ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂ ବିଜେପିକୁ ଆକ୍ରମଣ କରିଛନ୍ତି। ଯଦି ବିଜେପି କ୍ଷମତାକୁ ଆସିବ ତେବେ ଭାରତ ବିଭାଜିତ ହୋଇଯିବ ବୋଲି ଅମରିନ୍ଦର ସିଂ କହିଛନ୍ତି। ଅମରିନ୍ଦର କହିଛନ୍ତି ବିଜେପି ସର୍ବଦା ଜଣେ ବ୍ୟକ୍ତିଙ୍କ ପଛରେ ରହି ନିର୍ବାଚନ ଜିତିବା ପାଇଁ ଚେଷ୍ଟା କରୁଛି। ସେହିପରି ବିଜେପି ଯେଉଁପରି ଭାବରେ ମିଥ୍ୟା ଜାତୀୟତାର ଡିଣ୍ଡିମ ପିଟୁଛି ଏହା ଦେଶ ପାଇଁ କ୍ଷତିକାରକ ତେଣୁ ଏହି ଦଳକୁ କ୍ଷମତାରୁ ଦୂରେଇ ରଖିବା ପାଇଁ ସମସ୍ତ ରାଜନୈତିକ ଦଳ ଏକ ହେବା ଉଚିତ୍। ସିଂ କହିଛନ୍ତି ପଞ୍ଜାବରେ ସମସ୍ତ ୧୩ ଆସନ କଂଗ୍ରେସ ହାସଲ କରିବାକୁ ଯାଉଛି। ଜନତା ବର୍ତ୍ତମାନ ମୋଦି ସରକୋରକୁ ପ୍ରତ୍ୟାଖ୍ୟାନ କରିଛନ୍ତି। ସେହିପରି ବିଜେପି ଆତଙ୍କବାଦ ବିରୋଧରେ ବିମାନ ବାହିନୀର ଆକ୍ରମଣ ବା ଏୟାର ଷ୍ଟ୍ରାଇକ୍କୁ ନିଜ ସଫଳତା ବୋଲି ବଖାଣିବା ଆଦୌ ଗ୍ରହଣୀୟ ନୁହେଁ। ଏହି ଆକ୍ରମଣକୁ ବିଜେପି ନିଜର ନିର୍ବାଚନୀ ପ୍ରଚାରରେ ବ୍ୟବହାର କରିବା ବିଗତ ୫…
Author: Samikhsya Bureau
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ବିମାନରେ ଯାନ୍ତ୍ରିକ ତ୍ରୁଟି ଥିବା ଯୋଗୁ ତାଙ୍କର ଓଡ଼ିଶା ଗସ୍ତ ବିଳମ୍ବିତ ହେବ ବୋଲି ଟ୍ବିଟ୍ଟର ଜରିଆରେ ସୂଚନା ଦେଇଛନ୍ତି। ମିଳିଥିବା ସୂଚନା ଅନୁଯାୟୀ, ଆଜି ବାଲେଶ୍ୱର ଜିଲ୍ଲାର ରେମୁଣାଠାରେ ନିର୍ବାଚନୀ ସଭାରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି। ଅପରାହ୍ନ ୨ଟାରେ ରାହୁଲ ବାଲେଶ୍ୱର ଯିବାର କାର୍ଯ୍ୟକ୍ରମ ରହିଥିଲା। ରେମୁଣାରେ କଂଗ୍ରେସ ପକ୍ଷରୁ ପରିବର୍ତନ ସଙ୍କଳ୍ପ ସମାବେଶରେ ଉଦବୋଧନ ଦେବାର କାର୍ଯ୍ୟକ୍ରମ ରହିଥିଲା। ଏହି ସଭାରେ ରାହୁଲଙ୍କ ସମେତ ଓଡ଼ିଶା କଂଗ୍ରେସ ପ୍ରଭାରୀ ଟି.ଏସ୍.ସିଂହଦେଓ ଓ ଜାତୀୟ ମହିଳା କଂଗ୍ରେସ ସଭାନେତ୍ରୀ ସୁସ୍ମିତା ଦେବଙ୍କ ସହିତ ପିସିସି ସଭାପତି ନିରଞ୍ଜନ ପଟ୍ଟନାୟକ, ବାଲେଶ୍ବର ଲୋକସଭା ଆସନ ପାଇଁ ଦଳୀୟ ପ୍ରାର୍ଥୀ ନବଜ୍ୟୋତି ପଟ୍ଟନାୟକ, ବରିଷ୍ଠ ପିସିସି କର୍ମକର୍ତା ଓ ଅନ୍ୟ ଆସନମାନଙ୍କରୁ ପ୍ରତିଦ୍ବନ୍ଦ୍ବିତା କରୁଥିବା କଂଗ୍ରେସ ଦଳର ପ୍ରାର୍ଥୀମାନେ ଯୋଗଦେବେ ବୋଲି ସୂଚନା ରହିଛି।
ସୁପ୍ରିମକୋର୍ଟର ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କ ବିରୋଧରେ ଥିବା ଯୌନ ନିର୍ଯାତନା ମାମଲାର ବିଚାର କରିବା ପାଇଁ ଗଠନ ହୋଇଥିବା କମିଟିରେ ଏକ ପରିବର୍ତ୍ତନ କରାଯାଇଛି। ଏହି ତିନି ଜଣିଆ କମିଟିରୁ ଜଷ୍ଟିସ୍ ଏନ୍ ଭି ରମଣାଙ୍କ ସ୍ଥାନରେ ଜଷ୍ଟିସ୍ ଇନ୍ଦୁ ମଲହୋତ୍ରା ଏହି କମିଟିରେ ସ୍ଥାନ ପାଇଛନ୍ତି। ସୁପ୍ରିମ୍କୋର୍ଟ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଜଷ୍ଟିସ୍ ରମଣା ଏହି ମାମଲାରୁ ଓହରି ଯାଇଥିବା ବେଳେ ଶୁକ୍ରବାର ଏହି କମିଟିର ମୁଖ୍ୟ ଏସ୍ ଏ ବୋବଡେ ନୂତନ ସଦସ୍ୟ ନିଯୁକ୍ତ କରିବେ। ଉଲ୍ଲେଖଯୋଗ୍ୟ ଯ, ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କ ବିରୋଧରେ ଜନୈକା କର୍ମୀ ଯୌନ ନିର୍ଯାତନା ଅଭିଯୋଗ ଆଣିଥିଲେ। ଏହାପରେ ଉତ୍ସବ ବେଂଶ ନାମକ ଜଣେ ଓକିଲ ଗୋଗୋଇଙ୍କୁ ମିଥ୍ୟା ମାମଲାରେ ଫସାଇବାକୁ ଚେଷ୍ଟା କରାଯାଉଥିବା ଅଭିଯୋଗ କରିଥିଲେ।
କେଦାର ମିଶ୍ର ତୃତୀୟ ପର୍ୟାୟ ନିର୍ବାଚନ ସରିଗଲା ପରେ ଏବେ ସାରା ରାଜ୍ୟର ଓ କିଛିକାଂଶରେ ପୂରା ଦେଶର ନଜର କେନ୍ଦ୍ରାପଡା ଲୋକସଭା ନିର୍ବାଚନ ଉପରେ ରହିଛି। ଏକଦା ଘନିଷ୍ଠ ବନ୍ଧୁ ଓ ଏବେ ପରଷ୍ପରର ପ୍ରବଳ ଶତ୍ରୁ ପାଲଟିଥିବା ବୈଜୟନ୍ତ ପଣ୍ଡା ଓ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପତିଆରାର ସଂଘର୍ଷ ଏଠାରେ ଦେଖିବାକୁ ମିଳୁଛି। ଅନେକ ସମୟରେ ଆମକୁ ଏ ପ୍ରଶ୍ନର ସାମ୍ନା କରିବାକୁ ପଡୁଛି- କେନ୍ଦ୍ରାପଡାରେ କିଏ ଜିତିବ? ସତେକି କେନ୍ଦ୍ରାପଡା ଏବେ ପୂରା ଓଡିଶାର ପ୍ରତୀକ ପାଲଟି ଯାଇଛି। ସାରା ରାଜ୍ୟ କେନ୍ଦ୍ରାପଡା ବିଷୟରେ ଯାହା ଭାବୁଛି, କେନ୍ଦ୍ରାପଡା ନିଜ ବିଷୟରେ ସେୟା ଭାବୁଛି କି? ଆମେ ସାଲେପୁରରେ ପହଞ୍ଚିବା ଆଗରୁ ଜଣେ ବାଟୋଇଙ୍କୁ ଏକଥା ପଚାରିଥିଲୁ। ତାଙ୍କର ଉତ୍ତର ଥିଲା- ମୁହଁ ବଦଳିଛି, ହେଲେ ଚିହ୍ନ ବଦଳିନାହିଁ, ତେଣୁ ଇଏ ଆଉ ଅନେକ ନିର୍ବାଚନ ପରି ନୂଆ ଏକ ନିର୍ବାଚନ। ଏକଥାର ଯାହା ଅର୍ଥ…
ବାରଣାସୀରେ ଆସନ୍ତା କାଲି ନାମାଙ୍କନ ଦାଖଲ ପୂର୍ବରୁ ଶକ୍ତି ପ୍ରଦର୍ଶନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଗୁରୁବାର ପ୍ରଧାନମନ୍ତ୍ରୀଙ୍କ ଏହି ରାଲିରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏବଂ ଶିବସେନା ମୁଖ୍ୟ ଉଦ୍ଧବ ଠାକ୍ରେ ମଧ୍ୟ ଯୋଗ ଦେଇଛନ୍ତି। ମୋଦିଙ୍କ ଏହି ରୋଡ୍ ଶୋରେ ଲକ୍ଷ ଲକ୍ଷ ଲୋକଙ୍କ ସମାଗମ ଦେଖିବାକୁ ମିଳିଥିଲା। ପଣ୍ଡିତ ମଦନ ମୋହନ ମାଲବ୍ୟ ପ୍ରତିମୂର୍ତ୍ତି ନିକଟରୁ ଆରମ୍ଭ ହୋଇଥିବା ଏହି ରୋଡ ଶୋ ପ୍ରାୟ ୮ଟାରେ ଦଶାଶ୍ବମେଧ ଘାଟରେ ସମାପ୍ତ ହେବ। ଏହାପରେ ମୋଦି ଗଙ୍ଗା ଆରତୀ କରିବେ ଏବଂ ଆସନ୍ତା କାଲି ପ୍ରଧାନମନ୍ତ୍ରୀ ମୋଦି ବାବା କାଳ ଭୈରବଙ୍କ ଦର୍ଶନ କରିବା ପରେ ବାରଣାସୀ ଲୋକସଭା ଆସନ ପାଇଁ ନାମାଙ୍କନ ପତ୍ର ଦାଖଲ କରିବେ।
ରାଷ୍ଟ୍ରୀୟ ଲୋକ ସମତା ପାର୍ଟୀ(ଆରଏଲଏସପି)ର ଅଧ୍ୟକ୍ଷ ଉପେନ୍ଦ୍ର କୁଶୱାହା ବିଜେପିକୁ ଟାର୍ଗେଟ କରି ବିବାଦୀୟ ବୟାନ ଦେଇଛନ୍ତି। ବିହାରର ଦରଭଙ୍ଗା ଏକ ଜନସଭାକୁ ସମ୍ବୋଧିତ କରି ସେ ବିଜେପିକୁ ଆକ୍ରମଣ କରିଛନ୍ତି ଯାହା ପରେ ବିବାଦ ସୃଷ୍ଟି ହୋଇଛି। ବିଜେପିକୁ ଛଳନାକାରୀ ବୋଲି ଅଭିହିତ କରିବା ସହିତ ରାମଲୀଳାର ନକଲି ସୀତା ବୋଲି ସମ୍ବୋଧନ କରିଥିଲେ। କୁଶୱାହା କହିଛନ୍ତି ଯେ ବିଜେପି ରାମଲୀଲାର ସେହି ନକଲି ସୀତା ପରି, ଯିଏ ପରଦା ସମ୍ନାରେ ରହିଲେ ସମସ୍ତେ ନତ ମସ୍ତକ ହୁଅନ୍ତି ଏବଂ ପରଦା ପଛରେ ସିଗାରେଟ ପିଅନ୍ତି। କୁଶୱାହଙ୍କ ଏହି ବୟାନ ପରେ ବିବାଦ ସୃଷ୍ଟି ହୋଇଛି। ଧାର୍ମିକ ଭାବନାକୁ ଆଘାତ କରାଯାଇଥିବା ଅଭିଯୋଗ ଆଣିଛନ୍ତି ବିଭିନ୍ନ ଧାର୍ମିକ ସଙ୍ଗଠନ। ମାଆ ସୀତାଙ୍କ ଏହା ଅପମାନ ବୋଲି ବିରୋଧୀ ଅଭିଯୋଗ କରିଛନ୍ତି।
ଭାରତୀୟ ବ୍ୟାଡମିଣ୍ଟନ ଷ୍ଟାର ପିଭି ସିନ୍ଧୁ ଏବଂ ସାଇନା ନେହ୍ବାଲ ଏସିଆନ୍ ବ୍ୟାଡମିଣ୍ଟନ୍ ଚାମ୍ପିୟନ୍ସିପ୍ର କ୍ବାର୍ଟର ଫାଇନାଲ୍ରେ ପ୍ରବେଶ କରିଛନ୍ତି। ଗୁରୁବାର ଉଭୟ ମହିଳା ଖେଳାଳି କ୍ବାର୍ଟରରେ ପ୍ରବେଶ କରିଥିବା ବେଳେ ମିକ୍ସଡ ଡବଲ୍ସ ଯୋଡି ଉତ୍କର୍ଷ ଅରୋରା ଏବଂ କରିସ୍ମା ଓ୍ବାଡେକର ଦ୍ବିତୀୟ ରାଉଣ୍ଡରୁ ବିଦାୟ ନେଇଛନ୍ତି। ସାଇନା ମାତ୍ର ୩୮ ମିନିଟ୍ ସମୟରେ କୋରିଆର କିମ୍ ଗା ଇଉନ୍ଙ୍କୁ ପରାସ୍ତ କରିଥିଲେ। ଟୁର୍ଣ୍ଣାମେଣ୍ଟରେ ସପ୍ତମ ସିଡ୍ର ମାନ୍ୟତା ପାଇଥିବା ସାଇନାଙ୍କ ପରବର୍ତ୍ତୀ ମୁକାବିଲା ତୃତୀୟ ସିଡ୍ ଆକାନେ ୟାମାଗୁଚିଙ୍କ ସହିତ ହେବ। ଅନ୍ୟ ପକ୍ଷରେ ସିନ୍ଧୁ ମାତ୍ର ୩୩ ମିନିଟ୍ ସମୟ ନେଇ ଇଣ୍ଡୋନେସିଆର ଚୋଇ ରିନ୍ନୁସାଙ୍କୁ ୨୧-୧୫ ଏବଂ ୨୧-୧୯ ସେଟ୍ରେ ପରାସ୍ତ କରିଥିଲେ। ଟୁର୍ଣ୍ଣାମେଣ୍ଟର ଷଷ୍ଠ ସିଡ୍ର ମାନ୍ୟତା ପାଇଥିବା ସିନ୍ଧୁ ନିଜର ପରବର୍ତ୍ତୀ ମୁକାବିଲାରେ ଅଣ ସିଡେଡ୍ ଚୀନ୍ର କାଇ ୟାନ୍ଗାନ୍ଙ୍କୁ ଭେଟିବେ। ଭାରତୀୟ ପୁରୁଷ ଏକକ ବର୍ଗ ଖେଳାଳି ସମୀର ବର୍ମା ମଧ୍ୟ…
ଆଫଗାନିସ୍ତାନରେ ଏକ ଆତଙ୍କବାଦୀ ଆକ୍ରମଣରେ ୯ ଜଣ ପୋଲିସ୍ ଅଧିକାରୀ ପ୍ରାଣ ହରାଇଛନ୍ତି। ଏକ ଜୀବନ୍ତ ବୋମାକୁ ନିଷ୍କ୍ରିୟ କରିବାକୁ ଯାଉଥିବା ପୋଲିସ୍ ଟିମ୍ ଉପରେ ଆକ୍ରମଣ ହେବାରୁ ୯ ଜଣ ପୋଲିସ କର୍ମୀଙ୍କ ପ୍ରାଣହାନି ଘଟିଛି। ଅନର୍ଦରା ଜିଲ୍ଲାରେ ଏହି ଘଟଣା ଘଟିଛି। ପୋଲିସ୍ ଅଧିକାରୀ ଅବ୍ଦୁଲ୍ ସମାଦ ସଲେହୀ ଏହି ଘଟଣା ସମ୍ପର୍କରେ ସୂଚନା ଦେଇଛନ୍ତ। ଫରାହରେ ଏକ ବୋମା ରହିଥିବାର ଖବର ପାଇ ଏହି ଅଧିକାରୀ ମାନେ ଯାଉଥିବା ବେଳେ ଏହି ଆକ୍ରମଣ ଘଟିଥିଲା। ଏହି ଆକ୍ରମଣ ପରେ ତାଲିବାନ ସହିତ ହେବାକୁ ଥିବା ଶାନ୍ତି ରାଜିନାମା ବାଧାପ୍ରାପ୍ତ ହୋଇଛି।
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଶୁକ୍ରବାର ପୁନର୍ବାର ଓଡ଼ିଶା ଗସ୍ତରେ ଆସୁଛନ୍ତି। ଓଡିଶାରେ ଆଉ ଗୋଟିଏ ପର୍ଯ୍ୟାୟ ନିର୍ବାଚନ ବାକିଥିବାରୁ ଓଡିଶାରେ ପ୍ରଚାର କରି ଦଳୀୟ କର୍ମୀଙ୍କୁ ଉତ୍ସାହିତ କରିବା ପାଇଁ ରାହୁଲ ଓଡିଶା ଆସୁଛନ୍ତି। ଚତୁର୍ଥ ପର୍ଯ୍ୟାୟ ମତଦାନକୁ ଦୃଷ୍ଟିରେ ରଖି ନିର୍ବାଚନୀ ପ୍ରଚାର ପାଇଁ ରାହୁଲ ଓଡ଼ିଶା ଆସି ବାଲେଶ୍ୱର ନିର୍ବାଚନୀ ସଭାରେ ଯୋଗ ଦେବାର କର୍ଯ୍ୟକ୍ରମ ରହିଛି। ଏହାପରେ ସେ ଜଗତସିଂହପୁରରେ ଆୟୋଜିତ ସଭାରେ ମଧ୍ୟ ଯୋଗ ଦେବେ ବୋଲି ଜଣାପଡ଼ିଛି। ଆସନ୍ତା ଏପ୍ରିଲ୍ ୨୯ ତାରିଖରେ ଓଡିଶାରେ ଚତୁର୍ଥ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବ।
ଯାଜପୁରର ବରୀରେ ବିଜେପିର ବିଜୟ ସଂକଳ୍ପ ସମାବେଶରେ ଯୋଗ ଦେଇଛନ୍ତି ଗୃହ ମନ୍ତ୍ରୀ ରାଜନାଥ ସିଂ। ସେ ଚତୁର୍ଥ ପର୍ଯ୍ୟାୟ ନିର୍ବାଚନୀ ପ୍ରଚାର ଅବସରରେ ବିଜେପି ନେତାଙ୍କ ପାଇଁ ପ୍ରଚାର କରିବାକୁ ଓଡିଶା ଆସିଥିଲେ। ନିଜ ଭାଷଣରେ ଉଭୟ ବିଜେଡି ଏବଂ କଂଗ୍ରେସକୁ ସମାଲୋଚନା କରିଥିଲେ ରାଜନାଥ। ଭାଷଣ ଆରମ୍ଭରୁ ବିଜେଡି ସରକାରକୁ ସମାଲୋଚନା କରିବା ସହିତ ୨୦ ବର୍ଷରେ ରାଜ୍ୟର କଣ ବିକାଶ ହୋଇଛି ବୋଲି ପ୍ରଶ୍ନ କରିଥିଲେ ରାଜନାଥ। ସେହିପରି ବିଜେଡି ସରକାର ଆୟୁଷ୍ମାନ ଭାରତ ଯୋଜନା ଲାଗୁ ନକରିବାକୁ ମଧ୍ୟ ସମାଲୋଚନା କରିଥିଲେ ରାଜନାଥ। ଏହା ସହିତ ୨୦ ବର୍ଷ ବିଜେଡିକୁ ସୁଯୋଗ ଦେଇଥିବା ଜନସାଧାରଣ ୫ ବର୍ଷ ବିଜେପିକୁ ସୁଯୋଗ ଦେବା ଉଚିତ୍ ବୋଲି ରାଜନାଥ କହିଥିଲେ। କେନ୍ଦ୍ର ସରକାରଙ୍କ ଉଜ୍ଜଳା ଯୋଜନାକୁ ପ୍ରଶଂସା କରି କଂଗ୍ରେସକୁ ସମାଲୋଚନା ମଧ୍ୟ କରିଥିଲେ ରାଜନାଥ। ସେ କହିଥିଲେ, ୧୯୯୭ରୁ ୨୦୧୪ ମଧ୍ୟରେ ୟୁପିଏ ସରକାର ଅମଳରେ ମାତ୍ର…
ଆମ୍ ଆଦ୍ମୀ ପାର୍ଟି (ଆପ୍) ର ଜାତୀୟ ପ୍ରବକ୍ତା ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ୨୦୧୯ ଲୋକସଭା ନିର୍ବାଚନ ପରବର୍ତ୍ତୀ ସମୀକରଣ ଉପରେ ମତ ରଖିଛନ୍ତି। ବିଜେପି ବ୍ୟତିତ ଅନ୍ୟ ଯେ କୌଣସି ଦଳକୁ ସରକାର ଗଠନରେ ସମର୍ଥନ ଦିଆଯିବ ବୋଲି ଘୋଷଣା କରିଛନ୍ତି କେଜ୍ରିଓ୍ବାଲ୍। ଦଳର ଇସ୍ତାହାର ଘୋଷଣା ସମୟରେ ଏହି ମତ ଦେଇଛନ୍ତି କେଜ୍ରିଓ୍ବାଲ। ବିଜେପି ବ୍ୟତିତ ଅନ୍ୟ ଯେ କୌଣସି ସରକାର ଦିଲ୍ଲୀକୁ ପୂର୍ଣ୍ଣ ରାଜ୍ୟର ମାନ୍ୟତା ପ୍ରଦାନ ପାଇଁ ରାଜି ହେବେ ଉକ୍ତ ସରକାରକୁ ଆପ୍ ସମର୍ଥନ କରିବ ବୋଲି କେଜ୍ରିଓ୍ବାଲ କହିଛନ୍ତି। ଏହା ସହିତ କେଜ୍ରିଓ୍ବାଲ କହିଥିଲେ ଦିଲ୍ଲୀ ଦରବାରରୁ ମୋଦି-ଶାହ ଯୋଡିଙ୍କୁ ହଟାଇବା ପାଇଁ ଆପ୍ ଚେଷ୍ଟା କରିବ। ମାତ୍ର ଯଦି ବିଜେପି ସରକାର ଗଠନ କରେ ତେବେ ଏଥିପାଇଁ କେବଳ ରାହୁଲ ଗାନ୍ଧୀ ଦାୟୀ ରହିବେ। ପାକିସ୍ତାନ ସର୍ବଦା ସାମ୍ପ୍ରଦାୟିକ ଲଢେଇ ଚାହିଁଥାଏ ଏବଂ ବିଜେପି ବର୍ତ୍ତମାନ ପାକିସ୍ତାନ ରାସ୍ତାରେ…
ଜିଏସ୍ କାଲ୍ଟେକ୍ସ ଭାରତୀୟ କ୍ରିକେଟର ଶିଖର ଧଓ୍ବନ୍ଙ୍କୁ ନିଜର ବ୍ରାଣ୍ଡ ଆମ୍ବାସାଡର ଭାବରେ ନିଯୁକ୍ତ କରିଛି। ଦକ୍ଷିଣ କୋରିଆର ଏହି ଲୁବ୍ରିକାଣ୍ଟ କମ୍ପାନୀ ଭାରତୀୟ ବଜାରରେ ନିଜର ପ୍ରଚାର ପ୍ରସାର କରିବା ପାଇଁ ଧଓ୍ବନ୍ଙ୍କୁ ନିଯୁକ୍ତ କରିଛି। ଭାରତରେ ନିକଟରେ ପ୍ରବେଶ କରିଥିବା ଏହି କମ୍ପାନୀ ନିଜର ନୂତନ ଉତ୍ପାଦ ଗୁଡିକର ବିଜ୍ଞାପନ ପାଇଁ ଧଓ୍ବନ୍ଙ୍କ ଚେହେରା ବ୍ୟବହାର କରିବ। କମ୍ପାନୀ ସହିତ ନିଜର ଚୁକ୍ତି ବିଷୟରେ ଧଓ୍ବନ୍ କହିଛନ୍ତି, ଏହି କମ୍ପାନୀ ବିଶ୍ବରେ ନିଜକୁ ପ୍ରତିଷ୍ଠିତ କରି ପାରିଛି। ଭାରତୀୟ ବଜାର ପାଇଁ କମ୍ପାନୀ ସହିତ ଜୋଡି ହୋଇଥିବାରୁ ଖୁସି ଜାହିର କରିଛନ୍ତି ଧଓ୍ବନ୍।
କ୍ରମାଗତ ଚାରି ଦିନ ଧରି ପେଟ୍ରୋଲ ଏବଂ ଡିଜେଲ ମୂଲ୍ୟ ଅପରିବର୍ତ୍ତିତ ରହିବା ପରେ ଗୁରୁବାର ମୂଲ୍ୟ ବୃଦ୍ଧି ଘଟିଛି। ପେଟ୍ରୋଲ ମୂଲ୍ୟରେ ୭ ରୁ ୯ ପଇସାର ବୃଦ୍ଧି ଘଟିଥିବା ବେଳେ ଡିଜେଲ ମୂଲ୍ୟରେ ୮ ରୁ ୧୦ ପଇସାର ବୃଦ୍ଧି ଘଟିଛି। ବୁଧବାର ପେଟ୍ରୋଲ ମୂଲ୍ୟ ଦିଲ୍ଲୀରେ ୭୨.୯୫ ପଇସା ରହିଥିବା ବେଳେ ଆଜି ଏହା ୭୩.୦୨ ପଇସା ରହିଛି ସେହିପରି ଡିଜେଲ ମୂଲ୍ୟ ୬୬.୪୬ ପଇସାରୁ ୬୬.୫୪ ପଇସାକୁ ବୃଦ୍ଧି ପାଇଛି। ମୁମ୍ବାଇରେ ପେଟ୍ରୋଲ ମୂଲ୍ୟ ୭୮.୫୨ରୁ ୭୮.୫୯କୁ ବୃଦ୍ଧି ପାଇଥିବା ବେଳେ ଡିଜେଲ ମୂଲ୍ୟରେ ୨ ପଇସାର ବୃଦ୍ଧି ଘଟିଛି। କୋଲକାତାରେ ଆଜି ପେଟ୍ରୋଲ ଦର ୭୫.୦୪ ରହିଥିବା ବେଳେ ଡିଜେଲ ଦର ୬୮.୨୮ ପଇସା ରହିଛି। ଆନ୍ତର୍ଜାତୀୟ ବଜାରରେ ଅଶୋଧିତ ତୈଳର ମୂଲ୍ୟ ଏବଂ ଭାରତୀୟ ଟଙ୍କାର ପରିବର୍ତ୍ତିତ ମୂଲ୍ୟ ଉପରେ ପେଟ୍ରୋଲ ଦର ନିର୍ଭରଶୀଳ ରହିଥାଏ। ମୂଳ ଦରରେ ବର୍ହି ଶୁଳ୍କ ଏବଂ…
ବଲିଉଡ୍ ସୁପରଷ୍ଟାର ସଲ୍ମାନ ଖାନ୍ ଅଭିନୀତ ଭାରତର ଟ୍ରେଲର ରିଲିଜ୍ ପରଠାରୁ ଏହି ଫିଲ୍ମଟି ଚର୍ଚ୍ଚାରେ ରହିଛି। ଆଜି ଏହି ଚଳଚିତ୍ରର ପ୍ରଥମ ଗୀତ ‘ସ୍ଲୋ ମୋଶନ୍’ ରିଲିଜ୍ ହୋଇଛି। ଗତକାଲି ରିଲିଜ୍ ହୋଇଥିବା ଏହି ଗୀତର ଟିଜରକୁ ଦର୍ଶକ ବେଶ ପସନ୍ଦ କରିଥିବା ବେଳେ ସମ୍ପୂର୍ଣ୍ଣ ଭିଡିଓକୁ ଅପେକ୍ଷା କରିଥିଲେ। ଆଜି ସମ୍ପୂର୍ଣ୍ଣ ଭିଡିଓ ରିଲିଜ୍ ହେବା ପରେ ଦର୍ଶକ ସଲ୍ମାନ୍ ଏବଂ ଦିଶାଙ୍କ କେମେଷ୍ଟ୍ରିକୁ ପସନ୍ଦ କରିବା ସହିତ ରିଲିଜ୍ର ତିନି ଘଣ୍ଟା ମଧ୍ୟରେ ୫ ଲକ୍ଷ ଥର ଦେଖି ସାରିଲେଣି। ଗୀତଟି ୧୯୬୪ ମସିହାର ପୃଷ୍ଠଭୂମିରେ ରହିଛି। ଦିଶା ଗ୍ଲାମରସ୍ ଲୁକ୍ରେ ଦେଖା ଦେଇଥିବା ବେଳେ ସଲ୍ମାନ ନିଜର ଯୁବାବସ୍ଥାର ଚରିତ୍ରରେ ନଜର ଆସିଛନ୍ତି। ଏହି ଗିତଟିକୁ ଗାଇଛନ୍ତି ବିଶାଲ-ଶେଖର, ନକାଶ ଅଜିଜ୍ ଏବଂ ଶ୍ରେୟା ଘୋଷାଲ। ଫିଲ୍ମରେ କାଟ୍ରିନା ମୁଖ୍ୟ ନାୟିକା ଭୂମିକାରେ ରହିଥିବା ବେଳେ , ସୁନୀଲ ଗ୍ରୋଭର, ତବୁ, ବରୁଣ ଧଓ୍ବନ୍, ନୋରା…
ଚୀନ୍ରେ ଏକ ନିର୍ମାଣଧୀନ କୋଠାର ଏଲିଭେଟର ତାର ଛିଡି ୧୧ ଜଣଙ୍କମର ମୃତ୍ୟୁ ଘଟିଛି। ଏହି ଘଟଣାରେ ଅନ୍ୟ ଚାରି ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ଦୁଇ ଜଣଙ୍କ ସ୍ଥିତି ଗୁରୁତର ରହିଛି। ଚୀନ୍ର ହେବେଇ ପ୍ରଦେଶରେ ଗୁରୁବାର ସକାଳ ୮ଟା(ସ୍ଥାନୀୟ ସମୟ)ରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣାଟି ଟାଓଚେଙ୍ଗମର ହେଙ୍ଗସୁଇ ସହରରେ ଘଟିଥିଲା। ଆହତ ମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଜିନ୍ ହୁଆରେ ପ୍ରକାଶିତ ରିପୋର୍ଟ ଅନୁଯାୟୀ ଘଟଣାର ତଦନ୍ତ ଜାରି ରହିଛି। ନିକଟରେ ଘଟିଥିବା ଦୁର୍ଘଟଣା ମଧ୍ୟରେ ଏହ ଅନ୍ୟତମ ବଡ ଦୁର୍ଘଟଣା। ନିକଟରେ ଏକ ରାସାୟନିକ କାରଖାନାରେ ନିଆଁଲାଗି ୧୬୦ ଲୋକଙ୍କ ପ୍ରାଣହାନି ଘଟିଥିଲା।
ପାକିସ୍ତାନ ରାଷ୍ଟ୍ରପତି ଡ. ଆରିଫ୍ ଆଲ୍ଭି ପାକିସ୍ତାନକୁ ଶାନ୍ତିପ୍ରିୟ ରାଷ୍ଟ୍ର ବୋଲି ଅଭିହିତ କରିବା ସହିତ ଭାରତ ଆତଙ୍କବାଦର ପ୍ରଚାର କରୁଛି ବୋଲି ଅଭିଯୋଗ ଆଣିଛନ୍ତି। ବୁଧବାର ଇସଲାମାବାଦ ବିଶ୍ବବିଦ୍ୟାଳୟରେ ଏକ ସମାବର୍ତ୍ତନ ଉତ୍ସବରେ ଏହି ମନ୍ତବ୍ୟ ଦେଇଛନ୍ତି ଡ. ଅଲୀ। ସେ କହିଥିଲେ, ଧର୍ମାନ୍ଧତାକୁ ଦୂର କରିବା ପାଇଁ ପାକିସ୍ତାନର ଶତ ଚେଷ୍ଟା ସତ୍ତ୍ବେ ଭାରତ ଆତଙ୍କବାଦର ପ୍ରଚାର କରୁଛି। ସୀମାରେ ଭାରତର ଏପରି ବ୍ୟବହାରକୁ ନାପସନ୍ଦ କରିଛନ୍ତି ଆଲ୍ଭି। ଭାରତ ପାକିସ୍ତାନ ମଧ୍ୟରେ ନିକଟରେ ସୃଷ୍ଟି ହୋଇଥିବା ବିବାଦକୁ ନେଇ ଆଲ୍ଭି ଏହି ମତ ରଖିଛନ୍ତି। ଉଲ୍ଲେଖଯୋଗ୍ୟ ଯେ, ଗତ ଫେବୃୟାରୀରେ ପୁଲଓ୍ବାମାରେ ଆତଙ୍କବାଦୀ ଆକ୍ରମଣରେ ଭାରତର ୪୦ ଯବାନ ଶହିଦ ହେବା ପରେ ଭାରତ ପକ୍ଷରୁ ପାକିସ୍ତାନ ମାଟିରେ ଏୟାର ଷ୍ଟ୍ରାଇକ୍ କରାଯାଇଥିଲା। ଉଭୟ ଦେଶ ମଧ୍ୟରେ ସମ୍ପର୍କ ଭଲ ନଥିଲେ ମଧ୍ୟ ଭାରତର ଓ୍ବିଙ୍ଗ କମାଣ୍ଡରଙ୍କୁ ପାକ୍ ହସ୍ତାନ୍ତର ପାକ୍ର ବନ୍ଧୁତ୍ବପୂର୍ଣ୍ଣ ବ୍ୟବହାରର ଏକ ଉଦାହରଣ…
୨୦୨୧ ସୁଦ୍ଧା ଭାରତରେ ୯୫ ମିଲିୟନ ବର୍ଗଫୁଟ୍ର ରିଟେଲ୍ ମଲ୍ ସ୍ଥାପନ ହେବାକୁ ଯାଉଛି। ଏହା ମଧ୍ୟରୁ ୭୫ ମିଲିୟନ୍ ବର୍ଗଫୁଟ୍ର ମଲ୍ ୭ଟି ବଡ ସହରରେ ରହିବ। ଏହି ତାଲିକାରେ ଦିଲ୍ଲୀ, ହାଇଦ୍ରାବାଦ ଏବଂ ବେଙ୍ଗାଲୁରୁ ଆଗୁଆ ରହିଥିବା ଜଣାପଡିଛି। ବୁଧବାର ମୁମ୍ବାଇରେ ଅନୁଷ୍ଠିତ ସପିଙ୍ଗ ସେଣ୍ଟର ଫୋରମ୍ ୨୦୧୯ରେ ଏହି ସମ୍ପର୍କରେ ଘୋଷଣା କରାଯାଇଛି। ଆସନ୍ତା ତିନି ବର୍ଷ ମଧ୍ୟରେ ସମଗ୍ର ଭାରତ ବର୍ଷରେ ଗ୍ରେଡ୍ ଏ ମଲ୍ ୧୦୦ ମିଲିୟନ୍ ବର୍ଗଫୁଟ୍ରୁ ୧୨୦ ମିଲିୟନ୍ ବର୍ଗଫୁଟ୍କୁ ବୃଦ୍ଧି ପାଇବ ବୋଲି ଆନାରକ୍ କନ୍ସଲ୍ଟିଙ୍ଗ ସର୍ଭିସ୍ର ମୁଖ୍ୟ ତଥା ନିର୍ଦ୍ଦେଶକ ଆଶୁତୋଷ ଲିମାୟେ ପ୍ରକାଶ କରିଛନ୍ତି। ଏହା ସହିତ ଟାୟାର-୨ ଏବଂ ଟାୟାର୍-୩ ସହର ଗୁଡିକରେ ମଧ୍ୟ ଭିତ୍ତିଭୂମିର ବିକାଶ ଚାଲିଥିବା କୁହାଯାଇଛି।
ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ପଶ୍ଚିମବଙ୍ଗରେ ଏକ ନିର୍ବାଚନୀ ରାଲିରେ ତୃଣମୂଳକୁ କଡା ସମାଲୋଚନା କରିଛନ୍ତି। ଦୁର୍ନୀତିଗ୍ରସ୍ତ ଏବଂ ମାଫିଆ ଗୋଷ୍ଠୀଙ୍କ ତୁଷ୍ଟୀକରଣ ମମତା ବାନାର୍ଜୀ ସରକାରର ପ୍ରଥମ ଲକ୍ଷ୍ୟ ବୋଲି ସୀତାରମଣ କହିଛନ୍ତି। ମାଫିଆ ଗୋଷ୍ଠୀର ତୁଷ୍ଟିକରଣରେ ସରକାର ବ୍ୟସ୍ତ ରହୁଥିବାରୁ ରାଜ୍ୟରେ ପୋଲିସ ବିଭାଗ ପ୍ରଭାବହୀନ ହୋଇ ପଡିଛି। ଏଥିପାଇଁ ପଶ୍ଚିମବଙ୍ଗମରେ ନାରଦ-ଶାରଦା ପରି ଦୁର୍ନୀତି ଦେଖିବାକୁ ମିଳିଛି ବୋଲି କହିଛନ୍ତି ପ୍ରତିରକ୍ଷା ମନ୍ତ୍ରୀ। ସେହିପରି ତୃଣମୂଳର ତ ତୁଷ୍ଟିକରଣ ପାଇଁ ଉଦ୍ଦିଷ୍ଟ ବୋଲି କହିଛନ୍ତି ନିର୍ମଳା। ବିଜେପିର ମେଦିନିପୁର ଲୋକସଭା ପ୍ରାର୍ଥୀ ଦିଲ୍ଲୀପ କୁମାର ଘୋଷଙ୍କ ପାଇଁ ନିର୍ବାଚନ ପ୍ରଚାରରେ ତୃଣମୂଳକୁ ସମାଲୋଚନା କରିଛନ୍ତି ଏହି ରାଜ୍ୟସଭା ସାଂସଦ। ଉଲ୍ଲେଖଯୋଗ୍ୟ ଯେ, ପକଶ୍ଚିମବଙ୍ଗରେ ନିର୍ବାଚନ ୭ ଟି ପର୍ଯ୍ୟାୟରେ ଅନୁଷ୍ଠିତ ହେବାକୁ ଥିବା ବେଳେ ମେଦିନିପୁରରେ ମେ ୧୨ ତାରିଖରେ ନିର୍ବାଚନ ଅନୁଷ୍ଠିତ ହେବ।
ବାରଣାସୀରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିପକ୍ଷରେ ପ୍ରତିଦ୍ବନ୍ଦିତା କରିବେ ଅଜୟ ରାୟ। ପୂର୍ବରୁ ଏହି ଆସନରୁ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଲଢିବା ନେଇ ପୂର୍ବାନୁମାନ ଲଗା ଯାଉଥିଲା। ମାତ୍ର ଆଜି କଂଗ୍ରେସ ପକ୍ଷରୁ ବାରଣାସୀ ଏବଂ ଗୋରଖପୁର ପାଇଁ ପ୍ରାର୍ଥୀ ତାଲିକା ଘୋଷଣା କରାଯିବା ସହ ଏହି ଚର୍ଚ୍ଚାରେ ପୂର୍ଣ୍ଣଛେଦ ପଡିଛି। ପୂର୍ବରୁ ପ୍ରିୟଙ୍କା ଏହି ଆସନରୁ ଲଢିବା ନେଇ ଇଚ୍ଛା ପ୍ରକାଶ କରିଥିଲେ ମଧ୍ୟ ଶେଷ ନିଷ୍ପତ୍ତି ଦଳ ଗ୍ରହଣ କରିବ ବୋଲି କହିଥିଲେ। କଂଗ୍ରେସ ପକ୍ଷରୁ ଅଜୟ ରାୟଙ୍କୁ ବାରଣାସୀରୁ ପ୍ରାର୍ଥୀ କରାଯାଇଥିବା ବେଳେ ଗୋରଖପୁରରୁ ମଧୁସୂଦନ ତିଓ୍ବାରୀଙ୍କୁ ଦଳ ପ୍ରାର୍ଥୀ କରିଛି। ଚଳିତ ବର୍ଷର ନିର୍ବାଚନ ପାଇଁ ପ୍ରଧାନମନ୍ତ୍ରୀ ମୋଦି ବିଜେପିର ପ୍ରାର୍ଥୀ ହୋଇଥିବା ବେଳେ ଅଜୟ ରାୟ କଂଗ୍ରେସରୁ ଏବଂ ଶାଳିନୀ ଯାଦବ ସମାଜବାଦୀ ପାର୍ଟି ପକ୍ଷରୁ ରଣାଙ୍ଗନରେ ଅବତୀର୍ଣ୍ଣ ହୋଇଛନ୍ତି। ଗତବର୍ଷ ମଧ୍ୟ ଅଜୟ ରାୟ ସମାନ ଆସନରୁ କଂଗ୍ରେସ ପ୍ରାର୍ଥୀ ରହିଥିଲେ।
ବିଚିତ୍ର ବିଶ୍ୱାଳ ୨୦୧୪ ନିର୍ବାଚନ ପରେ ବିଜେପି ସରକାରରେ ଧର୍ମେନ୍ଦ୍ର ପ୍ରଧାନ ଗୁରୁତ୍ୱପୂର୍ଣ୍ଣ ପ୍ରେଟ୍ରୋଲିୟମ୍ ମନ୍ତ୍ରୀ ହେବା ପରେ ସେବେଠାରୁ ସେ ନିଜକୁ ଓଡ଼ିଶାର ଏକମାତ୍ର ବିଜେପି ନେତା ଭାବେ ଉପସ୍ଥାପନ କରିଆସୁଛନ୍ତି। ଗତ ପାଞ୍ଚ ବର୍ଷରେ ଧର୍ମେନ୍ଦ୍ର ପ୍ରଧାନଙ୍କ କାର୍ଯ୍ୟକଳାପକୁ ଦେଖିଲେ ବୁଝି ହେଉଛି ଯେ, ଖୁବ୍ ଚତୁରତାର ସହିତ ସେ ରାଜ୍ୟ ବିଜେପିର ପ୍ରାୟ ସବୁ ନେତାଙ୍କୁ ପଛ କରି ନିଜକୁ ଆଗକୁ ଆଣିବାରେ ସଂପୂର୍ଣ୍ଣ ସଫଳ ହୋଇଛନ୍ତି। ଏହି କ୍ରମରେ ସେ ନିଜର ଅନୁଗତ ତଥା ଅନ୍ୟ ସମସ୍ତ ଦାବିଦାର୍ ନେତା ମାନଙ୍କ ଠାରୁ ଅପେକ୍ଷାକୃତ ଦୁର୍ବଳ ବସନ୍ତ ପଣ୍ଡାକୁ ରାଜ୍ୟ ସଭାପତି ପଦରେ ବସେଇ ନିଜ ଅଭିଯାନ ଆରମ୍ଭ କରିଥିଲେ। ବସନ୍ତ ପଣ୍ଡାଙ୍କର ସବୁଠାରୁ ବଡ଼ ଯୋଗ୍ୟତା ଥିଲା, ଧର୍ମେନ୍ଦ୍ର ଭାବୁଥିଲେ ଯେ ବସନ୍ତ କେବେ ବି ତାଙ୍କୁ ଟପିଯିବେ ନାହିଁ ଓ ବସନ୍ତଙ୍କୁ ସେ ନିଜ ରିମୋଟ୍ କଂଟ୍ରୋଲ୍ ଚଳେଇ ପାରିବେ। ବିଜେପିର ଅନ୍ୟ…
ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ହେଲିକପ୍ଟରକୁ ଓହ୍ଲାଇବାକୁ ଅନୁମତି ନଦେବାରୁ କଲେକ୍ଟରଙ୍କୁ ଧମକପୂର୍ଣ୍ଣ ଚେତାବନୀ ଦେଇଛନ୍ତି। ବୁଧବାର ଶିବରାଜ ଏକ ରାଲିରେ ଯୋଗ ଦେବା ପାଇଁ ଉମେର୍ଥରେ ଓହ୍ଲାଇବାର ଥିଲା। ୫ଟାରେ ଶିବରାଜଙ୍କ ହେଲିକପ୍ଟର ଲ୍ୟାଣ୍ଡିଂର ସମୟ ରହିଥିବା ବେଳେ ଏହି ସମୟ ମଧ୍ୟରେ ଶିବରାଜ ପହଞ୍ଚି ପାରି ନଥିଲେ । ୫.୩୦ରେ ଶିବରାଜ ପହଞ୍ଚିବା ପରେ ଶିବରାଜଙ୍କୁ ଓହ୍ଲାଇବାର ଅନୁମତି ଦେବାକୁ ଜିଲ୍ଲାପାଳ ମନା କରି ଦେଇଥିଲେ। ଏହି ଘଟଣା ପରେ ବୁଧବାର ବିଳମ୍ବିତ ରାତ୍ରରେ ଏକ ଟ୍ବିଟ୍ ଜରିଆରେ ଉକ୍ତ କଲେକ୍ଟରଙ୍କୁ ଧମକ ଦେଇଛନ୍ତି। ଶିବରାଜ କହିଛନ୍ତି, ଆସନ୍ତା ୫ ବର୍ଷରେ ମୁଁ କ୍ଷମତାକୁ ଆସିଲେ ଆପଣଙ୍କ ଅବସ୍ଥା କଣ ହେବ। ସେ କହିଛନ୍ତି, କମଳ ନାଥ ବର୍ତ୍ତମାନ କ୍ଷମତା ମୋହରେ ସରକାରୀ କଳର ବ୍ୟବହାର କରୁଛନ୍ତି ଯାହାକି ଗ୍ରହଣୀୟ ନୁହେଁ। ଏହି ଟ୍ବିଟ୍ରେ ସେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ହରିୟାଣା ମୁଖ୍ୟମନ୍ତ୍ରୀ…
