Author: SM Network

Categories
ଆଜିର ଖବର ଜାତୀୟ ଖବର ସିନେମା

ୱେଭଏକ୍ସ ୨୦୨୫ ର ଆବେଦନ ସମୟ ସୀମା ଏପ୍ରିଲ ୨୧ ପର୍ଯ୍ୟନ୍ତ ବୃଦ୍ଧି

ମୁମ୍ବାଇ: ସୂଚନା ଓ ପ୍ରସାରଣ ମନ୍ତ୍ରଣାଳୟ (ଏମଆଇବି) ଇଣ୍ଟରନେଟ୍ ଆଣ୍ଡ ମୋବାଇଲ୍ ଆସୋସିଏସନ୍ ଅଫ୍ ଇଣ୍ଡିଆ (ଆଇଏଏମ୍ଏଆଇ) ସହଯୋଗରେ ଗଣମାଧ୍ୟମ ଏବଂ ମନୋରଞ୍ଜନ ପ୍ରଯୁକ୍ତି କ୍ଷେତ୍ରରେ ଷ୍ଟାର୍ଟଅପ୍ ପାଇଁ ଭାରତର ପ୍ରମୁଖ ପ୍ଲାଟଫର୍ମ ୱେଭଏକ୍ସ ୨୦୨୫ ପାଇଁ ଦୁଇଟି ପ୍ରମୁଖ ଅପଡେଟ୍ ଘୋଷଣା କରିଛି। ବ୍ୟାପକ ଅଂଶଗ୍ରହଣକୁ ପ୍ରୋତ୍ସାହିତ କରିବା ଏବଂ ଅଭିନବତାକୁ ପ୍ରୋତ୍ସାହିତ କରିବା ପାଇଁ, ଯୋଗ୍ୟତା ମାନଦଣ୍ଡ ସମ୍ପ୍ରସାରଣ କରାଯାଇଛି, ଏବଂ ଆବେଦନ ସମୟ ସୀମା ବୃଦ୍ଧି କରାଯାଇଛି।

୨୦୧୬ ରୁ ଅନ୍ତର୍ଭୁକ୍ତ ଷ୍ଟାର୍ଟଅପ୍ ଗୁଡ଼ିକ ଏବେ ୱେଭଏକ୍ସ ୨୦୨୫ ପାଇଁ ଆବେଦନ କରିବାକୁ ଯୋଗ୍ୟ ଅଟନ୍ତି। ଏହା ପୂର୍ବ ମାନଦଣ୍ଡଠାରୁ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ, ଯେଉଁଥିରେ ୨୦୨୦ କିମ୍ବା ତା’ପରେ ପ୍ରତିଷ୍ଠା ହୋଇଥିବା ଷ୍ଟାର୍ଟଅପ୍ ଗୁଡ଼ିକରେ ପ୍ରବେଶ ଉପରେ ପ୍ରତିବନ୍ଧକ ଲଗାଯାଇଥିଲା। ବିଶେଷ କରି ଗଣମାଧ୍ୟମ-ପ୍ରଯୁକ୍ତି କ୍ଷେତ୍ରରେ ସ୍ଥିରତା, ଅଭିବୃଦ୍ଧି ଏବଂ ପ୍ରଭାବର ଟ୍ରାକ୍ ରେକର୍ଡ ଥିବା ଅଂଶଗ୍ରହଣକାରୀଙ୍କୁ ଏହି ପଦକ୍ଷେପ ଆକୃଷ୍ଟ କରିବ ବୋଲି ଆଶା କରାଯାଉଛି।

ଦେଶବ୍ୟାପୀ ଉଦ୍ୟୋଗୀଙ୍କ ଦୃଢ଼ ଆଗ୍ରହ ଏବଂ ଅନୁରୋଧକୁ ଦୃଷ୍ଟିରେ ରଖି ଆବେଦନ ସମୟ ସୀମାକୁ ମଧ୍ୟ ଏପ୍ରିଲ ୨୧, ୨୦୨୫ କୁ ଘୁଞ୍ଚାଇ ଦିଆଯାଇଛି। ଏହି ସମ୍ପ୍ରସାରଣ ଆଶାୟୀ ମିଡିଆ-ଟେକ୍ ଉଦ୍ଭାବକମାନଙ୍କୁ ସେମାନଙ୍କ ପ୍ରସ୍ତାବ ଦାଖଲ କରିବାକୁ ଅତିରିକ୍ତ ସମୟ ଦେଇଥାଏ ଏବଂ ଜାତୀୟ ସ୍ତରରେ ଅଂଶଗ୍ରହଣ କରିବାର ସୁଯୋଗ ସୁରକ୍ଷିତ କରିଥାଏ।

ୱେଭଏକ୍ସ ୨୦୨୫ ୱେଭ୍ସ ୨୦୨୫ ଶିଖର ସମ୍ମିଳନୀ ସମୟରେ ମୁମ୍ବାଇର ଜିଓ ୱାର୍ଲ୍ଡ କନଭେନସନ ସେଣ୍ଟରରେ ମେ ୨ ଓ ମେ ୩ ତାରିଖରେ ପୁଞ୍ଜିନିବେଶ ପିଚ୍ ଅନୁଷ୍ଠିତ ହେବ। ୱାର୍ଲ୍ଡ ଅଡିଓ-ଭିଜୁଆଲ ଏଣ୍ଟରଟେନମେଣ୍ଟ ସମିଟ (ୱେଭ୍ସ)ର ଏକ ଫ୍ଲାଗସିପ୍ ସେଗମେଣ୍ଟ, ୱେଭଏକ୍ସ, ଗେମିଂ, ଆନିମେସନ୍, ଏକ୍ସଆର୍, ମେଟାଭର୍ସ, ଜେନେରେଟିଭ୍ ଏଆଇ ଏବଂ କଣ୍ଟେଣ୍ଟ ଟେକ୍ନୋଲୋଜି ଭଳି କ୍ଷେତ୍ରରେ କାର୍ଯ୍ୟ କରୁଥିବା ଷ୍ଟାର୍ଟଅପ୍ ଗୁଡ଼ିକ ପାଇଁ ଏକ ଉଚ୍ଚ ସ୍ତରୀୟ ଲଞ୍ଚପ୍ୟାଡ୍ ଭାବରେ ଅବସ୍ଥାପିତ ହୋଇଛି।

ମନୋନୀତ ଷ୍ଟାର୍ଟଅପ୍ ଗୁଡ଼ିକ କ୍ଲୋଜ୍ ରୁମ୍ ପିଚିଂ ଅଧିବେଶନରେ ଅଂଶଗ୍ରହଣ କରିବେ ଏବଂ ଶୀର୍ଷ ଭେଞ୍ଚର କ୍ୟାପିଟାଲ୍ ସଂସ୍ଥା ଏବଂ ହାଇ-ପ୍ରୋଫାଇଲ୍ ଏଞ୍ଜେଲ ନିବେଶକଙ୍କ ମଧ୍ୟରେ ଦୃଶ୍ୟମାନତା ହାସଲ କରିବେ। ସେମାନେ ଅଗ୍ରଣୀ ଶିଳ୍ପ ବିଶେଷଜ୍ଞଙ୍କ ପରାମର୍ଶ, ବିଶ୍ୱସ୍ତରୀୟ ଅଂଶୀଦାରଙ୍କ ସହ ଯୋଗାଯୋଗ ଏବଂ ପ୍ରମୁଖ ପ୍ରଯୁକ୍ତି ବିଦ୍ୟା ଏବଂ ଗଣମାଧ୍ୟମ କମ୍ପାନୀମାନଙ୍କ ସହିତ ସହଯୋଗ କରିବାର ସୁଯୋଗ ମଧ୍ୟ ଉପକୃତ ହେବେ।

ୱେଭଏକ୍ସ ୨୦୨୫ କେବଳ ଉଦୀୟମାନ ଚିନ୍ତାଧାରାର ପ୍ରଦର୍ଶନ ଭାବରେ ନୁହେଁ, ବରଂ ଡିଜିଟାଲ ଯୁଗରେ ବିଷୟବସ୍ତୁ କିପରି ସୃଷ୍ଟି, ବିତରଣ ଏବଂ ମୁଦ୍ରାକରଣ କରାଯାଏ ତାହାକୁ ତ୍ୱରାନ୍ୱିତ କରିବା ପାଇଁ ଏକ ରଣନୈତିକ ପ୍ଲାଟଫର୍ମ ଭାବରେ ଡିଜାଇନ୍ କରାଯାଇଛି।

https://wavex.wavesbazar.com ଅଫିସିଆଲ ୱେଭଏକ୍ସ ପୋର୍ଟାଲ ଜରିଆରେ ଆବେଦନ କରିପାରିବେ।

 ୱେଭସ ବିଷୟରେ 

ମେ ୧ ରୁ ୪, ୨୦୨୫ ପର୍ଯ୍ୟନ୍ତ ମହାରାଷ୍ଟ୍ରର ମୁମ୍ବାଇଠାରେ ଭାରତ ସରକାରଙ୍କ ଦ୍ୱାରା ଗଣମାଧ୍ୟମ ଏବଂ ମନୋରଞ୍ଜନ (ଏମ୍ ଆଣ୍ଡଇ) କ୍ଷେତ୍ର ପାଇଁ ଏକ ମାଇଲଖୁଣ୍ଟ ଇଭେଣ୍ଟ ପ୍ରଥମ ୱାର୍ଲଡ୍ ଅଡିଓ ଭିଜୁଆଲ୍ ଆଣ୍ଡ ଏଣ୍ଟରଟେନମେଣ୍ଟ୍ ସମିଟ (ୱେଭ୍ସ) ଆୟୋଜନ କରାଯିବ।

ଆପଣ ଜଣେ ଶିଳ୍ପ ପେସାଦାର, ନିବେଶକ, ନିର୍ମାତା କିମ୍ବା ଉଦ୍ଭାବକ ହୁଅନ୍ତୁ, ଶିଖର ସମ୍ମିଳନୀ ଏମ ଆଣ୍ଡଇ ପରିଦୃଶ୍ୟକୁ ସଂଯୋଗ କରିବା, ସହଯୋଗ କରିବା, ଉଦ୍ଭାବନ କରିବା ଏବଂ ଯୋଗଦାନ କରିବା ପାଇଁ ଚରମ ବୈଶ୍ୱିକ ପ୍ଲାଟଫର୍ମ ପ୍ରଦାନ କରେ ।

ୱେଭ୍ସ ଭାରତର ସୃଜନଶୀଳ ଶକ୍ତିକୁ ବୃଦ୍ଧି କରିବ ଏବଂ ବିଷୟବସ୍ତୁ ସୃଷ୍ଟି, ବୌଦ୍ଧିକ ସମ୍ପତ୍ତି ଏବଂ ବୈଷୟିକ ଅଭିନବତାର ଏକ କେନ୍ଦ୍ର ଭାବରେ ଏହାର ସ୍ଥିତିକୁ ବଢ଼ାଇବ । ବ୍ରଡକାଷ୍ଟିଂ, ପ୍ରିଣ୍ଟ ମିଡିଆ, ଟେଲିଭିଜନ, ରେଡିଓ, ଫିଲ୍ମ, ଆନିମେସନ, ଭିଜୁଆଲ ଇଫେକ୍ଟସ, ଗେମିଂ, କମିକ୍ସ, ସାଉଣ୍ଡ ଏ ଆଣ୍ଡ ମ୍ୟୁଜିକ୍, ବିଜ୍ଞାପନ, ଡିଜିଟାଲ ମିଡିଆ, ସୋସିଆଲ ମିଡିଆ ପ୍ଲାଟଫର୍ମ, ଜେନେରେଟିଭ ଏଆଇ, ଏଅଗମେଣ୍ଟେଡ ଆରଏଲିଟି (ଏଆର), ଭିଇର୍ଟୁଆଲ ଆରଏଲିଟି (ଭିଆର) ଏବଂ ଏକ୍ସଟେଣ୍ଡେଡ୍ ଆରଏଲିଟି (ଏକ୍ସଆର) ଉପରେ ଫୋକସ କରାଯାଇଛି।

Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧା: ଷଷ୍ଠ ଜିଲ୍ଲା ପରିଷଦର ଚତୁର୍ଥ ସାଧାରଣ ବୈଠକ

ଖୋର୍ଦ୍ଧା: ଆଜି ପୂର୍ବାହ୍ନରେ ଖୋର୍ଦ୍ଧା ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଷଷ୍ଠ ଜିଲ୍ଲା ପରିଷଦ  ଚତୁର୍ଥ ସାଧାରଣ ବୈଠକ ଜିଲ୍ଲା ପରିଷଦ ସଭାପତି ରୁପଶ୍ରୀ ରାଣୀ ଗୁମାନ ସିଂହ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଅଛି। ଏହି ବୈଠକରେ ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ, ଜୟଦେବ ବିଧାୟକ ନବ କିଶୋର ମଲ୍ଲିକ, ଜଟଣୀ ବିଧାୟକ ବିଭୂତି ଭୂଷଣ ବଳବନ୍ତରାୟ, ବେଗୁନିଆ ବିଧାୟକ ପ୍ରଦୀପ କୁମାର ସାହୁ, ଭୁବନେଶ୍ୱର ସାଂସଦଙ୍କ ପ୍ରତିନିଧି ଅଶୋକ ପଟ୍ଟନାୟକ, ପୁରୀ ସାଂସଦଙ୍କ ପ୍ରତିନିଧି, ଖୋର୍ଦ୍ଧା ଜିଲ୍ଲା ପରିଷଦ ଉପ ସଭାପତି  ଗୋପୀନାଥ ମହାରଣା, ଖୋର୍ଦ୍ଧା ଜିଲ୍ଲାପାଳ ଚଞ୍ଚଳ ରାଣା, ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଜିଲ୍ଲା ପରିଷଦ ଜ୍ୟୋତି ଶଙ୍କର ସାହୁ, ବନଖଣ୍ଡ ଅଧିକାରୀ, ଖୋର୍ଦ୍ଧା, ପୂର୍ଣ୍ଣିମା ପାଣ୍ଡିଆନ ଯୋଗଦେଇଥିଲେ। ପ୍ରଥମେ ଅତିଥି ମାନଙ୍କୁ ପୁଷ୍ପ ଗୁଚ୍ଛ ପ୍ରଦାନ ପୂର୍ବକ ସ୍ୱାଗତ ଜଣାଯାଇଥିଲା। ପରେ ତା ୦୪.୧୦.୨୦୨୪ରିଖରେ ଅନୁଷ୍ଠିତ ହୋଇଥିବା ଖୋର୍ଦ୍ଧା ଜିଲ୍ଲା ପରିଷଦର ତୃତୀୟ ସାଧାରଣ ବୈଠକ ବିବରଣୀକୁ ଆଲୋଚନା କରାଯାଇ ଦୃଢ଼ୀକରଣ କରାଯାଇଥିଲା।

ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ ନିଜ ଉଦବୋଧନରେ କହିଥିଲେ ଯେ, ଜାତି, ଧର୍ମ, ବର୍ଣ୍ଣ, ଲିଙ୍ଗ, ଭାଷା, ଦଳ, ନିର୍ବିଶେଷରେ ପ୍ରଶାସନ ଓ ଜନ ପ୍ରତିନିଧି ମାନଙ୍କ ମଧ୍ୟରେ ସମନ୍ୱୟ ରକ୍ଷାକରି ନିଷ୍ଠାପର ଭାବେ କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନ ମୂଳକ ଯୋଜନାର ସୁଚାରୁରୂପେ ପରିଚାଳନା କରି କାର୍ଯ୍ୟ କଲେ ରାଜଧାନୀକୁ ପରିମଣ୍ଡନ କରୁଥିବା ଖୋର୍ଦ୍ଧା ଜିଲ୍ଲା ସମଗ୍ର ରାଜ୍ୟରେ ଦୃଷ୍ଟାନ୍ତ ହେବ। ସେହିପରି ଜିଲ୍ଲାପାଳ, ମୁଖ୍ୟ ଉନ୍ନୟନ ଅଧିକାରୀଙ୍କ କାର୍ଯ୍ୟକୁ ପ୍ରଶଂସା କରିବାସହ ରିଂ ରୋଡ ନିର୍ମାଣ, ଖୋର୍ଦ୍ଧାର ଶିଳ୍ପ ବିକାଶ ୫୧ ଗୋଟି ଉଦ୍ୟୋଗରେ ୬୦ ହଜାର ନିଯୁକ୍ତି, ବିକଶିତ ଗାଁ ଓ ବିକଶିତ ଓଡ଼ିଶା ଯୋଜନାରେ ଦଳ ମତ ନିର୍ବିଶେଷରେ ଆମ ଖୋର୍ଦ୍ଧା ଜିଲ୍ଲାର ବିକାଶ ପାଇଁ ଏବଂ ଜିଲ୍ଲାକୁ ୧ନମ୍ବର ଜିଲ୍ଲା ଭାବେଗଢି ତୋଳିବା ପାଇଁ କାର୍ଯ୍ୟ କରିବା ବୋଲି ବିଧାୟକ କହିଥିଲେ। ସମସ୍ତ ଅଧିକାରୀ ମାନେ ନିଜ ନିଜ କାର୍ଯ୍ୟାଳୟକୁ ସରସ ସୁନ୍ଦର, ସ୍ବଚ୍ଛତା ରଖିବାକୁ ପରାମର୍ଶ ଦେଇ ବିକାଶରେ ଦଳ ନାହିଁ ବୋଲି କହି ଖୋର୍ଦ୍ଧା ଜିଲ୍ଲାକୁ ବିକାଶର ନବଦିଗନ୍ତରେ ପହଞ୍ଚାଇବାକୁ ଆହ୍ଵାନ ଦେଇଥିଲେ।

ପୂର୍ବ ବୈଠକରେ ଜୋନ ୧୨ ସଭ୍ୟ ବିଜୟ ପାଲଟା ସିଂ ଅଭିଯୋଗ କରିଥିଲେ ଯେ, ୨୦ ଜଣ ଶ୍ରମିକ ମଜୁରୀ ପାଇନାହାନ୍ତି, ଏହି କ୍ରମେ ମଣ୍ଡଳ ଉନ୍ନୟନ ଅଧିକାରୀ ତାଙ୍କର ପତ୍ରସଂଖ୍ୟା ୧୯୦୦ ତା ୦୭.୦୪.୨୦୨୪ ରିଖରେ ଶ୍ରମିକ ମାନଙ୍କ ମଜୁରୀ ବ୍ୟାଙ୍କ୍ ଖାତାକୁ ପୈଠ କରାଯାଇଛି ବୋଲି ଉତ୍ତର ରଖିଥିଲେ।

ବୈଠକରେ ଜୋନ ସଦସ୍ୟ/ସଦସ୍ୟା ବିଭିନ୍ନ ଜିଲ୍ଲାପରିଷଦ ପ୍ରକଳ୍ପ ସମ୍ବଧରେ ସୂଚନା ପାଉନାହାନ୍ତି ବୋଲି ଅଭିଯୋଗ କ୍ରମେ ଜିଲ୍ଲାପାଳ କହିଥିଲେ ଯେ ଜିଲ୍ଲାପରିଷଦ ବୈଠକରେ ଯେତେବେଳେ ସଂପୃକ୍ତ ବି ଡି ଓ ମାନଙ୍କ ଅଞ୍ଚଳର ଜିଲ୍ଲା ପରିଷଦ ଜୋନ ସଦସ୍ୟ/ସଦସ୍ୟା କୌଣସି ପ୍ରସ୍ତାବ ଆଗତ କରନ୍ତି ସେ ସବୁକୁ ବି ଡି ଓ ମାନେ ପ୍ରକଳ୍ପ ପ୍ରସ୍ତାବ ସଂପୃକ୍ତ ସଦସ୍ୟ/ସଦସ୍ୟା ମାନଙ୍କ ସହ ବିଚାର ବିମର୍ଶ କରି ଜିଲ୍ଲା ପରିଷଦକୁ ସୁପାରିଶ କରିବାକୁ ନିର୍ଦ୍ଦେଶ ଦେଇଥିଲେ। ସେହିପରି ସଦସ୍ୟ ମାନଙ୍କ ହରିଶ୍ଚନ୍ଦ୍ର ଯୋଜନା କାର୍ଯ୍ୟକାରିତା ଉପରେ ପ୍ରଶ୍ନର ଉତ୍ତରରେ ଅଙ୍ଗନ ୱାଡ଼ି କର୍ମୀ ମାନେ ପି ଇ ଓ ଙ୍କୁ ଲେଖି ଜଣାଉଛନ୍ତି ବୋଲି ଜିଲ୍ଲାପାଳ ପ୍ରକାଶ କରିଥିଲେ

ସେହିପରି ଗ୍ରାମ୍ୟ ଉନ୍ନୟନ ବିଭାଗ ଅଧୀନ କୁହୁଡ଼ିରୁ ସୋରଣ ପି ଏମ ଜି ଏସ ୱାଈ ରାସ୍ତା ମରାମତି ଉପରେ ଜିଲ୍ଲା ପରିଷଦ ଜୋନ ସଦସ୍ୟ, ଟାଙ୍ଗୀ ବିଜୟ କୁମାର ଜେନା ପ୍ରଶ୍ନରେ ଗ୍ରାମ୍ୟ ନିର୍ମାଣ ବିଭାଜନ, ଭୁବନେଶ୍ୱର ତାଙ୍କର ପତ୍ର ସଂଖ୍ୟା ୪୦୯୭ ତା ୧୦.୦୪.୨୦୨୫ରିଖରେ କୁହୁଡ଼ି ଶୋରଣ,କୁହୁଡ଼ି ହରିପୁର ପି ଏମ ଜି ୱାଇ ରାସ୍ତାର ମରାମତି ରୁଟ ଲାଇନ ପରିଚାଳନା କରାଯାଉଛି ବୋଲି ସଂପୃକ୍ତ ବିଭାଗ ତଥ୍ୟ ପ୍ରଦାନ କରିଥିଲେ। ବୋଲଗଡ଼ ବ୍ଲକକୁ ଅର୍ଥ ପ୍ରଦାନ ବାବଦରେ ଆଲୋଚନା କରାଯାଇ ପ୍ରୋଜେକ୍ଟ ମଞ୍ଜୁରୀ ପ୍ରାପ୍ତ ପରେ ତୁରନ୍ତ ବ୍ଲକକୁ ଅର୍ଥ ପଠାଇବାକୁ ବିଧାୟକ ଶ୍ରୀଯୁକ୍ତ ଜଗଦେବ ପରାମର୍ଶ ଦେଇଥିଲେ।

ଏହିକ୍ରମେ ମଧ୍ୟ ଜିଲ୍ଲା ପରିଷଦ ଦ୍ଵାରା ପ୍ରପୋଜାଲ ସାଙ୍କସନ୍ ହେଲାପରେ ଜିଲ୍ଲାପରିଷଦ ସଦସ୍ୟ/ସଦସ୍ୟା ମାନଙ୍କ ନଜରକୁ ଆଣିବାକୁ ବି ଡି ଓ ମାନଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ସେହିପରି ସ୍କିମ୍ ଅନୁଯାୟୀ ଜିଲ୍ଲା ପରିଷଦ ସଦସ୍ୟ/ସଦସ୍ୟା ପ୍ରୋପୋଜାଲ ଦେବାକୁ ଜିଲ୍ଲାପାଳ ପରାମର୍ଶ ଦେଇଥିଲେ। ୨୦୨୫-୨୬ ବର୍ଷ ପାଇଁ ବନ୍ଧନୀୟ ପାଣ୍ଠି (tied fund) ୫କୋଟି ବ୍ଲକ କୁ ପ୍ରଦାନ କରାଯିବାକୁ ବିଧାୟକ ପ୍ରସ୍ତାବ ଦେଇଥିଲେ। ୨୨ନମ୍ବର ଜୋନ ରେ ୩ଗୋଟି ନଳକୂପ ଖନନ ନିମନ୍ତେ ପ୍ରୋଜେକ୍ଟ ଦିଆଯାଇଛି।ଚଳିତ ଗ୍ରୀଷ୍ମ ପ୍ରବାହ ପାଇଁ ଜିଲ୍ଲାକୁ ୬୮୩ ନଳକୂପ ପ୍ରୋଜେକ୍ଟ ଆସିଥିବାବେଳେ ୧୪୫ ନଳକୂପ ଖୋଳା ସରିଲାଣି।

ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନାରେ ଚିଲିକା ବ୍ଲକ ବ୍ରାହ୍ମଣ କୁଷଡିହ ଠାରେ କୁକୁଡ଼ା ଚାଷ ସମସ୍ୟା ରାସ୍ତାର ତୁରନ୍ତ ସମାଧାନ ନିମନ୍ତେ ଜିଲ୍ଲାପାଳ ମୁଖ୍ୟ ଜିଲ୍ଲା କୃଷି ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ପ୍ରକଳ୍ପ ଗୁଡ଼ିକର ନମନୀୟତା ବି ଡି ଓ ମାନେ ଦେଖି ଜିଲ୍ଲା ପରିଷଦକୁ ପ୍ରେରଣ କରିବେ।ସେହିପରି ଟାଙ୍ଗୀ ସ୍ୱାସ୍ଥ୍ୟ କେନ୍ଦ୍ର ଷ୍ଟାଫ୍ କ୍ୱାର୍ଟର ହସ୍ତାନ୍ତର, ତାଳଚୁଙ୍ଗ ଓ ମାଣିବନ୍ଧ ଘର ହସ୍ତାନ୍ତର, ୨୨ନମ୍ବର ଜୋନରେ ମେଡ଼ିକାଲର ୨ଗୋଟି କ୍ୱାର୍ଟର ହସ୍ତାନ୍ତର ସହ ଗ୍ରାମ୍ୟ ଉନ୍ନୟନ ବିଭାଗ ଯେତେ ପ୍ରୋଜେକ୍ଟ ଅଛି ୭ଦିନ ଭିତରେ ବିଭାଗୀୟ କର୍ତ୍ତୃପକ୍ଷ ଜିଲ୍ଲାପାଳଙ୍କୁ ଫାଇଲ ଦେବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ଏଥି ସହ ରାସ୍ତା ଓ କୋଠାବାଡ଼ି ଅଧୀନ ଖଣ୍ଡ ୪ ର କୁଶଭଦ୍ରା ନଦୀର ସେତୁ ଦୁଇପଟ ରାସ୍ତା, ବାଲିଅନ୍ତା ମେଡିକାଲ ରେ ଗୃହ ହସ୍ତାନ୍ତର,ନିରାକାରପୁର ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତର ନିଯୁକ୍ତି, ଅନ୍ତର୍ଦ୍ୱୟ ଗୃହ ଯୋଜନାରେ ସୁଦ୍ଧତା, କୃଷିକ୍ଷେତ ଫସଲକୁ ବନ୍ୟ ଜୀବଜନ୍ତୁ ଦାଉରୁ ରକ୍ଷାକରିବା ନିମନ୍ତେ ସୋଲାର ବାଡ଼, ମାଣିଆ ବନ୍ଧ କାଜୁ ଜଙ୍ଗଲ ୧୦୦ଏକର ଜମିକୁ ପୁନଃ ବୃକ୍ଷ ରୋପଣ, ବାଲିଅନ୍ତା ବ୍ଲକର ଶ୍ରୀକାନ୍ତ ପୃଷ୍ଟିଙ୍କ ୨କିଡନୀ ହରାଇଥିବା ହେତୁ ଜିଲ୍ଲାପାଳ ଆର୍ଥିକ ସହାୟତା ନିମନ୍ତେ ପ୍ରକାଶ କରିଥିଲେ।ଜଟଣୀ ବ୍ଲକ ବିନ୍ଧ୍ୟ ଗିରୀ ଠାରେ ଟ୍ରାନଷ୍ଫର୍ମର ବସାଇ ବିଜୁଳି ଆଲୋକ ସମସ୍ୟା ଦୂର କରିବା, ଶିକ୍ଷକ ନଥିବା ସ୍କୁଲରେ ଶିକ୍ଷକ ନିଯୁକ୍ତି,କୁମାର ପଂଚାୟତ ସ୍କୁଲକୁ ରାସ୍ତା ଉପରେ ପୁଙ୍ଖାନୁପୁଙ୍ଖ ଆଲୋଚନା କରାଯାଇ ତୁରନ୍ତ ସମାଧାନ କରିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ସମସ୍ତ ବିଭାଗ ଜିଲ୍ଲାର ମନ୍ତ୍ରୀ,ସାଂସଦ,ବିଧାୟକ,ପି ଆର ଆଇ ମେମ୍ବର ସମସ୍ତଙ୍କୁ ସମୃକ୍ତି କରାଇ ସରକାରଙ୍କ ଯୋଜନା ପ୍ରଣୟନ ପୂର୍ବକ ବିକଶିତ ଖୋର୍ଦ୍ଧା ଜିଲ୍ଲା ଗଢି ତୋଳିବା ଏବଂ ନିଶାମୁକ୍ତ ଖୋର୍ଦ୍ଧା ପାଇଁ ସମସ୍ତେ ସହଯୋଗ କରିବାକୁ ମାନ୍ୟବର ବିଧାୟକ ଶ୍ରୀଯୁକ୍ତ ଜଗଦେବ କହିଥିଲେ।

ପ୍ରାରମ୍ଭରେ ଜିଲ୍ଲାପରିଷଦ ସଭାପତି ସ୍ୱାଗତ ଭାଷଣ ଦେଇଥିବାବେଳେ ଆଜିର କାର୍ଯ୍ୟସୂଚୀ ରାସ୍ତା ଓ ଗୃହ ନିର୍ମାଣ ବିଭାଗ, ଗ୍ରାମ୍ୟ ଉନ୍ନୟନ ବିଭାଗ, ସ୍ୱାସ୍ଥ୍ୟ ବିଭାଗ,ଶିକ୍ଷା ବିଭାଗ ଏବଂ ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ ବିଭିନ୍ନ ଯୋଜନା ଉପରେ ଆଲୋଚନା ପାଇଁ ପ୍ରସ୍ତାବ ରଖିଥିଲେ।ଶେଷରେ ମୁଖ୍ୟ ଉନ୍ନୟନ ଅଧିକାରୀ ତଥା ନୀର୍ବାହୀ ଅଧିକାରୀ ଜ୍ୟୋତି ଶଙ୍କର ସାହୁ ଧନ୍ୟବାଦ ପ୍ରଦାନ କରିଥିଲେ।ଅନ୍ୟ ମାନଙ୍କ ମଧ୍ୟରେ ସମସ୍ତ ଜୋନର ଜିଲ୍ଲା ପରିଷଦ ସଦସ୍ୟ/ସଦସ୍ୟା, ପଂଚାୟତ ସମିତି ଅଧ୍ୟକ୍ଷ/ଅଧ୍ୟକ୍ଷା, ବିଭିନ୍ନ ବିଭାଗର ଜିଲ୍ଲାସ୍ତରୀୟ ଅଧିକାରୀ ଓ ଲାଇନ ଡିପାର୍ଟ ମେଣ୍ଟ ଯନ୍ତ୍ରୀ ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସରକାରୀ କର୍ମଚାରୀକୁ କ୍ୟାସ୍‌ଲେସ୍ ହେଲଥ୍ କାର୍ଡ ଦାବି: ସୋସିଆଲ ମେଡିଆ ମାଧ୍ୟମରେ ରାଜ୍ୟ ସରକାରଙ୍କୁ ନିବେଦନ

ଭୁବନେଶ୍ୱର: ଓଡିଶା ସରକାରୀ ମିଳିତ କର୍ମଚାରୀ ମହାସଂଘ ମୁଖ୍ୟମନ୍ତ୍ରୀ, ଉପ ମୁଖ୍ୟମନ୍ତ୍ରୀ, ସ୍ୱାସ୍ଥ୍ୟ ମନ୍ତ୍ରୀ ଓ ମୁଖ୍ୟ ଶାସନ ସଚିବକୁ କ୍ୟାସ୍‌ଲେସ୍ ହେଲଥ୍ କାର୍ଡ ଲାଗୁ କରିବା ଲାଗି ଦାବିପତ୍ର ଦେଇଥିଲେ ମଧ୍ୟ ରାଜ୍ୟ ସରକାର କର୍ମଚାରୀ ମାନଙ୍କ ସ୍ୱାସ୍ଥ୍ୟ ବୀମା ବାବଦରେ କୌଣସି ନିଷ୍ପତ୍ତି ନେଇନାହାନ୍ତି। ବିଭିନ୍ନ ରାଜ୍ୟ ଓ ରାଷ୍ଟ୍ରୀୟ ଉଦ୍ୟୋଗରେ କର୍ମଚାରୀକୁ ସ୍ୱାସ୍ଥ୍ୟବୀମା ଯୋଗାଇ ଦେଉଥିବା ବେଳେ ଓଡିଶାରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି।

ଆଜି ଓଡିଶା ସରକାରୀ ମିଳିତ କର୍ମଚାରୀ ମହାସଂଘ ଆନୁକୂଲ୍ୟରେ କ୍ୟାସ୍‌ଲେସ୍ ହେଲଥ୍ କାର୍ଡ ବା ସ୍ୱାସ୍ଥ୍ୟ ବୀମା ସବୁ ସରକାରୀ କର୍ମଚାରୀ ମାନଙ୍କ କ୍ଷେତ୍ରରେ ଲାଗୁ ନହୋଇଥିବାରୁ ପଞ୍ଚାୟତରୁ ଲୋକସଭା ଭବନ ଯାଏଁ ସବୁ ବର୍ଗର କର୍ମଚାରୀ ହାତରେ ପ୍ଲାକାର୍ଡ ଧରି ରାଜ୍ୟସରକାରଙ୍କ ଉଦେଶ୍ୟରେ ଦୁଃଖ ଓ ଅସନ୍ତୋଷ ଟ୍ଵିର୍ଟର ,ଫେସବୁକ୍‌ ଓ ସୋସିଆଲ ମେଡ଼ିଆ ମାଧ୍ୟମରେ ଜାହିର କରୁଛନ୍ତି। ରାଜ୍ୟସରକାରଙ୍କୁ ଅନୁରୋଧ କରିଥିଲେ କି ସବୁ ବର୍ଗର କର୍ମଚାରୀଙ୍କୁ କ୍ୟାସ୍‌ଲେସ୍ ହେଲଥ୍ କାର୍ଡ ଯୋଗାଇ ଦେବାପାଇଁ।ରାଜ୍ୟ ସରକାରଙ୍କ ଯୁଗାନ୍ତକାରୀ ନିଷ୍ପତିକ୍ରମେ ରାଜ୍ୟରେ ଆୟୁଷ୍ମାନ ଭାରତ ଏବଂ ଗୋପବନ୍ଧୁ ଜନଆରୋଗ୍ୟ ଯୋଜନା ମିଳିତ ଭାବେ ଲାଗୁ କରିଛନ୍ତି। ଏଥିରେ ରାଜ୍ୟର ୩କୋଟି ୪୬ଲକ୍ଷ ଲୋକ ଦେଶର ୨୯ ହଜାର ଘରୋଇ ଏବଂ ସରକାରୀ ହସ୍ପିଟାଲ ରେ ଚିକିତ୍ସା ସୁବିଧା ପାଇବେ। କିନ୍ତୁ ଦୁଃଖ ବିଷୟ ଓଡିଶାରେ କାମ କରୁଥିବା ବିଭିନ୍ନ ବିଭାଗରେ ହଜାର ହଜାର କର୍ମଚାରୀ ଏହି ଯୋଜନାରେ ସାମିଲ ହୋଇନାହାନ୍ତି। ସରକାରଙ୍କ ସବୁ ଯୋଜନାକୁ ସଫଳ ରୂପାୟନ କରୁଥିବା ଓ ବିକଶିତ ଓଡିଶାକୁ ଆଗକୁ ନେଉଥିବା ଏହି ଅସହାୟ କର୍ମଚାରୀଙ୍କ ପାଇଁ ଏହି ସଫଳ ଯୋଜନାକୁ ଲାଗୁ କରିବା ନିମନ୍ତେ ଆଜି ଓଡିଶାର ଲୋକପ୍ରିୟ ମୁଖ୍ୟମନ୍ତ୍ରୀ,ସ୍ୱାସ୍ଥ୍ୟ ମନ୍ତ୍ରୀ ଏବଂ ମୁଖ୍ୟ ଶାସନ ସଚିବକୁ ଓଡିଶାର ୫ଲକ୍ଷ ସରକାରୀ କର୍ମଚାରୀ ଏବଂ ୩.୫ଲକ୍ଷ ଅବସରପ୍ରାପ୍ତ ସରକାରୀ କର୍ମଚାରୀ ଓ ସେମାନଙ୍କ ପରିବାର ତରଫରୁ ଅନୁରୋଧ କରୁଛୁ।

ସଙ୍ଘର ନିଷ୍ପତି ଅନୁଯାୟୀ ଆସନ୍ତା ଏକ ସପ୍ତାହ ପର୍ଯ୍ୟନ୍ତ ଏପରି ପ୍ଲାକାର୍ଡ ମାଧ୍ୟମରେ ରାଜ୍ୟସରକାରଙ୍କୁ ଅନୁରୋଧ କରାଯିବ, ଏବଂ ପରବର୍ତୀ କାର୍ଯ୍ୟକ୍ରମ ହିସାବରେ କଳାବ୍ୟାଚ ପିନ୍ଧି ସମସ୍ତେ କାର୍ଯ୍ୟ କରିବେ ଏବଂ ସମସ୍ତ ମନ୍ତ୍ରୀ, ବିଧାୟକ, ସଚିବ ଓ ଜିଲ୍ଲାପାଳଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀକୁ ଦାବିପତ୍ର ପ୍ରଦାନ କରାଯିବ। ଯଦି ରାଜ୍ୟସରକାର ଏକ ମାସ ମଧ୍ୟରେ କ୍ୟାସ୍‌ଲେସ୍ ହେଲଥ୍ କାର୍ଡ କର୍ମଚାରୀ ମାନଙ୍କ କ୍ଷେତ୍ର ରେ ଲାଗୁ ନକରନ୍ତି, ଏକ ବୃହତ ଆନ୍ଦୋଳନ ପଞ୍ଚାୟତ ଠାରୁ ଲୋକସଭା ଭବନ ପର୍ଯ୍ୟନ୍ତ କରାଯିବ ବୋଲି ମହାସଂଘର ରାଜ୍ୟ ସଭାପତି ବିଜୟ ମଲ୍ଲ, ଅଶ୍ବିନୀ ମିଶ୍ର, ପ୍ରଦୀପ ପ୍ରଧାନ, ଶ୍ଶୁଭ୍ରଜିତ ପ୍ରତିହାରୀ, ରାଜେନ୍ଦ୍ର ମଲ୍ଲିକ, ଅନ୍ତର୍ଯ୍ୟାମୀ ଲେଙ୍କା, କ୍ଷୀତିଶ ପଣ୍ଡା, ତୁଷାର କାନ୍ତ ରାଉତ, ପ୍ରଭାତ ତିୱାରୀ, ଗୁରୁଗୋବିନ୍ଦ ଦଳାଇ, ପ୍ରଶାନ୍ତ ରାଉରାୟ, ମନୋଜ ଜେନା, ଆଦିତ୍ୟ ନାରାୟଣ ସ୍ୱାଇଁ, ଅନୀତା ବେହେରା, ଶିବ ଶଙ୍କର ସାହୁ ପ୍ରମୁଖ ଏକ ପ୍ରେସ ବିବୃତ୍ତି ମାଧ୍ୟମରେ ଓଡିଶାର ସମସ୍ତ ସରକାରୀ କର୍ମଚାରୀ ମାନ୍ୟବର ମୁଖ୍ୟମନ୍ତ୍ରୀକୁ କର୍ମଚାରୀ ମାନଙ୍କ ନିମନ୍ତେ “କ୍ୟାସଲେସ୍ ହେଲଥ୍ କାର୍ଡ” ଲାଗୁ କରାଯିବାକୁ ଅନୁରୋଧ କରୁଛନ୍ତି

Categories
ଅପରାଧ ଆଜିର ଖବର ଖେଳ ଜାତୀୟ ଖବର ବ୍ୟବସାୟ

ଆଇପିଏଲ ରେ ଫିକ୍ସିଂ ର ଛାୟା!: ସମସ୍ତ 10 ଟି ଦଳକୁ ଚେତାବନୀ ଦେଲା ବିସିସିଆଇ

ନୂଆଦିଲ୍ଲୀ: କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ଆଇପିଏଲ୍ 2025 ର ସମସ୍ତ 10 ଟି ଦଳକୁ ଚେତାବନୀ ଦେଇଛି। ବେଆଇନ କାର୍ଯ୍ୟ କରିବାକୁ ହାଇଦ୍ରାବାଦର ଜଣେ ବ୍ୟବସାୟୀ ଲୋକଙ୍କ ସହ ଯୋଗାଯୋଗ କରୁଛନ୍ତି ବୋଲି ଚେତାବନୀ ଦିଆଯାଇଛି। ଏକ ମିଡିଆ ରିପୋର୍ଟ ଅନୁଯାୟୀ, ବିସିସିଆଇ ସମସ୍ତ କ୍ରିକେଟର, କୋଚ୍, ସମୀକ୍ଷକ ଏବଂ ସପୋର୍ଟ ଷ୍ଟାଫଙ୍କୁ ଏହି ବ୍ୟବସାୟୀଙ୍କ ପ୍ରତି ସତର୍କ ରହିବାକୁ କହିଛି। କୁହାଯାଏ ଯେ, ଏହି ବ୍ୟବସାୟୀ ଅନେକ ବୁକିଙ୍କ ସହ ଯୋଗାଯୋଗରେ ଅଛନ୍ତି। ଏହି ବ୍ୟକ୍ତି ଟୁର୍ଣ୍ଣାମେଣ୍ଟରେ ଲୋକଙ୍କୁ ମହଙ୍ଗା ଉପହାର ଦେଇ ଲୋକଙ୍କୁ ଜାଲରେ ଫସାନ୍ତି।

କ୍ରିକବଜ୍ ରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଏହି ବ୍ୟବସାୟୀ ସାଧାରଣତଃ ପ୍ରଥମେ ଦଳର ମାଲିକ, ଖେଳାଳି, କୋଚ୍, ସପୋର୍ଟ ଷ୍ଟାଫ୍ ଏବଂ ସମୀକ୍ଷକଙ୍କ ପରିବାର ସଦସ୍ୟଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରନ୍ତି। ଦୁର୍ନୀତି ନିବାରଣ ୟୁନିଟ୍ ବିଶ୍ୱାସ କରେ ଯେ ଏହି ବ୍ୟକ୍ତି ଅତୀତରେ ମଧ୍ୟ ବେଆଇନ କାର୍ଯ୍ୟକଳାପରେ ଜଡିତ ଥିଲେ।

ଏହି ରିପୋର୍ଟରେ ମଧ୍ୟ ଦାବି କରାଯାଇଛି ଯେ, ଏହି ହାଇଦ୍ରାବାଦ ବ୍ୟବସାୟୀ ଆଇପିଏଲରେ ଅଂଶଗ୍ରହଣ କରୁଥିବା ଖେଳାଳି, ପ୍ରଶିକ୍ଷକ ଏବଂ ସମୀକ୍ଷକଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରୁଛନ୍ତି। ତାଙ୍କୁ ଦଳର ହୋଟେଲ ଏବଂ ପଡିଆରେ ମଧ୍ୟ ଦେଖିବାକୁ ମିଳିଛି। ସେ ଖେଳାଳୀ ଏବଂ କର୍ମଚାରୀମାନଙ୍କୁ ବ୍ୟକ୍ତିଗତ ପାର୍ଟିକୁ ନିମନ୍ତ୍ରଣ କରନ୍ତି ଏବଂ ସେମାନଙ୍କୁ ଅଳଙ୍କାର ସମେତ ମହଙ୍ଗା ଉପହାର ଦିଅନ୍ତି। ଏହି ପରିପ୍ରେକ୍ଷୀରେ, ଆଇପିଏଲ୍ 2025 ରେ ଅଂଶଗ୍ରହଣ କରୁଥିବା ସମସ୍ତ ଦଳ ଏବଂ ସେମାନଙ୍କ ପାଇଁ ଖେଳୁଥିବା ଖେଳାଳିଙ୍କ ଠାରୁ ବିସିସିଆଇ ସହାୟତା ଲୋଡିଛି। ମ୍ୟାଚ୍ ଫିକ୍ସିଂ ଭଳି ଘଟଣାକୁ ବିସିସିଆଇ ସମ୍ପୂର୍ଣ୍ଣ ବିରୋଧ କରୁଛି ଏବଂ କ୍ରିକେଟ୍ ର ଅଖଣ୍ଡତା ବଜାୟ ରଖିବାକୁ ପ୍ରତିଶ୍ରୁତିବଦ୍ଧ।

ମ୍ୟାଚ୍ ଫିକ୍ସିଂ ପୂର୍ବରୁ ଆଇପିଏଲରେ ଘଟିଛି:

2013 ରେ ମ୍ୟାଚ୍ ଫିକ୍ସିଂ ଘଟଣା ଇଣ୍ଡିଆନ୍ ପ୍ରିମିୟର ଲିଗ୍ ଇତିହାସରେ ସବୁଠାରୁ ବଡ ଦୁର୍ନୀତି ବୋଲି ବିବେଚନା କରାଯାଏ। ମ୍ୟାଚ୍ ଫିକ୍ସିଂ ମାମଲାରେ ତିନିଜଣ ରାଜସ୍ଥାନ ରୟାଲ୍ସ ଖେଳାଳି ଏସ ଶ୍ରୀସନ୍ତ, ଅଜିତ ଚଣ୍ଡିଲା ଏବଂ ଅଙ୍କିତ ଚହ୍ଵାନଙ୍କୁ ଦିଲ୍ଲୀ ପୋଲିସ ଗିରଫ କରିଥିଲା। ପରେ ଏହି ମାମଲାରେ ଚେନ୍ନାଇ ସୁପର କିଙ୍ଗ୍ସ ଏବଂ ରାଜସ୍ଥାନ ରୟାଲ୍ସର ଦଳର ପ୍ରିନ୍ସିପାଲମାନଙ୍କୁ ମଧ୍ୟ ଗିରଫ କରାଯାଇଥିଲା।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଫିନ୍‌ଲ୍ୟାଣ୍ଡର ରାଷ୍ଟ୍ରପତିଙ୍କ ସହ ଟେଲିଫୋନ୍‌ରେ କଥା ହେଲେ ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଫିନ୍‌ଲ୍ୟାଣ୍ଡର ରାଷ୍ଟ୍ରପତି ଆଲେକ୍‌ଜାଣ୍ଡର ଷ୍ଟବ୍‌ଙ୍କ ସହ ଟେଲିଫୋନ୍‌ରେ କଥା ହୋଇଛନ୍ତି।

ଉଭୟ ନେତା ଡିଜିଟାଲାଇଜେସନ୍‌, ସ୍ଥିରତା ଏବଂ ଗତିଶୀଳତା କ୍ଷେତ୍ର ସମେତ ଦୁଇ ଦେଶ ମଧ୍ୟରେ ଚାଲିଥିବା ସହଯୋଗର ସମୀକ୍ଷା କରିଛନ୍ତି। ସେମାନେ କ୍ୱାଣ୍ଟମ୍‌, ୫ଜି-୬ଜି, ଏଆଇ ଏବଂ ସାଇବର-ସୁରକ୍ଷା କ୍ଷେତ୍ର ସମେତ ଏହି ସହଭାଗୀତାକୁ ଆହୁରି ମଜବୁତ ତଥା ଗଭୀର କରିବା ପାଇଁ ସେମାନଙ୍କର ପ୍ରତିବଦ୍ଧତାକୁ ଦୋହରାଇଛନ୍ତି।

ଏଥିସହ ନେତାମାନେ ୟୁକ୍ରେନର ପରିସ୍ଥିତି ସମେତ ପାରସ୍ପରିକ ସ୍ୱାର୍ଥର ଆଞ୍ଚଳିକ ଏବଂ ବିଶ୍ୱସ୍ତରୀୟ ପ୍ରସଙ୍ଗ ଉପରେ ମଧ୍ୟ ମତ ବିନିମୟ କରିଛନ୍ତି। ରାଷ୍ଟ୍ରପତି ଷ୍ଟବ ଭାରତ-ୟୁରୋପୀୟ ସଂଘ ମଧ୍ୟରେ ସମ୍ପର୍କ ଆହୁରି ଗଭୀର କରିବା ଏବଂ ଶୀଘ୍ର ଏକ ପାରସ୍ପରିକ ଲାଭଦାୟକ ଏଫ୍‌ଟିଏ ବୁଝାମଣା ସମ୍ପୂର୍ଣ୍ଣ କରିବା ପାଇଁ ଫିନ୍‌ଲ୍ୟାଣ୍ଡର ସମର୍ଥନ ଥିବା ଜଣାଇଛନ୍ତି।

ଦୁଇ ନେତା ଯୋଗାଯୋଗରେ ରହିବାକୁ ସହମତି ପ୍ରକାଶ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ମୟୂରଭଞ୍ଜରେ ପିଏମ୍‌ ବିଶ୍ୱକର୍ମା-ଜାତୀୟ ଏସସି-ଏସଟି ହବ୍‌ ଉପରେ ସମ୍ମିଳନୀ ଆୟୋଜିତ

ବାରିପଦା: ମୟୂରଭଞ୍ଜ ଜିଲ୍ଲାର ବାରିପଦାସ୍ଥିତ ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ସମ୍ମିଳନୀ କକ୍ଷ ଠାରେ ପିଏମ ବିଶ୍ୱକର୍ମା-ଜାତୀୟ ଏସସି-ଏସଟି ହବ୍ ଉପରେ ଏକ ସମ୍ମିଳନୀ ଆୟୋଜିତ ହୋଇଯାଇଛି। କେନ୍ଦ୍ର ସରକାରଙ୍କ ଲଘୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ (ଏମଏସଏମଇ) ମନ୍ତ୍ରଣାଳୟ ପକ୍ଷରୁ ସମ୍ମିଳନୀ ଆୟୋଜନ କରାଯାଇଥିଲା।

ଏକ ପ୍ରଦର୍ଶନୀର ଉଦଘାଟନ ସହିତ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା। ଏଥିରେ ବିଭିନ୍ନ ଅଂଶୀଦାର, ହିତାଧିକାରୀ ଏବଂ ସରକାରୀ ଅଧିକାରୀମାନଙ୍କୁ ଏକତ୍ରିତ ହେବା ସହିତ ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ଏବଂ ଜାତୀୟ ଏସସି–ଏସଟି ହବ୍ ଭଳି ପ୍ରମୁଖ ପଦକ୍ଷେପ ଉପରେ ବିଚାରବିମର୍ଶ କରିଥିଲେ।

କେନ୍ଦ୍ର ଏମଏସଏମଇ ମନ୍ତ୍ରୀ ଜିତନ ରାମ ମାଞ୍ଝୀ ଏବଂ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସମ୍ମିଳନୀରେ ସହଅଧ୍ୟକ୍ଷତା କରିଥିଲେ। ବିଶିଷ୍ଟ ଅତିଥିମାନେ ସମାରୋହକୁ ଆନୁଷ୍ଠାନିକ ଭାବେ ଉଦଘାଟନ ମଧ୍ୟ କରିଥିଲେ।

କେନ୍ଦ୍ର ମନ୍ତ୍ରୀ ଶ୍ରୀ ମାଞ୍ଝି କାର୍ଯ୍ୟକ୍ରମକୁ ସମ୍ବୋଧିତ କରି ନିଯୁକ୍ତି ସୃଷ୍ଟି ଏବଂ ଜୀବିକା ନିର୍ବାହରେ ଏମଏସଏମଇ କ୍ଷେତ୍ରର ଗୁରୁତ୍ୱପୂର୍ଣ୍ଣ ଭୂମିକା ବିଷୟରେ କହିଥିଲେ। ସାଧାରଣ ଲୋକଙ୍କୁ ସଶକ୍ତ କରିବା ଏବଂ ଜୀବିକା ନିର୍ବାହରେ ଉନ୍ନତି ଆଣିବାରେ ପ୍ରଧାନମନ୍ତ୍ରୀ ବିଶ୍ୱକର୍ମା ଏବଂ ଜାତୀୟ ଏସସି–ଏସଟି ହବ୍ ଯୋଜନାର ଗୁରୁତ୍ୱ ଏବଂ ଭୂମିକା ସହିତ କତା ବୋର୍ଡ ଏବଂ ଖଦୀର ଯୋଗଦାନ ଉପରେ ସେ ଆଲୋକପାତ କରିଥିଲେ।

କେନ୍ଦ୍ର ମନ୍ତ୍ରୀ କହିଥିଲେ, ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ମାର୍ଗଦର୍ଶନରେ ଏମଏସଏମଇର ପ୍ରୋତ୍ସାହନ ପାଇଁ ସେ ଏହି ଅଞ୍ଚଳକୁ ଆସିଛନ୍ତି।  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତକୁ ବିକଶିତ ରାଷ୍ଟ୍ରରେ ପରିଣତ କରିବା ଏବଂ ୨୦୨୭-୨୮ ସୁଦ୍ଧା ଏହାକୁ ବିଶ୍ୱର ତୃତୀୟ ସର୍ବବୃହତ ଅର୍ଥବ୍ୟବସ୍ଥା ଭାବେ ପ୍ରତିଷ୍ଠିତ କରିବା ଲାଗି ପରିକଳ୍ପନା କରିଛନ୍ତି। ଏହି ସଂକଳ୍ପକୁ ନେଇ ଏମଏସଏମଇ ମନ୍ତ୍ରଣାଳୟ କାର୍ଯ୍ୟ କରୁଛି। ସବୁ ଉଦ୍ୟୋଗୀଙ୍କୁ ଆଗକୁ ବଢ଼ିବା ଲାଗି ପ୍ରୋତ୍ସାହନ ଯୋଗାଇ ଦିଆଯିବ ବୋଲି ସେ କହିଥିଲେ। ଶ୍ରୀ ମାଞ୍ଝୀ ଆହୁରି କହିଥିଲେ, ଏମଏସଏମଇ କ୍ଷେତ୍ରରେ ଓଡ଼ିଶାର ପ୍ରଗତି ଉଲ୍ଲେଖନୀୟ ରହିଛି। ଏବେ ପ୍ରାୟ ସବୁ ଉଦ୍ୟୋଗୀ ଉଦ୍ୟମ ପୋର୍ଟାଲରେ ପଞ୍ଜୀକରଣ କରୁଛନ୍ତି। ମନ୍ତ୍ରଣାଳୟର ପ୍ରୟାସକ୍ରମେ ଓଡ଼ିଶାର ଏମଏସଏମଇ କ୍ଷେତ୍ର ଆହୁରି ଆଗକୁ ବଢ଼ିବ ବୋଲି ସେ ଆଶାବ୍ୟକ୍ତ କରିଥିଲେ।

ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଅଭିଭାଷଣ ପ୍ରଦାନ କରି ପ୍ରଧାନମନ୍ତ୍ରୀ ବିଶ୍ୱକର୍ମା ଏବଂ ଜାତୀୟ ଏସସି-ଏସଟି କେନ୍ଦ୍ର ଯୋଜନାର ସଫଳତା ଉପରେ ଆଲୋକପାତ କରିଥିଲେ। କେନ୍ଦ୍ର ଏମଏସଏମଇ ମନ୍ତ୍ରଣାଳୟର ସମର୍ଥନ ଓ ଏହାର ପଦକ୍ଷେପ ଦ୍ୱାରା ରାଜ୍ୟର ଲୋକମାନେ କିପରି ଉପକୃତ ହୋଇଛନ୍ତି ସେ ବିଷୟରେ ମୁଖ୍ୟମନ୍ତ୍ରୀ ସୂଚନା ଦେଇଥିଲେ। ଶ୍ରୀ ମାଝୀ କହିଥିଲେ, ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ମଧ୍ୟବିତ୍ତଙ୍କ ଜୀବନରେ  ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। ଏମଏସଏମଇ ମନ୍ତ୍ରଣାଳୟ ଓଡ଼ିଶା ଉପରେ ସ୍ୱତନ୍ତ୍ର ଧ୍ୟାନ ଦେଇଛି ଏବଂ ଏଠାରେ ପି.ଏମ୍. ବିଶ୍ୱକର୍ମା-ଜାତୀୟ ଏସସି-ଏସଟି କେନ୍ଦ୍ର ସମ୍ମିଳନୀ ଆୟୋଜନ କରିଛି।

କାର୍ଯ୍ୟକ୍ରମରେ ଓଡ଼ିଶା ସରକାରଙ୍କ ଏମଏସଏମଇ, ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ରାଷ୍ଟ୍ର ମନ୍ତ୍ରୀ ଗୋକୁଳାନନ୍ଦ ମଲ୍ଲିକ, ଜଙ୍ଗଲ ଓ ପରିବେଶ ଓ ଜଳବାୟୁ ପରିବର୍ତ୍ତନ ରାଷ୍ଟ୍ର ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ, ଗୃହ ନିର୍ମାଣ ଓ ସହରୀ ବିକାଶ ମନ୍ତ୍ରୀ  ଡକ୍ଟର କୃଷ୍ଣଚନ୍ଦ୍ର  ମହାପାତ୍ର, ମୟୂରଭଞ୍ଜ ସାଂସଦ ନବ ଚରଣ ମାଝୀ, ବାରିପଦା ବିଧାୟକ ପ୍ରକାଶ ସୋରେନ, ସାଂସଦ ମମତା ମହାନ୍ତ, ଶିଳ୍ପ ଓ ଏମଏସଏମଇ ବିଭାଗର ଅତିରିକ୍ତ ମୁଖ୍ୟ ସଚିବ ହେମନ୍ତ ଶର୍ମାଙ୍କ ସମେତ ବରିଷ୍ଠ ପ୍ରଶାସନିକ ଅଧିକାରୀମାନେ ଉପସ୍ଥିତ ଥିଲେ।

କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ବିଶ୍ୱକର୍ମା, ପିଏମଇଜିପି ଏବଂ ଏସସି-ଏସଟି ହବ୍ ପଦକ୍ଷେପର ହିତାଧିକାରୀ ସେମାନଙ୍କର ଅଭିଜ୍ଞତା ବାଣ୍ଟିଥିଲେ। ଉଦ୍ୟୋଗୀମାନଙ୍କୁ ସଶକ୍ତ କରିବା ପାଇଁ, ଋଣ ଚେକ୍ ବଣ୍ଟନ ସହିତ ପ୍ରଧାନମନ୍ତ୍ରୀ ବିଶ୍ୱକର୍ମା ହିତାଧିକାରୀମାନଙ୍କୁ ଇ-ପ୍ରମାଣପତ୍ର ବିତରଣ କରାଯାଇଥିଲା। ଜାତୀୟ ଏସସି-ଏସ୍.ଟି. ହବ୍ ହିତାଧିକାରୀ ଏବଂ ପି.ଏମ୍.ଇ.ଜି.ପି. ହିତାଧିକାରୀମାନଙ୍କୁ ମଧ୍ୟ ପ୍ରମାଣପତ୍ର ପ୍ରଦାନ କରାଯାଇଥିଲା।

ସୂଚନାଯୋଗ୍ୟ ୧୭ ସେପ୍ଟେମ୍ବର ୨୦୨୩ରେ ଆରମ୍ଭ ହୋଇଥିବା ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ଦକ୍ଷତା ବିକାଶ, ଆର୍ଥିକ ସହାୟତା ଏବଂ ଟୁଲକିଟ୍ ସହିତ ପାରମ୍ପରିକ କାରିଗର ଏବଂ ଶିଳ୍ପୀମାନଙ୍କୁ ସମର୍ଥନ ଯୋଗାଇ ଦେଇଥାଏ। ସେହିପରି ଅକ୍ଟୋବର ୨୦୧୬ରେ ଆରମ୍ଭ ହୋଇଥିବା ଜାତୀୟ ଏସସି-ଏସଟି ହବ୍ କ୍ଷମତା ନିର୍ମାଣ, ବଜାର ସଂଯୋଗ ଏବଂ ପ୍ରଯୁକ୍ତିବିଦ୍ୟା ଏବଂ ଋଣ ଉପଲବ୍ଧତା ମାଧ୍ୟମରେ ଏସସି/ଏସଟି ଉଦ୍ୟୋଗୀମାନଙ୍କୁ ସଶକ୍ତ କରିଥାଏ।

୬.୨୫ କୋଟିରୁ ଅଧିକ ଉଦ୍ୟୋଗ ଏବଂ ୨୬.୭ କୋଟି ଲୋକଙ୍କୁ ନିଯୁକ୍ତି ପ୍ରଦାନ କରୁଥିବା ଏମଏସଏମଇ କ୍ଷେତ୍ର ଭାରତର ଆର୍ଥିକ ବିକାଶରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ, ଯାହା ଜି.ଡି.ପି.ରେ ପ୍ରାୟ ୩୦ ପ୍ରତିଶତ ଏବଂ ରପ୍ତାନିରେ ୪୫ ପ୍ରତିଶତରୁ ଅଧିକ ଯୋଗଦାନ ଦେଇଥାଏ।

Categories
ଅପରାଧ ଆଜିର ଖବର ଜାତୀୟ ଖବର

କଂଗ୍ରେସ ନେତ୍ରୀ ମୃତ୍ୟୁ ମାମଲା: ଦିଗବିଜୟ ସିଂଙ୍କ ବିରୋଧରେ ତଦନ୍ତ କରିବାକୁ ନିର୍ଦ୍ଦେଶ ଦେଲେ କୋର୍ଟ

ନୂଆଦିଲ୍ଲୀ: ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ରାଜ୍ୟସଭା ସାଂସଦ ଦିଗବିଜୟ ସିଂଙ୍କ ସମସ୍ୟା ବଢିପାରେ। କାରଣ ୨୮ ବର୍ଷ ପରେ କଂଗ୍ରେସ ନେତ୍ରୀ ସରଲା ମିଶ୍ରଙ୍କ ମୃତ୍ୟୁ ମାମଲା ପୁନଃ ଖୋଲାଯିବ। ଏହି ମାମଲାରେ ସରଲା ମିଶ୍ରଙ୍କ ଭାଇ ଦିଗବିଜୟ ସିଂଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି।

ଭୋପାଳ କୋର୍ଟଙ୍କ ନିର୍ଦ୍ଦେଶ ପରେ ସରଲା ମିଶ୍ରଙ୍କ ମୃତ୍ୟୁ ମାମଲା ପୁନଃ ଖୋଲାଯାଇଛି। ସରଲାଙ୍କ ଭାଇ କୋର୍ଟରେ ଆବେଦନ କରିଥିଲେ, ଏହା ପରେ ଭୋପାଳ କୋର୍ଟର ବିଚାରପତି ପଲକ ରାୟ ପୁଣି ଥରେ ପୋଲିସ ତଦନ୍ତ ନିର୍ଦ୍ଦେଶ ଦେଇଛନ୍ତି।

ପ୍ରକୃତରେ ପୋଲିସ୍ ଅନୁସନ୍ଧାନରେ ସରଲା ମିଶ୍ରଙ୍କ ମୃତ୍ୟୁ ଆତ୍ମହତ୍ୟା ବୋଲି କୁହାଯାଉଥିଲା। କିନ୍ତୁ ବର୍ତ୍ତମାନ କୋର୍ଟ ଗ୍ରହଣ କରିଛନ୍ତି ଯେ ପୋଲିସର ତଦନ୍ତ ଠିକ୍ ଭାବରେ କରାଯାଇ ନାହିଁ ଏବଂ ପୁନର୍ବାର ଅନୁସନ୍ଧାନ କରି ରିପୋର୍ଟ ଦାଖଲ କରିବା ପାଇଁ ପୋଲିସକୁ ନିର୍ଦ୍ଦେଶ ଦିଆଯାଇଛି। ଭୋପାଳର ଟିଟି ନାଗର ପୋଲିସ ଷ୍ଟେସନ ଏହି ଘଟଣାର ତଦନ୍ତ କରିଥିଲା।

ଦିଗବିଜୟ ସିଂଙ୍କ ବିରୋଧରେ ଗୁରୁତର ଅଭିଯୋଗ ହୋଇଛି:

ଉଲ୍ଲେଖ ଯୋଗ୍ୟ ଯେ, ଫେବୃଆରୀ ୧୪ ତାରିଖ ୧୯୯୭ରେ ସରଲା ମିଶ୍ରଙ୍କର ମୃତ୍ୟୁ ହୋଇଥିଲା। ସରଲା ମିଶ୍ରଙ୍କ ଭାଇ ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ରାଜନୈତିକ ପ୍ରତିଦ୍ୱନ୍ଦ୍ୱିତା କାରଣରୁ ତାଙ୍କ ଭଉଣୀଙ୍କୁ ହତ୍ୟା କରାଯାଇଥିବା ସେ କହିଛନ୍ତି। ବର୍ତ୍ତମାନ ଏହି ମାମଲା ପୁନଃ ଖୋଲିବା ପରେ ସରଲା ମିଶ୍ରଙ୍କ ଭାଇ ଖୁସି ବ୍ୟକ୍ତ କରିଛନ୍ତି। ଅନୁରାଗ ମିଶ୍ର କହିଛନ୍ତି ଯେ, ମୁଁ ଆଶା କରୁଛି ନ୍ୟାୟ ମିଳିବ।

Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧା ରୋଡ଼–ବଲାଙ୍ଗୀର ନୂଆ ରେଳ ଲାଇନ୍ ପ୍ରକଳ୍ପରେ ବଡ଼ ଉପଲବ୍ଧି

ଭୁବନେଶ୍ଵର: ଓଡ଼ିଶାର ସବୁଠାରୁ ସୁଦୀର୍ଘ ରେଳ ସୁଡ଼ଙ୍ଗ (4,185 ମିଟର ଦୈର୍ଘ୍ୟ ବିଶିଷ୍ଟ), ଖୋର୍ଦ୍ଧା-ବଲାଙ୍ଗୀର ନୂତନ ରେଳ ଲାଇନ୍ ପ୍ରକଳ୍ପ ଅନ୍ତର୍ଗତ ଟନେଲ୍ T-4 ର ଆଜି ସଫଳ ଭାବେ “ଡେଲାଇଟିଂ” (Breakthrough) ବ୍ରେକଥ୍ରୁ କାର୍ଯ୍ୟ କରାଯାଇଛି।

ଏହି ଟନେଲ୍ ବୌଦ୍ଧ ଜିଲ୍ଲାର ଆଢେଣିଗଡ଼-ଚାରିଛକ ଷ୍ଟେସନ ମଧ୍ୟରେ ଅବସ୍ଥିତ ଏବଂ ଏହି କାର୍ଯ୍ୟ ନୂତନ ଜ୍ଞାନକୌଶଳ ପଦ୍ଧତି ଦ୍ୱାରା ସମାପ୍ତ ହୋଇଛି। ଏହି ଟନେଲ୍ କେବଳ ଏହି ପ୍ରକଳ୍ପରେ ନୁହେଁ, ବରଂ ସମଗ୍ର ଓଡ଼ିଶାରେ ସୁଦୀର୍ଘ ରେଳ ସୁଡ଼ଙ୍ଗ ଭାବେ ଇତିହାସ ରଚିଛି । ସୁଡ଼ଙ୍ଗର ଖନନରେ ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଏବଂ ମେସିନ୍ ନିୟୋଜିତ କରାଯାଇଥିଲା, ଯାହା ପୂର୍ବ ଘାଟର ଚ୍ୟାଲେଞ୍ଜିଂ ଏବଂ ଦୁର୍ଗମ ଭୂଖଣ୍ଡକୁ ନେଭିଗେଟ୍ କରିବା ପାଇଁ ଡିଜାଇନ୍ କରାଯାଇଥିଲା।

ଖୋର୍ଦ୍ଧା ରୋଡ୍ – ବଲାଙ୍ଗୀର ରେଳ ଲାଇନ ପ୍ରକଳ୍ପର ସମୁଦାୟ ଦାର୍ଘ୍ୟ 301 କିଲୋମିଟର ଅଟେ ଯାହାକି ସୁଡ଼ଙ୍ଗ ନିର୍ମାଣ କ୍ଷେତ୍ରରେ ଅନେକ ଇଞ୍ଜିନିୟରିଂ ଏବଂ ଲଜିଷ୍ଟିକ୍ ଚ୍ୟାଲେଞ୍ଜ ଗୁଡିକର ସାମ୍ନା କରିବାକୁ ପଡିଛି। ଏହି ପ୍ରକଳ୍ପରେ 75 କିଲୋମିଟର ଦୈର୍ଘ୍ୟ ମଧ୍ୟରେ ସାତଟି ସୁଡ଼ଙ୍ଗ ଅନ୍ତର୍ଭୁକ୍ତ ଯାହାକି ସମସ୍ତ ସୁଡ଼ଙ୍ଗ ଦଶପଲ୍ଲା ଏବଂ ପୁରୁଣାକଟକ ମଧ୍ୟରେ ଅବସ୍ଥିତ। ଏହି ସୁଡ଼ଙ୍ଗଗୁଡ଼ିକର ବିଶେଷକରି ପୂର୍ବଘାଟର କଷ୍ଟକର ଭୂଖଣ୍ଡ ଦେଇ ନିର୍ମାଣ କାର୍ଯ୍ୟ ପ୍ରକଳ୍ପର ସବୁଠାରୁ ଜଟିଳ ଦିଗ ମଧ୍ୟରୁ ଗୋଟିଏ। ଏହି ପ୍ରକଳ୍ପରେ ଗୋଟିଏପଟେ ଖୋର୍ଦ୍ଧା ରୋଡ଼ ରୁ ଦଶପଲ୍ଲା ପର୍ଯ୍ୟନ୍ତ ଏବଂ ଅନ୍ୟ ପଟେ ବଲାଙ୍ଗୀର ରୁ ପୁରୁଣାକଟକ ପର୍ଯ୍ୟନ୍ତ
226 କି.ମି. ଅଂଶ କାର୍ଯ୍ୟ ସମ୍ପୂର୍ଣ ହୋଇଛି। ଅବଶିଷ୍ଟ 75 କି.ମି. ଅଂଶ ଯାହା ମଧ୍ୟରେ 7ଟି ଟନେଲ୍ ରହିଛି, ବର୍ତ୍ତମାନ ନିର୍ମାଣଧୀନଅଛି।

T-4 ର “ଡେଲାଇଟିଂ” ବ୍ରେକଥ୍ରୁ ଏହି ମହତ୍ତ୍ୱପୂର୍ଣ୍ଣ ପ୍ରକଳ୍ପର ଗତି ବଢ଼ାଇବାରେ ମୁଖ୍ୟ ଭୂମିକା ନେବ। ଏହି ଐତିହାସିକ ସଫଳତା ଓଡ଼ିଶାର ଉପକୂଳ ଅଞ୍ଚଳ ସହିତ ପଶ୍ଚିମାଞ୍ଚଳକୁ ସଂଯୋଗ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ଏବଂ ଏହି ଅଞ୍ଚଳର ପରିବହନ ଏବଂ ଆର୍ଥିକ ସମ୍ଭାବନାକୁ ବୃଦ୍ଧି କରିବ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଅନୁଗୁଳ ଜିଲ୍ଲାର ସିଙ୍ଗାରେନି କୋଲିୟାରୀ ନୟନୀ କୋଇଲା ଖଣିକୁ ଉଦଘାଟନ କଲେ ତେଲଙ୍ଗାନା ଉପମୁଖ୍ୟମନ୍ତ୍ରୀ

ଭୁବନେଶ୍ଵର: ତେଲଙ୍ଗାନା ଉପମୁଖ୍ୟମନ୍ତ୍ରୀ ତଥା ଅର୍ଥ ଓ ଶକ୍ତି ମନ୍ତ୍ରୀ ଭଟ୍ଟି ବିକ୍ରମାର୍କ ମାଲ୍ଲୁ ଆଜି ଆଭାସୀ ମାଧ୍ୟମରେ ଓଡ଼ିଶାର ଅନୁଗୁଳ ଜିଲ୍ଲାରେ ଥିବା ସିଙ୍ଗାରେନୀ କୋଲିୟାରୀ ନୟନୀ କୋଇଲା ଖଣିର ଉଦଘାଟନ କରିଛନ୍ତି। ଏହି ଅବସରରେ ଶ୍ରୀ ମାଲ୍ଲୁ କହିଛନ୍ତି, ପ୍ରଥମ ଥର ପାଇଁ ସିଙ୍ଗାରେନି କୋଲିୟାରିଜ୍‌ କମ୍ପାନୀ ଲିମିଟେଡ୍‌ (ଏସସିସିଏଲ) ଅନ୍ୟ ଏକ ରାଜ୍ୟରେ ଖଣି ଖନନ କାର୍ଯ୍ୟ ଆରମ୍ଭ କରିବାକୁ ଯାଉଛି। ଏହା ସଂସ୍ଥା ପାଇଁ ଏକ ସୁବର୍ଣ୍ଣ ଅଧ୍ୟାୟ ଆରମ୍ଭ କରିଛି। ଓଡ଼ିଶାରେ ନୟନୀ ଖଣି କାର୍ଯ୍ୟକ୍ଷମ ହେବା ପରେ ଏସସିସିଏଲର ବିଶ୍ୱସ୍ତରୀୟ ବିସ୍ତାର ପାଇଁ ଏକ ନୂତନ ଯୁଗ ଆରମ୍ଭ ହୋଇଛି। ଏହା ସିଙ୍ଗାରେନି ଏବଂ ତେଲଙ୍ଗାନା ପାଇଁ ଖୁସିର ବିଷୟ।

ତେଲଙ୍ଗାନା ଉପମୁଖ୍ୟମନ୍ତ୍ରୀ ଏହି ଅବସରରେ କେନ୍ଦ୍ର କୋଇଲା ମନ୍ତ୍ରୀ ଜି. କିଶନ ରେଡ୍ଡୀ, କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଛେଣ୍ଡିପଦା ବିଧାୟକ ଅଗସ୍ତି ବେହେରା ଏବଂ ଅନ୍ୟ ଜନପ୍ରତିନିଧିମାନଙ୍କୁ ସେମାନଙ୍କ ସହଯୋଗ ପାଇଁ ଧନ୍ୟବାଦ ଜଣାଇଛନ୍ତି। ଗତବର୍ଷ ଜୁଲାଇ ମାସରେ ତାଙ୍କର ଓଡ଼ିଶା ଗସ୍ତ ବିଷୟରେ ସ୍ମରଣ କରି ସେ କହିଛନ୍ତି, ଅନୁଗୁଳ ଅଞ୍ଚଳର ବିକାଶ ସିଙ୍ଗାରେନି କମ୍ପାନୀ ପକ୍ଷରୁ ଦିଆଯାଇଥିବା ସମସ୍ତ ପ୍ରତିଶ୍ରୁତି ପୂରଣ କରାଯିବ। ତେଲଙ୍ଗାନା ସରକାରଙ୍କ ଏକ ଉଦ୍ୟୋଗ ଭାବେ ସିଙ୍ଗାରେନି ସଂସ୍ଥା କେବଳ ବାଣିଜ୍ୟିକ ନୁହେଁ ବରଂ ସାମାଜିକ ଉତ୍ତରଦାୟିତ୍ୱ ସହ କାମ କରିବ। କମ୍ପାନୀ ଦ୍ୱାରା ବିଭିନ୍ନ କଲ୍ୟାଣମୂଳକ ପଦକ୍ଷେପ ହାତକୁ ନିଆଯିବ।

ଅନୁଗୁଳ ଅଞ୍ଚଳରେ ସ୍ଥାନୀୟ ଲୋକଙ୍କ ପାଇଁ ନିଯୁକ୍ତି ସୁଯୋଗ ବଢ଼ାଇବା ଲାଗି ସେ ନୟନୀ ନିକଟରେ ଗୋଟିଏ ୧୬୦୦ ମେଗାୱାଟ୍‌ ତାପଜ ବିଦ୍ୟୁତ କେନ୍ଦ୍ର ପ୍ରତିଷ୍ଠା ପାଇଁ ଯୋଜନା ବିଷୟରେ ଘୋଷଣା କରିଥିଲେ। ଜମି ଅଧିଗ୍ରହଣ ପାଇଁ ସେ ଓଡ଼ିଶା ସରକାରଙ୍କ ସହଯୋଗ କାମନା କରିଥିଲେ। ପ୍ରଥମ ଥର ପାଇଁ ଅନ୍ୟ ରାଜ୍ୟରେ ଏକ କୋଇଲା ଖଣି ଖନନ ଆରମ୍ଭ କରିବାକୁ ଯାଉଥିବାରୁ ସିଙ୍ଗାରେନି ଏହି ଖଣିକୁ ଏକ ଆଦର୍ଶ ଖଣି ରୂପେ ପ୍ରତିଷ୍ଠା କରିବ ବୋଲି ସେ ଜୋର ଦେଇ କହିଥିଲେ।

ଛେଣ୍ଡିପଦା ବିଧାୟକ ଅଗସ୍ତି ବେହେରା ନୟନୀ କୋଇଲା ଖଣି ଠାରେ ଆୟୋଜିତ ଉଦଘାଟନୀ କାର୍ଯ୍ୟକ୍ରମରେ ଅତିଥି ଭାବେ ଯୋଗ ଦେଇଥିଲେ ଏବଂ ଖଣି ପାଇଁ ପୂର୍ଣ୍ଣ ସହଯୋଗ ନିମନ୍ତେ ଆଶ୍ୱାସନା ଦେଇଥିଲେ। ଅନୁଗୁଳର ସାମଗ୍ରିକ ବିକାଶ ପାଇଁ କମ୍ପାନୀ ଆଗେଇ ଆସିବାକୁ ସେ ନିବେଦନ କରିଥିଲେ। ଏଡି ଅବସରରେ ତେଲଙ୍ଗାନା ସରକାର ଏବଂ ସିଙ୍ଗାରେନି କମ୍ପାନୀର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

Categories
ଆଜିର ଖବର

ବିଜ୍ଞାନ ମାଧ୍ୟମରେ ରାଷ୍ଟ୍ର ନିର୍ମାଣ ଉପରେ ଦୂରଦର୍ଶୀ ବକ୍ତୃତା ଆୟୋଜିତ

ଭୁବନେଶ୍ୱର: ଭୁବନେଶ୍ୱରସ୍ଥିତ ସିଏସ୍ଆଇଆର୍- ଖଣିଜ ଏବଂ ବସ୍ତୁ ପ୍ରଯୁକ୍ତି ପ୍ରତିଷ୍ଠାନ (ଆଇଏମଏମଟି) ର ୬୨ତମ ପ୍ରତିଷ୍ଠା ଦିବସ ବେଶ ଉତ୍ସାହ ଓ ଉଦ୍ଦୀପନାର ସହ ପାଳିତ ହୋଇଯାଇଛି।

ଆଞ୍ଚଳିକ ଗବେଷଣା ପରୀକ୍ଷାଗାର (ଆରଆରଏଲ) ଭାବରେ ୧୯୬୪ ମସିହା ଏପ୍ରିଲ ୧୩ ତାରିଖରେ ସ୍ଥାପିତ ଏହି ପ୍ରତିଷ୍ଠାନ ଖଣିଜ ଏବଂ ବସ୍ତୁ ପ୍ରଯୁକ୍ତି ବିଦ୍ୟା କ୍ଷେତ୍ରରେ ଗବେଷଣା ଓ ଉଦ୍ଭାବନକୁ ପ୍ରୋତ୍ସାହିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି। ୨୦୦୭ ମସିହାରେ ଏହାର ଲକ୍ଷ୍ୟ ଏବଂ ଜାତୀୟ ମିଶନକୁ ଉତ୍ତମ ଭାବରେ ପ୍ରତିଫଳିତ କରିବା ପାଇଁ ଏହାକୁ ସିଏସ୍ଆଇଆର୍- ଖଣିଜ ଏବଂ ବସ୍ତୁ ପ୍ରଯୁକ୍ତି ପ୍ରତିଷ୍ଠାନ (ଆଇଏମଏମଟି) ନାମରେ ନାମିତ କରାଯାଇଥିଲା। ଚଳିତ ବର୍ଷ ଏପ୍ରିଲ ୧୩ ତାରିଖ ଛୁଟି ଥିବାରୁ ଏପ୍ରିଲ ୧୬ ତାରିଖରେ ପ୍ରତିଷ୍ଠାନର ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା। ଏହି ଅବସରରେ ବିଜ୍ଞାନ ମାଧ୍ୟମରେ ରାଷ୍ଟ୍ର ନିର୍ମାଣ ଉପରେ ଦୂରଦର୍ଶୀ ବକ୍ତୃତା ଆୟୋଜିତ ହୋଇଥିଲା।

ପ୍ରତିଷ୍ଠାନର ଗୌରବମୟ ଯାତ୍ରା, ଉପଲବ୍ଧି ଏବଂ ଭବିଷ୍ୟତର ଆକାଂକ୍ଷା ଉପରେ ଆଲୋକପାତ କରିଥିବା ସିଏସ୍ଆଇଆର- ଆଇଏମଏମଟିର ନିର୍ଦ୍ଦେଶକ ଡ. ରାମାନୁଜ ନାରାୟଣ ସ୍ୱାଗତ ଭାଷଣ ଦେଇ ଆନୁଷ୍ଠାନିକ କାର୍ଯ୍ୟକ୍ରମ ଆରମ୍ଭ କରିଥିଲେ। ବୈଷୟିକ ଉନ୍ନତି ଏବଂ ନିରନ୍ତର ବିକାଶକୁ ପ୍ରୋତ୍ସାହିତ କରିବାରେ ସିଏସଆଇଆର-ଆଇଏମଏମଟିର ଗୁରୁତ୍ୱପୂର୍ଣ୍ଣ ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ।

ଏହି ଅବସରରେ ମୁଖ୍ୟ ଅତିଥି ଭାବେ ସିଏସଆଇଆରର ପୂର୍ବତନ ମହାନିର୍ଦ୍ଦେଶକ ଡ. ଶେଖର ସି ମାଣ୍ଡେ ଯୋଗ ଦେଇଥିଲେ। ଡ. ମାଣ୍ଡେ ‘ବିକଶିତ ଭାରତ ନିର୍ମାଣ ପାଇଁ ଏସ୍ ଆଣ୍ଡଟି ରୋଡମ୍ୟାପ୍’ ଶୀର୍ଷକ ଉପରେ ପ୍ରତିଷ୍ଠା-ଦିବସ ବକ୍ତୃତା ପ୍ରଦାନ କରିଥିଲେ। ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବା ପାଇଁ ବିଜ୍ଞାନ ଓ ବୈଷୟିକ ଜ୍ଞାନକୌଶଳର ଉପଯୋଗ ପାଇଁ ରୋଡ୍ ମ୍ୟାପ୍ ପ୍ରସ୍ତୁତ କରିବା ସହ ଉଦ୍ଭାବନ, ଜ୍ଞାନ ପ୍ରଣାଳୀର ସମନ୍ୱୟ ଏବଂ ରାଷ୍ଟ୍ର ନିର୍ମାଣରେ ସିଏସଆଇଆର-ଆଇଏମଏମଟି ଭଳି ଅନୁଷ୍ଠାନର ଭୂମିକା ଉପରେ ଆଲୋକପାତ କରିଥିଲେ।

ଏହି ଅବସରରେ ଟେକ୍ନିସିଆନ୍, ସିକ୍ୟୁରିଟି ଆସିଷ୍ଟାଣ୍ଟ, ଆସିଷ୍ଟାଣ୍ଟ ସେକ୍ସନ୍ ଅଫିସର (ଏଏସ୍ଓ) ଏବଂ ସେକ୍ସନ୍ ଅଫିସରଙ୍କ ସମେତ ନବନିଯୁକ୍ତ କର୍ମଚାରୀଙ୍କୁ ସ୍ୱାଗତ କରାଯିବା ସହ ସମ୍ବର୍ଦ୍ଧିତ କରାଯାଇଥିଲା। ସେମାନଙ୍କ ନିଯୁକ୍ତି ଅନୁଷ୍ଠାନର ଅଭିବୃଦ୍ଧି ଏବଂ ଦକ୍ଷତା ବିକାଶର ଏକ ନୂତନ ଅଧ୍ୟାୟ।

ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ସିଏସଆଇଆର-ଆଇଏମଏମଟି କର୍ମଚାରୀ, ଛାତ୍ରଛାତ୍ରୀ ଏବଂ ସେମାନଙ୍କ ପରିବାର ସଦସ୍ୟଙ୍କ କଳା ପ୍ରତିଭାକୁ ପ୍ରଦର୍ଶିତ କରିବାର କାର୍ଯ୍ୟକ୍ରମ ସହିତ ଦିନିକିଆ ଉତ୍ସବ ଶେଷ ହୋଇଥିଲା। ଏହି କାର୍ଯ୍ୟକ୍ରମ ଅନୁଷ୍ଠାନର ସମସ୍ତଙ୍କୁ ବନ୍ଧୁତ୍ୱ, ସୃଜନଶୀଳତା ଏବଂ ଉତ୍ସବର ଭାବନାରେ ଏକାଠି କରିଥିଲା।

ସିଏସଆଇଆର-ଆଇଏମଏମଟି ଭାରତର ଖଣିଜ ପଦାର୍ଥ ଏବଂ ମାଟେରିଆଲ୍ ସାଇନ୍ସ କ୍ଷେତ୍ରର ସଶକ୍ତୀକରଣ ଦିଗରେ ଯାତ୍ରା ଜାରି ରଖିଥିବା ବେଳେ ଗବେଷଣା, ଉଦ୍ଭାବନ ଏବଂ ଦେଶ ପାଇଁ ସେବାରେ ଉତ୍କର୍ଷତା ପ୍ରତି ନିଜର ପ୍ରତିବଦ୍ଧତାକୁ ଦୋହରାଇଛି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ପାକିସ୍ତାନ ହେଉ କିମ୍ବା ଚୀନ୍, ସମୁଦ୍ରରେ ଭାରତ ଆଗରେ ଠିଆ ହୋଇ ପାରିବେ ନାହିଁ କୌଣସି ଦେଶ!

ନୂଆଦିଲ୍ଲୀ: ନୌସେନାର ଶକ୍ତିକୁ ଆହୁରି ବଢାଇବା ପାଇଁ ମୋଦୀ ସରକାର ଫ୍ରାନ୍ସରୁ 26 ରାଫାଲ-ମେରାଇନ୍ ଯୁଦ୍ଧ ବିମାନ କିଣିବା ପାଇଁ 64,000 କୋଟି ଟଙ୍କା ମୂଲ୍ୟର ପ୍ରସ୍ତାବକୁ ଅନୁମୋଦନ କରିଛନ୍ତି। ଏହି ଯୁଦ୍ଧ ବିମାନଗୁଡ଼ିକ ଭାରତର ପ୍ରଥମ ସ୍ୱଦେଶୀ ବିମାନ ପରିବହନକାରୀ INS Vikrant ରୁ କାର୍ଯ୍ୟ କରିବ। ସେପ୍ଟେମ୍ବର 2022 ରେ ଏହା କାର୍ଯ୍ୟକ୍ଷମ ହୋଇଥିଲା।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କ୍ୟାବିନେଟ କମିଟି (ସିସିଏସ୍) ଦ୍ୱାରା ଅନୁମୋଦିତ ହୋଇଥିବା ଏହି ଚୁକ୍ତିରେ 22 ଟି ସିଙ୍ଗଲ୍ ସିଟର କ୍ୟାରିଅର୍-ସକ୍ଷମ ରାଫାଲ୍-ଏମ୍ ଜେଟ୍ ଏବଂ ଚାରିଟି ଟ୍ୱିନ୍ ସିଟର ଟ୍ରେନର ଭ୍ୟାରିଏଣ୍ଟ ସାମିଲ ରହିଛି। ଚୁକ୍ତି ସ୍ୱାକ୍ଷରିତ ହେବାର ସାଢେ ତିନି ବର୍ଷ ପରେ ବିତରଣ ଆରମ୍ଭ ହେବ ଏବଂ 2031 ସୁଦ୍ଧା ଶେଷ ହେବ ବୋଲି ଆଶା କରାଯାଉଛି।

ଏହି ଡିଲ୍ କାହିଁକି ଗୁରୁତ୍ୱପୂର୍ଣ୍ଣ?:

ରାଫାଲ୍-ଏମ୍ ହେଉଛି 4.5-ପିଢୀର ରାଫାଲ୍ ଯୁଦ୍ଧ ବିମାନର ନୌସେନା ଭ୍ୟାରିଏଣ୍ଟ ଏବଂ ଏହାକୁ ଫ୍ରାନ୍ସର ଏରୋସ୍ପେସ୍ ଫାର୍ମ ଡାସଲ୍ଟ ଆଭିଏସନ୍ ଦ୍ୱାରା ବିକଶିତ କରାଯାଇଛି। ଏହା ଏହାର ଯୁଦ୍ଧ କ୍ଷମତା ପ୍ରମାଣ କରିସାରିଛି, ପରମାଣୁ ସକ୍ଷମ କ୍ଷେପଣାସ୍ତ୍ର ସମେତ ବିଭିନ୍ନ ଅସ୍ତ୍ରଶସ୍ତ୍ର ବହନ କରିବାରେ ସକ୍ଷମ। ଭାରତୀୟ ବାୟୁସେନା (IAF) ରାଫାଲ ଜେଟର ଦୁଇଟି ସ୍କ୍ବାଡ୍ରନ୍ ଚଳାଇ ସାରିଛି। 2016 ମସିହାରେ 59,000 କୋଟି ଟଙ୍କାରେ 36 ବିମାନ କ୍ରୟ କରାଯାଇଥିଲା।

ଭାରତୀୟ ନୌସେନା ଦ୍ଵାରା କରାଯାଇଥିବା ବ୍ୟାପକ ପରୀକ୍ଷଣ ପରେ ରାଫାଲ୍-ଏମ୍ ଏହାର ପ୍ରତିଦ୍ୱନ୍ଦ୍ୱୀ ବୋଇଙ୍ଗ F / A-18E / F ସୁପର ହର୍ନେଟକୁ ଅତିକ୍ରମ କରିଛି। ଏଥିମଧ୍ୟରେ ଏକ ଗୁରୁତ୍ୱପୂର୍ଣ୍ଣ ସ୍କି-ଜମ୍ପ ପରୀକ୍ଷା ମଧ୍ୟ ଅନ୍ତର୍ଭୂକ୍ତ କରାଯାଇଥିଲା, ଯେଉଁଥିରେ STOBAR ସିଷ୍ଟମ ବ୍ୟବହାର କରି ଭାରତୀୟ ବିମାନ ପରିବହନକାରୀଙ୍କଠାରୁ ଏକ ଛୋଟ ଉଡାଣ ଭରିଥାଏ। ରାଫାଲ୍-ଏମ୍ ଅତ୍ୟନ୍ତ ଭଲ ପ୍ରଦର୍ଶନ କରିଥିଲା। ଭାରତୀୟ ବାୟୁସେନାର ବିଦ୍ୟମାନ ରାଫାଲ୍ ଜାହାଜ ସହିତ ଏହାର ସୁସଙ୍ଗତତା ଏହାକୁ ଆହୁରି ଉନ୍ନତ କରିଛି।

ୟୁରାସିଆନ୍ ଟାଇମ୍ସ ପାଇଁ ଲେଖିଥିବା ଗ୍ରୁପ୍ କ୍ୟାପଟେନ୍ ଏମଜେ ଅଗଷ୍ଟିନ୍ ବିନୋଦ (ଅବସରପ୍ରାପ୍ତ) କହିଛନ୍ତି ଯେ ଆଇଏଏଫ୍ ଏବଂ ନ y ସେନାର ରାଫାଲ୍ ବିମାନ ମଧ୍ୟରେ ଅଂଶୀଦାର ଏୟାରଫ୍ରାମ୍, ଆଭିଏନିକ୍ସ, ଟ୍ରେନିଂ ସିମୁଲେଟର ଏବଂ ଗୁଳିଗୋଳା ସାମଗ୍ରୀ ଭାର ହ୍ରାସ କରିବ ଏବଂ ଜରୁରୀକାଳୀନ ପରିସ୍ଥିତିରେ କ୍ରସ୍ ସେବା ନିୟୋଜନକୁ ସକ୍ଷମ କରିବ।

ଯଦି ଭାରତର ସ୍ୱଦେଶୀ ବିମାନ ପରିବହନକାରୀ INS ବିକ୍ରାନ୍ତ ଏବଂ ରାଫାଲ୍ ମେରାଇନ୍ ଏକାଠି ରହିବେ, ତେବେ ଭାରତ ନିଜ ସ୍ଥାନରୁ ଦୂରେଇ ନ ଯାଇ ସମଗ୍ର ଦକ୍ଷିଣ ଏସିଆର ଯେକୌଣସି ବିପଦର ମୁକାବିଲା କରିପାରିବ। ଏହି ଶକ୍ତି ଗତ କିଛି ବର୍ଷ ଧରି ଭାରତ ମହାସାଗରରେ ଭାରତକୁ ଘେରି ରହିବାକୁ ଚେଷ୍ଟା କରୁଥିବା ପରି ମୁକାବିଲା କରିବାରେ ପ୍ରଭାବଶାଳୀ ପ୍ରମାଣିତ ହେବ। ଚୀନ୍‌ର କାର୍ଯ୍ୟକଳାପ ଉପରେ ମଧ୍ୟ ଭାରତ ନଜର ରଖିବାରେ ସକ୍ଷମ ହେବ ଏବଂ ଏହାର ଆଭିମୁଖ୍ୟ ମଜବୁତ ହେବ।

ଅନ୍ୟପକ୍ଷରେ ପାକିସ୍ତାନର କ୍ୟାରିଅର କାର୍ଯ୍ୟକ୍ଷମ ଶକ୍ତି ବହୁତ କମ୍ ଅଛି। ଯଦି ରାଫାଲ୍ ମେରାଇନ୍ ତୁଳନାରେ ପଡୋଶୀ ଦେଶ ବହୁ ପଛରେ ଅଛି, ତେବେ ଏହାର କୌଣସି ନୌସେନା ଶକ୍ତି ନାହିଁ। ଭାରତ ମହାସାଗର ଉପରେ ନଜର ରଖିବାର କ୍ଷମତା ମଧ୍ୟ ଅଳ୍ପ। ଏପରି ପରିସ୍ଥିତିରେ ଯଦି ଆବଶ୍ୟକ ହୁଏ ତେବେ ଭାରତ କରାଚିରୁ ଗ୍ୱାଦର ପର୍ଯ୍ୟନ୍ତ ପାକିସ୍ତାନୀ ବନ୍ଦରକୁ ଘେରିପାରେ।

ବର୍ତ୍ତମାନ ରାଫାଲ୍ ମେରାଇନ୍ ଜେଟ୍ ସହିତ ଭାରତ ସମୁଦ୍ରରେ ଏକ ପ୍ରକାର ଶକ୍ତି ପାଇବ ଯାହା କେବଳ କିଛି ଦେଶରେ ଥିଲା। ଫ୍ରାନ୍ସ, ଆମେରିକା ଏବଂ ଚୀନ୍ ଭଳି ଦେଶ ଅନ୍ତର୍ଭୁକ୍ତ ଅଛନ୍ତି। ଏହି ଯୁଦ୍ଧ ବିମାନଗୁଡ଼ିକର ଆଗମନ ପରେ ଭାରତ କେବଳ ନିଜକୁ ରକ୍ଷା କରିବାରେ ସକ୍ଷମ ହେବ ନାହିଁ ବରଂ ସଙ୍କଟ ସମୟରେ ଏହାର ବନ୍ଧୁତ୍ୱପୂର୍ଣ୍ଣ ଦେଶମାନଙ୍କୁ ମଧ୍ୟ ସାହାଯ୍ୟ କରିବ।

Categories
ଆଜିର ଖବର ଜାତୀୟ ଖବର

ଦିଲ୍ଲୀ ମେୟର ନିର୍ବାଚନ: ଏଥର ବିଜେପି ଏତେ ଖୁସି କାହିଁକି?, ବୁଝନ୍ତୁ ପୁରା ନମ୍ବର ଖେଳ

ନୂଆଦିଲ୍ଲୀ: ଦିଲ୍ଲୀର ମ୍ୟୁନିସିପାଲିଟି କର୍ପୋରେସନ୍ (ଏମସିଡି) ମେୟର ତଥା ଡେପୁଟି ମେୟରଙ୍କ ପାଇଁ ନିର୍ବାଚନ 25 ଏପ୍ରିଲ 2025 ରେ ଅନୁଷ୍ଠିତ ହେବ। ଦିଲ୍ଲୀ ବିଧାନସଭା ନିର୍ବାଚନରେ ​​25 ବର୍ଷ ପରେ କ୍ଷମତାକୁ ଫେରିଥିବା ଭାରତୀୟ ଜନତା ପାର୍ଟି ବର୍ତ୍ତମାନ ମଧ୍ୟ ଏମସିଡିରେ ଏକ ମଜବୁତ ସ୍ଥିତିରେ ଥିବା ଜଣାପଡିଛି। ବର୍ତ୍ତମାନ 274 ସଦସ୍ୟ ବିଶିଷ୍ଟ ଏମସିଡି ନିର୍ବାଚନ ବୋର୍ଡରେ ବିଜେପିର 135 କାଉନସିଲରଙ୍କ ସମର୍ଥନ ଥିବାବେଳେ ଆମ୍ ଆଦମୀ ପାର୍ଟି (AAP) ରେ 119 ଜଣ କାଉନସିଲର ଅଛନ୍ତି। ବର୍ତ୍ତମାନ 12 ଟି ସିଟ୍ ଖାଲି ଅଛି।

ବିଜେପିର ମଜବୁତ ସ୍ଥିତି, AAP ପାଇଁ ଆହ୍ଵାନ:

ଏଥର ଏମସିଡି ନିର୍ବାଚନରେ ​​ଏଏପି ଏବଂ କଂଗ୍ରେସ ମଧ୍ୟରେ ମେଣ୍ଟ ନ ଥିବାରୁ ବିଜେପି ଏଥିରୁ ସ୍ପଷ୍ଟ ଲାଭ ପାଇବାକୁ ଲାଗୁଛି। 2022 MCD ନିର୍ବାଚନରେ, AAP 134 ଟି ଆସନ ଜିତି ବିଜେପି (104 ସିଟ୍) କୁ ପରାସ୍ତ କରିଥିଲା। ତେବେ ମେୟର ନିର୍ବାଚନରେ ​​କ୍ରସ୍ ଭୋଟ୍ ହେତୁ AAP ପ୍ରାର୍ଥୀ ମାତ୍ର ତିନିଟି ଭୋଟ୍ ବ୍ୟବଧାନରେ ଜିତିଥିଲେ। ଫେବୃଆରୀ 2025 ରେ ଦିଲ୍ଲୀ ବିଧାନସଭା ନିର୍ବାଚନରେ ​​ବିଜେପିର ବିଜୟ ପରେ ଅନେକ AAP କାଉନସିଲର ବିଜେପିରେ ଯୋଗ ଦେଇଥିଲେ। ଏହା ସହିତ ସ୍ଵାତୀ ମାଲିୱାଲ ବିବାଦ ଏବଂ କାଉନସିଲରଙ୍କ ଦଳ ପରିବର୍ତ୍ତନ AAP ର ସ୍ଥିତିକୁ ଆହୁରି ଦୁର୍ବଳ କରିଦେଇଛି।

ମେୟର ନିର୍ବାଚନ ପ୍ରକ୍ରିୟା:

ଦିଲ୍ଲୀରେ ପ୍ରତି ପାଞ୍ଚ ବର୍ଷରେ ବିଧାୟକ ଏବଂ ସାଂସଦ ନିର୍ବାଚିତ ହୁଅନ୍ତି, କିନ୍ତୁ ପ୍ରତ୍ୟେକ ଆର୍ଥିକ ବର୍ଷରେ ମେୟର ନିର୍ବାଚିତ ହୁଅନ୍ତି। ନିର୍ବାଚନ ନହେବା ପର୍ଯ୍ୟନ୍ତ ବର୍ତ୍ତମାନର ମେୟର ନିଜ କାର୍ଯ୍ୟାଳୟରେ ରହିଛନ୍ତି। ସମ୍ପ୍ରତି, AAP ର ମହେଶ ଖିଞ୍ଚି ମେୟର ପଦରେ ଅଛନ୍ତି ଏବଂ ସେ ନିର୍ବାଚନ ପର୍ଯ୍ୟନ୍ତ ଏହି ପଦବୀରେ ରହିବେ। ଗତ ବର୍ଷ ତତ୍କାଳୀନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ହେତୁ ମେୟର ନିର୍ବାଚନ ସ୍ଥଗିତ ରଖାଯାଇଥିଲା। ଏଥର ମେୟର ପଦ ସଂରକ୍ଷିତ ନୁହେଁ, ଯେଉଁଥି ପାଇଁ କୌଣସି କାଉନସିଲର ନାମାଙ୍କନ ଦାଖଲ କରିପାରିବେ।

ନିର୍ବାଚନ ସମୀକରଣ ଏବଂ ସମ୍ଭାବନା:

ଗତ ବିଧାନସଭା ନିର୍ବାଚନରେ ​​ଅଧିକ ସଂଖ୍ୟା ଏବଂ ଉତ୍କୃଷ୍ଟ ପ୍ରଦର୍ଶନ ଯୋଗୁଁ ବିଜେପି ଏକ ମଜବୁତ ସ୍ଥିତିରେ ଅଛି। ମେୟର ଏବଂ ଡେପୁଟି ମେୟର ପଦବୀ ହାସଲ କରି ବିଜେପି ନିଜର ସ୍ଥିତିକୁ ମଜବୁତ କରିବ କି ନାହିଁ ତାହା ଦେଖିବା ମଜାଦାର ହେବ।

Categories
ଆଜିର ଖବର ଖେଳ ଜାତୀୟ ଖବର ସିନେମା

ଜହିର ଖାନ ହେଲେ ପିତା, ପତ୍ନୀ ସାଗାରିକା ଜନ୍ମ ଦେଲେ ପୁତ୍ର ସନ୍ତାନ, ଶିଶୁର ନାମ ଜାଣିଲେ ହେବେ ଆଶ୍ଚର୍ଯ୍ୟ

ନୂଆଦିଲ୍ଲୀ: କ୍ରିକେଟ୍ ଜଗତରୁ ଏକ ବଡ ଖବର ସାମ୍ନାକୁ ଆସିଛି। ଟିମ୍ ଇଣ୍ଡିଆର ପୂର୍ବତନ କିମ୍ବଦନ୍ତୀ ଦ୍ରୁତ ବୋଲର ଜହିର ଖାନ ପିତା ହୋଇଛନ୍ତି। ଯାହା ସେ ନିଜେ ନିଶ୍ଚିତ କରିଛନ୍ତି। ୪୬ ବର୍ଷୀୟ ପୂର୍ବତନ କ୍ରିକେଟର ଇନଷ୍ଟାଗ୍ରାମରେ ତାଙ୍କ ପତ୍ନୀ ସାଗାରିକା ଘାଟଗେଙ୍କ ସହ ଏକ ଚିତ୍ର ସେୟାର କରିଛନ୍ତି। ଯେଉଁଥିରେ ତାଙ୍କ ନବଜାତ ଶିଶୁ ତାଙ୍କ ସହିତ ଦେଖିବାକୁ ମିଳୁଛି। ଫଟୋ କ୍ୟାପସନରେ ସେ ଶିଶୁର ନାମ ମଧ୍ୟ ପ୍ରକାଶ କରିଛନ୍ତି। ଯେଉଁଥିରେ ଲେଖା ଅଛି ଯେ, ‘ଭଗବାନଙ୍କ ପ୍ରେମ ଏବଂ ଆଶୀର୍ବାଦ ସହିତ ଆମେ ଆମର ପ୍ରିୟ ନବଜାତ ଶିଶୁ (ଫତେହ ସିଂ ଖାନ) କୁ ସ୍ୱାଗତ କରୁଛୁ।’

ଜହିର ଖାନଙ୍କ ଏହି ପୋଷ୍ଟ ସହିତ ସୁନ୍ଦର ଦମ୍ପତି ଅଭିନନ୍ଦନ ବାର୍ତ୍ତା ଗ୍ରହଣ କରିବା ଆରମ୍ଭ କରିଛନ୍ତି। ଏଠାରେ ସେ କେବଳ କ୍ରୀଡା ଜଗତରୁ ନୁହେଁ ବରଂ ବଲିଉଡ ଜଗତରୁ ମଧ୍ୟ ଶୁଭେଚ୍ଛାର ସୁଅ ଛୁଟିଛି।

ଜହିର ଏବଂ ସାଗାରିକା ସେମାନଙ୍କର ନବଜାତ ଶିଶୁର ଦୁଇଟି ଚିତ୍ର ସେୟାର କରିଛନ୍ତି। ପ୍ରଥମ ଛବିରେ ସେ ନିଜ ପିଲାକୁ ଯତ୍ନ ନେଉଥିବା ବେଳେ ଦ୍ୱିତୀୟ ଛବିରେ ସେ ନିଜ ପିଲାଙ୍କ ଆଙ୍ଗୁଠି ଧରିଥିବାର ନଜର ଆସିଛନ୍ତି।

https://www.instagram.com/p/DIfrQj8K_z5/?utm_source=ig_embed&ig_rid=fc33e346-17a5-4f32-94a3-0de2c38915af&img_index=1

ଉଲ୍ଲେଖ ଯୋଗ୍ୟ ଯେ, ଜହିର ଖାନ ଏବଂ ସାଗାରିକା ଘାଟଗେ ଦୀର୍ଘ ଦିନ ଧରି ପରସ୍ପରକୁ ଡେଟ କରିବା ପରେ ନଭେମ୍ବର ୨୦୧୭ ରେ ବିବାହ କରିଥିଲେ। ସୁନ୍ଦରୀ ଦମ୍ପତିଙ୍କର କୋର୍ଟ ବିବାହ ହୋଇଥିଲା। ଏହା ପରେ ସେ ଲୋକମାନଙ୍କୁ ଏକ ବଡ ବିବାହ ରିସେପ୍ସନ୍ ଦେଇଥିଲେ।

ଦେଶର ଶ୍ରେଷ୍ଠ ଦ୍ରୁତ ବୋଲରଙ୍କ ମଧ୍ୟରେ ଜହିର ଖାନ ଗଣିତ ହୋଇଛନ୍ତି। ଅନ୍ୟପକ୍ଷରେ, ଶାହରୁଖ ଖାନଙ୍କ ଅଭିନୀତ ପ୍ରୀତି ସଭରୱାଲ ଭୂମିକାରେ ଅଭିନୟ କରିବା ପରେ ସାଗାରିକା ‘ଚକ ଦେ’ ଝିଅ ଭାବରେ ଲୋକପ୍ରିୟ।

Categories
ଆଜିର ଖବର ଜାତୀୟ ଖବର

ମେଣ୍ଟ କୁ ନେଇ ବିଜେପି କୁ ଝଟକା ଦେଲା AIADMK!: ନିର୍ବାଚନ ପରେ କଣ କରିବ?, କହିଲା ତାମିଲ ଦଳ

ନୂଆଦିଲ୍ଲୀ: ତାମିଲନାଡୁର AIADMK ମଙ୍ଗଳବାର ଦିନ ଘୋଷଣା କରିଛି ଯେ, ଆସନ୍ତା ବର୍ଷ ତାମିଲନାଡୁ ନିର୍ବାଚନ ପାଇଁ ବିଜେପିର ଯୋଜନାକୁ ପଣ୍ଡ କରି ରାଜ୍ୟରେ ଯଦି ମେଣ୍ଟ ନିର୍ବାଚନ ଜିତେ, ତେବେ ‘ମେଣ୍ଟ ସରକାର’ ହେବ ନାହିଁ। AIADMK ମୁଖ୍ୟ ଏଡପାଦୀ କେ ପଲାନିସ୍ୱାମୀ (ଇପିଏସ୍) କହିଛନ୍ତି ଯେ, ତାମିଲ ଦଳ ଏକ ମେଣ୍ଟ ସରକାର ଗ୍ରହଣ କରିବେ ନାହିଁ ଏବଂ ବିଜେପି ସହ ମେଣ୍ଟ କେବଳ ନିର୍ବାଚନ ପାଇଁ ଅଟେ। ଇପିଏସ୍ ଙ୍କ ମନ୍ତବ୍ୟରୁ ଜଣାପଡିଛି ଯେ, ତାମିଲ ଦଳ ଏକ ମେଣ୍ଟ ସରକାର ଚାହୁଁନାହାଁନ୍ତି ଏବଂ କେବଳ ବିଜେପି ସହ ମେଣ୍ଟ ଭାବେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବେ। ଏହି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ କିଛି AIADMK ନେତା ବିଜେପି ସହ ମେଣ୍ଟକୁ ନେଇ ଅସନ୍ତୁଷ୍ଟ ଥିବା ଖବର ଆସିଛି। ଏହି ଅସନ୍ତୋଷର କାରଣ ୨୦୧୯ ବିଧାନସଭା ଏବଂ ୨୦୨୪ ଲୋକସଭା ନିର୍ବାଚନରେ ​​ଖରାପ ରେକର୍ଡରୁ ଆସିଛି। ୱାକଫ ଆଇନରେ ପରିବର୍ତ୍ତନକୁ ବିରୋଧ କରି ମୁସଲମାନ ସମେତ ସଂଖ୍ୟାଲଘୁ ସମ୍ପ୍ରଦାୟର ଭୋଟ୍ ହରାଇବାକୁ ବିଚାର କରି AIADMK ମଧ୍ୟ ନିଜର ଆଭିମୁଖ୍ୟ ବଦଳାଇଥିବା ଜଣାଯାଇଛି।

ତାମିଲନାଡୁରେ ୱାକଫ୍ ବିରୋଧୀ ଭାବନା ଅଧିକ ଚାଲିଛି। ତାମିଲ ଅଭିନେତା-ରାଜନେତା ବିଜୟଙ୍କ ଦଳ ତାମିଲଗା ବେତ୍ରୀ କଝଗମ ମଧ୍ୟ ସୁପ୍ରିମକୋର୍ଟରେ ନୂତନ ୱାକଫ ଆଇନକୁ ଚ୍ୟାଲେଞ୍ଜ କରିଛନ୍ତି। ଡିଏମକେ ଏହାକୁ ବିରୋଧ କରିସାରିଛି।

ଏପ୍ରିଲ ୧୨ ତାରିଖରେ ବିଜେପି ଦୁଇ ବର୍ଷ ପରେ ପୁଣିଥରେ AIADMK ସହିତ ହାତ ମିଳାଇଥିଲା। ଏଥିପାଇଁ ରାଜ୍ୟ ବିଜେପି ସଭାପତି ଅନ୍ନାମଲାଇଙ୍କୁ ୪ ବର୍ଷ ପରେ ତାଙ୍କ ପଦ ଛାଡିବାକୁ ପଡିଲା। ନୟନାର ନାଗେନ୍ଦ୍ରନ୍ ନୂତନ ସଭାପତି ହେବାକୁ ଯାଉଛନ୍ତି ବୋଲି କୁହାଯାଇଥିଲା। କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏହି ଅବସରରେ କହିଛନ୍ତି ଯେ, ରାଜ୍ୟରେ ୨୦୨୬ ବିଧାନସଭା ନିର୍ବାଚନ AIADMK ସଭାପତି ପଲାନିସ୍ୱାମୀଙ୍କ ନେତୃତ୍ୱରେ ଲଢେଇ ହେବ। ବର୍ତ୍ତମାନ ମଧ୍ୟ AIADMK ର ପରିବର୍ତ୍ତିତ ଆଭିମୁଖ୍ୟକୁ ନେଇ ବିଜେପି ଆଶ୍ଚର୍ଯ୍ୟ ହୋଇଛି।

ଅନ୍ନାମଲାଇଙ୍କୁ କାହିଁକି ହଟାଗଲା?:

ପ୍ରକାଶ ଯେ, ଅନ୍ନାମଲାଇ ଏହି ପଦ ଛାଡିଛନ୍ତି ଯାହାଦ୍ୱାରା ରାଜ୍ୟରେ ବିଜେପି- AIADMK ମେଣ୍ଟ ଗଠନ ହୋଇପାରିବ। ୨୦୨୪ ଲୋକସଭା ନିର୍ବାଚନ ପ୍ରଚାର ସମୟରେ, AIADMK ନେତା ପଲାନିସ୍ୱାମୀ ଅନ୍ନାମଲାଇ ପ୍ରଚାରକୁ ଭୋକିଲା ବୋଲି କହିଥିଲେ। ସେତେବେଳେ ଦୁହିଁଙ୍କ ମଧ୍ୟରେ ଶବ୍ଦର ଯୁଦ୍ଧ ଦେଖିବାକୁ ମିଳିଥିଲା। ପଲାନିସ୍ୱାମୀ ଅନ୍ନାମଲାଇଙ୍କ ଉପରେ ଅତ୍ୟଧିକ କ୍ରୋଧିତ ହୋଇଥିଲେ ଏବଂ ମେଣ୍ଟର ସର୍ତ୍ତରେ ଅନ୍ନାମଲାଇଙ୍କୁ ହଟାଯାଇଥିଲା।

ଅନ୍ନାମଲାଇ କିଏ?:

ଅନ୍ନାମଲାଇ (୪୦) ପୋଲିସ୍ ଅଧିକାରୀରୁ ରାଜନେତା ହୋଇଥିଲେ, ସେ ‘ଏନ୍ ମନ୍ ଏନ୍ ମକ୍କଲ୍’ (ମୋର ଜମି, ମୋ ଲୋକ) ଯାତ୍ରା ପାଇଁ ଜଣାଶୁଣା। ଦଳର ପରମ୍ପରା ଅନୁଯାୟୀ ତାଙ୍କ ପୂର୍ବ ତଥା ବର୍ତ୍ତମାନର କେନ୍ଦ୍ର ମନ୍ତ୍ରୀ ଏଲ୍ ମୁରୁଗାନ୍ ‘ଭେଲ ଯାତ୍ରା’ ବାହାର କରିଥିଲେ ଏବଂ ଏହା ପୂର୍ବରୁ କେନ୍ଦ୍ର ମନ୍ତ୍ରୀ ପନ୍ ରାଧାକ୍ରିଷ୍ଣନ୍ ‘ଥାମରାଇ ଯାତ୍ରା’ ବାହାର କରିଥିଲେ। ଅନ୍ନାମଲାଇ ୨୦୨୧ ବିଧାନସଭା ନିର୍ବାଚନରେ ​​କରୁର ଜିଲ୍ଲାର ଅରବାକୁରିଚି ନିର୍ବାଚନମଣ୍ଡଳୀରୁ ନିର୍ବାଚନ ରାଜନୀତିରେ ପ୍ରବେଶ କରିଥିଲେ ମଧ୍ୟ ବିଫଳ ହୋଇଥିଲେ। ସେ ୨୦୨୪ ଲୋକସଭା ନିର୍ବାଚନରେ ​​ମଧ୍ୟ ପ୍ରତିଦ୍ୱନ୍ଦ୍ୱିତା କରିଥିଲେ ମଧ୍ୟ ଜିତିନଥିଲେ।

ଅନ୍ନାମଲାଇଙ୍କ ଉପରେ ଅମିତା ଶାହା କ’ଣ କହିଥିଲେ?:

ଦଳର ସ୍ୱାର୍ଥକୁ ଦୃଷ୍ଟିରେ ରଖି ଅନ୍ନାମଲାଇଙ୍କ ନିରବ ପଦକ୍ଷେପକୁ ବିଜେପିର ଅନୁଶାସନ ବୋଲି କୁହାଯାଉଥିଲା, କିନ୍ତୁ ଏହି ପ୍ରସଙ୍ଗରେ ରାଜ୍ୟର କର୍ମୀମାନଙ୍କ ମଧ୍ୟରେ ଅନେକ ଅସନ୍ତୋଷ ମଧ୍ୟ ଦେଖିବାକୁ ମିଳିଥିଲା। ଶୁକ୍ରବାର ଦିନ ମେଣ୍ଟ ଘୋଷଣା କରିବା ସମୟରେ ଅମିତ ଶାହାଙ୍କୁ ପଚରାଯାଇଥିଲା ଯେ, ରାଜ୍ୟରେ ପରବର୍ତ୍ତୀ ଦଳର ମୁଖ୍ୟ ଖୋଜିବା ପରେ ବିଜେପି ଏଆଇଏଡିଏମକେ ସହ ମେଣ୍ଟ ଘୋଷଣା ଚୂଡାନ୍ତ ହୋଇଛି କି? ଅମିତ ଶାହା ଉତ୍ତର ଦେଇଛନ୍ତି ଯେ ସେପରି କିଛି ନାହିଁ। ଅନାମଲାଇ ଏବେ ବି ତାମିଲନାଡୁ ବିଜେପିର ମୁଖ୍ୟ। ସେଥିପାଇଁ ସେ ତାଙ୍କ ପାଖରେ ବସିଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର ବ୍ୟବସାୟ

କ୍ରମାଗତ ଚତୁର୍ଥ ଥର ପାଇଁ ଭାରତର ଶୀର୍ଷ ବାଣିଜ୍ୟ ଭାଗୀଦାରୀ ହେଲା ଆମେରିକା, ଜାଣନ୍ତୁ ତାଲିକା

ନୂଆଦିଲ୍ଲୀ: 2024-25 ଆର୍ଥିକ ବର୍ଷରେ ଆମେରିକା କ୍ରମାଗତ ଚତୁର୍ଥ ଥର ପାଇଁ ଭାରତର ସର୍ବବୃହତ ବାଣିଜ୍ୟ ଭାଗୀଦାରୀ ହୋଇ ରହିଛି। ସରକାରୀ ତଥ୍ୟ ଦର୍ଶାଇଛି ଯେ, ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ବାଣିଜ୍ୟ 131.84 ବିଲିୟନ ଡ଼ଲାରରେ ପହଞ୍ଚିଛି। ଏହି ସମୟ ମଧ୍ୟରେ ଚୀନ୍ ସହିତ ଭାରତର ବାଣିଜ୍ୟ ନିଅଣ୍ଟ 99.2 ବିଲିୟନ ଡ଼ଲାରକୁ ବୃଦ୍ଧି ପାଇଛି।

ଚୀନ୍ ହେଉଛି ଭାରତର ଦ୍ୱିତୀୟ ବୃହତ୍ତମ ବାଣିଜ୍ୟ ଭାଗିଦାରୀ:

ଗତ ଆର୍ଥିକ ବର୍ଷରେ ଚୀନ୍‌କୁ ଭାରତର ରପ୍ତାନି 14.5 ପ୍ରତିଶତ ହ୍ରାସ ପାଇ 14.25 ବିଲିୟନ ଡ଼ଲାରରେ ପହଞ୍ଚିଛି, 2023-24 ମସିହାରେ ଏହା 16.66 ବିଲିୟନ ଡ଼ଲାର ଥିଲା। ତେବେ 2024-25 ମସିହାରେ ଚାଇନାରୁ ଆମଦାନୀ 11.52 ପ୍ରତିଶତ ବୃଦ୍ଧି ହୋଇ 113.45 ବିଲିୟନ ଡ଼ଲାରରେ ପହଞ୍ଚିବ ବୋଲି ଆକଳନ କରାଯାଇଛି।

ଗତ ଆର୍ଥିକ ବର୍ଷରେ ଚୀନ୍ ସହିତ ବାଣିଜ୍ୟ ନିଅଣ୍ଟ ପ୍ରାୟ 17% ବୃଦ୍ଧି ହୋଇ 99.2 ବିଲିୟନ ଡ଼ଲାରରେ ପହଞ୍ଚିଛି, 2023-24 ମସିହାରେ 85.07 ବିଲିୟନ ଡ଼ଲାରରେ ପହଞ୍ଚିଛି। 2024-25 ମସିହାରେ ଦ୍ୱିପାକ୍ଷିକ ବାଣିଜ୍ୟ ସହିତ 127.7 ବିଲିୟନ ଡ଼ଲାରରେ ଚୀନ୍ ହେଉଛି ଭାରତର ଦ୍ୱିତୀୟ ବୃହତ୍ତମ ବାଣିଜ୍ୟ ଭାଗିଦାରୀ। ଯେତେବେଳେ କି, 2023-24 ମସିହାରେ ଏହା 118.4 ବିଲିୟନ ଡ଼ଲାର ଥିଲା।

ତିନି ନମ୍ବରରେ ସଂଯୁକ୍ତ ଆରବ ଏମିରେଟ୍ସ:

ବାଣିଜ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, 2013-14 ରୁ 2017-18 ମଧ୍ୟରେ ଏବଂ 2020-21 ମସିହାରେ ଚୀନ୍ ଭାରତର ପ୍ରମୁଖ ବାଣିଜ୍ୟ ଭାଗିଦାରୀ ଥିଲା। ଚୀନ୍ ପୂର୍ବରୁ ସଂଯୁକ୍ତ ଆରବ ଏମିରେଟ୍ସ ଭାରତର ସବୁଠୁ ବଡ ବାଣିଜ୍ୟ ଭାଗିଦାରୀ ଥିଲା। 2021-22 ପରଠାରୁ ଆମେରିକା ହେଉଛି ଭାରତର ସବୁଠାରୁ ବଡ ବାଣିଜ୍ୟ ଭାଗିଦାରୀ। ଗତ ଆର୍ଥିକ ବର୍ଷରେ, ୟୁଏଇ 100.5 ବିଲିୟନ ଡ଼ଲାର ସହିତ ଭାରତର ତୃତୀୟ ବୃହତ୍ତମ ବାଣିଜ୍ୟ ଭାଗିଦାରୀ ହେଲା।

Categories
ଆଜିର ଖବର ଜାତୀୟ ଖବର

ପରବର୍ତ୍ତୀ ପ୍ରଧାନ ବିଚାରପତି ହେବେ ଜଷ୍ଟିସ୍ ବିଆର ଗବଇ, ଆଇନ ମନ୍ତ୍ରଣାଳୟକୁ ସୁପାରିଶ ପଠାଇଲେ ସିଜେଆଇ

ନୂଆଦିଲ୍ଲୀ: ଭାରତର ପ୍ରଧାନ ବିଚାରପତି ସଞ୍ଜୀବ ଖାନ୍ନା ଆଜି କେନ୍ଦ୍ର ଆଇନ ମନ୍ତ୍ରଣାଳୟକୁ ଜଷ୍ଟିସ୍ ବି.ଆର ଗବଇଙ୍କୁ ପରବର୍ତ୍ତୀ CJI ଭାବରେ ନିଯୁକ୍ତ କରିବାକୁ ସୁପାରିଶ କରିଛନ୍ତି। ସେ ମଇ ୧୪ ତାରିଖ ୨୦୨୫ରେ ଦେଶର ୫୨ ତମ ପ୍ରଧାନ ବିଚାରପତି ଭାବରେ ଶପଥ ଗ୍ରହଣ କରିବେ। ବର୍ତ୍ତମାନର CJI ସଞ୍ଜୀବ ଖାନ୍ନା ମେ ୧୩ ତାରିଖରେ ଅବସର ନେବେ। ବିଆର ଗବଇ ଅନୁସୂଚିତ ଜାତିରୁ ଆସିଥିବା ଦ୍ୱିତୀୟ ପ୍ରଧାନ ବିଚାରପତି ହେବେ, ତାଙ୍କ ପୂର୍ବରୁ CJI କେଜି ବାଲାକ୍ରିଷ୍ଣନ୍ ମଧ୍ୟ ଅନୁସୂଚିତ ଜାତିର ଥିଲେ।

ଜଷ୍ଟିସ୍ ବି.ଆର ଗବଇ କାର୍ଯ୍ୟଭାର ଗ୍ରହଣ କରିବା ପରେ ୬ ମାସ ପାଇଁ CJI ହେବେ ଏବଂ ନଭେମ୍ବର ୨୦୨୫ ରେ ଅବସର ନେବେ। ଜଷ୍ଟିସ୍ ବି.ଆର ଗବଇ ମହାରାଷ୍ଟ୍ରର ଅମ୍ରାବତୀରୁ ଆସିଛନ୍ତି। ସେ ୧୯୮୫ ମସିହାରେ ଓକିଲ ଭାବରେ କାର୍ଯ୍ୟ କରିବା ଆରମ୍ଭ କରିଥିଲେ। ସେତେବେଳେ ସେ ମହାରାଷ୍ଟ୍ରର ପୂର୍ବତନ ଆଡଭୋକେଟ୍ ଜେନେରାଲ୍ ଏବଂ ପରେ ମହାରାଷ୍ଟ୍ର ହାଇକୋର୍ଟର ଜଜ୍ ବାରିଷ୍ଟର ରାଜା ଭୋସଲେଙ୍କ ସହ କାମ କରୁଥିଲେ। ବି.ଆର ଗବଇ ୧୯୮୭ ରୁ ୧୯୯୦ ପର୍ଯ୍ୟନ୍ତ ବମ୍ବେ ହାଇକୋର୍ଟରେ ଆଇନ ଅଭ୍ୟାସ କରିଥିଲେ।

Categories
ଆଜିର ଖବର ଜାତୀୟ ଖବର

ୱାକଫ ସଂଶୋଧନ ଆଇନକୁ ନେଇ ଦ୍ୱନ୍ଦ୍ୱ ଦୂର କରିବ ବିଜେପି, ଏପ୍ରିଲ ୧୯ ରୁ ଚାଲିବ ଜନସଚେତନତା ଅଭିଯାନ

ନୂଆଦିଲ୍ଲୀ: ୱାକଫ ସଂଶୋଧନ ଅଧିନିୟମ ସମ୍ପର୍କରେ ବ୍ୟାପିଥିବା ଗୁଜବ ତଥା ଦ୍ଵନ୍ଦ୍ଵକୁ ଦୂର କରିବା ପାଇଁ ଉତ୍ତରପ୍ରଦେଶ ସରକାର ଏବଂ ଭାରତୀୟ ଜନତା ପାର୍ଟି ପ୍ରସ୍ତୁତ ହୋଇଛନ୍ତି। ଏପ୍ରିଲ ୧୯ ତାରିଖରୁ ସାରା ରାଜ୍ୟରେ ଏକ ସ୍ୱତନ୍ତ୍ର ଜନସଚେତନତା ଅଭିଯାନ ଆରମ୍ଭ ହେବ, ଯେଉଁଥିରେ ବିଜେପି କର୍ମୀ, ପଦାଧିକାରୀ ଏବଂ ସରକାରୀ ପ୍ରତିନିଧିମାନେ ଘର ଘରକୁ ଯାଇ ମୁସଲମାନ ସମ୍ପ୍ରଦାୟର ଲୋକଙ୍କ ନିକଟରେ ପହଞ୍ଚିବେ। ଏହି ସମୟରେ ଜନସଚେତନତା ସୃଷ୍ଟି କରିବା ସହିତ କହିବେ ଯେ, ଏହି ନିୟମ ମୁସଲମାନ ବିରୋଧୀ ନୁହେଁ, ବରଂ ଗରିବ ଏବଂ ମୁସଲମାନ ସମ୍ପ୍ରଦାୟର ହିତରେ ଅଟେ।

ଏହି ସମୟରେ ଏହି ବିଲକୁ ନେଇ ବିରୋଧୀମାନେ ସୃଷ୍ଟି କରିଥିବା ଦ୍ଵନ୍ଦ୍ଵକୁ ଦୂର କରିବା ସହିତ ଏହାର ଉପକାରିତା ଉପରେ ଜନସାଧାରଣଙ୍କୁ ବିଜେପି କହିବ ବୋଲି ଜଣାପଡିଛି।

Categories
ଆଜିର ଖବର ମନୋରଂଜନ ରାଜ୍ୟ ଖବର

ପ୍ରତି ଶନିବାର ଓ ରବିବାର ରାତି ୯.୩୦ରେ ଜୀ ସାର୍ଥକରେ ସବୁଠାରୁ ବଡ ରିୟାଲିଟି ସୋ ‘ରଜ କୁଇନ୍ ୨୦୨୫’

ଭୁବନେଶ୍ଵର: ଓଡିଶାର ୧ ନମ୍ବର ଚ୍ୟାନେଲ ଜୀ ସାର୍ଥକ ସବୁବେଳେ ଲୋକଙ୍କ ପସନ୍ଦକୁ ଗୁରୁତ୍ବ ଦେଇ ଆସୁଛି। ଦର୍ଶକେ ଦେଖିବାକୁ ଭଲ ପାଉଥିବା କାହାଣୀକୁ ଆଧାରିତ କରି ଅନେକ ଧାରାବାହିକ ସହିତ ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ଦର୍ଶକଙ୍କୁ ଭେଟି ଦେଇଛି ଜୀ ସାର୍ଥକ। ଯେଉଁଥିରେ ଓଡିଆ ଜାତି ଓ ଓଡିଶାର ପ୍ରଥା ପରମ୍ପରାକୁ ଅତି ନିଖୁଣ ଭାବେ ଦେଖି ଦର୍ଶକେ ଉପଭୋଗ କରିପାରନ୍ତି। ଯେଉଁଥି ପାଇଁ ଚ୍ୟାନେଲକୁ ମିଳିଛି ଅଗଣିତ ଦର୍ଶକଙ୍କ ଦ୍ବାରା ଅଶେଷ ଭଲପାଇବା।

ଅଭିନେତ୍ରୀ ହେବାର ସ୍ବପ୍ନ ଦେଖିଥିବା ଝିଅଙ୍କ ପାଇଁ ପୁଣି ଫେରିଛି ଓଡିଶାର ୧ ନମ୍ବର ରିଆଲିଟି ସୋ ‘ରଜ କୁଇନ୍’। ଏହି ସୋ ଇଣ୍ଡଷ୍ଟ୍ରିକୁ ଅନେକ ବଛା ବଛା ଅଭିନେତ୍ରୀ ବିଗତ ଦିନରେ ଦେଇ ସାରିଛି। ସବୁ ବର୍ଷ ଅନେକ ଆଶାୟୀ ପ୍ରାର୍ଥୀ ଏହି ସୋ ରେ ଭାଗ ନେବାକୁ ଚାହିଁ ରହିଥାନ୍ତି। ତେବେ ଚଳିତ ବର୍ଷ ମଧ୍ୟ ବଡ଼ ଧୁମଧାମ ସହିତ ଆୟୋଜନ ହେବାକୁ ଯାଉଛି ସମସ୍ତଙ୍କ ମନପସନ୍ଦର ରିୟାଲିଟି ସୋ ‘ରଜ କୁଇନ୍’। ଚଳିତ ବର୍ଷ ୧୩ତମ ‘ରଜ କୁଇନ୍’ ପାଇଁ ଅଡିସନ୍ ସରିଯାଇଛି। ଯାହା ଜଗତସିଂହପୁର, ଯାଜପୁର, ଢେଙ୍କାନାଳ, ପୁରୀ, ଭୁବନେଶ୍ବର, ବାଲେଶ୍ୱର, କେଉଁଝର, ରାଉରକେଲା, ଭଦ୍ରକ, ଅନୁଗୁଳ ଓ କଟକରେ ଅନୁଷ୍ଠିତ ହୋଇ ବଛାଯାଇ ଥିବା ପ୍ରତିଯୋଗୀମାନଙ୍କୁ ନେଇ ଆରମ୍ଭ ହେବ ଅନ୍ତିମ ପର୍ଯ୍ୟାୟ “ରଜ କୁଇନ୍ ୨୦୨୫”।

ଚଳିତ ବର୍ଷ ଜଜ୍ ଭାବରେ ନଜର ଆସିବେ ଆମ ସମସ୍ତଙ୍କ ପ୍ରିୟ ଲିପି ମହାପାତ୍ର , ଶ୍ରୀତମ ଦାସ ଓ ଦେବାଶିଷ ପାତ୍ର ଓ ମେଣ୍ଟର ଭାବରେ ଓଲିଉଡ଼ ଇଣ୍ଡଷ୍ଟ୍ରିର ପ୍ରତିଷ୍ଠିତ ହିରୋଇନ ଦିବ୍ୟା, ସୁର୍ଯ୍ୟମୟୀ, ଅନୀଷା ଓ ଅନୁଭା ନଜର ଆସିବେ। ୧୫ରୁ ୨୫ ବର୍ଷ ମଧ୍ୟର ଆଶାୟୀ ପ୍ରାର୍ଥୀ ଅଡିସନ୍ ଦେଇ ଅଭିନେତ୍ରୀ ହେବାର ଦେଖିଥିବା ସ୍ବପ୍ନକୁ ପୁରା କରିପାରିବେ। ତେବେ ଡେରି କାହିଁକି ପ୍ରସ୍ତୁତ ହେଇଯାନ୍ତୁ ଖୁବ ଶୀଘ୍ର ଆସୁଛି ଆପଣଙ୍କ ପାଖକୁ ୧୩ତମ ‘ରଜ କୁଇନ୍’।

ଏପ୍ରିଲ ୧୯ ତାରିଖରୁ ପ୍ରତି ଶନିବାର ଓ ରବିବାର ରାତି ୯.୩୦ ମିନିଟରେ କେବଳ ଜୀ ସାର୍ଥକରେ ପ୍ରସାରଣ ହେବାକୁ ଯାଉଛି ‘ରଜ କୁଇନ୍’। ତେବେ କିଏ ହେବ ଚଳିତ ସିଜନର ରଜ କୁଇନ୍ ? ଜାଣିବାକୁ ଏହି ଯାତ୍ରା ସହ ଯୋଡ଼ି ହେବାକୁ ଅନୁରୋଧ କରିଛନ୍ତି ଜୀ ସାର୍ଥକର ଚିଫ ଚ୍ୟାନେଲ ଅଫିସର ପ୍ରତୀକ ସିଲ।

Categories
ଆଜିର ଖବର ଜାତୀୟ ଖବର ସିନେମା

ଚଳଚ୍ଚିତ୍ର ‘ଜାଟ’ ଉପରେ ଲାଗିବ ପ୍ରତିବନ୍ଧକ?: ଧାର୍ମିକ ଭାବନାକୁ ଆଘାତ ଦେଇଥିବାର ଅଭିଯୋଗ

ନୂଆଦିଲ୍ଲୀ: ଏପ୍ରିଲ ୧୦ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବା ପରେ ସନ୍ନି ଦେଓଲ, ରଣଦୀପ ହୁଡା ଏବଂ ଭିନୀତ କୁମାର ସିଂଙ୍କ ବଲିଉଡ ଫିଲ୍ମ ‘ଜାଟ’ ବିବାଦ ଭିତରକୁ ଆସିଛି। ଖ୍ରୀଷ୍ଟିଆନ ସମ୍ପ୍ରଦାୟ ଏକ ନିର୍ଦ୍ଦିଷ୍ଟ ଦୃଶ୍ୟକୁ ତୀବ୍ର ବିରୋଧ କରିଛି। ଏହି ଦୃଶ୍ୟରେ ରଣଦୀପ ହୁଡାଙ୍କୁ ଚର୍ଚ୍ଚର ପବିତ୍ର ମଞ୍ଚ ଉପରେ ରଖାଯାଇଥିବା କ୍ରସ ତଳେ ଛିଡ଼ା ହୋଇଥିବାବେଳେ କିଛି ଲୋକ ତଳେ ପ୍ରାର୍ଥନା କରୁଥିବା ଦେଖିବାକୁ ମିଳିଛି। ଏହି ଦୃଶ୍ୟରେ ଅଭିନେତାମାନେ ମଧ୍ୟ ଗୁଣ୍ଡାଗର୍ଦ୍ଦିରେ ଲିପ୍ତ ରହି ଚର୍ଚ୍ଚ ଭିତରେ ଧମକ ଦେଉଥିବାର ନଜର ଆସିଛନ୍ତି। ଖ୍ରୀଷ୍ଟିଆନ ସମ୍ପ୍ରଦାୟ ଏହାକୁ ଅତ୍ୟନ୍ତ ଆପତ୍ତିଜନକ ମନେ କରିଛନ୍ତି।

ଖ୍ରୀଷ୍ଟିଆନ ସମ୍ପ୍ରଦାୟର ପ୍ରତିନିଧୀଙ୍କ ଅନୁଯାୟୀ, ଏହି ଦୃଶ୍ୟ ସେମାନଙ୍କର ଧାର୍ମିକ ଭାବନାକୁ ଆଘାତ ଦେଇଛି ଏବଂ ଚର୍ଚ୍ଚର ସବୁଠାରୁ ପବିତ୍ର ସ୍ଥାନ – ମଞ୍ଚ ପ୍ରତି ଅପମାନ ଅଟେ। ସେମାନେ ଅଭିଯୋଗ କରିଛନ୍ତି ଯେ, ଏହି ଦୃଶ୍ୟ ଭାରତରେ ଖ୍ରୀଷ୍ଟିଆନ ଧର୍ମକୁ ବଦନାମ କରିବା ପାଇଁ ଏକ ସୁଚିନ୍ତିତ ଷଡଯନ୍ତ୍ରର ଅଂଶ ବୋଲି ମନେହୁଏ। ଏଥିରେ ବଳ ଏବଂ ହିଂସା ପ୍ରଦର୍ଶନ କରାଯାଇଛି।

ପ୍ରାରମ୍ଭରେ, ଖ୍ରୀଷ୍ଟିଆନ ସମ୍ପ୍ରଦାୟର ସଦସ୍ୟମାନେ ସିନେମା ହଲ୍ ବାହାରେ ବିରୋଧ କରିବାକୁ ଯୋଜନା କରିଥିଲେ। କିନ୍ତୁ ପୋଲିସ ଏହି ବିରୋଧକୁ ବନ୍ଦ କରି ଦେଇଥିଲା। ଏହା ବଦଳରେ ବିକ୍ଷୋଭକାରୀମାନେ ଯୁଗ୍ମ କମିଶନରଙ୍କ ନିକଟରେ ଏକ ସ୍ମାରକପତ୍ର ଦାଖଲ କରି ପ୍ରେକ୍ଷାଳୟରେ ଜାଟ ସ୍କ୍ରିନିଂ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଥିଲେ।

Categories
ଆଜିର ଖବର ଜାତୀୟ ଖବର

ଆଜି ଦିଲ୍ଲୀ ଏବଂ ରାଜସ୍ଥାନ ମଧ୍ୟରେ ଲଢେଇ, ଜାଣନ୍ତୁ ସମ୍ଭାବ୍ୟ ଏକାଦଶ ଖେଳାଳି

ନୂଆଦିଲ୍ଲୀ: ଆଇପିଏଲ୍ 2025 ର 32 ତମ ମ୍ୟାଚ୍ ଆଜି ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଅରୁଣ ଜେଟଲୀ ଷ୍ଟାଡିୟମରେ ଖେଳାଯିବ। ଲଗାତାର 4 ଟି ମ୍ୟାଚ୍ ଜିତିବା ପରେ ଅକ୍ସର ପଟେଲଙ୍କ ଦଳ ଦିଲ୍ଲୀ ଗତ ମ୍ୟାଚରେ ସିଜିନର ପ୍ରଥମ ପରାଜୟର ସମ୍ମୁଖୀନ ହୋଇଥିଲେ। ସେପଟେ ସଞ୍ଜୁ ସାମସନଙ୍କ ନେତୃତ୍ଵାଧୀନ ରାଜସ୍ଥାନ ରୟାଲ୍ସ 6 ଟି ମ୍ୟାଚ ମଧ୍ୟରୁ ମାତ୍ର 2 ଟି ଜିତିଛି, ଆଜି ଜିତିବା ସେମାନଙ୍କ ପାଇଁ ଗୁରୁତ୍ୱପୂର୍ଣ୍ଣ। ଆସନ୍ତୁ ଉଭୟ ଦଳର ରେକର୍ଡ, ସମ୍ଭାବ୍ୟ ଏକାଦଶ ଖେଳାଳି, ଏହି ଗ୍ରାଉଣ୍ଡର ଆଇପିଏଲ୍ ରେକର୍ଡ ବିଷୟରେ ଜାଣିବା….

ଦିଲ୍ଲୀ କ୍ୟାପିଟାଲ୍ସ ବର୍ତ୍ତମାନ 4 ଟି ବିଜୟ ସହ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ଅଛି। ଯଦି ଆଜି ରାଜସ୍ଥାନ ରୟାଲ୍ସକୁ ପରାସ୍ତ କରେ ତେବେ ଦିଲ୍ଲୀ ଟେବୁଲରେ ପ୍ରଥମ ସ୍ଥାନ ଅଧିକାର କରିବ। ସେପଟେ ରାଜସ୍ଥାନ ରୟାଲ୍ସ ଜିତିବା ପରେ ସପ୍ତମରୁ ଷଷ୍ଠ ସ୍ଥାନକୁ ଆସିଯିବ ଏବଂ ବର୍ତ୍ତମାନ ସପ୍ତମ ସ୍ଥାନରେ ଥିବା ମୁମ୍ବାଇ ଇଣ୍ଡିଆନ୍ସ ଖସିଯିବ।

ଡିସି ବନାମ ଆରଆର ହେଡ ଟୁ ହେଡ ରେକର୍ଡ:

ମୋଟ ମ୍ୟାଚ୍: 29
ଦିଲ୍ଲୀ କ୍ୟାପିଟାଲ୍ସ 14 ଥର ଜିତିଛି
ରାଜସ୍ଥାନ ରୟାଲ୍ସ 15 ଥର ଜିତିଛି
RR ବିପକ୍ଷରେ ଡିସିର ସର୍ବାଧିକ ସ୍କୋର 221
DC ବିପକ୍ଷରେ RR ର ସର୍ବାଧିକ ସ୍କୋର 222

ଅରୁଣ ଜେଟଲୀ ଷ୍ଟାଡିୟମର ଆଇପିଏଲ ରେକର୍ଡ:

ଅରୁଣ ଜେଟଲୀ ଷ୍ଟାଡିୟମରେ ମୋଟ 90 ଟି ଆଇପିଏଲ ମ୍ୟାଚ୍ ଖେଳାଯାଇଛି। ଏଠାରେ ପ୍ରଥମେ ବ୍ୟାଟିଂକରିଥିବା ଦଳ 43 ଥର ଏବଂ ପ୍ରଥମେ ବୋଲିଂ କରିଥିବା ଦଳ 46 ଥର ଜିତିଛି। 45 ଥର ଯେଉଁ ଦଳର ଅଧିନାୟକ ଟସ୍ ଜିତିଥିଲେ, 44 ଥର ଟସ୍ ହରାଇଥିବା ଦଳ ଜିତିଲା। ଏଠାରେ ସର୍ବାଧିକ ସ୍କୋର ହେଉଛି 266, ଯାହା ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦ ଦ୍ୱାରା କରାଯାଇଥିଲା। ସର୍ବାଧିକ ବ୍ୟକ୍ତିଗତ ସ୍କୋର କ୍ରିସ୍ ଗେଲ୍ (128) ଏବଂ ଋଷଭ ପନ୍ତ (128) ଙ୍କ ଦ୍ଵାରା କରାଯାଇଛି।

ଦିଲ୍ଲୀ କ୍ୟାପିଟାଲ୍ସର ସମ୍ଭାବ୍ୟ ଖେଳାଳି:

ଜେକେ ଫ୍ରେଜର-ମ୍ୟାକଗର୍କ, କରୁଣ ନାୟାର, ଅଭିଷେକ ପୋରେଲ, କେ.ଏଲ୍ ରାହୁଲ (ୱିକେଟ୍ କିପର), ଟ୍ରିଷ୍ଟନ୍ ଷ୍ଟବ୍ସ, ଅକ୍ସର ପଟେଲ (ଅଧିନାୟକ), ଆଶୁତୋଷ ଶର୍ମା, ବିପରାଜ ନିଗମ, ମିଚେଲ ଷ୍ଟାର୍କ, କୁଲଦୀପ ଯାଦବ, ମୋହିତ ଶର୍ମା, ମୁକେଶ କୁମାର (ଇମ୍ପାକ୍ଟ ପ୍ଲେୟାର)।

ରାଜସ୍ଥାନ ରୟାଲ୍ସର ସମ୍ଭାବ୍ୟ ଖେଳାଳି:

ଯଶସ୍ୱୀ ଜୟସ୍ଵାଲ, ସଞ୍ଜୁ ସାମସନ (ଅଧିନାୟକ, ୱିକେଟ୍ ରକ୍ଷକ), ନୀତୀଶ ରାଣା, ରିୟାନ୍ ପରାଗ, ଧ୍ରୁଭ ଜୁରେଲ, ଶିମ୍ରନ୍ ହେଟମାୟର, ୱାନିନ୍ଦୁ ହସରଙ୍ଗା, ଜୋଫ୍ରା ଆର୍ଚ୍ଚର, ମହେଶ ତୀକ୍ଷଣା, ସନ୍ଦୀପ ଶର୍ମା, ତୁଷାର ଦେଶପାଣ୍ଡେ, କୁମାର କାର୍ତ୍ତିକେୟ (ଇମ୍ପାକ୍ଟ ପ୍ଲେୟାର)।

Categories
ଅପରାଧ ଆଜିର ଖବର ରାଜ୍ୟ ଖବର

ବାଣପୁର ନାବାଳିକା ଦୁଷ୍କର୍ମ ମାମଲାରେ ଅଭିଯୁକ୍ତଙ୍କୁ ୨୦ ବର୍ଷ ଦଣ୍ଡାଦେଶ: ତଦନ୍ତକାରୀ ଅଧିକାରୀଙ୍କୁ ମିଳିଲା ପ୍ରଶଂସା ପତ୍ର

ବାଣପୁର: ଏକ ନାବାଳିକା ଦୁଷ୍କର୍ମ ମାମଲାର ପର୍ଦ୍ଦାଫାଶ କରିବା ସହ ଉତ୍କୃଷ୍ଟ ତଦନ୍ତ ଓ ବଳିଷ୍ଠ ସାକ୍ଷ୍ୟ ପ୍ରମାଣ ଲାଗି ଅଭିଯୁକ୍ତଙ୍କୁ ୨୦ ବର୍ଷ କାରାଗାର ଦଣ୍ଡାଦେଶ ହୋଇଥିବାରୁ ଖୋର୍ଦ୍ଧା ଅବସରପ୍ରାପ୍ତ ଅତିରିକ୍ତ ଏସପି ସୁରେଶ ଚନ୍ଦ୍ର ଦାସ ଏବଂ କ୍ରାଇମ ବ୍ରାଞ୍ଚ ଇନ୍ସପେକ୍ଟର ତଥା ପୂର୍ବତନ ବାଣପୁର ଥାନା ଏସଆଇ ରାଜକିଶୋର ବେହେରାଙ୍କୁ ପ୍ରଶଂସା ପତ୍ର ପ୍ରଦାନ କରିଛନ୍ତି ଓଡିଶା ଡିଜିପି ୱାଇ.ବି ଖୁରାନିଆ।

ସୂଚନା ମୁତାବକ ୨୦୨୦ ମସିହାରେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଜଣେ ନାବାଳିକା ଦୁଷ୍କର୍ମର ଶିକାର ହୋଇଥିଲେ। ଉକ୍ତ ମାମଲାର ତତ୍କାଳୀନ ବାଣପୁର ଥାନା ଏସଆଇ ତଥା ବର୍ତ୍ତମାନ କ୍ରାଇମ ବ୍ରାଞ୍ଚ ଇନ୍ସପେକ୍ଟର ରାଜକିଶୋର ବେହେରା ତଦନ୍ତକାରୀ ଅଧିକାରୀ ଥିଲେ ଏବଂ ତତ୍କାଳୀନ ଖୋର୍ଦ୍ଧା ଅତିରିକ୍ତ ଏସପି (ବର୍ତ୍ତମାନ ଅବସରପ୍ରାପ୍ତ) ସୁରେଶ କୁମାର ଦାସ ମାମଲାକୁ ପରିଚାଳନା କରୁଥିଲେ।

ତେବେ ଉଭୟ ଅଧିକାରୀଙ୍କ ଉତ୍କୃଷ୍ଟ ତଦନ୍ତ, ପରିଚାଳନା ଓ ସାକ୍ଷ୍ୟ ପ୍ରମାଣ ବଳରେ ଉକ୍ତ ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଅଭିଯୁକ୍ତ ପୂର୍ଣ୍ଣ ଚନ୍ଦ୍ର ଦଳବେହେରାଙ୍କୁ ଭୁବନେଶ୍ୱର ସ୍ୱତନ୍ତ୍ର ଜଜ(ପୋକସୋ) ତଥା ଅତିରିକ୍ତ ଦୌରା ଜଜ ପ୍ରଦୀପ କୁମାର ବେହେରା ୨୦ ବର୍ଷ କାରାଗାର ଓ ଦଶ ହଜାର ଟଙ୍କା ଜରିମାନା ଦଣ୍ଡାଦେଶ ଶୁଣାଇଛନ୍ତି। ଉକ୍ତ ମାମଲାକୁ ସରକାରଙ୍କ ପକ୍ଷରୁ ବରିଷ୍ଠ ଆଇନଜୀବୀ ସୁବ୍ରତ ପ୍ରିୟଦର୍ଶି ପରିଚାଳନା କରୁଥିଲେ।

ତେବେ ଉକ୍ତ ରାୟ ଦ୍ୱାରା ଓଡିଶା ପୋଲିସର ମନୋବଳ ବଢିଥିବା ବେଳେ ପୋଲିସ ଅଧିକାରୀ ମାନେ ଏହା ଦ୍ୱାରା ପ୍ରେରିତ ହୋଇ ଆଗକୁ ଆହୁରି ଦକ୍ଷତାର ସହ ମାମଲାର ତଦନ୍ତ କରିବେ ବୋଲି ଡିଜିପି ଆଶା କରିଛନ୍ତି। ଏହି ଅବସରରେ ଓଡିଶା ଡିଜିପି ଶ୍ରୀ ଖୁରାନିଆ ଉଭୟ ଅଧିକାରୀଙ୍କୁ ପ୍ରଶଂସା ପତ୍ର ପ୍ରଦାନ କରିବା ସହ ଅଭିନନ୍ଦନ ଜଣାଇଛନ୍ତି ଏବଂ ଉଭୟ ଅଧିକାରୀ ନିଜର ଡ୍ୟୁଟି ପ୍ରତି ସମ୍ପର୍ପିତ ହୋଇ କାର୍ଯ୍ୟ କରିଥିବାରୁ ଓଡିଶା ପୋଲିସ ପାଇଁ ପ୍ରେରଣା ପାଲଟିଥିବା ପ୍ରଶଂସା ପତ୍ରରେ ଉଲ୍ଲେଖ କରିଛନ୍ତି।