Tag: ଗଞ୍ଜେଇ ଜବତ

ଲମତାପୁଟ: ମାଛକୁଣ୍ଡ ପୋଲିସ୍‌ ଦ୍ବାରା 712 କେଜି ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ 70 ଲକ୍ଷ ଟଙ୍କା ହେବ ବୋଲି ସୂଚନା ରହିଛି ।ରାତିରେ ପାଟ୍ରୋଲିଂ ବେଳେ ଭେଡିବେଡା ନିକଟରେ ଏହା ଜବତ ହୋଇଛି । ଏକ ପିକ୍‌ଅପ୍‌ ଭ୍ୟାନ୍‌ ଯୋଗେ ଆନ୍ଧ୍ରରୁ ଜୟପୁର ଚାଲାଣ ହେଉଥିଲା। ପୋଲିସ୍‌ ଧରିବାବେଳେ ଗାଡି ଛାଡି ମାଫିଆ ଫେରାର ହୋଇଯାଇଥିଲେ। ତେବେ ଏହି ଘଟଣାରେ ଆଉ କେଉଁମାନେ ସମ୍ପୃକ୍ତ ଅଛନ୍ତି, ତାହା ଉପରେ ତଦନ୍ତ ଚାଲିଛି ବୋଲି ପୁଲିସ କହିଛି।

ସୀତାରାମ ଅଗ୍ରଓ୍ବାଲ

ବାଲୁଗାଁ :  ଗତ କିଛିଦିନ ହେବ ବାଲୁଗାଁ-ବାଣପୁର ଅଞ୍ଚଳରେ ଅବକାରୀ ବିଭାଗ ବେଶ୍‌ ସକ୍ରିୟ ରହିଥିବାବେଳେ ଆଜି ଅବକାରୀ ବିଭାଗକୁ ବଡ ସଫଳତା ମିଳିଛି । ବାଲୁଗାଁ ଅବକାରୀ ବିଭାଗ ଅଧିକାରୀ ଏସ୍‌ଆଇ ମନୋଜ କୁମାର ବାରିକ୍‌ ଓ ତାଙ୍କ ଟିମ୍‌ ଆଜି 5 କିଲୋରୁ ଉର୍ଦ୍ଧ୍ବ ଗଞ୍ଜେଇ ଜବତ କରିବା ସହ ଅଭିଯୁକ୍ତଙ୍କୁ ଗିରଫ ମଧ୍ୟ କରିଛନ୍ତି ।

କୌଣସି ସୂତ୍ରରୁ ପୂର୍ବରୁ ଖବର ପାଇ ବାଣପୁର ଥାନା ଅନ୍ତର୍ଗତ ନାଚୁଣୀ ଜାତୀୟ ରାଜପଥଠାରେ ଥିବା ପେଟ୍ରୋଲ ପମ୍ପ ନିକଟରେ ଅବକାରୀ ବିଭାଗ ଛପି ରହିଥିଲେ। ପାଖାପାଖି ସକାଳ 6.30ରେ ଅଭିଯୁକ୍ତ ନବକିଶୋର ପରିଡାଙ୍କୁ ଗଞ୍ଜେଇ ସହ ଧରିବାରେ ସଫଳ ହୋଇଥିଲେ ଅବକାରୀ ବିଭାଗ ।ବାଲୁଗାଁରୁ ତାଙ୍କ ଘର ଟାଙ୍ଗୀ ଅଭିମୁଖେ ଯାଉଥିବାବେଳେ ଅଭିଯୁକ୍ତଙ୍କୁ ଗିରଫ କରିଛନ୍ତି ଅବକାରୀ ବିଭାଗ। ଅଭିଯୁକ୍ତଙ୍କଠାରୁ 5 କିଲୋ 200 ଗ୍ରାମର ଗଞ୍ଜେଇ  ସହ ଓଡି25ଏଚ୍‌2380ନମ୍ବରର ଏକ ଟିଭିଏସ୍‌ ଜୁପିଟର୍‌ ସ୍କୁଟି ମଧ୍ୟ ଜବତ କରିଛି ଅବକାରୀ ବିଭାଗ। ଅଭିଯୁକ୍ତଙ୍କୁ ଗିରଫ କରି ଏନ୍‌ଡିପିଏସ୍‌ ଆଇନ ଅନୁଯାୟୀ କେସ୍‌ ନଂ  32/20 ମାମଲା ରୁଜୁ କରି ତାଙ୍କୁ କୋର୍ଟ ଚାଲାଣ କରାଯାଇଛି ।

ସୂଚନାଯୋଗ୍ୟ, ବାଲୁଗାଁ –ବାଣପୁର  ଅଞ୍ଚଳରେ ଅବକାରୀ ବିଭାଗ ବେଶ୍‌ କିଛି ଦିନ ହେବ ସକ୍ରିୟ ରହିଛି । ବହୁ ଚୋରା ମଦ ଚାଲାଣକୁ ରୋକିବା ସହ ଆଜି ଗଞ୍ଜେଇ ଜବତ କରିଛନ୍ତି । ଅବକାରୀ ବିଭାଗର ଏତାଦୃଶ କାର୍ଯ୍ୟକୁ ଅଞ୍ଚଳବାସୀ ବେଶ୍‌ ପ୍ରଶଂସା କରିଛନ୍ତି ।

କନ୍ଦର୍ପ ବେହେରା

ରେଢାଖୋଲ-ସମ୍ବଲପୁର ଜିଲ୍ଲା ରେଢାଖୋଲ ଉପଖଣ୍ଡ ଚାରମାଳ ପୋଲିସ୍ ୩୫ କେଜି ଗଞେଇ  ଓ ୨ଟି ବାଇକ ଜବତ କରିଥିବା ଜଣାପଡିଛି। ମିଳିଥିବା ସୂଚନା ଅନୁସାରେ ସମ୍ବଲପୁର ଜିଲ୍ଲା ଚାରମାଳ ପୋଲିସ୍ କୌଣସି ସୂତ୍ରରୁ ଖବର ପାଇ ବୌଦ୍ଧରୁ ଗଞ୍ଜେଇ ଧରି ଆସୁଥିବା ଦୁଇଟି ବାଇକକୁ ଚାରମାଳ ଥାନା ତେଲିପଣା ଛକ ନିକଟରେ ଗତକାଲି ସକାଳେ ଧରିବାରେ ସଫଳ ହୋଇଛି। ବେପାରୀମାନେ ମୂଖ୍ୟ ରାସ୍ତାରେ ନ ଆସି ଜଙ୍ଗଲି ରାସ୍ତାରେ ଆସୁଥିବାର ଚାରମାଳ ପୋଲିସକୁ ବିଶ୍ୱସ୍ତ ସୂତ୍ରରୁ ଖବର ଆସିଥିଲା ।

ଗଞ୍ଜେଇ ବେପାରୀମାନେ ବାଇକ ନଂ (ଓଡି ୧୫ ଏଫ୍ ୧୦୦୪) ଓ (ଓଆର୍ ୧୪ ଏମ୍ ୦୪୪୭) ରେ ୩୫ କେଜି ଗଞ୍ଜେଇ ଧରି ଆସୁଥିଲେ। ବେପାରୀମାନେ ପୋଲିସକୁ ଦେଖି ଗଞ୍ଜୋଇ ଓ ବାଇକ ଦୁଇଟି ଛାଡି ଫେରାର ହେବାରେ ସକ୍ଷମ ହୋଇଥିଲେ । ପୋଲିସ୍ ସେମାନଙ୍କୁ ଧରି ପାରି ନ ଥିଲା। ଏମିତି ଚାରମାଳ ଅଂଚଳରେ ବହୁ ଗଞ୍ଜେଇ ବେପାରୀ ଅନାୟାସରେ ପୋଲିସ୍ ଆଖିରେ ଧୂଳି ଦେଇ ଦିନ ଦି ପହରରେ ତ କେବେ କେବେ ରାତିରେ ଅନାୟାସରେ ଗଞ୍ଜେଇ ବାହାର ରାଜ୍ୟକୁ ଚାଲାଣ କରୁଥିବା ଜଣା ପଡିଛି । ପ୍ରାୟତଃ ବେପାରୀମାନେ ବୌଦ୍ଧ ଅଂଚଳରୁ ଏହି କାରବାର କରୁଥିବା ଜଣାପଡିଛି ।

ଏଠାରେ ପ୍ରଶ୍ୱ ଉଠେ ଯେ , ପଡୋଶୀ ବୌଦ୍ଧରୁ ଗଞ୍ଜେଇ ଆସୁଥିଲେ ମଧ୍ୟ ବୌଦ୍ଧ ପୋଲିସ୍ ପେଟ୍ରୋଲିଂ କରୁ କରୁ ସେମାନଙ୍କୁ ଧରିବାରେ ସକ୍ଷମ ହେଉ ନଥିବା ବେଳେ ସମ୍ବଲପୁର ଜିଲ୍ଲା ଚାରମାଳ ପୋଲିସ୍ ଧରିବାରେ ସଫଳ ହେଉଥିବାରୁ ସାଧାରଣରେ ବୌଦ୍ଧ ପୋଲିସ ଉପରେ ସନ୍ଦେହ ସୃଷ୍ଟି ହେଉଛି। ଏହି ଚଢଉରେ ଚାରମାଳ ଥାନାଧିକାରୀ ବସନ୍ତ ଦଳାଇଙ୍କ ସହ ଚାରମାଳ ପୋଲିସ୍ ସାମିଲ ହୋଇଥିଲା।