ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜର ପ୍ରଥମ ବିଦେଶ ଗସ୍ତରେ ମାଳଦ୍ବୀପ ଏବଂ ଶ୍ରୀଲଙ୍କା ଗସ୍ତ କରିଥିଲେ । ଗତକାଲି ମାଳଦ୍ବୀପ ଗସ୍ତ କରିବା ପରେ ଦ୍ବିତୀୟ ଦିନରେ ଶ୍ରୀଲଙ୍କା ଗସ୍ତ କରିଛନ୍ତି ମୋଦି । ପ୍ରଥମ ବିଶ୍ବ ନେତୃତ୍ବ ଭାବରେ ଇଷ୍ଟର ବିସ୍ଫୋରଣ ପରେ ଶ୍ରୀଲଙ୍କା ଗସ୍ତ କରିଛନ୍ତି ପ୍ରଧାନମନ୍ତ୍ରୀ ମୋଦି । ପ୍ରଧାନମନ୍ତ୍ରୀ ମୋଦିଙ୍କୁ ଶ୍ରୀଲଙ୍କା ପ୍ରଧାନମନ୍ତ୍ରୀର ରାନିଲ ବିକ୍ରମସିଂଘେ ବିମାନବନ୍ଦରରୁ ପାଛୋଟି ନେଇଥିଲେ । ଏହାପରେ ମୋଦି ଇଷ୍ଟର ଆକ୍ରମଣରେ ପ୍ରାଣ ହରାଇଥିବା ବ୍ୟକ୍ତିଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଆଜି ଶ୍ରୀଲଙ୍କା ରାଷ୍ଟ୍ରପତି ମୈତ୍ରିପାଲା ସିରିସେନା ଏବଂ ପୂର୍ବତନ ରାଷ୍ଟ୍ରପତି ମହିନ୍ଦ୍ରା ରାଜପାକ୍ଷେଙ୍କୁ ଭେଟିବେ ମୋଦି ।
Author: Samikhsya Bureau
ଜାତୀୟ ଶିକ୍ଷାନୀତି 2019କୁ ନେଇ ବିବାଦ ଦେଖାଯିବା ପରେ କେନ୍ଦ୍ର ସରକାର ଏଥିରେ ସଂଶୋଧନ କରିଥିଲେ । ନୂତନ ସୂଚନା ଅନୁଯାୟୀ କେନ୍ଦ୍ର ମାନବ ସମ୍ବଳ ମନ୍ତ୍ରାଳୟ ଏହି ଶିକ୍ଷା ନୀତି ନେଇ ଏକ ଆନ୍ତଃରାଜ୍ୟ ବୈଠକ ଆୟୋଜନ କରିଛି । କେନ୍ଦ୍ର ମାନବ ସମ୍ବଳ ମନ୍ତ୍ରୀ ରମେଶ ପୋଖରିୟାଲ ନିଶଙ୍କଙ୍କ ଅଧ୍ୟକ୍ଷତାରେ ବସିବାକୁ ଥିବା ବୈଠକରେ ସମସ୍ତ ରାଜ୍ୟର ଶିକ୍ଷାମନ୍ତ୍ରୀ ମାନେ ଯୋଗ ଦେଇ ନିଜର ମତାମତ ରଖିବେ । ଜୁନ୍ 22 ତାରିଖରେ ଏହି ବୈଠକ ଅନୁଷ୍ଠିତ ହେବ । ବୈଠକରେ ମିଳିଥିବା ମତାମତ ଏବଂ ଜନ ସାଧାରଣଙ୍କ ମତାମତ ପରେ ଶିକ୍ଷାନୀତିର ସଂଶୋଧନ କରାଯିବ ବୋଲି ଜଣାପଡିଛି । ଜନସାଧାରଣଙ୍କ ମତାମତ ପାଇଁ ମାନବ ସମ୍ବଳ ବିଭାଗର ଓ୍ବେବ୍ସାଇଟ୍ରେ ମତାମତର ସୁବିଧା ରଖାଯାଇଛି । ଜନ ସାଧାରଣଙ୍କ ମତାମତ ପରେ ଜୁଲାଇରେ ଏହି ବିଲ୍କୁ ସଂସଦରେ ଉପସ୍ଥାପନ କରାଯିବ ।
୧୯୮୫ ମସିହା ଜୁନ୍ ୯ ତାରିଖରେ ଜନ୍ମ ହୋଇଥିଲେ ଅଭିନେତ୍ରୀ ସୋନମ୍ କପୁର୍। ବଲିଉଡ୍ର ଜଣେ ଆଗଧାଡ଼ିର ଅଭିନେତ୍ରୀ ରୂପେ ସୋନମ୍ ନିଜର ଏକ ପରିଚୟ ତିଆରି କରିପାରିଛନ୍ତି। ପିତା ଅନିଲ୍ କପୁର୍ଙ୍କ ପଦାଙ୍କ ଅନୁସରଣ କରି ସୋନମ୍ ବଲିଉଡ୍ରେ ପାଦ ଥାପିଥିଲେ । ୨୦୦୫ ମସିହାରେ ସଞ୍ଜୟ ଲୀଲା ଭନ୍ସାଲୀଙ୍କ ‘ବ୍ଲାକ୍’ ସିନେମାରେ ସହଯୋଗୀ ନିର୍ଦ୍ଦେଶିକା ରୂପେ ଫିଲ୍ମ ଦୁନିଆକୁ ପ୍ରବେଶ କରିଥିଲେ। ୨୦୦୭ ମସିହାରେ ସଞ୍ଜୟ ଲୀଲା ଭନ୍ସାଲୀଙ୍କ ‘ସାଓ୍ବାରିଆ’ରେ ବଲିଉଡ୍ରେ ଡେବ୍ୟୁ କରିଥିଲେ। ସେ ଏହି ଫିଲ୍ମ ପାଇଁ ଫିଲ୍ମଫେୟାର୍ ନବାଗତାର ପୁରସ୍କାର ଲାଭ କରିଥିଲେ । ପରବର୍ତ୍ତୀ ସମୟରେ ସୋନମ୍ ‘ଆଇ ହେଟ୍ ଲଭ୍ଷ୍ଟୋରିଜ୍’, ‘ଦିଲ୍ଲୀ-୬’, ‘ଆୟେଶା’, ‘ମାସୁମ୍’, ’ଭାଗ୍ ମିଲ୍କା ଭାଗ୍’, ‘ଥ୍ୟାକୟୁ’, ‘ପ୍ଲେୟର୍ସ’ ‘ରାଂଝାନା, ‘ଖୁବ୍ସୁରତ୍’, ‘’ଡଲି କି ଡୋଲି’, ‘’ପ୍ରେମ ରତନ୍ ଧନ ପାୟୋ’, ‘ସଂଜୁ’, ‘ନୀରଜା’, ‘ବୀରେ ଦ ଓ୍ବେଡିଂ’ ’ଏକ୍ ଲଡ୍କୀ କୋ ଦେଖା ତୋ ଐସା ଲଗା’…
ଅଲଓ୍ବାର ଗ୍ୟାଙ୍ଗ ରେପ୍ ମାମଲାରେ ସମସ୍ତ ପୋଲିସ୍ ଅଧିକାରୀଙ୍କ ବିପକ୍ଷରେ କାର୍ଯ୍ୟାନୁଷ୍ଠାନ ଗ୍ରହଣ କରିବାର ନିଷ୍ପତ୍ତି ନେଇଛନ୍ତି ରାଜସ୍ଥାନ ସରକାର । ଏହି ଗଣଧର୍ଷଣ ମାମଲାରେ ଥାନାଗାଜି ପୋଲିସ୍ ଷ୍ଟେସନ୍ର ସମସ୍ତ ଅଧିକାରୀଙ୍କ ବିପକ୍ଷରେ କାର୍ଯ୍ୟାନୁଷ୍ଠାନ ନେବାକୁ ଘୋଷଣା କରିଛନ୍ତି ରାଜସ୍ଥାନ ସରକାର । ପୂର୍ବରୁ ଥାନାଗାଜି ପୋଲିସ୍ ଷ୍ଟେସନ୍ର ଥାନା ମୁଖ୍ୟ ସର୍ଦ୍ଦାର ସିଂଙ୍କୁ ନିଲମ୍ବନ କରାଯାଇଛି । ଥାନାଗାଜି ପୋଲିସ୍ ଥାନାର ସମସ୍ତ କର୍ମଚାରୀଙ୍କ ବିରୋଧରେ ଦାୟିତ୍ବରେ ଅବହେଳା ଅଭିଯୋଗରେ ସମସ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏପ୍ରିଲ୍ 26ରେ ଘଟିତ ହୋଇଥିବା ଗଣଧର୍ଷଣର ପୁନର୍ବାର ତଦନ୍ତ ଆଦେଶ ମଧ୍ୟ ଦେଇଛନ୍ତି ଜୟପୁର କମିଶନର । ସୂଚନାଯୋଗ୍ୟ ଯେ, ରାଜସ୍ଥାନର ଅଲଓ୍ବାରରେ ଜଣେ ଦଳିତ ମହିଳାଙ୍କୁ ତାଙ୍କ ସ୍ବାମୀଙ୍କ ସମ୍ମୁଖରେ ଗଣ ବଳାତ୍କାର କରାଯାଇଥିଲା । ସାତ ଦିନ ପର୍ଯ୍ୟନ୍ତ ପୋଲିସ୍ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା ।
ନିର୍ବାଚନ ପରେ ବି ପଶ୍ଚିମବଙ୍ଗରେ ରାଜନୈତିକ ହିଂସା ଥମିବାର ନାଁ ଧରୁନାହିଁ । ଉତ୍ତର ୨୪ ପ୍ରଗଣା ଜିଲ୍ଲାରେ ରାଜନୈତିକ ସଂଘର୍ଷରେ ଜଣେ ଟିଏମ୍ସି କର୍ମୀ ଓ ୩ ଜଣ ଭାଜପା କର୍ମୀଙ୍କ ମୃତ୍ୟୁ ହୋଇଛି । ଏହି ହିଂସା ଘଟଣାରେ ୫ରୁ ଅଧିକ ଲୋକ ଆହତ ହୋଇଛନ୍ତି । ଏହି ଘଟଣା ପରେ କେବଳ ପଶ୍ଚିମବଙ୍ଗ ନୁହେଁ ବରଂ ଦିଲ୍ଲୀର ମଧ୍ୟ ହଲ୍ଚଲ୍ ହୋଇଯାଇଛି । ବିଳମ୍ବିତ ରାତ୍ରିରେ ବିଜେପି ନେତା ମୁକୁଲ୍ ରାୟ ଗୃହ ମନ୍ତ୍ରୀ ତଥା ବିଜେପି ଅଧ୍ୟକ୍ଷ ଅମିତ୍ ଶାହାଙ୍କୁ ଏହି ଘଟଣା ସମ୍ପର୍କରେ ଅବଗତ କରାଇଥିଲେ । ଘଟଣାର ଗମ୍ଭୀରତାକୁ ଦେଖି ଗୃହମନ୍ତ୍ରୀ ଅମିତ୍ ଶହା ପଶ୍ଚିମ ବଙ୍ଗର ବିଜେପି ନେତାଙ୍କ ସହ ଫୋନ୍ରେ କଥାବାର୍ତ୍ତା କରିବା ସହିତ ଏହି ଘଟଣା ପାଇଁ ରାଜ୍ୟ ସରକାରଙ୍କୁ ଜବାବ ତଲାବ୍ କରିଛନ୍ତି । ଗୃହ ସଚିବ ରାଜୀବ ଗାବାଙ୍କୁ ପଶ୍ଚିମ ବଙ୍ଗଳର ମୁଖ୍ୟ ସଚିବଙ୍କୁ ପୂରା…
କଂଗ୍ରେସ ପକ୍ଷରୁ ଶନିବାର ଫରିଦାବାଦରେ ଏକ ଜମି ଦୁର୍ନୀତି ଅଭିଯୋଗ ଆଣିଛି କଂଗ୍ରେସ । ଦିଲ୍ଲୀର ବାହାରେ ରହିଥିବା ଏହି ସ୍ଥାନର 400 ଏକର ଜାଗାକୁ ପତଞ୍ଜଳି ଗ୍ରୁପ୍ ଏବଂ ଅନ୍ୟ କିଛି ଜମି ମାଫିଆ ମାଡି ବସିଥିବା ନେଇ ଅଭିଯୋଗ ଆଣିଛନ୍ତି କଂଗ୍ରେସ ମୁଖପାତ୍ର ପଓ୍ବନ୍ ଖେରା । ଆରାବଳୀ ପାର୍ବତ୍ୟାଞ୍ଚଳରେ ରହିଥିବା ଏହି 400 ଏକର ସ୍ଥାନକୁ ପାଓ୍ବାର ଅଫ୍ ଆଟର୍ଣ୍ଣି ଜରିଆରେ ନିଜ ନାମକୁ ନେଇଥିବା ଅଭିଯୋଗ ଆଣିଛନ୍ତି ପଓ୍ବନ୍ ଖେରା । ଏହି ଜମି ଗୁଡିକ ସମତଳ ଅଞ୍ଚଳ ବର୍ଗର ଏବଂ ଏହା ବିକ୍ରି ହେବା ଆଇନ ବିରୋଧୀ । 104ଟି ପାଓ୍ବାର ଅଫ୍ ଆଟର୍ଣ୍ଣି ଜରିଆରେ ଏହି ଜମିଗୁଡିକୁ ସ୍ଥାନାନ୍ତରିତ କରାଯାଇଛି । ଫରିଦାବାଦର କୋଟ ଗ୍ରାମରେ ଆରାବଳୀ ପାର୍ବତ୍ୟାଞ୍ଚଳରେ ଏହି ଜମି ଗୁଡିକ ରହିଛି । ଏହି ଜମିର 99 ପ୍ରତିଶତ ଜମି କିଣାଯିବା ପରେ ଏହାକୁ ଆଚାର୍ଯ୍ୟ ବାଳକ୍ରିଷ୍ଣାଙ୍କ ପତଞ୍ଜଳି ଟ୍ରଷ୍ଟ…
ନାଇଜେରିଆରେ ଏକ ସଡକ ଦୁର୍ଘଟଣାରେ ଅନ୍ୟୁନ ୧୮ ଜଣଙ୍କର ମୃତ୍ୟୁ ଘଟିଛି । ଏକ ଯାତ୍ରୀବାହୀ ବସ୍ ଏବଂ ଟ୍ରକ ମଧ୍ୟରେ ଏହି ଦୁର୍ଘଟଣା ଘଟିଛି । ନାଇଜେରିଆର ଓଣ୍ଡୋରେ ରହିଥିବା ଆକୁରେ-ଓୟୋ ଏକ୍ସପ୍ରେସ୍ ଓ୍ବେ ରାସ୍ତାରେ ଏହି ଦୁର୍ଘଟଣା ଘଟିଥିଲା । ଶନିବାର ସନ୍ଧ୍ୟା ସମୟରେ ଏହି ଦୁର୍ଘଟଣା ଘଟିଥିଲା । ପୋଲିସ୍ ମୁଖପାତ୍ର ଫେମି ଯୋଶେଫ୍ ଘଟଣାସ୍ଥଳରେ ମୃ୍ତ ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଇଛନ୍ତି । ରାସ୍ତାରେ ଏକ ଖାଲ ଥିବା ବେଳେ ଏଥିରୁ ବଞ୍ଚିବା ପାଇଁ ଟ୍ରକ୍ ଡ୍ରାଇଭର ବସ୍ ଆଡକୁ ମାଡି ଯାଇ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣା ପରେ ଉଭୟ ଗାଡିର ଡ୍ରାଇଭର ଘଟଣାସ୍ଥଳରୁ ଫେରାର ହୋଇ ଯାଇଥିଲେ । ଆହତ ମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଢେଙ୍କାନାଳର ଏକ ପରିତ୍ୟକ୍ତ ରାଇସ୍ ମିଲ୍ର କାନ୍ଥ ଭୁଷୁଡି 4 ଜଣଙ୍କର ମୃତ୍ୟୁ ଘଟିଥିବା ବେଳେ 5 ଜଣ ଆହତ ହୋଇଛନ୍ତି । ଓଡ୍ରାଫ୍ ଏବଂ ଅଗ୍ନିଶମ ବିଭାଗ ପକ୍ଷରୁ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଅଳସୁଆ ହାଟ ନିକଟରେ ରହିଥିବା ଏହି ରାଇସ୍ ମିଲ୍ଟି ଅନେକ ଦିନ ହେବ ପରିତ୍ୟକ୍ତ ଅବସ୍ଥାରେ ପଡିଥିଲା । ମିଲ୍ ନିକଟରେ ବ୍ୟବସାୟୀ ମାନେ ବସିଥିବା ବେଳେ ପାଚେରୀ ଭୁଷୁଡି ପଡିଥିଲା । ପାଚେରୀ ତଳେ ଅନେକ ଯାନବାହାନ ଏବଂ ମଣିଷ ଚାପି ହୋଇ ପଡି ରହିଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି । ଆହତ ମାନଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଡାକ୍ତର ତାମଧ୍ୟରୁ 4 ଜଣଙ୍କୁ ମୃତ ଘୋଷଣା କରିଛନ୍ତି ।
କେନ୍ଦୁଝର ଟାଉନ ଥାନା ଅଧୀନ ତୁଳସୀଚଉରା ଗ୍ରାମର ଏକ ବେଆଇନ ମୋରମ ଖଣିରେ ମୋରମ ବୋଝେଇ ସମୟରେ ଅତଡ଼ା ଧସି ଶନିବାର ଅପରାହ୍ଣ ପ୍ରାୟ ୫ଟାରେ ୩ଜଣ ଶ୍ରମିକଙ୍କ ଗଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଜଣେ ଶ୍ରମିକ ଗୁରୁତର ଅବସ୍ଥାରେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ଜଣାପଡିଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। ଟାଉନ ଥାନା ଅଧୀନ ଶିରିଷପାଳ ପଞ୍ଚାୟତ ତୁଳସୀଚଉରା ଗ୍ରାମରେ ଥିବା ଏକ ବେଆଇନ ମୋରମ ଖଣିରେ ଏକ ଟ୍ରାକ୍ଟର ଯୋଗେ ମୋରମ ବୋଝେଇ ହେଉଥିବା ବେଳେ ମୋରମ ଖଣି ଭିତରେ ଥିବା ୪ଜଣ ଶ୍ରମିକଙ୍କ ଉପରେ ହଠାତ୍ ମୋରମ ଅତଡା ଧସିଥିଲା। ଫଳରେ ଘଟଣାସ୍ଥଳରେ ୩ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଜଣେ ଶ୍ରମିକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ମୃତକ ମାନେ ବାଂଶପାଳ ବ୍ଲକ କାଞ୍ଜିପାଣି ଥାନା ଅଧିନ ତାଳପଦା ଗ୍ରାମର…
କେଦାର ମିଶ୍ର ଓଡିଶା ବିଜେପିରେ ଅନେକ ଗୋଷ୍ଠୀ ଓ ଅନେକ ଫାଟ- ଏତିକି ଶୁଣୁ ଶୁଣୁ ଭକ୍ତମଣ୍ଡଳୀ ପାଗଳା ହୋଇଯିବେ। ସେମାନଙ୍କ ମତରେ ଅନ୍ୟ ଦଳରେ ବହୁତ ସମସ୍ୟା ଓ ସଙ୍କଟ, ହେଲେ ବିଜେପି ବିଶୁଦ୍ଧ ଗଙ୍ଗାଜଳ! ତେବେ ରାଜ୍ୟ ବିଜେପି ଭିତରେ ଗୋଷ୍ଠୀ ବିବାଦ ଓ ଫାଟ ଯେତେ ଲୁଚେଇଲେ ବି ଲୁଚୁ ନାଇଁ। ମନ୍ତ୍ରୀ ଭାବରେ ଶପଥ ନେବା ପରେ ଗତକାଲି ଓଡିଶାର ଏକମାତ୍ର କେନ୍ଦ୍ର ରାଷ୍ଟ୍ରମନ୍ତ୍ରୀ ପ୍ରତାପ ଷଡଙ୍ଗୀ ଓ ମଧ୍ୟପ୍ରଦେଶରୁ ନିର୍ବାଚିତ ଓଡିଆ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ସ୍ଵାଗତ କରିବା ଲାଗି ଯେଉଁ ଯୋଜନା ହୋଇଥିଲା, ସେଥିରେ ବିଜେପିର ବିଜୟ ଉତ୍ସବ ଅପେକ୍ଷା ଦଳର ଗୋଷ୍ଠୀ କନ୍ଦଳ ଜଳ ଜଳ ଦେଖା ଯାଉଥିଲା। ବିମାନ ବନ୍ଦରରୁ ପୁରୀ ଓ ପୁରୀ ରୁ ପ୍ରଦର୍ଶନୀ ପଡିଆର ସମ୍ବର୍ଦ୍ଧନା ସଭା ଯାଏଁ ସବୁଠି ବିଜେପି ନେତାମାନଙ୍କ ଭିତରେ ମନୋମାଳିନ୍ୟର ସ୍ପଷ୍ଟ ଛବି ଦିଶୁଥିଲା। ବିମାନ ବନ୍ଦରରେ ଦଳର ଯୁବ…
ସମୀକ୍ଷା ବ୍ୟୁରୋ ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ପ୍ରତାପ ଷଡଙ୍ଗୀ ଦାୟିତ୍ବ ନେବା ପରେ ଓଡିଶାରେ ଉଭୟଙ୍କୁ ସ୍ବାଗତ କରାଯାଇଛି। ସକାଳେ ବିମାନବନ୍ଦରରେ ପହଁଚିବା ପରେ ସେଠାରେ ଦଳ ତରଫରୁ ସ୍ବାଗତ କରାଯାଇଥିଲା। ଏହାପରେ ଉଭୟ ପୁରୀ ଯାଇ ଜଗନ୍ନାଥ ଦର୍ଶନ କରିଥିଲେ। ସେଠାରେ ଦଳୀୟ ନେତାଙ୍କ ସହିତ ଆଲୋଚନା କରି ପୁରୀର ଫନି ବାତ୍ୟା ପରେ କିପରି କାମ କରାଯିବ ସେ ଉପରେ ଆଲୋଚନା କରିଥିଲେ। ଏହାପରେ ଅପରାହ୍ନରେ ଭୁବନେଶ୍ବରର ପ୍ରଦର୍ଶନୀ ପଡିଆରେ ବିରାଟ ସ୍ବାଗତ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା। ଏଥିରେ ଦୁଇ କେନ୍ଦ୍ରମନ୍ତ୍ରୀଙ୍କ ସହ ନବ ନିର୍ବାଚିତ ସାଂସଦ ଓ ବିଧାୟକଙ୍କୁ ମଧ୍ୟ ଅଭିନନ୍ଦନ ପ୍ରଦାନ କରାଯାଇଥିଲା। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସେହି ଚିରାଚରିତ ଢଙ୍ଗରେ ନବୀନ ଏବଂ ରାହୁଳ ଗାନ୍ଧୀଙ୍କୁ ସମାଲୋଚନା କରିଥିଲେ। ହେଲେ ଏହି ସମ୍ବର୍ଦ୍ଧନା ଉତ୍ସବକୁ ନେଇ ଯେତିକି ଚର୍ଚ୍ଚା ହେଉ ନ ଥିଲା ତାଠାରୁ ଢେର ଚର୍ଚ୍ଚା ହେଉଥିଲା ଏହି…
ବାଇକ୍ରେ ଘରକୁ ଫେରୁଥିବା ବେଳେ ଦୁଇ ଭାଇଙ୍କ ଉପରେ ଏକ ଗ୍ୟାସ ବୋଝେଇ ଟ୍ୟାଙ୍କର ମାଡ଼ିଯିବା ଯୋଗୁ ଉଭୟ ପ୍ରାଣ ହରାଇଛନ୍ତି। ଏପରି ମର୍ମନ୍ତୁଦ ସଡ଼କ ଦୁର୍ଘଟଣା ନୟାଗଡ଼ ଜିଲ୍ଲାରେ ଘଟିଛି। ନୂଆଗାଁ ଥାନା ଲୁଣିସରା ନିକଟରେ ଏହି ଦୁର୍ଘଟଣା ଘଟିଛି। ନୂଆଗାଁ ଥାନା ଅନ୍ତର୍ଗତ ସୋରଡ଼ା ଗାଁର ଦୁଇଜଣ ଭାଇ କାମ ସାରି ବାଇକ୍ରେ ଘରକୁ ଫେରୁଥିବା ବେଳେ ଲୁଣିସରା ନିକଟରେ ସମ୍ମୁଖରୁ ଆସୁଥିବା ଏକ ଗ୍ୟାସ ବୋଝେଇ ଟ୍ୟାଙ୍କର ସେମାନଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ଦୁହିଁଙ୍କର ମୃତ୍ୟୁ ଘଟିଥିଲା। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ପ୍ରବଳ ଉତ୍ତେଜନା ପ୍ରକାଶ ପାଇଥିଲା। କ୍ଷତିପୂରଣ ଦାବିରେ ଉତ୍ତ୍ୟକ୍ତ ଲୋକେ ଖୋର୍ଦ୍ଧା-ବଲାଙ୍ଗୀର ୫୭ନମ୍ବର ଜାତୀୟ ରାଜପଥକୁ ଲୁଣିସରାଠାରେ ଅବରୋଧ କରିଛନ୍ତି। ପୁଲିସ ଦୁର୍ଘଟଣା ଘଟାଇଥିବା ଟ୍ୟାଙ୍କରକୁ ଜବତ କରିଛି।
ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ନବ ନିର୍ବାଚିତ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ । ଅନ୍ୟ ୨୫ମନ୍ତ୍ରୀଙ୍କ ସହିତ ଜଗନ ଏହି ଶପଥ ଗ୍ରହଣ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଭେଲାଗାପୁଡିରେ ଅବସ୍ଥାପିତ ରାଜ୍ୟ ସଚିବାଳୟରେ ରାଜ୍ୟପାଳ ଇଏସ୍ଏଲ୍ ନରସିଂହ ରାଓ ଜଗନ ଏବଂ ଟିମ୍କୁ ଶପଥ ପାଠ କରାଇଥିଲେ । ନବଗଠିତ କ୍ୟାବିନେଟ୍ରେ ୫ ଜଣ ଉପମୁଖ୍ୟମନ୍ତ୍ରୀ ରହିଥିବା ବେଳେ ତିନି ଜଣ ମହିଳା ସ୍ଥାନ ପାଇଛନ୍ତି । ପ୍ରଥମ ଥର ପାଇଁ କୌଣସି ରାଜ୍ୟରେ ୫ଜଣ ଉପମୁଖ୍ୟମନ୍ତ୍ରୀ ସ୍ଥାନ ପାଇଛନ୍ତି । ପୂର୍ବରୁ ନିଜ କ୍ୟାବିନେଟ୍କୁ ପଛୁଆ ବର୍ଗଙ୍କ କ୍ୟାବିନେଟ୍ ବୋଲି ଅଭିହିତ କରିଥିବା ଜଗନ ପଛୁଆ ବର୍ଗର ୭ ଜଣ ବିଧାୟକଙ୍କୁ ନିଜ କ୍ୟାବିନେଟରେ ସାମିଲ କରିଛନ୍ତି । ଏହା ସହିତ ଅନୁସୂଚିତ ବର୍ଗର 5 ଜଣ, କାପୁ ଏବଂ ରେଡ୍ଡୀ ସମୁଦାୟରୁ ୪ ଜଣ ଏବଂ ଜନଜାତି ଏବଂ ସଂଖ୍ୟାଲଘୁ ସମ୍ପ୍ରଦାୟରୁ ଜଣେ…
୧୯୮୨ର ମହେଶ ଭଟ୍ଟଙ୍କ ଆଇକନିଙ୍ଗ୍ ଫିଲ୍ମ ‘ଅର୍ଥ’ର ରିମେକ୍ରେ ନଜର ଆସିବେ ସିଂହଳ ସୁନ୍ଦରୀ ଜ୍ୟାକଲିନ୍ ଫର୍ଣ୍ଣାଣ୍ଡେଜ୍ । ବଲିଉଡ୍ ଅଭିନତ୍ରୀ ଜ୍ୟାକଲିନ୍ ଏହି ଫିଲ୍ମରେ ସ୍ମିତା ପାଟିଲ୍ଙ୍କ ଭୂମିକାରେ ଅବତୀର୍ଣ୍ଣ ହେବେ । ମହେଶ ଭଟ୍ଟଙ୍କ ‘ଅର୍ଥ’ ଫିଲ୍ମରେ ସ୍ମିତା ପାଟିଲ୍, ଶାବନା ଆଜ୍ମୀ, କୁଳଭୂଷଣ ଖରବନ୍ଦା ପ୍ରମୁଖ ଅଭିନୟ କରିଥିଲେ । ଏହି ଫିଲ୍ମର ନିର୍ଦ୍ଦେଶନା ଭାର ଗ୍ରହଣ କରିଛନ୍ତି ଜାତୀୟପୁରସ୍କାର ପ୍ରାପ୍ତ ଅଭିନେତ୍ରୀ ତଥା ନିର୍ମାତା ରେବତୀ । ବିବାହ, ସମ୍ପର୍କ, ବିଶ୍ବାସଘାତକ ତଥା ପରକୀୟା ପ୍ରୀତିକୁ ନେଇ ଗତିଶୀଳ ଏହି ଫିଲ୍ମଟି ୮୦ ଦଶକରେ ବେଶ୍ ଚହଳ ସୃଷ୍ଟି କରିଥିଲା । ଏହି ଫିଲ୍ମରେ ସ୍ମିତା ପାଟିଲ୍ଙ୍କ ରୋଲରେ ଜ୍ୟାକି ଆସିବା ନେଇ ଖବର ରହିଥିବା ଅନ୍ୟାନ୍ୟ କଳାକାରମାନଙ୍କ ବିଷୟରେ ସବିଶେଷ ତଥ୍ୟ ମିଳିପାରିନାହିଁ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମାଳଦ୍ବୀପ ସରକାରଙ୍କ ପକ୍ଷରୁ ମାଳଦ୍ବୀପର ସର୍ବୋଚ୍ଚ ସମ୍ମାନରେ ସମ୍ମାନିତ କରାଯାଇଛି । ଆଜି ପ୍ରଧାନମନ୍ତ୍ରୀ ମୋଦି ନିଜର ଦୁଇ ଦିନିଆ ମାଳଦ୍ବୀପ ଗସ୍ତରେ ଯାଇଥିବା ବେଳେ ଏହି ଘୋଷଣା କରାଯାଇଛି । ମାଳଦ୍ବୀପର ସର୍ବୋଚ୍ଚ ସମ୍ମାନ ‘ନିଶାନ ଇଜ୍ଜୁଦ୍ଦେନ’ରେ ସମ୍ମାନରେ ମୋଦିଙ୍କୁ ସମ୍ମାନିତ କରିବା ପାଇଁ ନିଷ୍ପତ୍ତି ନେଇଛି । ମାଳଦ୍ବୀପ ରାଷ୍ଟ୍ରପତି ଏ ସମ୍ପର୍କରେ ଘୋଷଣା କରିଛନ୍ତି । ମୋଦିଙ୍କ ଏହି ଗସ୍ତ ସମୟରେ ଦୁଇ ରାଷ୍ଟ୍ର ମଧ୍ୟରେ ଅନେକ ଗୁରୁତ୍ବପୂର୍ଣ୍ଣ ଚୁ୍କ୍ତି ସ୍ବାକ୍ଷର ହେବାର ସମ୍ଭାବନା ରହିଛି । 2011 ପରେ ଦ୍ବିତୀୟ ପ୍ରଧାନମନ୍ତ୍ରୀ ଭାବରେ ମୋଦି ମାଳଦ୍ବୀପ ଗସ୍ତ କରିଛନ୍ତି ଏବଂ ଏହା ମୋଦିଙ୍କ ଦ୍ବିତୀୟ ପାଳିର ପ୍ରଥମ ବିଦେଶ ଗସ୍ତ ।
ଗୋଆ ବିମାନ ବନ୍ଦରରୁ ଉଡାଣ ଭରିବା ପରେ ନୌସେନାର ମିଗ୍ ୨୯କେ ବିମାନର ଡ୍ରପ ଟ୍ୟାଙ୍କ ଅଚାନକ ଖସି ପଡିବାରୁ ବିମାନ ବନ୍ଦରରେ ନିଆଁ ଲାଗିଛି। ଏହି ଘଟଣା ପରେ ବିମାନ ବନ୍ଦରରେ କିଛି ଘଣ୍ଟା ପାଇଁ ଉଡାଣ ବନ୍ଦ କରି ଦିଆଯାଇଛି। ଏହାପରେ ବିମାନର ଉଡାଣକୁ ରୋକି ଦିଆଯାଛି। ଭାରତୀୟ ନୌସେନାର ମୁଖପାତ୍ରଙ୍କ ଅନୁସାରେ ଏହି ଘଟଣା ପରେ ଗୋଆ ବିମାନ ବନ୍ଦରରେ ବିମାନର ସୂଚାର ରୂପେ ସଞ୍ଚାଳନ ପାଇଁ ଉଦ୍ୟମ କରାଯାଉଛି। ନୌସେନାର ମିଗ୍ ୨୯କେ ବିମାନ ସଂପୂର୍ଣ୍ଣ ଭାବେ ସୁରକ୍ଷିତ ଅଛି।
ବିଂଶ ଶତାବ୍ଦୀର ଦୁଇ ଦଶନ୍ଧି ଅତିକ୍ରମ କରିବାକୁ ବସିଥିଲେ ମଧ୍ୟ ଆଜି ବି ବାଲ୍ୟବିବାହ ଚାଲିଛି । ୟୁନିସେଫ୍ ତରଫରୁ ପ୍ରକାଶିତ ଏକ ରିପୋର୍ଟରୁ ଜଣାପଡିଛି ଯେ, ଦୁନିଆରେ ପ୍ରତି ପାଞ୍ଚଜଣରେ ଜଣେ ବାଲ୍ୟ ବିବାହ କରୁଛନ୍ତି, ଯାହାଙ୍କ ବୟସ ୧୫ ବର୍ଷ ବା ତା’ ତଳକୁ ରହିଛି । ୟୁନିସେଫ୍ ବାଲ୍ୟବିବାହକୁ ନେଇ ଏକ ବଡ ଖୁଲାସା କରିଛନ୍ତି । କମ୍ ବୟସରେ ବିବାହ କରୁଥିବାଙ୍କ ସଂଖ୍ୟା ରହିଛି ୨.୩ କୋଟି । ଏହି ରିପୋର୍ଟ ଅନୁସାରେ ବିଶ୍ବର ୮୨ଟି ଦେଶର ତଥ୍ୟକୁ ଗ୍ରହଣ କରାଯାଇଛି । ଏହି ଦେଶ ମଧ୍ୟରେ ସାହାରା ଆଫ୍ରିକା, ଲାଟିନ୍ ଆମେରିକା, କେରେବିୟାନ୍, ସାଉଥ୍ ଏସିଆ, ଇଷ୍ଟ ଏସିଫ ଓ ପାସିଫିକ୍ କ୍ଷେତ୍ର ରହିଛି । ୟୁନିସେଫ୍ର କାର୍ଯ୍ୟକାରୀ ନିର୍ଦ୍ଦେଶକଙ୍କ କହିବା ଅନୁସାରେ ବିବାହ ପରେ ପିଲାଳିଆମି ତଥା ପିଲାଳିଆ ସ୍ବଭାବ ଶେଷ ହୋଇଥଟାଏ । ଅତି ଛୋଟ ବୟସରୁ ପରିସ୍ଥିତିର ବୋଝ ସମ୍ଭାଳି…
ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଚିଠି ଲେଖି ଶାନ୍ତିର ପ୍ରସ୍ତାବ ଦେଇଛନ୍ତି । କାଶ୍ମୀର ସମସ୍ୟା ସହିତ ସମସ୍ତ ମତଭେଦ ଦୂର କରିବା ପାଇଁ ଭାରତ ସହିତ କଥାବାର୍ତ୍ତା କରିବାକୁ ଇଚ୍ଛୁକ ରହିଛନ୍ତି ପାକ୍ ପ୍ରଧାନମନ୍ତ୍ରୀ । ମୋଦିଙ୍କୁ ଜିତିବାର ଶୁଭେଚ୍ଛା ଜଣାଇବା ସହିତ ଏହି ପତ୍ରରେ ଦୁଇ ରାଷ୍ଟ୍ର ମଧ୍ୟରେ ଉତ୍ତମ ସଂପର୍କ ତଥା ଦୁଇ ରାଷ୍ଟ୍ରର ଏକତା ତଥା କ୍ଷତ୍ରୀୟ ବିକାଶ ପାଇଁ ମିଳିମିଶି କାର୍ଯ୍ୟ କରିବା ଜରୁରୀ ବୋଲି ଉଲ୍ଲେଖ ରହିଛି । ପୂର୍ବରୁ ଇମ୍ରାନ୍ ମଇ ୨୬ ତାରିଖରେ ମୋଦିଙ୍କୁ ନିର୍ବାଚନ ଜିତିବାର ଶୁଭେଚ୍ଛା ଜଣାଇବା ସହିତ ଦୁଇ ରାଷ୍ଟ୍ର ମଧ୍ୟରେ ଶାନ୍ତି ଓ ସୌହାର୍ଦ୍ଦ୍ୟ ସ୍ଥାପନା ତଥା ହିଂସା ଓ ଆତଙ୍କବାଦ ମୁକ୍ତ କରିବା ପାଇଁ ଅପିଲ୍ କରିଥିଲେ । ସେହିପରି ପାକ୍ ବୈଦେଶିକ ମନ୍ତ୍ରୀ ଶାହ ମେହମୁଦ କ୍ୟୁରେଶୀ ତାଙ୍କ ଭାରତୀୟ ପ୍ରତିପକ୍ଷ ଏସ. ଜୟଶଙ୍କରଙ୍କୁ ମଧ୍ୟ…
୨୦୦୭ର ସୁପରହିଟ୍ ଥ୍ରୀଲର ଫିଲ୍ମ ଭୁଲଭୁଲୈୟାର ସିକ୍ବେଲ ନିର୍ମିତ ହେବାକୁ ଯାଉଛି । ତିନି ଯୁବ ଅଭିନେତା ଭିକି କୌଶଲ, ଆୟୁଷ୍ମାନ ଖୁରାନା ଏବଂ ରାଜକୁମାର ରାଓ ଏହି ଫିଲ୍ମର ମୁଖ୍ୟ ଅଭିନେତା ଦୌଡରେ ଅଛନ୍ତି । ହାଉସ୍ଫୁଲ୍-୪ ର ନିର୍ଦ୍ଦେଶନା ଦେଉଥିବା ଫରହାଦ୍ ସାମ୍ଜୀ ଏହି ଫିଲ୍ମର କାହାଣୀ ଲେଖିବା ସହିତ ଏହାର ନିର୍ଦ୍ଦେଶନା ଦେଉଛନ୍ତି । ଫିଲ୍ମର ଅନ୍ୟ କଳାକାର ମନୋନୟନ ହୋଇନଥିଲେ ମଧ୍ୟ ମୁଖ୍ୟ ଅଭିନେତା ଦୌଡରେ ଏହି ତିନି ଅଭିନେତା ଆଗରେ ରହିଛନ୍ତି । ଏହି ତିନି ଅଭିନେତାଙ୍କ ସ୍କ୍ରିନ୍ ଟେଷ୍ଟ ଏବଂ ଲୁକ୍ ଟେଷ୍ଟ ପରେ ଅନ୍ତିମ ନିଷ୍ପତ୍ତି ନିଆଯିବ ବୋଲି ଜଣାପଡିଛି । ପ୍ରତ୍ୟେକ କଳାକାର ନିଜ ଫିଲ୍ମକୁ ବକ୍ସ ଅଫିସ୍ ସଫଳତା ପ୍ରଦାନ କରିଛନ୍ତି । ନିକଟରେ ଅକ୍ଷୟଙ୍କୁ ଏଲ୍ଓ ଏଲ୍ରୁ ରିପ୍ଲେସ୍ କରିଥିବାରୁ ଏହି ଭୂମିକା ପାଇଁ ଆଗୁଆ ରହିଛନ୍ତି ଭିକି କୌଶଲ୍ ।
କଲମ୍ବିଆ ସହିତ ରହିଥିବା ଭେନେଜୁଏଲା ସୀମାକୁ ଆଂଶିକ ଭାବରେ ଖୋଲିଛି ଭେନେଜୁଏଲା । ଭେନେଜୁଏଲା ରାଷ୍ଟ୍ରପତି ନିକୋଲାସ ମଡୁରୋ ଶୁକ୍ରବାର କଲମ୍ବିଆ ସୀମାକୁ ଆଂଶିକ ଭାବରେ ଖୋଲିବାର ନିଷ୍ପତ୍ତି ନେଇଛନ୍ତି । ସାମରିକ ଅସ୍ଥିରତା ପାଇଁ ଗତ ଫେବୃୟାରୀ ମାସରେ ଏହି ସୀମାକୁ ବନ୍ଦ କରିବାର ନିଷ୍ପତ୍ତି ନେଇଥିଲେ ଭେନେଜୁଏଲା ସରକାର । ବିପକ୍ଷ ନେତା ଜୁଆନ୍ ଗୁଆଡିଓ ଆମେରିକାରୁ ସହାୟତା ଆଣିବା ପାଇଁ ପ୍ରତିଶ୍ରୁତି ପ୍ରଦାନ କରିବା ପରେ ଏହି ରାସ୍ତା ଖୋଲାଯାଇଛି । ଗତ ମାସରେ ଭେନେଜୁଏଲା ସରକାର ବ୍ରାଜିଲ ଏବଂ ଅରୁବା ଦ୍ବୀପପୁଞ୍ଜ ସହିତ ଏହାର ସୀମାକୁ ଖୋଲିଥିଲା । ବ୍ରାଜିଲ ନିଜ ତରଫରୁ ସୀମାର ରାସ୍ତା ଖୋଲିଥିବା ବେଳେ ଅରୁବା ଦ୍ବୀପପୁଞ୍ଜ ପକ୍ଷରୁ ସୀମାକୁ ବନ୍ଦ ରଖାଯାଇଛି ।
ଦିଲ୍ଲୀର ଫରିଦାବାଦ୍ସ୍ଥିତ ଏକ ପ୍ରାଇଭେଟ୍ ସ୍କୁଲରେ ନିଆଁ ଲାଗିଯାଇ ୩ଜଣଙ୍କ ମୃତ୍ୟୁ ଘଟିଛି । ଏଥିରେ ଦୁଇଜଣ ଶିଶୁ ଅଛନ୍ତି । ଆଉ ଦୁଇଜଣଙ୍କ ଅବସ୍ଥା ମଧ୍ୟ ବେଶ୍ ଗମ୍ଭୀର ରହିଛି । ମୃତକଙ୍କ ମଧ୍ୟରେ ଜଣେ ମହିଳା ରହିଛନ୍ତି । ନିକଟରେ ଗୁଜୁରାଟର ସୁରଟରେ ଏକ କୋଚିଂ ସେଣ୍ଟରରେ ନିଆଁ ଲାଗି ୨୨ ଜଣ ମୃତ୍ୟୁବରଣ କରିଥିଲେ । ତେବେ ଅଗ୍ନିକାଣ୍ଡର କାରଣ ସମ୍ପର୍କରେ ଏପର୍ଯ୍ୟନ୍ତ କିଛି ସୁରାକ୍ ମିଳିପାରିନାହିଁ । ନିକଟ ଅତୀତରେ ଦିଲ୍ଲୀଠାରେ ଅଗ୍ନିକାଣ୍ଡ ଘଟଣା ବହୁଳ ଭାବେ ଦେଖାଯାଇଛି । ଫରିଦାବାଦସ୍ଥିତ ଏକ କପଡ଼ା ଗୋଦାମରେ ମଧ୍ୟ ଅଗ୍ନିକାଣ୍ଡ ଘଟି ବହୁ ସମ୍ପତ୍ତି କ୍ଷତି ହୋଇଛି । ଅଗ୍ନିସୁରକ୍ଷା ପାଇଁ ପ୍ରତ୍ୟେକ ହୋଟେଲ୍, ମଲ୍, ହସ୍ପିଟାଲ୍ ଓ ବିଦ୍ୟାଳୟଗୁଡ଼ିକୁ ଅଧିକ ଯାଞ୍ଚ ନିରୀକ୍ଷଣ କରିବା ଉଚିତ୍ ।