ପଶ୍ଚିମବଙ୍ଗର ମୁର୍ଶିଦାବାଦରେ ଏକ ଗୋଷ୍ଠୀ ସଙ୍ଘର୍ଷ ଘଟିଛି। ଏହି ଘଟଣାରେ ୩ ଜଣ ତୃଣମୂଳ କର୍ମୀ ନିହତ ହୋଇଛନ୍ତି। ଏକ ବାଇକ୍ରେ ଆସି କିଛି ଅଜଣା ଆତତାୟୀ ଗୁଳିମାଡ କରିବା ସହିତ ବୋମା ଫିଙ୍ଗିଥିଲେ। ଦୋମକାଲର କୁଚିୟାମୋରା ଗ୍ରାମରେ ଏହି ସଙ୍ଘର୍ଷ ଘଟିଛି। ଦୁଇ ମୃତ ବ୍ୟକ୍ତିଙ୍କ ପରିବାର ଏହି ଘଟଣା ପଛରେ ବିଜେପିର ହାତ ରହିଥିବା ନେଇ ଅଭିଯୋଗ କରିଛନ୍ତି। ଦୋମକାଲ ପୋଲିସ୍ ପକ୍ଷରୁ ପ୍ରାପ୍ତ ସୂଚନା ଅନୁଯାୟୀ ଏହି ଘଟଣାରେ ତୃଣମୂଳ କର୍ମୀ ନିହତ ହୋଇଥିବାର ଖବର ମିଳିଥିବା ବେଳେ ଏହାକୁ ନେଇ ତଦନ୍ତ ଜାରି ରହିଛି। ପୋଲିସ୍ ପକ୍ଷରୁ ଉକ୍ତ ଅଞ୍ଚଳରେ ଚଢାଉ କରାଯାଇଥିବା ବେଳେ କାହାରିକୁ ଗିରଫ କରାଯାଇନାହିଁ।
Author: Samikhsya Bureau
ପଶ୍ଚିମବଙ୍ଗରେ ଡାକ୍ତରଙ୍କ ଧର୍ମଘଟ ପଞ୍ଚମ ଦିନରେ ପହଞ୍ଚିଛି। ଏହା ମଧ୍ୟରେ ଗୃହ ମନ୍ତ୍ରାଳୟ ଏହି ଧର୍ମଘଟ ନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ନୋଟିସ୍ ଜାରି କରିଛି। କେନ୍ଦ୍ର ସରକାର ରାଜ୍ୟ ସରକାରଙ୍କୁ ଏହି ନୋଟିସ୍ ଜାରି କରିବା ସହିତ ଏହି ସମ୍ପର୍କିତ ତୁରନ୍ତ ଏକ ରିପୋର୍ଟ ଦେବାକୁ ତଲବ କରିଛନ୍ତି। ଏହି ନୋଟିସ୍ରେ କୁହାଯାଇଛି ଯେ, ଡାକ୍ତରଙ୍କ ଧର୍ମଘଟର ପ୍ରଭାବ ସାରା ଦେଶରେ ପଡିଛି। ପଶ୍ଚିମବଙ୍ଗ ବ୍ୟତୀତ ଏହି ଧର୍ମଘଟରେ ଅନ୍ୟ ରାଜ୍ୟର ଡାକ୍ତରମାନେ ମଧ୍ୟ ସାମିଲ୍ ହୋଇଛନ୍ତି। କେନ୍ଦ୍ର ମମତାଙ୍କୁ ଏହାର କାରଣ ଦର୍ଶାଇବା ସହିତ ଧର୍ମଘଟକୁ ରୋକିବା ପାଇଁ କ’ଣ ପଦକ୍ଷେପ ନିଆଯାଇଛି ସେ ଉପରେ ବିସ୍ତୃତ ରିପୋର୍ଟ ଦେବା ପାଇଁ କୁହାଯାଇଛି। ପୂର୍ବରୁ ମଧ୍ୟ ଗୃହମନ୍ତ୍ରାଳୟ ପଶ୍ଚିମବଙ୍ଗରେ ହେଉଥିବା ଅଶାନ୍ତି ବାତାବରଣକୁ ନେଇ ନୋଟିସ୍ ପଠାଇଥିଲେ। ଡାକ୍ତରଙ୍କ ଧର୍ମଘଟ ଯୋଗୁଁ ଦୁଇ ନବଜାତଙ୍କ ବିନା ଚିକିତ୍ସା ଅଭାବରୁ ମୃତ୍ୟୁ ହୋଇଛି। ଏବେବି ପଶ୍ଚିମବଙ୍ଗରେ ମମତା ସରକାର –…
ବର୍ତ୍ତମାନ ସମସ୍ତ ଷ୍ଟାର ଡିଜିଟାଲ ପ୍ଲାଟଫର୍ମ ଆଡକୁ ମୁହାଁଇ ଥିବା ବେଳେ ନିଜର ଦ୍ବିତୀୟ ଓ୍ବେବ୍ ଫିଲ୍ମ କରିବା ପାଇଁ ଯାଉଛନ୍ତି ଅମିତ୍ ସାଧ୍। ଭାରତୀୟ ଡିଜିଟାଲ ପ୍ଲାଟଫର୍ମରେ ନିଜର ଦ୍ବିତୀୟ ଓ୍ବେବ୍ ଫିଲ୍ମ ନିମନ୍ତେ ମଞ୍ଜରୀ ଫଡନିସ୍ଙ୍କ ସହିତ କାମ ଆରମ୍ଭ କରିବାକୁ ଯାଉଛନ୍ତି ସାଧ୍। ପ୍ରଥମେ ଆମାଜନ୍ ପ୍ରାଇମ୍ର ବ୍ରିଦ୍ରେ ଅଭିନୟ କରିଥିବା ବେଳେ ଏହି ଓ୍ବେବ୍ ଫିଲ୍ମଟି ଜୀ 5ର ରହିଛି। ଆସନ୍ତା ମାସରୁ ଏହି ଫିଲ୍ମର ସୁଟିଂ ଆରମ୍ଭ ହେବାକୁ ଥିବା ବେଳେ ୨୦୨୦ରେ ଏହା ପ୍ରସାରିତ ହେବ। ଅମିତ୍ ସାଧ୍ ଅକ୍ଷୟ କୁମାର ଅଭିନୀତ ଗୋଲ୍ଡରେ ନଜର ଆସିଥିବା ବେଳେ ୨୦୧୮ ଫିଲ୍ମ ବା ବା ବ୍ଲାକ୍ ସିପ୍ରେ ନଜର ଆସିଥିଲେ ମଞ୍ଜରୀ।
ଆଜି ଶ୍ରୀମନ୍ଦିରରେ ଦଇତା ପ୍ରବେଶ ନୀତି ଅନୁଷ୍ଠିତ ହୋଇଛି। ଦଇତା ସେବକମାନେ ମଙ୍ଗଳ ଆଳତୀ ପରେ ପ୍ରବେଶ କରିଛନ୍ତି। ଆଜି ବାହୁଟ କଣ୍ଟ ବନ୍ଧା ନୀତି ହେଉଛି। ଆସନ୍ତାକାଲି ସେନାପଟା ବନ୍ଧା ଯିବ। ସେଥିପାଇଁ ଆସନ୍ତାକାଲି ଅପରାହ୍ନ ୨ଟା ପର୍ଯ୍ୟନ୍ତ ମହାପ୍ରଭୁଙ୍କ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଆସନ୍ତା ସୋମବାର ଅର୍ଥାତ୍ ୧୭ ତାରିଖ ଦିନ ଶ୍ରୀମନ୍ଦିରରେ ସ୍ନାନ ପୂର୍ଣ୍ଣିମାରେ ମହାପ୍ରଭୁଙ୍କ ମହାସ୍ନାନ ହେବ। ଏହା ପୂର୍ବରୁ ଶ୍ରୀଜୀଉ ଅଙ୍ଗରକ୍ଷକ ଭାବେ ପରିଚିତ ଦଇତା ସେବକ ମାନେ ବାହୁଟ ଓ ସେନାପଟା ଲାଗି କରୁଛନ୍ତି। ଆଜି ଦଇତା ସେବକମାନେ ମଙ୍ଗଳ ଆଳତୀ ନୀତି ସମ୍ପନ୍ନ ହେବା ପରେ ଶ୍ରୀମନ୍ଦିରକୁ ପ୍ରବେଶ କରିଛନ୍ତି। ପ୍ରଥମେ ବାହୁଟ ବନ୍ଧା ଯିବ। ଏହା ପରେ ଆସନ୍ତାକାଲି ସେନାପଟା ବନ୍ଧା ଯିବ। ଏଥିପାଇଁ ଅପରାହ୍ନ ୨ଟା ପର୍ଯ୍ୟନ୍ତ ସାଧାରଣ ଭକ୍ତଙ୍କ ପାଇଁ ଶ୍ରୀଜୀଉଙ୍କ ଦର୍ଶନ ବନ୍ଦ ରହିବ। ଦିନ ୨ଟା…
ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ ଶନିବାର ରାଜ୍ୟପାଳ ରାମ ନାଏକଙ୍କୁ ଭେଟିଛନ୍ତି। ଉତ୍ତର ପ୍ରଦେଶର ଦୁର୍ବଳ ଆଇନ ଶୃଙ୍ଖଳା ପରସ୍ଥିତି ନେଇ ଅଭିଯୋଗ କରିଛନ୍ତି ଅଖିଳେଶ। ଯୋଗୀ ଆଦିତ୍ୟନାଥ ସରକାର ଶୋଇ ରହିଥିବାରୁ ରାଜ୍ୟରେ ଅପରାଧ ହାର ଦିନକୁ ଦିନ ବୃଦ୍ଧି ପାଇଛି, ସେଥିପାଇଁ ରାଜ୍ୟପାଳଙ୍କୁ ଭେଟିଛନ୍ତି ବୋଲି ପ୍ରତିକ୍ରିୟା ପ୍ରକାଶ କରିଛନ୍ତି ଅଖିଳେଶ। ଗତକାଲି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପୋଲିସ୍ ମୁଖ୍ୟ ମାନଙ୍କୁ ବଦଳି କରାଇବା ପରେ ୟୁପିରେ ଜଙ୍ଗଲରାଜ ଚାଲିଛି ବୋଲି କହିଛନ୍ତି ଅଖିଳେଶ। ଅଖିଳେଶଙ୍କ ସହିତ ବରିଷ୍ଠ ନେତା ଅହମଦ୍ ହାସନ୍ ରାଜ୍ୟପାଳଙ୍କୁ ଭେଟିଥିଲେ।
ପଞ୍ଚମ ଥର ପାଇଁ ଅନୁଷ୍ଠିତ ହେବାକୁ ଥିବା ନିତି ଆୟୋଗ ବୈଠକକୁ ବର୍ଜନ କରିବାର ନିଷ୍ପତ୍ତି ନେଇଛନ୍ତି ତିନି ରାଜ୍ୟର ମୁଖ୍ୟମନ୍ତ୍ରୀ। ପ୍ରାରମ୍ଭରୁ ମମତା ବାନାର୍ଜୀ ଏହି ବୈଠକରେ ଯୋଗ ଦେବା ନେଇ ମମତା ମନା କରିଥିବା ବେଳେ ଆଜି ସକାଳୁ ଏକ କୃଷି ଜଳଯୋଗାଣ ପ୍ରକଳ୍ପର ଉଦ୍ଘାଟନ ନିମନ୍ତେ ବ୍ୟସ୍ତ ରହିଥିବାରୁ ଯୋଗ ନଦେବା ନେଇ କେସିଆର ସ୍ପଷ୍ଟ କରିଥିଲେ। ମାତ୍ର ପରବର୍ତ୍ତୀ ସମୟରେ ମିଳିଥିବା ସୂଚନା ଅନୁଯାୟୀ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂ ମଧ୍ୟ ଏହି ବୈଠକକୁ ବର୍ଜନ କରିଛନ୍ତି। ଏହି କଂଗ୍ରେସ ଶାସିତ ରାଜ୍ୟର ମୁଖ୍ୟମନ୍ତ୍ରୀ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏବଂ ଅନ୍ୟ ୪ ଜଣ କଂଗ୍ରେସ ନେତାଙ୍କ ସହିତ ଏକ ଆଲୋଚନାରେ ଭାଗ ନେବେ ବୋଲି ଜଣାପଡିଛି। ଚାଷୀ ମାନଙ୍କ ଋଣ ଛାଡ କରିବା ନେଇ ଏହି ଆଲୋଚନା କରାଯିବ ବୋଲି ଜଣାପଡିଛି।
ଶନିବାର ଗୁଜୁରାଟର ଭଦୋଦରାରେ ଏକ ନାଳ ସଫା କରିବା ସମୟରେ ୭ ଜଣ ସଫକେଇ କର୍ମୀଙ୍କ ମୃତ୍ୟୁ ଘଟିଛି। ଦାଭୋଇର ଫର୍ତ୍ତିକୁଲରେ ରହିଥିବା ଏକ ହୋଟେଲର ନାଳ ସଫା କରିବା ସମୟରେ ଏହି ୭ ଜଣ କର୍ମୀଙ୍କ ମୃତ୍ୟୁ ଘଟିଛି। ମୃତ ସାତ ଜଣଙ୍କ ମଧ୍ୟରେ ୪ ଜଣ ସଫେଇ କର୍ମଚାରୀ ରହିଥିବା ବେଳେ ତିନି ଜଣ ହୋଟେଲ କର୍ମଚାରୀ ରହିଛନ୍ତି। ଜଣେ ସଫେଇ କର୍ମଚାରୀ ନାଳରୁ ବାହାରି ପାରି ନଥିବା ବେଳେ ଅନ୍ୟମାନେ ତାଙ୍କୁ ଉଦ୍ଧାର କରିବା ପାଇଁ ଭିତରକୁ ଯାଇଥିବା ବେଳେ ଶ୍ବାସରୁଦ୍ଧ ହୋଇ ପ୍ରାଣ ହରାଇଥିଲେ ବୋଲି ଜିଲ୍ଲାପାଳ କିରଣ ଜାଭେରୀ ପ୍ରକାଶ କରିଛନ୍ତି।
ସାଗରିକା ନବୀନ ସରକାରଙ୍କ ପଞ୍ଚମ ପାଳିର ବିଜୟ ପାଇଁ ନିର୍ଣ୍ଣାୟକ ଭୂମିକା ଗ୍ରହଣ କରିଛି ମହିଳା ଭୋଟ୍ । ନିର୍ବାଚନ ପୂର୍ବରୁ ବିଜେଡି ସରକାର ମହିଳାଙ୍କ ବିକାଶ ଲାଗି ଅନେକ ଯୋଜନାର ପ୍ରସ୍ତାବ ରଖିଥିଲେ। ଚଳିତଥର ନିର୍ବାଚନରେ ୩୩ ପ୍ରତିଶତ ମହିଳା ସଂରକ୍ଷଣକୁ ଅଗ୍ରାଧିକାର ଦେଇଥିଲା ବିଜେଡ଼ି । ଲୋକସଭାରେ ଦଳ ନିଜ ତରଫରୁ ୩୩% ମହିଳାଙ୍କୁ ଟିକଟ ଦେଇଥିଲା। ମହିଳା ସଶକ୍ତିକରଣ ଦିଗରେ ସରକାର ବିଶେଷ ଭୂମିକା ଗ୍ରହଣ କରିବେ ବୋଲି ନିର୍ବାଚନୀ ଇସ୍ତାହାରରେ ସ୍ପଷ୍ଟ ସଙ୍କେତ ଦେଇଥିଲେ। ଆସିକା ଲୋକସଭା ଆସନରୁ ପ୍ରମିଳା ବିଶୋଇଙ୍କୁ ପ୍ରାର୍ଥୀ କରାଇ ବିଜେଡ଼ି ମହିଳା ସଶକ୍ତିକରଣ ଦିଗରେ ନିଜର ଆଭିମୁଖ୍ୟକୁ ଅଧିକ ସ୍ପଷ୍ଟ କରିଥିଲା । ପୂର୍ବରୁ ତୃଣମୂଳସ୍ତରରୁ ମହିଳାଙ୍କୁ ସ୍ବାବଲମ୍ବୀ କରିବା ଦିଗରେ ମିଶନ ଶକ୍ତି ବେଶ୍ ବଳିଷ୍ଠ ଭୂମିକା ଗ୍ରହଣ କରିଛି । ଚଳିତ ନିର୍ବାଚନୀ ଇସ୍ତାହାରରେ ସ୍ବୟଂ ସହାୟକ ଗୋଷ୍ଠୀଙ୍କୁ ୧୦୦୦ କୋଟି ଟଙ୍କାର କାର୍ଯ୍ୟ ଦିଆଯିବ ବୋଲି…
ସମୀତ ପଣ୍ଡା ଆପଣ ବହୁତ ସମୟରେ ଶୁଣିଥିବେ ଅଲଗା ସ୍ଥାନରେ ଘଟିଥିବା ଦୁଇଟା ସମାନ ଘଟଣାରେ ସମ୍ପୃକ୍ତ ବ୍ୟକ୍ତି ମାନେ ଭିନ୍ନ ପ୍ରକାର ବ୍ୟବହାର କରିଥାନ୍ତି। ଗୋଟିଏ କ୍ଷେତ୍ରରେ ସମ୍ପୃକ୍ତ ବ୍ୟକ୍ତି ମାନେ କଥାବାର୍ତ୍ତା ଦ୍ଵାରା ଅପୋଷ ସମାଧାନ କରିପାରିଥିଲା ବେଳେ ଅନ୍ୟ କ୍ଷେତ୍ରରେ ଏହା ହିଂସାତ୍ମକ ମୋଡ ନେଇଥାଏ। ଏଠାରେ ପ୍ରଥମ ଘଟଣାର ସମ୍ପୃକ୍ତ ବ୍ୟକ୍ତିଙ୍କୁ ପ୍ରଶଂସା କରାଯାଉଥିଲା ବେଳେ ଦ୍ଵିତୀୟ ଘଟଣାର ସମ୍ପୃକ୍ତ ବ୍ୟକ୍ତିମାନେ ପୁଲିସ ଦ୍ଵାରା ଗିରଫ ହୋଇ ଜେଲ ଯିବା ସମ୍ଭାବନା ଅଧିକ ଥାଏ, କାରଣ ଆମର ନ୍ୟାୟ ବ୍ୟବସ୍ଥା ଅନୁସାରେ ପ୍ରତ୍ୟେକ ବ୍ୟକ୍ତି ନିଜ ବ୍ୟବହାର ଏବଂ ପ୍ରତିକ୍ରିୟା ପାଇଁ ନିଜେ ସମ୍ପୂର୍ଣ୍ଣ ମାତ୍ରାରେ ଦାୟୀ। ନିଜେ ନିଜର ବ୍ୟବହାର ଏବଂ ପ୍ରତିକ୍ରିୟା ପାଇଁ ଦାୟୀ ରହିବାଟା ଆମର ମୁକ୍ତ ଇଚ୍ଛା ବା Free will ସମ୍ପର୍କିତ ଧାରଣାରୁ ଆସିଅଛି । ମୁକ୍ତ ଇଚ୍ଛାର ଅର୍ଥ ହେଲା ଜଣେ ବ୍ୟକ୍ତି ନିଜ ପାଖରେ ଥିବା…
ମାରୁତି ସୁଜୁକି ପକ୍ଷରୁ ଭାରତୀୟ ବଜାର ନିମନ୍ତେ ଏହାର ପ୍ରଥମ ସିଏନ୍ଜି ମଡେଲ କାର୍ ଲଞ୍ଚ କରାଯାଇଛି। ଅଲ୍ଟୋର ଏହା ପ୍ରଥମ ସିଏନ୍ଜି ପରିଚାଳିତ କାର୍। ଏହି କାର୍ରେ ବିଏସ୍-୬ ଇଞ୍ଜିନ୍ ବ୍ୟବହାର କରାଯାଇଛି। ଏହି କାର୍ର ମୂଲ୍ୟ ୪.୧୪ ଲକ୍ଷ ଟଙ୍କା ରହିଛି ଯାହାକି ପେଟ୍ରୋଲ ମଡେଲ ଠାରୁ ମାତ୍ର ୬୦ ହଜାର ଟଙ୍କା ଅଧିକ। ଏହି କାର୍ରେ ତିନି ସିଲିଣ୍ଡର ବିଶିଷ୍ଟ ଇଞ୍ଜିନ ରହିଥିବା ବେଳେ ଏହା ୪୮ ବିଏଚ୍ପି ଏବଂ ୬୯ ଏନ୍ଏମ୍ ଟର୍କର ଶକ୍ତି ପ୍ରଦାନ କରିଥାଏ। ଏହି କାର୍ର ମାଇଲେଜ୍ ୨୪ କିମି ରହିଛି। ଏହି କାର୍ ସହିତ ମାରୁତି ସୁଜୁକି ପକ୍ଷରୁ ସ୍ବିଫ୍ଟ ଏବଂ ଓ୍ବାଗନ ଆର୍ର ବିଏସ୍-୬ ମଡେଲ ବଜାରକୁ ଛଡାଯାଇଛି।
ପଞ୍ଚମ ଦିନରେ ପହଞ୍ଚିଛି ପଶ୍ଚିମବଙ୍ଗରେ ଡାକ୍ତରଙ୍କ ଆନ୍ଦୋଳନ। ଆକ୍ରମଣର ଶିକାର ହୋଇଥିବା ଡାକ୍ତରଙ୍କୁ ସୁରକ୍ଷା ଯୋଗାଇଦେବା ପରିବର୍ତ୍ତେ ମମତା ସରକାର ଆନ୍ଦୋଳନରତ ଡାକ୍ତରଙ୍କୁ ଧମକ ଓ ଚେତାବନୀ ଦେଇଥିଲେ। ଯାହାକୁ ବିରୋଧ କରି ପଶ୍ଚିମବଙ୍ଗର ଡାକ୍ତରଙ୍କୁ ସମର୍ଥନ କରିଛନ୍ତି ଅଧିକାଂଶ ରାଜ୍ୟର ଡାକ୍ତରମାନେ। ପଶ୍ଚିମବଙ୍ଗରେ ଚିକିତ୍ସା କରିବା ଅସୁରକ୍ଷିତ ଦର୍ଶାଇ ଇତି ମଧ୍ୟରେ ରାଜ୍ୟରେ ୫୦୦ରୁ ଅଧିକ ଡାକ୍ତର ଇସ୍ତଫା ଦେଇସାରିଛନ୍ତି। ପରିଣାମସ୍ୱରୂପ ରୋଗୀ ସେବା ସମ୍ପୂର୍ଣ୍ଣ ଠପ୍ ହୋଇପଡ଼ିଛି। ଏହି ଆନ୍ଦୋଳନରେ ଦେଶ ତଥା ପଶ୍ଚିମବଙ୍ଗର ବଡ଼ ବଡ଼ ଡାକ୍ତରାମାନେ ମଧ୍ୟ ସାମିଲ ହୋଇଛନ୍ତି। ଏଭଳି ସ୍ଥିତିରେ ଦାବି ପୂରଣ ଲାଗି ଏମ୍ସ ରେସିଡେଣ୍ଟ ଡାକ୍ତର ସଂଘ ପଶ୍ଚିମବଙ୍ଗ ସରକାରକୁ ୪୮ ଘଣ୍ଟାର ଚରମପତ୍ର ଦେଇଛି। ଯେଉଁଥିରେ ମୁଖ୍ୟମନ୍ତ୍ରୀ ମମତାଙ୍କୁ ନିସର୍ତ୍ତ କ୍ଷମା ମାଗିବାକୁ କହିଛି ଡାକ୍ତର ସଂଘ। ଏହି ସମୟ ମଧ୍ୟରେ ଡାକ୍ତରଙ୍କୁ ଆକ୍ରମଣ କରିଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆ ନ ଗଲେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ…
ଗୁଜରାଟକୁ ପୁନର୍ବାର ପ୍ରତ୍ୟାବର୍ତ୍ତନ କରିପାରେ ସାମୁଦ୍ରିକ ଝଡ ବାୟୁ। ଚଳିତ ସପ୍ତାହରେ ଏହା ଗୁଜରାଟ ଉପକୂଳରେ ସ୍ଥଳଭାଗ ଛୁଇଁବା ନେଇ ପାଣିପାଗ ବିଭାଗ ପକ୍ଷରୁ ଅନୁମାନ ଲଗାଯାଇଥିଲା। ମାତ୍ର ସ୍ଥଳଭାଗ ଛୁଇଁବା ପୂର୍ବରୁ ଏହା ଦିଗ ପରିବର୍ତ୍ତନ କରିଥିଲା। ଜୁନ୍ ୧୩ ତାରିଖରେ ଏହା ଦିଗ ପରିବର୍ତ୍ତନ କରିବା ପରେ ରାଜ୍ୟ ବାତ୍ୟାରୁ ସୁରକ୍ଷିତ ରହିଛି ବୋଲି ମୁଖ୍ୟମନ୍ତ୍ରୀ ବିଜୟ ରୂପାନୀ ଘୋଷଣା କରିଥିଲେ। ମାତ୍ର ଆଜି ଅହମଦାବାଦ ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ ଏହି ବାତ୍ୟା ପୁନର୍ବାର ଗୁଜରାଟକୁ ପ୍ରତ୍ୟାବର୍ତ୍ତନ କରିପାରେ। ଆସନ୍ତା ୪୮ ଘଣ୍ଟା ମଧ୍ୟରେ ଏହା ପ୍ରତ୍ୟାବର୍ତ୍ତନ କରିବାର ସମ୍ଭାବନା ରହିଛି ବୋଲି ଆଇଏମ୍ଡି ଅହମଦାବାଦ ପକ୍ଷରୁ ମନୋରମା ମହାନ୍ତି ପ୍ରକାଶ କରିଛନ୍ତି। ୧୭ ତାରିଖ ସୁଦ୍ଧା ଏହା କଚ୍ଛ ଉପକୂଳ ଛୁଇଁବାର ସମ୍ଭାବନା ରହିଛି।
ଭାରତୀୟ କ୍ରିକେଟ କିମ୍ବଦନ୍ତୀ ସଚିନ୍ ତେନ୍ଦୁଲକର ଏକ ଅଷ୍ଟ୍ରେଲୀୟ ବ୍ୟାଟ୍ ନିର୍ମାଣକାରୀ କମ୍ପାନୀ ବିପକ୍ଷରେ ଏକ ମାମଲା ଦାୟର କରିଛନ୍ତି। ଏହି ମାମଲା ଅନୁଯାୟୀ ଉକ୍ତ କମ୍ପାନୀ ନିକଟରୁ ସଚିନ ୨ ମିଲିୟନ୍ ଅଷ୍ଟ୍ରେଲିୟ ଡଲାରର ରୟାଲ୍ଟି ଦାବି କରିଛନ୍ତି। ସ୍ପାର୍ଟାନ୍ ନାମକ ଏହି କମ୍ପାନୀ ‘ସଚିନ୍ ବାଇ ସ୍ପାର୍ଟାନ’ର କ୍ରୀଡା ଉପକରଣ ଏବଂ କପଡା ବିକ୍ରି କରୁଥିବା ବେଳେ ଏହାର ପ୍ରଚାର ପ୍ରସାର ପାଇଁ ସଚିନ୍ଙ୍କ ନାମ ଏବଂ ଚେହେରା ବ୍ୟବହାର କରିଥିଲା। ଏ ନେଇ ବାର୍ଷିକ ୧ ମିଲିୟନ୍ ଡଲାରର ଚୁକ୍ତି ୨୦୧୬ ମସିହାରେ ହୋଇଥିଲା। ଏହାପରେ ସଚିନ୍ ଲଣ୍ଡନ ଏବଂ ମୁମ୍ବାଇରେ କମ୍ପାନୀର ପ୍ରଚାର ମଧ୍ୟ କରିଥିଲେ। ମାତ୍ର ୨୦୧୮ ସୁଦ୍ଧା ସଚିନ୍ଙ୍କୁ ଏ ବାବଦରେ ଏକ ଟଙ୍କା ମିଳିନଥିଲା। କମ୍ପାନୀକୁ ଅନୁରୋଧ କରିବା ପରେ କୌଣସି ଜବାବ ନ ମିଳିବାରୁ ଆଇନଗତ ପ୍ରକ୍ରିୟାର ଆଶ୍ରୟ ନେଇଛନ୍ତି ସଚିନ୍।
ଝାରଖଣ୍ଡର ଷଢେଇକଳା ଜିଲ୍ଲାରେ ନକ୍ସଲ ଆକ୍ରମଣରେ ପାଞ୍ଚ ଜଣ ପୋଲିସ ସହିଦ ହୋଇଛନ୍ତି। ପୋଲିସ ଦଳ ପେଟ୍ରୋଲିଂ କରି ଫେରୁଥିବା ବେଳେ ନକ୍ସଲ ଏହି ଆକ୍ରମଣ କରିଛନ୍ତି। ଶୁକ୍ରବାର ଷଢେଇକଳା ତିରୁଲହିଡ ଥାନା କ୍ଷେତ୍ର କୁକଡୁ ହାଟରେ ଏହି ଘଟଣା ଘଟିଛି। ପୋଲିସ ପେଟ୍ରୋଲିଂ କରି ଫେରୁଥିଲେ ନକ୍ସଲ ମାନେ ପୋଲିସ ଗାଡିକୁ ଚାରିଆଡୁ ଘେରି ଅତି ନିକଟରୁ ଗୁଳି ମାଡ କରିଥିଲେ। ସହିଦଙ୍କ ମଧ୍ୟରେ ଦୁଇ ଜଣ ଏଏସଆଇ ଓ ତିନି ଜଣ କନଷ୍ଟେବଳ ଅଛନ୍ତି। ପେଟ୍ରୋଲିଂ କରୁଥିବା ଗାଡିରେ ୬ ଜଣ ପୋଲିସ କର୍ମୀ ଥିଲେ। ଏଥିରୁ ପାଞ୍ଚ ଜଣ ସହିଦ ହୋଇଥିବା ବେଳେ ଜଣେ ଅଳ୍ପକେ ବର୍ତ୍ତି ଯାଇଛନ୍ତି। ସହିଦଙ୍କ ମଧ୍ୟରେ ରହିଛନ୍ତି ଏଏସଆଇ ମନୋଧନ ହାସଦା, ଏଏସଆଇ ଗୋବର୍ଦ୍ଧନ ପାସଓ୍ଵାନ, କନଷ୍ଟେବଳ ଯୁଧିଷ୍ଠୀର ମାଲୁଆ, କନଷ୍ଟେବଳ ଡିବରୁ ପୂର୍ତ୍ତି ଓ କନଷ୍ଟେବଳ ଧନେଶ୍ଵର ମହନ୍ତ ପ୍ରମୁଖ।
ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ଟିଡିପିର ପ୍ରମୁଖ ଏନ୍. ଚନ୍ଦ୍ରବାବୁ ନାଇଡୁ ଶୁକ୍ରବାର ଦିନ ବିଳମ୍ବିତ ରାତ୍ରିରେ ବିଜୟଓ୍ବାଡାର ଗନ୍ନବରମ୍ ବିମାନ ବନ୍ଦରରେ ଯାଞ୍ଚର ସମ୍ମୁଖୀନ ହୋଇଛନ୍ତି। ଏପରିକି ଭିଆଇପି ସୁବିଧାରୁ ମଧ୍ୟ ତାଙ୍କୁ ବଂଚିତ କରାଯାଇଛି। ସାଧାରଣ ଯାତ୍ରୀଙ୍କ ପାଇଁ ଉଦ୍ଦିଷ୍ଟ ବସ୍ରେ ତାଙ୍କୁ ଯାତ୍ରା ମଧ୍ୟ କରିବାକୁ ପଡିଛି। ପ୍ରବେଶ ପଥରେ ଜଣେ ସୁରକ୍ଷାକର୍ମୀଙ୍କ ଦ୍ବାରା ତାଙ୍କର ତଲାସୀ କରାଯାଇଥିବାର ଦେଖାଯାଇଥିଲା। ଏପରିକି ତାଙ୍କୁ ବିମାନ ନିକଟରେ ପହଞ୍ଚିବା ପାଇଁ ଭିଆଇପି ବାହନର ଅନୁମତି ମଧ୍ୟ ମିଳିନଥିଲା। ତେବେ ଏହି ଘଟଣାରେ ତୀବ୍ର ପ୍ରତିକ୍ରିୟା ରଖିଛି ଟିଡିପି। ଟିଡିପି ଓ୍ବାଇଏସ୍ଆର କଂଗ୍ରେସକୁ ଟାର୍ଗେଟ୍ କରିବା ସହ ପ୍ରତିଶୋଧର ରାଜନୀତି କରୁଛି ବୋଲି କହିଛି। ଟିଡିପି ନେତା ତଥା ରାଜ୍ୟର ପୂର୍ବ ଗୃହ ମନ୍ତ୍ରୀ ଚିନ୍ନା ରାଜପ୍ପାଙ୍କ ମତରେ ନାଇଡୁଙ୍କ ସହ ଅଧିକାରୀଙ୍କ ବ୍ୟବହାର ବହୁତ ଅପମାନଜନକ ରହିଥିଲା। ନାଇଡୁ ପୂର୍ବରୁ ଏଭଳି ସ୍ଥିତି ସାମ୍ନା କରିନାହାନ୍ତି। କେନ୍ଦ୍ର ଓ…
ଶୁକ୍ରବାର ଆରମ୍ଭ ହୋଇଛି କୋପା ଆମେରିକା ଫୁଟବଲ୍। ଉଦ୍ଘମାଟନୀ ମ୍ୟାଚ୍ରେ ବ୍ରାଜିଲ୍ ୩-୦ ଗୋଲ୍ରେ ବଲିଭିଆକୁ ପରାସ୍ତ କରିଛି। ଦ୍ବିତୀୟାର୍ଦ୍ଧରେ ବ୍ରାଜିଲ୍ ପକ୍ଷରୁ ବାର୍ସେଲୋନା ଫରଓ୍ବାର୍ଡ ଫିଲିପ୍ କୋଟିନୋ ଦୁଇଟି ଗୋଲ୍ ସ୍କୋର କରି ଦଳକୁ ବିଜୟୀ କରାଇଥିଲେ। ସାଓପାଓଲୋର ମୋରୁମ୍ବି ଷ୍ଟାଡିୟମ୍ରେ ଖେଳାଯାଇଥିବା ଏହି ମ୍ୟାଚ୍ରେ ପାଞ୍ଚ ଥର ବିଶ୍ବଚାମ୍ପିୟନ୍ ଅନାୟାସରେ ବିଜୟୀ ହୋଇଥିଲା। କୋଟିନୋଙ୍କ ବ୍ୟତିତ ବଦଳ ଖେଳାଳି ଏଭରଟନ୍ ସୋରସ୍ ଅନ୍ତିମ ଗୋଲ ସ୍କୋର କରିଥିଲେ। ମ୍ୟାଚ୍ର ୫୦ ଏବଂ ୫୩ ତମ ମିନିଟ୍ରେ କୋଟିନୋ ଗୋଲ୍ ସ୍କୋର କରିଥିବା ବେଳେ ସୋର୍ସ୍ ମ୍ୟାଚ୍ର ୮୫ ତମ ମିନିଟ୍ରେ ଗୋଲ ସ୍କୋର କରିଥିଲେ।
ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲୁଗାଁ ନିକଟରୁ ଜଣେ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର କରାଯାଇଛି। ମହିଳାଙ୍କୁ କେହି ଦୁର୍ବୃତ ଜାଳିଦେଇଥିବା ସନ୍ଦେହ କରାଯାଉଛି। ଆଜି ସକାଳେ ବାଲୁଗାଁ ସରନଇ ନିକଟରେ ଥିବା ଏକ ବଗିଚାରୁ ଜଣେ ମହିଳାଙ୍କ ମୃତଦେହ ପଡିଥିବା ଦେଖିବାକୁ ମିଳିଥିଲା। ମୃତଦେହ ଅର୍ଦ୍ଧଦଗ୍ଧ ଅବସ୍ଥାରେ ରହିଥିଲା। ଏନେଇ ପୋଲିସକୁ ଖବର ଦିଆଯାଇଥିଲା। ପୋଲିସ ଆସି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। କେହି ବ୍ୟକ୍ତି ଟାୟାର ଜାଳି ମହିଳାଙ୍କୁ ଜାଳି ଦେଇଥିବା ସନ୍ଦେହ କରାଯାଉଛି। ମୃତଦେହର ଉପରି ଭାଗ ସଂପୂର୍ଣ୍ଣ ଜଳି ଯାଇଥିବାରୁ ଏହାକୁ ଚିହ୍ନଟ କରିବା କଷ୍ଟକର ହୋଇପଡିଛି।
ଦିଲ୍ଲୀ ମେଟ୍ରୋର ପୂର୍ବତନ ମୁଖ୍ୟ ତଥା ଭାରତର ମେଟ୍ରୋମ୍ୟାନ୍ ଭାବରେ ପରିଚିତ ଇ ଶ୍ରୀଧରନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦିଲ୍ଳୀ ମେଟ୍ରୋର ମାଗଣା ଯାତ୍ରା ନେଇ ଏକ ଚିଠି ଲେଖିଛନ୍ତି। ଦିଲ୍ଲୀ ମେଟ୍ରୋରେ ମାଗଣା ଯାତ୍ରା ପ୍ରଦାନ କରାଗଲେ ଏହା ଦିଲ୍ଲୀ ମେଟ୍ରୋକୁ ଦେବାଳିଆ କରିଦେବ ବୋଲି ଶ୍ରୀଧରନ୍ ଚିଠିରେ ଉଲ୍ଲେଖ କରିଛନ୍ତି। ୨୦୦୨ରେ ମେଟ୍ରୋ ସେବା ଆରମ୍ଭ ହେବା ସମୟରେ ସମସ୍ତେ ଟିକଟ କିଣିବା ଆବଶ୍ୟକ ବୋଲି ନିୟମ ରହିଥିଲା। ଏପରିକି ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ମଧ୍ୟ ଟିକଟ କରି ଯାଇଥିଲେ। ଏହି ନିୟମ ଲାଗୁ କରାଯିବା ଦ୍ବାରା ଡିଏମ୍ଆରସି ଉପରେ ଅତିରିକ୍ତ ୧୫୬୭ କୋଟିର ଆର୍ଥିକ ବୋଝ ପଡିବ ଯାହାକି ସଂସ୍ଥାକୁ ଦେବାଳିଆ କରିଦେବ। ତେଣୁ ଦିଲ୍ଲୀ ସରକାରଙ୍କ ପ୍ରସ୍ତାବକୁ ଅଗ୍ରାହ୍ୟ କରିବା ନିମନ୍ତେ ନିବେଦନ କରିଛନ୍ତି ଶ୍ରୀଧରନ୍।
ପଶ୍ଚିମବଙ୍ଗରେ ରହିବାକୁ ହେଲେ ବଙ୍ଗଳା ଶିଖିବା ଜରୁରୀ ବୋଲି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି। ଯେତେବେଳେ ଆମେ ଅନ୍ୟ କୌଣସି ରାଜ୍ୟକୁ ଯାଉଛୁ ତେବେ ସେହି ରାଜ୍ୟର ଭାଷା କହିବାକୁ ଚେଷ୍ଟା କରୁଛୁ ସେହିପରି ଯିଏ ପଶ୍ଚିମବଙ୍ଗରେ ରହିବ ତାଙ୍କୁ ବଙ୍ଗଳା ହିଁ କହିବାକୁ ପଡିବ। ଉତ୍ତର ୨୪ ପ୍ରଗଣାର ଏକ ରାଲିରେ ଏହି ମତ ଦେଇଛନ୍ତି ମମତା। ବିଜେପି ପଶ୍ଚିମବଙ୍ଗକୁ ଗୁଜୁରାଟ ବନାଇବାକୁ ଚାହୁଁଛି ବୋଲି ମଧ୍ୟ କହିଛନ୍ତି ମମତା। ଗୁଜୁରାଟ ପରି ପଶ୍ଚିମବଙ୍ଗରେ ମଧ୍ୟ ବିଜେପି ଦଙ୍ଗା ରାଜନୀତି କରିବାର ପ୍ରୟାସ କରୁଛି ବୋଲି ମମତା କହିଛନ୍ତି। ବର୍ତ୍ତମାନ ବଙ୍ଗଳା ଭାଷାକୁ ଆଗକୁ ଆଣିବାର ସମୟ ଆସିଛି ବୋଲି କହିଛନ୍ତି ମମତା। ସେହିପରି ଏହି ରାଲିରେ ଅପର୍ଣ୍ଣା ସେନଙ୍କୁ ମଧ୍ୟ ସମାଲୋଚନା କରିଛନ୍ତି ମମତା। ମମତା ଡାକ୍ତରଙ୍କ ସହିତ ଆଲୋଚନା କରି ସ୍ବାସ୍ଥ୍ୟ ସେବା ବ୍ୟବସ୍ଥାକୁ ସୁଧାରନ୍ତୁ ବୋଲି କହିଥିଲେ ଅପର୍ଣ୍ଣା ସେନ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଆଜି ନିତି ଆୟୋଗ ବୈଠକ ଅନୁଷ୍ଠିତ ହେବାକୁ ଯାଉଛି। ରାଷ୍ଟ୍ରପତି ଭବନରେ ଅନୁ୍ଷ୍ଠିତ ହେବାକୁ ଯାଉଥିବା ଏହି ବୈଠକ ନିତି ଆୟୋଗର ପଞ୍ଚମ ବୈଠକ। ବିଜେପି ନେତୃତ୍ବାଧୀନ ଏନ୍ଡିଏ ସରକାରର ଦ୍ବିତୀୟ ପାଳିର ଏହା ପ୍ରଥମ ବୈଠକ। ଏହି ବୈଠକରେ ଚାଷ ଏବଂ ଚାଷୀ ସମସ୍ୟା, ମରୁଡି ଏବଂ ମାଓ ପ୍ରବଣ ଅଞ୍ଚଳରେ ସୁରକ୍ଷା ବ୍ୟବସ୍ଥା ସମ୍ପର୍କରେ ଆଲୋଚନା ହେବ। ସମସ୍ତ ରାଜ୍ୟର ମୁଖ୍ୟମନ୍ତ୍ରୀ ଏବଂ କେନ୍ଦ୍ରଶାସିତ ଅଞ୍ଚଳର ଲ୍ୟୁଟନାଣ୍ଟ ଗଭର୍ଣ୍ଣରଙ୍କୁ ଏହି ବୈଠକକୁ ଆମନ୍ତ୍ରଣ କରାଯାଇଥିବା ବେଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଯୋଗ ଦେବେ ନାହିଁ ବୋଲି ଜଣାପଡିଛି। ମମତା ଏହି ବୈଠକକୁ ନିରର୍ଥକ ବୋଲି କହି ଯୋଗ ଦେଉନଥିବା ବେଳେ କେସିଆର ଏକ କୃଷି ଜଳଯୋଗାଣ ପ୍ରକଳ୍ପର ଉଦ୍ଘାଟନ ନିମନ୍ତେ ଯୋଗ ଦେବେ ନାହିଁ ବୋଲି ଜଣାପଡିଛି।
କେଦାର ମିଶ୍ର ହଠାତ ସାରାଦେଶକୁ ଜଣେ ଖଳନାୟିକା ମିଳିଯାଇଛନ୍ତି। ସାହିତ୍ୟରେ ଗୋଟେ ଅଘୋଷିତ ନିୟମ ରହିଛି। ଯଦି ଆପଣ ଜଣେ ମହାନାୟକକୁ ତିଆରି କରିବାକୁ ଚାହୁଁଛନ୍ତି, ତାହେଲେ ଆପଣଙ୍କୁ ଜଣେ ଖଳ ନାୟକ ତିଆରି କରିବାକୁ ପଡିବ। ଯେମିତି ରାମଙ୍କ ପାଇଁ ରାବଣ, କୃଷ୍ଣଙ୍କ ପାଇଁ କଂସ ବା ପ୍ରହଲ୍ଲାଦ ପାଇଁ ହିରଣ୍ୟ କଶିପୁ। ନାୟକ ନିର୍ମାଣର ରାଜନୈତିକ ପରମ୍ପରାରେ ଯିଏ ମହାନାୟକ ବା ସୁପର ହିରୋ ହେବ, ତାର ଭକ୍ତମାନେ ତାର ପ୍ରତିପକ୍ଷକୁ ଖଳନାୟକ ଭାବରେ ବେଶୀ ବେଶୀ ଉପସ୍ଥାପନ କରିବେ। ୨୦୧୪ ନିର୍ବାଚନ ପୂର୍ବରୁ ଭାରତର ରାଜନୀତିରେ ନରେନ୍ଦ୍ର ମୋଦୀଙ୍କୁ ସୁପର ହିରୋ କରିବାକୁ ଯାଇ ବିଭିନ୍ନ ସମୟରେ ତାଙ୍କର ବିରୋଧୀଙ୍କୁ ଖଳନାୟକ ଭାବରେ ଯୋଜନାବଦ୍ଧ ଭାବରେ ନୀଚା ଦେଖାଇବାର ଉଦ୍ୟମ ହୋଇଛି। ଏହି ଉଦ୍ୟମରେ ଭାରତର ତଥାକଥିତ ମୁଖ୍ୟଧାରାର ଗଣମାଧ୍ୟମ ସରକାରୀ ଦଳର ବଚସ୍କର ହୋଇ କାମ କରିଛନ୍ତି। ପ୍ରଥମେ ଗାନ୍ଧୀ ପରିବାର, ତା ପରେ ଅରବିନ୍ଦ…