ବେଙ୍ଗାଲୁରୁର ଜଣେ ବିଧାୟକଙ୍କ ଘର ସାମ୍ନାରେ ବିସ୍ଫୋରଣ ଘଟି ଜଣଙ୍କର ମୃତ୍ୟୁ ଘଟିଛି। ବେଙ୍ଗାଲୁରୁର ରାଜେଶ୍ବରୀ ନଗର ବିଧାୟକ ମୁନି ରତ୍ନାଙ୍କ ସରକାରୀ ବାସଭବନ ସମ୍ମୁଖରେ ଏହି ବିସ୍ଫୋରଣ ଘଟିଛି। ରବିବାର ସକାଳେ ଘଟିଥିବା ଏହି ବିସ୍ଫୋରଣ ଜଣେ ସ୍ଥାନୀୟ ବାସିନ୍ଦାଙ୍କ ପ୍ରାଣହାନି ଘଟିଛି। ବିସ୍ଫୋରଣ ସମୟରେ ରାସ୍ତା ଦେଇ ଯାଉଥିଲେ ଭେଙ୍କଟେଶ ନାମକ ଉକ୍ତ ଯୁବକ। ବିସ୍ଫୋରଣରେ ସ୍ଥାନୀୟ କିଛି ଘରର କାଚ ଭାଙ୍ଗି ଯାଇଥିବା ବେଳେ ବିସ୍ଫୋରଣର କାରଣ ସମ୍ପର୍କରେ ଅନୁଧ୍ୟାନ ଚାଲିଛି। ଘଟଣାସ୍ଥଳକୁ ପୋଲିସ ଘେରାରେ ରଖାଯାଇଛି ବୋଲି ପୋଲିସ୍ କମିଶନର ଟି ସୁନୀଲ କୁମାର ସୂଚନା ଦେଇଛନ୍ତି।
Author: Samikhsya Bureau
ଲୋକସଭାର ଅନ୍ତିମ ପର୍ଯ୍ୟାୟ ନିର୍ବାଚନର ସକାଳ ୧୧ଟା ସୁଦ୍ଧା ୨୦.୫୪ ପ୍ରତିଶତ ମତଦାନ ହୋଇଛି। ଦେଶର ୭ଟି ଲୋକସଭା ଏବଂ ଗୋଟିଏ କେନ୍ଦ୍ରଶାସିତ ଅଞ୍ଚଳର ୫୯ ଆସନରେ ନିର୍ବାଚନ ଅନୁଷ୍ଠିତ ହେଉଛି। ସକାଳ ୧୧ ଟା ସୁଦ୍ଧା ଝାରଖଣ୍ଡରେ ୨୭.୭୧ ପ୍ରତିଶତ, ବିହାରରେ ୧୯.୮୭ ପ୍ରତିଶତ, ମଧ୍ୟ ପ୍ରଦେଶରେ ୨୦.୯୫ ପ୍ରତିଶତ, ଉତ୍ତର ପ୍ରଦେଶରେ ୧୮.୦୫ ପ୍ରତିଶତ, ଚଣ୍ଡୀଗଡରେ ୧୦.୪୦ପ୍ରତିଶତ, ପଶ୍ଚିମବଙ୍ଗରେ ୨୬.୦୭ ପ୍ରତିଶତ, ପଞ୍ଜାବରେ ୧୯.୬୯ ପ୍ରତିଶତ ଏବଂ ହିମାଚଳରେ ୧୬.୪୫ ପ୍ରତିଶତ ଭୋଟ ଗ୍ରହଣ ହୋଇଛି। ପ୍ରାୟ ସମସ୍ତ ସ୍ଥାନରେ ନିର୍ବାଚନ ଶାନ୍ତିପୂର୍ଣ୍ଣ ରହିଥିବା ବେଳେ ପଶ୍ଚିମବଙ୍ଗର କିଛି ସ୍ଥାନରେ ସାମାନ୍ୟ ହିଂସା ଦେଖାଦେଇଛି।
ଓଲିଉଡ୍ ଅଭିନେତା ତଥା ରାଜ୍ୟସଭା ସାଂସଦ ଅନୁଭବ ମହାନ୍ତିଙ୍କୁ ହତ୍ୟା ଧମକ ଘଟଣାରେ କମିଶନରେଟ ପୁଲିସର ସ୍ପେଶାଲ ସ୍କ୍ବାଡ୍ ଗୁଜରାଟରୁ ଜଣେ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡ଼ିଛି। ଅଭିଯୁକ୍ତ ଜଣକ ଝାଞ୍ଜିରୀମଙ୍ଗଳା ଅଞ୍ଚଳରେ ଭଡ଼ାଘରେ ରହି ମିସ୍ତ୍ରି କାମ କରୁଥିଲା। ନିର୍ବାଚନ ସମୟରେ ସେ ଅନୁଭବଙ୍କୁ ହତ୍ୟା ଧମକ ଦେବା ସହ 10 ଲକ୍ଷ ଟଙ୍କା ଦେବାକୁ ଧମକ ଦେଇଥିଲା। ଏନେଇ ଅନୁଭବ ଗତ ଏପ୍ରିଲ 30ରେ ପୁରୀଘାଟ ଥାନାରେ ଅଭିଯୋଗ କରିଥିଲେ। ଅନୁଭବଙ୍କ ଅଭିଯୋଗ ଆଧାରରେ ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ସ୍ପେଶାଲ ସ୍କ୍ବାଡ ଏବଂ ସାଇବର ସେଲ୍ର ମିଳିତ ଅପରେସନ୍ରେ ଅଭିଯୁକ୍ତଙ୍କୁ ଗିରଫ କରାଯାଇଛି। ସୂଚନାଯୋଗ୍ୟ ଯେ, ଅନୁଭବ ମହାନ୍ତି ଚଳିତ ଲୋକସଭା ନିର୍ବାଚନରେ କେନ୍ଦ୍ରାପଡା ଲୋକସଭା ଆସନରୁ ପ୍ରତିଦ୍ବନ୍ଦିତା କରିଛନ୍ତି।
ଦୁଇ ଦିନିଆ ଉତ୍ତରାଖଣ୍ଡ ଗସ୍ତରେ ରହିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅନ୍ତିମ ପର୍ଯ୍ୟାୟ ଭୋଟ ଗ୍ରହଣ ପୂର୍ବରୁ ଏକ ଟ୍ବିଟ୍ କରିଛନ୍ତି। ରବିବାର ସକାଳୁ ଟ୍ବିଟ୍ଟର ଜରିଆରେ ଦେଶବାସୀଙ୍କୁ ଅଧିକ ସଂଖ୍ୟାରେ ଭୋଟ ଦାନ ପାଇଁ ଅନୁରୋଧ କରିବା ସହିତ ଆପଣଙ୍କର ଗୋଟିଏ ଭୋଟ ଦେଶର ବିକାଶକୁ ଏକ ନୂତନ ଦିଶା ପ୍ରଦାନ କରିପାରେ ବୋଲି ଟ୍ବିଟ୍ କରିଛନ୍ତି ମୋଦି। ‘ଆଜି ଲୋକସଭାର ଅନ୍ତିମ ପର୍ଯ୍ୟାର ଭୋଟଗ୍ରହଣ। ସମସ୍ତ ଭୋଟର ମାନେ ରେକର୍ଡ ସଂଖ୍ୟାରେ ଭୋଟଗ୍ରହଣ କରିବାକୁ ମୋର ଅନୁରୋଧ। ଆପଣଙ୍କର ଗୋଟିଏ ଭୋଟ ଦେଶର ବିକାଶକୁ ଏକ ନୂତନ ଦିଶା ପ୍ରଦାନ କରିପାରେ। ପ୍ରଥମ ଥର ଭୋଟ ପ୍ରଦାନ କରୁଥିବା ଭୋଟର ମାନେ ଉତ୍ସାହିତ ହୋଇ ଅଧିକ ସଂଖ୍ୟାରେ ଭୋଟ ପ୍ରଦାନ କରନ୍ତୁ ବୋଲି ମୋଦି ତାଙ୍କ ଟ୍ବିଟ୍ରେ ଉଲ୍ଳେଖ କରିଛନ୍ତି’। ଗତକାଲି କେଦାରନାଥରେ ପୂଜାର୍ଚ୍ଚନା କରିଥିବା ମୋଦି ଆଜି ବଦ୍ରିନାଥରେ ପୂଜାର୍ଚ୍ଚନା କରିବା ସହିତ ଅପରାହ୍ଣରେ ଦିଲ୍ଲୀ ପ୍ରତ୍ୟାବର୍ତ୍ତନ…
ଓଡ଼ିଶାରେ ଲୋକସଭା ଏବଂ ବିଧାନସଭା ନିର୍ବାଚନ ପାଇଁ ଭୋଟଗ୍ରହଣ ସମୟରେ ଅନିୟମିତା ଏବଂ ତ୍ରୁଟି କାରଣରୁ ୩୪ ବୁଥ୍ରେ ମତଦାନ ବାତିଲ ହୋଇଥିଲା। ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିଷ୍ପତ୍ତିକ୍ରମେ ଶେଷ ପର୍ଯ୍ୟାୟରେ ରବିବାର ଏସବୁ ବୁଥ୍ରେ ମତଦାନ ଅନୁଷ୍ଠିତ ହେଉଛି। ସକାଳ ୭ଟାରୁ ବୁଥଗୁଡ଼ିକରେ ଭୋଟରମାନେ ପହଞ୍ଚି ମତଦାନ କରୁଛନ୍ତି। ଭୋଟଗ୍ରହଣ ହେଉଥିବା ବୁଥଗୁଡ଼ିକ ମଧ୍ୟରେ ତୃତୀୟ ପର୍ଯ୍ୟାୟର ୧୨ ଏବଂ ଚତୁର୍ଥ ପର୍ଯ୍ୟାୟର ୨୨ଟି ବୁଥ ରହିଛି। ପୁନଃ ନିର୍ବାଚନ ହେଉଥିବା ବୁଥ୍ ମଧ୍ୟରେ ବରୀର ସର୍ବାଧିକ ୫ଟି ବୁଥ୍ ରହିଥିବାବେଳେ ବାରିପଦା, ଆଠଗଡ଼ ଓ ମାହାଙ୍ଗାର ୪ଟି ଲେଖାଏ ବୁଥ, ଜଳେଶ୍ଵର, ବ୍ରହ୍ମଗିରି ଓ ବିଞ୍ଝାରପୁରର ୨ଟି ଲେଖାଏ ଏବଂ ବଡ଼ମ୍ବା, ଦେବଗଡ଼, ସତ୍ୟବାଦୀ, ତାଳଚେର, ଘଷିପୁରା, ଭୁବନେଶ୍ଵର ମଧ୍ୟ, ଧର୍ମଶାଳା, ସୁକିନ୍ଦା, ବାଙ୍ଗିରିପୋଷି, ସାଲେପୁର ଓ ପାରାଦୀପର ଗୋଟିଏ ଲେଖାଏଁ ବୁଥ୍ରେ ମତଦାନ ଜାରି ରହିଛି।
ଲୋକସଭା ନିର୍ବାଚନର ସପ୍ତମ ତଥା ଶେଷ ପର୍ଯ୍ୟାୟ ଭୋଟଗ୍ରହଣ ରବିବାର ସକାଳୁ ଆରମ୍ଭ ହୋଇଛି। ୭ ରାଜ୍ୟ ଏବଂ ଗୋଟିଏ କେନ୍ଦ୍ରଶାସିତ ଅଞ୍ଚଳର ୫୯ ଆସନ ପାଇଁ ସକାଳ ସାଢ଼େ ୭ ଟାରୁ ମତଦାନ ଚାଲିଛ। ଚୂଡ଼ାନ୍ତ ପର୍ଯ୍ୟାୟରେ ମତଦାନ ହେଉଥିବା ବେଳେ ଏହା ମଧ୍ୟରେ ଉତ୍ତର ପ୍ରଦେଶ ଓ ପଞ୍ଜାବରେ ୧୩ଟି ଲେଖାଏଁ ଆସନ ଥିବାବେଳେ ପଶ୍ଚିମବଙ୍ଗର ୯ଟି, ବିହାର ଓ ମଧ୍ୟପ୍ରଦେଶର ୮ଟି , ହିମାଚଳ ପ୍ରଦେଶର ୪ଆସନ, ଝାଡ଼ଖଣ୍ଡର ୩ ଏବଂ ଚଣ୍ଡୀଗଡ଼ର ଗୋଟିଏ ଆସନ ରହିଛି। ପଶ୍ଚିମବଙ୍ଗର ୯ଟି ଲୋକସଭା ଆସନରେ ହିଂସାକାଣ୍ଡକୁ ଏଡାଇବା ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ରାଜ୍ୟ ପୁଲିସ ସମେତ କେନ୍ଦ୍ରୀୟ ବାହିନୀର ୬୭୬ କମ୍ପାନୀ ଯବାନ ମୁତୟନ କରାଯାଇଛି। ଅନ୍ତିମ ପର୍ଯ୍ୟାୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନ୍ୟାନ୍ୟ ହେଭିଓ୍ବେଟ୍ ନେତାଙ୍କ ଭାଗ୍ୟ ପରୀକ୍ଷା ହେଉଛି। ଅନ୍ୟ ହେଭିଓ୍ବେଟ୍ ନେତାଙ୍କ ମଧ୍ୟରେ ବିଜେପି ନେତା ରବିଶଙ୍କର ପ୍ରସାଦ,…
କେଦାର ମିଶ୍ର ଲାଇଟ, ସାଉଣ୍ଡ, କ୍ୟାମେରା …ଆକ୍ସନ। ଅଭିନେତା ଏବେ ପୁରା ତୟାର। ହିମାଳୟର ଗୁମ୍ଫାରେ ବେଦାଗ ଧଳା ବିଛଣା ପଡିଛି। ପୂରା ଗୁମ୍ଫା ଆଲୋକିତ। ଏଇଟା ପୁରାଣ ଯୁଗର ଅନ୍ଧାର ଗୁମ୍ଫା ନୁହଁ। ୟେ ଡିଜିଟାଲ ଇଣ୍ଡିଆର ସେଭେନ ଷ୍ଟାର ଗୁମ୍ଫା। କାନ୍ଥରେ ହ୍ୟାଙ୍ଗର ବି ଲାଗିଛି। ଋଷିମାନେ ତାଙ୍କ କୌପିନୀ ଟାଙ୍ଗିବାକୁ ହ୍ୟାଙ୍ଗର ତ ରଖିଥିବେ ନା! ଅଭିନେତା ବାହାରିଲେ ନିଜ ମେକ ଅପ୍ ନେଇ। ଦେହରେ ଗୈରିକ ବସନ। ଏବେ ପଦ୍ମାସନରେ ବସିବା ପରେ ଆରମ୍ଭ ହେଲା ନାଟକ। ସାରା ଦେଶର ସବୁ ଟେଲିଭିଜନ ଚାନେଲରେ ଅଭିନେତା ଜଣକ ତପସ୍ୟା କରୁଥିବାର ଛବି ଝଲସି ଉଠିଲା। “ଏଇ ଦେଖନ୍ତୁ, ହିମାଳୟରେ ତପସ୍ୟାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଆହା, କି କଠୋର ତପସ୍ୟା। ତାଙ୍କ ଆଖପାଖରେକେହି ନାହିଁ। ସେ ଶିବ ନାମ ଜପୁଛନ୍ତି।“ ଯେମିତି ଭାରତର ସବୁ ସମସ୍ୟା ଓ ସଙ୍କଟ ସେହି ଗୁମ୍ଫାରେ ହିଁ ଆଜି ରାତିରେ…
ସମୀକ୍ଷା ବ୍ୟୁରୋ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ କ୍ୟାବିନେଟର ଗୁରୁତ୍ବପୂର୍ଣ୍ଣ ବୈଠକ ରାଜ୍ୟ ସଚିବାଳୟରେ ବସିଥିଲା। ଏଥିରେ ବାତ୍ୟା ଫନି କ୍ଷୟକ୍ଷତି ପାଇଁ କରାଯାଇଥିବା ବିଭିନ୍ନ ଅନୁଦାନ ଉପରେ କ୍ୟାବିନେଟ ଅନୁମୋଦନ କରାଯାଇଥିଲା। ତେବେ ସବୁଠାରୁ ଗୁରୁତ୍ବ ପୂର୍ଣ୍ଣ କଥା ହେଲା ପଞ୍ଚଦଶ ବିଧାନସଭା ଭଙ୍ଗ ପାଇଁ କ୍ୟାବିନେଟର ଅନୁମୋଦନ। ଆଜି ଏହି ବୈଠକରେ ପ୍ରଥମେ ପଞ୍ଚଦଶ ବିଧାନସଭା ଭାଙ୍ଗିବା ପାଇଁ କ୍ୟାବିନେଟ ଅନୁମୋଦନ ମଗାଯାଇଥିଲା। ଏଥିରେ କ୍ୟାବିନେଟ ଅନୁମୋଦନ ଦେବା ପରେ ତାହା ରାଜ୍ୟପାଳଙ୍କ ନିକଟକୁ ପଠାଯିବ। ନିୟମ ଅନୁସାରେ ବିଧାନସଭା କାର୍ଯ୍ୟକାଳ ସରିବା ପୂର୍ବରୁ ନିର୍ବାଚନ ଅନୁଷ୍ଠିତ ହୋଇଥାଏ। ନିର୍ବାଚନ ସରିବା ପରେ ଅର୍ଥାତ ନୂଆ ସରକାର ଘୋଷଣା ପୂର୍ବରୁ ପୁରୁଣା ସରକାର ଭାଙ୍ଗିବା ପାଇଁ କ୍ୟାବିନେଟ ଅନୁମୋଦନ କରିଥାନ୍ତି। ସେହି ଅନୁସାରେ ପୁରୁଣା ସରକାର ଭାଙ୍ଗି ନୂଆ ବିଧାନସଭା ଗଠନ ପାଇଁ ଏହି ବ୍ୟବସ୍ଥା ରହିଛି। ବର୍ତ୍ତମାନ ନୂଆ ସରକାର ଗଠନ ପର୍ଯ୍ୟନ୍ତ ନବୀନ ପଟ୍ଟନାୟକ…
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଘଟଣା କ୍ରମେ କେଦାରନାଥ ଯାଇ ଧ୍ୟାନ କରିବା ବର୍ତ୍ତମାନ ସବୁ ଗଣମାଧ୍ୟମର ଏକ ଚର୍ଚ୍ଚାର କେନ୍ଦ୍ର ପାଲଟିଛି। ରବିବାର ଦିନ ସକାଳୁ ଦେଶର ଶେଷ ପର୍ଯ୍ୟାୟ ଭୋଟ ଗ୍ରହଣ ହେବ। ଏହା ପୂର୍ବରୁ ମୋଦିଙ୍କ ଏପରି ମୁଦ୍ରାରେ ବସିବା ତାଙ୍କ ପ୍ରଶଂସକଙ୍କୁ ବେଶ୍ ଉତ୍ସାହିତ କରିଛି। ହେଲେ ସମାଲୋଚକ କିନ୍ତୁ ଏହାକୁ ଭିନ୍ନ ଦୃଷ୍ଟିରେ ଦେଖିଛନ୍ତି। ପୂର୍ବ ପର୍ଯ୍ୟାୟ ନିର୍ବାଚନଗୁଡିକରେ ମୋଦି ଯେପରି ସଫଳତା ହାସଲ କରିବା କଥା ତାହା ହୋଇପାରି ନାହିଁ। ଶେଷ ପର୍ଯ୍ୟାୟ ତାଙ୍କ ପାଇଁ ସାହାଭରସା ଭାବି ମୋଦି ଦେବଦେବ ମହାଦେବଙ୍କ ଶରଣ ପଶିଛନ୍ତି ବୋଲି ଆଲୋଚନା ହେଉଛି। ମୁଖ୍ୟତଃ ଏପରି କଷ୍ଟଦାୟକ ଧ୍ୟାନ କରିବା ଦ୍ବାରା କିଛି ସହାନୁଭୂତି ଭୋଟ ମିଳିଯିବ ଭାବି ମୋଦି ଏହା କରିଛନ୍ତି ବୋଲି ସମାଲୋଚକଙ୍କ ମତ। ଶନିବାର ଦିନ ମୋଦି କେଦାରନାଥ ମନ୍ଦିରରେ ପହଁଚିବା ପରେ ସେ ଚାଲିଚାଲି ଦୁଇ କିଲୋମିଟର ରାସ୍ତାର ପାହାଡ…
ସରୋଜ ଜେନା ୧୯୮୩ରେ ଅନୁଷ୍ଠିତ କ୍ରିକେଟ୍ ବିଶ୍ବକପ୍ରେ ଇତିହାସ ରଚିଥିଲା କପିଳ ଦେବଙ୍କ ଭାରତୀୟ ଦଳ। ବିଶ୍ବକପ୍ର ଏହି ତୃତୀୟ ସଂସ୍କରଣରେ ଦୁଇ ଦୁଇ ଥର ବିଶ୍ବ ଚାମ୍ପିୟନ୍ ଓ୍ବେଷ୍ଟ ଇଣ୍ଡିଜ୍କୁ ପରାସ୍ତ କରି ଭାରତ ଇତିହାସ ରଚିଥିଲା। ବିଶ୍ବକପ୍ ଇତିହାସରେ ନିଜର ପ୍ରଥମ ଟ୍ରଫି ହାତେଇଥିଲା କପିଳ ଦେବଙ୍କ ଏହି ଦଳ। ପ୍ରଥମ ଦୁଇ ବିଶ୍ବକପ୍ ପରି ଏହି ବିଶ୍ବକପ୍ ମଧ୍ୟ ଇଂଲଣ୍ଡରେ ଅନୁଷ୍ଠିତ ହୋଇଥିଲା। ଜୁନ୍ ୯ରୁ ୨୫ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା ଏହି ବିଶ୍ବକପ୍। ଟୁର୍ଣ୍ଣାମେଣ୍ଟ ଆରମ୍ଭରୁ ଡାର୍କହର୍ସର ମାନ୍ୟତା ପାଇଥିବା ଭାରତୀୟ ଦଳର ନେତୃତ୍ବ ନେଉଥିଲେ ଯୁବ କପିଳ ଦେବ। ମାତ୍ର ସମସ୍ତଙ୍କୁ ଆଚମ୍ବିତ କରି ଦୁର୍ଦ୍ଦଷ ଇଣ୍ଡିଜ୍କୁ ପରାସ୍ତ କରି କୌଣସି ଅନ୍ତର୍ଜାତୀୟ ପ୍ଲାଟଫର୍ମରେ ଦଳକୁ ପ୍ରଥମ ଟ୍ରଫି ଜିତାଇଥିଲେ ହରିୟାଣା ହରିକେନ୍ କପିଳ ଦେବ। ଟୁର୍ଣ୍ଣାମେଣ୍ଟରେ ୮ଟି ଦଳ ଅଂଶଗ୍ରହଣ କରିଥିବା ବେଳେ ୭ଟି ଟେଷ୍ଟ ଖେଳୁଥିବା ରାଷ୍ଟ୍ର ଏବଂ ଜିମ୍ବାଓ୍ବେ ଏକମାତ୍ର…
ଆସନ୍ତାକାଲି ଗଣତନ୍ତ୍ରର ମହାନ ପର୍ବ ନିର୍ବାଚନର ଅନ୍ତିମ ପର୍ଯ୍ୟାୟ ଅନୁଷ୍ଠିତ ହେବ । ୨୦୧୯ ଲୋକସଭାର ସପ୍ତମ ତଥା ଶେଷ ପର୍ଯ୍ୟାୟରେ ୫୯ଟି ଆସନ ପାଇଁ ମତଦାନ ଅନୁଷ୍ଠିତ ହେବ । ପଞ୍ଜାବ ଓ ଉତ୍ତର ପ୍ରଦେଶର ୧୩ଟି ଲେଖାଏଁ ଆସନ ପାଇଁ ଭୋଟ୍ ହେଉଥିବା ବେଳେ ପଶ୍ଚିମବଙ୍ଗରେ ୯ଟି, ବିହାର ଓ ମଧ୍ୟପ୍ରଦେଶର ୮ଟି ଲେଖାଏଁ, ହିମାଚଳ ପ୍ରଦେଶର ୪, ଝାଡ଼ଖଣ୍ଡର ୩ ଏବଂ ଚଣ୍ଡିଗଡ଼ର ଗୋଟିଏ ଆସନରେ ମତଦାନ ହେଉଛି। ଗତକାଲି ୯୧୮ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ପ୍ରାୟ ୬ କୋଟିରୁ ଅଧିକ ଭୋଟର। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଶତ୍ରୁଘ୍ନ ସିହ୍ନା, ରବିଶଙ୍କର ପ୍ରସାଦ, ସନ୍ନି ଦେଓଲଙ୍କ ପରି ହେଭିଓ୍ବେଟ୍ଙ୍କ ଭାଗ୍ୟ ପରୀକ୍ଷା କରାଯିବ । ବାରାଣାସୀରୁ ମୋଦି ନିର୍ବାଚନ ଲଢୁଥିବାବେଳେ ତାଙ୍କ ବିରୋଧରେ ପ୍ରାର୍ଥୀ ହୋଇଛନ୍ତି ସପା ତରଫରୁ ଶାଳିନୀ ଯାଦବ ଓ କଂଗ୍ରେସ ତରଫରୁ ଅଜୟ ରାୟ । ସେହିପରି ପାଟନା ସାହିବରୁ…
ଆଚାର ସଂହିତା ଉଲ୍ଲଂଘନ ଆରୋପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କ୍ଲିନ୍ ଚିଟ୍ ଦେବା ଘଟଣାରେ ନିର୍ବାଚନ କମିଶନଙ୍କ ମତଭେଦକୁ ନେଇ କଂଗ୍ରେସ ଆଜି ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ୍ କରିଛି । ମୁଖ୍ୟ ନିର୍ବାଚନ କମିଶନଙ୍କ ଅଧ୍ୟକ୍ଷତାରେ ଆୟୋଜିତ ବୈଠକକୁ ବର୍ଜନ କରିଛନ୍ତି ନିର୍ବାଚନ କମିଶନର ଅଶୋକ ଲାଭାସ । ଏହାକୁ ନେଇ କଂଗ୍ରେସ ଆଜି ମୋଦି ସରକାରଙ୍କର କଡ଼ା ସମାଲୋଚନା କରି ଦେଶର ସାମ୍ବିଧାନିକ ସଂସ୍ଥା ମଧ୍ୟ ମୋଦି ସରକାରଙ୍କର ହାତର କଣ୍ଡେଇ ହୋଇଯାଇଛନ୍ତି ବୋଲି କହିଛି । ଦଳର ମୁଖ୍ୟ ପ୍ରବକ୍ତା ରଣଦୀପ ସୁର୍ଜେଓ୍ବାଲା ବୟାନ ଦେଇ କହିଛନ୍ତି ଯେ, ଏହା ହେଉଛି ଲୋକତନ୍ତ୍ର ପାଇଁ କଳାଦିବସ । ସୁର୍ଜେଓ୍ବାଲା ମୋଦି ଶାହାଙ୍କ ଉପରେ ଆରୋପ ଲଗାଇ କହିଛନ୍ତି ଯେ, ସାମ୍ବିଧାନିକ ସଂସ୍ଥା ହୋଇଥିବା ସ୍ଥଳେ ଅଳ୍ପ ମତକୁ ମଧ୍ୟ ରେକର୍ଡଭୁକ୍ତ କରାଯାଏ, କିନ୍ତୁ ମୋଦି ଶାହା ଯୋଡ଼ିଙ୍କୁ ବଞ୍ଚାଇବା ଉଦ୍ଦେଶ୍ୟରେ ଏହି ନିୟମରେ ଅବହେଳା କରାଯାଇଛି । ମୋଦି…
ବଲିଉଡ୍ ଅଭିନେତା ଭିକି କୌଶଲ ଟାଇମ୍ ମାଗାଜିନ୍ର ମୋଷ୍ଟ ଡିଜାରେବଲ୍ ମେନ୍ ତାଲିକାରେ ଏକ ନମ୍ବର ସ୍ଥାନରେ ରହିଛନ୍ତି । ଟାଇମ୍ ମାଗାଜିନ୍ ପକ୍ଷରୁ ଏକ ଅନ୍ଲାଇନ୍ ପୋଲ୍ ଏବଂ ଭୋଟିଂ ଜରିଆରେ ଏହି ସର୍ବେକ୍ଷଣ କରାଯାଇଛି । ଏହି ତାଲିକାରେ ଏକ ନମ୍ବର ସ୍ଥାନ ହାସଲ କରିଥିବାରୁ ନିଜର ଫ୍ୟାନ୍ ମାନଙ୍କୁ ଧନ୍ୟବାଦ ଜଣାଇଛନ୍ତି ଭିକି କୌଶଲ । ଫିଲ୍ମ ରାଜି ଏବଂ ଉରି : ଦ ସର୍ଜିକାଲ୍ ଷ୍ଟ୍ରାଇକ୍ର ସଫଳତା ପରେ ଏହି ତାଲିକାରେ ଶୀର୍ଷ ସ୍ଥାନ ଅଧିକାର କରିଛନ୍ତି ଭିକି । ତାଲିକାର ଦ୍ବିତୀୟ ସ୍ଥାନରେ ରହିଛନ୍ତି ଫୁଟବଲର ପ୍ରଥମେଶ ମୌଲିଙ୍ଗକର । ରଣବୀର ସିଂ ପଦ୍ମାବତ ଏବଂ ସିମ୍ବାର ସଫଳତା ପରେ ଏହି ତାଲିକାରେ ତୃତୀୟ ସ୍ଥାନରେ ରହିଛନ୍ତି । ଚତୁର୍ଥ ସ୍ଥାନରେ ରହିଛନ୍ତି ତେଲୁଗୁ ହାର୍ଟଥ୍ରୋବ୍ ବିଜୟ ସାଇ ଦେବରକୋଣ୍ଡା । ଫିଲ୍ମ ଗୀତା ଗୋବିନ୍ଦମ ଏବଂ ଟ୍ୟାକ୍ସିଓ୍ବାଲାର ସଫଳତା ପରେ ଏହି ତାଲିକାରେ…
ଆଣ୍ଡାମାନ ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ । ଏହାର ପ୍ରଭାବରେ ଦକ୍ଷିଣ ଆଣ୍ଡାମାନରେ କିଛି ଅଂଚଳରେ ବର୍ଷା ହେବ । ତେବେ ମୌସୁମୀ ସମ୍ପୁର୍ଣ୍ଣ ଆଣ୍ଡାମାନକୁ ଛୁଇଁବାକୁ ଆସନ୍ତା ୩ରୁ ୪ ଦିନ ସମୟ ଲାଗିବ । ଆଇଏମଡି ଆକଳନ ଅନୁଯାୟୀ, ମୌସୁମୀ ଜୁନ ୬ରେ କେରଳ ଛୁଇଁପାରେ । ଆସନ୍ତା ଜୁନ୍ ୧୦ରେ ମୌସୁମୀ ଓଡ଼ିଶା ଉପକୂଳ ଛୁଇଁପାରେ ବୋଲି ସୂଚନା ରହିଥିଲା, କିନ୍ତୁ ଏବେ ବିଳମ୍ବରେ ଓଡ଼ିଶାକୁ ଛୁଇଁବ ବୋଲି ପାଣିପାଗ ବିଭାଗ କହିଛି । ତେବେ ରାଜ୍ୟରେ ପ୍ରବଳ ଗ୍ରୀଷ୍ମ ଲହରି ଜାରି ରହିଛି । ଆଉ ୩ଦିନ ପାଇଁ ରାଜ୍ୟରେ ହିଟ୍ ୱେଭ୍ ରହିବା ସହ ଅପରାହ୍ନରେ କାଳବୈଶାଖୀ ହେବାର ସମ୍ଭାବନା ରହିଛି ବୋଲି ଭୁବନେଶ୍ୱର ପାଣିପାଗ ପକ୍ଷରୁ ସୂଚନା ଦିଆଯାଇଛି ।
ଭାରତୀୟ ଅଧିନାୟକ ବିରାଟ କୋହଲି ଏବଂ ଓ୍ବିକେଟ ରକ୍ଷକ ଋଷଭ ପନ୍ତଙ୍କୁ ସମାଲୋଚନା କରିଛନ୍ତି ପୂର୍ବତନ ଅଷ୍ଟ୍ରେଲିଆ କ୍ରିକେଟର ବ୍ରାଡ ହଜ୍। ହିମାଳୟ କମ୍ପାନୀର ଏକ ତ୍ବଚା ଉତ୍ପାଦର ବିଜ୍ଞାପନରେ ଉଭୟ ଖେଳାଳି ନଜର ଆସିଛନ୍ତି। ଏହି ବିଜ୍ଞାପନକୁ ନିଜର ଟ୍ବିଟ୍ଟର ପେଜ୍ରେ କୋହ୍ଲି ସେୟାର କରିବା ପରେ ଏହାକୁ ନେଇ ମିଶ୍ରିତ ପ୍ରତିକ୍ରିୟା ମିଳିଥିଲା। କିଛି ଲୋକ ଏହାକୁ ସମର୍ଥନ କରିଥିବା ବେଳେ କିଛି ଏହାର ବିରୋଧ କରିଥିଲେ। ତେବେ ହଜ୍ ଏହି ଟ୍ବିଟ୍ ଉପରେ ନିଜର ପ୍ରତିକ୍ରିୟା ରଖି କହିଥିଲେ ‘ ଏହା ଅତ୍ୟନ୍ତ ଚମତ୍କାର କି, ପଇସା ପାଇଁ ଲୋକ କିଛି ବି କରି ପାରନ୍ତି’। ଏହି ମନ୍ତବ୍ୟ ପରେ କୋହଲିଙ୍କ ସମର୍ଥକ ମାନେ ହଜ୍ଙ୍କୁ ଆକ୍ରମଣ କରିଥିଲେ। ହଜ୍ ପରେ ଅନ୍ୟ ଏକ ମେସେଜ୍ରେ ତାଙ୍କ ମନ୍ତବ୍ୟର ଅଲଗା ଅର୍ଥ ବାହାର କରାଯାଇଛି ବୋଲି ଲେଖିଥିଲେ। ଏହି ମାମଲା ଉପରେ ମନ୍ତବ୍ୟ ରଖି ଉଭୟ କୋହଲି…
ଆସନ୍ତା କାଲି ବା ରବିବାର ଠାରୁ ଆରମ୍ଭ ହେବାକୁ ଯାଊଛି ସୁଦିର୍ମାନ କପ୍ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ। ଚୀନ୍ରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରୁ ପ୍ରଥମ ପଦକ ଆଶା ରଖିଛି ଭାରତୀୟ ଦଳ। ଭାରତ ନିକଟରେ ଏହାର ଷ୍ଟାର ସଟ୍ଲର ପିଭି ସିନ୍ଧୁ ଏବଂ ସାଇନା ନେହ୍ବାଲ ରହିଥିବା ବେଳେ ପୁରୁଷ ବିଭାଗରେ କିଦାମ୍ବି ଶ୍ରୀକାନ୍ତ ଏବଂ ସମୀର ବର୍ମା ଦଳର ମଙ୍ଗ ସମ୍ଭାଳିବେ । ପୂର୍ବରୁ ଦଳ ୨୦୧୧ ଏବଂ ୨୦୧୭ରେ କ୍ବାର୍ଟର ଫାଇନାଲ ପହଞ୍ଚିଥିଲେ ମଧ୍ୟ ଶେଷ 8 ବାଧା ଅତିକ୍ରମ କରିବାରେ ବିଫଳ ହୋଇଥିଲା । ଭାରତ ଏହାର ପ୍ରଥମ ମ୍ୟାଚ୍ରେ ମାଲେସିଆକୁ ଭେଟିବ। ମାଲେସିଆ ଶେଷ ଥର ପାଇଁ ୨୦୦୯ରେ ସେମିଫାଇନାଲ୍କୁ ଉନ୍ନୀତ ହୋଇଥିଲା। ସୋମବାର ଦଳ ଚୀନ୍କୁ ଭେଟିବ। ଭାରତୀୟ ଦଳ : ଅଶ୍ବିନୀ ପୋନାପ୍ପା, ବି ସୁମିତ ରେଡ୍ଡୀ, ଚିରାଗ ସେଟ୍ଟୀ, ମନୁ ଅତ୍ରୀ, ମେଘନା ଜକ୍କାମପୁଡି, ଏନ୍ ସିକ୍କି ରେଡ୍ଡୀ, ପି…
ପୁରୀରେ ବାତ୍ୟା ଫନି କ୍ଷୟକ୍ଷତିକୁ ଦୂର କରି ପୂର୍ବ ପରିସ୍ଥିତିକୁ ସ୍ୱାଭାବିକ କରିବା ପାଇଁ କାର୍ଯ୍ୟକ୍ରମକୁ ତ୍ୱରାନ୍ୱିତ କରାଯାଇଛି । ଏହି ସମୟରେ କାର୍ଯ୍ୟରେ ଅବହେଳା ପ୍ରଦର୍ଶନ କରିବାରୁ ଆଜି ଚାରିଜଣ ସ୍ୱାସ୍ଥ୍ୟବିଭାଗ କର୍ମଚାରୀଙ୍କୁ ନିଲମ୍ବନ ସହ ଜଣଙ୍କୁ ବଦଳି କରାଯାଇଛି । ବାତ୍ୟା ପରବର୍ତ୍ତୀ କାର୍ଯ୍ୟ ଚାଲିଥିବା ବେଳେ କାର୍ଯ୍ୟରେ ଅବହେଳା କରିବାରୁ ପୁରୀ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ରାମଚନ୍ଦ୍ର ରାଉତଙ୍କୁ ବଦଳି କରାଯାଇ ତାଙ୍କ ସ୍ଥାନରେ ଡାକ୍ତର ଅମରେନ୍ଦ୍ର ନାଥ ମହାନ୍ତିଙ୍କୁ ନୂଆ ସିଡିଏମଓ ଭାବେ ନିଯୁକ୍ତି ଦିଆଯାଇଛି । ନିଲମ୍ବିତ ହୋଇଥିବା ଚାରି ଡାକ୍ତରଙ୍କ ମଧ୍ୟରେ ରହିଛନ୍ତି ଚିଲିକା ନୂଆପଡ଼ାର ଜାକେଶ ସାମନ୍ତରାୟ ଓ ଡାକ୍ତର ଜାହାନା ପରୱିନ ଏବଂ ବ୍ରହ୍ମଗିରି ବେଣା ନୂଆଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ବାପୁଜୀ ନାୟକ ଓ ଡାକ୍ତର ଜସ୍ମିନ ନୀଳିମା ପଣ୍ଡା ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିର୍ବାଚନ କମିଶନ ଦେଇଥିବା କ୍ଲିନ ଚିଟକୁ ନେଇ ନିର୍ବାଚନ କମିଶନର ଅଶୋକ ଲାଭସା ନିର୍ବାଚନ କମିଶନଙ୍କ ବୈଠକରେ ଯୋଗଦେଇନାହାନ୍ତି। ଆଚରଣ ବିଧି ଉଲ୍ଲଂଘନ ନେଇ ମୁଖ୍ୟ ନିର୍ବାଚନ କମିଶନର ବୈଠକକୁ ଅଶୋକ ଲାଭସା ନ ଆସିବା ପରେ ନିର୍ବାଚନ କମିଶନଙ୍କ ତିନିଜଣିଆ କମିଟିରେ ମତଭେଦ କଥା ସାମ୍ନାକୁ ଆସିଛି। ନିର୍ବାଚନ କମିଶନ ନେଉଥିବା ଛୋଟ ନିଷ୍ପତ୍ତି ଗୁଡିକୁ ରେକର୍ଡ କରାଯାଉନାହିଁ ବୋଲି ଅଭିଯୋଗ ଆଣିଛନ୍ତି ଲାଭସା। ଏହା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ୬ ଥର ଆଦର୍ଶ ଆଚରଣ ବିଧି ଉଲ୍ଲଂଘନ ଅଭିଯୋଗ ହୋଇଥିବାବେଳେ ନିର୍ବାଚନ କମିଶନ ତାଙ୍କୁ କ୍ଲିନ୍ ଚିଟ୍ ଦେଇଥିଲେ, ଏହାକୁ ନେଇ ଅଶୋକ ଲାଭାସ ଅସେନ୍ତାଷ ରହିଥିଲେ। ସେହିପରି ଛୋଟ ଛୋଟ ନିଷ୍ପତ୍ତିକୁ ରେକର୍ଡ କରାଯିବା ପରେ ପରବର୍ତ୍ତୀ ବୈଠକରେ ଯୋଗ ଦେବେ ବୋଲି କହିଛନ୍ତି ଲାଭସା। ଲାଭସାଙ୍କ ବ୍ୟତିତ ମୁଖ୍ୟ ନିର୍ବାଚନ କମିଶନର ସୁନୀଲ ଅରୋରା ଏବଂ ସୁଶୀଲ ଚନ୍ଦ୍ରା…
ୟେ ରିସ୍ତା କ୍ୟା କହଲାତା ହୈରେ ଅକ୍ଷରା ଚରିତ୍ରରେ ଅଭିନୟ କରି ଅଭିନେତ୍ରୀ ହିନା ଖାନ୍ ଛୋଟ ପରଦାରେ ବେଶ୍ ସଫଳତା ସାଉଁଟିଥିଲେ । ଏହି ଲୋକପ୍ରିୟ ଟେଲି ଅଭିନେତ୍ରୀଜଣକ ତାଙ୍କର ବଲିଉଡ୍ କ୍ୟାରିଅର ଆରମ୍ଭ କରିବାକୁ ଯାଉଛନ୍ତି । ୭୨ତମ କାନ୍ସ ଫିଲ୍ମ ଫେଷ୍ଟିଭାଲ୍ରେ ତାଙ୍କର ବଲିଉଡ୍ ଫିଲ୍ମ ‘ଲାଇନ୍ସ’ ର ପୋଷ୍ଟର ରିଲିଜ୍ ହୋଇଛି । ଏହା ସହିତ ହିନା ପ୍ରଥମଥର ପାଇଁ କାନ୍ ଫିଲ୍ମୋତ୍ସବରେ ମଧ୍ୟ ପାଦ ରଖିଛନ୍ତି । ହିନା ତାଙ୍କର ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଏହି ଫିଲ୍ମର ପୋଷ୍ଟରକୁ ସେୟାର କରିବା ସହ ଏକ ଇମୋସନାଲ୍ ବାର୍ତ୍ତା ମଧ୍ୟ ଲେଖିଛନ୍ତି । ଏହି ଫିଲ୍ମକୁ ରାହତ କାଜ୍ମୀ, ତରିକ୍ ଖାନ୍ ଓ ଜେବା ସାଜିଦ୍ଙ୍କ ପ୍ରଯୋଜିତ ଏହି ଫିଲ୍ମରେ ହିନା ପୂରା ନୂଆ ଅବତାରରେ ନଜର ଆସିଛନ୍ତି । ଏହି ପୋଷ୍ଟରଟିରେ ପାରମ୍ପରିକ ବେଶଭୂଷାରେ ସଜ୍ଜିତ ହିନାଙ୍କ ସାମ୍ନାରେ ବର୍ଡରର ଲାଇନ୍ ଟଣା ହୋଇଛି ।…
ମାଓ ନେତା ସବ୍ୟସାଚୀ ପଣ୍ଡାଙ୍କୁ କୋର୍ଟ ଆଜୀବନ କାରାଦଣ୍ଡାଦେଶ ଶୁଣାଇଛି। ବ୍ରହ୍ମପୁର ଏଡିଜେ-୧ ଏହି ରାୟ ଶୁଣାଇଛନ୍ତି। ଏନେଇ ସରକାରୀ ଓକିଲ ଜ୍ଞାନେନ୍ଦ୍ର ଜେନା ସୂଚନା ଦେଇ କହିଛନ୍ତି, ଆଇପିସି ଧାରା ୧୨୧ ଅନୁସାରେ ସବ୍ୟସାଚୀଙ୍କୁ ଦେଶଦ୍ରୋହ ଅପରାଧରେ ଆଜୀବନ ସଜା ଦିଆଯାଇଛି। ବିଭିନ୍ନ ନକ୍ସଲ କାର୍ଯ୍ୟକଳାପରେ ସଂପୃକ୍ତ ଥିବା ସବ୍ୟସାଚୀ ୨୦୧୪ ଜୁଲାଇ ୧୭ ତାରିଖରେ ଗିରଫ ହୋଇଥିଲେ। ପୁଲିସ୍ ତାଙ୍କୁ ବ୍ରହ୍ମପୁର ମଙ୍ଗଳବାରପେଟା ସାହିରୁ ମଧ୍ୟରାତ୍ରିରେ ଗିରଫ କରିଥିଲା। ଗିରଫ ବେଳେ ତାଙ୍କ ଠାରୁ ଟଙ୍କାସୁନା ସହ ମାରଣାସ୍ତ୍ର ଜବତ କରାଯାଇଥିଲା। ପୂର୍ବରୁ ସେ ୫୨ଟି ମାମଲାରେ ଖଲାସ ହୋଇଥିଲେ। ଏହି କାରାଦଣ୍ଡାଦେଶ ଉପରେ ଉପର କୋର୍ଟକୁ ଯିବେ ବୋଲି ସବ୍ୟସାଚୀଙ୍କ ଓକିଲ କହିଛନ୍ତି ।
ଇସ୍ରୋ ଆଗାମୀ ଦିନରେ ୭ଟି ଅଲଗା ଗ୍ରହ ଏବଂ ସୌର ପରୀକ୍ଷଣ କରିବ ବୋଲି ଇସ୍ରୋ ଚେୟାରମ୍ୟାନ୍ କେଡି ଶିବନ ପ୍ରକାଶ କରିଛନ୍ତି । ଭାରତୀୟ ମହାକାଶ ଯାନ ଇତିହାସରେ ଆଉ ଏକ ଇତିହାସ ରଚିବାର ପଦକ୍ଷେପ ସ୍ବରୂପ ଚନ୍ଦ୍ରଯାନ-୨ ପ୍ରକଳ୍ପ ଆସନ୍ତା ଜୁଲାଇ ଦ୍ବିତୀୟ ସପ୍ତାହ ସୁଦ୍ଧା ଆରମ୍ଭ ହେବାକୁ ଯାଉଛି । ଏହି ପ୍ରକଳ୍ପରେ ଜିଏସ୍ଏଲ୍ଭି ଏମ୍କେ ୩ ରକେଟ୍ ବ୍ୟବହାର କରାଯିବ ବୋଲି ସୂଚନା ଦେଇଛନ୍ତି ଶିବନ୍ । ଭାରତୀୟ ସ୍କୁଲ ଛାତ୍ରଛାତ୍ରୀଙ୍କ ପାଇଁ ଉଦ୍ଦିଷ୍ଟ ବୈଜ୍ଞାନିକ କାର୍ଯ୍ୟକ୍ରମ ‘ୟୁବିକା’ ସମୟରେ ଏହି ମତ ରଖିଛନ୍ତି ଶିବନ୍ । ଚନ୍ଦ୍ରଯାନ ମିଶନକୁ ଅତ୍ୟନ୍ତ ଗୁରୁତ୍ବପୂର୍ଣ୍ଣ ବୋଲି ଅଭିହିତ କରିବା ସହିତ ଏହି ମିଶନ ସଫଳ ହେଲେ ଭାରତ ପ୍ରଥମ ଦେଶ ଭାବରେ ଚନ୍ଦ୍ରର ଦକ୍ଷିଣ ମେରୁରେ ପହଞ୍ଚିବାର ଉପଲବ୍ଧି ହାସଲ କରିବ ବୋଲି ଶିବନ କହିଛନ୍ତି । ସେହିପରି ଚନ୍ଦ୍ରଯାନ-୨ ପରେ ମଙ୍ଗଳର କକ୍ଷପଥ ନିମନ୍ତେ ଦ୍ବିତୀୟ…
