ନୂଆଦିଲ୍ଲୀ : ଭାରତୀୟ ଟେନିସ୍ ଖେଳାଳି ରୋହନ ବୋପାନ୍ନା ରଟରଡାମ୍ ଓପନ୍ର ସେମି ଫାଇନାଲ୍ରେ ପ୍ରବେଶ କରିଛନ୍ତି । କାନାଡାର ଡେନିସ୍ ସାପୋଭାଲୋଭ୍ଙ୍କ ସହିତ ଏକାଠି ଖେଳୁଥିବା ବୋପାନ୍ନା ରଟରଡାମ୍ ଓପନ୍ର ସେମି ଫାଇନାଲ୍ରେ ପ୍ରବେଶ କରିଛନ୍ତି । ବୋପାନ୍ନା-ସାପୋଭାଲୋଭ୍ ଯୋଡି ଜିନ୍ ଜୁଲିଏନ୍ ରୋଜର ଏବଂ ହୋରିଆ ଟେକାଉଙ୍କୁ ପରାସ୍ତ କରିଛନ୍ତି । 74 ମିନିଟ୍ ସମୟ ନେଇ ବୋପାନ୍ନା-ସାପୋଭାଲୋଭ୍ ଯୋଡି 6-2, 3-6 ଏବଂ 10-7 ସେଟ୍ରେ ବିଜୟୀ ହୋଇଥିଲେ ।
Author: Samikhsya Bureau
ମୁମ୍ବାଇ : ଆମୀର ଖାନ୍ ଓ କରୀନା କପୁର୍ ଖାନ୍ଙ୍କ ଅଭିନୀତ ଅପ୍କମିଙ୍ଗ ଫିଲ୍ମ ‘ଲାଲ୍ ସିଂ ଚଢା’ର ନୂଆ ପୋଷ୍ଟର ରିଲିଜ୍ ହୋଇଛି । ଭାଲେଣ୍ଟାଇନ୍ସ ଡେ’ ଅବସରରେ ଆମୀର୍ ଏକ ସୁନ୍ଦର ନୋଟ୍ ସହିତ ଏହି ଫିଲ୍ମରେ କରୀନାଙ୍କ ଲୁକ୍କୁ ଜାରି କରିଛନ୍ତି । ପୂର୍ବରୁ ଆମୀରଙ୍କ ଲୁକ୍ ଜାରି ହୋଇସାରିଥିବାବେଳେ ଏବେ କରୀନାଙ୍କ ଲୁକ୍ ଉପରୁ ପରଦା ହଟିଛି । ଆମୀର୍ କରୀନାଙ୍କୁ ଭାଲେଣ୍ଟାଇନ୍ସ ଡେ’ର ଶୁଭେଚ୍ଛା ଜଣାଇବା ସହିତ ଏକ ସୁନ୍ଦର ବାର୍ତ୍ତା ଲେଖିଛନ୍ତି । ଅଦ୍ବୈତ୍ ଚନ୍ଦନଙ୍କ ଦ୍ବାରା ନିର୍ଦ୍ଦେଶିତ ‘ଲାଲ୍ ସିଂ ଚଢା’ ଚଳିତ କ୍ରିସମାସ ଅବସରରେ ପରଦା ଉପରକୁ ଆସିବ । ଏହି ଫିଲ୍ମ ପାଇଁ ମିଷ୍ଟର ପରଫେକ୍ନିଷ୍ଟ ନିଜ ଲୁକ୍କୁ ବହୁତ ଟ୍ରାନ୍ସଫର୍ମ କରିଛନ୍ତି ।
ମୁମ୍ବାଇ: ମୁମ୍ବାଇର ଡବ୍ବାବାଲାଙ୍କୁ ମାଗଣାରେ ଘର ଦିଆଯିବ ବୋଲି ମହାରାଷ୍ଟ୍ର ସରକାରଙ୍କ ତରଫରୁ ଘୋଷଣା କରାଯାଇଛି। ମୁମ୍ବାଇରେ 5 ହଜାର ଡବ୍ବାବାଲାଙ୍କ ପାଇଁ ଘର ନିର୍ମାଣ କରିବେ ମହାରାଷ୍ଟ୍ର ସରକାର। ପ୍ରଧାନମନ୍ତ୍ରୀ ଆବାସ ଯୋଜନାର ଅନ୍ତର୍ଗତ ଏହି ଘର ନିର୍ମାଣ କରାଯିବ। ମନ୍ତ୍ରାଳୟରେ ଆୟୋଜିତ ହୋଇଥିବା ଏକ ବୈଠକରେ ମୁମ୍ବାଇର ଡବ୍ବାବାଲାଙ୍କୁ ଘର ଦିଆଯିବା ନେଇ ନିର୍ଦ୍ଦେଶ ଦିଆଯାଇଛି। ନିର୍ବାଚନ ପୂର୍ବରୁ ରାଜନୈତିକ ଦଳମାନ ଡବ୍ବାବାଲାଙ୍କୁ ଘର ଦେବା ନେଇ ପ୍ରତିଶ୍ରୁତି ଦେଇଥିଲେ। ଏବେ ସରକାର ଗଢିବା ପରେ ଏକ ବୈଠକରେ ଉପମୁଖ୍ୟମନ୍ତ୍ରୀ ଅଜିଥ୍ ପାଓ୍ବାର୍ ଏହା ସମ୍ପର୍କରେ ଘୋଷଣା କରିଛନ୍ତି। ବୈଠକ ପରେ ଟୁଇଟ୍ କରି ପାଓ୍ବାର ଏ ସମ୍ପର୍କରେ ସୂଚନା ଦେବା ସହ ଅଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଡବ୍ବାବାଲାଙ୍କୁ ଘର ଦେବାରେ ଆବଶ୍ୟକୀୟ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି। ଏହି ବୈଠକରେ ମୁମ୍ବାଇର ଡବ୍ବାବାଲା ସଂଘର ପଦାଧିକାରୀ ଶ୍ରମ ମନ୍ତ୍ରୀ ଓ ଅନ୍ୟ ମନ୍ତ୍ରୀମାନେ ଉପସ୍ଥିତ ରହିଥିଲେ।…
ନୂଆଦିଲ୍ଲୀ : ନିର୍ଭୟା ଗଣଦୁଷ୍କର୍ମ ମାମଲାର ଅନ୍ୟତମ ଅଭିଯୁକ୍ତ ବିନୟ ଶର୍ମାର ରାଜକ୍ଷମା ଯାଚିକା ଏବଂ ରାଜକ୍ଷମା କ୍ୟୁରେଟିଭ୍ ଯାଚିକା ଖାରଜ ହେବା ପରେ ବିନୟ ମାନସିକ ଭାବରେ ଅସୁସ୍ଥ ଥିବା ନେଇ ଅନ୍ୟ ଏକ ଯାଚିକା ଦାଖଲ କରାଯାଇଥିଲା । ଶୁକ୍ରବାର ସୁପ୍ରିମକୋର୍ଟରେ ବିନୟ ଶର୍ମାଙ୍କ ଆବେଦନ ଖାରଜ କରାଯାଇଛି । ଗତକାଲି ରାଜକ୍ଷମା ବିରୋଧରେ ଦାଖଲ କରାଯାଇଥିବା କ୍ୟୁରେଟିଭ୍ ଯାଚିକାକୁ ଖାରଜ କରାଯାଇଥିଲା । ରାଜକ୍ଷମା ଆବେଦନ ପାଇଁ ଦିଲ୍ଲୀ ଉପରାଜ୍ୟପାଳ ଏବଂ ଗୃହ ବିଭାଗର ଅନୁମତି ନଥିବା ଦର୍ଶାଇ ଗତକାଲି ବିନୟ ପକ୍ଷରୁ ଚ୍ୟାଲେଞ୍ଜ କରାଯାଇଥିଲା । ଆଜିର ଯାଚିକା ଖାରଜ ହେବା ସହିତ ବିନୟର ଫାଶୀ ପୂର୍ବର ସମସ୍ତ ଆଇନଗତ ପ୍ରକ୍ରିୟା ଶେଷ ହୋଇଛି । (ଏଜେନ୍ସି)
ମୁମ୍ବାଇ: ଭାଲେଣ୍ଟାଇନ୍ ଡେ’ ଅବସରରେ ପରଦା ଉପରେ ପ୍ରଦର୍ଶିତ ହୋଇଛି ରୋମାଣ୍ଟିକ୍ ଫିଲ୍ମ ‘ଲଭ୍ ଆଜ୍ କଲ୍ 2’ । କାର୍ତ୍ତିକ ଆର୍ଯ୍ୟାନ୍ ଓ ସାରା ଅଲ୍ଲୀ ଖାନ୍ଙ୍କ ଅଭିନୀତ ଫିଲ୍ମ ‘ଲଭ୍ ଆଜ୍ କଲ୍2’ ର ନିର୍ଦ୍ଦେଶନା ଭାର ସମ୍ଭାଳିଛନ୍ତି ଇମ୍ତିଆଜ୍ ଅଲ୍ଲୀ । ଏହି ଫିଲ୍ମରେ ସାରା-କାର୍ତ୍ତିକଙ୍କ ବ୍ୟତୀତ ଆରୁଶି ଶର୍ମା, ସିମୋନ ସିଂ ଓ ରଣଦୀପ୍ ହୁଡ୍ଡା ପ୍ରମୁଖ ଅଭିନୟ କରିଛନ୍ତି। ପ୍ରେମ, ସମ୍ପର୍କ, ବାସ୍ତବତାକୁ ନେଇ କାହାଣୀଟି ଗତିଶୀଳ ହୋଇଛି । ଏହି ଫିଲ୍ମରେ ଦୁଇ ପ୍ରକାରର ପ୍ରେମ ସମ୍ପର୍କକୁ ଦର୍ଶାଯାଇଛି । ପ୍ରେମ ସମ୍ପର୍କ ଓ କ୍ୟାରିଅର୍ର ବାଲାନ୍ସକୁ ଏହି ଫିଲ୍ମରେ ଅଲଗା ଅନ୍ଦାଜ୍ରେ ଦେଖାଯାଇଛି । ଫିଲ୍ମଟିରେ କାର୍ତ୍ତିକ ଆର୍ଯ୍ୟାନ୍ଙ୍କ ଦୁଇଟି ରୂପ ଦେଖିବାକୁ ମିଳିଛି । ଗୋଟିଏ ପଟରେ ସେ ଜଣେ 90 ଦଶକର ରଘୁବେନ୍ଦ୍ର ଚରିତ୍ରରେ ଥିବାବେଳେ ଆଉ ଗୋଟେ ପଟେ 2020ର ବୀର୍ ଚରିତ୍ରରେ ରହିଛନ୍ତି । ତେବେ…
ନୂଆଦିଲ୍ଲୀ : ଦିଲ୍ଲୀ ବିଧାନସଭା ନିର୍ବାଚନରେ ଐତିହାସିକ ବିଜୟ ପରେ ଅରବିନ୍ଦ କେଜ୍ରୀଓ୍ବାଲ ଆସନ୍ତା 16 ତାରିଖ ଦିନ ଶପଥ ଗ୍ରହଣ କରିବେ। ଆମ୍ ଆଦ୍ମୀ ପାର୍ଟିର ସଂଯୋଜକ ଅରବିନ୍ଦ କେଜରୀଓ୍ବାଲ ତୃତୀୟ ଥର ପାଇଁ ଦିଲ୍ଲୀ ମୁଖ୍ୟମନ୍ତ୍ର ଭାବେ ଶପଥ ଗ୍ରହଣ କରିବେ। ଏହି ଶପଥ ଗ୍ରହଣ ଉତ୍ସବକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ ଜଣାଇଛନ୍ତି ଅରବିନ୍ଦ କେଜରୀଓ୍ବାଲ। ଦିଲ୍ଲୀ ବିଧାନସଭାରେ ଆପ୍ର ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅରବିନ୍ଦ କେଜ୍ରୀଓ୍ବାଲଙ୍କୁ ଶୁଭେଚ୍ଛା ଜଣାଇଥିଲେ। ରାମଲୀଲା ମୈଦାନରେ ଅରବିନ୍ଦ କେଜରୀଓଙ୍ବାଲ ନିଜ କ୍ୟାବିନେଟ୍ ସହିତ ଶପଥ ଗ୍ରହଣ କରିବେ। ଏହି ଅବସରର ଅରବିନ୍ଦ କେଜରୀଓ୍ବାଲ ଏକ ଅଡିଓ ମେସେଜ୍ ଜରିଆରେ ପୂରା ଦିଲ୍ଲୀବାସୀଙ୍କୁ ଏହି ଶପଥ ଗ୍ରହଣ ସମାରୋହକୁ ନିମନ୍ତ୍ରଣ ଜଣାଇଛନ୍ତି। ସେହିପରି ଏହି ଉତ୍ସବ ସମାରୋହକୁ ଜଣେ ଖାସ୍ ଅତିଥି ଯୋଗ ଦେଉଛନ୍ତି। ଏହି ଖାସ୍ ଅତିଥି ଜଣକ ହେଉଛନ୍ତି କୁନି ମଫଲରମ୍ୟାନ୍। ଦିଲ୍ଲୀ ବିଧାନସଭା ନିର୍ବାଚନର…
ସୀତାରାମ ଅଗ୍ରଓ୍ବାଲ ବାଣପୁର : ବାଣପୁରରେ ଏକ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ଦୁଇ ବଖରା ଜଳି ସମ୍ପୂର୍ଣ୍ଣ ପାଉଁଶ ହୋଇଯାଇଛି। ଭେଟଶ୍ବର ପଞ୍ଚାୟତର ତ୍ରିଲୋଚନପୁରରେ ଏହି ଅଘଟଣ ଘଟିଛି। ତ୍ରିଲୋଚନପୁରର ବିଦ୍ୟାଧର ମାନସିଂହଙ୍କ ଘରେ ନିଆଁ ଲାଗି ତାଙ୍କର ଦୁଇ ବଖରା ଘର ଜଳି ପାଉଁଶ ହୋଇଯାଇଛି। ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିଲେ। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବାବେଳେ ଅଗ୍ନିକାଣ୍ଡରେ ବିଶେଷ କ୍ଷତି ସହିଥିବା ବିଦ୍ୟାଧରଙ୍କୁ ଅଗ୍ନିକାଣ୍ଡ ଜନିତ ସହାୟତା ଦେବା ପାଇଁ ସାଧାରଣରେ ଦାବି କରାଯାଇଛି ।
ନୂଆଦିଲ୍ଲୀ : ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଟେଷ୍ଟ ସିରିଜ୍ ଆରମ୍ଭ ହେବା ପୂର୍ବରୁ ଅନୁଷ୍ଠିତ ତିନି ଦିନିଆ ଅଭ୍ୟାସ ମ୍ୟାଚ୍ରେ ହନୁମା ବିହାରୀ ଶତକ ହାସଲ କରିଛନ୍ତି । ବିହାରୀ ଶତକ ହାସଲ କରିଥିବା ବେଳେ ନିର୍ଭରଯୋଗ୍ୟ ଚେତେଶ୍ବର ପୂଜାରା 93 ରନ୍ ସଂଗ୍ରହ କରିଥିଲେ । ତିନି ଅଗ୍ରଭାଗ ଖେଳାଳି ପୃଥ୍ବୀ ଶ(0), ମୟଙ୍କ ଅଗ୍ରଓ୍ବାଲ(1) ଏବଂ ଶୁଭମାନ ଗିଲ୍ (0) ବିଫଳ ହୋଇଥିବା ବେଳେ ପୂଜାରା ଏବଂ ବିହାରୀ 195 ରନ୍ର ଭାଗିଦାରୀ କରିଥିଲେ । ବିହାରୀ ଶତକ ହାସଲ କରିବା ପରେ ନିମ୍ନକ୍ରମ ବ୍ୟାଟ୍ସମ୍ୟାନ୍ଙ୍କୁ ସୁଯୋଗ ଦେବା ପାଇଁ ରିଟାୟର୍ଡ ହର୍ଟ ହୋଇଥିଲେ । ମାତ୍ର ଏହାପରେ ଋଷଭ ପନ୍ତ, ଅଶ୍ବିନ୍ ଏବଂ ରିଦ୍ଧିମାନ ଶାହା ବିଫଳ ହେବାରୁ ଭାରତ ମାତ୍ର 263 ରନ୍ରେ ସମସ୍ତ ଓ୍ବିକେଟ୍ ହରାଇଥିଲା । ବିହାରୀ ଏବଂ ପୂଜାରାଙ୍କ ବ୍ୟତିତ କେବଳ ଆଜିଙ୍କ୍ୟ ରାହାଣେ(18) ଦୁଇ ଅଙ୍କ ଛୁଇଁଥିଲେ ।…
ନୂଆଦିଲ୍ଲୀ : କୋର୍ଟଙ୍କ ନିଷ୍ପତ୍ତିର ଉଲ୍ଲଂଘନ ପାଇଁ ସମସ୍ତ ଟେଲିକମ୍ କମ୍ପାନୀଙ୍କୁ କୋର୍ଟ ପକ୍ଷରୁ ନୋଟିସ୍ ଜାରି କରାଯାଇଛି । କୋର୍ଟଙ୍କ ନିର୍ଦ୍ଦେଶ ସତ୍ତ୍ବେ ଟେଲିକମ୍ କମ୍ପାନୀଙ୍କ ପକ୍ଷରୁ ବକେୟା ଦେୟ ପ୍ରଦାନ କରାଯାଇନଥିଲା । ଏଜିଆରଙ୍କୁ 1 ଲକ୍ଷ 47 ଟଙ୍କାର ଦେୟ ପ୍ରଦାନ କରିବା ପାଇଁ ଟେଲିକମ୍ ବିଭାଗ (ଡିଓଟି)କୁ ନିର୍ଦ୍ଦେଶ ଦିଆଯାଇଥିଲା । ଉଲ୍ଲେଖଯୋଗ୍ୟ ଯେ, ଡିଓଟି ପକ୍ଷରୁ 1.47 ଲକ୍ଷ କୋଟି ଟଙ୍କାର ଦେୟ ପ୍ରଦାନ ବାକି ରହିଛି । କୋର୍ଟଙ୍କ ପକ୍ଷରୁ ସମସ୍ତ ଟେଲିକମ୍ କମ୍ପାନୀର ମାଲିକ ଏବଂ ଏବଂ ଏମ୍ଡିଙ୍କୁ ନୋଟିସ୍ ଜାରି କରାଯାଇଛି । ଏହା ସହିତ କାହିଁକି ମାମଲା ରୁଜୁ କରାଯିବ ନାହିଁ ତାହାର କାରଣ ଦର୍ଶାଇବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି । (ଏଜେନ୍ସି)
ସୀତାରାମ ଅଗ୍ରଓ୍ବାଲ ବାଣପୁର: ବାଣପୁରର ମାଟିଆ ପୋଖରୀ ଭେଟେଶ୍ବର ରାସ୍ତାରେ ଏକ ସଡକ ଦୁର୍ଘଟଣା ଘଟି ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି। ମାଟିଆ ପୋଖରୀର ବଡଶଙ୍ଖ ଠାରେ ଏକ ବାଇକ୍କୁ ପଛପଟୁ ଆସୁଥିବା ଡାଲା ଅଟୋ ଧକ୍କା ଦେବାରୁ ବାଇକ୍ ଚାଳକ ଗୁରୁତର ଆହତ ହୋଇଛନ୍ତି। ଆହତ ବ୍ୟକ୍ତି ଜଣକ ହେଉଛନ୍ତି ବାଁଳୋଇ ଗ୍ରାମର ବାସୁଦେବ ପ୍ରଧାନ(୪୭)। ଉଲ୍ଲେଖଯୋଗ୍ୟ ଯେ, ଆହତ ବାଇକ୍ ଚାଳକ ବାଁଳୋଇରୁ ବାଣପୁର ଅଭିମୁଖେ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣା ପରେ ଡାଲା ଅଟୋଟି ଫେରାର ହୋଇ ଯାଇଥିବା ବେଳେ ଭେଟେଶ୍ବର ପଞ୍ଚାୟତ ସରପଞ୍ଚ ଜିତେନ୍ଦ୍ର କୁମାର ଭୋଳ ଘଟଣାସ୍ଥଳରେ ପହଞ୍ଚି ଯୁବକଙ୍କୁ ଉଦ୍ଧାର କରିଥିଲେ। ଆହତ ଯୁବକଙ୍କୁ ବାଣପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ନାକରୁ ଏବଂ କାନରୁ ରକ୍ତସ୍ରାବ ବନ୍ଦ ନହେବା କାରଣରୁ ଯୁବକଙ୍କୁ ଏମ୍ସ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ବାଣପୁର ଥାନା ଏସ୍ଆଇ ପ୍ରସନ୍ନ ଜେନା ଏହି ଘଟଣାର…
ନୂଆଦିଲ୍ଲୀ : ପୂର୍ବତନ ଭାରତୀୟ କ୍ରିକେଟ ଦଳର ଅଧିନାୟକ ତଥା ବର୍ତ୍ତମାନର ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କୁ ଟ୍ରୋଲ୍ କରିଛନ୍ତି ଯୁବରାଜ ସିଂ । ବିସିସିଆଇର ସଭାପତି ରହିଥିବା ଗାଙ୍ଗୁଲି ଇନ୍ଷ୍ଟାଗ୍ରାମରେ ଏକ ଫଟୋ ସେୟାର କରିଥିଲେ । ପଦାର୍ପଣରେ ଲର୍ଡସ୍ରେ ଶତକ ହାସଲ କରିବା ସହିତ ରାହୁଲ ଦ୍ରାବିଡଙ୍କ ସହିତ ଭାଗିଦାରୀର ଏକ ଫଟୋ ସେୟାର କରିଥିଲେ ଗାଙ୍ଗୁଲି । ଏହି ଫଟୋରେ ଗେଟି ଇମେଜ୍ର ଲୋଗୋ ରହିଥିଲା । ଏହାକୁ ନେଇ ଯୁବରାଜ ଗାଙ୍ଗୁଲିଙ୍କୁ ଟ୍ରୋଲ୍ କରିଥିଲେ । ଯୁବରାଜ ଲେଖିଥିଲେ, ଦାଦା ଆପଣ ବର୍ତ୍ତମାନ ବିସିସିଆଇର ସଭାପତି ରହିଛନ୍ତି ତେଣୁ ଦୟାକରି ଫଟୋରୁ ଲୋଗୋ ହଟାଇ ଦିଅନ୍ତୁ । ଉଲ୍ଲେଖଯୋଗ୍ୟ ଯେ, ଜୁନ୍ 2019ରେ ଗାଙ୍ଗୁଲି କ୍ରିକେଟରୁ ଅବସର ଗ୍ରହଣ କରିଥିଲେ । (ଏଜେନ୍ସି)
ସମୀକ୍ଷା ବ୍ୟୁରୋ ଭୁବନେଶ୍ବର : ସରକାରୀ କର୍ମଚାରୀଙ୍କୁ ଓଡିଶା ସରକାରଙ୍କ ପକ୍ଷରୁ ଉପହାର ପ୍ରଦାନ କରାଯାଇଛି । ରାଜ୍ୟର ସମସ୍ତ ସରକାରୀ କର୍ମଚାରୀଙ୍କ 5 ପ୍ରତିଶତ ମହଙ୍ଗା ଭତ୍ତା ବୃଦ୍ଧି କରାଯାଇଛି । ଏହା ସହିତ ସପ୍ତମ ବେତନ କମିଶନ ଅନୁଯାୟୀ ସମସ୍ତ କର୍ମଚାରୀଙ୍କ ବର୍ଦ୍ଧିତ ବେତନର 10 ପ୍ରତିଶତ ରାଜ୍ୟ ସରକାର ପିଛିଲା ଭାବରେ ପ୍ରଦାନ କରିବାର ନିଷ୍ପତ୍ତି ନେଇଛନ୍ତି । ବଜେଟ ଅଧିବେଶନ ଆରମ୍ଭ ହୋଇଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଦୁଇ ନିଷ୍ପତ୍ତିକୁ ମଞ୍ଜୁରୀ ପ୍ରଦାନ କରିଛନ୍ତି ।
ନୂଆଦିଲ୍ଲୀ : ପୁଲଓ୍ବାମା ଆକ୍ରମଣକୁ ଏକ ବର୍ଷ ପୁରୁଥିବା ବେଳେ ରାହୁଲ ଗାନ୍ଧୀ ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଛନ୍ତି । ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିବା ସହିତ ରାହୁଲ ବିଜେପିକୁ ସମାଲୋଚନା କରିଛନ୍ତି । ବିଜେପିକୁ ସମାଲୋଚନା କରିବା ସହିତ ରାହୁଲ ତିନୋଟି ପ୍ରଶ୍ନ ପଚାରିଛନ୍ତି । ପୁଲଓ୍ବାମା ଆକ୍ରମଣରୁ କେଉଁ ଦଳ ସର୍ବାଧିକ ଫାଇଦା ପାଇଥିଲା ବୋଲି ରାହୁଲ ଟ୍ବିଟ୍ଟର ଜରିଆରେ ପ୍ରଶ୍ନ କରିଛନ୍ତି । ଆକ୍ରମଣର ତଦନ୍ତ କରାଯାଇଥିବା ବେଳେ ତଦନ୍ତ ରିପୋର୍ଟ କଣ ଆସିଲା ଏବଂ ଢିଲା ସୁରକ୍ଷା ବ୍ୟବସ୍ଥା କାରଣରୁ ଆକ୍ରମଣ ଘଟିଥିବା ବେଳେ ବିଜେପି ସରକାରର କେଉଁ ନେତା ଏହି ଆକ୍ରମଣ ପାଇଁ ନିଜକୁ ଦାୟୀ କରିଥିଲେ ବୋଲି ରାହୁଲ ପ୍ରଶ୍ନ କରିଥିଲେ । ଟ୍ବିଟ୍ଟରରେ ରାହୁଲଙ୍କ ଏହି ପ୍ରଶ୍ନକୁ ଅନେକ ବ୍ୟବହାର କାରୀ ସମାଲୋଚନା କରିଥିଲେ । (ଏଜେନ୍ସି)
ଲକ୍ଷ୍ନୌ : ଉତ୍ତରପ୍ରଦେଶରେ ଜାତିଗତ ହିଂସାରେ 6 ଜଣ ଆହତ ହୋଇଛନ୍ତି । ଉତ୍ତର ପ୍ରଦେଶର କାନପୁର ଦେହାତ ଜିଲ୍ଲାରେ ଏହି ଘଟଣା ଘଟିଛି । ଗୁରୁବାର ମାଙ୍ଗଟା ଗ୍ରାମରେ ଉଚ୍ଚଜାତି ଏବଂ ଦଳିତଙ୍କ ମଧ୍ୟରେ ସଙ୍ଘର୍ଷ ଘଟିଥିବା ବେଳେ 6 ଜଣ ଆହତ ହେବା ସହିତ ଗୋଟିଏ ଘରକୁ ନିଆଁ ଲଗାଇ ଦିଆଯାଇଛି । ଫେବୃୟାରୀ 8ରୁ ଅନୁଷ୍ଠିତ ଭୀମ କଥାର ସମାପ୍ତି ପରେ ଭୀମ ଶୋଭାଯାତ୍ରା ସମୟରେ ଏହି ଘଟଣା ଘଟିଥିଲା । ଜଣେ ବାଳକ ଆମ୍ବେଦକରଙ୍କ ପୋଷ୍ଟରକୁ ବାଡିରେ ମାରିବା ପରେ ଉଭୟ ଗୋଷ୍ଠୀ ମଧ୍ୟରେ ଉତ୍ତେଜନା ଦେଖାଦେଇଥିଲା । ଉଭୟ ପକ୍ଷ ପରସ୍ପର ଉପରକୁ ପଥର ମାଡ କରିଥିବା ବେଳେ 6 ଜଣ ଆହତ ହୋଇଛନ୍ତି । ତୁରନ୍ତ ଘଟଣାସ୍ଥଳରେ ପୋଲିସ୍ ମୁତୟନ ହୋଇଥିବା ବେଳେ ଆହତ ମାନଙ୍କୁ ଆକବରପୁର ହସ୍ପିଟାଲରେ ଭର୍ତ୍ତି କରାଯାଇଛି । (ଏଜେନ୍ସି)
ମୁମ୍ବାଇ : ଭାରତୀୟ ମହିଳା କ୍ରିକେଟ୍ ଦଳର ଅଧିନାୟିକା ହରମନ୍ପ୍ରୀତ୍ କୌର୍ଙ୍କୁ ସମାଲୋଚନା କରିଛନ୍ତି ଡାଏନା ଏଡୁଜୀ । ହରମନପ୍ରୀତ୍ ଅଧିନାୟକତ୍ବ ଛାଡିବା ଉଚିତ୍ ବୋଲି ଏଡୁଜୀ ପ୍ରକାଶ କରିଛନ୍ତି । ବୁଧବାର ଭାରତୀୟ ଦଳ ଅଷ୍ଟ୍ରେଲିଆ ନିକଟରୁ ପରାସ୍ତ ହେବା ପରେ ଡାଏନା ଏହି ମତ ଦେଇଛନ୍ତି । ଭାରତ ମାତ୍ର 156 ରନ୍ର ପିଛା କରୁଥିବା ବେଳେ ସ୍ମୃତି ମାନ୍ଧନାଙ୍କ 37 ବଲ୍ 66 ରନ୍ ସତ୍ତ୍ବେ ଭାରତ ପରାଜୟ ବରଣ କରିଥିଲା । ଭାରତୀୟ ଦଳର ମଧ୍ୟକ୍ରମ ଏବଂ ନିମ୍ନ ମଧ୍ୟକ୍ରମ ସମ୍ପୂର୍ଣ୍ଣ ବିଫଳ ହୋଇଥିଲା । ଭାରତୀୟ ଅଧିନାୟିକା ହରମନ୍ପ୍ରୀତ୍ ଏହି ସିରିଜ୍ରେ ବିଫଳ ହୋଇଥିଲେ । ଭାରତୀୟ ଦଳ କିଛି ମ୍ୟାଚ୍ରେ ସହଜ ବିଜୟ ହାସଲ କରୁଥିବା ବେଳେ ସମାନ ସ୍ଥିତିରୁ ପରାଜୟ ମଧ୍ୟ ବରଣ କରିଥିଲା । ଭାରତୀୟ ଅଧିନାୟିକାଙ୍କ ନେତୃତ୍ବ ନେବା ଶୈଳୀ ଉପରେ ପ୍ରଶ୍ନ ଉଠାଇଛନ୍ତି ପୂର୍ବତନ ସିଓଏ ସଦସ୍ୟ…
ନୂଆଦିଲ୍ଲୀ : ପୁଲଓ୍ବାମା ଆକ୍ରମଣକୁ ଏକ ବର୍ଷ ପୁରୁଥିବା ବେଳେ ଶହୀଦଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଛନ୍ତି ପ୍ରତିରକ୍ଷା ମନ୍ତ୍ରୀ ଏବଂ ସ୍ବରାଷ୍ଟ୍ର ମନ୍ତ୍ରୀ । ଉଭୟ ରାଜନାଥ ସିଂ ଏବଂ ଅମିତ ଶାହା ଟ୍ବିଟ୍ଟର ଜରିଆରେ ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ପୁଲଓ୍ବାମାର ଲେଥପୋରା କ୍ୟାମ୍ପରେ ଏକ ଶହୀଦ ସ୍ତମ୍ଭର ମଧ୍ୟ ଉନ୍ମୋଚନ କରାଯିବ । ଏହି ସ୍ତମ୍ଭରେ 40 ଜଣ ଶହୀଦ ଯବାନଙ୍କ ନାମ ଏବଂ ଫଟୋ ରହିବ । ଦେଶର ବୀର ଯବାନଙ୍କୁ ଶ୍ରଦ୍ଧାଞ୍ଜଳି ପ୍ରଦାନର ଏହା ଏକ ପ୍ରୟାସ ବୋଲି ସିଆରପିଏଫ୍ର ଉପ ମୁଖ୍ୟ ଜୁଲଫିକର ହସନ୍ ପ୍ରକାଶ କରିଛନ୍ତି । ଭାରତ ମାତାର ସୁରକ୍ଷା ଏବଂ ଅଖଣ୍ଡତା ପ୍ରୟାସରେ ପ୍ରାଣ ହରାଇଥିବା ଶହୀଦ ଯବାନ ମାନଙ୍କୁ ମୋର ଶ୍ରଦ୍ଧାଞ୍ଜଳି ବୋଲି ଶାହା ଟ୍ବିଟ୍ କରିଛନ୍ତି । ଆତଙ୍କବାଦ ବିରୋଧରେ ସମ୍ପୂର୍ଣ୍ଣ ଦେଶ ଏକ ହୋଇ ଛିଡା ହୋଇଛି ଏବଂ 2019ରେ ଶହୀଦ ହୋଇଥିବା…
ବେଜିଂ : କୋରୋନା ଭାଇକରସ୍ର ପ୍ରଭାବରେ ମୃତ୍ୟୁ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ଗୁରୁବାର ସୁଦ୍ଧା ଏହି ଭାଇରସ୍ ପ୍ରଭାବରେ ମୃତକଙ୍କ ସଂଖ୍ୟା 1477ରେ ପହଞ୍ଚିଥିବା ବେଳେ ଆକ୍ରାନ୍ତଙ୍କ ସଂଖ୍ୟା 65 ହଜାରରେ ପହଞ୍ଚିଛି । ହୁବେଇ ଏବଂ ଉହାନ୍ ପ୍ରଦେଶରେ ଏହି ଭାଇରସ୍ ନିଜର ତାଣ୍ଡବ ମଚାଇଛି । ଗୁରୁବାର ଦିନ ନୂତନ ଭାବରେ 120 ଜଣଙ୍କର ପ୍ରାଣହାନି ଘଟିଛି । ଗୁରୁବାର ଦିନ ହୁବେଇ ପ୍ରଦେଶରେ 4823 ଜଣ ନୂତନ ଭାବରେ ଆକ୍ରାନ୍ତ ହୋଇଥିବା ବେଳେ ଉହାନ୍ ପ୍ରଦେଶରେ ନୂତନ ଭାବରେ 1486 ଜଣ ଆକ୍ରାନ୍ତ ହୋଇଛନ୍ତି । ଏହି ସମୟରେ ଜାପାନ କୋରୋନା ଭାଇରସ୍ ମୁକାବିଲା ପାଇଁ 140 ମିଲିୟନ୍ ଡଲାରର ସହାୟତା ରାଶି ଘୋଷଣା କରିଛି । (ଏଜେନ୍ସି)
ଭୁବନେଶ୍ବର,ଆଜିଠାରୁ ଆରମ୍ଭ ହେବ ବିଧାନସଭାର ବଜେଟ ଅଧିବେସନ। ଏହି ଅଧିବେସନ ଦୁଇଟି ପର୍ଯ୍ୟାୟରେ ଏପ୍ରିଲ 9 ତାରିଖ ପର୍ଯ୍ୟନ୍ତ ଚାଲିବ। ପରଂପରା ଅନୁସାରେ ବଜେଟ ଅଧିବେସନର ପ୍ରଥମ ଦିନରେ ରାଜ୍ୟପାଳ ଅଭିଭାଷଣ ରଖିବେ। ସେହି ଅନୁସାରେ ଆଜି ରାଜ୍ୟପାଳ ପ୍ରଫେସର ଗଣେଷୀଲାଲ ଗୃହରେ ନିଜର ଅଭିଭାଷଣ ରଖିବେ। ସେଥିପାଇଁ ବିଧାନସଭାର ପରିସରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ରାଜ୍ୟପାଳ ବିଧାନସଭାରେ ପହଁଚିବା ପରେ ତାଙ୍କୁ ଗାର୍ଡ ଅଫ ଅନର ଦିଆଯିବ। ତାପରେ ବାଚସ୍ପତି ସୂର୍ଯ୍ୟନାରାୟଣ ପାତ୍ର ତାଙ୍କୁ ଗୃହ ଭିତରକୁ ପାଛୋଟି ନେବେ। ଏହାପରେ ରାଜ୍ୟପାଳ ତାଙ୍କର ଅଭିଭାଷଣ ରଖିବେ। ଆସନ୍ତା 18 ତାରିଖ ଦିନ ଅର୍ଥମନ୍ତ୍ରୀ ନିରଂଜନ ପୂଜାର ଚଳିତ 2020-21 ବର୍ଷ ପାଇଁ ବଜେଟ ଉପସ୍ଥାପାନ କରିବେ। ଗୃହରେ କିପରି ଶାନ୍ତି ଶୃଙ୍ଖଳା ବଜାଇ ରହିବ ସେ ନେଇ ବାଚସ୍ପତି ଗତକାଲି ଏକ ସର୍ବଦଳୀୟ ବୈଠକ ଡାକିଥିଲେ। ଏଥିରେ ସଭ୍ୟମାନେ ଗୃହ ମଧ୍ୟଭାଗକୁ ନ ଆସି ନିଜନିଜ ଆସନରେ…
କେଦାର ମିଶ୍ର ମାନ୍ୟବର ସୁପ୍ରିମ କୋର୍ଟ ବିଭିନ୍ନ ସମୟରେ ନିର୍ବାଚନକୁ ଅପରାଧମୁକ୍ତ କରିବାଲାଗି ନିର୍ଦ୍ଦେଶ ଦେଇ ଆସୁଛନ୍ତି। ହେଲେ ସୁପ୍ରିମ କୋର୍ଟଙ୍କ ଆଦେଶ ଶୁଣୁଛି କିଏ ବା ମାନୁଛି କିଏ? ଦେଶର ରାଜନୈତିକ ଦଳଗୁଡିକ ଅନେକ ସମୟରେ ଆଇନର ଶାସନକୁ ନିଜର ପୈତୃକ ସମ୍ପତ୍ତି ବୋଲି ଭାବନ୍ତି ଓ ନିଜକୁ ସୁହାଇଲା ଭଳି ଆଇନର ବ୍ୟବହାର କରିଥାନ୍ତି। ଗତକାଲି ଆଉ ଏକ ବିଶେଷ ନିର୍ଦ୍ଦେଶ ଦେଇ ସୁପ୍ରିମ କୋର୍ଟ କହିଛନ୍ତି ଯେ ଏଣିକି ରାଜନୈତିକ ଦଳମାନେ ଅପରାଧ ପୃଷ୍ଠଭୂମି ଥିବା ନେତାଙ୍କୁ ଟିକଟ ଦିଅନ୍ତି, ତାହେଲେ ସେମାନଙ୍କ ଅପରାଧ ସମ୍ପର୍କରେ ନିଜ ୱେବ ସାଇଟ, ସୋସିଆଲ ମିଡିଆ ଯଥା ଫେସବୁକ ଓ ଟ୍ଵିଟର ଏବଂ ଖବର କାଗଜରେ ସ୍ପଷ୍ଟ ସୂଚନା ଦେବେ। ପୂର୍ବରୁ ମଧ୍ୟ ରାଜନୈତିକ ଦଳମାନଙ୍କୁ ଏହି ଅପରାଧ ପୃଷ୍ଠଭୂମି ସମ୍ପର୍କରେ ଖବର କାଗଜରେ ସ୍ପଷ୍ଟ ସୂଚନା ଦେବାକୁ କୁହାଯାଇଥିଲା। ଏ ସମ୍ପର୍କିତ ସୁପ୍ରିମକୋର୍ଟଙ୍କ ନିର୍ଦ୍ଦେଶନାମାକୁ କୌଣସି ରାଜନୈତିକ ଦଳ…
ସମୀକ୍ଷା ବ୍ୟୁରୋ ଭୁବନେଶ୍ବର : ଆସନ୍ତାକାଲି ଠାରୁ ଓଡିଶା ବିଧାନସଭାର ବଜେଟ୍ ଅଧିବେଶନ ଆରମ୍ଭ ହେବାକୁ ଯାଇଛି । ଶୁକ୍ରବାର ଠାରୁ ଏହି ଅଧିବେଶନ ଆରମ୍ଭ ହେବାକୁ ଯାଉଥିବା ବେଳେ 18 ତାରିଖରେ ବଜେଟ ଉପସ୍ଥାପନ କରାଯିବ । ଚଳିତ ବିଧାନସଭାରେ 31ଟି କାର୍ଯ୍ୟଦିବସ ରହିଥିବା ବେଳେ 2ଟି ପର୍ଯ୍ୟାୟରେ ଏହି ଅଧିବେଶନ ସମାପ୍ତ ହେବ । ବଜେଟ୍ ଉପରେ 14 ଦିନ ଆଲୋଚନା କରାଯିବ । ରାଜ୍ୟପାଳଙ୍କ ଅଭିଭାଷଣ ପରେ ଆସନ୍ତା କାଲିର ଅଧିବେଶନ ଆରମ୍ଭ ହେବ । ଅଧିବେଶନରେ କେନ୍ଦ୍ରୀୟ ଅନୁଦାନ କମିବା, ଜନଗଣନାରେ ପଛୁଆବର୍ଗକୁ ସାମିଲ ପାଇଁ ଆଲୋଚନା ହେବ ବୋଲି ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ ଆରୁଖ ସୂଚନା ଦେଇଛନ୍ତି ।
Mumbai: Actress Ananya Panday discussion with fashion designer Anaita Shroff on the Lakme Fashion Week Summer/Resort 2020, in Mumbai on Feb 12, 2020. (Photo: IANS)