ନୂଆଦିଲ୍ଲୀ: ମମତା ବାନାର୍ଜୀଙ୍କ ପରେ ବର୍ତ୍ତମାନ ତାଙ୍କର ଘନିଷ୍ଠ ରାଜନୈତିକ ରଣନୀତିଜ୍ଞ ପ୍ରଶାନ୍ତ କିଶୋର ମଧ୍ୟ ଗାନ୍ଧୀ ପରିବାର ଉପରେ ଆକ୍ରମଣ କରିଛନ୍ତି। ବିରୋଧୀ ଦଳର ନେତୃତ୍ୱ ପ୍ରସଙ୍ଗରେ ପ୍ରଶାନ୍ତ କିଶୋର କହିଛନ୍ତି ଯେ, ଗତ ୧୦ ବର୍ଷ ମଧ୍ୟରେ କଂଗ୍ରେସ ୯୦% ନିର୍ବାଚନରେ ହାରିଛି। ଏଭଳି ପରିସ୍ଥିତିରେ ବିରୋଧୀଙ୍କ ନେତୃତ୍ୱ କଂଗ୍ରେସର ଈଶ୍ୱରୀୟ ଅଧିକାର ହୋଇପାରିବ ନାହିଁ। ପ୍ରଶାନ୍ତ କିଶୋରଙ୍କ ପୂର୍ବରୁ କଂଗ୍ରେସର ନେତୃତ୍ୱକୁ ନେଇ ମମତା ବାନାର୍ଜୀ ପ୍ରଶ୍ନ ଉଠାଇଥିଲେ। କଂଗ୍ରେସକୁ କଟାକ୍ଷ କରି ମମତା ବାନାର୍ଜୀ କହିଛନ୍ତି ଯେ, ବର୍ତ୍ତମାନ ୟୁପିଏ ନାହିଁ। ବାସ୍ତବରେ, ଆଗାମୀ ଲୋକସଭା ନିର୍ବାଚନ ପାଇଁ ବିଜେପି ବିରୋଧରେ ତୃତୀୟ ସାମ୍ମୁଖ୍ୟ ପାଇଁ ମମତା ବାନାର୍ଜୀ ପ୍ରସ୍ତୁତି ଆରମ୍ଭ କରିଛନ୍ତି। ସେ ବିଜେପିର ବିକଳ୍ପ ହେବାକୁ ବିଭିନ୍ନ ରାଜ୍ୟରେ ଦଳର ନେତାମାନଙ୍କୁ ନିବେଦନ କରୁଛନ୍ତି। ନିକଟରେ ନ୍ୟାସନାଲ କଂଗ୍ରେସ ପାର୍ଟି (ଏନସିପି) ସଭାପତି ଶରଦ ପାୱାରଙ୍କ ସହ ବହୁ ପ୍ରତୀକ୍ଷିତ ବୈଠକରେ ସେ…
Author: Samikhsya Bureau
ଚାନ୍ଦପୁର: ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଞ୍ଚଳରେ ଅନେକ ଅସାମାଜିକ ଯୁବକଙ୍କ ପାଦୁର୍ଭାବ ଦେଖିବାକୁ ମିଳିଛି। ଉକ୍ତ ଅଞ୍ଚଳରେ ଲୁଟ, ଡକାୟତ ଭଳି ଅନେକ ଘଟଣା ସାମ୍ନାକୁ ଆସୁଥିବା ବେଳେ ସେସବୁକୁ ବ୍ରେକ ଲଗାଇବା ପାଇଁ ଚାନ୍ଦପୁର ପୋଲିସ ପ୍ରୟାସ ଜାରି ରଖିଛି। ତେବେ ଗତକାଲି ମଧ୍ୟ ଜଣେ ଦିବ୍ୟାଙ୍ଗ ବ୍ୟକ୍ତିଙ୍କ ଠାରୁ ଲୁଟପାଟ ଘଟଣା ଦେଖିବାକୁ ମିଳିଛି। କିନ୍ତୁ ପୋଲିସର ତ୍ଵରିତ କାର୍ଯ୍ୟାନୁଷ୍ଠାନ ଯୋଗୁଁ ଉକ୍ତ ଦିବ୍ୟାଙ୍ଗ ବ୍ୟକ୍ତିଜଣଙ୍କ ନିଜର ଟଙ୍କା ଫେରିପାଇବା ସହ ଅଭିଯୁକ୍ତକୁ ଗିରଫ କରାଯାଇଛି। ସୂଚନା ଅନୁଯାୟୀ, ଚାନ୍ଦପୁର ଥାନା ଅନ୍ତର୍ଗତ ଉପେନ୍ଦ୍ରପୁର ଗ୍ରାମର ସୁରସେନ ନାୟକ ନାମକ ଜଣେ ଦିବ୍ୟାଙ୍ଗ ବ୍ୟକ୍ତି ନିଜ ସାଇକେଲ ଯୋଗେ ଘରକୁ ଫେରୁଥିଲେ। ହେଲେ କବିରାଜ ପଲେଇ ନାମକ ଜଣେ ଅସାମାଜିକ ବ୍ୟକ୍ତି ସୁରସେନଙ୍କ ବାଟ ଓଗାଳିବା ସହ ତାଙ୍କୁ ମାରଧାର କରିଥିଲେ। ଏବଂ ତାଙ୍କ ପକେଟରୁ ୪ ହଜାର ୫ ଶହ ଟଙ୍କା ଲୁଟି ନେଇ ଫେରାର ହୋଇଯାଇଥିଲେ।…
ସୀତାରାମ ଅଗ୍ରୱାଲ ବାଣପୁର: ପିଡିଏସ ସାମଗ୍ରୀର ଚୋରୀ ଘଟଣାରେ ସ୍ଥାନୀୟ ସରପଞ୍ଚଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରାଯାଇଛି। ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ଭେଟେଶ୍ଵର ଗ୍ରାମ ପଞ୍ଚାୟତ ସରପଞ୍ଚଙ୍କ ବିରୋଧରେ ବିଜେଡ଼ିର ଶତାଧିକ କର୍ମୀ ପ୍ରତିବାଦ କରିବା ସହ ଆଜି ବ୍ଲକ ଘେରାଉ କରିଛନ୍ତି। ଉଲ୍ଲେଖ ଯୋଗ୍ୟ ଯେ, ଭେଟେଶ୍ୱର ଅଞ୍ଚଳରୁ କିଛି ଦିନ ତଳେ ପିଡ଼ିଏସ ସାମଗ୍ରୀ ଚୋରା ଚାଲାଣ ସନ୍ଦେହରେ ଏକ ଟାଟାଏସି ଗାଡିକୁ ପୋଲିସ ଜବତ କରିଥିଲା। ପରବର୍ତ୍ତୀ ସମୟରେ ଜିଲ୍ଲା ଯୋଗାଣ ବିଭାଗ ପକ୍ଷରୁ ଘଟଣାର ତଦନ୍ତ କରାଯାଇ ପଞ୍ଚାୟତ ନିର୍ବାହୀ ଅଧିକାରୀ ଓ ଗାଡ଼ି ଡ୍ରାଇଭରଙ୍କ ବିରୋଧରେ ବାଣପୁର ଥାନାରେ ଏତଲା ଦିଆଯାଇଥିଲା। ତଥାପି ଉକ୍ତ ଘଟଣାରେ ସରପଞ୍ଚଙ୍କୁ ଗିରଫ କରିବା ଦାବିରେ ଆଜି ବିଜେଡିର ଶତାଧିକ କର୍ମୀମାନେ ବାଣପୁର ବ୍ଲକ କାର୍ଯ୍ୟାଳୟ ଘେରାଉ କରିଥିଲେ। ବିଜେଡି କର୍ମୀମାନେ ବାଣପୁର କୋର୍ଟ ନିକଟରୁ ବିଭିନ୍ନ ପ୍ଲାକାର୍ଡ ଧରି, ସରପଞ୍ଚଙ୍କ ବିରୋଧରେ ନାରାବାଜି କରି…
ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ରାଜ୍ୟର ଲକ୍ଷ ଲକ୍ଷ ଛାତ୍ରଛାତ୍ରୀଙ୍କୁ ଛାତ୍ରବୃତ୍ତି ପ୍ରଦାନ କରିଛନ୍ତି। ମୁଖ୍ୟମନ୍ତ୍ରୀ ଯୋଗୀ ଆଜି ୧୨ ଲକ୍ଷରୁ ଅଧିକ ଛାତ୍ରଛାତ୍ରୀଙ୍କ ଆକାଉଣ୍ଟକୁ ୪୫୮.୬୬ କୋଟି ଟଙ୍କା ଟ୍ରାନ୍ସଫର କରିଛନ୍ତି। ଏହା ସହିତ ଉତ୍ତରପ୍ରଦେଶ ସରକାରୀ ଛାତ୍ରବୃତ୍ତିର ପ୍ରଥମ ପର୍ଯ୍ୟାୟ ଆଜି ଶେଷ ହୋଇଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ୪୫୮.୬୬ କୋଟି ଟଙ୍କାର ଛାତ୍ରବୃତ୍ତି ଯୋଜନା ଅଧୀନରେ ୧୨,୧୭,୬୩୧ ମେଧାବୀ ଛାତ୍ରଛାତ୍ରୀଙ୍କୁ ଅନଲାଇନ୍ ଛାତ୍ରବୃତ୍ତି ସ୍ଥାନାନ୍ତର କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ, ଗତ ଚାରି ବର୍ଷ ମଧ୍ୟରେ ଆମ ସରକାର ୪୦ ଲକ୍ଷରୁ ଅଧିକ ପିଲାଙ୍କୁ ଛାତ୍ରବୃତ୍ତି ଯୋଗାଇବା କାର୍ଯ୍ୟ କରିଆସିଛି। ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, “ପୂର୍ବ ସରକାରମାନେ ଭେଦଭାବ କରୁଥିଲେ। ୨୦୧୬-୧୭ ମସିହାରେ କେବଳ ଏସସି-ଏସଟି ପିଲାମାନଙ୍କର ଛାତ୍ରବୃତ୍ତି ବନ୍ଦ ହୋଇଯାଇଥିଲା। ଯେତେବେଳେ ଆମେ ମାର୍ଚ୍ଚ ୨୦୧୭ ରେ ଆସିଥିଲୁ, ମୁଁ ଏହା ଦେଖି ଆଶ୍ଚର୍ଯ୍ୟ ହୋଇଥିଲି।…
ନୂଆଦିଲ୍ଲୀ: ଚାଷୀଙ୍କ ଆର୍ଥିକ ସ୍ଥିତିକୁ ବଦଳାଇବା ପାଇଁ ସରକାର ଅତି ଶସ୍ତା ହାରରେ ଋଣ ପ୍ରଦାନ କରନ୍ତି। ରାଜ୍ୟ ସରକାର ମଧ୍ୟ ଏହି ଯୋଜନା କାର୍ଯ୍ୟକାରୀ କରୁଛନ୍ତି। ଏଥିରେ କିଷାନ କ୍ରେଡିଟ କାର୍ଡ ସାହାଯ୍ୟରେ କୃଷକମାନେ ବହୁତ କମ୍ ଦଲିଲ ସହିତ ସେମାନଙ୍କର ଆବଶ୍ୟକତା ଅନୁଯାୟୀ ଋଣ ପାଇପାରିବେ। ତେବେ ଆସନ୍ତୁ ଏହାର ସମସ୍ତ ବିବରଣୀ ଜାଣିବା… କିଷାନ୍ କ୍ରେଡିଟ୍ କାର୍ଡ କିପରି ତିଆରି ହେବ?: କିଷାନ କ୍ରେଡିଟ କାର୍ଡ ପାଇବା ପାଇଁ ପ୍ରଥମେ ଗୁଗୁଲରେ ସର୍ଚ୍ଚ କରି କିଷାନ ସ୍କିମର ୱେବସାଇଟ୍ ଖୋଲିବାକୁ ପଡିବ। ଏହା ପରେ, ୱେବସାଇଟ୍ କୁ ଯାଇ କିଷାନ୍ କ୍ରେଡିଟ୍ କାର୍ଡର ଫର୍ମ ଡାଉନଲୋଡ୍ କରନ୍ତୁ। ଏଠାରେ ଆପଣ ବ୍ୟାଙ୍କରେ ଦାଖଲ ହେବାକୁ ଥିବା ସମସ୍ତ ଡକ୍ୟୁମେଣ୍ଟ୍ ବିଷୟରେ ସୂଚନା ପାଇବେ। ବ୍ୟାଙ୍କରେ ଜମା କରିବା ପାଇଁ କୃଷକମାନଙ୍କଠାରୁ କେବଳ ତିନୋଟି ଦଲିଲ ନିଆଯାଉଛି। ଋଣ ପାଇଁ ଏହି ଦଲିଲଗୁଡ଼ିକ ଆବଶ୍ୟକ: ଏଥିପାଇଁ ଚାଷୀଙ୍କୁ ଆଧାର…
ଭୁବନେଶ୍ବର: ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ସାଧାରଣ ଜୀବନରେ କ୍ଷେତ୍ରରେ ଉଚ୍ଚ ନୈତିକତା ଓ ସାଧୁତା ବଜାୟ ରଖିବା ଉପରେ ସବୁବେଳେ ଗୁରୁତ୍ବ ଦେଇଆସିଛନ୍ତି। ଅପାରଗ ତଥା ଦୁର୍ନୀତିଗ୍ରସ୍ତ ଅଧିକାରୀଙ୍କ ବିରୁଦ୍ଧରେ ସବୁବେଳେ ଶୂନ୍ୟ ସହିଷ୍ଣୁତା ଆଭିମୁଖ୍ୟ ଉପରେ ଜୋର ଦେଇଆସିଛନ୍ତି । ଜନସାଧାରଣଙ୍କୁ ସ୍ବଚ୍ଛ, ଦକ୍ଷ ଏବଂ ଉତ୍ତରଦାୟୀ ପ୍ରଶାସନ ମାଧ୍ୟମରେ ସେବା ଯୋଗାଇ ଦେବା ପାଇଁ ମୁଖ୍ୟମନ୍ତ୍ରୀ ନିରନ୍ତର ପ୍ରଚେଷ୍ଟା ଜାରି ରଖିଛନ୍ତି। ରାଜ୍ୟ ସରକାରଙ୍କ ଏହି ଆଭିମୁଖ୍ୟ ଅନୁଯାୟୀ ଏବେ ଆଉ ୩ ଜଣ ଅଧିକାରୀଙ୍କୁ ବାଧ୍ୟତାମୂଳକ ଅବସର ଦିଆଯାଇଛି ଏବଂ ଜଣେ ଅଧିକାରୀଙ୍କୁ ଚାକିରୀରୁ ବହିଷ୍କାର କରାଯାଇଛି। ଏହା ସହିତ ଦୁଇ ଜଣ ଅଧିକାରୀଙ୍କ ପେନ୍ସନ ମଧ୍ୟ ସ୍ଥାୟୀ ଭାବରେ ବନ୍ଦ କରାଯାଇଛି। ବାଧ୍ୟତାମୂଳକ ଅବସର ପାଇଥିବା ୩ ଜଣଙ୍କ ମଧ୍ୟରୁ ସମ୍ବଲପୁର ମହାନଗର ନିଗମର କମ୍ୟୁନିଟି ଅର୍ଗାନାଇଜର (ଜଟଣୀ ମ୍ୟୁନିସିପାଲ୍ଟି ଓ ଛତ୍ରପୁର ଏନ୍.ଏ.ସି.ର ପୂର୍ବତନ କାର୍ଯ୍ୟନିର୍ବାହୀ ଅଧିକାରୀ) ଶ୍ରୀମତୀ ଲଳିତା କପୁରଙ୍କ ନାମରେ…
ଭୁବନେଶ୍ବର: ଆସନ୍ତାକାଲି ବଙ୍ଗୋବ ସାଗରରେ ବାତ୍ୟା ରୂପ ନେବ ଜୱାଦ। ଏ ନେଇ ଆଜି ଭାରତୀୟ ପାଣିପାଗ ବିଭାଗ ସୂଚନା ଦେଇଛି। ଆଣ୍ଡାମାନ ସାଗରରେ ସୃଷ୍ଟ ଏହି ଲଘୁଚାପ ଧୀରଧୀରେ ଘନିଭୂତ ହୋଇ ଆରବ ସାଗର ଆଡକୁ ଆସୁଛି। ଏହା ଗତକାଲି ଦକ୍ଷିଣପୂର୍ବ ଆରବ ସାଗରରେ ପ୍ରବେଶ କରିଥିଲା। ବର୍ତ୍ତମାନ ଧୀରେଧୀରେ ଘନିଭୂତ ହେବା ପରେ ଆସନ୍ତାକାଲି ଆରବ ସାଗରରେ ବାତ୍ୟା ରୂପ ନେବ ବୋଲି ପାଣିପାଗ ବିଭାଗ କହିଛି। ଏହାଦ୍ବାରା ଆନ୍ଧ୍ରପ୍ରଦେଶ ସହିତ ଓଡିଶା ଉପକୂଳରେ ପ୍ରଭାବ ପଡିବ ବୋଲି ପାଣିପାଗ ବିଭାଗ କହିଛି। ଏହାକୁ ନଜରରେ ରଖି ବିଭାଗ ଓଡିଶାର 4ଟି ଜିଲ୍ଲାକୁ ରେଡ ୱାର୍ଣ୍ଣିଂ ଜାରୀ କରିଛି। ସେଗୁଡିକ ହେଲା ଗଜପତି, ଗଂଜାମ, ପୁରୀ ଏବଂ ଜଗତସିଂହ ପୁର। ଏସବୁ ଜିଲ୍ଲାର ବାତ୍ୟା ମୁକାବିଲା କାର୍ଯ୍ୟ ଆରମ୍ଭ କରିଦେବାକୁ କୁହାଯାଇଛି। ଏହି ଜିଲ୍ଲାଗୁଡିକରେ ପ୍ରବଳ ବର୍ଷା ସହିତ ପବନ ପ୍ରବାହିତ ହେବ ବୋଲି ଜଣାପଡିଛି। ସେହିପରି ବିଭାଗ…
ନୂଆଦିଲ୍ଲୀ: ଦେଶର ସମସ୍ତ ପ୍ରମୁଖ ମୋବାଇଲ୍ ସେବା ପ୍ରଦାନକାରୀ କମ୍ପାନୀଗୁଡ଼ିକ ପ୍ରିପେଡ୍ ଯୋଜନାଗୁଡିକର ଶୁଳ୍କ ଦର ବୃଦ୍ଧି କରିଛନ୍ତି। ଏୟାରଟେଲ, ଜିଓ ଏବଂ ଭୋଡାଫୋନ୍-ଆଇଡିଆର ସମସ୍ତ ପ୍ରିପେଡ୍ ଯୋଜନା ବର୍ତ୍ତମାନ ମହଙ୍ଗା ହୋଇଛି। ଦର ବଢିବା ପରଠାରୁ ଲୋକମାନେ କମ୍ ମୂଲ୍ୟରେ ଭଲ ରିଚାର୍ଜ ଯୋଜନା ଖୋଜୁଛନ୍ତି। ଯଦି ଆପଣ ମଧ୍ୟ ଏପରି ଯୋଜନା ଖୋଜୁଛନ୍ତି, ତେବେ ନିଶ୍ଚିତ ଭାବରେ ଏହି ଖବର ପଢନ୍ତୁ। ୧ ଜିବି ଡାଟା: ଯଦି ଆପଣ ପ୍ରତିଦିନ ୧ ଜିବି ଡାଟା ସହିତ ଏକ ଯୋଜନା ଖୋଜୁଛନ୍ତି, ତେବେ Jio ର ୧୭୯ ଟଙ୍କା ଆପଣଙ୍କ ପାଇଁ ସର୍ବୋତ୍ତମ ହେବ। ଏଥିରେ ଆପଣ ୨୪ ଦିନର ବୈଧତା ପାଇବେ। ଯଦି ଆମେ ଏୟାରଟେଲ ବିଷୟରେ କଥା ହେବା, ତେବେ ୧ ଜିବି ଯୋଜନା ଟିକେ ମହଙ୍ଗା। ଏଥିପାଇଁ ଆପଣଙ୍କୁ ୨୬୫ ଟଙ୍କା ଦେବାକୁ ପଡିବ। ଏହାର ବୈଧତା ୨୮ ଦିନ ଅଛି। ଏଥି ସହିତ, ଭୋଡାଫୋନ୍…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାମ୍ଭବ୍ୟ ବାତ୍ୟାକୁ ନେଇ ନୂଆଦିଲ୍ଲୀରେ ଏକ ଉଚ୍ଚ ସ୍ତରୀୟ ବୈଠକ କରୁଛନ୍ତି। ଏଥିରେ ପ୍ରଧାନମନ୍ତ୍ରୀ କାର୍ଯ୍ୟାଳୟର ବରିଷ୍ଠ ଅଧିକାରୀଙ୍କ ସହିତ ଏନଡିଆରଏଫ ଡିଜି, ପାଣିପାଗ ଡିଜି ମୃତ୍ୟୁଞ୍ଜୟ ମହାପାତ୍ର ଯୋଗ ଦେଇଛନ୍ତି। ଏହି ବୈଠକରେ ବାତ୍ୟାର ସ୍ଥିତି କିପରି ରହିଛି, କେତେବେଳେ ସ୍ଥଳଭାଗ ଛୁଇଁବ, କେତେ ବେଗରେ ପବନ ବହିବ ସେ ନେଇ ଆଲୋଚନା କରାଯିବ। ଏଥିସହିତ ବାତ୍ୟା ମୁକାବିଲା ନେଇ କଣ ପ୍ରସ୍ତୁତି ରହିଛି ସେ ନେଇ ସେ ଏନଡିଆରଏଫ ଡିଜିଙ୍କ ସହିତ ଆଲୋଚନା କରିଛନ୍ତି।
ନୂଆଦିଲ୍ଲୀ: ତିନୋଟି କୃଷି ଆଇନ ପ୍ରତ୍ୟାହାର ସମ୍ପର୍କରେ ସରକାର ଆଜି ଏକ ଗେଜେଟ୍ ବିଜ୍ଞପ୍ତି ଜାରି କରିଛନ୍ତି। ସଂସଦର ଚାଲିଥିବା ଶୀତକାଳୀନ ଅଧିବେଶନର ପ୍ରଥମ ଦିନରେ ଉଭୟ ଗୃହରେ ଏହି ଆଇନଗୁଡ଼ିକୁ ରଦ୍ଦ କରିବା ପାଇଁ ବିଲ୍ ପାରିତ ହୋଇଥିଲା। ଏହାପରେ ଗେଜେଟ ନୋଟିଫିକେସନ ଜାରୀ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତ ମାସର 19 ତାରିଖ ଦିନ ଦେଶକୁ ସମ୍ବୋଧିତ କରି ଏହି ଆଇନ ପ୍ରତ୍ୟାହାର ହେଲା ବୋଲି ଘୋଷଣା କରିଥିଲେ। ସେ କହିଥିଲେ ଯେ ସଂସଦର ଶୀତକାଳୀନ ଅଧିବେଶନରେ 2019 ରେ ପ୍ରସ୍ତୁତ ଏହି କୃଷି ଆଇନ ପ୍ରତ୍ୟାହାର ବିଲ ଆସିବ। ଗୁରୁ ପର୍ବ ଦିନ ଭଲ ମନୋଭାବରେ ଘରକୁ ଯିବାକୁ ସମସ୍ତ ଚାଷୀଙ୍କୁ ଶ୍ରୀ ମୋଦୀ ନିବେଦନ କରିଥିଲେ। ପ୍ରଧାନମନ୍ତ୍ରୀ ତାଙ୍କ ଘୋଷଣାରେ ମଧ୍ୟ କହିଛନ୍ତି ଯେ କୃଷି ସହ ଜଡିତ ସମସ୍ତ ଦିଗ ଉପରେ ଏକ କମିଟି ଗଠନ କରାଯିବ।
ନୂଆଦିଲ୍ଲୀ: ଭାରତରେ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ହେତୁ ଲୋକମାନେ ଅସନ୍ତୋଷ ପ୍ରକାଶ କରୁଛନ୍ତି। ତେବେ ଏଭଳି ପରିସ୍ଥିତିରେ ଲୋକମାନେ ବୈଦ୍ୟୁତିକ ଯାନକୁ ସ୍ଥାନାନ୍ତରିତ ହେବା ଏକ ଉତ୍ତମ ବିକଳ୍ପ ହୋଇପାରେ। କାରଣ ପେଟ୍ରୋଲ ଚାଳିତ ଯାନ ତୁଳନାରେ ବୈଦ୍ୟୁତିକ ଯାନ ବ୍ୟବହାରରେ କମ୍ ଖର୍ଚ୍ଚ ହୋଇଥାଏ। ଏହା ଆପଣଙ୍କ ପାଇଁ ଏକ ଅର୍ଥ ସଞ୍ଚୟ କରିପାରେ। ଏଭଳି ପରିସ୍ଥିତିରେ ଅନେକ ଲୋକ ବୈଦ୍ୟୁତିକ ଯାନକୁ ବ୍ୟବହାର କରିବାକୁ ଇଚ୍ଛା କରୁଛନ୍ତି। ଯଦି ଆପଣ ମଧ୍ୟ ଏହିପରି ଲୋକମାନଙ୍କ ମଧ୍ୟରେ ଅଛନ୍ତି, ତେବେ ଆମେ ଆପଣଙ୍କ ପାଇଁ ଏପରି ଏକ ବୈଦ୍ୟୁତିକ ସ୍କୁଟର ବିଷୟରେ ସୂଚନା ଦେବୁ, ଯାହା ପ୍ରାୟ 100 ଟଙ୍କାରେ 755 କିଲୋମିଟର ପର୍ଯ୍ୟନ୍ତ ଯାଇପାରିବ। ଦୁଇଟି ଇଲେକ୍ଟ୍ରିକ୍ ସ୍କୁଟରକୁ ଓଲା ଇଲେକ୍ଟ୍ରିକ୍ ଲଞ୍ଚ କରିଛି – OLA S1 ଏବଂ OLA S1 Pro। OLA S1 Pro ସ୍କୁଟର ସମ୍ପୂର୍ଣ୍ଣ ଚାର୍ଜରେ 181 କିଲୋମିଟର…
ଭୁବନେଶ୍ୱର: କେନ୍ଦ୍ର ସରକାରଙ୍କ ପ୍ରଶାସନିକ ସଂସ୍କାର ଏବଂ ସାଧାରଣ ଅଭିଯୋଗ ବିଭାଗ (ଡିଏଆରପିଜି) ଏବଂ ଓଡ଼ିଶା ସରକାରଙ୍କ ମିଳିତ ଆନୁକୂଲ୍ୟରେ ଭୁବନେଶ୍ୱରଠାରେ ଏକ ଆଞ୍ଚଳିକ ସମ୍ମିଳନୀ ଆୟୋଜିତ ହେବ। ଡିସେମ୍ବର ୩-୪ ତାରିଖ ଦୁଇ ଦିନ ଧରି ଅର୍ଦ୍ଧ-ଭର୍ଚୁଆଲ ମାଧ୍ୟମରେ ଆୟୋଜିତ ହେବାକୁ ଏହି ସମ୍ମିଳନୀର ବିଷୟବସ୍ତୁ ରଖାଯାଇଛି : “ଉତ୍ତମ ପ୍ରଶାସନ ବ୍ୟବସ୍ଥାର ପ୍ରତିଫଳନ”। ଏହି ସମ୍ମିଳନୀର ଉଦଯାପନୀ ଅଧିବେଶନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ଶିକ୍ଷା ଏବଂ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ର ମନ୍ତ୍ରୀ ଡ. ଜିତେନ୍ଦ୍ର ସିଂ ଉଦବୋଧନ ଦେବେ। ଓଡ଼ିଶାର ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଏବଂ ଡିଏଆରପିଜି ସଚିବ ସଞ୍ଜୟ ସିଂ ମଧ୍ୟ ଉଦଘାଟନୀ ଓ ଉଦଯାପନୀ ଅଧିବେଶନରେ ଉପସ୍ଥିତ ରହିବେ। ବିଭିନ୍ନ ଅଧିବେଶନରେ କେନ୍ଦ୍ର ଓ ରାଜ୍ୟ ସରକାରଙ୍କ ସମେତ ନୀତି ଆୟୋଗ ଭଳି ପ୍ରତିଷ୍ଠାନର ବରିଷ୍ଠ ପ୍ରଶାସନିକ ଅଧିକାରୀମାନେ ଅଧିବେଶନରେ ଯୋଗ ଦେଇ ପରସ୍ପର ମଧ୍ୟରେ…
ଖୋର୍ଦ୍ଧା: ତୃତୀୟ ଲହର ତଥା ନୂଆ ଭାରିଆଣ୍ଟର ସଂକ୍ରମଣ ଆଶଙ୍କା ବଢିବାରେ ଲାଗିଛି। ଯାହାଦ୍ୱାରା ବିଶ୍ଵର ଅନେକ ଦେଶଗୁଡିକ ଓମିକ୍ରନ ଭାରିଆଣ୍ଟକୁ ରୋକିବା ପାଇଁ ଯଥା ସମ୍ଭବ ପ୍ରୟାସ କରୁଛନ୍ତି। ସେହିଭଳି ଭାରତରେ ଏହାଠାରୁ ରକ୍ଷା ପାଇବା ପାଇଁ ଆବଶ୍ୟକ ପଦକ୍ଷେପ ନେବା ପାଇଁ ରାଜ୍ୟଗୁଡିକୁ ନିର୍ଦ୍ଦେଶ ଦେଇଛି। ତେଣୁ ରାଜ୍ୟ ସରକାର ଏହାପାଇଁ ତତ୍ପରତା ଦେଖାଇବା ସହ ଜିଲ୍ଲାପାଳମାନଙ୍କୁ ଉଚିତ ପଦକ୍ଷେପ ପାଇଁ କୁହାଯାଇଛି। ତେବେ ଏହି ପ୍ରରିପ୍ରେକ୍ଷୀରେ ଖୋର୍ଦ୍ଧା ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ମଧ୍ୟ ଜିଲ୍ଲାବାସୀଙ୍କ ପାଇଁ କରୋନା କଟକଣା ଜାରି କରିଛନ୍ତି। ସେଥିପାଇଁ କରୋନା କଟକଣାକୁ ଜୋରଦାର କରିବା ପାଇଁ ଜିଲ୍ଲାପାଳ ସୂଚନା ଦେଇଛନ୍ତି। ପୂର୍ବ ପରି ମାସ୍କ ଚେକିଂ, ସାମାଜିକ ଦୁରତ୍ଵକୁ ଗୁରୁତ୍ଵ ଦିଆଯାଇଛି। ଏହିସବୁ ନିୟମ ଉଲ୍ଲଂଘନ କରୁଥିବା ବ୍ୟକ୍ତିମାନଙ୍କ ଠାରୁ ସ୍ଥାନୀୟ ପ୍ରଶାସନ ଜରିମାନା ଆଦାୟକରିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। ସେହିଭଳି ଖୋର୍ଦ୍ଧାର ସହର ଅଞ୍ଚଳରେ ରାତ୍ରୀକାଳୀନ କର୍ଫ୍ୟୁ ପାଇଁ…
ଭୁବନେଶ୍ବର: ସମ୍ଭାବ୍ୟ ବାତ୍ୟା ‘ଜୱାଦ’ର ପାଇଁ ପାଣିପାଗ ବିଭାଗ (ଆଇଏମଡି) ଏକ ସତର୍କ ସୂଚନା ଜାରି କରିଛି। ପାଣିପାଗ ବିଭାଗ ଅନୁଯାୟୀ, 12 ଘଣ୍ଟା ମଧ୍ୟରେ ଆଣ୍ଡାମାନ ସାଗରରେ ଏକ ଲଘୁଚାପ ଅଞ୍ଚଳ ସୃଷ୍ଟି ହେବ। ଡିସେମ୍ବର 2 ତାରିଖରେ, ଏହା ଏକ ଗଭୀର ଅବପାତରେ ପରିଣତ ହେବ, ଯାହା ଡିସେମ୍ବର 4 ତାରିଖ ସକାଳେ ଆନ୍ଧ୍ରପ୍ରଦେଶ ଏବଂ ଓଡିଶା ଉପକୂଳ ଛୁଇଁବ। ଏହି ଘୂର୍ଣ୍ଣିବଳୟ ଯୋଗୁଁ ଦକ୍ଷିଣ ବଙ୍ଗଳାର ପ୍ରାୟ ସମସ୍ତ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହାକୁ ଦୃଷ୍ଟିରେ ରଖି ପଶ୍ଚିମବଙ୍ଗ ସରକାର ଚାଷୀଙ୍କୁ କ୍ଷେତରେ ପଡ଼ିଥିବା ଧାନ କାଟିବା ଏବଂ ବାନ୍ଧିବା ପାଇଁ ଚେତାବନୀ ଦେଇଛନ୍ତି। କାରଣ ପ୍ରବଳ ବର୍ଷା ଫସଲକୁ ଅଧିକ କ୍ଷତି ପହଞ୍ଚାଇପାରେ। ପାଣିପାଗ ବିଭାଗ ଅନୁଯାୟୀ, ଘୂର୍ଣ୍ଣିବଳୟର ପ୍ରଭାବ ଛତିଶଗଡ ଉପରେ ମଧ୍ୟ ପ୍ରଭାବ ପକାଇପାରେ। ଅନ୍ୟପକ୍ଷରେ, ଡିସେମ୍ବର 3 ରୁ ଓଡିଶାର ଉପକୂଳବର୍ତ୍ତୀ ଜିଲ୍ଲାରେ ବର୍ଷା ସମ୍ପର୍କରେ ଆଇଏମଡିର…
ସୀତାରାମ ଅଗ୍ରୱାଲ ଟାଙ୍ଗୀ: ବିଷାକ୍ତ ଖାଦ୍ୟ ଖାଇ ଜଣଙ୍କର ମୃତ୍ୟୁ ହୋଇଛି। ଏହା ସହିତ ଜଣେ ମହିଳାଙ୍କ ସମେତ ୩ ଜଣ ଗୁରୁତର ହୋଇଛନ୍ତି। ଗୁରୁତର ଅସୁସ୍ଥ ହୋଇଥିବା ଲୋକଙ୍କୁ ଭୁବନେଶ୍ଵର ସ୍ଥାନାନ୍ତରିତ କରାଯାଇଛି। ଖୋର୍ଦ୍ଧା ଜିଲ୍ଲା ଟାଙ୍ଗି ଥାନା ଅନ୍ତର୍ଗତ କୁହୁଡିରେ ଏଭଳି ଏକ ଅଭାବନୀୟ ଘଟଣା ଘଟିଛି। ସୂଚନା ଅନୁଯାୟୀ, ଏକ କେଳା ପରିବାରର ୬ ଜଣ ଲୋକ ଅସ୍ଥାୟୀ ଭାବେ କୁହୁଡି ସ୍ଥିତ ଏକ କୁକୁଡା ଫାର୍ମରେ ରହି ଆସୁଥିଲେ। ଏମାନେ ସମସ୍ତେ ନୟାଗଡ ଜିଲ୍ଲାର ବୋଲି ଜଣାପଡିଛି। ତେବେ ଗତ କାଲି ରାତିରେ ଏହି ପରିଵାର ସମସ୍ତ ଲୋକ ମାଛ ଭାତ ଖାଇ ଶୋଇଥିଲେ। କିନ୍ତୁ ରାତି ପ୍ରାୟ ୩ ଟା ବେଳେ ସମସ୍ତଙ୍କର ବାନ୍ତି ହେବାରୁ ପରିବାରର ୪ ଜଣଙ୍କର ଦେହ ଅସୁସ୍ଥ ହୋଇଥିଲା। ଖବର ପାଇ ସ୍ଥାନୀୟ ଲୋକେ ସେମାନଙ୍କୁ ଅଟୋ ରିକ୍ସାରେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ମେଡିକାଲରେ…
ଦିଲ୍ଲୀ: ଆଜି ଦେଶରୁ ୯ ହଜାର ୭୬୫ ନୂତନ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିଭଳି ଗତ ୨୪ ଘଣ୍ଟାରେ ୪୭୭ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୪୬ ଲକ୍ଷ ୬ ହଜାର ୫୪୧ ରେ ପହଞ୍ଚିଛି। ତେବେ ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୬୯ ହଜାର ୭୨୪ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୪୦ ଲକ୍ଷ ୩୭ ହଜାର ୫୪ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୯୯ ହଜାର ୭୬୩ ଆକ୍ଟିଭ୍ କେସ୍ ରହିଛି।
ଭୁବନେଶ୍ବର: ଆଜି ରାଜ୍ୟରେ ୨୫୨ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୦-୧୮ ବର୍ଷର ୫୪ ଜଣ ଅଛନ୍ତି। ସେହିପରି ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୧୪୮ ଜଣ ଏବଂ ସ୍ଥାନୀୟ ସଂକ୍ରମିତ ୧୦୪ ଜଣ ଅଛନ୍ତି। ତେବେ ବିଭିନ୍ନ ଜିଲ୍ଲାର ଯେଉଁ ସ୍ଥିତି ରହିଛି ତାହା ହେଲା… ବାଲେଶ୍ଵର ଜିଲ୍ଲାରୁ- ୫ ଭଦ୍ରକ ଜିଲ୍ଲାରୁ- ୨ ବଲାଙ୍ଗୀରି ଜିଲ୍ଲାରୁ- ୫ ବୌଦ୍ଧ ଜିଲ୍ଲାରୁ- ୧ କଟକ ଜିଲ୍ଲାରୁ – ୧୯ ଢେଙ୍କାନାଳ ଜିଲ୍ଲାରୁ- ୩ ଗଞ୍ଜାମ ଜିଲ୍ଲାରୁ- ୧ ଜଗତସିଂହପୁର ଜିଲ୍ଲାରୁ – ୩ ଯାଜପୁର ଜିଲ୍ଲାରୁ – ୮ ଝାରସୁଗୁଡା ଜିଲ୍ଲାରୁ- ୪ କେନ୍ଦ୍ରାପଡ଼ା ଜିଲ୍ଲାରୁ – ୩ କେନ୍ଦୁଝର ଜିଲ୍ଲାରୁ- ୧ ଖୋର୍ଦ୍ଧା ଜିଲ୍ଲାରୁ- ୧୧୩ ମୟୂରଭଞ୍ଜ ଜିଲ୍ଲାରୁ- ୮ ନୟାଗଡ ଜିଲ୍ଲାରୁ- ୨ ପୁରୀ ଜିଲ୍ଲାରୁ- ୩ ସମ୍ବଲପୁର ଜିଲ୍ଲାରୁ- ୧୩ ସୁନ୍ଦରଗଡ଼ ଜିଲ୍ଲାରୁ – ୧୬ ଷ୍ଟେଟ ପୁଲରୁ- ୨୭ ତେବେ…
ନୂଆଦିଲ୍ଲୀ: ସାରା ବିଶ୍ୱରେ ପ୍ରତିବର୍ଷ ଡିସେମ୍ବର ୧ ତାରିଖରେ ବିଶ୍ୱ ଏଡସ୍ ଦିବସ ପାଳନ କରାଯାଏ। ଏହି ଦିନ ପାଳନ କରିବାର ଉଦ୍ଦେଶ୍ୟ ହେଉଛି ସବୁ ବୟସର ଲୋକଙ୍କ ମଧ୍ୟରେ ଏଡସ୍ ବିଷୟରେ ସଚେତନତା ସୃଷ୍ଟି କରିବା। ଏଚଆଇଭି ଏଡସ୍ ରୋଗକୁ ରୋକିବା ପାଇଁ ସଚେତନତା ଆବଶ୍ୟକ। ସ୍ୱାସ୍ଥ୍ୟ ବିଭାଗ ଦ୍ୱାରା ମଧ୍ୟ ଏହି ଦିଗରେ ଏକ ଅଭିଯାନ ଚାଲିଛି। ଏଚ.ଆଇ.ଭି ସଂକ୍ରମିତ ହେବାର ଅନେକ କାରଣ ଅଛି, କିନ୍ତୁ ଏହାର ମୁଖ୍ୟ କାରଣ ହେଉଛି ଏହି ସମୟରେ ନିଶାର ଅତ୍ୟଧିକ ବ୍ୟବହାର। ଏହି କାରଣରୁ ସାମାଜିକ କୁକର୍ମ ମଧ୍ୟ ବ୍ୟାପିବାରେ ଲାଗିଛି। ଏହା ସହିତ ଏହା ରୋଗକୁ ମଧ୍ୟ ନିମନ୍ତ୍ରଣ କରୁଛି। ଆଜି ଆମେ ଆପଣଙ୍କୁ କହିବୁ କି ଆପଣ କିପରି କିଛି ସତର୍କତା ଅବଲମ୍ବନ କରି ଏକ ଭଲ ଜୀବନଶୈଳୀ ପ୍ରସ୍ତୁତ କରି ନିଜକୁ ଅନେକ ରୋଗରୁ ରକ୍ଷା କରିପାରିବେ। ଏକ ସୁସ୍ଥ ଜୀବନଶୈଳୀ ଗ୍ରହଣ କରି ଆପଣ…
ନୂଆଦିଲ୍ଲୀ: ‘ନାମ’ର ପ୍ରଥମ ଅକ୍ଷର ମଧ୍ୟ ବ୍ୟକ୍ତିର ସ୍ଵଭାବ ଉପରେ ପ୍ରଭାବ ପକାଇଥାଏ। ‘ନାମ’ ବ୍ୟକ୍ତି ଉପରେ ଗଭୀର ପ୍ରଭାବ ପକାଇଥାଏ। ଅଭିଭାବକମାନେ ନିଜ ସନ୍ତାନର ନାମ ପ୍ରତି ଅତ୍ୟନ୍ତ ଗମ୍ଭୀର। ଝିଅମାନଙ୍କର ‘ନାମ’ ବିଷୟରେ ଗମ୍ଭୀରତା ମଧ୍ୟ ଦେଖାଯାଏ। ଝିଅମାନେ ଦେବୀଙ୍କର ରୂପ ବୋଲି ବିବେଚନା କରାଯାଏ। ନବରାତ୍ରୀ ପର୍ବରେ ଝିଅମାନଙ୍କୁ ପୂଜା କରିବାର ଏକ ପରମ୍ପରା ଅଛି। ଆଜି ଆମେ କିଛି ଭାଗ୍ୟଶାଳୀ ‘ନାମ’ ଅକ୍ଷର ବିଷୟରେ ଆଲୋଚନା କରିବା, ଯେଉଁ ଝିଅମାନଙ୍କର ‘ନାମ’ ଏହି ଅକ୍ଷରରୁ ଆରମ୍ଭ ହୁଏ, ସେମାନେ ‘ସୌଭାଗ୍ୟବତୀ’ ବୋଲି କୁହାଯାଏ। ଯେଉଁ ଝିଅମାନଙ୍କର ନାମ “D” ଅକ୍ଷରରୁ ଆରମ୍ଭ ହୁଏ ସେମାନେ ଅତି ନିର୍ଭୟରେ ଏବଂ ସମସ୍ତ କାର୍ଯ୍ୟଗୁଡିକ ଅତି ଦକ୍ଷତାର ସହିତ କରନ୍ତି। ସେମାନେ ବହୁତ କଳାତ୍ମକ। ଶିକ୍ଷା କ୍ଷେତ୍ରରେ ବିଶେଷ ସଫଳତା ପାଇଥାନ୍ତି। ସେମାନେ ନିଜ ଦାୟିତ୍ଵ ଉପରେ ଅତ୍ୟନ୍ତ ଗମ୍ଭୀର। ସେମାନେ କାର୍ଯ୍ୟଗୁଡିକୁ ନିଜ ହାତକୁ ନେଇ ପୂର୍ଣ୍ଣ…
ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟ ତାଙ୍କ ଚାଣକ୍ୟ ନୀତିରେ ମାନବ ସ୍ବାସ୍ଥ୍ୟ ଉପରେ ବେଶ ଭଲ ଉପଦେଶ ଦେଇଛନ୍ତି। ଯାହା ସାଧାରଣ ଜୀବନରେ ପ୍ରତିଟି ମଣିଷ ତାହାକୁ ମାନିବା ଉଚିତ। ଚାଣକ୍ୟଙ୍କ ହିସାବରେ ଜଣେ ନିଜର ସ୍ବାସ୍ଥ୍ୟ ପ୍ରତି ଯତ୍ନ ନେବା ନିହାତି ଆବଶ୍ୟକ। ଯେତେ ଜରୁରୀ କାମ ଥାଉ ନା କାହିଁକି ଦିନରେ ଥରୁଟିଏ ସ୍ବାସ୍ଥ୍ୟ ପ୍ରତି ନଜର ଦେବା ଆବଶ୍ୟକ। କାରଣ ଆପଣ ଯେତେଦିନ ସୁସ୍ଥ୍ୟ ରହିବେ ସେତେଦିନ ପର୍ଯ୍ୟନ୍ତ ମୃତ୍ୟୁ ଦୂରେଇ ରହିବ। ଯଦି ଆପଣ ବଞ୍ଚି ରହିବେ ତେବେ ଧର୍ମକର୍ମ ଏବଂ ପରିବାରର ମଙ୍ଗଳ କରିବେ। ହେଲେ ମରିଗଲେ କିଛି କରିପାରିବେ ନାହିଁ। ନିଜେ ଅସୁସ୍ଥ୍ୟ ରହି ରୋଗ ବ୍ୟାଧିରେ ପଡିରହିଲେ ଆପଣ କାହାର କାମରେ ଆସିବେ ନାହିଁ। କାହାର ଉପକାରଟିଏ ମଧ୍ୟ କରିପାରିବେ ନାହିଁ। କେବଳ ଆପଣଙ୍କ ରୋଗ କଥା ଚିନ୍ତା କରି ଶେଷରେ ଦେହତ୍ୟାଗ କରିବେ। ତେଣୁ ବଞ୍ଚିଥିଲେ କିଛି କରିବେ, ବଞ୍ଚିବା…
ଭୁବନେଶ୍ବର: ବିଭିନ୍ନ ନିର୍ବାଚନ ଆଉ ଉପନିର୍ବାଚନରେ ଧର୍ମେନ୍ଦ୍ରଙ୍କ ନେତୃତ୍ବ ହାରିବା ପରେ ବର୍ତ୍ତମାନ ତାଙ୍କ ଧର୍ମପତ୍ନୀ ରାଜନୈତିକ ମଇଦାନକୁ ଲମ୍ପ ପ୍ରଦାନ କରିଛନ୍ତି। ଯାହାର ପ୍ରମାଣ ବର୍ତ୍ତମାନ ତାଳଚେର ଅଞ୍ଚଳରେ ଦେଖିବାକୁ ମିଳିଛି। ସେଠାରେ ତାଙ୍କ ପତ୍ନୀ ମୃଦୁଳା ପ୍ରଧାନ କେନ୍ଦ୍ର ସରକାରଙ୍କ ଉଜ୍ଜଳା ଗ୍ୟାସ ବଣ୍ଟନ କରିବା ସହିତ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଉଛନ୍ତି। ତାଙ୍କର ଏହି ଗସ୍ତକୁ ସଫଳ କରିବା ପାଇଁ ଧର୍ମେନ୍ଦ୍ରଙ୍କ ପୁରା ଟିମ ଲାଗିପଡିଛନ୍ତି। ମୃଦୁଳାଙ୍କ ପାଇଁ ତାଳଚେର ଅଞ୍ଚଳରେ ବିଭିନ୍ନ ମଞ୍ଚ ବା ସଭାସମିତର ଆୟୋଜନ ହେବାରେ ଲାଗିଛି। ବର୍ତ୍ତମାନ ମୃଦୁଳୁ ନୂଆଦିଲ୍ଲୀରେ କମ ତାଳଚେରରେ ବେଶୀ ସମୟ ଦେବେ ବୋଲି ତାଙ୍କ ନିକଟତମ ମହଲରୁ ପ୍ରକାଶ ପାଇଛି। ମୁଖ୍ୟତଃ ଜଣେ ନାରୀ ଏବଂ ଜଣେ ଟାଣୁଆ ମନ୍ତ୍ରୀଙ୍କ ପତ୍ନୀ ତଥା ପୂର୍ବତନ କେନ୍ଦ୍ରମନ୍ତ୍ରୀଙ୍କ ବୋହୁ ଭାବେ ତାଙ୍କର ତାଳଚେରରେ ବେଶ ଖାତିର ରହିଛି। ଫଳରେ ତାଙ୍କ ସଭାରେ ଲୋକଙ୍କ ଭିଡ ମଧ୍ୟ ପରିଲକ୍ଷିତ…