଧ ବୁଢୀ ଠାକୁରାଣୀ ଯାତ୍ରାରେ ଅଶ୍ଳୀଳ ଦଣ୍ଡନାଚ ପ୍ରଦର୍ଶନ, ୫ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବିଶ୍ୱ ପ୍ରସିଦ୍ଧ ବ୍ରହ୍ମପୁର ବୁଢ଼ୀ ଠାକୁରାଣୀ ଯାତ୍ରା ମହାସମାରୋହରେ ପାଳିତ ହେଉଛି। ଇତ୍ୟବସରରେ ବହୁ ଦୁର ଦୁରାନ୍ତରୁ ମାଁଙ୍କ ଦର୍ଶନ ପାଇଁ ଶ୍ରଦ୍ଧାଳୁ ଭକ୍ତମାନଙ୍କ ସୁଅ ଛୁଟିଛି ଓ ମାଁ ଙ୍କ ଯାତ୍ରା ପରମ୍ପରା ଓ ନୀତି ନିୟମ ପାଳନ ହେବା ସହ ବହୁ ମାନସିକ ବେଶଧାରୀ ବ୍ୟକ୍ତିବିଶେଷ ମାଁ ଙ୍କ ଦର୍ଶନ କରି କ୍ରୁପା ଲାଭ କରୁଛନ୍ତି। କିନ୍ତୁ କିଛି ଅନୁଷ୍ଠାନ ଓ ସଂସ୍କୃତି ବିରୋଧୀ ବ୍ୟକ୍ତିବିଶେଷ ବିଭିନ୍ନ ପ୍ରକାର ଅଶ୍ଳୀଳ ଭଜନ,ନାଚ ଗୀତ ସହ ଦଣ୍ଡନାଚ ପଟୁଆର ବାହାର କରି ଧର୍ମାବଲମ୍ବୀ ଜନତାଙ୍କ ହୃଦୟକୁ କୁଠାରାଘାତ କରୁଛନ୍ତି। ଯ’ଦ୍ଵାରା କିଛି ବୁଦ୍ଧିଜୀବି ଓ ଯାତ୍ରା କଳାକାର ସଂଘ ପକ୍ଷରୁ ବ୍ରହ୍ମପୁର ଏସ୍ ପି ଡଃ ଶ୍ରବଣ କୁମାର ଙ୍କୁ ସ୍ମାରକ ପତ୍ର ପ୍ରଦାନ ସହ ଏହି ଭଳି ଅପସଂସ୍କୃତି କାର୍ଯ୍ୟ କୁ ବନ୍ଦ କରିବା ପାଇଁ ଦାବି କରିଥିଲେ।

ଏସ୍ ପି ଡଃ ଶ୍ରବଣ କୁମାରଙ୍କ ନିର୍ଦ୍ଦେଶରେ ବଡ଼ବଜାର ଥାନା ପୋଲିସ୍ ଏହି ଭଳି କାର୍ଯ୍ୟକୁ ଦମନ କରିବା ପାଇଁ ଆଗେଇ ଆସି ଏକ ଅଶ୍ଳୀଳ ଦଣ୍ଡନାଚ ଦଳକୁ କାବୁ କରି ୫ ଜଣ ଯୁବକ ଓ ଅଶ୍ଳୀଳ ଫଟୋ ପ୍ରଦର୍ଶିତ ପରଭାକୁ ଉଠାଇ ଆଣି ଜେରା କରିବା ସହ କେଶ୍ ନଂ ୧୩୫/୨୩ ଅନୁଯାୟୀ ମାମଲା ରୁଜୁ କରି କୋର୍ଟ ଚାଲାଣ କରିଛନ୍ତି। ଗିରଫ ଯୁବକ ମାନେ ହେଲେ ଶିବ ମହାରଣା, ଅନୁପମ ରାଉତ, ବାବୁ ନାୟକ, ଭଗବାନ ନାୟକ ଓ ଶଙ୍କର ଜେନା ବୋଲି ଜଣାପଡିଛି।

Categories
ଆଞ୍ଚଳିକ

ମୋବାଇଲ ଫୋନ ଲୁଟ୍ ଅଭିଯୋଗରେ ଜଣେ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବୈଦ୍ୟନାଥପୁର ପୋଲିସ ମୋବାଇଲ ଲୁଟ୍ ଅଭିଯୋଗରେ ଗଜପତି ନଗର ଅଞ୍ଚଳର ଅଭିଷେକ ଶତପଥୀ ନାମକ ଜଣେ ଯୁବକକୁ ଗିରଫ କରିଛନ୍ତି।

ପ୍ରକାଶ ଯୋଗ୍ୟ ଯେ, ମେଡିକାଲ ବ୍ୟାଙ୍କ କଲୋନୀର କିଶାନ୍ ବେହେରା ନାମକ ଜଣେ ବ୍ୟକ୍ତି ବାଇକ୍ ରେ ଘରକୁ ଫେରିବା ବେଳେ ଏକ ଫୋନ କଲ୍ ଆସିବାରୁ ମେଡିକାଲ ଖେଳ ପଡିଆ ନିକଟ ରାସ୍ତା କଡ଼ରେ ଛିଡ଼ା ହୋଇ କଥା ହେଉଥିଲେ। ଏତିକି ବେଳେ ଗିରଫ ଯୁବକ ଅଭିଷେକ ହଠାତ୍ ଆସି କିଶାନ୍ କୁ ଧକ୍କା ଦେବାରୁ ସେ ତଳେ ପଡ଼ିଯାଇଥିଲେ ଓ ଅଭିଷେକ ତାଙ୍କର ମୋବାଇଲ ଫୋନ ଟି ଧରି ସେଠାରୁ ପଳାୟନ କରିବା ବେଳେ କିଶାନ୍ ତା ପିଛା ଗୋଡ଼ାଇ ଥିଲେ।

କିନ୍ତୁ ସେ ନପାଇ ବୈଦ୍ୟନାଥ ପୁର ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୋଲିସ ଅନୁସନ୍ଧାନ କରି ଅଭିଷେକକୁ ଗିରଫ କରି କୋର୍ଟ ଚାଲାଣ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଫୁଲଟା ଗ୍ରାମରେ ବୋମାମାଡ ଘଟଣାରେ ୫ ଯୁବକ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ନିମଖଣ୍ଡି ଥାନା ଅନ୍ତର୍ଗତ ଫୁଲଟା ଗ୍ରାମରେ ଗତ କାଲି ସନ୍ଧ୍ୟାରେ ମନ୍ଦିର କମିଟିର ଏକ ବୈଠକ ଅନୁଷ୍ଠିତ ହୋଇଥିଲା। ଉକ୍ତ ବୈଠକରେ ମନ୍ଦିର କମିଟି କର୍ମକର୍ତ୍ତା ଓ କିଛି ଯୁବକଙ୍କ ମଧ୍ୟରେ କଳି ଝଗଡ଼ା ଓ ମାରପିଟ୍ ଘଟଣା ଯୋଗୁଁ ବୈଠକ ବାତିଲ ହୋଇଥିଲା। କିନ୍ତୁ ରାତିରେ କିଛି ଯୁବକ ଗାଁ କମିଟିର ସଭାପତି ସତ୍ୟନାରାୟଣ ପ୍ରଧାନ ଓ ଭଦ୍ର ବ୍ୟକ୍ତି ରାମଚନ୍ଦ୍ର ଶାସମଲଙ୍କ ଘର ଉପରକୁ ବୋମାମାଡ କରିଥିଲେ।

ଖବର ପାଇ ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ବେଳେ କିଛି ଯୁବକ ପୋଲିସକୁ ଆକ୍ରମଣ ଉଦ୍ୟମ କରିଥିଲେ। କୌଶଳକ୍ରମେ ପୋଲିସ ୫ ଜଣ ଯୁବକ ଯଥା ପିଙ୍କୁ ପ୍ରଧାନ, ପପୁ ପ୍ରଧାନ, ଗଗନ ଶାସମଲ, ଲିଙ୍ଗରାଜ ଶାସମଲ ଓ ଗଣେଶ ଚର୍ଚି ପ୍ରମୁଖ ପୋଲିସ ହାତରେ ଧରାପଡ଼ିଥିଲେ। ଏଥି ସହିତ ପୋଲିସ ଅନୁସନ୍ଧାନ କରି ୪ ଟି ଜୀବନ୍ତ ବୋମା ଓ କିଛି ସରଞ୍ଜାମ ଜବତ କରିଛନ୍ତି। ଅଟକ ଥିବା ଥିବା ଯୁବକମାନଙ୍କୁ ପୋଲିସ ଆଜି କୋର୍ଟ ଚାଲାଣ କରିଛନ୍ତି।

Categories
ଅପରାଧ ଆଜିର ଖବର ଜାତୀୟ ଖବର

ହାତରେ ଲୁଚାଇ ୧.୫ କେଜି ସୁନା ନେଉଥିବା ଅଭିଯୋଗରେ ଗିରଫ ହେଲେ ବିମାନ କର୍ମଚାରୀ

କୋଚି: ଏୟାର ଇଣ୍ଡିଆର ଜଣେ କ୍ୟାବିନ କ୍ରୁଙ୍କ ଦ୍ୱାରା ଚୋରା ଚାଲାଣ ମାମଲା ସାମ୍ନାକୁ ଆସିଛି। ଅଧିକାରୀମାନେ କହିଛନ୍ତି ଯେ, ସୁନା ଚୋରା ଚାଲାଣ ଅଭିଯୋଗରେ ବୁଧବାର ଦିନ କୋଚି ବିମାନ ବନ୍ଦରରେ ଏୟାର ଇଣ୍ଡିଆ କ୍ୟାବିନ କର୍ମଚାରୀଙ୍କୁ ଗିରଫ କରାଯାଇଛି। ୱାୟାନାଡର ବାସିନ୍ଦା ଶାଫିଙ୍କୁ କୋଚିରେ କଷ୍ଟମ୍ସ ଅଧିକାରୀମାନେ ୧ କିଲୋଗ୍ରାମ ୪୮୭ ଗ୍ରାମ ସୁନା ସହିତ ଗିରଫ କରିଛି। କଷ୍ଟମ୍ସ ନିବାରକ କମିଶନର ବହରିନ୍-କୋଜିକୋଡ-କୋଚି ସେବାର ଜଣେ କ୍ୟାବିନ କ୍ରୁ ସଦସ୍ୟ ଶାଫି ସୁନା ନେଇଥିବାର ଗୋପନୀୟ ସୂଚନା ପାଇଥିଲେ।

ସୁନା ଚୋରା ଚାଲାଣ ପାଇଁ ଶାଫି ଏକ ଭିନ୍ନ ଉପାୟ ଗ୍ରହଣ କରିଥିଲେ, କିନ୍ତୁ ସେ ତାଙ୍କ ଯୋଜନା କାର୍ଯ୍ୟକାରୀ କରିବା ପୂର୍ବରୁ ଧରାପଡିଥିଲେ। ଅଭିଯୁକ୍ତଜଣଙ୍କ ହାତରେ ସୁନା ଗୁଡ଼ାଇବା ସହ ସାର୍ଟରେ ଘୋଡାଇ ଗ୍ରୀନ ଚ୍ୟାନେଲ ଦେଇ ଯିବାକୁ ଯୋଜନା କରିଥିଲା।

Categories
ଅପରାଧ ଆଜିର ଖବର ଜାତୀୟ ଖବର

ଆତଙ୍କବାଦୀ ହେବାକୁ ପାକିସ୍ତାନ ଯାଉଥିବା ଦୁଇ ବ୍ୟକ୍ତିଙ୍କୁ ଗିରଫ କଲା ଦିଲ୍ଲୀ ପୋଲିସ, ଅସ୍ତ୍ରଶସ୍ତ୍ର ଜବତ

ନୂଆଦିଲ୍ଲୀ: ଆତଙ୍କବାଦ ଉପରେ ତାଲିମ ନେବାକୁ ପାକିସ୍ତାନ ଯାଉଥିବା ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଦୁଇଜଣ କଟ୍ଟରପନ୍ଥୀଙ୍କୁ ଗିରଫ କରିଛି। ଏହି ଦୁଇ ଜଣଙ୍କୁ ଲାଲ କିଲ୍ଲା ନିକଟରୁ ପୋଲିସ ଗିରଫ କରିଛି। ପୋଲିସ ସୂତ୍ରରୁ ପ୍ରକାଶ ଯେ, ସେମାନଙ୍କ ମଧ୍ୟରୁ ଜଣେ ଦକ୍ଷିଣ ଭାରତର ତାମିଲନାଡୁ ଏବଂ ଅନ୍ୟ ଜଣେ ମହାରାଷ୍ଟ୍ରର ବୋଲି ଜଣାପଡିଛି। ଆତଙ୍କବାଦୀ ତାଲିମ ନେବାକୁ ଏହି ଦୁଇ ଜଣ ଯାଉଛନ୍ତି ବୋଲି ପୋଲିସ ଦାବି କରିଛି।

ଅଭିଯୁକ୍ତଙ୍କ ନାମ ହେଉଛି ଖାଲିଦ ମୁବାରକ ଖାନ (୨୨ ବର୍ଷ) ଏବଂ ଅବଦୁଲ୍ଲା (32 ବର୍ଷ)। ଖାଲିଦ ମହାରାଷ୍ଟ୍ରର ଥାନେ ୱେଷ୍ଟର ବାସିନ୍ଦା। ଯେଉଁଠାରେ ଅବଦୁଲ୍ଲା ତାମିଲନାଡୁର କଲିଆକୁଲାର ବାସିନ୍ଦା ଅଟନ୍ତି। ପୋଲିସ ସୂତ୍ରରୁ ପ୍ରକାଶ ଯେ, ଦୁହେଁ ପାକିସ୍ତାନୀ ହ୍ୟାଣ୍ଡେଲରଙ୍କ ସହ ଯୋଗାଯୋଗରେ ଥିଲେ ଏବଂ ଜମ୍ମୁ କାଶ୍ମୀରର କିଛି କଟ୍ଟରପନ୍ଥୀ ଯୁବକଙ୍କ ସହ ଟ୍ରେନିଂ ନେବାକୁ ଯାଉଥିଲେ। ଏହି ଦୁଇଜଣଙ୍କ ବିଷୟରେ ପୋଲିସ ସୂଚନା ପାଇଥିଲା, ପରେ ଉଭୟଙ୍କୁ ଗିରଫ କରାଯାଇଥିଲା। ସେମାନଙ୍କଠାରୁ ୩୨ ବୋରର ଦୁଇଟି ପିସ୍ତଲ ମଧ୍ୟ ଉଦ୍ଧାର କରାଯାଇଛି।

Categories
ଆଜିର ଖବର ଜାତୀୟ ଖବର

ବିମାନରୁ ଗିରଫ ହେବାର ୩ ଘଣ୍ଟା ମଧ୍ୟରେ ପୱନ ଖେଡାଙ୍କୁ ମିଳିଲା ଜାମିନ

ନୂଆଦିଲ୍ଲୀ: କଂଗ୍ରେସ ମିଡିଆ ବିଭାଗର ମୁଖ୍ୟ ପୱନ ଖେଡା ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ଦ୍ୱାରକା କୋର୍ଟରୁ ଜାମିନ ପାଇଛନ୍ତି। ତାଙ୍କୁ ଆଜି ଦିଲ୍ଲୀ ବିମାନବନ୍ଦରରୁ ଆସାମ ପୋଲିସ ଗିରଫ କରିଥିଲା। ଏହାପୂର୍ବରୁ ପୱନ ଖେଡାଙ୍କୁ ଅନ୍ତରୀଣ ଜାମିନରେ ମୁକ୍ତ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ।

ସୁପ୍ରିମକୋର୍ଟରେ ଏହି ମାମଲାର ପରବର୍ତ୍ତୀ ଶୁଣାଣି ସୋମବାର (ଫେବୃଆରୀ 27) ଦିନ ହେବ। ସୁପ୍ରିମକୋର୍ଟରେ ଆସାମ ପୋଲିସ କହିଛି ଯେ, ଗଣତାନ୍ତ୍ରିକ ଉପାୟରେ ନିର୍ବାଚିତ ପ୍ରଧାନମନ୍ତ୍ରୀଙ୍କ ବିରୋଧରେ ପୱନ ଖେଡା ‘ଅପମାନଜନକ ମନ୍ତବ୍ୟ’ ଦେଇଛନ୍ତି। ଆସାମ ପୋଲିସ କହିଛି ଯେ, ପୱନ ଖେଡାଙ୍କ ବିରୋଧରେ ଦାଖଲ ହୋଇଥିବା ଏଫଆଇଆରରେ ଗିରଫଦାରୀରୁ ସୁରକ୍ଷା ପାଇଁ ଦାଖଲ ହୋଇଥିବା ରିଟ ପିଟିସନର ଉତ୍ତର ଦେବାକୁ ଚାହୁଁଛି।

Categories
ଅପରାଧ ଆଜିର ଖବର ଜାତୀୟ ଖବର

ସାରା ଦେଶରେ ଏନଆଇଏ ର ଚଢାଉ, ଖାଲିସ୍ତାନ ସମର୍ଥକଙ୍କ ସମେତ ୬ ଗିରଫ

ନୂଆଦିଲ୍ଲୀ: କ୍ରାଇମବ୍ରାଞ୍ଚ, ଆତଙ୍କବାଦୀ ଗୋଷ୍ଠୀ ଏବଂ ବିଭିନ୍ନ ଡ୍ରଗ୍ କାରବାର ମାଫିଆଙ୍କ ମଧ୍ୟରେ ଆତଙ୍କବାଦ ସମ୍ପର୍କିତ ମାମଲାରେ ଆତଙ୍କବାଦୀଙ୍କ ଘନିଷ୍ଠ ସହଯୋଗୀ ସମେତ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ୬ ଜଣଙ୍କୁ ଗିରଫ କରିଛି। ଆଜି ଜଣେ ସରକାରୀ ମୁଖପାତ୍ର ଏହି ସୂଚନା ଦେଇଛନ୍ତି। ଏଭଳି କାର୍ଯ୍ୟକଳାପକୁ ରୋକିବା ପାଇଁ ମଙ୍ଗଳବାର ସିଁ ଆଠଟି ରାଜ୍ୟର ୭୬ ଟି ସ୍ଥାନରେ ଚଢାଉ କରିବା ପରେ ଏହି ଗିରଫଦାରୀ କରାଯାଇଥିଲା। ଗିରଫ ହୋଇଥିବା ବ୍ୟକ୍ତିଙ୍କ ମଧ୍ୟରେ କାନାଡାରେ ରହୁଥିବା ‘ଘୋଷିତ ଆତଙ୍କବାଦୀ’ ଅର୍ଶଦୀପ ସିଂଙ୍କ ଘନିଷ୍ଠ ସହଯୋଗୀ ଲକି ଖୋଖର ଅଛନ୍ତି।

ଏନଆଇଏ ପଞ୍ଜାବ, ହରିୟାଣା, ରାଜସ୍ଥାନ, ଉତ୍ତରପ୍ରଦେଶ, ଦିଲ୍ଲୀ-ଏନସିଆର, ମହାରାଷ୍ଟ୍ର ଏବଂ ମଧ୍ୟପ୍ରଦେଶରେ ଚଢାଉ କରିଥିଲା। ଗିରଫ ହୋଇଥିବା ବ୍ୟକ୍ତିଙ୍କ ମଧ୍ୟରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇ, ଜଗଗୁ ଭଗବନପୁରିଆ ଏବଂ ଗୋଲ୍ଡି ବରାଡ ମଧ୍ୟ ଅଛନ୍ତି।

ଏଜେନ୍ସି କହିଛି ଯେ, ପଞ୍ଜାବର ବଠିଣ୍ଡା ନିବାସୀ ଖୋଖରଙ୍କୁ ମଙ୍ଗଳବାର ରାଜସ୍ଥାନର ଶ୍ରୀଗଙ୍ଗନଗରରୁ ଗିରଫ କରାଯାଇଛି। ଏଥିରେ କୁହାଯାଇଛି ଯେ, ଖୋଖର ଅର୍ଶଦୀପଙ୍କ ସହ ପ୍ରତ୍ୟକ୍ଷ ଏବଂ ନିରନ୍ତର ଯୋଗାଯୋଗରେ ଥିଲେ ଏବଂ ତାଙ୍କ ପାଇଁ ନିଯୁକ୍ତି ମଧ୍ୟ କରୁଥିଲେ। ଏହାସହିତ ସେ ଆତଙ୍କବାଦ ସମ୍ବନ୍ଧୀୟ କାର୍ଯ୍ୟକଳାପ ପାଇଁ ମଧ୍ୟ ପାଣ୍ଠି ସଂଗ୍ରହ କରୁଥିଲେ।

Categories
ଅପରାଧ ଆଜିର ଖବର ଜାତୀୟ ଖବର

ବେଆଇନ ଭାବେ ଭାରତରେ ପ୍ରବେଶ କରୁଥିବା ବେଳେ ୧୦ ରୋହିଙ୍ଗ୍ୟାଙ୍କ ସମେତ ୧୬ ଗିରଫ

ନୂଆଦିଲ୍ଲୀ: ଭାରତରେ ବେଆଇନ ଭାବେ ପ୍ରବେଶ ଅଭିଯୋଗରେ ରେଳବାଇ ପୋଲିସ ଫୋର୍ସ (ଆରପିଏଫ) ଅଗରତାଲା ରେଳ ଷ୍ଟେସନରେ ୧୨ ଜଣ ବିଦେଶୀ ନାଗରିକଙ୍କ ସମେତ ୧୬ ଜଣଙ୍କୁ ଅଟକ ରଖିଛି। ଅଧିକାରୀମାନେ ରବିବାର ଏ ସମ୍ପର୍କରେ ସୂଚନା ଦେଇଛନ୍ତି। ରାଜକୀୟ ରେଳ ପୋଲିସ ଷ୍ଟେସନ ଦାୟିତ୍ୱରେ ଥିବା ରାଣା ଚାଟାର୍ଜୀ କହିଛନ୍ତି ଯେ, ଏକ ଇନପୁଟ୍ ଆଧାରରେ ଆରପିଏଫ ଷ୍ଟେସନରୁ ତିନି ପିଲାଙ୍କ ସମେତ ମୋଟ ୧୬ ଜଣଙ୍କୁ ଅଟକ ରଖିଛି। ଏଥିରେ ୧୨ ଜଣ ବିଦେଶୀ ନାଗରିକ, ଦୁଇ ଜଣ ବାଂଲାଦେଶୀ ଏବଂ ୧୦ ଜଣ ରୋହିଙ୍ଗ୍ୟା ଅଛନ୍ତି।

ପୋଲିସ କହିଛି ଯେ, ଗିରଫ ହୋଇଥିବା ଅଭିଯୁକ୍ତଙ୍କ ମଧ୍ୟରେ ମଧୁପୁରର ଅଭିଜିତ୍ ଦେବ ନାମକ ଜଣେ ମଧ୍ୟସ୍ଥି ମଧ୍ୟ ସାମିଲ ଅଛନ୍ତି। ପୋଲିସର ସୂଚନାନୁସାରେ, ସମସ୍ତେ ବାଂଲାଦେଶରୁ ବେଆଇନ ଭାବେ ଭାରତରେ ପ୍ରବେଶ କରିଥିଲେ। ସମସ୍ତେ ଅଗରତାଲା ରେଳ ଷ୍ଟେସନରୁ ସକାଳ ୮.୦୫ ରେ କଞ୍ଚନଜଙ୍ଘା ଏକ୍ସପ୍ରେସ ଦ୍ୱାରା କୋଲକାତା ଯାଉଥିଲେ।

କୋର୍ଟରେ ହାଜର ହେବା ପୂର୍ବରୁ ଅଭିଯୁକ୍ତଙ୍କୁ ଡାକ୍ତରୀ ପରୀକ୍ଷା ପାଇଁ ପଠାଯାଇଥିଲା। ସେମାନଙ୍କ ବିରୋଧରେ ଏକ ସ୍ୱତନ୍ତ୍ର ମାମଲା ମଧ୍ୟ ପଞ୍ଜିକୃତ ହୋଇଛି। ପୋଲିସ ଅଭିଯୁକ୍ତଙ୍କୁ ପଚରାଉଚରା କରୁଛି ଏବଂ ସେମାନଙ୍କ ବେଆଇନ ଅନୁପ୍ରବେଶର ରାସ୍ତା ଖୋଜିବାକୁ ଚେଷ୍ଟା କରୁଛି। ଏହି ଘଟଣାରେ ଅଧିକ ଅନୁସନ୍ଧାନ କରାଯାଉଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଆତଙ୍କରାଜ ଅଭିଯୋଗରେ ୭ ଗିରଫ ଓ ମାରଣାସ୍ତ୍ର ଜବତ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟରେ ଗଣ୍ଡଗୋଳ ଓ ଆତଙ୍କରାଜ ଅଭିଯୋଗରେ ୭ ଜଣ ଅଭିଯୁକ୍ତ ଗିରଫ ହୋଇଛନ୍ତି। ଗୋଳନ୍ଥରା ପୋଲିସ ହଳଦିଆପଦର ଗୋଷାଣୀ ନୁଆଁଗାଁ ଅଞ୍ଚଳରୁ ୭ ଜଣ ଯୁବକକୁ ଗିରଫ କରିବା ସହ ସେମାନଙ୍କ ନିକଟରୁ ମାରଣାସ୍ତ୍ର ଜବତ କରିଛି। ମାରଣାସ୍ତ୍ର ମଧ୍ୟରେ ଗୋଟିଏ ବନ୍ଧୁକ, ୩ଟି ଖଣ୍ଡା ଓ ଗୋଟିଏ ଲୁହା ଛଡ଼ ପୋଲିସ ଜବତ କରିଛି।

କନିଷି ହାଟର ସୁଜାତା ପାତ୍ରଙ୍କ ଏତଲା ଅନୁଯାୟୀ ମାମଲା ନଂ ୬୭/୨୩ ଓ ସିହଳା ରୋଡ଼ ର ପ୍ରଦୀପ ଦଳବେହେରାଙ୍କ ମାଁ ଙ୍କ ଏତଲା ଅନୁଯାୟୀ ମାମଲା ନଂ ୬୬/୨୩ ରେ ଅଭିଯୁକ୍ତ ପ୍ରଦୀପ ବାଡତ୍ୟା, ଚନ୍ଦନ ସେଠୀ, ଶିଶିର ଦାସ, କିରଣ ବେହେରା, ଅମୀୟ ରଂଜନ ପଟ୍ଟନାୟକ, ସମୀର ସାହୁ ଓ ସଦାନନ୍ଦ ଦାସ ନାମରେ ୭ ଜଣ ଯୁବକକୁ ଗିରଫ କରି କୋର୍ଟ ଚାଲାଣ କରାଯାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଅରୁନ୍ଧତୀ ସୁନା ଦୋକାନର ଅଳଙ୍କାର ଠକିବା ମାମଲା: ସହକାରୀ ପରିଚାଳକ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଅରୁନ୍ଧତୀ ସୁନା ଦୋକାନର ଅଳଙ୍କାର ଠକିବା ଅଭିଯୋଗରେ ଦୋକାନର ସହକାରୀ ପରିଚାଳକ ଗିରଫ ହୋଇଛନ୍ତି। ଦୋକାନ ପରିଚାଳକ ମନମୋହନ ବାରିକଙ୍କ ଏତଲାକୁ ଭିତ୍ତି କରି ସହକାରୀ ପରିଚାଳକ ସିମାଞ୍ଚଳ ପାତ୍ରକୁ ବଡ଼ବଜାର ଥାନା ପୋଲିସ୍ ଗିରଫ କରି କୋର୍ଟ ଚାଲାଣ କରିଛନ୍ତି।

ପ୍ରକାଶ ଥାଉକି ଅଭିଯୁକ୍ତ ସିମାଞ୍ଚଳ ଦୋକାନର ସୁନା ଗ୍ରାହକଙ୍କୁ ବିକ୍ରି ପାଇଁ ନେଇ ଆଉ ଦୋକାନକୁ ଆସିଲା ନାହିଁ କି ସୁନା ଫେରାଇଲା ନାହିଁ, ଯ’ଦ୍ଵାରା ଦୋକାନ କର୍ତ୍ତୁପକ୍ଷଙ୍କ ସନ୍ଦେହ ବଢିଲା ଓ କଂପାନୀ ନିୟମ ଉଲ୍ଲଙ୍ଘନ କରୁଥିବା ଅଭିଯୋଗରେ ସିମାଞ୍ଚଳ ବିରୋଧରେ ଥାନାରେ ଅଭିଯୋଗ ହୋଇଥିଲା। ଅଭିଯୋଗ ଆଧାରରେ କେଶ୍ ନଂ ୩୨/୨୩ ଅନୁଯାୟୀ ବଡ଼ବଜାର ଥାନା ପୋଲିସ୍ ମାମଲା ରୁଜୁ କରିଥିଲା। ଏବଂ ଶେଷରେ ସିମାଞ୍ଚଳ ପାତ୍ରକୁ ଗିରଫ କରାଯାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବିପୁଳ ପରିମାଣର ନକଲି ନୋଟ ଜବତ କଲା ଏସଟିଏଫ: ଜଣେ ଗିରଫ

ଢେଙ୍କାନାଳ: ନକଲି ନୋଟ କାରବାର ଅଭିଯୋଗରେ ଏସଟିଏଫ ଜଣେ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି। ସୂଚନା ମୁତାବକ ଢେଙ୍କାନାଳ ସଦର ଥାନା ଅନ୍ତର୍ଗତ ରଥପଡା ଗ୍ରାମ ପାର୍ଶ୍ୱରେ ଗତକାଲି ସଂନ୍ଧ୍ୟାରେ ନକଲି ନୋଟ କାରବାର ଚାଲିଥିବାର ଖବର ପାଇ ଏସଟିଏଫ ସ୍ଥାନୀୟ ପୋଲିସର ସହାୟତାରେ ସମ୍ପୃକ୍ତ ସ୍ଥାନରେ ଚଢ଼ାଉ କରିଥିଲା।

ଚଢ଼ାଉ ବେଳେ ଦେବଗଡ଼ ଜିଲ୍ଲା କଚେରୀ ସାହି ଥାନା ଅଞ୍ଚଳର ଅଭିଯୁକ୍ତ ତୁଷାର କୁମାର ବିଶ୍ୱାଳ (୩୧) ଗିରଫ ହୋଇଥିବାବେଳେ ତାଙ୍କ ନିକଟରୁ ୧ ଲକ୍ଷ ୯୦ ହଜାର ୬୦୦ ଟଙ୍କାର ନକଲି ନୋଟ ଏବଂ ଅନ୍ୟାନ୍ୟ ଆପତ୍ତିଜନକ ଜିନିଷ ଜବତ କରିଛି ଏସଟିଏଫ।

ଏହି ପରିପ୍ରେକ୍ଷୀରେ ଢେଙ୍କାନାଳ ସଦର ଥାନାରେ କେସ ନମ୍ବର ୬୫୮/୨୨ ରେ ଏକ ମାମଲା ରୁଜୁ କରାଯାଇ ତଦନ୍ତ ଜାରିରହିଛି।

Categories
ଅପରାଧ ଆଜିର ଖବର ରାଜ୍ୟ ଖବର

କଳାହାଣ୍ଡି ପୋଲିସକୁ ବଡ ସଫଳତା, ପାଞ୍ଚ ଅନ୍ତରାଜ୍ୟ ହାଇୱେ ଡକାୟତ ଗିରଫ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲା କେସିଙ୍ଗା ପୋଲିସକୁ ବଡ଼ ସଫଳତା ମିଳିଥିବା ଜଣାପଡିଛି। ପାଞ୍ଚ ଜଣ ଆନ୍ତରାଜ୍ୟ ହାଇୱେ ଡକାୟତଙ୍କୁ କେସିଙ୍ଗା ପୋଲିସ ଗିରଫ କରିବା ସହ ୧୯ ଗୋଟି ମୋଟର ସାଇକେଲ, ୩ ଗୋଟି ମୋବାଇଲ ଫୋନ, ୩ହଜାର ଟଙ୍କା, ଗୋଟିଏ ଲୁହାଛଡ଼୍ ଏବଂ ଏକ ଛୁରା ଜବତ କରିଛି।

ଗତ ୭ ତାରିଖ ରାତି ଗୋଟାଏ ବେଳେ କେସିଙ୍ଗା ଥାନା ଅତିରିକ୍ତ ଆଇଆଇସି ମମତା ହେମ୍ବ୍ରମ ପୋଲିସ ଟିମ ସହ ପାଟ୍ରୋଲିଂ କରୁଥିବା ସମୟରେ ବିଶ୍ଵସ୍ତ ସୂତ୍ରରୁ ଖବର ପାଇ ଏନଏଚ୍ ୨୬ ଅମାଠ ଛକ ପାଖରେ ଥିବା ଶିବ ମନ୍ଦିର ପାଖରେ ୩ ଟି ବାଇକ ଯୋଗେ ଛକି ବସିଥିବା ପାଞ୍ଚ ଜଣ ହାଇୱେ ଡକାୟତଙ୍କୁ ଧରିବାରେ ସଫଳ ହୋଇଥିଲେ। ଉକ୍ତ ଡକାୟତ ଗ୍ୟାଙ୍ଗର ମୁଖ୍ୟ ତରନିଷେଣ ଭୋଇଙ୍କୁ ଗିରଫ କରିବା ପରେ ସେମାନେ ବିଭିନ୍ନ ଘଟଣାରେ ସାମିଲ ଥିବା ଜଣାପଡ଼ିଥିଲା।

କେସିଙ୍ଗା ପୋଲିସ ଡକାୟତ ବଲାଙ୍ଗୀର ଜିଲ୍ଲା ର ତରଣି ସେନ ଭୋଇ ଓ ଧୃବ ନାୟକ, ବୌଦ୍ଧ ଜିଲ୍ଲାର କନ୍ଦା ମାଝୀ, କଳାହାଣ୍ଡି ଜିଲ୍ଲାର ପୁରୋଷୋତ୍ତମ୍ ନାୟକ ଓ ବିପିନ ଖର୍ସେଲଙ୍କୁ ଗିରଫ କରି ସେମାନଙ୍କ ଠାରୁ ୧୯ ଗୋଟି ମୋଟର ସାଇକେଲ, ୩ ଗୋଟି ମୋବାଇଲ ଫୋନ, ୩ହଜାର ଟଙ୍କା, ଗୋଟିଏ ଲୁହାଛଡ଼୍ ଏବଂ ଏକ ଛୁରା ଜବତ କରିବା ସହ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରିଥିବା ପ୍ରକାଶ।

Categories
ଅପରାଧ ଆଜିର ଖବର ରାଜ୍ୟ ଖବର

ବାଲୁଗାଁ: ୪ ଜାତୀୟ ରାଜପଥ ଲୁଟେରା ଗିରଫ, ଲୁଟ ସାମଗ୍ରୀ ଜବତ

ସୀତାରାମ ଅଗ୍ରୱାଲ

ବାଲୁଗାଁ: ଆଜି ଚାରି ଜଣ ଜାତୀୟ ରାଜପଥ ଲୁଟେରାଙ୍କୁ ଗିରଫ କରିଛି ବାଲୁଗାଁ ପୋଲିସ।  ଏହି ଚାରି ଅଭିଯୁକ୍ତ ନିକଟରେ ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ପାର୍ଶ୍ୱ ବୁଚୁଡ଼ି ଗ୍ରାମରୁ ୩୦ ହଜାର ଟଙ୍କାରୁ ଉର୍ଦ୍ଧ୍ଵ ମୂଲ୍ୟର ଲୁହା ରଡ଼ ଓ ସଟର ପ୍ଲେଟ ଲୁଟି ନେଇଥିଲେ। ଏ ନେଇ ବାଲୁଗାଁ ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଥିବା ବେଳେ ଆଜି ଆଇଆଇସି ରଶ୍ମିରଞ୍ଜନ ଦାସ ଲୁଟେରାଙ୍କୁ ଠାବ କରି ଗିରଫ କରିବାରେ ସଫଳ ହୋଇଛନ୍ତି।

ଗିରଫ ଅଭିଯୁକ୍ତ ମାନେ ହେଲେ ବୁଚୁଡ଼ି ଗ୍ରାମର ପଙ୍କଜ ଦାସ, ସିନା ନାୟକ, ସଞ୍ଜୟ ଦାସ ଓ ସଠିଆ ପଲେଇ। ଏମାନେ ବାରମ୍ବାର ଜାତୀୟ ରାଜପଥରୁ ଲୁଟ କରୁଥିବା ବେଳେ ପୁର୍ବରୁ ଏମାନଙ୍କ ବିରୁଦ୍ଧରେ ଅପରାଧିକ ମାମଲା ରହିଥିବାର ଆଇଆଇସି କହିଛନ୍ତି।

ଆଜି ଅଭିଯୁକ୍ତଙ୍କ ନିକଟରୁ ସମସ୍ତ ଲୁଟ ଜିନିଷ ଜବତ କରାଯାଇ କୋର୍ଟଚାଲାଣ କରାଯାଇଥିବାର ଆଇଆଇସି ଶ୍ରୀ ଦାସ କହିଛନ୍ତି।

ସୂଚନା ଥାଉକି ଚଳିତ ମାସରେ ଏଯାବତ ବାଲୁଗାଁ ପୋଲିସ ସମୁଦାୟ ୩୨ ଜଣ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ୨ ଲକ୍ଷ ୩୩ ହଜାର ଟଙ୍କାର ଏମଭି ଫାଇନ ଆଦାୟ କରିବା ସହ ୨୩ ଜଣ ବ୍ୟକ୍ତିଙ୍କ ଡ଼ିଏଲ ବାତିଲ କରିଛି।

Categories
ଅପରାଧ ବିଶେଷ ଖବର

୧୫ ଟି ରାଜ୍ୟରୁ ୧୦୬ ଗିରଫ: NIA ର ବଡ ସର୍ଚ୍ଚ ଅପରେସନ୍ ପରେ PFI ର ବଢିଲା ସମସ୍ୟା

ନୂଆଦିଲ୍ଲୀ: ଦେଶର ସର୍ବବୃହତ ଆତଙ୍କବାଦୀ ବିରୋଧୀ ଏଜେନ୍ସି ଏନଆଇଏ ସେପ୍ଟେମ୍ବର ୨୨ ତାରିଖ ମଧ୍ୟରାତ୍ର ପର୍ଯ୍ୟନ୍ତ ସବୁଠୁ ବଡ ସର୍ଚ୍ଚ ଅପରେସନ କରିଥିଲା। ଏଜେନ୍ସିର ଟାର୍ଗେଟ୍ ରେ ଥିଲା ପପୁଲାର୍ ଫ୍ରଣ୍ଟ ଅଫ୍ ଇଣ୍ଡିଆ ଅର୍ଥାତ୍ ପିଏଫଆଇ। ଦେଶର ପ୍ରାୟ ସମସ୍ତ ରାଜ୍ୟରେ ପିଏଫଆଇ ଉପରେ ଚଢାଉ କରାଯାଇଥିଲା। ଏହି ଆତଙ୍କବାଦ ବିରୋଧୀ ସର୍ଚ୍ଚ ଅପରେସନରେ ଏନଆଇଏ ବିପୁଳ ନଗଦ ଟଙ୍କା, ଡିଜିଟାଲ ଉପକରଣ, ଆପତ୍ତିଜନକ ଡକ୍ୟୁମେଣ୍ଟ ଏବଂ ଧାରୁଆ ଅସ୍ତ୍ର ଉଦ୍ଧାର କରିଛି। ଏହା ସହିତ ୧୦୬ ଜଣ କାର୍ଯ୍ୟକର୍ତ୍ତାଙ୍କୁ ଗିରଫ କରାଯାଇଛି, ଯେଉଁଥିରେ ଅନେକ ନେତା ଏବଂ ପିଏଫଆଇ ସଦସ୍ୟ ରହିଥିଲେ।

କୁହାଯାଉଛି ଯେ, ଗିରଫ ହୋଇଥିବା ବ୍ୟକ୍ତିଙ୍କ ମଧ୍ୟରେ ପିଏଫଆଇ ଚେୟାରମ୍ୟାନ୍ ଓଏମଏ ସଲାମ, ଉପାଧ୍ୟକ୍ଷ ଇଏମ ଅବଦୁଲ ରହୀମ, ରାଷ୍ଟ୍ରୀୟ ସଚିବ ନାଜରୁଦ୍ଦିନ ଇଲାମରମ, କେରଳ ରାଜ୍ୟ ମୁଖ୍ୟ ସିପି ମହମ୍ମଦ ବଶିର, ଜାତୀୟ ପରିଷଦ ସଦସ୍ୟ ପ୍ରଫେସର ପି କୋୟା ଏବଂ ଏସଡିପିଆଇ ପ୍ରତିଷ୍ଠାତା ସଭାପତି ଅବୁ ବକର୍ ଅଛନ୍ତି।

ଏନଆଇଏର ବଡ ସର୍ଚ୍ଚ ଅପରେସନ୍ ପରେ ପିଏଫ୍ଆଇ କ୍ୟାମ୍ପରେ ହଲଚଲ ସୃଷ୍ଟି ହୋଇଛି। ବିଶ୍ୱାସ କରାଯାଏ ଯେ, କେନ୍ଦ୍ର ସରକାର ଷ୍ଟୁଡେଣ୍ଟସ୍ ଇସଲାମିକ୍ ମୁଭମେଣ୍ଟ ଅଫ୍ ଇଣ୍ଡିଆ ଅର୍ଥାତ୍ ସିମ୍ ଭଳି ପପୁଲାର୍ ଫ୍ରଣ୍ଟ ଅଫ୍ ଇଣ୍ଡିଆ ଉପରେ ପ୍ରତିବନ୍ଧକ ଲଗାଇ ପାରନ୍ତି। ଏହି ଚଢାଉ ସମୟରେ ଯାହା ବାହାରିଛି ତାହା ସାହାଯ୍ୟରେ କେନ୍ଦ୍ର ଗୃହ ମନ୍ତ୍ରଣାଳୟ ଏହି ସଂଗଠନ ଉପରେ ପ୍ରତିବନ୍ଧକ ଲଗାଇ ପାରେ। ଏହି ପରିପ୍ରେକ୍ଷୀରେ ଗୃହମନ୍ତ୍ରୀ ଅମିତ ଶାହା ମଧ୍ୟ ଦିଲ୍ଲୀରେ ଏକ ଉଚ୍ଚ ସ୍ତରୀୟ ବୈଠକ କରିଥିଲେ ଯେଉଁଥିରେ ଏନଏସଏ ଡୋଭାଲ ଏବଂ ଏନଆଇଏ ମୁଖ୍ୟଙ୍କ ସମେତ ସମସ୍ତ ବରିଷ୍ଠ ଅଧିକାରୀ ଉପସ୍ଥିତ ଥିଲେ।

NIA ର ରାଡାରରେ PFI କାହିଁକି?:

ଆତଙ୍କବାଦୀ ପାଣ୍ଠି, ଆତଙ୍କବାଦୀ ଶିବିର ଏବଂ ଲୋକଙ୍କୁ ଆତଙ୍କବାଦୀ ସହ ଯୋଡିହେବା ପାଇଁ ଉତ୍ସାହିତ କରିବା ହେଉଛି PFI ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାର ତିନୋଟି କାରଣ। CAA-NRC ବିବାଦ ହେଉ, ଗଜୱା-ଏ-ହିନ୍ଦ ଏଜେଣ୍ଡା ହେଉ କିମ୍ବା ହିନ୍ଦୁ ବିରୋଧୀ ଅଭିଯାନ ହେଉ। ଯେଉଁଠାରେ ଦେଶର ଶାନ୍ତି ବିପର୍ଯ୍ୟସ୍ତ ହୋଇପଡୁଛି PFI ର ନାମ ସବୁଆଡେ ଆସିଛି। ଏହି କାରଣରୁ ଗୃହ ମନ୍ତ୍ରଣାଳୟ ମଧ୍ୟ ଏହି ସମଗ୍ର ସର୍ଚ୍ଚ ଅପରେସନ୍ ଉପରେ ନଜର ରଖିଛି।

PFI କ’ଣ?:

୨୦୦୭ ମସିହାରେ, ତିନୋଟି ମୁସଲମାନ ସଂଗଠନକୁ ମିଶ୍ରଣ କରି ଏକ ନୂତନ ସଂଗଠନ ଗଠନ କରାଯାଇଥିଲା। ଏହି ତିନୋଟି ସଂଗଠନ ହେଲା କେରଳର ନ୍ୟାସନାଲ ଡେମୋକ୍ରାଟିକ୍ ଫ୍ରଣ୍ଟ, କର୍ଣ୍ଣାଟକ ଫୋରମ୍ ଫର୍ ଦିଗ୍ନିଟି ଏବଂ ତାମିଲନାଡୁର ମଣିଥା ନୀତି ପସରାଇ। ମାତ୍ର ୧୫ ବର୍ଷ ମଧ୍ୟରେ, ଏହି ସଂଗଠନ ସାରା ଦେଶରେ ଏତେ ଉତ୍ପାତ ସୃଷ୍ଟି କରିଥିଲା ​​ଯେ ଏନଆଇଏକୁ ଏକାସାଙ୍ଗରେ ୧୫ ଟି ରାଜ୍ୟରେ ଚଢାଉ କରିବାକୁ ପଡିଲା। ଆତଙ୍କବାଦୀ ପାଣ୍ଠି ଅଭିଯୋଗରେ ଗତ କିଛି ଘଣ୍ଟା ଧରି ଏନଆଇଏ ଏବଂ ଇଡିର ମିଳିତ ସର୍ଚ୍ଚ ଅପରେସନ୍ ଚାଲିଛି। ଏହି ବଡଧରଣର ଚଢାଉରେ NIA କୁ ବଡ଼ ସଫଳତା ମିଳିଛି।