ମିସ୍ ୟୁନିଭର୍ସ ତଥା ବଲିଉଡ୍ ଅଭିନେତ୍ରୀ ସୁସ୍ମିତା ସେନ୍ ଅନେକ ଦିନ ହେବ ତାଙ୍କ ବୟଫ୍ରେଣ୍ଡ୍ଙ୍କୁ ନେଇ ଚର୍ଚ୍ଚାରେ ରହିଛନ୍ତି। ନିକଟରେ ସେ ତାଙ୍କ ବୟଫ୍ରେଣ୍ଡ୍ ରୋହମନ ଶୋଲ୍ଙ୍କ ସହିତ ଫେରାର୍ ହେବାକୁ ଚାହୁଁଛନ୍ତି ବୋଲି ସେ ଏକ କ୍ୟାପ୍ସନ୍ ଲେଖି ନିଜ ଇନ୍ଷ୍ଟାଗ୍ରାମ୍ରେ ଫଟୋ ଅପ୍ଲୋଡ୍ କରିଥିଲେ। ପୂର୍ବରୁ ତାଙ୍କ ସହ ବ୍ୟାୟାମ୍ କରିବା ଓ ତାଙ୍କ ପିଲାଙ୍କ ସହ ମସ୍ତି କରିବା ଆଦି ନେଇ ବେଶ୍ ଚର୍ଚ୍ଚାକୁ ଆସିଥିଲେ। ନିକଟରେ ଏବେ ସେ ରୋହମନ୍ଙ୍କ ସହ ନିର୍ବନ୍ଧ କରିଛନ୍ତି ବୋଲି ଶୁଣିବାକୁ ମିଳିଛି। ସୁସ୍ମିତା ନିଜ ଇନ୍ଷ୍ଟାଗ୍ରାମ୍ରେ ଏକ ଫଟୋ ଅପ୍ଲୋଡ୍ କରିଛନ୍ତି, ଯେଉଁଥିରେ ସେ ରୋହମନ୍ ସହ ଥିବାବେଳେ ତାଙ୍କ ଆଙ୍ଗୁଠିରେ ଏକ ସୁନ୍ଦର ମୁଦି ରହିଛି। ଏବଂ ଏହି ଫଟୋକୁ ସେୟାର କରି ଏହାର କ୍ୟାପ୍ସନ୍ରେ ସୁସ୍ମିତା ମୁଁ କେବଳ ତୁମର ବୋଲି ଲେଖିଛନ୍ତି। ଏହି ଫଟୋକୁ ଦେଖି ସୁସ୍ମିତା ନିର୍ବନ୍ଧ କରିଛନ୍ତି ବୋଲି ଜଣାପଡୁଛି।…
Author: Samikhsya Bureau
ଡିପ୍ରେସନର ରୂପ ନେଇଛି ସାମୁଦ୍ରିକ ବାତ୍ୟା ‘ଫାନୀ’। ଆଞ୍ଚଳିକ ପାଣିପାଗ କେନ୍ଦ୍ର ତରଫରୁ ମିଳିଥିବା ସୂଚନା ମୁତାବକ, ବଙ୍ଗୋପସାଗରରେ ସୃଷ୍ଟ ଲଘୁଚାପ ଡିପ୍ରେସନ ରୂପ ନେଇଛି। ରବିବାର ସକାଳୁ ମିଳିଥିବା ସୂଚନା ଅନୁଯାୟୀ ଏହି ବାତ୍ୟା ବର୍ତ୍ତମାନ ଆନ୍ଧ୍ର ଉପକୂଳରୁ ୧୩୦୦ କିମି ଏବଂ ଚେନ୍ନାଇରୁ ୧୧୦୦ କିମି ଦୂରରେ ରହିଛି। ରବିବାର ସନ୍ଧ୍ୟା ସୁଦ୍ଧା ଏହି ବାତ୍ୟା ଘନୀଭୂତ ହୋଇ ଉଭୟ ରାଜ୍ୟରେ ଝଡ ତୋଫାନର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି। ତାମିଲନାଡୁ ଏବଂ ଆନ୍ଧ୍ର ମଧ୍ୟ ଦେଇ ଗତିକରିବାକୁ ଥିବା ଏହି ବାତ୍ୟାରେ ୪୦-୫୦ କିମି ବେଗରେ ପବନ ଏବଂ ଘଡଘଡି ସହ ବର୍ଷାର ସମ୍ଭାବନା ରହିଛି। ୨୪ ଘଣ୍ଟା ମଧ୍ୟରେ ଉଭୟ ରାଜ୍ୟରେ ପ୍ରବଳରୁ ଅତିପ୍ରବଳ ବର୍ଷାର ସମ୍ଭାବନା ମଧ୍ୟ ଜାରି କରିଛି ପାଣିପାଗ ବିଭାଗ। ଓଡିଶାରେ ବାତ୍ୟାର ପ୍ରଭାବ ପଡିବନି ବୋଲି କହିଲେ ପାଣିପାଗ ବିଭାଗ। କିନ୍ତୁ ଏହାର ପ୍ରଭାବରେ ଦକ୍ଷିଣ…
ବଲିଉଡ୍ ଅଭିନେତ୍ରୀ ପରିଣୀତି ଚୋପ୍ରା ନିଜର ପ୍ରଥମ ସିଙ୍ଗିଲ ମ୍ୟୁଜିକ୍ ଆଲବମ୍ର କାମ ଆରମ୍ଭ କରିବାକୁ ଯାଉଛନ୍ତି। ବଡ ଭଉଣୀ ତଥା ମିସ ଓ୍ବାର୍ଲ୍ଡ ପ୍ରିୟଙ୍କା ପିଟ୍ବୁଲ୍ଙ୍କ ସହିତ ନିଜର ମ୍ୟୁଜିକ୍ ଭିଡିଓ କରିଥିବା ବେଳେ ପରୀ ବଲିଉଡ୍ର ମ୍ୟୁଜିକ କମ୍ପୋଜର ଅମାଲ ମଲିକ୍ ଏବଂ ଟି ସିରିଜ୍ର ଭୂଷଣ କୁମାରଙ୍କ ମ୍ୟୁଜିକ୍ ଆଲବମ୍ରେ ନଜର ଆସିବେ। ପ୍ରଥମ ଥର ପାଇଁ ମେରି ପ୍ୟାରି ବିନ୍ଦୁରେ ଗୀତ ଗାଇଥିବା ପରିଣୀତି ଏହି ମ୍ୟୁଜିକ୍ ଭିଡିଓକୁ ନେଇ ଉତ୍ସାହିତ ଥିବା ସୂଚନା ଦେଇଛନ୍ତି। ଏହି ଆଲବମ୍ର ଗୀତ ଲେଖିଛନ୍ତି କୁମାର। ଆଲବମ୍ ସମ୍ପର୍କରେ ଖୁବ୍ଶୀଘ୍ର ଅଧିକ ସୂଚନା ଦିଆଯିବ ବୋଲି ଟି ସିରିଜ୍ ମୁଖ୍ୟ ଭୂଷଣ କୁମାର ସୂଚନା ଦେଇଛନ୍ତି। ଏହି ଆଲବମ୍ ବ୍ୟତୀତ ପରୀ ସିଦ୍ଧାର୍ଥ ମଲହୋତ୍ରାଙ୍କ ସହ ଜବରିୟା ଯୋଡୀ, ସାଇନା ନେହ୍ବାଲ ବାୟୋପିକ୍ ଏବଂ ଦ ଗାର୍ଲ ଅନ ଦ ଟ୍ରେନ୍ ହିନ୍ଦି ରିମେକ୍ରେ ନଜର ଆସିବେ।
ଭାରତର ଅନ୍ୟତମ ବେସରକାରୀ ବ୍ୟାଙ୍କ ୟେସ୍ ବ୍ୟାଙ୍କ ନିଜର ଦୁଇ ନିର୍ଦ୍ଦେଶକଙ୍କ ନାମ ଘୋଷଣା କରିଛି। କମ୍ପାନୀ ପକ୍ଷରୁ ରବୀନ୍ଦର କୁମାର ଖନ୍ନା ଏବଂ ଶଗୁନ କପୁର ଗୋଗିଆଙ୍କୁ ସ୍ବାଧୀନ ନିର୍ଦ୍ଦେଶକ ଭାବରେ ମନୋନୟନ କରାଯାଇଛି। ଏହା ସହିତ ଚଳିତ ଶୁକ୍ରବାର କମ୍ପାନୀ ପକ୍ଷରୁ ଏହାର ବାର୍ଷିକ ରିପୋର୍ଟ ପ୍ରକାଶ କରାଯାଇଥିଲା ଯେଉଁଥିରେ ୧୫୦୬.୬୪ କୋଟିର ଫାଇଦା ଦର୍ଶାଯାଇଛି। ଶଗୁନ କପୁର ଗୋଗିଆ ହେଉଛନ୍ତି କମ୍ପାନୀର ସହ ପ୍ରତିଷ୍ଠାତା ଅଶୋକ କପୁରଙ୍କ ଝିଅ। ଅଶୋକ ୨୬/୧୧ ମୁମ୍ବାଇ ଆକ୍ରମଣରେ ପ୍ରାଣ ହରାଇଥିଲେ। ୨୦୧୩ରେ କମ୍ପାନୀର ନିର୍ଦ୍ଦେଶକ ପଦ ପାଇଁ ଶଗୁନ ଆବେଦନ କରିଥିବା ବେଳେ ଏହାକୁ ବୋର୍ଡ ଖାରଜ କରି ଦେଇଥିଲା।
ପୂବର୍ତନ ଡିଏମ୍କେ ସାଂସଦ ବାସନ୍ତୀ ଷ୍ଟାନ୍ଲେଙ୍କ ପ୍ରାଣହାନି ଘଟିଛି। ୨୦୦୮ ରୁ ୨୦୧୪ ପର୍ଯ୍ୟନ୍ତ ଡିଏମ୍କେର ରାଜ୍ୟସଭା ସାଂସଦ ରହିଥିଲେ ଷ୍ଟାନ୍ଲେ। ୫୬ ବର୍ଷୀୟା ଷ୍ଟାନ୍ଲେ ଶନିବାର ବିଳମ୍ବିତ ରାତ୍ରରେ ପ୍ରାଣ ହରାଇଥିଲେ। ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ମୃତ୍ୟୁ ପୂର୍ବରୁ ଅସୁସ୍ଥ ଥିଲେ। ଡିଏମ୍କେ ମୁଖ୍ୟ ଏମ୍ କେ ଷ୍ଟାଲିନ୍ ରବିବାର ଟ୍ବିଟ୍ଟର ଜରିଆରେ ଷ୍ଟାନ୍ଲେଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଛନ୍ତି। ବାସନ୍ତୀ ସର୍ବଦା ଦଳର ଜଣେ ପ୍ରମୁଖ କର୍ମୀ ରହି ଆସିଥିଲେ ଏବଂ ତାଙ୍କ ମୃତ୍ୟୁ ଦଳ ପାଇଁ ଅପୂରଣୀୟ କ୍ଷତି ବୋଲି ଷ୍ଟାଲିନ କହିଛନ୍ତି। ରବିବାର ଷ୍ଟାନ୍ଲେଙ୍କ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମରେ ଏମ୍ କେ ଷ୍ଟାଲିନ୍ଙ୍କ ସମେତ ଅନେକ ଡିଏମ୍କେ ନେତା ଉପସ୍ଥିତ ଥିଲେ।
ଆସନ୍ତା କାଲି ଚତୁର୍ଥ ପର୍ଯ୍ୟାୟ ନିର୍ବାଚନ। ଏହି ପର୍ଯ୍ୟାୟରେ ୯ଟି ରାଜ୍ୟର ୭୨ଟି ଲୋକସଭା ଆସନ ପାଇଁ ମତଦାନ ଅନୁଷ୍ଠିତ ହେବ। ଏଥିରେ ରହିଛି ବିହାରର ୫ଟି ଆସନ, ଝାଡଖଣ୍ଡର ୩ଟି ଆସନ, ମଧ୍ୟପ୍ରଦେଶର ୬ଟି ଆସନ, ମହାରାଷ୍ଟ୍ରର ୧୭ଟି ଆସନ, ଓଡିଶାର ୬ଟି ଆସନ, ରାଜସ୍ଥାନର ୧୩ଟି ଆସନ, ଉତ୍ତରପ୍ରଦେଶର ୧୩ଟି ଆସନ, ଜମ୍ମୁ-କଶ୍ମୀରର ଗୋଟିଏ ଏବଂ ପଶ୍ଚିମବଙ୍ଗର ୮ ଆସନ। ମତଦାନ ଲାଗି ନିର୍ବାଚନ କମିଶନଙ୍କ ପକ୍ଷରୁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ। ଚତୁର୍ଥ ପର୍ଯ୍ୟାୟରେ ମୋଟ ୯୪୩ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେବାକୁ ଯାଉଛି। ଏହି ପର୍ଯ୍ୟାୟ ଓଡ଼ିଶା ପାଇଁ ଶେଷ ପର୍ଯ୍ୟାୟ। ଉଭୟ ଲୋକସଭା ଓ ବିଧାନସଭା ପାଇଁ ଭୋଟ୍ ଗ୍ରହଣ ଅନୁଷ୍ଠିତ ହେବ। ୬ଟି ଲୋକସଭା ଓ ତତ୍ସଂଲଗ୍ନ ୪୧ଟି ବିଧାନସଭା ପାଇଁ ମତଦାନ ଅନୁଷ୍ଠିତ ହେବ। ବାଲେଶ୍ବର, ଭଦ୍ରକ, ଜଗତ୍ସିଂହପୁର, ଯାଜପୁର, କେନ୍ଦ୍ରାପଡ଼ା ଓ ମୟୂରଭଞ୍ଜ ଆଦି ୬ଟି ଲୋକସଭା ଆସନ ରହିଛି। ଏହି…
ଗତକାଲି ଏୟାର ଇଣ୍ଡିଆର ସର୍ଭର ଡାଉନ୍ ହେବା କାରଣରୁ ଏହାର ସମସ୍ତ ଜାତୀୟ ଏବଂ ଆନ୍ତର୍ଜାତୀୟ ଉଡାଣ ଦୀର୍ଘ ସମୟ ଧରି ବନ୍ଦ ରହିଥିବା ବେଳେ ରବିବାର ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛ। ରବିବାର ଏୟାର ଇଣ୍ଡିଆର ୧୩୭ ଟି ବିମାନ ଉଡାଣ ବାତିଲ ଘୋଷଣା କରାଯାଇଛି। ବର୍ତ୍ତମାନ ଏୟାର ଇଣ୍ଡିଆର ସମସ୍ତ ବିମାନ ଆପାତତଃ ୧୯୭ମିନିଟ୍ ବିଳମ୍ବରେ ଉଡାଣ ଭରୁଛି । ଯାତ୍ରୀମାନେ ଦିଲ୍ଲୀ ଏବଂ ମୁମ୍ବାଇ ବିମାନବନ୍ଦରରେ ହୋହଲ୍ଲା କରିଛନ୍ତି। କିଛି ସମୟ ମଧ୍ୟରେ ସ୍ଥିତିରେ ସୁଧାର ଆସିବ ବୋଲି ଏୟାର ଇଣ୍ଡିଆ ପକ୍ଷରୁ କୁହାଯାଇଛି। ଗତକାଲି ମଧ୍ୟ ଏହି ଏୟାର ଲାଇନ୍ସ ନିଜର ୧୪୯ଟି ବିମାନର ଉଡାଣ ବାତିଲ କରିଥିଲା। ନିଜର ସହଯୋଗୀ କମ୍ପାନୀ ଆଲାଏନ୍ସ ଏୟାର ଏବଂ ଏୟାର ଇଣ୍ଡିଆ ଏକ୍ସପ୍ରେସ୍ ସହିତ ଏୟାର ଇଣ୍ଡିଆ ଦୈନିକ ଭାବରେ ୬୭୪ ବିମାନ ଉଡାଣ କରିଥାଏ।
ଇଷ୍ଟର ରବିବାରରେ ଶ୍ରୀଲଙ୍କାରେ ହୋଇଥିବା ବିସ୍ଫୋରଣରେ ୨୫୩ ଜଣଙ୍କ ମୃତ୍ୟୁ ଘଟିଥିବା ବେଳେ ୫୦୦ରୁ ଅଧିକ ଆହତ ହୋଇଥିଲେ। ଏହି ବିସ୍ଫୋରଣ ପାଇଁ ଆଇଏସ୍ ନିଜକୁ ଦାୟୀ କରିଥିବା ବେଳେ ଘଟଣାରେ ଗିରଫଙ୍କ ସଂଖ୍ୟା ୧୦୭ ଛୁଇଁଛି। ଏହି ଘଟଣାରେ ଗିରଫ ବ୍ୟକ୍ତିଙ୍କ ମଧ୍ୟରେ ଜଣେ ତାମିଲ ମିଡିୟମ୍ ଶିକ୍ଷକ ଏବଂ ସ୍କୁଲ ପ୍ରିନ୍ସିପାଲ୍ ରହିଛନ୍ତି । ଗିରଫ ଶିକ୍ଷକଙ୍କ ନିକଟରୁ ପୋଲିସ୍ ୫୦ଟି ସିମ୍କାର୍ଡ ଏବଂ ଅନ୍ୟାନ୍ୟ ଆପତ୍ତିଜନକ ସାମଗ୍ରୀ ଜବତ କରିଛି। ରବିବାର ସକାଳେ ଶ୍ରୀଲଙ୍କା ପୋଲିସ୍ ଏବଂ ସେନା ପକ୍ଷରୁ ଏକ ସର୍ଚ୍ଚ ଅପରେସନ୍ କରାଯାଇ କଳ୍ପିତୟରୁ ୧୦ ଜଣଙ୍କୁ ଗିରଫ କରାଯାଇଛି। ଗତକାଲି ମଧ୍ୟ ପୋଲିସ୍ର ଏକ ଅପରେସନରେ ୩ ଆଇଏସ୍ ଆତଙ୍କୀ ନିହତ ହୋଇଥିଲେ।
ଇଭିଏମ୍ରେ ଦଳୀୟ ଲୋଗୋ ତଳେ ବିଜେପିର ନାମ ଥିବା ନେଇ ନିର୍ବାଚନ କମିଶନଙ୍କ ଦ୍ବାରସ୍ଥ ହୋଇଛନ୍ତି ବିରୋଧୀ ଦଳ । ଅନ୍ୟ ସମସ୍ତ ଦଳର କେବଳ ଚିହ୍ନ ରହିଥିବା ବେଳେ ପଦ୍ମ ଚିହ୍ନ ତଳେ ବିଜେପିର ନାମ ରହିଥିବା ନେଇ ଅଭିଯୋଗ କରିଛନ୍ତି ବିପକ୍ଷ ଦଳ । ଦଶ ବିପକ୍ଷ ରାଜନୈତିକ ଦଳର ସଦସ୍ୟ ମାନଙ୍କ ଏକ ଦଳ ନିର୍ବାଚନ କମିଶନର ସୁନୀଲ ଅରୋରାଙ୍କୁ ଭେଟି ଏ ନେଇ ଅଭିଯୋଗ ଦାୟର କରିଛନ୍ତି । ଏହି ଦଳରେ କଂଗ୍ରେସ ଦଳର ଅଭିଷେକ ମନୁ ସିଂଘଭୀ ଏବଂ ତୃଣମୂଳର ଦୀନେଶ ତ୍ରିବେଦୀ ଏବଂ ଡେରେକ୍ ଓ ବ୍ରାଏନ୍ ନିର୍ବାଚନ କମିଶନଙ୍କୁ ଭେଟିଛନ୍ତି। ବିପକ୍ଷ ସଦସ୍ୟ ମାନେ ବିଜେପିର ନାମ ଇଭିଏମ୍ରୁ ହଟାଯାଉ କିମ୍ବା ଅନ୍ୟାନ୍ୟ ରାଜନୈତିକ ଦଳ ଗୁଡିକର ନାମ ଦଳୀୟ ଚିହ୍ନ ସହିତ ଯୋଡା ଯାଉ ବୋଲି ନିର୍ବାଚନ କମିଶନରଙ୍କ ନିକଟରେ ଦାବି କରିଛନ୍ତି । ଏହାକୁ ନିର୍ବାଚନ କମିଶନଙ୍କ କାର୍ଯ୍ୟାଳୟ…
ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ଶନିବାର ଆମ୍ରପଲ୍ଲୀ ଗୃପ ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ଆମ୍ରପଲ୍ଳୀ ପ୍ରୋଜେକ୍ଟରେ ପେଣ୍ଟ ହାଉସ ନମିଳିବା ଏବଂ ସଂସ୍ଥା ଦ୍ବାରା ଠକେଇର ଶିକାର ହୋଇଥିବା ଦର୍ଶାଇ କ୍ରିକେଟର ମହେନ୍ଦ୍ର ସିଂହ ଧୋନୀ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ଧୋନୀ କୋର୍ଟକୁ ସତ୍ୟପାଠ ଜରିଆରେ କହିଛନ୍ତି, ସେ ରାଂଚିରେ ଆମ୍ରପାଲ୍ଲୀ ସଫାୟାରରେ ପେଣ୍ଟହାଉସ ବୁକ କରିଥିଲେ। ଧୋନୀ ଆମ୍ରପଲ୍ଲୀ ରିୟଲ ଇଷ୍ଟେଟ୍ କମ୍ପାନୀ ସହ ୨୦୦୯ରୁ ୨୦୧୬ ପର୍ଯ୍ୟନ୍ତ ବ୍ରାଣ୍ଡ ଆମ୍ବାସାଡର ରହିବା ପାଇଁ ଚୁକ୍ତି କରିଥିଲେ। ସଂସ୍ଥାର ପ୍ରଚାର ପ୍ରସାର ପାଇଁ ଧୋନୀ ଅନେକ ବିଜ୍ଞାପନ କରିଥିଲେ। କିନ୍ତୁ ସଂସ୍ଥା ଆର୍ଥିକ ସଙ୍କଟରେ ଗତି କରିବା ପରେ ଘର ନିର୍ମାଣ ସମ୍ପୂର୍ଣ୍ଣ ହୋଇପାରି ନ ଥିଲା। ଧୋନୀ ସଂସ୍ଥା ସହିତ ଏକାଧିକ ଚୁକ୍ତି କରିଥିଲେ। ଧୋନୀ ତାଙ୍କ ପିଟିଶନରେ ଦର୍ଶାଇଛନ୍ତି ଯେ, ରାଞ୍ଚିର ଆମ୍ରପଲ୍ଲୀ ସଫାରିରେ ଚାଲିଥିବା ହାଉସିଂ ପ୍ରୋଜେକ୍ଟରେ ଏକ…
ଟିଡିପି ସାଂସଦ ତଥା ଜନସେନା ସାଂସଦ ପ୍ରାର୍ଥୀ ଏସ୍ପିଓ୍ବାଇ ରେଡ୍ଡୀଙ୍କ ଘରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଚଢାଉ କରିଛି। ନନ୍ଦ୍ୟାଲ୍ରୁ ଚଳିତ ଲୋକସଭା ନିର୍ବାଚନରେ ଜନସେନାର ସାଂସଦ ପ୍ରାର୍ଥୀ ରହିଥିବା ଏହି ନେତା ବିଭିନ୍ନ ରାଷ୍ଟ୍ରାୟତ ବ୍ୟାଙ୍କରୁ ୫୦୦ କୋଟିର ଋଣ ନେଇଥିବା ଅଭିଯୋଗରେ ସିବିଆଇ ପକ୍ଷରୁ ଏହି ଚଢାଉ କରାଯାଇଛି। ଭାରତୀୟ ଷ୍ଟେଟ୍ ବ୍ୟାଙ୍କ ଏବଂ ସିଣ୍ଡିକେଟ୍ ବ୍ୟାଙ୍କରୁ ଏହି ଋଣ ନିଆଯାଇଥିବା ଜଣାପଡିଛି। ଏହି ଚଢାଉ ସମୟରେ ସିବିଆମଇ ରେଡ୍ଡୀଙ୍କ ବିଭିନ୍ନ ଶିଳ୍ପ ସଂସ୍ଥାନର କାଗଜପତ୍ର ଜବତ କରିଛି। ନିଜ ଜ୍ବାଇଁଙ୍କ ପାଇଁ ନନ୍ଦି ଇଣ୍ଡଷ୍ଟ୍ରିଜ୍ ନାମରେ ଏହି ଲୋନ୍ ନେଇଛନ୍ତି ରେଡ୍ଡୀ। ଏହି ଚଢାଉ ସମୟରେ ରେଡ୍ହୀ ବଞ୍ଜାରା ହିଲ୍ସର ଏକ ଘରୋଇ ହସ୍ପିଟାଲ୍ରେ ଚିକିତ୍ସିତ ହେଉଥିବା ବେଳେ ଘରେ କେବଳ ତାଙ୍କ ଜ୍ବାଇଁ ଏସ୍ ଶ୍ରୀଧର ରେଡ୍ଡୀ ଉପସ୍ଥିତ ଥିଲେ।
ଅଧିନାୟକ ଲିଓନେଲ୍ ମେସିଙ୍କ ଗୋଲ୍ ବଳରେ ବାର୍ସେଲୋନା ନିଜର ୨୬ ତମ ଲା ଲିଗା ଟାଇଟଲ ହାସଲ କରିଛି। ଶନିବାର ରାତିରେ ଖେଳା ଯାଇଥିବା ମ୍ୟାଚ୍ରେ ୧-୦ ରେ ଲେଭାଣ୍ଟେକୁ ପରାସ୍ତ କରି ୨୬ ତମ ଟାଇଟଲ ହାସଲ କରିଛି ବାର୍ସଲୋନା। ସେହିପରି ମେସି ବାର୍ସେଲୋନା ସହିତ ୧୧ ଟି ସିଜିନ୍ ଖେଳିଥିବା ବେଳେ ଅଧିନାୟକ ଭାବରେ ଏହା ତାଙ୍କର ଅଷ୍ଟମ ଟାଇଟଲ। ମ୍ୟାଚ୍ର ୬୧ ତମ ମିନିଟ୍ରେ ଅର୍ଟୁରେ ଭାଇଡାଲ୍ଙ୍କ ହେଡରକୁ ଗୋଲ୍ରେ ପରିଣତ କରିଥିଲେ ମେସି। ମେସି ବୁଧବାର ଅନୁଷ୍ଠିତ ହେବାକୁ ଥିବା ଚାମ୍ପିୟନ୍ସ ଲିଗ୍ ସେମିଫାଇନାଲ୍ ପାଇଁ ଅଧିକ ସମୟ ବେଞ୍ଚରେ ନଜର ଆସିଥିଲେ। ମେସିଙ୍କ ଅନୁପସ୍ଥିତିରେ ଫିଲିପ୍ କୁଟିନୋ ଗୋଲ୍ କରିବାର ଚେଷ୍ଟା କରିଥିଲେ ମଧ୍ୟ ଦୁଇଟି ସଟ୍ ବାର୍ରେ ବାଜିବାରୁ ଗୋଲ୍ରୁ ବଞ୍ଚିତ ହୋଇଥିଲେ କୁଟିନୋ। ସେହିପରି ବାର୍ସା ସହିତ ନିଜର ୧୧ ସିଜିନ୍ରୁ ୧୦ ଥର ଦଳକୁ ଚାମ୍ପିୟନ୍ କରାଇବାରେ ସକ୍ଷମ ରହିଛନ୍ତି…
ତେଲେଙ୍ଗାନାର ନିଜାମବାଦର ୫୦ଜଣ ହଳଦୀ ଚାଷୀ ସମୂହ ରୂପେ ଶନିବାର ଦିନ ବାରାଣାସୀଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିପକ୍ଷରେ ନିର୍ବାଚନ ମଇଦାନକୁ ଓହ୍ଲାଇଛନ୍ତି। ସମସ୍ତେ ସ୍ବାଧୀନ ପ୍ରାର୍ଥୀ ଭାବେ ଏହି ନାମାଙ୍କନ ପତ୍ର ଦାଖଲ କରିଛନ୍ତି। ସେମାନେ ପ୍ରାର୍ଥୀପତ୍ର ଦାଖଲ ସମୟରେ କହିଛନ୍ତି ଯେ, ସେମାନେ ଏପରି କରି କାହାର ବିରୋଧ କରୁନାହାନ୍ତି, ବରଂ ସେମାନେ ଏହା ଜରିଆରେ ସମସ୍ୟା ପ୍ରତି ସମସ୍ତଙ୍କର ଧ୍ୟାନ କେନ୍ଦ୍ରୀଭୂତ କରିବା ସହିତ ସମାଧାନ କରିବାକୁ ଚାହିଁଛନ୍ତି। ଏହି ଚାଷୀଗୋଷ୍ଠୀଙ୍କର ପ୍ରବକ୍ତା କହିଛନ୍ତି ଯେ, ସେମାନେ ଏକ ଅନନ୍ୟ ଉପାୟରେ ତାଙ୍କ ସମସ୍ୟାର ସମାଧାନ କରିବାକୁ ପ୍ରଚେଷ୍ଟା କରୁଛନ୍ତି। ହଳଦୀ ଚାଷ ନିମନ୍ତେ ଏକ ବୋର୍ଡ ଗଠନ କରିବାକୁ ସେମାନଙ୍କର ଦାବି ରହିଥିବାବେଳେ ହଳଦୀର ନ୍ୟୁନତମ ସହାୟକ ମୂଲ୍ୟ (ଏମ୍ଏସ୍ପି) କୁଇଣ୍ଟାଲ୍ ପ୍ରତି ୧୫୦୦୦ କରିବାକୁ ଦାବି ରଖିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ, ତାଙ୍କ ସମସ୍ୟା ବର୍ତ୍ତମାନ ସରକାରରେ ଥିବା ବିଜେପି ସମାଧାନ…
ବହୁଜନ ସମାଜ ପାର୍ଟି ମୁଖ୍ୟ ମାୟାବତୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିଛନ୍ତି। ନିଜକୁ ପଛୁଆ ବର୍ଗର ବୋଲି କହୁଥିବା ମୋଦିଙ୍କୁ ସମାଲୋଚନା କରି ମାୟାବତୀ କହିଛନ୍ତି, ମୋଦି ନିଜର ରାଜନୈତିକ ଫାଇଦା ପାଇଁ ଏପରି କହୁଛନ୍ତି। ବିପକ୍ଷ ତାଙ୍କୁ ନୀଚ୍ଚ ଜାତିର ବୋଲି କହୁଛନ୍ତି ବୋଲି ଅଭିଯୋଗ କରିବା ସହିତ ନିଜକୁ ଅନ୍ୟାନ୍ୟ ପଛୁଆ ବର୍ଗ(ଓବିସି) ଶ୍ରେଣୀର ବୋଲି ମୋଦି କହିବା ପରେ ମନ୍ତବ୍ୟ ଦେଇଛନ୍ତି ମାୟାବତୀ। ଗୁଜରାତର ମୁଖ୍ୟମନ୍ତ୍ରୀ ରହିଥିବା ସମୟରେ ମୋଦି ଉଚ୍ଚବର୍ଗର ରହିଥିବା ବେଳେ ରାଜନୈତିକ ଫାଇଦା ପାଇଁ ନିଜ ଜାତିକୁ ଅନ୍ୟାନ୍ୟ ପଛୁଆ ବର୍ଗ ତାଲିକାରେ ସାମିଲ କରିଛନ୍ତି ବୋଲି ଲକ୍ଷ୍ନୌରେ ଅଭିଯୋଗ କରିଛନ୍ତି ମାୟା। ଅଖିଳେଶ ଯାଦବ ଏବଂ ମୁଲାୟମ ସିଂ ଯାଦବଙ୍କ ପରି ମୋଦି ପଛୁଆ ବର୍ଗ ଭାବରେ ଜନ୍ମ ନେଇ ନାହାନ୍ତି ବୋଲି ମଧ୍ୟ ମାୟାବତୀ କହିଛନ୍ତି। କନୌଜରେ ମୋଦି କହିଥିଲେ, ମାୟାବତୀ ଏବଂ ଅଖିଳେଶଙ୍କ ପଛୁଆ ଜାତି କାର୍ଡ…
ଏକ ପୋଲିସ୍ ଭ୍ୟାନ୍କୁ ଜମ୍ମୁ କାଶ୍ମୀରରେ ବିଜେପି ନେତା ଦଳୀୟ କାର୍ଯ୍ୟକ୍ରମରେ ଲଗାଇଛନ୍ତି। ଏନେଇ ଏକ ଭିଡିଓ ଇଣ୍ଟରନେଟ୍ରେ ଭାଇରାଲ୍ ହେବା ପରେ ଏହାର ତଦନ୍ତ ଆଦେଶ ଦେଇଛି ଜମ୍ମୁ କଶ୍ମୀର ପୋଲିସ୍। ଅନନ୍ତନାଗରେ ବିଜେପିର ଏକ ରାଲିରେ ପୋଲିସ୍ ଗାଡିରେ ଖାଦ୍ୟ ପୁଡିଆ ଏବଂ ପାଣି ବୋତଲ ବୁହା ହେଉଥିବାର ଦେଖା ଯାଇଥିଲା। ୨୮ ସେକେଣ୍ଡର ଏହି ଭିଡିଓରେ ବିଜେପି ଜାତୀୟ ସଚିବ ରାମ ମାଧବଙ୍କ ରାଲିରେ ଏହି ପୋଲିସ୍ ଭ୍ୟାନ୍ ନଜର ଆସିଥିଲା। ପୋଲିସ୍ ମତରେ ବ୍ୟକ୍ତିଗତ ସୁରକ୍ଷା ପାଇଁ ଏହି ଭ୍ୟାନ୍ ଦିଆଯାଇଥିଲା। ଅଭିଯୋଗ ପରେ ପୋଲିସ୍ ତୁରନ୍ତ ଉକ୍ତ ଭ୍ୟାନ୍କୁ କାର୍ଯ୍ୟରୁ ହଟାଇବା ସହିତ ମାମଲାର ତଦନ୍ତ ଆଦେଶ ଦେଇଛି। ଏହି ମାମଲା ଉପରେ ପ୍ରତିକ୍ରିୟା ପ୍ରକାଶ କରି ଓମାର ଅବଦୁଲ୍ଲା କହିଛନ୍ତି, ଜମ୍ମୁ କଶ୍ମୀର ପୋଲିସ୍ ସର୍ବଦା ଦରକାର ସମୟରେ ସହାୟତା କରିଥାଏ। ମାତ୍ର ଏହା ଦ୍ବାରା ନିର୍ବାଚନ ଆଚରଣ ବିଧି ଉଲଂଘନ ହେଉଛି।…
ଏଟିଏସ୍ ମୁଖ୍ୟ ହେମନ୍ତ କାର୍କାରେଙ୍କୁ ନେଇ ସାଧ୍ବୀ ପ୍ରଜ୍ଞାଙ୍କ ବିବାଦୀୟ ବୟାନର ଏକ ସପ୍ତାହ ପରେ ପୁନର୍ବାର ତାଙ୍କୁ ଆକ୍ରମଣ କରିଛନ୍ତି କଂଗ୍ରେସ ନେତା ଦିଗ୍ବିଜୟ ସିଂ। ଯଦି ପ୍ରଜ୍ଞା ମାସୁଦ୍ ଆଝାରକୁ ଅଭିଶାପ ଦେଇଥାନ୍ତେ ତେବେ ସର୍ଜିକାଲ୍ ଷ୍ଟ୍ରାଇକ୍ର କୌଣସି ଆବଶ୍ୟକତା ପଡିନଥାନ୍ତା ବୋଲି ଦିଗ୍ବିଜୟ କହିଛନ୍ତି। ଦିଗ୍ବିଜୟ କହିଛନ୍ତି, ପ୍ରଜ୍ଞା କାର୍କାରେଙ୍କୁ ଅଭିଶାପ ଦେବା ପରି ଯଦି ମାସୁଦ୍ ଆଝାରକୁ ଅଭିଶାପ ଦେଇଥାନ୍ତେ ତେବେ ଭାରତ ଏହାର ଅନେକ ଯବାନଙ୍କୁ ହରାଇନଥାନ୍ତା ଏବଂ ସର୍ଜିକାଲ୍ ଷ୍ଟ୍ରାଇକ୍ର ମଧ୍ୟ କୌଣସି ଆବଶ୍ୟକତା ପଡିନଥାନ୍ତା। ଭୋପାଳରେ ଏକ ନିର୍ବାଚନୀ ରାଲି ଅବସରରେ ସାଧ୍ବୀଙ୍କୁ ସମାଲୋଚନା କରିଛନ୍ତି ଦିଗ୍ବିଜୟ। ସେହିପରି ଅଶୋକା ଗାର୍ଡେନ୍ରେ ଦିଗ୍ବିଜୟ କହିଛନ୍ତି, ବିଜେପି ହର ହର ମହାଦେବ ବଦଳରେ ହର ହର ମୋଦି କହି ଦେଶବାସୀଙ୍କ ଧର୍ମୀୟ ଭାବନାକୁ ଆଘାତ ପହଞ୍ଚାଉଛି। ବିଜେପି ସର୍ବଦା ସାମ୍ପ୍ରଦାୟିକତା ଭୋଟ ବ୍ୟାଙ୍କ ଉପରେ ଗୁରୁତ୍ବ ଦେଉଛି ଯାହାକି ଗଣତନ୍ତ୍ର ପାଇଁ ଅଶୁଭ…
କଂଗ୍ରେସ ସଭାପତି ନିଜର ଚୌକିଦାର ଚୋର ଅଟେ ମନ୍ତବ୍ୟ ପାଇଁ ଅଦାଲତରେ କ୍ଷମା ପ୍ରାର୍ଥନା କରିଥିବା ବେଳେ ପୁନର୍ବାର ଏକ ରାଲିରେ ସମାନ ସ୍ଲୋଗାନ ଦେଇ ଅଡୁଆରେ ପଡିଛନ୍ତି। ରାହୁଲ ଉପସ୍ଥିତ ଜନତାଙ୍କୁ ଚୌକିଦାର ଚୋର ହେ ସ୍ଲୋଗାନ୍ ଦେବାକୁ କହିଥିଲେ। ଏନେଇ ବିହାରର ଆରା କୋର୍ଟରେ ରାହୁଲଙ୍କ ବିପକ୍ଷରେ ଏକ ମାମଲା ରୁଜୁ ହୋଇଛି। ବିହାରର ସମଷ୍ଟିପୁରରେ ଏକ ରାଲିକୁ ସମ୍ବୋଧିତ କରିବା ଅବସରରେ ରାହୁଲ ଏହା କହିଥିଲେ। ଏହି ସଭାରେ ପୂର୍ବତନ ବିହାର ଉପ ମୁଖ୍ୟମନ୍ତ୍ରୀ ତେଜସ୍ବୀ ଯାଦବ ମଧ୍ୟ ଉପସ୍ଥିତ ଥିଲେ। ତେଜସ୍ବୀଙ୍କ ନାମରେ ମଧ୍ୟ ମାମଲା ଦାଏର କରାଯାଇଥିବା ଜଣା ପଡିଛି। ସତ୍ୟବ୍ରତ ନାମକ ଜନୈକ ଓକିଲ ଧାରା ୧୨୪(ଏ) ଏବଂ ୫୦୫ (୧) ଅନୁଯାୟୀ ମାମଲା ଦାଏର କରାଯାଇଛି। ଆସନ୍ତା ଏପ୍ରିଲ୍ ୨୯ ତାରିଖରେ ମାମଲାର ଶୁଣାଣି ହେବ।
କେଦାର ମିଶ୍ର ଆମ ରାଜ୍ୟରେ ନିର୍ବାଚନ ପ୍ରଚାର ସରିଛି। ନିର୍ବାଚନ ଘୋଷଣା ହେବା ପରର ଦେଢମାସ ଓ ତା ପୂର୍ବର ତିନିମାସ, ଏମିତି ସାଢେ ଚାରି ମାସ ଧରି ରାଜନୈତିକ ଦଳମାନଙ୍କର ପ୍ରଚାର ସର୍କସ ଆମେ ଦେଖି ଆସିଛୁ। ଆଜିଠୁ ଆଉ ଆମ ଦାଣ୍ଡରେ ଜୋର ଜୋର ଚିତ୍କାର କରି ପ୍ରଚାର ଗାଡି ବୁଲିବାର ନାହିଁ। ସକାଳୁଆ ଖବର କାଗଜରେ ଲୋଭନୀୟ ପ୍ରତିଶୃତିର ମାୟାଜାଲ ଆଉ ବାହାରିବାର ନାଇଁ। ଲେଜର ବସ, ରୋଡ ସୋ, ଗାଳି ଗୁଲଜ, ଭାଇରାଲ ଭିଡିଓ, ଯୋଜନା ଘୋଷଣାର ଯୁଦ୍ଧ ଓ ପରସ୍ପରକୁ ନୀଚ କରି ଦେଖେଇବାର ରାଜନୀତି ଆଜିଠୁ କମିଯିବ। ଅନ୍ତତଃ ମେ ମାସ ୨୩ ତାରିଖ ଯାଏ ଟିକେ ଶାନ୍ତି। ଅନ୍ୟ ରାଜ୍ୟମାନଙ୍କରେ ଆଉ ତିନୋଟି ଥାକରେ ନିର୍ବାଚନ ସରିବା ପର୍ୟନ୍ତ ଆମେ ଓଡିଶାରେ ଅନୁମାନ, ଆକଳନ ଓ ମିଶାଣ ଫେଡାଣ ଲାଗି ପ୍ରାୟ ୨୫ ଦିନ ସମୟ ପାଇବୁ। ଏବେ କୁହାଯାଇପାରେ, ରାଜନେତାଙ୍କ…
ଶନିବାର ଦିଲ୍ଲୀର ଏକ କୋର୍ଟ ବରିଷ୍ଠ କଂଗ୍ରେସ ନେତା ଶଶୀ ଥରୁର୍ଙ୍କୁ କୋର୍ଟରେ ହାଜର ହେବା ପାଇଁ ସମନ ଜାରି କରିଛନ୍ତି। ପ୍ରଧାନମନ୍ତ୍ରୀ ମୋଦିଙ୍କୁ ଶିବଲିଙ୍ଗ ଉପରେ ଥିବା ବିଛା ସହିତ ତୁଳନା କରିବା ମନ୍ତବ୍ୟକୁ ନେଇ ଅଭିଯୋଗ ଆସିବା ପରେ ଜୁନ୍ ୭ ତାରିଖରେ କୋର୍ଟରେ ହାଜର ହେବା ପାଇଁ ନିର୍ଦ୍ଦେଶ ଦେଇଛନ୍ତି କୋର୍ଟ। ବିଜେପି ନେତା ରାଜୀବ ବବ୍ବରଙ୍କ ଅଭିଯୋଗ ଉପରେ ବିଚାର କରି କୋର୍ଟ ଏହି ନିଷ୍ପତ୍ତି ଶୁଣାଇଛନ୍ତି। ଅକ୍ଟୋବର ୨୦୧୮ରେ ବେଙ୍ଗାଲୁରୁ ସାହିତ୍ୟ ଉତ୍ସବରେ ଥରୁର୍ ଏହି ବିବାଦୀୟ ବୟାନ ଦେବ ସହିତ ଏହା ଜଣେ ଆରଏସ୍ଏସ୍ ନେତାଙ୍କ ଉକ୍ତି ବୋଲି କହିଥିଲେ। ଏହା ତାଙ୍କର ଧାର୍ମିକ ଭାବନାକୁ ଆଘାତ ପହଞ୍ଚାଇଛି ବୋଲି ଅଭିଯୋଗ କରି ମାମଲା ଦାୟର କରିଥିଲେ ବବ୍ବର। ସହକାରୀ ମାଜିଷ୍ଟ୍ରେଟ୍ ସମର ବିଶାଲ ଏହି ମାମଲାର ବିଚାର କରିଥିଲେ।
ଇଣ୍ଟରନେଟ୍ ସେନ୍ସେସନ୍ ପ୍ରିୟା ପ୍ରକାଶ ଓ୍ବାରିୟର୍ ନିଜର ଦ୍ବିତୀୟ ବଳିଉଡ୍ ଫିଲ୍ମ ସାଇନ୍ କରିଛନ୍ତି। ମାଲାୟଲମ୍ ଫିଲ୍ମ ଓରୁ ଆଡାର ଲଭ୍ର ଏକ ଗୀତ ପାଇଁ ରାତାରାତି ଭାରତରେ ପ୍ରସିଦ୍ଧ ହୋଇଥିବା ଓ୍ବାରିୟର ନିକଟରେ ଲଭ୍ ହ୍ୟାକର୍ ନାମକ ଏକ ଫିଲ୍ମ ସାଇନ୍ କରିଛନ୍ତି। ପୂର୍ବରୁ ଶ୍ରୀଦେବୀ ବଙ୍ଗଲା ନାମକ ଏକ ବଲିଉଡ୍ ଫିଲ୍ମ ସାଇନ୍ କରିଥିଲେ ପ୍ରିୟା। ଫିଲ୍ମଟି ସାଇବର ହ୍ୟାକିଂ ଏବଂ ଏହାଦ୍ବାରା ପ୍ରେମରେ ପଡିଥିବା ଏକ ଯୁବତୀର କାହାଣୀ ବୋଲି ଜଣାପଡିଛି। ମୟଙ୍କ ପ୍ରକାଶ ଶ୍ରୀବାସ୍ତବ ଫିଲ୍ମଟିର ନିର୍ଦ୍ଦେଶନା ଦେଉଛନ୍ତି। ଶ୍ରୀଦେବୀ ବଙ୍ଗଲାର ନିର୍ଦ୍ଦେଶନା ପ୍ରଶାନ୍ତ ମାମ୍ପିଲି ଦେଉଥିବା ବେଳେ ଏହାର ରିଲିଜ୍ ତାରିଖ ସ୍ଥିର ହୋଇ ନାହିଁ। ଏହି ଦୁଇଟି ଚଳଚିତ୍ର ସହିତ ଅଲ୍ଲୁ ଅର୍ଜୁନଙ୍କ ସହିତ ଏକ ତେଲୁଗୁ ଚଳଚିତ୍ରରେ ମଧ୍ୟ ନଜର ଆସିବେ ପ୍ରିୟା ପ୍ରକାଶ ଓ୍ବାରିୟର।
ବଲିଉଡ୍ ସୁଲତାନ୍ ସବୁବେଳେ ଫିଲ୍ମକୁ ନେଇ ଚର୍ଚ୍ଚାରେ ଥା’ନ୍ତି। ନିକଟରେ ତାଙ୍କର ବହୁ ପ୍ରତିକ୍ଷୀତ ଫିଲ୍ମ ’ଭାରତ’ର ଟ୍ରେଲର୍ ରିଲିଜ୍ ହୋଇଛି। ଫିଲ୍ମଟି ଇଦ୍ ଅବସରରେ ରିଲିଜ୍ ହେବ। ତେବେ ଭାଇଜାନ୍ ତାଙ୍କର ଆଉ ଏକ ଫିଲ୍ମର ଶୁଟିଂର ବ୍ୟସ୍ତ ରହିଛନ୍ତି। ସଲମନ୍ ଖାନ୍ ତାଙ୍କର ଆଗାମୀ ଫିଲ୍ମ ’ଦବଙ୍ଗ -୩’ ପାଇଁ ଶୁଟିଂ ଆରମ୍ଭ କରିସାରିଲେଣି। ଏହି ଫିଲ୍ମରେ ସୋନାକ୍ଷୀ ସିହ୍ନା ଅଭିନୟ କରୁଥିବାବେଳେ ଏଥିରେ ଦୁଇ ନୂଆ ଷ୍ଟାର୍ କିଡ୍ଙ୍କ ଦେଖିବାକୁ ମିଳିବ। ମହେଶ ମଞ୍ଜେରକର୍ଙ୍କ ଝିଅ ଅଶ୍ବାମୀ ଏଥିରେ ଅଭିନୟ କରିବ ବୋଲି ଆଗରୁ ସୂଚନା ମିଳିଥିବାବେଳେ ଏହି ଲିଷ୍ଟ୍ରେ ଏବେ ଆଉଜଣେ ନବାଗତାଙ୍କ ନାମ ସାମିଲ୍ ହୋଇଛନ୍ତି। ସେ ହେଉଛନ୍ତି ସଲମାନ୍ଙ୍କ ଭାଣିଜୀ ତଥା ଅଲବରା ଓ ଅତୁଲ୍ ଅଗ୍ନିହୋତ୍ରୀଙ୍କ କନ୍ୟା ଏଲିଜା। ତେବେ ଏହି ଫିଲ୍ମରେ ଚୁଲ୍ବୁଲ୍ ପାଣ୍ଡେଙ୍କ ଛୋଟବେଳର କାହାଣୀ ଦେଖିବାକୁ ମିଳିବ ବୋଲି ଶୁଣିବାକୁ ମିଳୁଛି। ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ…
