Author: Samikhsya Bureau

NITI Aayog Index 2026: ନୀତି ଆୟୋଗଙ୍କ ଦ୍ୱାରା ପ୍ରଥମ ଥର ପାଇଁ ପ୍ରକାଶିତ ‘ଇନଭେଷ୍ଟମେଣ୍ଟ ଫ୍ରେଣ୍ଡଲିନେସ୍ ଇଣ୍ଡେକ୍ସ (IFI) ୨୦୨୬’ରେ ଓଡ଼ିଶା ଦେଶର ଶୀର୍ଷ ୫ଟି ରାଜ୍ୟ ମଧ୍ୟରେ ସ୍ଥାନ ପାଇବା ପରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଓଡ଼ିଶାବାସୀ, ସମସ୍ତ ସରକାରୀ ବିଭାଗ, ଶିଳ୍ପ ସହଯୋଗୀ, ଉଦ୍ୟୋଗୀ, ନିବେଶକ ଏବଂ ସରକାରୀ କର୍ମଚାରୀମାନଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ସଫଳତାକୁ ଓଡ଼ିଶାର ବିକାଶ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ଭାବେ ବର୍ଣ୍ଣନା କରି ମୁଖ୍ୟମନ୍ତ୍ରୀ କହିଛନ୍ତି ଯେ, ଏହି ମାନ୍ୟତା ରାଜ୍ୟର ସ୍ୱଚ୍ଛ ଶାସନ, ନୀତିଗତ ସଂସ୍କାର, ନିବେଶକ-ଅନୁକୂଳ ପ୍ରଶାସନ ଏବଂ ସ୍ଥାୟୀ ଶିଳ୍ପ ବିକାଶ ପ୍ରତି ଆମର ଦୃଢ଼ ପ୍ରତିବଦ୍ଧତାକୁ ଦର୍ଶାଉଛି। ଏହାଦ୍ୱାରା ୨୦୩୬ ସୁଦ୍ଧା ସମୃଦ୍ଧ ଓଡ଼ିଶା ଗଠନ ପାଇଁ ଆମର ସଂକଳ୍ପ ଆହୁରି ସୁଦୃଢ଼ ହୋଇଛି । ମୁଖ୍ୟମନ୍ତ୍ରୀ କହିଛନ୍ତି, “ସବୁଠାରୁ ନିବେଶ-ଅନୁକୂଳ ଶୀର୍ଷ ୫ଟି ରାଜ୍ୟ ମଧ୍ୟରେ ଓଡ଼ିଶାର ସ୍ଥାନ ପ୍ରତ୍ୟେକ ଓଡ଼ିଆଙ୍କ…

ଭୁବନେଶ୍ୱର: ଚଳିତ ଆର୍ଥକ ବର୍ଷ ଶେଷ ସୁଦ୍ଧା ଭାରତର ଋଣ ପରିମାଣ ୨୧୮ଲକ୍ଷ କୋଟି ଟଙ୍କାରୁ ଅଧିକ ହେବ ବୋଲି କେନ୍ଦ୍ର ସରକାର ୨୦୨୬-୨୭ର ବଜେଟ୍‍ରେ ଅନୁମାନ କରିଛନ୍ତି। ତେବେ ଗତ ମାର୍ଚ୍ଚ ଶେଷ ସୁଦ୍ଧା ଦେଶର ଋଣ ପରିମାଣ ୨୦୧ଲକ୍ଷ କୋଟି ଟଙ୍କାରୁ ଅଧିକ ରହିଛି । ରାଜ୍ୟସଭାରେ ସାଂସଦ ଦିଲ୍ଲୀପ ରାୟଙ୍କ ଏକ ପ୍ରଶ୍ନର ଉତ୍ତରରେ ଅର୍ଥ ବିଭାଗ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ଦେଇଥିବା ତଥ୍ୟରୁ ଏହା ଜଣାପଡିଛି । କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପ୍ରଦାନ କରିଥିବା ସୂଚନା ମୁତାବକ ୨୦୨୫-୨୬ ଆର୍ôଥକ ବର୍ଷ ଶେଷ ସୁଦ୍ଧା ଭାରତର ଋଣବୋଝ ୨୦୧.୧୭ଲକ୍ଷ କୋଟି ଟଙ୍କା ଥିଲା। ଏହି ସମୟ ବେଳକୁ ବିଦେଶୀ ଋଣ ପରିମାଣ ୯.୮୯ଲକ୍ଷ କୋଟି ଟଙ୍କା ରହିଥିଲା । ତେବେ ୨୦୨୬-୨୭ ବର୍ଷ ଶେଷସୁଦ୍ଧା ଦେଶର ଋଣ ବୋଝ ୨୧୮.୬୩ଲକ୍ଷ କୋଟି ଟଙ୍କାରେ ପହଞ୍ôଚବା ଘେନି ବଜେଟ୍‍ରେ ଅନୁମାନ କରାଯାଇଛି। ବର୍ଷଶେଷ ସୁଦ୍ଧା ଦେଶର ବୈଦେଶିକ…

ଭୁବନେଶ୍ବର: ରଥଯାତ୍ରା ଉପଲକ୍ଷେ ଗୁରୁ କେଳୁଚରଣ ମହାପାତ୍ର ଓଡିଶୀ ଗବେଷଣା କେନ୍ଦ୍ର ତରଫରୁ ଆୟୋଜିତ ଗୁହାରି କାର୍ଯ୍ୟକ୍ରମର ଆଜି ଥିଲା ଦ୍ବିତୀୟ ସଂଧ୍ୟା। ଆଜିର ଏହି କାର୍ଯ୍ୟକ୍ରମରେ କଣ୍ଠଶିଳ୍ପୀମାନେ ସଂଗୀତ ମାଧ୍ୟମରେ ଜଗନ୍ନାଥଙ୍କୁ ଗୁହାରି କରିବା ପରିବେଶ ବେଶ ଭକ୍ତିମୟ ହୋଇଥିଲା। କଣ୍ଠଶିଳ୍ପୀମାନେ ପାରଂପାରିକ ରଚନା ସହିତ ଆଧୁନିକ ଭଜନ ଓ ଜଣାଣ ପରିବେଷଣ କରିଥିଲେ। ଦ୍ବିତୀୟ ସଂଧ୍ୟାରେ ଯେଉଁମାନେ ସଂଗୀତ ପରିବେଷଣ କରିଥିଲେ ସେମାନେ ହେଲେ ଆଶାଲତା ଷଡଙ୍ଗୀ, ପ୍ରଫୁଲ ଚନ୍ଦ୍ର ବେହେରା, ହରପ୍ରିୟା ସ୍ବାଇଁ, ବିଶ୍ବନାଥ ମିଶ୍ର, ମନ୍ଦାକିନୀ ଶ୍ରେୟା, ଶରତ ବାରିକ, ଲିପସା ମହାପାତ୍ର, ଶିବ ଶଙ୍କର ଷଡଙ୍ଗୀ ଏବଂ ସସ୍ମିତା ଗୁରୁ। ଲଗାତର ଗୋଟିଏ ପରେ ଗୋଟିଏ, ବିନା ବାଧାରେ ସଂଗୀତ ପରିବେଷଣ କରାଯିବା ଦର୍ଶକଙ୍କୁ ବେଶ ମନମୁଗ୍ଧ କରିଥିଲା। ରବିନ୍ଦ୍ର ମଣ୍ଡପରେ ଆୟୋଜିତ ଏହି କାର୍ଯ୍ୟକ୍ରମରେ ସଂଗୀତ ସହିତ ଚିତ୍ରକଳା ପ୍ରଦର୍ଶନୀର ମଧ୍ୟ ଆୟୋଜନ କରାଯାଇଛି। ମଣ୍ଡପ ବାହାରେ ହୋଇଥିବା ଏହି ପ୍ରଦର୍ଶନୀରେ ଜଗନ୍ନାଥଙ୍କ…

ବାଲୁଗାଁ: ଆଜି ଖୋର୍ଦ୍ଧା ଜିଲ୍ଲା ବାଲୁଗାଁ ଠାରେ ଏକ ନୂଆ ସିନେମା ହଲ ଜଗଦମ୍ବାର ଶୁଭ ଉଦଘାଟନ ହୋଇଯାଇଛି। ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଏଥିରେ ଯୋଗଦେଇ ସିନେମା ହଲର ଉଦଘାଟନ କରିଛନ୍ତି। ଏହି ଉତ୍ସବରେ ହଲ୍ ର ମାଲିକ ଅନଙ୍ଗ ବିଶ୍ବାଳ ମଧ୍ୟ ଉପସ୍ଥିତ ଥିଲେ। ଏହି ଉଦଘାଟନ ଅବସରରେ ଏକ କ୍ଷୁଦ୍ର ପୌରାଣିକ ଚଳଚିତ୍ର ‘ନୃସିଂହ’ ପ୍ରଦର୍ଶିତ କରାଯାଇଥିଲା। ଯାହା ମନ୍ତ୍ରୀ ନିଜେ ଦେଖିବା ସହିତ ହଲର ସୁବ୍ୟବସ୍ଥା ପାଇଁ ଖୁସି ପ୍ରକଟ କରିଥିଲେ। ଏହି ପ୍ରେକ୍ଷାଳୟଟି ବାଲୁଗାଁ ଗାନ୍ଧୀଛକଠାରୁ ଅଳ୍ପ ଦୂରରେ ଥିବା ଷ୍ଟାଇଲ ବଜାର ନିକଟରେ ନିର୍ମାଣ କରାଯାଇଛି। ଏଥିରେ ସମସ୍ତ ଅତ୍ୟାଧୁନିକ ଟେକନିକ୍ ପ୍ରୟୋଗ କରାଯାଇ ଦର୍ଶକଙ୍କ ମନୋରଂଜନ ଯୋଗାଇବା ପରି କରାଯାଇଛି। ଏହି ହଲ ରେ ରହିଛି ଶହେ ସତୁରିଟି ଆସନ। ଏଥିସହିତ ଅତ୍ୟାଧୁନିକ ଶୀତତାପ ନିୟନ୍ତ୍ରିତ, ଅନଲାଇନ ଟିକେଟ ବୁକିଂ ପରି ବ୍ୟବସ୍ଥା କରାଯାଇଛି। ସେହିପରି ହଲରେ ଫୁଡ କୋର୍ଟର ବ୍ୟବସ୍ଥା ମଧ୍ୟ…

ଭୁବନେଶ୍ବର: ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ର ପକ୍ଷରୁ ଆୟୋଜିତ ହେଉଛି ଭକ୍ତି ସଙ୍ଗୀତ କାର୍ଯ୍ୟକ୍ରମ “ଗୁହାରି”। ଜୁଲାଇ ୧୮ ତାରିଖରୁ ୨୦ ତାରିଖ ପର୍ଯ୍ୟନ୍ତ ତିନିଦିନ ଧରି ଏହି କାର୍ଯ୍ୟକ୍ରମ ରବୀନ୍ଦ୍ର ମଣ୍ଡପ ଠାରେ ଅନୁଷ୍ଠିତ ହେବ। ଆଜିର ଉଦ୍‌ଘାଟନୀ ସନ୍ଧ୍ୟାରେ ବିଧାୟକ ଏକାମ୍ର ଶ୍ରୀ ବାବୁ ସିଂ, ବିଧାୟକ କୋରେଇ ଶ୍ରୀ ଆକାଶ ଦାସ ନାୟକ, ସଙ୍ଗୀତଜ୍ଞ ଗୁରୁ ରାମହରି ଦାସ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ସଚିବ ଡ଼. ବିଜୟ କେତନ ଉପାଧ୍ୟାୟ ପ୍ରମୁଖ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦ୍‌ଘାଟନ କରିଥିଲେ। ବଡ଼ ଠାକୁର ଶ୍ରୀ ବଳଭଦ୍ର, ମା’ ସୁଭଦ୍ରା ଓ ମହାପ୍ରଭୁ ଶ୍ରୀ ଜଗନ୍ନାଥଙ୍କ ପାଦପଦ୍ମରେ ସଙ୍ଗୀତ ଓ ଜଣାଣ ମାଧ୍ୟମରେ ଭକ୍ତିର ଅର୍ଘ୍ୟ ଅର୍ପଣ କରିବା ହେଉଛି “ଗୁହାରି” କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ। ଆଜିର ଉଦ୍‌ଘାଟନୀ…

ଭୁବନେଶ୍ୱର: ଟାଇମପାସ ପ୍ରକାଶନ ପକ୍ଷରୁ ସ୍ଥାନୀୟ ବୁଦ୍ଧମନ୍ଦିର ସଭାଗୃହରେ ଆୟୋଜିତ ଏକ ସ୍ୱତନ୍ତ୍ର ପୁସ୍ତକପର୍ବରେ ଲୋକାର୍ପିତ ହୋଇଯାଇଛି ବିଶିଷ୍ଟ ଲେଖକ ଡକ୍ଟର ବିବୁଧରଞ୍ଜନଙ୍କ ୫୬ଟି ପୁସ୍ତକକୁ ନେଇ ୧୨ଖଣ୍ଡ ଗ୍ରନ୍ଥାବଳୀ। ମୁଖ୍ୟ ଅତିଥି ଭାବେ ଯୋଗଦେଇ ରାଜ୍ୟ ସୂଚନା କମିଶନର ତଥା ଅବସରପ୍ରାପ୍ତ ବରିଷ୍ଠ ଆଇ.ପି.ଏସ. ଅଧିକାରୀ ପ୍ରାଣବିନ୍ଦୁ ଆଚାର୍ଯ୍ୟ କହିଥିଲେ ଯେ ନିର୍ଭୀକ, ସ୍ପଷ୍ଟ ଏବଂ ସମାଜର ତଥାକଥିତ ବଡ଼ଲୋକଙ୍କ ଔଦ୍ଧତ୍ୟ ବିରୁଦ୍ଧରେ ବିବୁଧରଞ୍ଜନଙ୍କ ବାର୍ତ୍ତା ଖୁବ୍ ଶାଣିତ। ଏଥିସହିତ ଆଧ୍ୟାତ୍ମିକତାର ସୁଗନ୍ଧ ଭିନ୍ନ ରାସ୍ତାରେ ଚାଲିବାର ଆହ୍ୱାନ ମଧ୍ୟ ତାଙ୍କ ଲେଖାରେ ଥାଏ। ବିଶିଷ୍ଟ କଥାକାର ତଥା ଭାଷା ସାହିତ୍ୟ ଓ ସଂସ୍କୃତି ବିଭାଗର ସ୍ୱତନ୍ତ୍ର ଶାସନସଚିବ ଦେବପ୍ରସାଦ ଦାଶ ମୁଖ୍ୟବକ୍ତା ଭାବେ ଯୋଗଦେଇ ଲେଖକଙ୍କ ସାହସିକ ଉଦ୍ୟମର ଭୂୟସୀ ପ୍ରଶଂସା କରି କହିଥିଲେ ଯେ ବ୍ୟକ୍ତିଗତ ଭାବେ ଲେଖକ କୋମଳ ହୃଦୟର ହୋଇଥିଲେ ବି ସାମାଜିକ ବ୍ୟବସ୍ଥା ପ୍ରତି ସେ ସବୁବେଳେ ଖୁବ୍ ରୁକ୍ଷ। ଜଣେ ସଶକ୍ତ…

ବାଲୁଗାଁ: ଓଡିଆ ଚଳଚିତ୍ର ଜଗତ ପାଇଁ ଏକ ଖୁସି ଖବର। ବର୍ତ୍ତମାନ ଓଡିଶାରେ ସିନେମା ହଲର ଅଭାବ ଦେଖାଯାଇଥିବା ବେଳେ ଖୋର୍ଦ୍ଧା ଜିଲ୍ଲା ବାଲୁଗାଁରେ ଉଦଘାଟିତ ହେବାକୁ ଯାଇଛି ଏକ ନୂଆ ସିନେମା ହଲ। ଯାହାର ନାମ ରଖାଯାଇଛି ଜଗଦମ୍ବା ସିନେମା। ଏହି ନୂଆ ସିନେମା ହଲକୁ ଆସନ୍ତାକାଲି ରବିବାର 19 ତାରିଖରେ ଉଦଘାଟନ କରିବେ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ। ଏହି ପ୍ରେକ୍ଷାଳୟକୁ ବେଶ ଆଧୁନିକତା ସ୍ପର୍ଶରେ ନିର୍ମାଣ କରାଯାଇଛି। ଉଚ୍ଚମାନର ସାଉଣ୍ଡ ସିଷ୍ଟମ ସହିତ ସାଟେଲାଇଟ ମାଧ୍ୟମରେ ଚଳଚିତ୍ର ପ୍ରଦର୍ଶିତ କରାଯିବ। ଏହି ହଲରେ ଶହେ ସତୁରି ଆସନ ବିଶିଷ୍ଠ କରାଯାଇଛି। ଏଥିସହିତ ଦର୍ଶକମାନଙ୍କ ପାଇଁ ଆରାମରେ ବସି ଚଳଚିତ୍ର ଦେଖିବା ପାଇଁ ସମସ୍ତ ବ୍ୟବସ୍ଥା କରାଯାଇଛି। ଦର୍ଶକମାନେ ବୁକ ମାଇଁ ସୋ ମାଧ୍ୟମରେ ଟିକେଟ କାଟିବେ ବୋଲି କହିଛନ୍ତି ଏହି ହଲର ମାଲିକ ଶ୍ରୀଯୁକ୍ତ ଅନଙ୍ଗ ବିଶ୍ବାଳ। ବାଲୁଗାଁରେ ଏହି ବିଶ୍ବାଳ ପରିବାର ତରଫରୁ ଅଶିଦଶକରେ ଚଳଚିତ୍ର ପ୍ରେକ୍ଷାଳୟ…

ଭୁବନେଶ୍ବର: ବର୍ତ୍ତମାନ ସାରା ବିଶ୍ବ ହୋଇଯାଇଛି ଜଗନ୍ନାଥମୟ। କାରଣ ହେଲା ଗତକାଲି ପ୍ରଭୃ ଦଗନ୍ନାଥ ବଳଭଦ୍ର ଏବଂ ମା ସୁଭଦ୍ରା ରତ୍ନସିଂହାସନ ଛାଡି ଜନ୍ମବେଦୀକୁ ଯାତ୍ରା କରିଛନ୍ତି। ଏହିପରି ଏକ ଭାବମୟ ପରିବେଷ ମଧ୍ୟରେ ଓଡିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ତରଫରୁ ଶନିବାରଠାରୁ ଆରମ୍ଭ ହେଉଛି ସଂଗୀୟ ଉତ୍ସବ-ଗୁହାରି। ଏହି ଉତ୍ସବ ଭୁବନେଶ୍ବର ରବିନ୍ଦ୍ର ମଣ୍ଡପରେ ତିନିଦିନ ଧରି ଚାଲିବ। ଏହି ଉତ୍ସବରେ ଗୁରୁ ରାମହରି ଦାସ,ମିନାକ୍ଷୀ ରଥ, ଆଶାଲତା ଷଡଙ୍ଗୀ, ପ୍ରଫୁଲ ଚନ୍ଦ୍ର ବେହେରା, ଶରତ ବାରିକ ପ୍ରମୁଖ ବହୁ କଳାକାର ସଂଗୀତ ପରିବେଷଣ କରିବେ। ତିନିଦିନିଆ ଏହି ଉତ୍ସବରେ ପ୍ରତ୍ୟେକ ଦିନ ଦଶ ଜଣ କଣ୍ଠଶିଳ୍ପୀ ସେମାନଙ୍କ ସଂଗୀତ ମାଧ୍ୟମରେ ଜଗନ୍ନାଥଙ୍କୁ ଗୁହାରି କରିବେ। ଏହି କାର୍ଯ୍ୟକ୍ରମକୁ ଗୁରୁ କେଳୁ ଚରଣ ମହାପାତ୍ର ଓଡିଶୀ ଗବେଷଣା କେନ୍ଦ୍ରର ମୁଖ୍ୟ ନିର୍ବାହୀ ସୁଚିସ୍ମିତା ମନ୍ତ୍ରୀ ପରିଚାଳନା କରୁଛନ୍ତି।

ପୁରୀ: ଆଜି ମଧ୍ୟାହ୍ନରେ ଗୁଣ୍ଡିଚା ମନ୍ଦିର ଆଗରେ ପହଞ୍ଚିଲା ତିନି ରଥ। ଆଜି ଦିନ ତମାମ ସେହି ଶରଧା ବାଲିରେ ଥିବା ତିନି ରଥରେ ତିନିଠାକୁରଙ୍କ ନୀତି ଅନୁଷ୍ଠିତ ହେବ। ଆସନ୍ତାକାଲି ଶନିବାର ଦିନ ତିନିଠାକୁର ନିଜ ଜନ୍ମବେଦୀକୁ ବିଜେ କରିବେ। ପୂର୍ବ ନିର୍ଦ୍ଧାରିତ ଅନୁସାରେ ଆଜି ସକାଳ ନଅଟା ପରେ ରଥଟଣା ପୁଣି ଆରମ୍ଭ ହୋଇଥିଲା। ପ୍ରଥମେ ପ୍ରଭୃ ବଳଭଦ୍ରଙ୍କ ରଥକୁ ଭକ୍ତମାନେ ଟାଣିଟାଣି ନେଇଥିଲେ। ଏହାପରେ ମା ସୁଭଦ୍ରା ଏବଂ ଶେଷରେ ପ୍ରଭୃ ଜଗନ୍ନାଥଙ୍କ ରଥ ଗୁଣ୍ଡିଚା ମନ୍ଦିରରେ ଲାଗିଥିଲା। ଗତକାଲି ରାତି ହୋଇଯିବାରୁ ମହାପ୍ରଭୃଙ୍କ ରଥ ଟଣା ଯାଇପାରି ନ ଥିଲା। ଫଳରେ ତିନି ରଥ ବାଟରେ ଅଟକି ରହିଥିବା ବେଳେ ପ୍ରଭୃ ଜଗନ୍ନାଥଙ୍କ ନନ୍ଦିଘୋଷ ରଥ ସିଂହଦ୍ବାରର ଅଳ୍ପ ଦୂର ଗଡିବା ପରେ ଅଟକି ଯାଇଥିଲା। ରାତି ହେବା ପରେ ରଥଟଣା ବନ୍ଦ କରାଯାଇଥିଲା। ଫଳରେ ଆଜି ସେହି ରଥଟଣା ଆରମ୍ଭ କରାଯାଇଥିଲା। ଗତକାଲି ପରି…

Reliance Digital: ଓଡ଼ିଶାର ସବୁଠାରୁ ବଡ଼ ପର୍ବର ଆରମ୍ଭକୁ ନଜରରେ ରଖି ବୁଧବାର ଦିନ ରିଲାଏନ୍ସ ଡିଜିଟାଲ୍ ପକ୍ଷରୁ ଭୁବନେଶ୍ୱରର ଏସପ୍ଲାନେଡ୍ ମଲ୍ ଷ୍ଟୋରରେ ଏକ ସ୍ପେଶାଲ ‘ରଥଯାତ୍ରା ଫେଷ୍ଟିଭ୍ ଅଫର’ର ଶୁଭାରମ୍ଭ କରାଯାଇଛି । ଏହି ପାର୍ବଣ ଋତୁରେ ରାଜ୍ୟର ସମସ୍ତ ରିଲାଏନ୍ସ ଡିଜିଟାଲ୍ ଷ୍ଟୋରରେ ଉପଲବ୍ଧ ହେବାକୁ ଥିବା ଅନେକ ସ୍ପେଶାଲ ଅଫର ଏବଂ ଗ୍ରାହକ-କେନ୍ଦ୍ରିତ ଲାଭ ବିଷୟରେ ଏଠାରେ ଘୋଷଣା କରାଯାଇଛି। ମହାପ୍ରଭୁ ଶ୍ରୀଜଗନ୍ନାଥଙ୍କ ବାର୍ଷିକ ରଥଯାତ୍ରା କେବଳ ଓଡ଼ିଶାର ସବୁଠାରୁ ବଡ଼ ସାଂସ୍କୃତିକ ଓ ଆଧ୍ୟାତ୍ମିକ ପର୍ବ ନୁହେଁ, ବରଂ ଏହା ଏକ ଶୁଭ ସମୟ ମଧ୍ୟ ଯେତେବେଳେ ପରିବାର ଲୋକେ ପରମ୍ପରା ଅନୁଯାୟୀ ଘରକରଣା ସାମଗ୍ରୀ, ଇଲେକ୍ଟ୍ରୋନିକ୍ସ ଏବଂ ନୂଆ ଗ୍ୟାଜେଟ୍ କିଣିଥାନ୍ତି । ଏହି ପୁରୁଣା ପରମ୍ପରାକୁ ଆଖିରେ ରଖି, ଓଡ଼ିଶାର ଗ୍ରାହକମାନଙ୍କ ପାଇଁ ନୂଆ ଏବଂ ଆଧୁନିକ ଟେକ୍ନୋଲୋଜିକୁ ଅତି ସହଜ ଓ ଶସ୍ତାରେ ଉପଲବ୍ଧ କରାଇବା ଉଦ୍ଦେଶ୍ୟରେ ରିଲାଏନ୍ସ ଡିଜିଟାଲ୍…

ପୁରୀ: ଆଜି ଏକ ଘଣ୍ଟା ବିଳମ୍ବରେ ଆରମ୍ଭ ହୋଇଥିଲା ରଥଟଣା। ଫଳରେ ରାତି ହୋଇଯିବାରୁ ନିୟମ ଅନୁସାରେ ରଥଟଣା ବନ୍ଦ କରାଯାଇଛି। ବର୍ତ୍ତମାନ ବଳଭଦ୍ରଙ୍କ ରଥ ତାଳଧ୍ବଜ ମାର୍କେଟ ଛକ, ସୁଭଦ୍ରାଙ୍କ ଦର୍ପଦଳନ  ମରିଚିକୋଟ ଛକରେ ଅଟକି ରହିଛି। ପ୍ରଭୃ ଜଗନ୍ନାଥଙ୍କ ନନ୍ଦିଘୋଷ ରଥ ସିଂହଦ୍ବାରରୁ ଅଳ୍ପ ଦୂର ଟଣା ହେବାପରେ ସେହିଠାରେ ଅଟକି ରହିଛି। ଆଜି ସନ୍ଧ୍ୟା ୫ଟାରୁ ଆରମ୍ଭ ହୋଇଥିବା ରଥଟଣା କାର୍ଯ୍ୟ ରାତି ପ୍ରାୟ ୭ଟା ୨୫ରେ ବନ୍ଦ କରାଯାଇଛି। ଶ୍ରୀମନ୍ଦିର ପ୍ରଶାସନ ସୂଚନା ଅନୁସାରେ ଆସନ୍ତାକାଲି ସକାଳ ନଅ ଟା ତିରିଶିରେ ପୁଣି ରଥଟଣା ହେବ। ସେଥିପାଇଁ ସମସ୍ତ ପ୍ରସ୍ତୁତି ପ୍ରଶାସନ ତରଫରୁ କରାଯାଇଛି। ଆଜି ପୁରୀରେ ବର୍ଷା ସତ୍ବେ ଲକ୍ଷାଧିକ ଭକ୍ତଙ୍କ ସମାଗମ ହୋଇଥିଲା। ପ୍ରଭୃଙ୍କ ରଥଟାଣିବା ପାଇଁ ବହୁ ସମୟ ଧରି ଭକ୍ତମାନେ ଅପେକ୍ଷା କରିଥିଲେ। ସକାଳୁ ତିନିଠାକୁରଙ୍କ ପହଣ୍ଡି ବିଜେ କରାଯାଇ ରଥାଋଢ କରାଯାଇଥିଲା। ପ୍ରଥମେ ସୁଦର୍ଶନ ରଥରେ ବିଜେ କରିଥିଲେ। ଏହାପରେ…

ପୁରୀ: ଆଜି ପୁରୀ ରଥଯାତ୍ରାରେ ପ୍ରବଳ ଭିଡ ପରିଲକ୍ଷିତ ହୋଇଛି। ବର୍ଷା ସତ୍ବେ ଲକ୍ଷାଧିକ ଭକ୍ତଙ୍କର ସମାଗମ ଦେଖିବାକୁ ମିଳିଥିଲା। ଫଳରେ ଏହି ଭିଡ ଭିତରେ ଜଣେ ଅଣନିଶ୍ବାସୀ ହୋଇ ମୃତ୍ୟୁବରଣ କରିଥିବାର ଜଣାପଡିଛି। ତେବେ ଆଉ ଜଣେ ଅସୁସ୍ଥ ହୋଇପଡିଥିବାର ମଧ୍ୟ ଖବର ଆସିଛି। ଘଟଣାରୁ ଜଣାପଡିଛି ଯେ, ରଥ ପାଖରେ ଭକ୍ତମାନଙ୍କ ପ୍ରବଳ ଭିଡ ପରିଲକ୍ଷିତ ହୋଇଥିଲା। ସେଠାରେ ଠେଲାପେଲା ଆରମ୍ଭ ହୋଇଯାଇଥିଲା। ଏହି ଭିତରେ ଜଣେ ଭକ୍ତ ତଳେ ପଡିଯିବାରୁ ଅନ୍ୟମାନେ ତାଙ୍କ ଉପରେ ଚଢିଯାଇଥିଲେ। ଫଳରେ ତାଙ୍କୁ ସେଚ୍ଛାସେବୀଙ୍କ ମାଧ୍ୟମରେ ହସପିଟାଲରେ ଭର୍ତ୍ତି କରାଯାଇଥିଲା। ହେଲେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ତେବେ ସେଠାରେ ଶତାଧିକ ଅଣନିଶ୍ବାସୀ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିବାର ଜଣାପଡିଛି। ଏହାପରେ ପ୍ରଶାସନ ତରଫରୁ ଭକ୍ତମାନଙ୍କୁ ନିୟନ୍ତ୍ରିତ ଭାବେ ଯିବା ପାଇଁ ପଦକ୍ଷେପ ଗ୍ରହଣ କରାଯାଇଥିଲା। ସେଠାରେ ଅଧିକ ଫୋର୍ସ ମୁତୟନ କରାଯାଇଥିଲା।

ପୁରୀ: ଘିଡିଘିଡି ନାଦରେ ଆରମ୍ଭ ହୋଇଛି ରଥଟଣା। ସିଂହଦ୍ବାରର ପ୍ରଥମ ବଡ ଭାଇ ବଳଭଦ୍ରଙ୍କ ରଥ ପ୍ରାୟ ଅପରାହ୍ନ 5ଟା ପରେ ଟଣାଯାଇଥିଲା। ଏହାପରେ ମା ସୁଭଦ୍ରାଙ୍କ ରଥ ଭିଡାଯାଇଥିଲା। ତେବେ ଆଜିର ରଥଟଣା ପ୍ରାୟ ଏକ ଘଣ୍ଟା ବିଳମ୍ବରେ ଆରମ୍ଭ ହୋଇଥିଲା। ପୂର୍ବ ନିର୍ଦ୍ଧାରିତ ସମୟର ଅପରାହ୍ନ 4ଟାରେ ଆରମ୍ଭ ହେବାର ଥିଲା। ହେଲେ ତାହା ଘଣ୍ଟେ ବିଳମ୍ବରେ ଆରମ୍ଭ ହୋଇଥିଲା। ଆଜି ସକାଳୁ ଶ୍ରୀଜୀୟୁଙ୍କ ଯଥାରିତିରେ ଆରମ୍ଭ ହୋଇଥିଲା ନୀତିକାନ୍ତି। ଏହାପରେ ପ୍ରଭୃଙ୍କ ପହଣ୍ଡି ବିଜେ କରାଯାଇଥିଲା। ଆଗପଛ ହୋଇ ତିନିଠାକୁର ରଥରେ ଉପବିତ ହୋଇଥିଲେ। ଏହାପରେ ଛେରାପହଁରା କରାଯାଇଥିଲା। ହେଲେ ସେସବୁ ନୀତିକାନ୍ତି କରିବା ଭିତରେ ଘଣ୍ଟାଏ ବିଳମ୍ବ ହୋଇଯାଇଥିଲା। ଗତକାଲିଠାରୁ ପୁରୀରେ ପ୍ରବଳ ବର୍ଷା ହୋଇଛି। ଆଜି ସକାଳୁ ମଧ୍ୟ ବର୍ଷା ଲାଗି ରହିଛି। ସେଥିରେ ମଧ୍ୟ ବଡଦାଣ୍ଡରେ ପ୍ରବଳ ଜନସମାଗମ ହୋଇଛି। ଭକ୍ତମାନେ ଛତା ଧରି ରଥଟାଣିବା ପାଇଁ ଅପେକ୍ଷା କରି ରହିଥିଲେ। ବର୍ଷାପାଇଁ…

ସିଏସଏମ୍ ଟେକ୍ ର ସଫଳତା: ଉଦୀୟମାନ ଅର୍ଥନୀତିମାନଙ୍କ ପାଇଁ ଡିଜିଟାଲ୍ ପବ୍ଲିକ୍ ଇନଫ୍ରାଷ୍ଟ୍ରକ୍ଚର (DPI) ସମାଧାନ ପ୍ରଦାନ କରୁଥିବା ଅଗ୍ରଣୀ ଗଭ୍‌ଟେକ୍ କମ୍ପାନି ସିଏସଏମ୍ ଟେକ୍ନୋଲୋଜିଜ୍ ଲିମିଟେଡ୍ (NSE: CSM | BSE: 544806) ମାଲାୱିର ପବ୍ଲିକ୍ ପ୍ରାଇଭେଟ୍ ପାର୍ଟନରଶିପ୍ କମିଶନ୍ (PPPC) ଠାରୁ ଏକ ଗୁରୁତ୍ୱପୂର୍ଣ୍ଣ ଆନ୍ତର୍ଜାତିକ କାର୍ଯ୍ୟାଦେଶ ହାସଲ କରିଛି। କମ୍ପାନିର କେନିଆସ୍ଥିତ ସମ୍ପୂର୍ଣ୍ଣ ମାଲିକାନାଭୁକ୍ତ ସହଯୋଗୀ ସଂସ୍ଥା ସିଏସଏମ୍ ଟେକ୍ ଲିମିଟେଡ୍ ମାଧ୍ୟମରେ ଏହି କାର୍ଯ୍ୟ ମିଳିଛି। ଏହି ପ୍ରକଳ୍ପ ଅଧୀନରେ ଡିଜିଟାଲ୍ ମାଲାୱି ଆକ୍ସେଲେରେସନ୍ ପ୍ରକଳ୍ପ (DMAP) ପାଇଁ ଏକ ଇଲେକ୍ଟ୍ରୋନିକ୍ ଅକ୍ସନିଂ ପ୍ଲାଟଫର୍ମ (EAP) ର ଡିଜାଇନ୍, ବିକାଶ ଏବଂ କମିଶନିଂ କରାଯିବ। ଇଣ୍ଟରନ୍ୟାସନାଲ୍ ଡେଭେଲପମେଣ୍ଟ ଆସୋସିଏସନ୍ (IDA) ମାଧ୍ୟମରେ ବିଶ୍ୱ ବ୍ୟାଙ୍କ ପୋଷିତ ଏହି ପ୍ରକଳ୍ପର ମୂଲ୍ୟ 3.208 କୋଟି ଟଙ୍କା (INR 32.08 million)। ଏହା ସିଏସଏମ୍ ଟେକ୍ନୋଲୋଜିଜ୍‌ର ବିଶ୍ୱସ୍ତରୀୟ ଉପସ୍ଥିତିକୁ ଆହୁରି ସୁଦୃଢ଼ କରିବା ସହ ବିକାଶଶୀଳ ଦେଶଗୁଡ଼ିକରେ ଡିପିଆଇ…

ରଥଯାତ୍ରା ସେବା ୨୦୨୬: ରଥଯାତ୍ରା ପାଇଁ ପୁରୀରେ ଲକ୍ଷ ଲକ୍ଷ ଭକ୍ତ ଏକତ୍ରିତ ହେବାକୁ ପ୍ରସ୍ତୁତ ହେଉଥିବା ବେଳେ, ପୁରୀ ପ୍ରଶାସନ ସହିତ ସହଯୋଗରେ ରିଲାଏନ୍ସ, ପୁରୀ ରଥଯାତ୍ରା ସେବା ୨୦୨୬ ଅଭିଯାନ ମାଧ୍ୟମରେ ସହରରେ ବିବିଧ ସହାୟତା ପଦକ୍ଷେପକୁ ସୁଦୃଢ଼ ​​କରିଛି। ରିଲାଏନ୍ସ ପକ୍ଷରୁ ଅନ୍ନ ସେବା, ସାର୍ବଜନୀନ ସହାୟତା ଭିତ୍ତିଭୂମି ସ୍ଥାପନା, ପରିମଳ, ସ୍ୱେଚ୍ଛାସେବୀ ନିୟୋଜନ, ସମୁଦାୟ ଯୋଗାଯୋଗ ଏବଂ ପ୍ରଯୁକ୍ତି ସମନ୍ୱୟ ଭଳି ବ୍ୟାପକ ପଦକ୍ଷେପଗୁଡିକୁ ଏକତ୍ର କରାଯାଇଛି। ଏହି ପଦକ୍ଷେପର ଲକ୍ଷ୍ୟ ହେଉଛି ଆଗଧାଡିର ସହାୟତାକୁ ଦୃଢ଼ କରିବା ଏବଂ ପବିତ୍ର ପୁରୀ ସହରକୁ ଆସିଥିବା ଲକ୍ଷ ଲକ୍ଷ ଭକ୍ତଙ୍କ ପାଇଁ ଏକ ନିରାପଦ, ସୁଗମ ଏବଂ ସୁପରିଚାଳିତ ତୀର୍ଥଯାତ୍ରା ସୁନିଶ୍ଚିତ କରିବାରେ ସାହାଯ୍ୟ କରିବା। ୧୬ ଜୁଲାଇ, ୨୦୨୬ ରୁ ଆରମ୍ଭ ହେଉଥିବା ପବିତ୍ର ରଥଯାତ୍ରା ଏକ ଅତ୍ୟନ୍ତ ଗୌରବମୟ ଓ ସମ୍ମାନଜନକ ପର୍ବ ଯାହା ସାରା ଦେଶରୁ ଭକ୍ତମାନଙ୍କୁ ଜଗନ୍ନାଥ ମନ୍ଦିରରୁ ଗୁଣ୍ଡିଚା…

ଜିଓହୋମ୍ ଟିଭି ପ୍ୟାକ୍: ଡିଜିଟାଲ୍ ମନୋରଞ୍ଜନକୁ ଅଧିକ ସୁଗମ ଏବଂ ସୁଲଭ କରିବା ପାଇଁ ଏହାର ପ୍ରତିବଦ୍ଧତାକୁ ସୁଦୃଢ଼ କରି, ଜିଓ ପକ୍ଷରୁ ଜିଓହୋମ୍ ଟିଭି ପ୍ୟାକ୍ ଶୁଭାରମ୍ଭ କରାଯାଇଛି ଯାହା ଏକ ଅଲ୍-ଇନ୍-ୱାନ୍ ହୋମ୍ ଏଣ୍ଟରଟେନମେଣ୍ଟ ଅଫର୍। ମାସିକ ମାତ୍ର ୪୦୦ ଟଙ୍କାରୁ ଆରମ୍ଭ ହେଉଥିବା ଏହି ସୁଲଭ ପ୍ୟାକ୍ ପ୍ଲାନରେ ୧୦୦୦ ରୁ ଅଧିକ ଲାଇଭ୍ ଟିଭି ଚ୍ୟାନେଲ୍ ଏବଂ ପ୍ରିମିୟମ୍ ଓଟିଟି ଆପ୍ସ ଉପଲବ୍ଧ। ହୋମ ଏଣ୍ଟରଟେନମେଣ୍ଟକୁ ସରଳ କରିବା ପାଇଁ ଡିଜାଇନ୍ କରାଯାଇଥିବା ଜିଓହୋମ୍ ଟିଭି ପ୍ୟାକ୍ ମାସିକ ମାତ୍ର ୪୦୦ ଟଙ୍କାର ସୁଲଭ ମୂଲ୍ୟରେ ୧୦୦୦+ ଲାଇଭ୍ ଟିଭି ଚ୍ୟାନେଲ୍ ଉପଲବ୍ଧ କରି ବ୍ୟାପକ ଟେଲିଭିଜନ ଅଭିଜ୍ଞତା ଚାହୁଁଥିବା ପରିବାର ପାଇଁ ଏକ ସୁଲଭ ସମାଧାନ ବିକଳ୍ପ ଆଣିଛି। ସୀମିତ ଅବଧିର ୱେଲକମ ଅଫରର ଅଂଶ ଭାବରେ, ଜିଓହୋମ୍ ଟିଭି ପ୍ୟାକ୍ ସବସ୍କ୍ରାଇବ କରୁଥିବା ଗ୍ରାହକମାନେ କୌଣସି ଅତିରିକ୍ତ ମୂଲ୍ୟ ବିନା ପ୍ରଥମ ଏକ…

ନିମ୍ବୁଡା ନିମ୍ବୁଡା ତାକତ୍: ବହୁ ସମାଲୋଚନା ପରେ ଆଜି ଗିରଫ ହେଲେ ଏସସିଇଆରଟି ର ପୂର୍ବତନ ନିର୍ଦ୍ଦେଶକ ମନୋଜ ପାଢୀ। ଆଜି ତାଙ୍କୁ କ୍ରାଇମ ବ୍ରାଞ୍ଚର ଏକ ଟିମ ଘରୁ ଉଠାଇ ନେଇଥିଲା। ଏହାପରେ ଦୀର୍ଘ ସମୟ ଜେରା ପରେ ଗିରଫ କରି କୋର୍ଟ ଚାଲଣ କରିଥିଲା। କଟକ ଜେଏମଏଫସି ତାଙ୍କର ଜାମିନୀ ନାମଞ୍ଜୁର କରିବା ପରେ ମନୋଜଙ୍କୁ ଜେଲ ପଠାଇ ଦିଆଯାଇଛି। ଏହାପରେ କ୍ରାଇବ ବ୍ରାଞ୍ଚ ତାଙ୍କୁ ରିମାଇଣ୍ଡରରେ ଆଣିବ ବୋଲି ଜଣାପଡିଛି। ମନୋଜ ପାଢୀ ଗିରଫ କରିବା ପରେ ବର୍ତ୍ତମାନ ଅନ୍ୟମାନେ ପ୍ରମାଦ ଗଣିବା ଆରମ୍ଭ କରି ଦେଇଛନ୍ତି। କାରଣ ପାଠ୍ୟପୁସ୍ତକ ତ୍ରୁଟି ନେଇ ମନୋଜଙ୍କ ସହିତ ତିନିଜଣ ସହକାରୀ ନିର୍ଦ୍ଦେଶକଙ୍କୁ ମଧ୍ୟ ନିଲମ୍ବନ କରାଯାଇଥିଲା। ସେମାନଙ୍କୁ ବର୍ତ୍ତମାନ କ୍ରାଇମ ବ୍ରାଞ୍ଚ ଜେରା କରିବା ବୋଲି ଜଣାପଡିଛି।

Big Breaking: ସବୁଠାରୁ ବଡ ଖବର। ଦୀର୍ଘ ୨୬ ବର୍ଷ ଧରି ଜେଲ ଦଣ୍ଡାଦେଶ ଭୋଗୁଥିବା ବିଜୟ ପାଲ ସିଂ ଓରଫ ଦାରା ସିଂ ଜେଲରୁ ଖଲାସ ହେବେ। ଏ ନେଇ ସୁପ୍ରିମ କୋର୍ଟ ରାୟ ପ୍ରକାଶ କରିଛନ୍ତି ବୋଲି ତାଙ୍କ ଓକିଲ ଶ୍ରୀ ଏ ପି ସିଂ କହିଛନ୍ତି। ଜେଲରୁ ମୁକୁଳିବା ପାଇଁ ଦାରା ସିଂ ଓକିଲଙ୍କ ମାଧ୍ୟମରେ ସୁପ୍ରିମ କୋର୍ଟରେ ଆବେଦନ କରିଥିଲେ। ତାହାକୁ ଶୁଣାଣି କରି କୋର୍ଟ ଆସନ୍ତା ଅଗଷ୍ଟ ୧୫ ତାରିଖରେ ମୁକୁଳାଇବା ପାଇଁ ନିର୍ଦ୍ଦେଶ ଦେଇଛନ୍ତି ବୋଲି ଓକିଲ ଶ୍ରୀ ସିଂ କହିଛନ୍ତି। ଦାରା ସିଂ ୧୯୯୯ ମସିହା ଜାନୁଆରୀ ୨୨ ତାରିଖ ବିଳମ୍ବିତ ରାତିରେ କେନ୍ଦୁଝରର ମନୋହରପୁର ଗାଁରେ ଖ୍ରୀଷ୍ଟିୟାନ ମିସନାରୀ ଗ୍ରାହମ ଷ୍ଟେନ ଏବଂ ତାଙ୍କର ଦୁଇ ନାବାଳକ ପୁଅ ପୋଡି ହୋଇ ମୃତ୍ୟୁବରଣ କରିଥିଲେ। ତାଙ୍କୁ ଜିଅନ୍ତା ଜାଳି ହତ୍ୟା କରାଯାଇଥିବାର ଜଣାପଡିଥିଲା। ସେଥିରେ ମୁଖ୍ୟ ଅଭିଯୁକ୍ତ ଥିଲେ ଦାରା…

ଭୁବନେଶ୍ବର: ଆଜି ମହାପ୍ରଭୃ ଅଣସର ଘରୁ ବାହାରି ସାଧାରଣରେ ଦର୍ଶନ ଦେବେ। କାରଣ ଆଜି ହେଉଛି ନବ ଯୌବନ ଦର୍ଶନ। ତେବେ ଚତୁର୍ଦ୍ଦଶୀ କ୍ଷୟ ହେଉଥିବାରୁ ନବ ଯୌବନ ଦର୍ଶନ ମାତ୍ର ଦୁଇ ଘଣ୍ଟା ପାଇଁ ଅଛି। ତେବେ ତାହା ମଧ୍ୟ ସାଧାରଣ ଦର୍ଶନ ମିଳିପାରିବ କି ନାହିଁ ସନ୍ଦେହ। ସେଥିପାଇଁ ଗତକାଲିଠାରୁ ଶ୍ରୀମନ୍ଦିର ପ୍ରଶାସନ ତରଫରୁ ଏ ନେଇ ସୂଚନା ପ୍ରଦାନ କରାଯାଇଛି। ନବଯୌବନ ଦର୍ଶନ ତଥା ନେତ୍ର ଉତ୍ସବ ପରେ ଆସନ୍ତା ଗୁରୁବାର ଦିନ ଅନୁଷ୍ଠିତ ହେବ ଶ୍ରୀଗୁଣ୍ଡିଚା ଯାତ୍ରା। ତିନିଠାକୁର ରଥରେ ବିଜେ କରି ମାଉସୀମା ଘରକୁ ଯିବେ। ସେଥିପାଇଁ ପୁରୀ ତଥା ବଡଦାଣ୍ଡକୁ ସଜେଇ ଦିଆଯାଇଛି। ଶ୍ରୀମନ୍ଦିର ସମ୍ମୁଖରେ ଝୋଟି ଚିତା କରାଯାଇ ବେଶ ଆକର୍ଷଣୀୟ କରାଯାଇଛି। ସେହିପରି ବଡଦାଣ୍ଡ ସାରା ମଧ୍ୟ ଚିତା ପକାଯାଇ ଭକ୍ତ ତଥା ପ୍ରଭୃଙ୍କୁ ସ୍ବାଗତ କରିବାକୁ ଆକର୍ଷଣୀୟ କରାଯାଇଛି। ଗୁରୁବାର ଭୋରରୁ ପ୍ରଭୃଙ୍କ ପହଣ୍ଡି ବିଜେ କରାଯିବ।

ଭୁବନେଶ୍ୱର: ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ରାଜ୍ୟର ଲକ୍ଷ ଲକ୍ଷ କେନ୍ଦୁପତ୍ର ତୋଳାଳୀ, ବନ୍ଧାଳୀ ଓ ସିଜିନାଲ୍ ଷ୍ଟାଫଙ୍କ କଲ୍ୟାଣ ପାଇଁ ସେମାନଙ୍କ ବୋନସ ଓ ପ୍ରୋତ୍ସାହନ ରାଶି ପ୍ରଦାନକୁ ଅନୁମୋଦନ କରିଛନ୍ତି। ଏହା ସହିତ କେରି ଓ ଫାଳର ମୂଲ୍ୟରେ ମଧ୍ୟ ବୃଦ୍ଧି କରିଛନ୍ତି। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ପ୍ରୋସେସ ଏରିଆରେ କେନ୍ଦୁପତ୍ର କେରି (୨୦ଟି) ପିଛା ମୂଲ୍ୟ ୧୦ ପଇସା ବୃଦ୍ଧି କରାଯାଇଥିବା ବେଳେ ଫାଳ (୪୦ଟି) ପିଛା ମୂଲ୍ୟ ୨୦ ପଇସା ବୃଦ୍ଧି କରାଯାଇଛି। ଏଥିପାଇଁ ରାଜ୍ୟ ସରକାର ୧୦.୭୮ କୋଟି ଟଙ୍କା ଖର୍ଚ୍ଚ ବହନ କରିବେ। ସେହିପରି କେନ୍ଦୁପତ୍ର ତୋଳାଳୀମାନଙ୍କ ପାଇଁ ୨୫ ପ୍ରତିଶତ ବୋନସ ପ୍ରଦାନ କରିବା ପାଇଁ ନିଷ୍ପତ୍ତି ନିଆଯାଇଛି। ଏହା ସହିତ ବନ୍ଧାଳୀ ଓ ସିଜିନାଲ୍ ଷ୍ଟାଫଙ୍କ ପାଇଁ ୫ ପ୍ରତିଶତ ପ୍ରୋତ୍ସାହନ ରାଶି ଦିଆଯିବ ବୋଲି ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଛନ୍ତି। ଏଥିପାଇଁ ରାଜ୍ୟ ସରକାର ୬୪ କୋଟି…

ଭୁବନେଶ୍ବର: ଆଜି ବିଧିବଧ ଭାବେ ବିଜେପିରେ ସାମିଲ ହୋଇଛନ୍ତି କଟକର ବରିଷ୍ଠ ନେତା ତଥା ପୂର୍ବତନ ବିଧାୟକ ପ୍ରଭାତ ବିଶ୍ବାଳ। ଆଜି ରାଜ୍ୟ କାର୍ଯ୍ୟାଳୟରେ ତାଙ୍କ ସମର୍ଥକଙ୍କ ସହିତ ସେ ପଦ୍ମ ଧରିଛନ୍ତି। ତାଙ୍କୁ ବିଜେପି ରାଜ୍ୟ ସଭାପତି ମନମୋହନ ସାମଲ, ମୁଖ୍ୟମନ୍ତ୍ରୀ ମୋହନ ମାଝୀ ବିଜେପି ଟୋପି ଓ ଉତ୍ତରୀୟ ପିନ୍ଧାଇ ଦଳକୁ ସ୍ବାଗତ କରିଛନ୍ତି। ପୂର୍ବରୁ ପ୍ରଭାତ ବିଜେଡିରୁ ନିଲମ୍ବିତ ହୋଇଥିଲେ। ଏହାପରେ ତାଙ୍କ ପୁଅ ବିଧାୟକ ସୌଭିକ ବିଶ୍ବାଳ ମଧ୍ୟ ରାଜ୍ୟସଭାରେ ବିଜେଡି ସମର୍ଥିତ ପ୍ରାର୍ଥୀଙ୍କୁ ଭୋଟ ନ ଦେବାରୁ ତାଙ୍କୁ ମଧ୍ୟ ଦଳରୁ ନିଲମ୍ବିତ କରାଯାଇଥିଲା। ଏହା ପୂର୍ବରୁ ପ୍ରଭାତ ବିଜେଡି ତଥା ପାଣ୍ଡିଆନ ବିରୋଧରେ ମନ୍ତବ୍ୟ ଦେଇଆସୁଥିଲେ। ସେ ବିଜେପିରେ ଯୋଗଦେବେ ବୋଲି ପୂର୍ବରୁ ଜଣାପଡିଥିଲା। ବର୍ତ୍ତମାନ ପ୍ରଭାତ ବିଜେପିରେ ମିଶିବା ପରେ କଟକ ରାଜନୀତି ସରଗରମ ହୋଇପଡିଛି। ପୂର୍ବରୁ ବିଜେଡି ନେତା ଭର୍ତ୍ତୁହରି ମହତାବ, ପୂର୍ବତନ ବିଧାୟକ ଦେବାଶିଷ ସାମନ୍ତରାୟ ବିଜେଡି ଛାଡି…