ସମୀକ୍ଷା ବ୍ୟୁରୋ ଭୁବନେଶ୍ୱର :ଓଡିଶା ପାଇଁ ଦୁଃସମ୍ବାଦ। ଆଜି ଗୋଟିଏ ଦିନରେ ରାଜ୍ୟରେ ୧୫ ଜଣ ବ୍ୟକ୍ତିଙ୍କ ଶରୀରରେ କରୋନା ଭୂତାଣୁ ସଂକ୍ରମିତ ହୋଇଥିବାର ସୂଚନା ମିଳିଛି। ସୂର୍ୟ ନଗର ସ୍ଥିତ ପଞ୍ଚମ କରୋନା ଆକ୍ରାନ୍ତ ପ୍ରଦୀପ ଦଳବେହରାଙ୍କ ପରିବାର ଓ ତାଙ୍କ ଘରେ ରହୁଥିବା ଭଡାଟିଆଙ୍କ ଭିତରୁ ସାତଜଣଙ୍କ ଦେହରେ କରୋନା ଭୂତାଣୁ ମିଳିଛି। ଏହା ଏକ ପ୍ରକାର ସ୍ପଷ୍ଟ ଗୋଷ୍ଠୀ ସଂକ୍ରମଣର ସଙ୍କେତ ବୋଲି ଆମେ କହିପାରିବା। ଭୁବନେଶ୍ୱର ବମିଖାଲ ଅଞ୍ଚଳର ୩ ଜଣ, ଭଦ୍ରକରେ ୨ ଜଣ, କଟକ, ପୁରୀ ଓ ଯାଜପୁରରୁ ଜଣେ ଲେଖାଏଁ କରୋନା ରୋଗୀଙ୍କୁ ଆଜି ଚିହ୍ନଟ କରାଯାଇଛି। ରାଜ୍ୟରେ ଆଜି ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୨୦ରେ ପହଞ୍ଚିଛି। ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଟୁଇଟ ଅନୁସାରେ ଆଜି ପର୍ୟନ୍ତ ମୋଟ ୧୩୯୫ ଲୋକଙ୍କ ପରୀକ୍ଷା ହୋଇଥିବା ବେଳେ ସେଥିରୁ ୨୦ ଜଣଙ୍କର ଫଳାଫଳ ପୋଜିଟିଭ ଆସିଥିବା ସୂଚନା…
Author: Samikhsya Bureau
ଭୁବନେଶ୍ବର, ଲକଡାଉନ ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଶୁମାନଙ୍କ ପ୍ରତି ଯେପରି କାର୍ଯ୍ୟ କରିଛନ୍ତି ତାହା ଦେଶ ପାଇଁ ଏକ ବଡ ଉଦାହରଣ। ସେ ଓଡିଶାର ବିଭିନ୍ନ ସହରାଞ୍ଚଳର ପଶୁମାନଙ୍କୁ ଖାଦ୍ୟ ଯୋଗାଇବା ପାଇଁ 54 ଲକ୍ଷ ଟଙ୍କା ଅନୁଦାନ ଦେଇଛନ୍ତି। କାରଣ ଲକଡାଉନ ସମୟରେ ହୋଟେଲ ଏବଂ କିଣାବିକା ବନ୍ଦ ଥିବାରୁ ବୁଲା ପଶୁଙ୍କ ପାଇଁ ଖାଦ୍ୟ ଅଭାବ ଥିଲା। ଯାହା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହୃଦୟଙ୍ଗମ କରି ସେମାନଙ୍କ ପାଇଁ ସରକାରୀ ବନ୍ଦୋବସ୍ତ କରିଛନ୍ତି। ସେଥିପାଇଁ ନବୀନ ପଟ୍ଟନାୟକଙ୍କୁ ହିରୋ ଟୁ ଆନିମଲସ ସମ୍ମାନ ପ୍ରଦାନ କରାଯିବ। ଏହି ଘୋଷଣା କରିଛି ମୁମ୍ବାଇସ୍ଥିତ ପଶୁପକ୍ଷୀଙ୍କ ପାଇଁ କାମ କରୁଥିବା ପେଟା ବା People for the Ethical Treatment of Animals ସଂସ୍ଥା। ଓଡିଶା ସମେତ ସାରା ଭାରତରେ ଲକଡାଉନ ଘୋଷଣା ପରେ ସହର ଅଞ୍ଚଳର ସମସ୍ତ କାରାବାର ଠପ୍ ହୋଇଗଲା। ମୁଖ୍ୟତଃ ପରିବାପତ୍ର କିଣାବିକା ହେଉ କିମ୍ବା…
ନୂଆଦିଲ୍ଲୀ : ଦେଶରେ କରୋନାର ବର୍ଦ୍ଧିତ ସଙ୍କଟ କାରଣରୁ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ରାଜ୍ୟପାଳ ଓ ଉପ ରାଜ୍ୟପାଳଙ୍କ ସହିତ ଭିଡିଓ କନ୍ଫରେନ୍ସିଂରେ ଆଲୋଚନା କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। ରାଷ୍ଟ୍ରପତିଙ୍କ ସହିତ ଉପ ରାଷ୍ଟ୍ରପତି ଏମ୍ ଭେଙ୍କିଆ ନାଇଡୁ ମଧ୍ୟ ଏହି ଭିଡିଓ କନ୍ଫରେନ୍ସିଂରେ ଭାଗ ନେଇଥଲେ । ରାଷ୍ଟ୍ରପତି ଏହି ଭିଡିଓ କନ୍ଫରେନ୍ସିଂରେ ନିଜାମୁଦ୍ଦିନ୍ ମକରଜ୍ ଏବଂ ଆନନ୍ଦ ବିହାର ବସ୍ ଷ୍ଟାଣ୍ଡ ଭିଡକୁ ନେଇ ଉଦ୍ବେଗ ପ୍ରକାଶ କରୁଥିଲେ। ଏପରି ଭିଡ ଦେଶରେ କରୋନା ସଂକ୍ରମଣ ବଢାଉଥିବାରୁ ସେଥିପ୍ରତି ଧ୍ୟାନ ଦେବା ପାଇଁ ରାଷ୍ଟ୍ରପତି କହିଥିଲେ । ଦେଶର କରୋନା ମୁକାବିଲାକୁ ପ୍ରତିହତ କରିବା ପାଇଁ ଏପରି ଷଡଯନ୍ତ୍ର ରଚା ଯାଉଥିଲେ ମଧ୍ୟ ଦେଶ ଏକାଠି ହୋଇ ଏହି ସଙ୍କଟରୁ ବାହାରିବ ବୋଲି ରାଷ୍ଟ୍ରପତି ମତ ଦେଇଥିଲେ ।
ମୁମ୍ବାଇ : ଟେଲିକମ୍ୟୁନିକେସନ କମ୍ପାନୀ, ଭାରତୀ ଏୟାରଟେଲ୍ ପକ୍ଷରୁ କୋଭିଡ-୧୯ ପ୍ରଭାବିତ ଗ୍ରାହକଙ୍କ ସହାୟତା ନିମନ୍ତେ ଏକ ବିଶେଷ ପଦକ୍ଷେପ ଘୋଷଣା କରିଛି । ଏହି ପରିପ୍ରେକ୍ଷୀରେ ଏୟାରଟେଲ ୮ କୋଟିରୁ ଉର୍ଦ୍ଧ ଗ୍ରାହକଙ୍କ ପାଇଁ ଏହାର ପ୍ରି-ପେଡ ପ୍ୟାକର ବୈଧତାକୁ ଆସନ୍ତା ଏପ୍ରିଲ ୧୭ ତାରିଖ ପର୍ଯ୍ୟନ୍ତ ବଢ଼ାଇଦେଇଛି । ଏପରିକି ସମସ୍ତ ଗ୍ରାହକମାନେ ସେମାନଙ୍କର ଏୟାରଟେଲ ମୋବାଇଲ ନମ୍ବରରେ ପ୍ଲାନ ଶେଷ ହେବା ପରେ ମଧ୍ୟ ଇନ୍କମିଙ୍ଗ କଲ ସୁବିଧା ପାଇପାରିବେ । ସେହିଭଳି ଏହି ୮କୋଟି ଗ୍ରାହକଙ୍କୁ ସେମାନଙ୍କ ପ୍ରିୟଜନଙ୍କ ସହ କଲ୍ ଓ ଏସ୍ଏମ୍ଏସ୍ ମାଧ୍ୟମରେ ଯୋଡ଼ି ରଖିବା ପାଇଁ ଏୟାରଟେଲ ୧୦ଟଙ୍କାର ଅତିରିକ୍ତ ଟକ୍ଟାଇମ୍ ମଧ୍ୟ ଯୋଗାଇଦେବ । ଆସନ୍ତା ଦୁଇ ଦିନ ମଧ୍ୟରେ ଏହି ଲାଭଗୁଡ଼ିକ ବ୍ୟବହାରକାରୀଙ୍କ ପାଇଁ ଉପଲବ୍ଧ ହୋଇଯିବ ।
ମୁମ୍ବାଇ : କରୋନା ମୁକାବିଲା ପାଇଁ ମୋବାଇଲ୍ କମ୍ପାନୀ ସିମେନ୍ସ ଇଣ୍ଡିଆ ପକ୍ଷରୁ ୨୦ କୋଟି ଟଙ୍କାର ସହାୟତା ରାଶି ପ୍ରଦାନ କରାଯାଇଛି । ନୋକିଆର ପ୍ୟାରେଣ୍ଟ କମ୍ପାନୀ ସିମେନ୍ସର ଭାରତୀୟ କାର୍ଯ୍ୟାଳୟ ପକ୍ଷରୁ ଏହି ସହାୟତା ରାଶି ପ୍ରଦାନ କରାଯାଇଛି । କମ୍ପାନୀର ପରିଚାଳନା ନିର୍ଦ୍ଦେଶକ ସୁନୀଲ ମାଥୁର ଏହି ଅର୍ଥ ପ୍ରଧାନମନ୍ତ୍ରୀ ରିଲିଫ ଫଣ୍ଡକୁ ପ୍ରଦାନ କରାଯାଇଛି । ଏହା ସହିତ କମ୍ପାନୀ ପକ୍ଷରୁ ୪୦ ହଜାର ମାସ୍କ ପ୍ରଦାନ କରାଯିବ ଏବଂ ଶସ୍ତା ଭେଣ୍ଟିଲେଟର ତିଆରି ପାଇଁ ପ୍ରୟାସ କରାଯିବ ବୋଲି ମାଥୁର ପ୍ରକାଶ କରିଛନ୍ତି ।
ସମୀକ୍ଷା ବ୍ୟୁରୋ ଭୁବନେଶ୍ୱର : ରାଜ୍ୟରେ ଆଜି ପୁଣି ତିନି ଜଣ ନୂତନ କରୋନା ପଜିଟିଭ୍ଙ୍କୁ ଚିହ୍ନଟ କରାଯାଇଛି । ଭୁବନେଶ୍ୱରର ବମିଖାଲ ଅଞ୍ଚଳରୁ ଏହି ତିନି ଆକ୍ରାନ୍ତଙ୍କୁ ଚିହ୍ନଟ କରାଯିବା ପରେ ରାଜ୍ୟରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୯ରେ ପହଞ୍ଚିଛି । ଉଲ୍ଲେଖଯୋଗ୍ୟ ଯେ, ଆଜି କଟକରୁ ଜଣେ କରୋନା ଆକ୍ରାନ୍ତଙ୍କୁ ଚିହ୍ନଟ କରାଯାଇଥିଲା । ଆଜି ଗୋଟିଏ ଦିନରେ ୪ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି । ତେବେ ଆଜି ପ୍ରଥମ କରୋନା ରୋଗୀ ସମ୍ପୂର୍ଣ୍ଣ ସୁସ୍ଥ ହେବା ପରେ ଘରକୁ ପ୍ରତ୍ୟାବର୍ତ୍ତନ କରିଛନ୍ତି । ପୂର୍ବରୁ ଦ୍ବିତୀୟ ଆକ୍ରାନ୍ତ ଜଣକ ମଧ୍ୟ ସୁସ୍ଥ ହୋଇ ଘରକୁ ଫେରିଥିଲେ । ସମଗ୍ର ଦେଶରେ ୨୩୦୧ ଜଣ କରୋନା ଆକ୍ରାନ୍ତଙ୍କୁ ଚିହ୍ନଟ କରାଯାଇଥିବା ବେଳେ ମୃତକଙ୍କ ସଂଖ୍ୟା ୫୬ରେ ପହଞ୍ଚିଛି ।
ଭୁବନେଶ୍ବର, ଆଜି ରାଜ୍ୟର ଦୁଇଟି ସହରର ତାପମାତ୍ର 41 ଡିଗ୍ରୀରେ ପହଁଚିଛି। ଭୁବନେଶ୍ବର ପାଣିପାଗ ବିଭାଗ ସୂଚନା ଅନୁସାରେ ଆଜି ତାଳଚେର ଓ ଟିଟିଲାଗଡରେ 41 ଡିଗ୍ରୀ ତାପମାତ୍ରା ରହିଛି। ଟିଟିଲାଗଡର ତାପମାତ୍ରା 41.00 ଡିଗ୍ରୀ ଥିବା ବେଳେ ତାଳଚେରର ତାପମାତ୍ର 41.1 ଡିଗ୍ରୀ ରହିଛି। ସେହିପରି ଆଜି ରାଜ୍ୟର ତିନୋଟି ସହରରେ 40 ଡିଗ୍ରୀ ଉପରେ ତାପମାତ୍ରା ଥିବା ବେଳେ 10ଟି ସହରର ତାପମାତ୍ରା 39 ଡିଗ୍ରୀ ଉପରେ ରହିଛି। ଯଦି ବର୍ତ୍ତମାନଠାରୁ ଏପରି ଗରମ ହେଉଛି ତେବେ ଭବିଷ୍ୟତରେ ଏହା ଆହୁରି ସ୍ଥିତି ଖରାପ ହେବାର ସମ୍ଭାବନା ସୃଷ୍ଟି ହୋଇଛି। ଆଜି 40 ଡିଗ୍ରୀ ଉପରେ ଥିବା ତିନୋଟି ସହର ହେଲା ବଲାଙ୍ଗୀର, ମାଲକାନାଗିରି ଏବଂ ବଉଦ। ଏଥିସହିତ ଭୁବନେଶ୍ବର ପାଣିପାଗ ବିଭାଗ ଅନୁସାରେ ରାଜ୍ୟର ଅନ୍ୟାନ୍ୟ ସହରର ତାପମାତ୍ରା ହେଲା….
ନୂଆଦିଲ୍ଲୀ : କରୋନା ଭାଇରସ୍ ସଙ୍କ୍ରମଣକୁ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ନୂତନ ସୂଚନା ପ୍ରକାଶ କରାଯାଇଛି । ବିଗତ ୨୪ ଘଣ୍ଟା ମଧ୍ୟରେ ୩୩୬ଟି ନୂତନ ସଂକ୍ରମଣ ମାମଲା ସମ୍ମୁଖକୁ ଆସିଥିବା ବେଳେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୨୩୦୧ରେ ପହଞ୍ଚିଛି । ଗତକାଲି ୧୨ ଜଣଙ୍କ ମୃତ୍ୟୁ ଘଟିଥିବା ବେଳେ ସମୁଦାୟକ ମୃତକଙ୍କ ସଂଖ୍ୟା ୫୬ରେ ପହଞ୍ଚିଛି । ସେହିପରି ଶୁକ୍ରବାର ସୁଦ୍ଧା ନିଜାମୁଦ୍ଦିନ୍ ମକ୍ରଜ୍ର ଆକ୍ରାନ୍ତଙ୍କ ସଂଖ୍ୟା ୬୪୭ରେ ପହଞ୍ଚିଛି । ଶୁକ୍ରବାର ସ୍ୱାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲଭ୍ ଅଗ୍ରୱାଲ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ।
ହାଇଦ୍ରାବାଦ : କରୋନା ମୁକାବିଲା ପାଇଁ ବିଭିନ୍ନ ଶିଳ୍ପପତି ଓ କଳାକାରଙ୍କ ପକ୍ଷରୁ କୋଟି କୋଟି ଟଙ୍କା ପ୍ରଦାନ କରାଯାଉଥିବା ବେଳେ ମାତ୍ର ୫୦ ହଜାର ଟଙ୍କା ପ୍ରଦାନ କରି ଚର୍ଚ୍ଚାକୁ ଆସିଛନ୍ତି ତେଲେଙ୍ଗାନାର ଜନୈକ କ୍ଷୁଦ୍ର ଚାଷୀ । ଏହି ଚାଷୀ ଜଣକ ତେଲେଙ୍ଗାନା ସରକାରଙ୍କ ରିଲିଫ୍ ପାଣ୍ଠିକୁ ୫୦ ହଜାର ଟଙ୍କା ଦାନ କରି ଚର୍ଚ୍ଚାରେ ରହିଛନ୍ତି । ଆଦିଲାବାଦର ମୋରା ହମାନ୍ଦଲୁ ନାମକ ଏହି ଚାଷୀ ଜଣକ ସାଢେ୪ ଏକର ଜମିରେ ଚାଷ କରନ୍ତି । ଚଳିତ ବର୍ଷର ଆୟର ଅର୍ଥକୁ ତେଲେଙ୍ଗାନା ମୁଖ୍ୟମନ୍ତ୍ରୀ ରିଲିଫ୍ ଫଣ୍ଡକୁ ପ୍ରଦାନ କରିଛନ୍ତି ଏହି ଚାଷୀ । ହମାନ୍ଦଲୁଙ୍କ ବିଷୟରେ ଟ୍ୱିଟ୍ଟରରେ ଉଲ୍ଲେଖ କରିଛନ୍ତି ତେଲେଙ୍ଗାନା କ୍ୟାବିନେଟ୍ ମନ୍ତ୍ରୀ କେଟିଆର୍ । ‘ହମାନ୍ଦୁଲା ଜଣେ କ୍ଷୁଦ୍ର ଚାଷୀ ଯାହାଙ୍କ ହୃଦୟ ବିଶାଳ’ ବୋଲି ଟ୍ୱିଟ୍ କରିଥିଲେ କେଟିଆର୍ ।
ସମୀକ୍ଷା ବ୍ୟୁରୋ ଭୁବନେଶ୍ବର : 48 ଘଣ୍ଟିଆ ସଟ୍ ଡାଉନ୍କୁ ନେଇ ପୋଲିସ୍ କମିଶନର ସୁଧାଂଶୁ ଷଡଙ୍ଗୀ ସୂଚନା ଦେଇଛନ୍ତି । ଏହି ସଟ୍ ଡାଉନ୍ ସମୟର କ’ଣ ଖୋଲା ରହିବ, କ’ଣ ବନ୍ଦ ରହିବ ଏନେଇ କହିଛନ୍ତି ପୋଲିସ୍ କମିଶନର । ଏହି ସମୟ ମଧ୍ୟରେ ଉଭୟ ସହରକୁ କୌଣସି ଗାଡ଼ି ମୋଟର ପ୍ରବେଶ ପାଇଁ ଅନୁମତି ମିଳିବ ନାହିଁ ବୋଲି ସୂଚନା ଦେଇଛନ୍ତି ପୋଲିସ୍ କମିଶନର ସୂଚନା ଦେଇଛନ୍ତି । କୌଣସି ଗାଡି ସହର ଭିତରକୁ ଯିବନି କି ବାହାରକୁ ଛଡା ଯିବ ନାହିଁ। ନିହାତି ଆବଶ୍ୟକ ନ ହେଲେ ହସ୍ପିଟାଲ ଯିବାକୁ ଚାହାନ୍ତୁନି ବୋଲି କହିଛନ୍ତି ପୋଲିସ କମିଶନର। ଡାକ୍ତରଙ୍କ ସହ ଟେଲିଫୋନରେ ପରାମର୍ଶ କରନ୍ତୁ ବୋଲି କହିଛନ୍ତି କମିଶନର । ଡାକ୍ତର ଅନୁମତି ଦେଇ ଫୋନ୍ କଲେ, ପୋଲିସ୍ ଆମ୍ବୁଲାନ୍ସକୁ ଅନୁମତି ଦେବ ବୋଲି କହିଛନ୍ତି ପୋଲିସ୍ କମିଶନର । ଦୁଇ ଦିନ ପେଟ୍ରୋଲ୍ ପମ୍ପ…
ସମୀକ୍ଷା ବ୍ୟୁରୋ ଭୁବନେଶ୍ବର: ଆଜି ରାଜ୍ୟରେ ଷଷ୍ଠ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତ କଟକର ବୋଲି ଜଣାପଡିଛି। ସେ ଦିଲ୍ଲୀ ନିଜାମୁଦ୍ଦିନରୁ ଫେରିଥିବାର ଜଣାଇଛନ୍ତି କୋଭିଡ – 19ର ମୁଖପାତ୍ର ସୁବ୍ରତୋ ବାଗ୍ଚୀ। କଟକର ଅଶ୍ବିନୀ ହସ୍ପିଟାଲରେ ତାଙ୍କର ଚିକିତ୍ସ କରାଯାଉଛି ବୋଲି କହିଛନ୍ତି ବାଗ୍ଚୀ। ଏଯାବତ୍ 27 ଜଣ ନିଜାମୁଦ୍ଦିନରୁ ଓଡ଼ିଶା ଫେରିଆସିଛନ୍ତି ବୋଲି ସୂଚନା ରହିଛି। ଏହି 27 ଜଣଙ୍କ ମଧ୍ୟରେ 7 ଜଣ ବିଦେଶୀ ମଧ୍ୟ ରହିଛନ୍ତି। 27ଜଣଙ୍କ କରୋନା ପରୀକ୍ଷାରୁ 21ଟି ନେଗେଟିଭ୍ ଆସିଥିବାବେଳେ ଜଣକର ପଜିଟିଭି ଚିହ୍ନଟ ହୋଇଛନ୍ତି। ଏହି ବ୍ୟକ୍ତି ଜଣକ କଟକର ବୋଲି ଜଣାପଡିଛି। ସମ୍ପୃକ୍ତ ବ୍ୟକ୍ତି ଓ ତାଙ୍କ ପରିବାରକୁ ଆଇସୋଲେସନରେ ରଖାଯାଇଛି ବୋଲି କହିଛନ୍ତି ବାଗ୍ଚୀ। ନିଜାମୁଦ୍ଦିନ ଯାଇଥିବା ଆଉ 40 ଜଣ ବାହାରେ ରହିଛନ୍ତି ବୋଲି ସୂଚନା ରହିଛି। ଦିଲ୍ଲୀ, ପଶ୍ଚିମବଙ୍ଗ, ବିହାର, ଆନ୍ଧ୍ରରେ ଥିବା କ୍ବାରେଣ୍ଟାଇନ୍ ସେଣ୍ଟରରେ ଅଛନ୍ତି ବୋଲି ସୂଚନା ଦେଇଛନ୍ତି କୋଭିଡ୍…
ଭୁବନେଶ୍ୱର: ଓଡ଼ିଶାରେ ପ୍ରତିଷ୍ଠା କରାଯାଇଥିବା ଇମ୍ଜେନେକ୍ସ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ଖୁବ ଶିଘ୍ର ପ୍ରସ୍ତୁତ କରିବ କୋଭିଡ-19 ଭାକସିନ୍। ଏନେଇ କଂପାନୀ ତରଫରୁ ଏକ ପ୍ରେସ ବିଜ୍ଞପ୍ତି ମାଧ୍ୟମରେ ଏହି ଘୋଷଣା କରାଯାଇଛି। ପ୍ରବାସୀ ଭାରତୀୟ ଡକ୍ଟର ସୁଜୟ ସିଂ ଦ୍ବାରା ପ୍ରତିଷ୍ଠିତ ଏହି ବାୟୋଚଟେକନୋଲୋଜି ସଂସ୍ଥା ପ୍ରାୟ ବର୍ଷେ ମଧ୍ୟରେ ଏହି ଭାକସିନକୁ ବିକଶିତ କରିବେ ବୋଲି କୁହାଯାଇଛି। ଏଥିସହିତ ଏହି ସଂସ୍ଥା କୋଭିଡ19 ପରୀକ୍ଷା କିଟ ମଧ୍ୟ ପ୍ରସ୍ତୁତ କରିବ। ସେଥିପାଇଁ ଭୁବନେଶ୍ବରରେ ଥିବା ଏହି ଗବେଷଣା କେନ୍ଦ୍ରର ବୈଜ୍ଞାନିକମାନେ କାର୍ଯ୍ୟ କରୁଛନ୍ତି ବୋଲି ସୁଜୟ ଏହି ବିଜ୍ଞପ୍ତି ମାଧ୍ୟମରେ କହିଛନ୍ତି। ବର୍ତ୍ତମାନ ଡକ୍ଟର ସୁଜୟ ସିଂ ଏବଂ ଡକ୍ଟର ଗୀତା ସିଂ ଉଭୟ କାଲିଫର୍ଣ୍ଣିୟାରେ କାମ କରୁଛନ୍ତି। ସେମାନଙ୍କ ଉଦ୍ୟମରେ ଭୁବନେଶ୍ବରର ଇନଫୋସିଟିରେ ଏହି ସଂସ୍ଥା ପ୍ରତିଷ୍ଠା କରାଯାଇଛି। ଏହି ସଂସ୍ଥା ଆଣ୍ଟିବଡି ଏବଂ ଅନ୍ୟାନ୍ୟ ରିଏଜେଣ୍ଟସ ବିକଶିତ କରୁଛନ୍ତି। ଏଗୁଡିକ ବାଓମେଡିକାଲ ଗବେଷଣା କାମରେ ବିନିଯୋଗ…
ଶ୍ରୀନଗର : ଜମ୍ମୁ କାଶ୍ମୀରରେ ସୁରକ୍ଷା ବଳଙ୍କୁ ବଡ ସଫଳତା। ଶୁକ୍ରବାର ଜମ୍ମୁ କାଶ୍ମୀର ପୋଲିସ୍ ୪ ଲସ୍କର ଆତଙ୍କୀଙ୍କୁ ଗିରଫ କରିଛି। ଜମ୍ମୁ କାଶ୍ମୀରରୁ କୁପୱାରା ଜିଲ୍ଲାର ହଣ୍ଡୱାରାରୁ ପୋଲିସ୍ ଏହି ୪ ଆତଙ୍କୀଙ୍କୁ ଗିରଫ କରିବାରେ ସକ୍ଷମ ହୋଇଛି। ଆତଙ୍କୀଙ୍କ ସୂଚନା ମିଳିବା ପରେ ତିନି ସ୍ଥାନରେ ଚଢାଉ କରାଯାଇ ଚାରି ଆତଙ୍କୀଙ୍କୁ ଗିରଫ କରାଯିବା ସହିତ ତିନୋଟି ଏକେ -୪୭ ରାଇଫଲ୍, ୮ଟି ଏକେ ମାଗ୍ଜିନ୍. ୩୩୨ ରାଉଣ୍ଡ ରାଇଫଲ୍ ଗୁଳି, ୧୨ଟି ହ୍ୟାଣ୍ଡ ଗ୍ରେନେଡ୍ ଏବଂ ତିନୋଟି ପିସ୍ତଲ ଜବତ କରାଯାଇଛି। ଏହି ଆତଙ୍କୀ ମାନଙ୍କୁ ସହାୟତା କରୁଥିବା ତିନି ଜଣଙ୍କୁ ଗିରଫ କରାଯାଇଛି।
ସମୀକ୍ଷା ବ୍ୟୁରୋ ଭୁବନେଶ୍ବର : ରାଜ୍ୟରେ ପଞ୍ଚମ କରୋନା ରୋଗୀଙ୍କ ଚିହ୍ନଟ ପରେ ତାଙ୍କଠାରେ ଦେଖାଯାଇଥିବା ବିଲକ୍ଷଣକୁ ନେଇ ରାଜ୍ୟସରକାର ବେଶ୍ ଚିନ୍ତାରେ ପଡିଯାଇଛନ୍ତି । ଏନେଇ ଆଜି ରାଜ୍ୟ ସରକାର ଏକ ବଡ ଘୋଷଣା କରିଛନ୍ତି । ଭୁବନେଶ୍ବରକୁ ଆଗାମୀ 48 ଘଣ୍ଟା ପାଇଁ ସମ୍ପୂର୍ଣ୍ଣ ସଟ୍ ଡାଉନ୍ ପାଇଁ ଘୋଷଣା କରିଛନ୍ତି । ଆଜି ରାତ୍ରି 8ଟାରୁ ରବିବାର ରାତ୍ରି 8ଟା ପର୍ଯ୍ୟନ୍ତ ସମ୍ପୂର୍ଣ୍ଣ ସଟ୍ ଡାଉନର ଘୋଷଣା କରିଛନ୍ତି । ତେବେ ଭୁବନେଶ୍ବର ମହାନଗର ନୁହେଁ, ଭୁବନେଶ୍ବରର ପାଶ୍ବବର୍ତ୍ତୀ ଅଞ୍ଚଳଗୁଡିକ ପାଇଁ ମଧ୍ୟ ଏହି ନିୟମ ଜାରି କରାଯାଇଛି । ତେବେ ଆସନ୍ତୁ ଜାଣିବା ଭୁବନେଶ୍ବରର କେଉଁ କେଉଁ ଅଞ୍ଚଳରେ ଏହା ଲାଗୁ କରାଯିବ । ଭୁବନେଶ୍ବର ମହାନଗର ସହ ପାଶ୍ବବର୍ତ୍ତୀ ଅଞ୍ଚଳକୁ ମଧ୍ୟ ସଟ୍ଡାଉନ୍ ପାଇଁ ଘୋଷଣା କରାଯାଇଛି । ସେହି ସବୁ ଅଞ୍ଚଳଗୁଡିକ ହେଉଛି ବାସୁଆଘାଇ, ଶିଶୁପାଳ, ଲିଙ୍ଗିପୁର, ରଣସିଂହପୁର,ମଳିପଡା, ଅନ୍ଧାରୁଆ, ଯାଆଁଳା, କଳାରାହାଙ୍ଗ,…
ନୂଆଦିଲ୍ଲୀ, ପ୍ରଧାନମନ୍ତ୍ରୀ ଆଜି ଭିଡିଓ କନଫରେନ୍ସ ଜରିଆରେ କ୍ରୀଡାବିତମାନଙ୍କ ସହ ମତ ବିନିମୟ କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ, କୋଭିଡ-19 ସମଗ୍ର ମାନବ ସମାଜ ନିମନ୍ତେ ଏକ ଘାତକ ରୂପ ଧାରଣ କରିଛି । ସେଥିପାଇଁ କ୍ରୀଡାବିତମାନେ ଲୋକମାନଙ୍କୁ ସଚେତନ କରିବା ପାଇଁ “ପାଞ୍ଚଟି-ସ” ବିଷୟ ଉପରେ ଗୁରୁତ୍ୱ ଦେବାଲାଗି ସେ ଆହ୍ୱାନ ଦେଇଛନ୍ତି। ସେଗୁଡିକ ହେଲା – ମହାମାରୀର ମୁକାବିଲା ପାଇଁ “ସଂକଳ୍ପ”, ସାମାଜିକ ଦୂରତ୍ୱ ପାଇଁ “ସଂଯମ”, ଆଶାବାଦୀ ହେବା ପାଇଁ “ସକାରାତ୍ମକତା”, କରୋନା ଭଲ କରିବା ପାଇଁ କାର୍ଯ୍ୟ କରୁଥିବା ସ୍ୱାସ୍ଥ୍ୟକର୍ମୀମାନଙ୍କୁ “ସମ୍ମାନ” ଏବଂ ପୁଲିସ କର୍ମଚାରୀଙ୍କୁ “ସହଯୋଗ”। ପ୍ରଧାନମନ୍ତ୍ରୀ କହିଲେ ଯେ, ପ୍ରଥମ ବିଶ୍ୱଯୁଦ୍ଧ ପରେ ଅଲିମ୍ପିକକୁ ସ୍ଥଗିତ କରିବା ଘଟଣାରୁ ଏହାର ଗମ୍ଭିରତା ବେଶ ଜଣାପଡୁଛି । ୱିମ୍ବଲଡନ ଏବଂ ଭାରତରେ ଆପିଏଲ କ୍ରୀଡା ଭଳି ଲୋକପ୍ରିୟ ଖେଳଗୁଡିକୁ ଏହି ମହାମାରୀର ଭୟାଭୟତାକୁ ଆଖି ଆଗରେ ରଖି ଘୁଞ୍ଚାଇ ଦିଆଯାଇଛି । ଖେଳରେ ଅସାଧାରଣ…
ବାରିପଦା, ମୟୁରଭଂଜ ଜିଲ୍ଲାର ବାରିପଦାରେ ଥିବା କଚେରୀ ବଜାରରେ ସବୁବେଳେ ଗହଳି ଚହଳି ଲାଗି ରହିଥାଏ। କରୋନା ଭାଇରସରୁ ରକ୍ଷା ପାଇବା ପାଇଁ ସେଠାରେ ଜିଲ୍ଲା ପ୍ରଶାସନ ତରଫରୁ ଲାଗୁ କରାଯାଇଛି ସାମାଜିକ ଦୂରତା।
ସମୀକ୍ଷା ବ୍ୟୁରୋ ଭୁବନେଶ୍ବର: କଟକରୁ ଷଷ୍ଠ କରୋନା ଆକ୍ରାନ୍ତ ଚିହ୍ନଟ ଖବର ଆସିଲା ପରେ କଟକ ସହରକୁ ମଧ୍ୟ ୪୮ ଘଣ୍ଟିଆ ସମ୍ପୂର୍ଣ୍ଣ ସଟ ଡାଉନ୍ର ଘୋଷଣା କରାଯାଇଛି। ରାଜ୍ୟ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ ଟ୍ବିଟ କରି ଏହି ସୂଚନା ଦେଇଛନ୍ତି। ଆଜି କିଛି ଘଣ୍ଟା ପୂର୍ବରୁ ଭୁବନେଶ୍ବର ଏବଂ ଭଦ୍ରକକୁ ସଂପୂର୍ଣ୍ଣ ସଟ ଡାଉନ୍ର ଘୋଷଣା କରାଯାଇଥିଲା। ଆଜି ରାତି ୮ଟାରୁ ରବିବାର ରାତି ୮ଟା ପର୍ଯ୍ୟନ୍ତ ଏହି ସଟ୍ ଡାଉନ୍ ଜାରି ରହିବ। ସୂଚନା ଅନୁଯାୟୀ କଟକ ସହରରୁ ପ୍ରଥମ କରୋନା ଆକ୍ରାନ୍ତ ଚିହ୍ନଟ ହେଲା ପରେ ରାଜ୍ୟ ସରକାର ଏହି ବଡ ନିଷ୍ପତ୍ତି ନେଇଛନ୍ତି। ଆକ୍ରାନ୍ତ ବ୍ୟକ୍ତି ପୂର୍ବରୁ ଦିଲ୍ଲୀ ଗସ୍ତ କରିଥିବାର ଖବର ମିଳିଛି। ତେବେ ସେ କେତେ ଜଣଙ୍କ ସଂସ୍ପର୍ଶରେ ଆସିଛନ୍ତି ତାହା ସମ୍ପର୍କରେ ଜଣାପଡିନାହିଁ ।
ସମୀକ୍ଷା ବ୍ୟୁରୋ କଟକ: ଓଡ଼ିଶାରୁ ଷଷ୍ଠ କରୋନା ଆକ୍ରାନ୍ତ ଚିହ୍ନଟ ହୋଇଛି। ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ଏହି ସୂଚନା ମିଳିଛି। ଏହି ଆକ୍ରାନ୍ତ ଜଣକ କଟକର ବୋଲି ଜଣାପଡିଛି। ଷଷ୍ଠ ପଜିଟିଭି ଜଣକ ଦିଲ୍ଲୀ ଗସ୍ତ କରିଥିବାର ସୂଚନା ରହିଛି। ପୂର୍ବରୁ ଆଉ ପାଞ୍ଚ ଜଣ ରୋଗୀ ଚିହ୍ନଟ ହୋଇଥିଲେ। ଭୁବନେଶ୍ବରରୁ ୪ ଜଣ କରୋନା ପଜିଟିଭି ଚିହ୍ନଟ ହୋଇଥିବାବେଳେ ଭଦ୍ରକରୁ ଜଣେ ଏବେ କଟକରୁ ଆଉ ଜଣେ କରୋନା ପଜିଟିଭି ଚିହ୍ନଟ ହୋଇଛନ୍ତି। ଆଜି ପ୍ରଥମ କରୋନା ରୋଗୀ ଜଣକ ସୁସ୍ଥ ହୋଇ ଡିସ୍ଚାର୍ଜ ହୋଇଥିବାବେଳେ ଦ୍ବିତୀୟ କରୋନା ରୋଗୀ ଜଣକ ପୂର୍ବରୁ ସୁସ୍ଥ ହୋଇ ଘରକୁ ପ୍ରତ୍ୟାବର୍ତ୍ତନ କରିଛନ୍ତି। ତେବେ ଭୁବନେଶ୍ବରରରୁ ଚିହ୍ନଟ ହୋଇଥିବା ପଞ୍ଚମ ରୋଗୀଙ୍କ ବିଲକ୍ଷଣ ଯୋଗୁଁ ଆଜି ରାଜ୍ୟସରକାର ଭୁବନେଶ୍ବରରେ ୪୮ ଘଣ୍ଟିଆ ସମ୍ପୂର୍ଣ୍ଣ ସଟ ଡାଉନ୍ର ଘୋଷଣା କରିଛନ୍ତି।
ରମେଶ ମହାନ୍ତି ଜଗତସିଂହପୁର: କୋଭିଡ-19 ସଂକ୍ରମଣରୁ ଜନସାଧାରଣଙ୍କୁ ପ୍ରତିହତ କରିବା ଲାଗି ଭାରତ ସରକାର 24 ମାର୍ଚ୍ଚରୁ 21 ଦିନ ପାଇଁ ସମ୍ପୂର୍ଣ୍ଣ ତାଲାବନ୍ଦ ଘୋଷଣା କରିଛନ୍ତି। ଏହି ସମୟରେ ଜନସାଧାରଣଙ୍କୁ ଘରେ ରହିବା ଉଭୟ ରାଜ୍ୟ ଏବଂ କେନ୍ଦ୍ର ସରକାର ନିବେଦନ କରିବା ସତ୍ତ୍ୱେ ଅନେକ ଲୋକ ସରକାରୀ ନିୟମକୁ ଜାଣିଶୁଣି ଉଲଂଘନ କରୁଛନ୍ତି। 2 ମାର୍ଚ୍ଚରୁ 3 ମାର୍ଚ୍ଚ ସକାଳ 8 ଟା ସୁଦ୍ଧା କୋଭିଡ-19 ସଂକ୍ରମଣ ରୋକିବାକୁ କରାଯାଇଥିବା ଲକ୍ଡାଉନ୍ ଆଇନକୁ ଅମାନ୍ୟ କରିଥିବା ଲୋକଙ୍କ ବିରୁଦ୍ଧରେ ଜଗତସିଂହପୁର ଜିଲ୍ଲାର ବିଭିନ୍ନ ଥାନା ଗୁଡିକରେ ମାମଲା ରୁଜ୍ଜୁ ହୋଇଛି। ଜିଲ୍ଲାର ଜଗତସିହପୁର ଥାନ ରେ ଦୁଇ ଜଣ ଲୋକଙ୍କୁ ଆଇପିସିର ଧାରା 188/269/270/271/34 ଅନୁଯାୟୀ କେସ ନମ୍ବର 108/20 ରେ ମାମଲା ଦାୟର କରାଯାଇ ଗିରଫ କରାଯାଇଛି। ସେହିପରି ରଘୁନାଥପୁର ଥାନାରେ ଜଣେ ଲୋକଙ୍କ ବିରୋଧରେ ଆଇପିସିର ଧାରା 188/269/270/271 ଅନୁଯାୟୀ କେସ ନମ୍ବର 49/20ରେ ମାମଲା…
ସମୀକ୍ଷା ବ୍ୟୁରୋ କେନ୍ଦୁଝର: କରୋନା ସହ ଲଢେଇ ପାଇଁ ସାରା ରାଜ୍ୟରେ ଲକ୍ ଡାଉନ୍ ଚାଲିଥିବାବେଳେ ଲୋକଙ୍କୁ ବାହାରକୁ ବାହାରିବାକୁ ବାରଣ କରାଯାଇଛି। ଏଥିପାଇଁ ରାଜ୍ୟରେ ପୋଲିସ୍ କର୍ମଚାରୀମାନେ ଏହି ନିୟମକୁ ପାଳନକୁ ବେଶ୍ କଡାକଡି କରିଛନ୍ତି। ବାହାରକୁ ନ ଆସିବାକୁ ଲୋକଙ୍କୁ ବୁଝାଇବା ସହିତ ଦରକାର ପଡ଼ିଲେ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରୁଛନ୍ତି। କିନ୍ତୁ କେନ୍ଦୁଝରର ଖାକି ବର୍ବରତା ଏବେ ଚର୍ଚ୍ଚାକୁ ଆସିଛି। ମାତ୍ରାଧିକ କାର୍ଯ୍ୟାନୁଷ୍ଠାନ କରିବା ପୋଲିସ୍ ପାଇଁ ମହଙ୍ଗା ସାବ୍ୟସ୍ତ ହୋଇଛି। ଏଥିପାଇଁ ଚାରିଜଣଙ୍କୁ ନିଲମ୍ବିତ ହେବାକୁ ପଡିଛି। ମାଡ ମାରିବା ଭିଡିଓ ଭାଇରାଲ୍ ହେବା ପରେ କେନ୍ଦୁଝର ଏସପି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ମାଡ଼ ମାରିଥିବା ପୋଲିସ୍ ଅଧିକାରୀ ଓ ତିନି ସହଯୋଗୀଙ୍କୁ ନିଲମ୍ବନ କରିଛନ୍ତି। ଏହି ନିଲମ୍ବନ ନେଇ ଟ୍ବିଟ୍ ଯୋଗେ ସୂଚନା ଦେଇଛନ୍ତି କେନ୍ଦୁଝର ଏସ୍ପି। ଏହା ସହିତ ବିଭାଗୀୟ ତଦନ୍ତ ପ୍ରକ୍ରିୟା ମଧ୍ୟ ଜାରି ରହିଥିବା ନେଇ ଏସ୍ପି ସୂଚନା ଦେଇଛନ୍ତି।…
ସମୀକ୍ଷା ବ୍ୟୁରୋ ଭୁବନେଶ୍ବର: ଦେଶରେ କରୋନା ସ୍ଥିତି ଗମ୍ଭୀର ରହିଥିବାବେଳେ ରାଜ୍ୟରେ ମଧ୍ୟ କରୋନା ରୋଗୀଙ୍କ ସଂଖ୍ୟା ବଢିଛି। ଆଜି ଏନେଇ ରାଜ୍ୟ ସରକାର ବଡ ଘୋଷଣା କରିଛନ୍ତି। ଆଜି ରାତି ୮ଟାରୁ ରବିବାର ଦିନ ରାତ୍ରି ୮ଟା ପର୍ଯ୍ୟନ୍ତ ସମ୍ପୂର୍ଣ୍ଣ ସଟ୍ ଡାଉନ୍ ରହିବ ଭୁବନେଶ୍ବର। ପଞ୍ଚମ କରୋନା ରୋଗୀ ଚିହ୍ନଟ ହେବା ପରେ ରାଜ୍ୟ ସରକାର ଏପରି ଏକ ନିଷ୍ପତ୍ତି ନେଇଛନ୍ତି। ପଞ୍ଚମ କରୋନା ରୋଗୀଙ୍କ କୌଣସି ଟ୍ରାଭେଲ୍ ହିଷ୍ଟ୍ରି ନଥିବା ସତ୍ତ୍ବେ ସେ କରୋନା ସଂକ୍ରମିତ ହେବା ପରେ ଏହା ଏବେ ଓଡ଼ିଶା ପାଇଁ ଚ୍ୟାଲେଞ୍ଜ ପାଲଟି ଯାଇଛି। କେବଳ ଭୁବନେଶ୍ବର ନୁହେଁ ଭଦ୍ରକରେ ମଧ୍ୟ ସମ୍ପୂର୍ଣ୍ଣ ୪୮ଘଣ୍ଟା ପାଇଁ ସମ୍ପୂର୍ଣ୍ଣ ଡାଉନ୍ କରାଯିବ। ଏହି ସଟ୍ ଡାଉନ୍ କାଳରେ ସମସ୍ତ ପୁରୁଣା ପାସ୍ ବନ୍ଦ ରହିବ। ଏନେଇ ଆଜି ପ୍ରେସ ମିଟ୍ରେ ଘୋଷଣା କରିଛନ୍ତି ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ। ଏହି ସମୟରେ କ୍ଷୀର,…