Author: SM Network

ନୂଆଦିଲ୍ଲୀ: ଭାରତୀୟ ନିୟନ୍ତ୍ରକ ଓ ମହାଲେଖା ପରୀକ୍ଷକ (ସିଏଜି)ଙ୍କ ପକ୍ଷରୁ ନୂଆଦିଲ୍ଲୀରେ ମଙ୍ଗଳବାର ଦିନ ପ୍ରଥମ ଥର ଲାଗି ରାଜ୍ୟ ଅର୍ଥ ସଚିବ ସମ୍ମିଳନୀ ଆୟୋଜିତ ହୋଇଯାଇଛି। ଭାରତର ସିଏଜିଙ୍କ ଆନୁକୂଲ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଭାରତ ସରକାରଙ୍କ ସଚିବ (ବ୍ୟୟ), ରାଜ୍ୟମାନଙ୍କର ଅତିରିକ୍ତ ମୁଖ୍ୟ ଶାସନ ସଚିବ/ପ୍ରମୁଖ ସଚିବ/ସଚିବ (ଅର୍ଥ), ରିଜର୍ଭ ବ୍ୟାଙ୍କର ପ୍ରତିନିଧି, କେନ୍ଦ୍ର ସରକାର ଓ ଅର୍ଥ ମନ୍ତ୍ରଣାଳୟ, ଭାରତ ସରକାରଙ୍କ ଦ୍ୱାରା ଗଠିତ ଆକାଉଣ୍ଟିଂ ସେବା ଅଧିକାରୀ, ରାଜ୍ୟମାନଙ୍କର ଆକାଉଣ୍ଟ ଏବଂ ଅଧିକାର କାର୍ଯ୍ୟ ସମ୍ପାଦନ କରୁଥିବା ଆକାଉଣ୍ଟାଣ୍ଟ ଜେନେରାଲ ଓ ବରିଷ୍ଠ ପ୍ରବନ୍ଧନ ଅଧିକାରୀ ଏବଂ ଭାରତର ସିଏଜିଙ୍କ ବରିଷ୍ଠ ଅଧିକାରୀମାନେ ଅଂଶଗ୍ରହଣ କରିଥିଲେ।

କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ଏକ ସାଧାରଣ ସୂତ୍ର ଭାବରେ କାର୍ଯ୍ୟ କରୁଥିବା ସଂଘୀୟ ବିତ୍ତୀୟ କ୍ଷେତ୍ରରେ ଭାରତର ସିଏଜି ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି। ସିଏଜି କେବଳ କେନ୍ଦ୍ର ଓ ରାଜ୍ୟ ସରକାର ଏବଂ ଏହାର ସଂସ୍ଥାଗୁଡ଼ିକର ସର୍ବୋଚ୍ଚ ରାଷ୍ଟ୍ରାୟତ୍ତ ଅଡିଟର ନୁହନ୍ତି ବରଂ ରାଜ୍ୟଗୁଡ଼ିକର ହିସାବ ସଂଗ୍ରହ କରିବା ଓ ସମ୍ପୃକ୍ତ ବିଧାନସଭାରେ ସେମାନଙ୍କର ବାର୍ଷିକ ହିସାବ ଉପସ୍ଥାପନ କରିବାର ଦାୟିତ୍ୱ ମଧ୍ୟ ସମ୍ପାଦନ କରନ୍ତି। ଏହି ସମ୍ମିଳନୀରେ ସିଏଜିର ଅଂଶୀଦାରମାନଙ୍କ ନିକଟରେ ପହଞ୍ଚିବା ଏବଂ ସ୍ୱଚ୍ଛ ଓ ଉତ୍ତରଦାୟୀ ଆର୍ଥିକ ରିପୋର୍ଟିଂ ତଥା ଏହାର ସଂସ୍କାର ନିମନ୍ତେ ବିଚାରବିମର୍ଶ ହୋଇଛି। ଏଥିସହିତ ସାର୍ବଜନୀନ ଆର୍ଥିକ ପରିଚାଳନା ପ୍ରସଙ୍ଗଗୁଡ଼ିକର ସମାଧାନ ପାଇଁ ରାଜ୍ୟ ସରକାର ଓ ଅନ୍ୟ ଅଂଶୀଦାରଙ୍କ ସହ ଯୋଗାଯୋଗକୁ ସୁଦୃଢ଼ କରିବାକୁ ପ୍ରୟାସ କରାଯାଇଛି।

ଭାରତୀୟ ନିୟନ୍ତ୍ରକ ଓ ମହାଲେଖା ପରୀକ୍ଷକ (ସିଏଜି) ଗିରିଶ ଚନ୍ଦ୍ର ମୁର୍ମୁ ତାଙ୍କ ଉଦଘାଟନୀ ଅଭିଭାଷଣରେ ସମସ୍ତ ରାଜ୍ୟ ଓ କେନ୍ଦ୍ର ସରକାରଙ୍କ ଅବଜେକ୍ଟ ମୁଖ୍ୟ ସ୍ତରରେ ବ୍ୟୟର ସମନ୍ୱୟ ଉପରେ ଗୁରୁତ୍ୱାରୋପ କରିଥିଲେ। ଗତ କିଛି ଦିନ ହେବ ଏହି ପ୍ରସଙ୍ଗ ଅନେକ ଅଂଶୀଦାରଙ୍କ ଦୃଷ୍ଟି ଆକର୍ଷଣ କରିଛି। ସମ୍ମିଳନୀରେ ଏହା ଏକ ପ୍ରମୁଖ ଫଳାଫଳ ହେବ ବୋଲି ସେ ଆଶା ବ୍ୟକ୍ତ କରିଥିଲେ। ସବୁ ଅଂଶୀଦାରମାନଙ୍କୁ ସେ ଅନୁରୋଧ କରି କହିଥିଲେ ଯେ ରାଜ୍ୟମାନଙ୍କରେ ମାସିକ ଆକାଉଣ୍ଟ ଚୂଡ଼ାନ୍ତ କରିବା ତାରିଖର ବର୍ତ୍ତମାନ ସମୟସୀମା ପରବର୍ତ୍ତୀ ମାସର ୨୫ ତାରିଖକୁ ନିର୍ଦ୍ଧାରଣ କରାଯାଇଥିବା ବେଳେ ଏହାକୁ ପରିବର୍ତ୍ତନ କରି ପରବର୍ତ୍ତୀ ମାସର ୧୦ ତାରିଖ ନିର୍ଦ୍ଧାରଣ କରିବା ଆବଶ୍ୟକ। ଏ ଦିଗରେ ମିଳିତ ଭାବେ କାର୍ଯ୍ୟ କରିବାକୁ ସମସ୍ତ ଅଂଶୀଦାରଙ୍କୁ ସେ ନିବେଦନ କରିଥିଲେ।

ସାର୍ବଜନୀନ ଆର୍ଥିକ ପରିଚାଳନା ବ୍ୟବସ୍ଥାକୁ ସୁଦୃଢ଼ ଓ ଦୀର୍ଘସ୍ଥାୟୀ କରିବା ପାଇଁ ସବୁ ଅଂଶୀଦାର ବିଶେଷ କରି କେନ୍ଦ୍ର ଓ ରାଜ୍ୟ ସରକାରଙ୍କ ସହ ସିଏଜି ଯୋଗାଯୋଗ ରେ ରହିବେ ବୋଲି ସେ କହିଥିଲେ। କେନ୍ଦ୍ରୀୟ ପିଏଫଏମଏସ, ଷ୍ଟେଟ ଆଇଏଫଏମଏସ, ଆରବିଆଇର ଇ-କୁବେର ଇତ୍ୟାଦି ଆର୍ଥିକ ପରିଚାଳନା ଆପ୍ଲିକେସନରେ ସଂସ୍କାର କୁ ସୁଦୃଢ଼ କରିବା ଏବଂ ଠିକ୍ ସମୟରେ ରିପୋର୍ଟିଂ ପାଇଁ ରାଜ୍ୟରେ ସିଏଜିର ଆକାଉଂଟିଂ ଆପ୍ଲିକେସନ ସହିତ ଘନିଷ୍ଠ ଭାବରେ ସମନ୍ୱିତ କରିବା ର ଆବଶ୍ୟକତା ରହିଛି ବୋଲି ସେ ଗୁରୁତ୍ୱ ଦେଇ କହିଥିଲେ।

ଡେପୁଟି ସିଏଜି (ସରକାରୀ ଆକାଉଣ୍ଟ) ଜୟନ୍ତ ସିହ୍ନା ସ୍ୱାଗତ ଭାଷଣ ଦେଇ କହିଥିଲେ ଯେ, ଏହି ସମ୍ମିଳନୀକୁ ଆର୍ଥିକ କ୍ୟାଲେଣ୍ଡରରେ ଏକ ବାର୍ଷିକ କାର୍ଯ୍ୟକ୍ରମ ରେ ପରିଣତ କରିବାକୁ ନିଷ୍ପତ୍ତି ନିଆଯାଇଛି। ଏହା ଦ୍ୱାରା ସାର୍ବଜନୀନ ଆର୍ଥିକ ପରିଚାଳନାର ବ୍ୟାପକ ପ୍ରସଙ୍ଗରେ ରାଜ୍ୟ ସରକାର ଏବଂ ସଂପୃକ୍ତ ଅଂଶୀଦାରମାନଙ୍କ ସହ ଆର୍ଥିକ କ୍ଷେତ୍ରରେ ଯୋଗାଯୋଗ କରିବାର ସୁଯୋଗ ମିଳିବ।

ଏହି ସମ୍ମିଳନୀରେ ରାଜ୍ୟର ଆର୍ଥିକ ସ୍ଥିତି, ବିତ୍ତୀୟ ମାନଦଣ୍ଡ, ବିତ୍ତୀୟ ସୂଚନା ଭଣ୍ଡାର, ରାଜ୍ୟଗୁଡ଼ିକରେ ଖର୍ଚ୍ଚର ପ୍ରାଥମିକ ସ୍ତରରେ ବ୍ୟୟ ବର୍ଗୀକରଣର ସମନ୍ୱୟ, ପରବର୍ତ୍ତୀ ମାସ ୧୦ତାରିଖ ସୁଦ୍ଧା ରାଜ୍ୟଗୁଡ଼ିକର ମାସିକ ଆକାଉଣ୍ଟ ବନ୍ଦ କରିବା ଏବଂ ରାଜ୍ୟଗୁଡ଼ିକୁ ଅନୁଦାନ ବାବଦରେ ବିନିଯୋଗ ପ୍ରମାଣପତ୍ର ସମ୍ବନ୍ଧୀୟ ଅଭ୍ୟାସଗୁଡ଼ିକର ସମୀକ୍ଷା କରାଯିବା ସମ୍ପର୍କରେ ଆଲୋଚନା କରାଯାଇଥିଲା।

ଏହି ସମ୍ମିଳନୀରେ ହୋଇଥିବା ବିଚାରବିମର୍ଶ ଏବଂ ସାର୍ବଜନୀନ ସହମତି ସାର୍ବଜନୀନ ଆର୍ଥିକ ପରିଚାଳନା ଅଭ୍ୟାସକୁ ସୁଦୃଢ଼ ଓ ବଜାୟ ରଖିବାରେ ସହାୟକ ହେବ। ଏଥିରେ ସମୟୋପଯୋଗୀ ଓ ଗୁଣାତ୍ମକ ଆର୍ଥିକ ରିପୋର୍ଟିଂ ଏବଂ ସଚେତନ ନିଷ୍ପତ୍ତି ନେବା ପାଇଁ ରାଜ୍ୟଗୁଡ଼ିକରେ ତୁଳନାତ୍ମକ ବିତ୍ତୀୟ ସୂଚନା ଅନ୍ତର୍ଭୁକ୍ତ।

ନୂଆଦିଲ୍ଲୀ: ବାୟୁସେନା ଦିବସରେ ଭାରତର ବୀର ବାୟୁ ସୈନିକ ମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି।

ପ୍ରଧାନମନ୍ତ୍ରୀ ଏକ୍ସ ରେ ପୋଷ୍ଟ କରିଛନ୍ତି:

“ଆମର ବୀର ବାୟୁ ଯୋଦ୍ଧା ମାନଙ୍କୁ ବାୟୁସେନା ଦିବସର ଅଭିନନ୍ଦନ। ସାହସ ଓ ପେସାଦାର ମନୋବୃତ୍ତି ପାଇଁ ଆମ ବାୟୁସେନା ପ୍ରଶଂସାର ପାତ୍ର। ଦେଶକୁ ରକ୍ଷା କରିବା ଦିଗରେ ସେମାନଙ୍କ ଭୂମିକା ପ୍ରଶଂସନୀୟ।”

ନୁଆଦିଲ୍ଲୀ: କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ଶିବରାଜ ସିଂ ଚୌହାନ ମଧ୍ୟପ୍ରଦେଶର ଭୈରୁଣ୍ଡାଠାରେ ଗ୍ରାମୀଣ ଉନ୍ନୟନ ମନ୍ତ୍ରଣାଳୟର ଗ୍ରାମୀଣ ଆତ୍ମନିଯୁକ୍ତି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ ଆବାସ ସଖୀ ମୋବାଇଲ୍ ଆପ୍ ଉନ୍ମୋଚନ କରିବା ସହ ୧୮ଟି ରାଜ୍ୟରେ ୧୦୦ଟି ଗୋଷ୍ଠୀ ପରିଚାଳିତ ପ୍ରଶିକ୍ଷଣ କେନ୍ଦ୍ର- ସିଏମଟିସିର ଉଦଘାଟନ କରିଥିଲେ। ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ଅଧୀନରେ ୫୦୦ କିଲୋମିଟର ନୂତନ ପକ୍କା ରାସ୍ତାର ଶିଳାନ୍ୟାସ କରିବା ସହ ଗ୍ରାମ ସଡ଼କ ସର୍ବେକ୍ଷଣ ଓ ଯୋଜନା ଉପକରଣର ଶୁଭାରମ୍ଭ କରିଥିଲେ। ସେହିପରି ମଧ୍ୟପ୍ରଦେଶରେ ୫ଟି ନୂଆ ଆରଏସଇଟିଆଇ ଟ୍ରେନିଂ ସେଣ୍ଟର ପ୍ରତିଷ୍ଠା ପାଇଁ ଅନୁମୋଦନ ମିଳିଛି। ଏହି କାର୍ଯ୍ୟକ୍ରମରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ, ଗ୍ରାମ୍ୟ ଉନ୍ନୟନ ରାଷ୍ଟ୍ରମନ୍ତ୍ରୀ କମଲେଶ ପାସୱାନ, ମଧ୍ୟପ୍ରଦେଶର ପଞ୍ଚାୟତିରାଜ ମନ୍ତ୍ରୀ ପ୍ରହ୍ଲାଦ ପଟେଲ, ଗ୍ରାମ୍ୟ ଉନ୍ନୟନ ସଚିବ ଶୈଳେଶ କୁମାର ଏବଂ ମନ୍ତ୍ରଣାଳୟ ତଥା ରାଜ୍ୟ ସରକାରଙ୍କ ଅନେକ ଅଧିକାରୀ ଉପସ୍ଥିତ ଥିଲେ।

କେନ୍ଦ୍ରମନ୍ତ୍ରୀ ଶିବରାଜ ସିଂହ ଚୌହାନ କହିଛନ୍ତି ଯେ ଆଜିଠାରୁ ସାରା ଦେଶରେ କଚ୍ଚା ଘରର ସର୍ଭେ ଆରମ୍ଭ ହେଉଛି ଏବଂ ୨୦୧୮ର ପକ୍କା ଘର ତାଲିକାରେ ବାଦ୍ ପଡ଼ିଥିବା ଲୋକଙ୍କ ନାମ ଏବେ ଅନ୍ତର୍ଭୁକ୍ତ କରାଯିବ। କୌଣସି ଭଉଣୀ କିମ୍ବା ଭାଇ ଯେପରି ବାଦ୍ ନ ପଡ଼ିବେ ସେଥିପାଇଁ ୬ ମାସ ମଧ୍ୟରେ ଏହି ସର୍ଭେ ଶେଷ ହେବ। ଫୋନ୍, ମୋଟରସାଇକେଲ୍ କିମ୍ବା ସ୍କୁଟର ଥିଲେ ମଧ୍ୟ ପ୍ରଧାନମନ୍ତ୍ରୀ ଆବାସ ଯୋଜନାରେ ଲୋକଙ୍କ ନାମ ଯୋଡ଼ାଯିବ ବୋଲି ସେ କହିଛନ୍ତି। ଲାଡଲି ବେହନାଙ୍କ ସହ ଲଖପତି ଦିଦି ତିଆରି ଅଭିଯାନ ମଧ୍ୟ ସାରା ଦେଶରେ ଚାଲିବ। ଲଖପତି ଦିଦି ଅର୍ଥାତ୍ ପ୍ରତି ଦିଦିଙ୍କ ମାସିକ ଆୟ ୧୦ ହଜାର ଟଙ୍କାରୁ ଅଧିକ ହେବା ଦରକାର। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ସରକାର ନିରନ୍ତର କାର୍ଯ୍ୟ କରୁଛନ୍ତି। ପୂର୍ବରୁ କେବଳ ୧୦ ହଜାର ଟଙ୍କା ରୋଜଗାର କରୁଥିବା ଲୋକ ଆବାସ ଯୋଜନା ପାଇଁ ଯୋଗ୍ୟ ଥିବା ବେଳେ ଏବେ ମାସିକ ଆୟ ୧୫ ହଜାର ଟଙ୍କା ହେଲେ ମଧ୍ୟ ଆବାସ ଯୋଜନାରେ ନାମ ଯୋଡ଼ାଯିବ।

ଲଖପତି ଦିଦି କାର୍ଯ୍ୟକ୍ରମ ପାଇଁ ୧୦୦ କୋଟି ଟଙ୍କା ବ୍ୟୟବରାଦ କରାଯାଇଛି। ୨.୫ ଏକର ପର୍ଯ୍ୟନ୍ତ ଜଳସେଚିତ ଜମି ଏବଂ ୫ ଏକର ପର୍ଯ୍ୟନ୍ତ ଅଣଜଳସେଚିତ ଜମି ଥିବା ଚାଷୀ ମାନେ ପ୍ରଧାନମନ୍ତ୍ରୀ ଆବାସ ଯୋଜନାର ଲାଭ ପାଇବାକୁ ଯୋଗ୍ୟ ଅଟନ୍ତି। କୃଷକଙ୍କୁ ସମର୍ଥନ କରିବା ପାଇଁ କ୍ୟାବିନେଟ ପ୍ରତିଦିନ ନିଷ୍ପତ୍ତି ନେଉଛି। ବିଦେଶୀ ତୈଳ ଆମଦାନୀ ଯୋଗୁଁ ହ୍ରାସ ପାଉଥିବା ସୋୟାବିନ ଦରକୁ ପ୍ରତିହତ କରିବା ପାଇଁ ଭାରତ ସରକାର ଘରୋଇ ସୋୟାବିନ ଦର ବୃଦ୍ଧି ଲକ୍ଷ୍ୟରେ ଆମଦାନୀ ତେଲ ଉପରେ ୨୭.୫ ପ୍ରତିଶତ ଟିକସ ଲାଗୁ କରିବେ।

କେନ୍ଦ୍ର ସରକାର ମଧ୍ୟପ୍ରଦେଶରେ ସର୍ବନିମ୍ନ ସହାୟକ ମୂଲ୍ୟରେ ସୋୟାବିନ୍ କିଣିବାକୁ ମଞ୍ଜୁରୀ ଦେଇଛନ୍ତି ଏବଂ ପଞ୍ଜୀକରଣ ଖୋଲା ରହିଛି। ମଧ୍ୟପ୍ରଦେଶ ପୁରା ମୁଗ କିଣି ସାରିଛି। ଏହାବ୍ୟତୀତ ବାସମତୀ ଚାଉଳର ସର୍ବନିମ୍ନ ରପ୍ତାନି ହାର କୁ ଉଚ୍ଛେଦ କରାଯାଇଛି, ଯାହା ବିଦେଶୀ ରପ୍ତାନି ଏବଂ ସମ୍ଭାବ୍ୟ ମୂଲ୍ୟ ବୃଦ୍ଧିକୁ ଅନୁମତି ଦେଇଛି।

ଶ୍ରୀ ଚୌହାନ କହିଛନ୍ତି ଯେ ଆମ ସରକାର କୃଷକମାନଙ୍କ ପାଇଁ ସର୍ବନିମ୍ନ ସହାୟକ ମୂଲ୍ୟରେ ଡାଲି, ବିରି ଏବଂ ହରଡ଼ କିଣିବା, ୧୦୯ ଟି ନୂତନ ବିହନ ପ୍ରଜାତି ଆରମ୍ଭ କରିବା ଭଳି ବିଭିନ୍ନ ପଦକ୍ଷେପ ଗ୍ରହଣ କରିଛନ୍ତି। ରବି ଫସଲ ପାଇଁ ସର୍ବନିମ୍ନ ସହାୟକ ମୂଲ୍ୟ ଘୋଷଣା ହେବାକୁ ଯାଉଛି। ମୋ ପାଇଁ ଆପଣମାନଙ୍କର ସେବା କରିବା ଭଗବାନଙ୍କ ଉପାସନା ସହିତ ସମାନ। ଏହି କ୍ଷେତ୍ରରେ ସିହୋର ଜିଲ୍ଲା ମଧ୍ୟ ପଛରେ ପଡ଼ିବ ନାହିଁ। କେନ୍ଦ୍ର ସରକାର ଓ ରାଜ୍ୟ ସରକାର ଅର୍ଥ ସହାୟତା ପ୍ରଦାନ କରିବେ। ସେ କହିଛନ୍ତି ଯେ ମଧ୍ୟପ୍ରଦେଶରେ ଗରିବଙ୍କୁ ୩ ଲକ୍ଷ ୬୮ ହଜାର ଘର ଦିଆଯାଇଛି ଯାହା ରାଜ୍ୟ ସରକାର ଦେବେ।

ଆପଣମାନଙ୍କର  ସେବା ହିଁ ମୋ ଜୀବନର ଲକ୍ଷ୍ୟ । କେନ୍ଦ୍ର ସରକାର ମଧ୍ୟପ୍ରଦେଶ ପାଇଁ କୌଣସି ସୁଯୋଗ ଛାଡ଼ିବେ ନାହିଁ। ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଗରିବଙ୍କ ସେବା ଜାରି ରହିବ ଏବଂ କୃଷିର ମଧ୍ୟ ପ୍ରଗତି ଜାରି ରହିବ। ଆମେ ଆପଣଙ୍କ ଆୟକୁ ଦ୍ୱିଗୁଣିତ କରିବୁ। ସେ ଆହୁରି ମଧ୍ୟ କହିଛନ୍ତି ଯେ ଅଧିକ ସିଏମ୍ ରାଜ୍ୟ ବିଦ୍ୟାଳୟ ଖୋଲାଯିବ। ଶ୍ରୀ ଚୌହାନ କେନ୍ଦୁପତ୍ରରେ ବୋନସ୍ ଦେଇଥିବାରୁ ସରକାରଙ୍କୁ ଅଭିନନ୍ଦନ ଜଣାଇବା ସହ କାର୍ଯ୍ୟକ୍ରମରେ ଉପସ୍ଥିତ ଥିବା ସମସ୍ତ ଲୋକଙ୍କୁ ନବରାତ୍ରୀର ଶୁଭେଚ୍ଛା ଜଣାଇଛନ୍ତି।

ନୂଆଦିଲ୍ଲୀ: ରାମବିଳାସ ପାଶ୍ୱାନ ଜୀଙ୍କୁ ତାଙ୍କ ପୁଣ୍ୟ ତିଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶ୍ରଦ୍ଧାଞ୍ଜଳି ଜଣାଇଛନ୍ତି। ଶ୍ରୀ ମୋଦୀ ଉଲ୍ଲେଖ କରିଛନ୍ତି ଯେ, ଶ୍ରୀ ରାମବିଳାସ ପାଶ୍ୱାନ ଜୀ ଜଣେ ଅସାଧାରଣ ନେତା ଥିଲେ। ଏକ ଦୃଢ଼ ଓ ବିକାଶିତ ଭାରତ ଗଠନ ସହ ଗରିବଙ୍କୁ ସଶକ୍ତ କରିବା ଦିଗରେ ସେ ନିଜକୁ ଉତ୍ସର୍ଗ କରିଥିଲେ।

ପ୍ରଧାନମନ୍ତ୍ରୀ ଏକ୍ସ ରେ ପୋଷ୍ଟ କରିଛନ୍ତି:

“ମୋର ପ୍ରିୟବନ୍ଧୁ ତଥା ଭାରତର ଜଣେ ପ୍ରମୁଖ ନେତା ଶ୍ରୀ ରାମ ବିଳାସ ପାଶ୍ୱାନ ଜୀଙ୍କୁ ତାଙ୍କ ଜନ୍ମ ତିଥିରେ ମୁଁ ଶ୍ରଦ୍ଧାଞ୍ଜଳି ଜଣାଉଛି। ସେ ଜଣେ ଅସାଧାରଣ ନେତା ଥିଲେ ଏବଂ ଦୃଢ଼ ତଥା ବିକଶିତ ଭାରତ ଗଠନ ସହ ଗରିବଙ୍କୁ ସଶକ୍ତ କରିବା ଦିଗରେ ସେ ନିଜକୁ ଉତ୍ସର୍ଗ କରିଥିଲେ। ଅନେକ ବର୍ଷ ତାଙ୍କ ସହ କାମ କରିବାର ସୁଯୋଗ ମିଳିବା ମୋର ସୌଭାଗ୍ୟ। ଅନେକ ପ୍ରସଙ୍ଗରେ ତାଙ୍କ ଦୂରଦୃଷ୍ଟିକୁ ମୁଁ ଏବେ ବହୁତ ମନେ ପକାଉଛି।”

ନୁଆଦିଲ୍ଲୀ: ନବରାତ୍ରୀର ଷଷ୍ଠ ଦିନରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେବୀ କାତ୍ୟାୟନୀଙ୍କୁ ପ୍ରାର୍ଥନା କରିଛନ୍ତି।

ପ୍ରଧାନମନ୍ତ୍ରୀ ଏକ୍ସ ରେ ପୋଷ୍ଟ କରିଛନ୍ତି:

“ନବରାତ୍ରୀର ଷଷ୍ଠୀରେ ମା’ କାତ୍ୟାୟନୀଙ୍କୁ ବିଶେଷ ପ୍ରାର୍ଥନା। ମାତାଙ୍କ ଆଶୀର୍ବାଦରେ ତାଙ୍କର ସବୁ ଭକ୍ତଙ୍କ ଜୀବନରେ ଶକ୍ତି, ସାମର୍ଥ୍ୟ ଏବଂ ସାହସର ସଞ୍ଚାର ହେଉ, ଏହି ପ୍ରାର୍ଥନା।”