Author: Samikhsya Bureau

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: ଅନେକ ଦିନ ବ୍ୟବଧାନରେ ଆଜି କୁକୁଡ଼ାଖଣ୍ଡି ବ୍ଲକ୍ ପରିସର ମଧ୍ୟରେ ସମିତି ବୈଠକ ଅନୁଷ୍ଠିତ ହୋଇଯାଇଛି। ବ୍ଲକ୍ ଅଧ୍ୟକ୍ଷ କାମାକ୍ଷା ପ୍ରସାଦ ପାତ୍ରଙ୍କ ତତ୍ତ୍ୱାବଧାନରେ ଏହି ବୈଠକ ଅନୁଷ୍ଠିତ ହୋଇଛି। କରୋନା ମହାମାରୀଠାରୁ କୌଣସି ପ୍ରକାର ବୈଠକ ହୋଇନଥିବାବେଳେ ବିଭିନ୍ନ ଉନ୍ନୟନମୂଳକ କାର୍ଯ୍ୟ ଉକ୍ତ ବ୍ଲକ୍‌ରେ ଅତି ନିମ୍ନମାନର ଏବଂ ବାଟମାରଣା ହୋଇଥିବାକୁ ନେଇ ବହୁ ଦୁର୍ନୀତି ପଦାକୁ ଆସିଛ। ଏହି ପରିପ୍ରେକ୍ଷୀରେ ବିଭିନ୍ନ ଗଣମାଧ୍ୟମରେ ମଧ୍ୟ କୁକୁଡ଼ାଖଣ୍ଡି ବ୍ଲକ୍‌ର ଦୁର୍ନିତର ଗନ୍ତାଘରକୁ ନେଇ ଉପସ୍ଥାପନ କରାଯାଇଥିଲା। କିନ୍ତୁ ଆଜିର ଏହି ସମିତି ବୈଠକରେ କୌଣସି ଉନ୍ନୟନମୂଳକ କାର୍ଯ୍ୟ କିମ୍ବା ଏହାର ଦୁର୍ନୀତି ଏବଂ ବାଟମାରଣାକୁ ନେଇ କୌଣସି ଆଲୋଚନା ହୋଇନଥିବାବେଳେ କିଛି ସରପଞ୍ଚ ସ୍ଥାନୀୟ ତହସିଲ୍‌ଦାରଙ୍କ କାର୍ଯ୍ୟକଳାପକୁ ନେଇ ପ୍ରଶ୍ନ ଉଠାଇଥିଲେ। ଯାହାକି ଏହା ଏକ ଶସ୍ତା ରାଜନୀତି କହିଲେ କିଛି ଭୁଲ୍ ହେବ ନାହିଁ। ଏଠାରେ ଆଉ ଗୋଟିଏ କଥା ଦେଖିବାକୁ ମିଳିଲା…

ସୀତାରାମ ଅଗ୍ରୱାଲ  ଚିଲିକା: ଚିଲିକା ବ୍ଲକ ଅନ୍ତର୍ଗତ ହରିକୁଣ୍ଡ ବରଡ଼ି ଗ୍ରାମରେ ଏକ ଅଘଟଣ ଘଟିଯାଇଛି। ବିଦ୍ୟୁତ ଆଘାତରେ ଆସି ଜଣେ ଯୁବକଙ୍କ  ମୃତ୍ୟୁ ହୋଇଥିବା ସୂଚନା ରହିଛି। ମୃତକ ଯୁବକଙ୍କ ନାମ ରବୀନ୍ଦ୍ର ସ୍ଵାଇଁ (୨୩)। ସୂଚନା ଯୋଗ୍ୟ ଯେ, ରବୀନ୍ଦ୍ର ହରିକୁଣ୍ଡ ବଜାରରେ ଥିବା ଦୋକାନ ଘର ଛାତ ପକାଇବା ପାଇଁ ସଟ୍ରିଙ୍ଗ ବାନ୍ଧୁଥିଲେ। ଘର ଉପର ଦେଇ ଯାଇଥିବା ୧୧ କେଭି ବିଦ୍ୟୁତ ତାର ସହ ଏକ ଓଦା କାଠ ସଂସ୍ପର୍ଶରେ ଆସିବାରୁ ତାଙ୍କୁ ବିଦ୍ୟୁତ ଆଘାତ ଲାଗିଥିଲା। ଗୁରୁତର ଅଵସ୍ଥାରେ ରବୀନ୍ଦ୍ରଙ୍କୁ ସ୍ଥାନୀୟ ଲୋକେ ଟାଙ୍ଗୀ ମେଡିକାଲରେ ଭର୍ତ୍ତି କରିଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି। ଟାଙ୍ଗୀ ପୋଲିସ୍ ଶବ ଜବତ କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ପଠାଇବା ବ୍ୟବସ୍ଥା କରିଛି।

ରମେଶ ମହାନ୍ତି ଜଗତସିଂହପୁର: ଜିଲ୍ଲାର ରଘୁନାଥପୁର ବ୍ଲକ ଶିକ୍ଷା ଅଧିକାରୀଙ୍କ ଅଧୀନସ୍ଥ ଏକ ବିଦ୍ୟାଳୟରେ ନଅ ମାସ ହେବ ଦୁଇ ଜଣ ପ୍ରଧାନ ଶିକ୍ଷକ କାର୍ଯ୍ୟ କରୁଥିବା ଦେଖିବାକୁ ମିଳୁଛି। ସୂଚନାନୁଯାୟୀ ଏ ବିଷୟରେ ଦୁଇ ଥର ଅଭିଯୋଗ କରାଯାଇଥିଲେ ବି ଶିକ୍ଷା ଅଧିକାରିଣୀଙ୍କ ନିରବତା ପ୍ରଶ୍ନବାଚୀ ସୃଷ୍ଟି କରିଛି।ଜଗତସିଂହପୁର ଶିକ୍ଷା ମଣ୍ଡଳାଧିଶଙ୍କ ଅଧିନରେ କଟକ ଜିଲ୍ଲାର ଶତାଧିକ ବିଦ୍ୟାଳୟ ଥିଲା। ଦ୍ଵୈତ ଶାସନ ବ୍ୟବସ୍ଥା ଲାଗି ଶିକ୍ଷା ବ୍ୟବସ୍ଥା ଅବହେଳିତ ହେଉଥିଲା। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର କଟକ ଜିଲ୍ଲାର ଯେଉଁ ବିଦ୍ୟାଳୟ ଗୁଡିକ ଜଗତସିଂହପୁର ଶିକ୍ଷା ମଣ୍ଡଳାଧିଶଙ୍କ ଅଧିନରେ ଥିଲା ତାକୁ କଟକ ଶିକ୍ଷା ମଣ୍ଡଳାଧୀଶଙ୍କ ଅଧିନକୁ ଆଣିବାକୁ ତା.୨୯/୦୬/୧୯ ବିଜ୍ଞପ୍ତି ପ୍ରକାଶ କରିଥିଲେ। ଏହି ବିଦ୍ୟାଳୟରେ କାର୍ଯ୍ୟରତ ଶିକ୍ଷକ ଓ କର୍ମଚାରୀ ଯେଉଁମାନେ ଜଗତସିଂହପୁର ଶିକ୍ଷା ମଣ୍ଡଳାଧିଶଙ୍କ ଅଧିନରେ ରହିବେ ସେମାନେ ଦରଖାସ୍ତ ମାଧ୍ୟମରେ ଜଣାଇବାକୁ କୁହାଯାଇଥିଲା। ଯେଉଁମାନେ ଦରଖାସ୍ତ କରିଥିଲେ ସେମାନଙ୍କୁ ଜିଲ୍ଲାର ବିଭିନ୍ନ…

ଭୁବନେଶ୍ବର: ଆଜି ରାଜ୍ୟରୁ 2 ହଜାର 775 ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି। ଖୋର୍ଦ୍ଧାରୁ ସର୍ବାଧିକ 500 ଜଣ ସୁସ୍ଥ ହୋଇଥିବା ବେଳେ ନୂଆପଡାରୁ 189, କଟକରୁ 179 ଜଣ, ବରଗଡରୁ 148, କେନ୍ଦ୍ରାପଡାରୁ 136, ଅନୁଗୁଳରୁ 123, ଯାଜପୁରରୁ 117, ଭଦ୍ରକରୁ 114, ସମ୍ବଲପୁରରୁ 105, ମୟୂରଭଞ୍ଜରୁ 100, ବଲାଙ୍ଗିରିରୁ 89, କେନ୍ଦୁଝରରୁ 79, ନବରଙ୍ଗପୁରରୁ 73, ସୁନ୍ଦରଗଡରୁ 71, ମାଲକାନଗିରିରୁ 70, ଢେଙ୍କାନାଳରୁ 69, ବାଲେଶ୍ବରରୁ 67, ଜଗତସିଂହପୁରରୁ 58, କନ୍ଧମାଳରୁ 48, ସୋନପୁରରୁ 47, ରାୟଗଡାରୁ 46, ପୁରୀରୁ 43, ଝାରସୁଗୁଡାରୁ 39, କଳାହାଣ୍ଡିରୁ 39, କୋରାପୁଟରୁ 35, ନୟାଗଡରୁ 30, ଗଞ୍ଜାମରୁ 23, ଦେବଗଡରୁ 20, ବୌଦ୍ଧରୁ 7, ଗଜପତିରୁ 7 ଏବଂ ଷ୍ଟେଟ ପୁଲରୁ 100 ଜଣ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ରାଜ୍ୟରେ ମୋଟ…

ଭୁବନେଶ୍ବର, ଆଜି ବରମୁଣ୍ଡା ଓଭର ବ୍ରିଜ ଏବଂ ଫାୟାର ଷ୍ଟେସନ ମଝିରେ ଏକ ସଡକ ଦୁର୍ଘଟଣା ଘଟିଛି। ଏଥିରେ କେହି ମୃତାହତ ହୋଇ ନ ଥିଲେ ମଧ୍ୟ ଦୁର୍ଘଟଣାଟି ଭୟଙ୍କର ଥିଲା। କାରଣ ସେହି ରାସ୍ତା ଉପରେ ଲୁହା ଖୁଣ୍ଟ ବୋଝେଇ ଏକ ଟ୍ରଲର ଛିଡା ହୋଇଥିଲା। ପଛରୁ ଏକ କୋଇଲା ବୋଝେଇ ଟ୍ରକ ଆସି ପିଟିଦେଲା। ଟ୍ରକର ଅବସ୍ଥା ଏପରି ହେଲା ଯେ ତା ଭିତରୁ ଡ୍ରାଇଭର ବାହାରିବା କଷ୍ଟକର ହୋଇପଡିଛି। ଖବର ପାଇ ପୋଲିସ ଏବଂ ଅଗ୍ନିଶମ କର୍ମଚାରୀ ଆସି ଟ୍ରାକକୁ କାଟି ତା ଭିତରୁ ଡ୍ରାଇଭରକୁ ବାହାର କରିବାକୁ ଚେଷ୍ଠା କରୁଛନ୍ତି। ତେବେ ଟ୍ରକରେ କେବଳ ଡ୍ରାଇଭର ବ୍ୟତିତ ଆଉ କେହି ନାହାଁନ୍ତି ବୋଲି ଜଣାପଡିଛି।

ଭୁବନେଶ୍ୱର: ଉପଯୁକ୍ତ ଉତ୍ତମ ଚିକିତ୍ସା, ଯତ୍ନ ଓ ସେବା ଫଳରେ ସମ୍ କୋଭିଡ୍‌ ହସ୍ପିଟାଲରୁ ନିୟମିତ ଭାବେ ବୟୋଜ୍ୟେଷ୍ଠ ବ୍ୟକ୍ତିମାନେ କରୋନାରୁ ସୁସ୍ଥ ହୋଇ ଘରକୁ ଫେରୁଥିବା ବେଳେ ପୁଣି ଜଣେ ବୟୋଜ୍ୟେଷ୍ଠା ମହିଳା ଏହି ମାରାତ୍ମକ ଭାଇରସ୍‌କୁ ପରାସ୍ତ କରିଛନ୍ତି। ଢେଙ୍କାନାଳର ୮୬ ବର୍ଷୀୟା ଶ୍ରୀମତି ନିରୁପମା ମହାପାତ୍ର କରୋନା ସଂକ୍ରମିତ ହୋଇ ସମ୍ କୋଭିଡ ହସ୍ପିଟାଲ୍‌ରେ ଭର୍ତ୍ତି ହୋଇଥିଲେ। ତାଙ୍କର ମଧୁମେହ ଓ ଉଚ୍ଚ ରକ୍ତଚାପ ଭଳି ଶାରୀରିକ ଅସୁସ୍ଥତା ଥିଲା। କରୋନା ପଜିଟିଭ ହେବା ପରେ ସେ ଘରେ ରହି ଚିକିତ୍ସିତ ହେଉଥିଲେ। ମାତ୍ର ହଠାତ୍ ସ୍ୱାସ୍ଥ୍ୟବସ୍ଥା ଖରାପ ହୋଇ ପଡ଼ିବାରୁ ପ୍ରଥମେ ଢେଙ୍କାନାଳ ସରକାରୀ ହସ୍ପିଟାଲ୍‌ରେ ଭର୍ତ୍ତି ହୋଇଥିଲେ। ତେବେ କିଛି ସମୟ ମଧ୍ୟରେ ଢେଙ୍କାନାଳରୁ ତାଙ୍କୁ ଭୁବନେଶ୍ୱର ସମ୍ କୋଭିଡ ହସ୍ପିଟାଲ୍‌କୁ ସ୍ଥାନାନ୍ତରିତ କରାଯାଇଥିଲା। ସମ୍ କୋଭିଡ ହସ୍ପିଟାଲ୍‌ରେ ଏହି ବୟସ୍କା ମହିଳାଙ୍କର ଉତ୍ତମ ଯତ୍ନ ନେଇଥିଲେ ଡାକ୍ତର ଓ ନର୍ସମାନେ। ସମ୍‌ କୋଭିଡ ଟିମ୍‌ର…

ନୂଆଦିଲ୍ଲୀ, ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିଥିବା କେନ୍ଦ୍ର କ୍ୟାବିନେଟର ଏକ ଗୁରୁତ୍ବପୂର୍ଣ ନିଷ୍ପତି ନିଆଯାଇଛି। ଏଥିରେ ବିଶ୍ବ ବ୍ୟାଙ୍କ ସହଯୋଗରେ ସ୍କୁଲ ଶିକ୍ଷା ଉନ୍ନତି ପାଇଁ 5718 କୋଟି ଟଙ୍କାକୁ କ୍ୟାବିନେଟ ମଂଜୁର ଦେଇଛନ୍ତି। ଶିକ୍ଷା ପାଇଁ ଜୁନ 24 ତାରିଖରେ ବିଶ୍ବ ବ୍ୟାଙ୍କ କେନ୍ଦ୍ରକୁ 500 ମିଲିୟନ ଡଲାର ସହଯୋଗ ପ୍ରଦାନ କରିଛି। ଏହି ଅନୁଦାନରେ ଦେଶର ଓଡିଶା ସମେତ ଛଅ ଟି ରାଜ୍ୟରେ ଲାଗୁ ହେବ। ଏହି ଯୋଜନାର ନାମ ରହିଛି ଷ୍ଟାରସ୍। ଯାହାକୁ ଇଂରାଜୀରେ କୁହାଯାଏ Strengthening Teaching-Learning and Results for States Program ବା STARS। ଏହି ଯୋଜନା କେବଳ ଓଡିଶା ସହିତ ହିମାଚଳ ପ୍ରଦେଶ,ମଧ୍ୟପ୍ରଦେଶ, ମହାରାଷ୍ଟ୍ର,ରାଜସ୍ଥାନ ଏବଂ କେରଳ ରାଜ୍ୟରେ ଲାଗୁ ହେବ। ଏହି ଯୋଜନା ମାଧ୍ୟମରେ ଏହି ଛଅଟି ରାଜ୍ୟର ଶିକ୍ଷାର ଗୁଣାତ୍ମକ ମାନ ବୃଦ୍ଧି ଏବଂ ସ୍କୁଲ ଶିକ୍ଷା ପରିଚାଳନା ପାଇଁ ଖର୍ଚ୍ଚ ହେବ। ଏହାକୁ ‘ସମଗ୍ର…

ପିଣ୍ଟୁ ବିଷୋୟୀ ବେଗୁନିଆପଡା: ସରକାରୀ ବିଦ୍ୟାଳୟରୁ ତାଲା ଭାଙ୍ଗି ଚୋରି ହୋଇଥିବା ସୂଚନା ରହିଛି। ବେଗୁନିଆପଡା ବ୍ଲକ ଅନ୍ତର୍ଗତ ବଡ଼ଖଇରଖମା ଗ୍ରାମପଞ୍ଚାୟତର ପାଇକପଡା ବଟେଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟରେ ଏପରି ଏକ ଅଭାବନୀୟ ଘଟଣାଦେଖିବାକୁ ମିଳିଛି। ଉଲ୍ଲେଖ ଯୋଗ୍ୟ ଯେ, ସ୍କୁଲର ପ୍ରଧାନ ଶିକ୍ଷକ ରାମହରି ବିଷୋୟୀ ଆଜି ସ୍କୁଲରେ ପଂହଁଚି ସ୍କୁଲ ଖୋଲିବା ପରେ ଦେଖିବାକୁ ପାଇଲେ କି ସ୍କୁଲର ଅଫିସ କବାଟ ଖୋଲା ଥିଲା ଉକ୍ତ କବାଟର ତାଲା ଭଙ୍ଗାଯାଇଥିବା ସହ ଅଫିସରେ ଥିବା ଆଲମାରୀ ବି ଖୋଲା ଥିଲା। ତେବେ ପୂର୍ବରୁ ଆଲମାରୀରେ ୧୨ ହଜାର ଟଙ୍କା ଥିବା ବେଳେ ବର୍ତ୍ତମାନ ସେହି ଟଙ୍କା ନଥିବା କହିଛନ୍ତି ଶିକ୍ଷକ। ଏଥିସହ କିଛି କାଗଜ ପତ୍ର ତଳେ ପଡି ରହିଥିବାର ଶିକ୍ଷକ ଦେଖିବାକୁ ପାଇଲେ ଏବଂ ସ୍କୁଲର ଛାତ ଉପରେ ଏକ କବାଟ ମଧ୍ୟ ଖୋଲା ଥିଲା। ଏ ନେଇ ପ୍ରଧାନ ଶିକ୍ଷକ ପୋଲିସକୁ ଜଣାଇବା ପରେ ଘଟଣା…

ନୂଆଦିଲ୍ଲୀ, ଚଳିତ ବର୍ଷ ସେପ୍ଟେମ୍ବରରେ ମୋଟ ୩୯.୪୩ ଲକ୍ଷ ଘରୋଇ ଯାତ୍ରୀ ବିମାନ ଯୋଗେ ଯାତ୍ରା କରିଛନ୍ତି। ଯାହା ଗତ ବର୍ଷ ସମାନ ସମୟ ତୁଳନାରେ ୬୬% ହ୍ରାସ ପାଇଛି ବୋଲି ଆଜି ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ବା ଡିଜିସିଏ କହିଛି। ଡିଜିସିଏ ଅନୁସାରେ ଜୁଲାଇ ଏବଂ ଅଗଷ୍ଟରେ ଯଥାକ୍ରମେ ୨୧.୦୭ ଲକ୍ଷ ଏବଂ ୨୮.୩୨ ଲକ୍ଷ ଲୋକ ବିମାନ ଯୋଗେ ଯାତ୍ରା କରିଥିଲେ। ତଥ୍ୟ ଅନୁଯାୟୀ, ଇଣ୍ଡିଗୋ ବିମାନରେ ଗତ ସେପ୍ଟେମ୍ବରରେ ୨୨.୬୬ ଲକ୍ଷ ଯାତ୍ରୀ ଯାତ୍ରା କରିଥିଲେ। ଯାହା ମୋଟ ଘରୋଇ ବଜାରର ୫୭.୫ ପ୍ରତିଶତ ଅଟେ। ସେହିପରି ସ୍ପାଇସଜେଟ୍ ୫.୩ ଲକ୍ଷ ଯାତ୍ରୀଙ୍କୁ ସେବା କରିଥିଲା, ଯାହା ମୋଟ ବଜାରର ୧୩.୪ ପ୍ରତିଶତ ଅଟେ। ସେପ୍ଟେମ୍ବରରେ ଏୟାର ଇଣ୍ଡିଆ ୩.୭୨ ଲକ୍ଷ , ଏୟାର ଏସିଆ ଇଣ୍ଡିଆରେ ୨.୩୫ ଲକ୍ଷ, ଭିସ୍ତାରାରେ ୨.୫୮ ଲକ୍ଷ ଏବଂ ଗୋ ଏୟାରରେ ୨.୬୪ ଲକ୍ଷ ଯାତ୍ରୀ ଯାତ୍ରା କରିଥିଲେ।…

ହାଥରସ୍, ପୁଣିଥରେ ହାଥରସ୍ ଚର୍ଚ୍ଚାକୁ ଆସିଛି। ଏଥର ଜଣେ 4 ବର୍ଷର ଝିଅକୁ ଦୁଷ୍କର୍ମ ଅଭିଯୋଗ ହୋଇଛି। ଏହି ଘଟଣା ଜଣାପଡିବା ପରେ ପୋଲିସ ତତ୍ପରତା ପ୍ରକାଶ କରି ଅଭିଯୁକ୍ତକୁ ଗିରଫ କରିଛି। ଏଥିସହିତ ଏକ ମାମଲା ମଧ୍ୟ ଋଜୁ କରିଛି। ଏହି ଘଟଣାଟି ଗତକାଲି ଘଟିଛି ବୋଲି ପୋଲିସ କହିଛି। ଝିଅର ପରିବାର ଲୋକେ ଆଜି ଜାଣିବା ପରେ ପୋଲିସ ଖବର ଦେଇଥିଲେ। ଖବର ପାଇ ପୋଲିସ ତୁରନ୍ତ ପଦକ୍ଷେପ ଗ୍ରହଣ କରିଛି। ତେବେ ଗିରଫ ବ୍ୟକ୍ତି ଝିଅର ସଂପର୍କୀୟ ହେବ ବୋଲି ଜଣାପଡିଛି। ମାସେ ତଳେ ଏହି ହାଥରସରେ ଜଣେ 19 ବର୍ଷିୟା ଝିଅକୁ 4 ଜଣ ଗଣ ଦୁଷ୍କର୍ମ କରିଥିଲେ। ଏହି 4 ଜଣଙ୍କୁ ଗିରଫ କରାଯାଇଛି। ତେବେ ଏହାକୁ ନେଇ ସାରା ଦେଶରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ପରିସ୍ଥିତି ଏପରି ହେଲା ଯେ, ଉତ୍ତର ପ୍ରଦେଶ ସରକାର ସିବିଆଇ ତଦନ୍ତ ଦେବାକୁ ବାଧ୍ୟ ହେଲେ।…

ଶ୍ରୀନଗର, ବର୍ତ୍ତମାନ ତାଜା ସୂଚନା ଅନୁସାରେ ଜାମ୍ମୁକାଶ୍ମୀରରେ ଦୁଇ ଜଣ ଅଜଣା ଆତଙ୍କବାଦୀଙ୍କୁ ସୁରକ୍ଷା କର୍ମି ଗୁଳି କରି ହତ୍ୟା କରିଛନ୍ତି । ଏହି ଘଟଣାଟି ଦକ୍ଷିଣ କାଶ୍ମୀରର ସୋପିଆନ ଜିଲ୍ଲାର ଚାକୁରା ଅଞ୍ଚଳରେ ଘଟିଛି। ଆଜି ହଠାତ ସୁରକ୍ଷା କର୍ମିଙ୍କୁ ଏକ ସୂଚନା ମିଳିଥିଲା ଯେ ଚାକୁରା ଅଞ୍ଚଳରେ କେତେକ ଆତଙ୍କବାଦୀ ଆତ୍ମଗୋପନ କରି ରହିଛନ୍ତି। ଏହାର ସତ୍ୟତା ଥିବା ଜଣାପଡିବା ପରେ ସୁରକ୍ଷା କର୍ମି ସେହି ଅଞ୍ଚଳକୁ ତୁରନ୍ତ ଖାଲି କରି ଦେଇଥିଲେ। ଏହା ପରେ ନିର୍ଦ୍ଧିଷ୍ଠ ଭାବେ ସେହି ଘର ଉପରେ ତୀକ୍ଷ୍ମ ନଜର ରଖି ସମସ୍ତଙ୍କୁ ବାହାରକୁ ବାହାରିବା ପାଇଁ କୁହାଯାଇଥିଲା। ହେଲେ କେହି ବାହାରିବା ପୂର୍ବରୁ ସେପଟୁ ଗୁଳି ଆରମ୍ଭ ହୋଇଥିଲା। ଏହା ପରେ ସୁରକ୍ଷା କର୍ମି ପାଲଟା ଗୁଳି ବର୍ଷା ଆରମ୍ଭ କରିଦେଲେ। ଏଥିରେ ଦୁଇଜଣ ମୃତ୍ୟୁ ହୋଇଥିବାର ସ୍ପଷ୍ଟ ହୋଇଛି। ତେବେ ସେଠାରେ ଆହୁରି ଆତଙ୍କି ଲୁଚି ରହିଥିବାର ସୁରକ୍ଷା କର୍ମି…

ପାଟନା, ଆଜି ପୂର୍ବତନ ମନ୍ତ୍ରୀ ତଥା ଲୋକତାନ୍ତ୍ରୀକ ଜନତା ଦଳର ନେତା ଶରଦ ଯାଦବଙ୍କ ଝିଅ ସୁଭାସିନୀ କଂଗ୍ରେସ ଦଳରେ ସାମିଲ ହୋଇଛନ୍ତି। ମୁଖ୍ୟତଃ ସୋନିଆ ଗାନ୍ଧୀ, ରାହୁଳ ଗାନ୍ଧୀଙ୍କ ନିତି ଆଦର୍ଶରେ ଅନୁପ୍ରାଣିତ ହୋଇ ମୁଁ କଂଗ୍ରେସରେ ସାମିଲ ହେଲି ବୋଲି ସୁଭାସିନୀ କହିଛନ୍ତି। ବର୍ତ୍ତମାନ ପରିସ୍ଥିତିରେ ବାପାଙ୍କ ଦେହ ଭଲ ରହୁ ନାହିଁ। ନିର୍ବାଚନ ସମୟ ହୋଇଥିବାରୁ କଂଗ୍ରେସ ଦଳରେ ସାମିଲ ହେବା ଉଚିତ ମନେ କଲି ବୋଲି ସେ କହିଛନ୍ତି। ଏହି ମିଶ୍ରଣ ପର୍ବରେ ନିକଟରେ ଏଲଜେଡିରୁ ଆସି କଂଗ୍ରେସରେ ସାମିଲ ହୋଇଥିବା ପୂର୍ବତନ ଏମପି କାଳି ପାଣ୍ଡେ ମଧ୍ୟ ଉପସ୍ଥିତ ଥିଲେ। ପାଣ୍ଡେ 1984 ମସିହାରେ ଗୋପାଳଗଂଜ ଆସନରୁ ଏମପି ଥିଲେ। ବର୍ତ୍ତମାନ କଂଗ୍ରେସ ଟିକେଟରୁ ସେ ଗୋପାଳଗଂଜ କୁଚ୍ଛାଲକୋଟା ଆସନରୁ ନାମାଙ୍କନ ଦାଖଲ କରିଛନ୍ତି। ତେବେ ସୁଭାସିନୀ ନିର୍ବାଚନ ଲଢିବେ କି ନାହିଁ ତାହା ସ୍ପଷ୍ଟ ହୋଇ ନାହିଁ।

ନୂଆଦିଲ୍ଲୀ, କୋଇଲା ଦୁର୍ନିତିରେ ପୂର୍ବତନ କୋଇଲା ମନ୍ତ୍ରୀ ଦିଲ୍ଲୀପ ରାୟଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଉ। ତଦନ୍ତ ଏଜେନ୍ସି ସିବିଆଇ ଏହିପରି ଏକ ବଡ ଅପିଲ କୋର୍ଟରେ କରିଛି। ଆଜି ଦିଲ୍ଲୀର ସ୍ବତନ୍ତ୍ର ସିବିଆଇ କୋର୍ଟରେ ଦିଲ୍ଲୀପ ରାୟଙ୍କ ଉପରେ ଦଣ୍ଡବିଧାନ ରାୟ ଆସିବାର ଥିଲା। ହେଲେ କୋର୍ଟ ଏହି ରାୟକୁ ଅକ୍ଟୋବର 26 ତାରିଖକୁ ଘୁଞ୍ଚାଇ ଦେଇଛନ୍ତି। ତେବେ ସିବିଆଇର ଏପରି ଅପିଲ ନେଇ ବିଭିନ୍ନ ମହଲରେ ଚର୍ଚ୍ଚା ଆରମ୍ଭ ହୋଇଯାଇଛି। ଦିଲ୍ଲୀପଙ୍କ ବିରୋଧରେ ଝା଼ଡଖଣ୍ଡର ଗିରିଡିହ ସ୍ଥିତ ବ୍ରହ୍ମଡିହ କୋଇଲା ବ୍ଲକ ଆବଣ୍ଟନରେ ବ୍ୟାପକ ଅନିମିୟତାର ଅଭିଯୋଗ ଆସିଛି। ଏହାର ଶୁଣାଣି କରି ଚଳିତ ମାସ 6 ତାରିଖରେ ସିବିଆଇର ସ୍ବତନ୍ତ୍ର କୋର୍ଟ ଦିଲ୍ଲୀପଙ୍କ ସମେତ ଆଉ ତିନି ଜଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଏଥିରେ ଦିଲ୍ଲୀପ ରାୟଙ୍କୁ ଅପରାଧିକ ଷଡ଼ଯନ୍ତ୍ରର ଆଇପିସି ର ୧୨୦ ବି, ୪୦୯/୪୨୦ ଧାରା ଓ ଦୁର୍ନୀତି ନିବାରଣ ଆଇନ ୧୯୮୮ର ଧାରା…

ରମେଶ ମହାନ୍ତି ଜଗତସିଂହପୁର : ତିର୍ତ୍ତୋଲ ବିଧାନସଭା ନିର୍ବାଚନମଣ୍ଡଳୀରେ ଉପନିର୍ବାଚନ ନିମନ୍ତେ ଜିଲ୍ଲା ପ୍ରଶାସନ ପକ୍ଷରୁ ପ୍ରିଜାଇଡିଂ ଓ ଫାଷ୍ଟ ପୋଲିଂ ଅଧିକାରୀ ମାନଙ୍କର ପ୍ରଶିକ୍ଷଣ କାର୍ଯ୍ୟକ୍ରମ ଆରମ୍ଭ ହୋଇଛି। ଏହି ପ୍ରଶିକ୍ଷଣ କାର୍ଯ୍ୟକ୍ରମ ୨ଟି ପର୍ଯ୍ୟାୟରେ ଚଳିତ ମାସ ୧୩ ତାରିଖରୁ ଆରମ୍ଭ ହୋଇ ୧୬ ତାରିଖ ପର୍ଯ୍ୟନ୍ତ ଓ ୨୦ତାରିଖ ଠାରୁ ୨୩ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ପ୍ରଶିକ୍ଷଣ କାର୍ଯ୍ୟକ୍ରମ ସ୍ଥାନୀୟ ଜଗତସିଂହପୁର ଏସ୍.ଭି.ଏମ୍ କଲେଜର ସାଇନ୍ସ ବ୍ଲକରେ ଅନୁଷ୍ଠିତ ହେଉଛି। ଗତକାଲି ପ୍ରଥମ ଦିନରେ ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ ସରୋଜ କୁମାର ମିଶ୍ର ଏହି ପ୍ରଶିକ୍ଷଣ କାର୍ଯ୍ୟକ୍ରମ ଅନୁଧ୍ୟାନ କରି କୋଭିଡ୍-୧୯ ମାର୍ଗଦର୍ଶିକାକୁ କଡାକଡି ପାଳନ କରିବାକୁ ସମସ୍ତ ପ୍ରିଜାଇଡିଂ ଓ ପୋଲିଂ ଅଧିକାରୀ ମାନଙ୍କୁ ପରାମର୍ଶ ଦେଇଥିଲେ। ଜିଲ୍ଲା ସୂଚନା ଓ ଲୋକସମ୍ପର୍କ କାର୍ଯ୍ୟାଳୟ ପକ୍ଷରୁ ପ୍ରଶିକ୍ଷଣ କାର୍ଯ୍ୟକ୍ରମ ଫାଟକରେ ଏକ ସୂଚନାକେନ୍ଦ୍ର ଖୋଲାଯାଇ ପ୍ରଶିକ୍ଷାର୍ଥିଙ୍କୁ କୋଭିଡ୍-୧୯ ମାର୍ଗଦର୍ଶିକା ସଂପର୍କରେ ସଚେତନତା…

ନୂଆଦିଲ୍ଲୀ, ଅନଲକ ୫.୦ ହିସାବରେ ଅକ୍ଟୋବର ୧୫ ତାରିଖରେ ଦେଶର ସିନେମା ହଲ ଖୋଲିବା ପାଇଁ ଅନୁମତି ପ୍ରଦାନ କରାଯାଇଛି। ସେହି ଅନୁସାରେ ଆସନ୍ତାକାଲି ଦେଶର ସମସ୍ତ ସିନେମା ହଲ ଖୋଲିବ। ତେବେ ସେଥିପାଇଁ କେନ୍ଦ୍ର ସରକାର ଯେଉଁ ଗାଇଡ ଲାଇନ ଜାରି କରିଛନ୍ତି ସେହି ହିସାବରେ ଖୋଲିବା ପାଇଁ ନିର୍ଦ୍ଦେଶ ରହିଛି। ସିନେମା ହଲ ଖୋଲିବା ପାଇଁ ସୂଚନା ଓ ପ୍ରସାରଣ ବିଭାଗ ତରଫରୁ ଯେଉଁ ଗାଇଡ ଲାଇନ ଜାରି କରାଯାଇଛି ତାହା ହେଲା ୧-ଗୋଟିଏ ହଲରେ ଯେତିକି ଆସନ ଥିବ ତାହା ପାଚଶ ପ୍ରତିଶତ ଦର୍ଶକଙ୍କ ପାଇଁ ଟିକେଟ ଦିଆଯିବ। ଅର୍ଥାତ ପାଚଶ ପ୍ରତିଶତ ଦର୍ଶକ ବସିପାରିବେ। ୨-ହଲ ଭିତରେ ଦର୍ଶକମାନେ ଗୋଟିଏ ଗୋଟିଏ ସିଟ ଛାଡି ଛାଡି ବସିବେ ୩-ସମସ୍ତ ଦର୍ଶକଙ୍କୁ ଗେଟ ମୁହଁରେ ଥର୍ମାଲ ସ୍କ୍ରିନିଂ କରାଯିବ ୪-ସବୁ ଦର୍ଶକଙ୍କର ଫୋନ ନମ୍ବର ରଖାଯିବ। ଫଳରେ ସେମାନଙ୍କୁ ଟ୍ରସିଂ କରିବାରେ ସୁବିଧା ହେବ। ୫-ସିନେମା ହଲ…

ଭୁବନେଶ୍ବର: ରାଜ୍ୟରେ ଆଉ ୧୫ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି। କଟକରୁ ସର୍ବାଧିକ ୩ ଜଣ କରୋନା ଆକ୍ରାନ୍ତଙ୍କର ମୃତ୍ୟୁ ହୋଇଥିବାବେଳେ ଭୁବନେଶ୍ବର, ବୌଦ୍ଧ, କଳାହାଣ୍ଡି, ରାୟଗଡା, ଗଞ୍ଜାମ, କେନ୍ଦ୍ରାପଡା, କନ୍ଧମାଳ, ମୟୂରଭଞ୍ଜ, ପୁରୀ, ସୁନ୍ଦରଗଡ, ଯାଜପୁର ଏବଂ ବାଲେଶ୍ବରରୁ ଜଣେ ଲେଖାଏଁ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି କଟକର ତିନି ମୃତକ ପୁରୁଷ ହୋଇଥିବା ବେଳେ ସେମାନଙ୍କ ବୟସ ଯାଥାକ୍ରମେ ୪୮, ୬୨ ଏବଂ ୬୪ ବର୍ଷ। ଭୁବନେଶ୍ବରର ଜଣେ ୫୮ ବର୍ଷୀୟ ପୁରୁଷ, ବୌଦ୍ଧର ଜଣେ ୭୮ ବର୍ଷୀୟ ପୁରୁଷ, କଳାହାଣ୍ଡିର ଜଣେ ୬୫ ବର୍ଷୀୟ ମହିଳା, ରାୟଗଡାର ଜଣେ ୭୨ ବର୍ଷୀୟ ପୁରୁଷ, ଗଞ୍ଜାମର ଜଣେ ୬୩ ବର୍ଷୀୟ ପୁରୁଷ , କେନ୍ଦ୍ରାପଡାର ଜଣେ ୬୫ ବର୍ଷୀୟ ପୁରୁଷ, କନ୍ଧମାଳର ଜଣେ ୬୮ ବର୍ଷୀୟ ପୁରୁଷ, ମୟୂରଭଞ୍ଜର ଜଣେ ୨୫ ବର୍ଷୀୟ ମହିଳା, ପୁରୀର ଜଣେ ୬୦ ବର୍ଷୀୟ, ସୁନ୍ଦରଗଡର ଜଣେ ୭୨ ବର୍ଷୀୟ ପୁରୁଷ, ଯାଜପୁରର…

ପୁରୀ, ରାଜ୍ୟ ସରକାରଙ୍କ ଜାଗା ମିଶନ ଯୋଜନା ଅନୁଯାୟୀ ପୁରୀ ପ୍ରଶାସନ ମତ୍ସ୍ୟଜୀବୀ ପରିବାରଙ୍କୁ ଥଇଥାନ କରିବାକୁ ଆରମ୍ଭ କରିଛି। ସେହି ଅନୁସାରେ ସମୁଦ୍ରକୂଳରେ ଥିବା ମତ୍ସ୍ୟଜୀବୀ ପରିବାରଙ୍କୁ ସ୍ଥାନାନ୍ତରିତ କରାଯିବ। ପ୍ରାରମ୍ଭିକ ପର୍ଯ୍ୟାୟରେ ପ୍ରଶାସନ କୋଣାର୍କର ନୋଳିଆ ସାହିର 130 ଜଣ ମତ୍ସ୍ୟଜୀବୀ ପରିବାରଙ୍କୁ ଥଇଥାନ କରାଯିବ। ସେଥିପାଇଁ କୋଣାର୍କ ଅଞ୍ଚଳରେ ସେମାନଙ୍କ ପାଇଁ ଜମି ଚିହ୍ନଟ କରାଯିବା ସହିତ ପ୍ଲଟିଂ କରି ପଟ୍ଟା ଯୋଗାଇ ଦିଆଯାଇଛି। ଏଥିସହିତ ସେମାନଙ୍କୁ ଘର କାମ କରିବାକୁ ୱାର୍କ ଅଡର ମଧ୍ୟ ଦିଆଯାଇଛି।

ଭୁବନେଶ୍ବର: ରାଜ୍ୟରେ ଆଜି ୨ ହଜାର ୬୦୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍‌ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍‌ କେନ୍ଦ୍ରରୁ ୧୫୧୧ ଜଣ ଚିହ୍ନଟ ହୋଇଥିବାବେଳେ ୧୦୯୩ ଟି ଲୋକାଲ କେସ୍‌ ରହିଛି। ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୫୯ ହଜାର ୫୪୧ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୨ ଲକ୍ଷ ୩୨ ହଜାର ୯୮୮ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୨୫ ହଜାର ୪୨୮ ଜଣ। ରାଜ୍ୟରେ କରୋନା ଯୋଗୁଁ ମୃତ୍ୟୁବରଣ କରିଛନ୍ତି ୧୦୫୭ ଜଣ। ସେହିପରି ୫୩ ଜଣ କରୋନାରେ ଆକ୍ରାନ୍ତ ଥିଲେ ସୁଦ୍ଧା ଅନ୍ୟ ରୋଗରେ ମୃତ୍ୟୁବରଣ କରିଥିବାର ସୂଚନା ରହିଛି। ଆଜି ରାଜ୍ୟର ୩୦ଟି ଜିଲ୍ଲାରୁ ମୋଟ୍‌ ୨ ହଜାର ୬୦୪ ଜଣ ଚିହ୍ନଟ ହୋଇଛନ୍ତି। ଖୋର୍ଦ୍ଧାରୁ…

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟାରେ ୬୩ ହଜାର ୫୦୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ଆକ୍ରାନ୍ତଙ୍କ ସଂଖ୍ୟାକୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା ୭୨ ଲକ୍ଷ ୩୯ ହଜାର ୩୮୯କୁ ବୃଦ୍ଧି ହୋଇଛି। ସେହିପରି ଗୋଟିଏ ଦିନରେ ୭୩୦ ଜଣଙ୍କର କରୋନାରେ ମୃତ୍ୟୁ ହୋଇଛି। ଦେଶରେ ମୋଟ ମୃତ୍ୟୁ ସଂଖ୍ୟା ୧ ଲକ୍ଷ ୧୦ ହଜାର ୫୮୬ ରେ ପହଞ୍ଚିଛି। ମୋଟ ମାମଲା ମଧ୍ୟରୁ ୮ ଲକ୍ଷ ୨୬ ହଜାର ୮୭୬ ଜଣ ବର୍ତ୍ତମାନ ଚିକିତ୍ସିତ ହେଉଥିବା ବେଳେ ୬୩ ଲକ୍ଷ ୧ ହଜାର ୯୨୭ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଦେଶରେ ସୁସ୍ଥ ହାର ୮୭.୦୫ ପ୍ରତିଶତ ରହିଥିବାବେଳେ ମୃତ୍ୟୁ ହାର ୧.୫୩ ପ୍ରତିଶତ ରହିଛି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ତଥ୍ୟରୁ ଜଣାପଡିଛି।

କୌଶମ୍ବୀ: ଉତ୍ତରପ୍ରଦେଶର କୌଶମ୍ବୀ ଜିଲ୍ଲାର ସିରାଥୁ ଅଞ୍ଚଳରେ ଥିବା ଭଡା ଘରେ ଜଣେ ମହିଳା ଏବଂ ତାଙ୍କ ନାବାଳିକା ଝିଅଙ୍କୁ ହତ୍ୟା କରାଯାଇଥିବା ଦେଖିବାକୁ ମିଳିଛି। ମୃତକଙ୍କ ନାମ ସରିତା (୨୮) ଏବଂ ତାଙ୍କ ଝିଅ ତନୁ (୭)। ଅତିରିକ୍ତ ପୋଲିସ ଅଧୀକ୍ଷକ ସମର ବାହାଦୂର ଗଣମାଧ୍ୟମକୁ କହିଛନ୍ତି, ଗତକାଲି ବିଳମ୍ବିତ ରାତିରେ ମୃତଙ୍କାଙ୍କ ସ୍ଵାମୀ ମୋହିତ ସାହୁ ଘରକୁ ଫେରିଥିଲେ। ଏବଂ ସେ ଘରେ ତାଙ୍କ ସ୍ତ୍ରୀ ଏବଂ ଝିଅର ମୃତ ଦେହ ଦେଖିଥିଲେ। ମୋହିତ ହତ୍ୟା ସନ୍ଦେହ କରି ପୋଲିସକୁ ସୂଚନା ଦେବାରୁ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିଥିଲା। ମୋହିତ ଜଣେ ଡିଜେ ବ୍ୟବସାୟ। ସେ ଏକ ନୂତନ ଘର ନିର୍ମାଣ କରି ଭଡା ଘରରୁ ନୂତନ ଘରକୁ ସ୍ଥାନାନ୍ତର କରିବାକୁ ଯୋଜନା କରିଥିଲେ। ଫୋରେନସିକ୍ ବିଶେଷଜ୍ଞଙ୍କ ସହ ବରିଷ୍ଠ ପୋଲିସ୍ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ମୃତଦେହ ପୋଷ୍ଟ ମର୍ଟମ…

ନୂଆଦିଲ୍ଲୀ: କୋଇଲା ବ୍ଲକ ଆବଣ୍ଟନ ଦୁର୍ନୀତିରେ ଦୋଷୀ ସାବ୍ୟସ୍ତ ହୋଇଥିବା ପୂର୍ବତନ ମନ୍ତ୍ରୀ ଦିଲ୍ଲୀପ ରାୟଙ୍କ ବିରୋଧରେ ଦିଲ୍ଲୀର ସ୍ବତନ୍ତ୍ର ସିବିଆଇ କୋର୍ଟ ଆଜି ଦଣ୍ଡ ବିଧାନ କରିବେ। ସମସ୍ତ ବ୍ୟକ୍ତିଙ୍କୁ ଦଣ୍ଡାଦେଶ ସମୟରେ କୋର୍ଟରେ ଉପସ୍ଥିତ ରହିବା ପାଇଁ ନିର୍ଦ୍ଦେଶ ରହିଛି । ପ୍ରଥମ ଥର ପାଇଁ କୋଇଲା ଦୁର୍ନୀତିରେ ଜଣେ ପୂର୍ବତନ ମନ୍ତ୍ରୀଙ୍କୁ ଦୋଷୀ ସାବ୍ୟସ୍ତ କରାଯାଇଛି। ଦିଲ୍ଲୀପ ରାୟଙ୍କୁ ଅପରାଧିକ ଷଡ଼ଯନ୍ତ୍ରର ଆଇପିସି ର ୧୨୦ ବି, ୪୦୯/୪୨୦ ଧାରା ଓ ଦୁର୍ନୀତି ନିବାରଣ ଆଇନ ୧୯୮୮ର ଧାରା ୧୩(୧)(ସି), ୧୩(୧)(ବି) ଧାରାରେ ଦୋଷୀ ସାବ୍ୟସ୍ତ କରିଛନ୍ତି। ଝା଼ଡଖଣ୍ଡର ଗିରିଡିହ ସ୍ଥିତ ବ୍ରହ୍ମଡିହ କୋଇଲା ବ୍ଲକ ଆବଣ୍ଟନରେ ବ୍ୟାପକ ଅନିମିୟତା ଅଭିଯୋଗରେ ଦିଲୀପଙ୍କ ସମେତ କୋଇଲା ମନ୍ତ୍ରଣାଳୟର ପୂର୍ବତନ ଅତିରିକ୍ତ ସଚିବ ପ୍ରଦୀପ ବାନାର୍ଜୀ, ଓଏମ୍‌ସି ଉପଦେଷ୍ଟା ନିତ୍ୟାନନ୍ଦ ଗୌତମ, କାଷ୍ଟ୍ରାନ ଟେକନୋଲୋଜିର ନିର୍ଦ୍ଦେଶକ ମହେନ୍ଦ୍ର ଅଗ୍ରୱାଲଙ୍କୁ ଜଷ୍ଟିସ ଭରତ ପରାଶର ଦୋଷୀ ସାବ୍ୟସ୍ତ କରିଥିଲେ। ଆଜି…